Sumario. La Ratonera.

Transcripción

1

2 Sumario La Ratonera Revista asturiana de teatro Nº 17. Mayo de 2006 Consejo de Dirección Roberto Corte, Francisco Díaz- Faes, Pedro Lanza, Boni Ortiz Edita ORIS Teatro Av de La Vega 67, 2º El Entrego (Asturias) Teléfono: Recepción de artículos y correspondencia Av de Portugal 9, 3º D Gijón (Asturias) redaccion@la-ratonera.net Correctores Eva Vallines Henrique Facuriella Diseño y maquetación Pedro Lanza ISSN Dep. Legal: AS Impresión: Ápel (Gijón) 3 Editorial: Un allegamientu antolóxicu 4 Boadella torna. Eva Legazpi 9 De la xestión pública y el teatru. José Miguel Díaz García 10 Asturies: trayectu avezáu por Gatti. Miguel Ángel López 13 Entrevista con Pilar Murillo. José Martínez 16 El teatru n asturiano d anguaño. Chechu García 21 Testos: Esbilla d autores asturianos. Reciella Malory 83 Testu: Revuelta n Asturies. Albert Camus 105 Mirad. Nacho Ortega y Mayra Fernández 111 A solas con Marilyn. Eva Vallines 112 En la muerte de Martín Iniesta. José Luis Campal 113 Arsenio González 114 Konjuro Teatro: mitos del siglo XX. Roberto Corte 117 La muerte de Arango. Jesús Mª Prieto 118 V Encuentro Mujeres en Escena. Ana Eva Guerra 124 Roncalli, la magia del duende. Francisco Martín Medrano 128 Libros y revistas

3 Editorial Un allegamientu antolóxicu Fai años dedicábamos un númberu al teatru n asturianu. Separtábemoslu del otru teatru en castellanu non por facer la consideranza de ser un especime en peligru de desaniciu que mereciere un compartimientu estancu, sinón porque, col nuestru pesar más fondu, pecíanos que quedara llancáu nunos moldes estéticos de representación avieyaos y probes. Anguaño, darréu de cuatro años, coincidiendo con que la 27 Selmana de les Lletres que celebra la Conseyería de Cultura Comunicación Social y Turismu n Asturies va dedicada al teatru teatru a escena. cuatro sieglos nel actu, volvemos a toma-y el pulsu pa confirmar les variantes de montaxe y adaptación, pero de forma perclara, nun podemos más que concluir casi nos mesmos resultaos. los grupos y nomes tradicionales añadiéronse otres A producciones y nomes colos mesmos enfotos, que sorrayen el costumismu con dalguna variante d interés, como ye l casu de Carmen Duarte, que se suma a los autores conocíos pa da-y seguranza al futuru d un xéneru que mantién l apoyu del públicu de más edá. Presentáronse dos clásicos en formatu profesional, Ricardu l terceru de Shakespeare por Bacanal Teatru y, más apocayá Xulia, de Strindberg, pol grupu Margen, traducíos del repertoriu internacional, y los monólogos o pieces curties de Chechu García o Adolfo Camilo Díaz, pero la presencia regular del nuevu teatru n asturianu d autor vivu sigue ensin surdir. Quiciabes ye porque l gremiu profesional tovía nun ta pol llabor, y igual tamién porque la formación y reciclaxe d autores más alloñaos de los escenarios y de los grupos de poder que quien lo fai en castellanu- ye una asignatura pendiente cuando lo que se quier ye afirmar les sos posibilidaes. Lo mesmo qu ocurre cola edición de los testos, de los que la so apaición s ufierta de manera fortuita y en menor cantidá que n años anteriores. Quiximos sacar un númberu que fuere representativu del camín que sigue l nuestru teatru no tocante a la creación, y con cuentes d ello ayudámosnos cola insustituyible ayuda de la tertulia lliteraria Reciella Malory, qu axuntó los sos esfuerzos a La Ratonera col envís de sacar a una l antoloxía de testos dramáticos curtios que-yos pruyía publicar. Ufiértase asina a los nuestros llectores un allegamientu enforma completo de los autores que tán n activo y utilicen l asturianu nes sos creaciones de mou natural. Tamién contamos cola collaboración de Milio Rodríguez Cueto pa traducir la pieza d Albert Camus Révolte dans les Asturies, recuperando pa la nuestra llingua una obra que gana atractivu abondo por tratase d una creación colectiva sobre ún de los fitos de la nuestra historia contemporánea, la revolución del 34. La versión final de la Révolte salió de les manes d esti mozu franco-arxelinu qu acabaría algamando l premiu Nóbel nel 1957, y a la llarga diba convertise nún de los escritores de mayor trescendencia social na lliteratura del sieglu XX. Arriendes d ello, como complementu a tou esti material, la Oficina de Política Llingüística del Principáu d Asturies, contando col desprendimientu de toles persones implicaes na grabación, técnicos y actores, dexónos añadir a la revista un DVD col aquel de rescatar del escaezu una representación de Gasolina con capullos. Obra de Chechu García y Roberto Corte qu obtuvo l premiu de teatru de l Academia de la Llingua nel 2001, montada darréu pol grupu Barataria y qu algamó cinco galardones Asturies de les Artes Escéniques, siendo nominada nel 2002 como espectáculu revelación a los premios Max. La grabación f íxose en directo demientres una representación nel conceyu de Corvera. Nun habiendo sío quien a da-y la merecida atención daquella, facémoslo agora con esta filmación pa que l llector convertíu n espectador pa la ocasión pueda ameritala no que val. 3

4 4 Boadella torna Eva Legazpi Una torna en catalán ye como un pagu n especie, un complementu, y úsase davezu en plural. Y en plural tuvo llugar, en 1974, la execución de les dos últimes víctimes del garrote vil de la dictadura franquista: Salvador Puig Antic, anarquista, y Heinz Chez, supuestamente apátrida y ensin familia. Dos muertes que saldaben la cuenta pol asesinatu del presidente del Gobiernu Luis Carrero Blanco por parte d eta. Sobre l procesu nel que se decidió la execución de Chez, Els Joglars entamaron La Torna, un taragañu voraz nes coraes d un réxime casi desaniciáu que llevó a los sos creadores ante un conseyu de guerra y darréu a la cárcel y l exiliu. L espolín que supunxeron na España de 1977 aquelles cuarenta representaciones de La Torna entainó l pulsu democrático y desenmazcaró al estamentu militar que la calificó como obra maestra de la inxuria y materialización de la ofiensa. Casi 30 años depués, Albert Boadella encaróse a una reestrena que facía falta, frente por frente col pasáu. Delles preguntes yá tienen respuesta y anguaño sábese que Chez yera en realidá un alemán llamáu Georg Welzel que tenía muyer y dos fíos. Otros camudaron en símbolos, como nun xuegu de palabres, en La Torna de la Torna. Usté tien dicho dalguna vez que l home de teatru debe ser catalizador de les necesidaes del espectador, Por qué decidió volver a estrenar La Torna de la Torna? El noventa por cientu del teatru que fai nel mundu ye de repertoriu; coses que pasaron fai 400 ó 2400 años. Asina, consideré que como La Torna yera una obra que trataba un tema inda d anguaño paecióme necesaria la reestrena pero lo que más m enguizó fueron les investigaciones d un periodista valencianu, Raúl M. Riebenbauer, qu escribió un llibru sobre ello tituláu El Silenciu de Georg y lo que descubrió amosóme qu aquello, que me paeció un churru del franquismu, güei confírmase como un crime d estáu. Qué-y fizo crear La Torna orixinal? Foi por una impresión que quedara aletargada nel mio maxín depués de la execución d Heinz Chez y Salvador Puig Antic y cuando m abultó que yera l momentu. Como esta execución foi no cabero del franquismu y n España yá se ficieren les primeres elecciones democrátiques, quixi espresar lo que sentía y comunica-y al públicu lo que fuera aquel crime d estáu, aquella chambonada. Nel mundu del teatru, en toles artes, la respuesta del artista nun vien darréu sinón qu hai un tiempu nel qu aquella impresión queda llantada nun llugar de la mente y va fervollando hasta que ves que llega l momentu. Ye importante que los artistes avecen a perfiar na intuición, más que forzar la mente o tratar d imponese delles coses a si mesmos. Sentí una necesidá vital que pertenecía al mundu de la intuición y non al de la razón. Si llego a mirar el Códigu Militar nun lo faigo. Qué siente cuando revive les diferencies ente aquella dómina na qu implicase yera casi de suicida y la d anguaño, na que nun rincha nada qu intenten instrumentalizar les sos declaraciones dende llaos políticos opuestos dafechu? Nesti momentu les coses son enforma rares porque pasé de ser ún d ellos anque nuna llinia non mui nacionalista pero sí tolerante col catalanismu y estes coses, a tar de toes toes a la escontra. Pasé de ser, non un héroe pero sí un referente nun tiempu, a ser un traidor. Esti, ye un destín avezáu ente artistes, intelectuales, escritores. L artista tien una función terapéutica que ye la de la restitución de lo que los políticos creen la verdá de les coses. Cuando un país nun tien artistes nin intelectuales que restituyan esti puntu de veracidá, el país amalica fácilmente. Los artistes somos como los anticuerpos de posibles andancies y cuando ún se llanta nesa posición d anticuerpu, como minoritariu, empieza a recibir los palos de l argayu viricu. Col tiempu, la decepción ante lo qu ún camentó que diba ser d otra forma y los errores en dellos plantegamientos volviéronme más radical. Pienso en que me queden menos años de vida y nun tengo por qué reprimime nin autocensurame. Fuera de Cataluña almírase-y incondicionalmente, ensin embargo equí cuestiónase-y cada paso que da Tien la sensación de nun ser profeta en casa? Cataluña ye un territoriu abondo inseguru y por eso s envizca nel nacionalismu. Cuando se producen estos impulsos conviértese Albert Boadella nuna sociedá cainita que va tres la destrucción de tolo que-yos pue solliñar la so inseguranza. Esto nun ye nuevo. Equí tiense esprecetao escontra l meyor escritor que tuvo nunca la llingua catalana que ye Josep Pla y tamién al artista español más importante y famo- 5

5 6 su del sieglu XX el mundu: Dalí. Ódiase a Dalí. Ta d alcuerdu con esa tendencia catalana a otorga-y la representatividá esclusiva a un únicu protagonista? Equí siempre tien qu haber ún de cada cosa. Cataluña pa defendese de la so paranoya tien una necesidá simbólica y sentimental mui alta. Daveres me paez que Cataluña ye un territoriu enfermu, padez una enfermedá na so comunidá. De la mesma manera que n Alemaña un día cayó nel allorie del nazismu. La gran oportunidá de la historia de Cataluña foi demientres la Transición que significó l reconocimientu d unes determinaes peculiaridaes como etnia y se-y facilitó un estatutu siempre que fuera lleal cola Constitución. Daquella la xente sentía almiración por Cataluña porque pensaben que yera un poco motor d España y la rexón más internacional. Pero perdió la so oportunidá y en vez de collaborar col estáu vuelve a llantar les pantasmes del pasáu, fabrica un virus pa esparder un andar per tola población y llanta una paranoya escontra l resto d España. Cómo se defende de los quey acusen de practicar l autoodiu nel so camín cívico- políticu? Los qu afalen too siguío l odiu a cualquier cosa qu arrecienda a español, son ellos. Un exemplu ye que se volvieron toos anti-taurinos cuando Barcelona yera la plaza más taurina de los años 50. Cualquier cosa que tenga que ver con España recíbese mal. Qué interés s escuende tres d ello? Gobernar cola política de los sentimientos en vez de cola de la razón ye una forma fantástica de gobernar porque nunca son los políticos los responsables de nada sinón los canalles d España que nun dexen que se llegue más lloñe. Ésta ye la realidá de Cataluña y yo yá me remonté escontra eso. Encaréme a la mio propia tribu diciéndo-y que ta enferma. Trato de dici-yos que se volvieron paranoicos y que los enemigos que ven en realidá son lo contrario porque l meyor negociu de los catalanes ye invertir n España cultural, económica y cívicamente. Tienen daqué razón entós les reacciones qu amenen col boicó a los productos catalanes? El desequilibriu que planteó Cataluña al resto d España provocó actitúes desaxeraes pero hai que ver d ónde parte la responsabilidá y nesti casu paezme que ye sobre manera de los catalanes. El boicó ye una babayada porque si lo que ye, ye que tán escontra de los privilexos d un territoriu, al facer el boicó sorrayen una nueva escepcionalidá d esi territoriu. Nun hai qu escaecer que l llibre mercáu ye esto. El resto de los españoles tien tol derechu a retirar les sos llibretes de La Caixa o de non consumir cava. Amás, hai una parte de cava malísimo colo que diben aforrar gastritis. El problema de dalguién desequilibráu ye que munches veces t obliga a entrar nel so xuegu. El montaxe de La Torna de La Torna alluga a los personaxes protagonistes nun xeriátricu nel que conviven, en daqué forma, coles pantasmes del pasáu. Ye esta la so visión sobre los caberos rabotazos de la dictadura? La idea ye pensar qu aquello, si ye que nun ta dafechamente desaniciao, ta na UVI. Nun tien vuelta posible nin tampoco tien herederos, ni, siquiera nel Partíu Popular. Ye l desaniciu d un mundu que tuvo una escomanada responsabilidá nos aconteceres del nuestru país y tamién una enorme prepotencia. Nel casu de La Torna de La Torna tratábase de separtala d una obra que les nueves xeneraciones nin vivieron nin conocieron, por eso quixi facela más didáctica y non tan críptica como la que-y precedió, na que, ya dende la primer escena, entendíense dafechu una riestra de coses arreyaes al franquismu. La Torna, colos años, paezme una obra de mocedá que me presta y me recuerda 7

6 8 qué coses facía yo fai casi 30 años. Dalguién dixo que tenía la llexítima inxusticia de la xuventú porque metí na mesma goxa a víctimes y a verdugos, a militares y guardies civiles caún con diferente responsabilidá, etc., pero nun quixi retocala demasiao y respeté coses que güei igual nun metería, nin coles que toi d alcuerdo. Amás anguaño pue vese tal como foi y un Shakespeare non. La escandalera que supunxo La Torna llevó-y a protagonizar un conseyu de guerra y una fuga espectacular pa la qu usó tol so potencial d actor. Desvirtúen estos detalles la seriedá del casu? Foi un casu enforma afalador que nun tuvo tratáu con procuru yá que los medios de comunicación se perdieron na anécdota. Foi perimportante na transición porque retrató mui bien a la sociedá: la incompetencia de la clase política y el mieu fondu que daben los militares. Y al mesmu tiempu foi l anuncia de l actitú de los militares frente a lo que diba ser el viniente 23 F. Yera daveres consciente de les consecuencies que podía traey y de que taba llantando un precedente? Abultóme que podría haber una prohibición pero enxamás imaxiné que me diba llevar delantre d un conseyu de guerra y a la cárcel. Tuvi qu exiliame porque taba nel epicentru del furacán militar. Taben enforma cabreaos pola llegalización del Partíu Comunista y yeren abondo peligrosos porque nun se sabía cómo diben reaccionar. De sabelo, La Torna diba haber sío bien distinta. Cómo s enfrenta casi trenta años depués a que los sos propios compañeros reivindiquen la coautoría de La Torna? Delles vegaes la xente cola que más xenerosa yes remóntasete con mayor ferocidá. Abúltame que ye parte del común de les acciones humanes. Dalgunos foron alumnos míos y yo enseñáralos a cruzar l escenariu. Supongo que nun momentu concretu sintiéronse imprescindibles y como l teatru ye un arte colectivu pensaron que taben nes mesmes condiciones profesionales que yo. Por muncho que se duelgan, La Torna fícila yo. Como autor propúnxila y llevé les sos escenes hasta l final. Ellos colos sos personaxes y los sos trabayos d improvisación aportaron asgaya porque l actor nun ye un muñecu que l director mueve según-y paez y tien daqué personalidá qu afecta a la escena. Nunyos quito nin la calidá profesional, nin la importancia de los actores na representación de la obra pero enxamás habrá conciliación porque me paez que ye d aprovechaos y una cuestión de revancha. Aquel equipu nun funcionaba bien nin yo trabayaba a gusto con ellos. Yá daquella decidí prescindir d ellos y, viéndose desahuciaos, pensaron que yo destruyera l so futuru profesional. Si la obra se llega a facer cola xente cola que trabayo agora y cola que llevo más de 25 años- el casu de La Torna sedría enforma distinto. Cuando fuxí de la cárcel los que taben llibres podíen habeme siguío a Francia y entamar una xira per Europa. En cuantes que tuvimos al exércitu español en la picota perdimos la batalla. Pue ser ún tresgresor anguaño? Siempre ye posible tresgredir. Otra cosa ye qu esa tresgresión tenga mayor o menor fondura según la dómina. Aguaño la xente tien la pelleya más duro. Tán avezaos a ver execuciones casi en directo y poro, lo qu ún faiga nel teatru nun trescala tanto. Tresgredir ye encarase a una corriente mayoritaria o a lo menos representativa del poder. Lo importante nun ye sólo l conteníu sinón la manera. L arte del teatru ye la manera del cómo amosalo. Nun fai falta ponese en porrica pa ser tresgresor. En qué ta Els Joglars trabayando agora? El proyectu que tengo darréu ye folgala unos mesinos. Nun llugar de Manhattan yá ta en Madrid y vendrá depués a Barcelona para siguir la xira pel resto d España. De la xestión pública y el teatru José Miguel Díaz García Pa entamar y según me paez, tamos nun tiempu difícil y delicáu nel mundu de la escena asturiana. Tenemos que permediar ente les formas de xestión del pasáu y lo que pide l presente. Ye verdá qu abonda xente d estremaes xeneraciones tien un estensu currículu nel campu de la escena asturiana, o nos ámbitos de lo cultural en xeneral; cuando pola so formación, cuando poles sos actividaes lliteraries, pola so actividá político/cultural de resistencia nel tiempu de la dictadura y la transición, polos sos entamos n ateneos, asociaciones culturales, grupos de teatru, centros d enseñanza, etc. Too ello desarrollao nun contestu onde, de forma xeneral, lo principal foi l conteníu y non les formes. La exa d actuación política pal teatru sofitóse sobre manera en afalar l actividá escénica ensin mirar especialmente pola consolidación de bases estructurales sólides dende lo público. Exemplos de lo negativo: L itae, dotaciones na rede de teatros públicos d Asturies, inesistencia de teatros privaos, tratamientu informativu de los fechos teatrales en medios de comunicación; de lo positivo: l altísimu númberu de compañíes de teatru profesional y amateur, la esistencia de cuatro entidaes que defenden intereses colectivos (Sindicatu Unión d Actores, Asociación de Compañíes Profesionales de Teatru, Asociación de Profesionales de la Danza, Federación de Teatru Amateur), la Escuela Oficial d Artes Escéniques (esad), la medrada ufierta pal públicu infantil. Güei pue facese una reflexón sobre qué política llevar alantre pal teatru y la danza y cómo hai que l aplicar nel casu asturianu. Nun voi facer nenguna valoración sobre cuestiones de conteníu por tres razones: nun me considero capacitáu, nin el más indicáu por ser parte, y por que m abulta que los problemes de la escena asturiana ígüense meyorando les formes de xestión no formal (o pela forma), y non faciendo xuicios de valor sobre quien la xestiona. Ye tiempu de que l protagonismu de la otra transición na xestión cultural pase peles entidaes que representen a colectivos. Cónstame que la comunicación ente la xente de teatru aumenta descomanadamente, y eso pide a los que tomen decisiones qu afecten a tol sector, muncho procuru coles formes. Quier dicir amosar especial sensibilidá en toles relaciones qu haya alredor de lo público ; los que tan obligaos a esparder fechos escénicos coles sos programaciones, y lo privao ; los creadores/artistes que faen actividaes productives coles sos compañíes. La representatividá del sector nesos ámbitos políticos debe tar condicionada pola propia naturaleza d esa actividá. Asina, esíxese independencia, responsabilidá, lluz y taquígrafu a la figura del programador o a los órganos que cumplan esi llabor; y poro convién solliñar la incompatibilidá pa cualquier relación de tipu alministrativo coles compañíes, mientres desempeñen esos llabores nos ámbitos de lo público. Nun quita pa que la representación del sector, tenga presencia nos ámbitos superiores de xestión política onde se tomen decisiones sobre proyectos, normatives o procedimientos d aplicación. Si ye l casu de participar en procesos selectivos debería cedese la representación a dalguién que nun tenga relación col oxetu de dichu procesu. 9

7 10 Asturies: trayectu avezáu por Gatti Miguel Ángel López Vázquez Si ye que se trata de presentar a Gatti nun nos queda otra que facelo como se fai con un creador completu (dramaturgo, cineasta, periodista y sobre too poeta), malapenes conocíu nel nuestru país, y na nuestra comunidá autónoma en concreto; Asturies, especialmente la de la mina y los sos homes, tien una delda que saldar, na mio opinión, con esti artista que conoció, anque dende lloñe en la distancia, los problemes de la nuestra xente, d aquellos emigraos, exiliaos políticos que sobrevivíen en Toulouse y al traviés d ellos, a los mineros que continuaben el so particular llucha n España, manteniendo aquelles llarguísimes fuelgues de los años sesenta que la dictadura franquista trataba de reprimir manu militari. Ye daquella, de la qu aquellos emigraos, dellos asturianos, convencieron al Gatti autor y director teatral, pa que creara una obra y la punxera n escena con cuentes de recaudar fondos qu ayudaren a la resistencia nes mines d Asturies y foi xustamente con esta obra, cola que Gatti volvióse célebre. En 1966, La Pasión del General Franco, asina titulábase la pieza, ocasionó una crisis diplomática ente l gobiernu francés, siendo l so Presidente De Gaulle, y el de la España franquista, qu obligó a Gatti a cambiar el primer títulu pol de La Pasión en Violeta, Mariellu y Roxu, y masque lo fixo asina la obra foi prohibida en Francia nel añu Gatti siéntese entós desengañáu pero nun se rinde y decide esiliase n Alemaña y refacer la obra; la nueva versión va titulase La Pasión del General Franco por los emigrantes mismos y va ser estrenada, n Alemaña, nunos almacenes, con una fiestona na que los emigrantes españoles van ximelgar les sos banderes. La obra acaba con estes palabres:...vengáis d onde vengáis, esti ye l vuestru país que vos acueye. Bienveníos camaraes exiliaos. Tuvieron que pasar bien d años pa que Gatti visitare Asturies (Congresu de Profesores de Francés de la Universidá Española en Mayu del 2004), que yá nun ye la d entós, pero que tien memoria del so pasáu, y conoció aquellos llugares citaos polos sos personaxes: Mieres, La Manzaneda, La Felguera, Sama, Trubia no dexa de ser sorprendente que volviera cuando inda nun pasó un añu de la so cabera u única visita. Yá ye casualidá! Sedrá namás una coincidencia que n otra de les sos obres de teatru, esista un personaxe, llamáu el gaiteru un mineru asturianu y qu ún de los espacios creaos se llame La Commune Asturienne? Sedrá tamién una coincidencia que s alcuentre nel Principáu d Asturies (que nun se nos escaeza que somos una monarquía) y que naciera n otru Principáu, el de Mónaco, nel xustu momentu nel que l cañón empezó a tronar para festexar a la patrona y que por cuenta del sustu, so ma, Laetitia Gatti, hubiera-y pario na cai? Ensin dulda dala pensó nel so home, Auguste Gatti, creyendo que se trataba d un actu anarquista. Ye de plasmu descubrir qu ún de los sos compañeros d andares, Jean Cavaillès, filósofu, matemáticu, resistente y sobre too home d acción, executáu y enterráu n Arres en 1944, nuna tumba, con una cruz de madera inscrita con L inconnu nº5, al que Gatti dedicó delles obres fuera l responsable de la rede de la resistencia llamada Cohors-Asturies. Cuantísimes coincidencies xunen a esti xenial poeta con Asturies! Toes lu arreyen a la nuestra rexón! Fai yá tiempu dende que, a finales de los sesenta, escribió La Passion du General Franco; la espera pagó la pena y agora en presente somos a observar la so gastada chupa de cueru, que nel pasáu perteneció a Durruti y que, la casualidá, llevó hasta l mesmu Gatti. Pero la relación de Gatti con España nun queda namás n Asturies y a la Pasión, en 1969 fixo un llargumetraxe pa la televisión de Stuttgard Le Passage de L Èbre, llueu escribió La Colonne Durruti sobre la muerte del anarquista español Buenaventura Durruti de mientres la batalla de Madrid y fai poco más de 2 años, Michel Seonnet y Stéphane Gatti, montaron una esposición, en París, sobre Gatti col títulu Les voyages de D. Quichotte. El Quijote, referencia política y ética pa revolucionarios como Durruti, Blanqui, Nietzsche o l mesmu Gatti, que tenía como nomatu nel maquis xustamente Donqui, abreviatura de Don Quichotte. En 1987 Gatti allúgase definitivamente en Francia, más concretamente en Montreuil (París) au va crear a comuña col so amigu Jean-Jacques Hocquard La Parole Errante o como se suel tamién llamar La maison de L arbre, que va devenir nun llugar de creación, de llibertá, un llugar de busca y d investigación que como l mesmu Gatti diz:... una universidá de los desheredaos, pa tolos que tienen toa una cultura por inventar. Equí va fixar la so residencia, esti octoxenariu d espíritu fresco, nel que to ye aventura, compromisu y xenerosidá, que nun parará nin un Armand Gatti solo instante de trabayar: proyectos, escritos, llectures públiques, viaxes En tou esti tiempu enfótase nestes aventures y otres, renunciando a los actores profesionales y faciendo proyectos colos qu él llama los sos loulous, mozos marxinaos, presos, paraos, drogadictos, colos qu al final de cada proyectu 11

8 Entrevista con Pilar Murillo 12 fai un curtiu, un videu, una obra de teatru, pero Gatti quier dexar claro que nun ye un asistente social y la so única intención ye facer una guerra civil de les palabres con cuentes de conquistar el mundu pente medies d elles y asina lo afita: Lo único que m interesa ye la escritura. Y darréu d ella l placer del esfuerzu. El llinguaxe y les preocupaciones artístiques motiven muncho más la esperiencia que la solución d un problema social, seya lo que seya. De lo que nosotros andamos detrás ye de lo social, ye de la revolución. La braera revolución ye la de la palabra. Yo xubo l nivel p arrincar a los mios hermanos el llinguaxe probetayu al que los condenó la sociedá. El dominiu de les palabres ye subversión y insolencia 1, y asina en 1989 celebra l bicentenariu de la Revolución na cárcel de Fleury-Mérogis, creando colos presos Les combats du jour et de la nuit à la maison d arrêt de Fleury-Mérogis; en Marsella crea Cinécadre de l esplanade Loreto con un grupu de mozos en periodu de reinserción, darréu vien Avignon, Strasbourg, Sarcelles, Montbeliard, etc. En toes estes aventures Gatti va fala-yos del probabilismu frente al determinismu, de la física cuántica, de la teoría de grupos, de la xeometría, d Auguste Blanqui, d Evariste Galois, de Niels Bohr, de Michaux, de Jean Cavaillès, de Durruti, de Rimbaud y de tantos otros científicos, filósofos, poetes, matemáticos, colos que Gatti diz afitar un diálogu continuu. Nun podemos escaecer ún de los acontecimientos más importantes dientro de la so vida y de la so obra, trátase de la publicación en 1999 de La Parole Errante, n Ediciones Verdier, llibru de 1758 páxines en papel de biblia, qu inda ta por traducir nel nuestru país y onde Gatti fainos querer y cuestionar el mundu, el sieglu, l universu y onde nos narra poéticamente, ensin complexos, faciendo una resquiebra total de la temporalidá, que ye l so trayecto hasta anguaño. Gatti tornó a la nuestra Asturies y tuvo la oportunidá de volver al pasáu, al so pasáu, que nesti casu tamién ye l nuestru y que nun dexa de ser el so presente y nosotros tuvimos l honor, de ver, otra vez más, n acción, a esti poeta dramáticu, a esti combatiente, a esti gran amigu de toos pal que lluchar y escribir cuayen na palabra porque conoz dende la neñez la so fuerza lliberadora. 1 Faber, C; La poésie de L étoile, Paris, Descartes and Cie, José Martínez Pilar Murillo llevó l premiu al meyor testu teatral del añu 2005 na Gala del Teatru Asturianu acabante de pasar pola so obra La escultura. Un monólogu nel qu una artista plástica que nos años 60 pasara los sos meyores momentos incluyíu l amor, cuenta la so historia en plenu tiempu de los hippies. Ye un monólogu que da calce a los recuerdos, los sentimientos, les pasiones y que presenta un final de plasmu. Pilar Murillo (Avilés 1967), lleva dellos años dedicada dafechu al mundu del teatru como directora y creadora del grupu La Diosa del Sarcasmo, y ye autora de varies obras (Trauma, Gracias Claudia, La Mansión, Faustina, Les Cartes ), tanto en castellanu como n asturianu. Conocíla de forma chocante a traviés del cine porque tien fechos y estrenaos dos cortos (Staying Alive y Cruce de obsesiones) cuando foi la invitada de Canal 6, la televisión local avilesina na que trabayaba daquella (2001) nun programa sobre cineastes asturianos que presentaba otra actriz arreyada al teatru asturianu: Vanesa Toledano. Dende entós vien dedicándose n esclusiva a la dirección teatral y a escribir teatru. El premiu a La escultura como meyor testu teatral del añu pasáu dau pol mundu del teatru asturianu, qué representó pa la so carrera? Afitar tovía más el mio amor a la creación escénica, recoyer los frutos semaos dientro del corazón qu anque estos sentimientos nun me dan de comer, sí que m ayuden a vivir. Por qué cree que llevó l premiu, qué ye lo que-y valoraron? Prestábame creer que porque topé la fórmula pa engatar la sensibilidá de la mayoría de los espectadores, por contar una historia onde pela primer vez recreo momentos históricos y políticos y paezme qu esta obra que de mano foi un monologuín, di-y tiempu, tratéla con procuru y tien perbien fechu l filu argumental. Ye verdá qu interiormente pienso que foi muncha suerte, nun escaezo a los demás nominaos que conozo y de los qu almiro l so trabayu. Imaxino que tuvo qu abulta-yos difícil pa los mios colegues dar esti votu Sonia Santos en La escultura. pero asina demuéstrenme que munchos d ellos tiénenme ciñu, aprecien el mio trabayu y dellos vieron La escultura, otros igual dalguna de les mios otres obres y nun me queda más qu agradecer esa confianza. Dende l so puntu de vista ye lo meyor qu escribisti hasta agora? Yo creo que lo meyor escrito que tengo ye siempre lo último no que toi trabayando, siempre que lo escriba porque me sal de dientro, non porque dalguién me suxer un tema. Ensin embargu La escultura ta demostrando la mio 13

9 14 madurez na escritura y ta perbien representada por Sonia Santos, a la que tengo muncho respetu como actriz y de la que valoro enforma l trabayu que fizo equí, teniendo en cuenta que se caracteriza d una muyer que-y dobla la edá. Nun hai dulda de que tar a lo llargo d una hora y diez contando una historia y cambiando continuamente d estaos d ánimu ensin baxar el nivel ye p almirar. N Asturies hai mui bones actrices, hai dives que se creen que yá lo saben too y hai xente que quier ser actriz y nunca nun lo va ser. Sonia ta dientro de les bones. Saúl Fernández, un periodista y gran amigu tuyu, díxome que La escultura yera l mio meyor montaxe. Nesi momentu mancóme por coses del pasáu, pero nun hai dulda de que Saúl tien razón. Aquel pasáu foi un gran montaxe, pero La escultura ye l meyor, (hasta agora) y débo-y en parte a les persones que s aventuraron a trabayar nesta historia tan guapa. Margarita Rodríguez, una directora de la que pue aprendese namás con una mirada o una palabra y nun pueo facer comparanza nenguna con nadie, porque como dixi otres vegaes, les comparances son odioses. Pero siento como que crecí no tocante a la dirección, anque siento que quiero aprender más coses con ella. El trabayu como yá dixi foi duro abondo polo que trai de la mano una responsabilidá como ye tar una persona delantre del públicu, ensin descansos y contando una historia, eso sí, colos sos silencios. El resultáu foi un espectáculu tan guapu, qu a Sonia la nominaron como meyor intérprete femenina y a mi diéronme un premiu pol testu. Siento un fondu respetu por caúna de les persones que tuvieron conmigo y comprendiéronme, incluso respetu al loru que nunca me comprendió y se quexaba too siguío. (Sorríe.) Amestar la escritura d obres de teatru cola organización del grupu La Diosa del Sarcasmo y la dirección del mesmu ye fácil? Non sólo nun ye fácil sinón que ye l más difícil tovía! y desorganízome un montón porque yo faígolo too por intuición, la mayoría de les veces salme bien, otres equivócome tomando decisiones. Pero tampoco m abulta ser una escepción en too esto, igual la más desorganizada, pero non la única qu escribe, lleva una compañía y dirixe. N Asturies casi tolos empresarios de teatru somos asina. Pero bueno con La escultura tuvi ayuda, como ya sabes el pesu de la dirección dexé-ylu a Margarita y yo pue dicise que fui l ayudante. Vivir del teatru nun ye fácil nuna autonomía pequeña como l asturiana Non, de fechu sólo malviven tres o cuatro compañíes y porque salen d Asturies, faen campañes escolares, organicen cursos de teatru, cosa que me paez mui llícito. Por eso munchos de los empresarios escoyimos tirar polos monólogos d una hora de duración. Darréu de La Escultura estrenóse dalgún otru y sé qu esti añu van estrenase más. Al públicu nun-y presta tanto ver a un únicu actor, asina qu un monólogu tampoco ye la solución como forma p aforrar, a la llarga salse perdiendo, de nun ser que l proyectu lu faigas porque crees nél y te presta. De toles maneres la meyor solución sedría xuntar toles fuerces pa facer un bon teatru ensin subvenciones, refiérome a facer coproducciones, en llugar d eso a les compañíes sálen-yos afluentes como a los ríos. Ye una solución pa clasificar los estilos de teatru? Ye una solución pa trabayar n otres autonomíes? Nun sé. Yo doi idees, non soluciones. La política teatral desarrollada pola Conseyería de Cultura ye l axeitada nel momentu actual? Siempre naguamos por que s ameyoraren delles puntos, eternos puntos que yá escuecen na llingua namás de nomalos. Toos sabemos que l Principáu ta ehí pero que l Teatru Asturianu pa ellos ye poco más o menos una almorrana, yá sabes, súfrese en silenciu. Fundamentalmente los grupos teatrales asturianos viven de les representaciones que-yos contraten los Conceyos. Ye bastante? Nada ye abondo, a veces sorpréndeme que l que más tien más se quexa, por eso moléstame que cuando me quexo dalguna vez de los mios númberos en roxo haya persones que me llamen quexona y eso que demuestro que pueo facer teatru ensin subvenciones, claro que con ayudes, la calidá d un espectáculu ameyora sobre manera. Imaxínate si a nosotros nos va mal, a los actores nun-yos va muncho meyor. A mi prestaríame pola vida facer una obra de Calderón o de Shakespeare y non por enchipase y facer un clásicu que tanto valoren toos, sinón por contratar a la mayor parte de los actores y actrices qu estudiaron pa esta profesión y a los que-yos prestaría vivir d ella. Llamentáblemente nun soi una O.N.G. y la puñeflera realidá ye qu un clásicu sal caro a nun ser que toos trabayemos por amor al arte y como eso va escontra los mios principios... Amar l arte sí, pero nun hai que ser nin tonto nin embabayase. A veces que los ayuntamientos pagasen ensin demores sedría abondo pa siguir ensin rompese muncho la cabeza. Qué nueves obres o montaxes ta preparando anguaño? Toi escribiendo una obra d estilu naturalista, paecida a lo que foi Faustina. Ye una dramaturxa sobre la vida d una muyer enforma importante n España y al tiempu desconocida. Esta obra nun la pienso montar ensin subvenciones, toi lloca pol teatru pero nun soi tonta. Apocayá acabé unos monólogos curtios n asturianu que van facer un conxuntu pa formar un espectáculu que pienso estrenar esti añu. Tamién cuento producir una obra infantil que va estrenase esti añu nel segundu semestre, de l autora Itziar Aguirre, pianista acompañante del Conservatoriu Julián Orbón d Avilés que tamién escribió pa La Diosa del Sarcasmo la obra infantil Solfeo y Colombina, talento sin propina estrenada n Avilés l añu pasáu y que sigue en cartel. Usté escribe les sos obres cuando en castellanu cuando n asturianu. Cómo y en función de qué escueye un idioma o otro? Pol argumentu, l escenariu onde se desarrolla l tema, los personaxes? Nes dos obres que tengo n asturianu de duración normal, escueyo facelo n asturianu pol entornu, los personaxes, l argumentu, ye un amagüestu Sonia Santos en La escultura. de too eso que me dices, pero los monólogos tengo que confesar que de mano tres d ellos escribílos en castellano y que darréu de traducir uno al asturianu cobró más comicidá. Ún d ellos escribílu dende l principiu n asturianu, imaxiné que yera nel pueblu onde viví de neña y rapacina, na casa del campu de fútbol Builla en Samartín de Podes, onde recuerdo tener celebrao colos mozos y moces de la mio quinta dalguna qu otra fiesta cola sidra esa del Gaiteru. Munches gracies. 15

10 16 El teatru n asturiano d anguaño Chechu García Choca que la primer muestra que tengamos de lliteratura asturiana, venga de mano del teatru: de los entremeses y piecines curties que mos dexa Antón de Marirreguera nel sieglu XVII. Choca, porque ye la poesía la que domina de forma nidio la producción lliteraria asturiana, anque podemos pensar que l teatru d esta dómina tien un caracter versificáu y rítmicu que lu avera al romance y por ende, a les fontes de la tradición oral. Lo que mos diba desplicar esti fechu. Si nel barrocu, tenemos un teatru cultu, al empar que costumista, nos sieglos vinientes van a encadarmase los pegoyos de lo qu Adolfo Camilo Díaz vien a llamar Teatru Popular, nel so interesante ensayu: El teatru popular asturianu. (coleición Mázcara nº 7, alla). Un teatru mui pocu investigáu, pero de gran presencia y éxitu de públicu, que tien como claves una fala que ye reconocía pol espectador como dalgo propio, identificatorio d una forma de ser y pensar (ún de los erros que trai consigo l primer teatru del surdimientu ye la utilización de perasturianismos que frañen esi entendimientu y reconocencia col públicu). El públicu nun reconoz un vocabulariu, sinón que les pallabres se digan con acentu d autenticidá, nun ye lo que se diz sinón como se diz. D ehí que l éxitu xurda d un ritu de reconocencia colectiva, al sentise parte d una serie de roles comunes. Les obres siempre trescurren n ambiente rural con unos personaxes claramente estereotipaos que son reflexos de la sociedá campesina astur. El vieyu y la vieya, el mocín y la mocina, la pareya de secundarios, el mélicu, el notariu, les señoritingues... muévense nun discursu planu que nun invita a la catarsis y valse de temas recurrentes p afondar nun humor de trazu gruesu, escatolóxicu, onde les necesidaes primaries: la mexaera, la sonaera, el beber, la comedera, dan pasu a un discursu de cálter xeneral nesti tipu de teatru, la familia político, la suegra, lo mal que lu traten a ún, la poca dote de la muyer, lo borrachu y fachendosu que se tornó él, nun enfrentamientu dialécticu onde l home tien de buscar disculpes p afitar la so (ridícula) superioridá, mentes que ye l pragmatismu lo que domina nel discursu femenín. La diglosia ye otru de los referentes d esti tipu de teatru, asina los personaxes d un nivel cultural y económicu más altu, l indianu, el mélicu, falen fino (castellán), entantes que los demás personaxes, los de la casería, utilicen l asturianu. La non presencia a primeros del sieglu XX d intelectuales, políticos, que cambien la estética del teatru, fai que se dea un estancamientu nos roles y na temática del teatru popular. Asina, escritores como Napoleón Acebal, Pepín de Pría nel sieglu XIX, o Pachín de Melás nel XX nun atopen un desendolcu posterior, una evolución esperable, lo que fae que los autores sigan escribiendo con una fórmula que vien furrrulando dende Antón de Marirreguera, fórmula qu asegura l éxitu ente l públicu d unos personaxes que viven nuna Arcadia que ye siempre la mesma y que paez ayena al pasu de los sieglos. Nel Amaro n acción Dicen que la patria es chill out (o por qué no soy un buen patriota asturiano). Centro de Arte Moderno de Madrid, 18 de marzo de Anguaño, munchos grupos y autores cultiven esti teatru, dende Arsenio González con Los figos de San Miguel, La Declaración, El boleru de Chano, Manuel Galano con Marexaes tapiegos, José Ramón Oliva con Barajoles col difuntu, Emilio Palacio con Les llinguateres, Obdulio Alonso, Carmen Duarte o Cristina Muñiz. Los grupos qu avecen esti tipu de teatru van dende la mítica Compañía Asturiana de Comedies, El Hórreo de Barcia, Xana de Perlora, El Sueve de Colunga... y munchos más. En cuantes a la modernización, bien ye verdá, qu existen exemplos como los de la compañía Produciones Nun Tris o Xaréu Títeres que nun utilicen un espaciu escénicu al usu, sinón que son capaces de tomar la cai o facer guiñol, dramatizando cuentos de la tradición oral o salíos de la mano de Antonio Caamaño o Inma Rodriguez. Otru capítulu aparte merecería falar sobre l monólogu asturianu, una forma ancestral de representación teatral. Enllazáu col costumismu, polo rural de los sos temes y personaxes, anguaño, Trabe tien asoleyao una coleición de gran éxitu colos maestros del monólogu: Anxelu, el maestru, Marcos del Torniello, Teodoro Cuesta, Pachín de Melás, Malgor, Xosé León Delestal... y qu intenta tamién renovase gracies a autores como Rubén Sanchez Vicente, Dolfu Camilo, Xulián Burgos, Milio Rodriguez Cueto, Tante Blanco, Jerónimo Granda, Carlos Cellero, ente otros, que siguen calteniendo l monólogu tradicional, pero ampliando la temática y los movimientos escénicos. Nesti sentíu en Marzu de 2005 presentose l primer certame del monólogu modernu, qu abre ún de los caminos más esperanzadores pa poder comunicar coles estayes más mozes de la sociedá. Teatru nel Surdimientu El nacimientu de Conceyu Bable na revista Asturias Semanal a mediaos de los años setenta y l apaición con ello d un movimientu asturianista afecta a toles seches de la lliteratura y al teatru en particular fondamente. Los nuevos autores tienen una visión modernizadora y que sirva d alternativa al teatru tradicional. Tienen una visión de la llingua asturiana como ferramienta 17

11 18 de cultura y faen por afuxir de los tópicos aldeanos. Podemos destacar tres nomes nuna primer dómina del surdimientu: Nel Amaro, Xuan Xosé Sánchez Vicente y Adolfo Camilo Díaz, persones que combinen la so afición al teatru con otros xéneros lliterarios. La obra dramática de Sánchez Vicente recuéyese en Esta danza ye la vuestra si ye que vos presta. De Nel Amaro destaca Antígona por exemplu una pieza altamente poética, entantes qu Adolfo Camilo Díaz, el más prolíficu ensín duldes, vien d asoleyar País, una obra de calter popular ambientada nes actuales Cuenques Mineres. Pero como pasa n otres llingues el procesu de normalización de la lliteratura entama pela poesía pa siguir cola narrativa y acabar col ensayu y el teatru. Y neses tamos, con una poesía afitada, una narrativa ca vegada de más altor y un camín andáu a medies nel teatru. Si la falta de normalización, fizo que Sánchez Vicente arrenunciara al fechu d escribir teatru pola mor de nun ver les obres representaes, paez abríse un ventanu pal futuru. El futuru Anque en pallabres de Lluis Antón González, El teatru ya nun tien el pesu que tuvo nel pasáu. Debío a la pérdida de señes d identidá pola falta d un apoyu políticu, la incidencia de los modernos medios de comunicación, n especial la televisión, la marxinación de tolo identitario asturiano por parte de les instituciones dibuxa un panorama prietu, non solo pal teatru asturianu, si non pal futuru de tola cultura asturiana. Tamién aporta delles claves que dexen sitiu pal optimismu: La compañía Telón de fondo, señera d un teatru asturianu modernu lleva dende 1973 amuesando espectáculos de calidá: La confesión, Squach, Una hora ensín televisión, L ensalmador, Equí nun paga nadie, onde autores como Jaime Salom, Dario Fo, Ernesto Caballero son representaos baxo la direición escénica de Xuan Coll, Xulio Vixil Y Lluis Antón González. La compañía Barataria Teatro estrenó nel 2002 Gasolina con capullos de Roberto Corte y Chechu García, ye la primer vez qu una obra n asturianu quedaba finalista de los premios MAX (nuna llingua que nun esiste pa la sgae). Bacanal Teatro presenta nel 2003 Ricardo l terceru, de Shakespeare, nuna magnífica torna de Milio Rodriguez Cueto. Teatro Margen, atrévense con La señorita Xulia de Strindberg. Nun Tris, presenta Los socedíos de Nelón d Adolfo Camilo Díaz. Los grupos cimeros del teatru profesional asturianu van perdiendo rocees a la utilización del asturianu y van utilizándolu davezu. L estancamientu nel continuum dramáticu de los 90, con una falta ablucante d obres y autores parez esapaecer, asina destaquen los nomes de Ramón Lluis Bande, Roberto Corte, Montserrat Garnacho, Pablo Rodríguez Medina, Xabiero Cayarga, Pilar Murillo, Azucena Fernández, Xurde álvarez, Pablo Antón Marín Estrada, Carmen Duarte, Milio Rodriguez Cueto, Lluis Antón González, Carlos Cellero, Roxelio Crespo, Cristina Muñiz, Naciu Galán... En toos s amuesa un dominiu lésicu y gramatical emponderable, y la necesidá d un espaciu escénicu propiu, onde los temes universales dominen la escena, como ocurre en tola lliteratura dramática del mundu Occidental, afuxen de los esteriotipos, alcontrando de forma nidio dos tendencies: Una d experimentación o exerciciu lliterariu, onde s escueye l discursu dialécticu como prioritariu, nun-y dando a la representación, al pasu a les tables, mas qu un calter secundariu. Nesti marcu diben reflexase Ramón Lluis Bande o Josep Carles Laínez. Mientres qu otru grupu caltién la necesidá de pontes col teatru popular, reescribiéndolu, adaptándolu a una evolución que se fae pernecesaria. Actualizar les fontes del teatru asturianu, esi ye l oxetivu d autores como Pablo Rodríguez Medina, Carlos Cellero o Xabiero Cayarga, amás d Adolfo Camilo Díaz. Munchos de los nicios, de les tendencies de los caberos años, fáennos ser optimistas; a la práctica esapaición del fechu teatral modernu nos noventa, tantu n escritores como en representaciones, tamos nestos primeros años del sieglu nun esporpoye del teatru de calidá. No referente al apartáu editorial, traduxéronse, de manera escepcional, pieces de Shakespeare, Ibsen, Joe Orton, Oscar Wilde, T. Williams, Arthur Miller, Plautu, Jaime Salom, Dario Fo, Chejov o Margarite Durás... Les publicaciones teatrales específiques, Retablu xovial y La Mázcara, malapenes saquen un títulu al añu. Anque la cantidá vaiga n aumentu d acordies col espoxigue de producción d autoría del presente. Asina editoriales como Trabe, Ámbitu o Madú entamen l apueste por una edición de teatru asturianu. Nesti sen, ye tremendo la inesplicable, insuficiente y ridícula edición de testos populares que siguen condergaos al caxón y qu atienden pol rescate que los asoleye. Por poner un exemplu: Adolfo Camilo Díaz, bon conocedor de los nuestros clásicos más representaos, estima l legáu d Eladio Verde criterios de calidá aparte nunes sesenta obres escrites, y d elles, dos namás publicaes. Magar tolo dicho anantes. Vense más trabayos asoleyáos, testos, pero échase en falta l qu exista una interconexión ente los autores y los grupos, una ponte d intercambiu d opinión y postures. Lo xeneral ye que los grupos representen obres d autores asturianos si l mesmu autor trabaya nel grupu. Falten contactos, falten pontes d información, foros de debates, alderiques, xuntes y alcuentros. Nel casu del teatru n asturianu, les I Xornaes de Teatru Popular Asturianu de Candás, son un exemplu a siguir. Hai que dase cuenta que los dramaturgos vienen de la mano de la lliteratura o de les tables. Si se vien de la lliteratura, cuála ye la posibilidá de que a un grupu-y dea por representar la obra d un autor asturianu? Nenguna, porque malapenes se llee teatru, y menos d autores non encumaos. La política d apoyu al autor ye borrisona, nel casu de testos dramáticos subvenciónense obres yá Angeles Arenas ye Xulia. Teatro Margen. escrites, y non al revés, con ayudes pa escribir una nueva obra. Munchos de los autores asturianos lleven bien de tiempu pidiendo que se reconoza a la llingua asturiana na sgae. Pero no too son pilancos, pasu ente pasu, el teatru n asturianu ta camín de la normalización, yá podemos topar llibros de teatro, tenemos un balagar d autores de calidá (la mayoría bien mozos), lo que mos fai albidrar un continuum dramáticu y una producción moderna y profesional que non sólo enganche al públicu del teatru popular, si non al públicu asturianu en xeneral. 19

12 Esbilla d autores asturianos 20 Tamos seguros que si Antón de Marirreguera, Pin de Pría o Caravedo, resucitaren, la so primer entruga al salir de la tumba diba ser: hai dalgún llibru n asturianu nuevu pa lleer? Pantasmes mui vivos. Darémos-yos lo que piden. Seguiremos arreciellando, xuntando, dando al verde con un trabayu como esti, onde calletriar el pulsu creativu de los nuesos dramaturgos. Dende Reciella Malory, el facer esti especial teatru yera un enfotu que teníemos hai bien de tiempu, el facelo collaborando con La Ratonera ye pa nós un arguyu y un pasu alantre nel compromisu d abrir y tender pontes con tolos ámbitos de la lliteratura asturiana. Nestes páxines vais poder esfrutar d una esbilla d autores teatrales mui completa, de xuru nunca enantes xuntaron tantos de los nuesos dramaturgos nun espaciu común, onde ser a midir la salú y la edá de les nuestres lletres. Si daqué mos queda nidio dempués d esta seleición d autores, ye la desapaición pasu ente pasu, del argayu que siempre esistió ente l teatru popular y el teatru modernu, un argayu mui fondu, d esconocimientu y rocea. Dos mundos antagónicos, onde entamen a poder vese munches tonalidaes, onde l frañimientu va enllenándose d una gama d escritores que van dende l teatru más tradicional (Arsenio González, José Ramón Oliva), a intentos de modernización (Carmen Duarte, Cristina Muñiz) y ensin romper el continuum, autores que dende la modernidá s averen a les formes y esterotipos del teatru popular de forma intencionada (Adolfo Camilo, Pablo Rodriguez Medina o Xabiero Cayarga), hasta gradualmente llegar a autores experimentales cuyo enfotu principal ye la comunicación col llector y non la representación (Ramón Lluis Bande, Josep Carles Laínez). Nestes fueyes vais tener la oportunidá de tastiar a les nueves pantasmes, d albidrar los caminos que va a percorrer nel futuru l teatru escritu n asturianu. 21

13 22 Dolfo Camilo Díaz Caborana, Ayer (1963). Home polifacéticu, narrador, ensayista, músicu. Entama nel teatru colos grupos Guaxa y Güestia a finales de los 70. Tien asoleyáes les obres Psicokiller (colección Mázcara nº1). La muñeca Rusa, na Ratonera nº 6, Nueche y País, amás del ensayu El Teatru Popular Asturianu. Ye ensin dubies, ún de los modernizadores de la escena asturiana y l autor del surdimientu con más obres representaes. Ta acabante d estrenar Puntu y coma. Cómo ves la situación del teatru n asturianu anguaño? Tamos nun procesu de conformación del mesmu, d aposentamienmtu y de confluencia. La confluencia vien dao por dos discursos hasta l momentu incompatibles (en dambos los dos dominaba la desinformación y la sospecha mutua): el que venía dictando les formes del teatru popular y el nuevu teatru en llingua asturiana. L aposentamientu facilita esa confluencia: hai híbridos (textuales, formales ) qu ayuden a que se produza ensin mayor agresividá. Eso va ayudar a la conformación y, con ello, a la autooxetivación dientro del sector teatral asturianu nel so conxuntu d un teatru en llingua asturiana autoconsciente y muncho significativu. Dos datos: el 40% de toles compañíes de teatru asturianes tienen en repertorio teatru vieyu o nuevu asturianu El 20% de les profesionales tamién. Baxando más a la escena, el Teatru Asturianu ta viviendo un bon momentu (númberu y calidá media de les producciones) pero sigue funcionando nun mercáu en falsu, condicionáu pela alministración, que suministra percepciones, paeceres y producciones distorsionaes. Hai una inflación de compañíes, los Circuitos (el que hai profesional y el que puea haber aficionáu) nun dan abastu y la salida al exterior fáise necesaria por mera supervivencia. El Teatru Asturianu sigue tando na marxinalidá formativa (falamos del so usu como ferramienta nel enseñu regláu) y mediática (veremos lo que pasa col Ente de Comunicación del Principáu d Asturies y la so obligación, como Serviciu Públicu, de contar con un sector que da trabayu a más de 300 persones directamente y que l añu pasáu tuvo cerca de los espectadores) y infrastructural, ensin Planes d Actuación nesi sentíu razonables que respuendan a necesidaes oxetives (hasta l momentu la idea ye recuperar vieyos cines, por decilo rápido, ensin xenerar espacios ex novo que dean rempuesta o propicien nueves formes). Cuál ye l so camín de futuru, qué rumbu debiere caltener? Nel analís del presente van les propuestes de futuru. Hai un mercáu condicionante en falso que marca esi futuru pa toos De que se pueda intervenir, pa normalizar el mesmu, va depender muncho futuro. No tocante a lo que fain les compañíes partimos d una consideración previa que tamién afecta a toos. El Teatru Asturianu nel so conxuntu ye un teatru nes formes (nun entro nos conteníos: hai de too) terriblemente conservador. Los espacios del país nun agabiten pa que puea ser d otra manera, pero esa consideración acaba limitando al mesmu sector y alloñándolu d un públicu que necesita llamaes d atención, atractives, clares y distintes que se salgan de lo rutinario. El Teatru Popular Asturianu tien que meter lo que pasa, lleer la prensa El nuevu teatru asturianu tampoco se tien que quedar na retórica de lo nuevo si lo nuevo más nada ye vestir de papel de regalu y impactu formes vieyes. El concepto de lo nuevo ye muncho más fondo y, temo, inda nun se tien conceptualizao convenientemente. El Teatru Popular Asturianu Del 1975 a los nuesos díes Dolfo Camilo Díaz Si Grisson (o Horatio, colos de New York yá nun me meto que l Gary Sinise tien cara repunante) se metieren a facer l autopsia al Teatru Popular Asturianu, a les sos formes pervivientes, diben flipar Y diben flipar porque al meyor poníense a tirar de bisturín, nel previu prexuiciosu de que l vivu tien que tar muertu, que por eso ta na camina col sábanu y tou esblanquiñáu, y entós el muertu abría los güeyos, pegába-yos un bofetón y dicía-yos: Quita esi pinchu, cabrón. Esa pulsión necrof ílica, que tantos pseudocríticos y pseudoestudiosos, del teatru asturianu tienen, acábase cuando se meten (si ye que se meten) per un texto nuevu del nuevu teatru popular asturianu o cuando, y eso ye muncho meyor, se meten nuna sala pa disfrutar d un espectáculu que, a nun lo duldar, tendrá la complicidá de munchu y mui destremáu públicu Ye lo qu hai. Pero qué hai? 1. Hai compañíes especializaes. La esencia del sector teatral d Asturies: les compañíes aficionaes con años d experiencia que s especializaron nel Teatru Popular Asturianu Casi nada: La Cía. Asturiana de Comedias, reorganizada nos 80 y que garra l testigu de la más emblemática formación teatral asturiana de tolos tiempos, con más de 80 años a les espaldes; el Hórreo de Barcia, con más de 25 años, Xana de Perlora, con otros tantos, Pico de Faro de Tapia, camín de les dos décades Y asina hasta la trentena de compañíes que fixaron la so atención, la so estima, el so saber facer, nun teatru que sigue representando lo que nel imaxinariu colectivu s entiende como Teatru Asturianu. 2. Hai autores especializaos. Arsenio González ye un enganche natural pa col teatru popular asturianu más reconocible. Los Figos de San Miguel, por dir a un títulu emblemáticu y bien representáu de la so produción, guarda les meyores formes del vieyu y resolutivu sainete: humor coñón, conflictos blancos, llugares de la memoria (esa identitaria figal ); resume de los rituales rellacionales que despliquen a la xente asturiano y una llingua compartible, reconocible. Eladio Sánchez, con Los Forofos, tamién caltien esa tradición, anque se prodiga muncho menos como autor que como l director y actor que más-y presta ser. Galano, dende aquella matricial Camban os tempos del 1979 dexó dalguna de les meyores comedies populares asturianes escrites na fala de Tapia Y suma y sigue: Carmen Duarte, al frente de Traslluz metió asuntos, modes y modismos que, ensin salise de les claves reconocibles del teatru popular, aseguren una evolución del xéneru. Textos como La secretaria son d un frescor, y d una efectividá pa col públicu, a reconocer. José Ramón Oliva, liderando al grupu de Carbayín tamién tien firmao dalguna de les más prestoses comedies de los últimos tiempos, combinando nuevos temes en vieyes formes, siempre revindicables. Pilar Murillo, con Les cartes establez una ponte natural ente les vieyes formes y unes posiblemente nueves, pero ensin romper coles claves que despliquen les primeres Cristina Muñiz tiense especializao más na produción de Monólogos, mesmo que l Maestru ó l gran Pin de la Cotoya En definitiva, les dos principales maneres que tien d enseñase l Teatru Popular Asturianu (la comedia y el monólogu tradicional) siguen tando vivos (al pesar de los forenses del staff críticudemencial patriu) porque hai xente que lo fai y muncho xente que lo pide. 23

14 24 3. Hai un públicu especializáu. Xornaes tan intenses dedicaes al Teatru Popular Asturianu como les qu entamen conceyos como Carreño, Avilés o Colunga evidencien la potencia, la fuerza, la rempuesta de públicu que la ufierta del vieyu/nuevu teatru asturianu sigue teniendo. A la contra de munchu prexuiciu piju, el vieyu sainete, l eternu humor, los conflictos básicos y una llingua compartible siguen dando rempuesta a unes espectatives rituales del públicu Que son la fe de vida y la fe de futuru d un xéneru que tien que se renovar Ensin cambiar? 4. Cómo ye l teatru popular asturianu. Los nuevos nomes, les nueves formes teatrales, pasu ente pasu, tán entrando nel Teatru Popular Asturianu. Trabayadores de lo teatral tan rigurosos, tan reconocibles, como Andrés Presumido, durante unos cuantos y trascendentes años, implicáu nos proyectos de l Hórreo de Barcia, tienen revuelto y anovao bona parte d esi patrimoniu, d una manera de facer muncho anquilosada. Presumido tien metío conceptos como ritmu nun mediu dao a lo quieto; tien aportao una mirada cuasi de cómic nunos pagos teatrales que tienden a sublimar la pura repetición. Eses nueves conceptualizaciones non sólo valieron pa facer del Hórreo una gran compañía si non pa contaminar al restu de formaciones que, en mayor o menor medida, van adaptando, textos y formes, a lo que un públicu más informáu desixe Pero los cambios son mui lentos y en munches autores y en munches compañíes nun se van a producir: quieren xugar sobre un seguru que tien el tiempu contáu. Ta produciéndose un cambiu, que ye la confluencia natural ente un teatru n asturianu pero normalizáu y el vieyu teatru popular D esa confluencia va nacer, ya ta naciendo, un híbridu que va dir aposentándose nos escenarios asturianos y que vendrá ser como una nueva Comedia Asturiana, reflexu de la realidá, descreida, negra Que yá empieza a tener epígonos de tantu interés como Gasolina con capullos (Chechu García y Roberto Corte) o, n otru soporte pero nel mesmu discursu de Carne de gallina (Javier Maqua/Maxi Rodríguez). Les idees-fuerza del Teatru Popular Asturianu anguañu siguen siendo les que yeren: representen sustratos sentimentales del colectivu, xueguen con arquetipos reconocibles y, ensobremanera, reflexen una realidá llingüística que, al día d hoi, namás que tien esa salida pública y compartible pa enseñase y onde la xente se reconoz. Esa tripleta, vistía d humor, acomódase a un ritual, a una ceremonia, a un código diexéticu. Falamos de dalgo más que de teatru Y por eso, al pesar de les sos evidentes limitaciones, funciona. Les debilidaes vienen daes casique poles mesmes fortaleces. Los rituales sonlo y tán mientres nun seyan sustituíos por otros rituales de mayor aquel. El propiu colectivu que se dedica al teatru popular tien que saber lo que ye, tener la autoestima suficiente pa saber porqué fai lo que fai y poder defendelo dende la autocrítica más desinente que ye lo que pue ayudalos a evolucionar. La produción teatral a estes altures tien muncha competencia, con ella mesma y con otros soportes: les compañíes nun puen seguir trabayando con planteamientos cutres; tienen que se formar y tienen que conectar cola actualidá pa enllenar les sos histories, por vieyes que seyan, de lo que pasa. Una de les claves temátiques que desplica al vieyu teatru popular yera la de furrular en clave de crónica de situación Esa función hoi ta muncho escaecía y tien que se recuperar. Hai qu actualizar los vieyos textos, ye necesario Y los nuevos De los nuevos, claro, depende l futuru inmediatu. Un futuru de vivos vivientes Que pa enriba tienen de llucha por una llingua (esa sí ) moribunda. Xabiero Cayarga Xabiero Cayarga (Cangues d Onís, 1967). Poeta y narraor de prestixu, entama la so obra dramática con Favila, el príncipe reina, I Premiu de Testos Dramáticos n Asturianu Teatro Jovellanos, una magnífica obra al estilu y maneres del teatru isabelín del sieglu d oru inglés. Cómo ves la situación del teatru asturianu d anguaño? La verdá ye que por topame lloñe d Asturies nun sigo la situación del teatru asturianu y el conocimientu que tengo d elli vienme de rebote. Pa empezar, tengo que dicir que me paez que carecemos de textos teatrales modernos. Ye bien cierto que nos últimos años tán apaeciendo delles coses y que paez que se ta creando una cierta tradición o continuidá al marxe de lo que yera l teatru tradicional asturianu: el teatru costumista. Xente como X.X. Sánchez Vicente, Nel Amaro y, sobre too, el más prolíficu, Dolfo Camilo Díaz, abrieron un camín nuevu en cuantes qu a maneres d expresión y d entender el mundu referencial del que tenía que s ocupar el textu dramáticu. A poco y a poco, van xuntádose nomes nuevos qu enanchen coles sos aportaciones el panorama dramáticu escritu n asturianu. D un llau, tenemos textos bien interesantes d autores mozos como Ramón Lluis Bande y Pablo Rodríguez Medina, qu arrecueyen na so obra les voces d otres lliteratures más universales. Bande reconoz el maxisteriu de Yourcenar y l homenaxe propiu. Polo que fai a la respuesta de públicu y crítica tenemos la confirmación de qu una bona obra, una obra moderna y asturiana como Gasolina con capullos, de Chechu García y Roberto Corte, puede llegar al públicu y convertise nun de los espectáculos más exitosos de los últimos años, lo qu abre la esperanza al desarrollu de proyectos dramáticos futuros en llingua asturiana. Amás, hai rescamplos de que xente mui mozo ta tamién enfotao en producir obra dramática. El fechu de qu existan nomes nuevos ye mui importante pa garantizar la continuidá del xéneru quiciabes más desdexáu nes lletres asturianes. Pa acabar, existe un llabor de traducción pausáu pero incesante d obres dramátiques clásiques, delles estraordinaries como les vertíes por Milio Rodríguez Cueto, Lluis Aique Iglesias o José Luis Piquero, que van tar siempre a disposición de les compañíes asturianes pa ser llevaes al escenariu. Otra cosa ye la disponibilidá cola que les compañíes cuenten pa representar estes sobres. Ye dicir, de les posibilidaes de supervivencia d estes compañíes una vez visto la escasez de medios y lo pequeño del circuitu teatral asturianu. Qué rumbu te paez que debería caltener o siguir nun futuru? El teatru asturianu debería siguir el rumbu de cualquier lliteratura moderna, ye dicir, ser un teatru ensin complexos. Un teatru qu use l idioma non pa falar del idioma o de los temes arreyaos al mundu tradicional asturianu, sinón pa falar de les coses del mundu, de lo local y de lo universal. El teatru, la creación dramática, nun pue renunciar a nengún ámbitu de la vida cotidiana y de lo humano; agora bien, tamién ye cierto que la teatral ye una actividá arrequexada por otros espectáculos que-y restaron nes últimes décades protagonismu: el cine, la televisión, los conciertos de música moderno (los estadios llénense non pa escuchar a Robbie Williams, sinón pa comulgar con elli), los viaxes del Papa, los mitines... Por qué subsiste, sicasí, ente nós una forma de lo teatral elitista: la ópera? Posiblemente, porque tien más de ritu social que 25

15 26 d espectáculu. Nun se va a ver o a oyer sinon a ser vistu. El teatru que se faiga agora tien que buscar otros destinatarios y, sobre too, otru fin. Si nun puede competir con Hollywood nin con ritos sociales de xuntura: ópera, espiches, mitines, discoteques, circu..., qué-y queda? Al teatru namás que-y queda lo que-y dexen por contar. Lo que nun son hestories felices, lo que nun son puntos de vista unilaterales nin pensamientu únicu nin discursos políticamente correctos. El teatru ye un espaciu vaciu pero llibre, un pedazu d aire sobre l suelu británicu (eses sielles sobre les que parolaben improvisaos tribunos en Speaker s Corner). Aquello que la xente nun diz na tele o periódicos o nes escueles, lo que naide cuestiona. El teatru carituriza la mecánica ideolóxica de la sociedá: les tradiciones, la relixón, les instituciones, la política... Por eso ye un arma peligrosa. L afamada proclama de Hamlet Cudiáivos de los cómicos: más vos valía un mal epitafiu pa depués de muertos que los sos epítetos durante la vuestra vida! ye una alvertencia bien seria. Tien futuru l teatru? Tendrálu mentes nun claudique. Recrea Borges nel cuentu La busca de Averroes la incomprensión de los eruditos del Islám ante la recepción de la comedia griega al carecer d ella (un tema que depués reellabora cuciamente nun contestu cristianu con tintes policiacos Umberto Eco en El nome de la rosa, pero ensin soslayar les sos consecuencies: el carácter subversivu de la risa.). Una cultura que carez tamién de la representación gráfica de lo divino. La imaxe, la representación iconográfica desacraliza les coses, da-yos una dimensión humana. A Salman Rushdie dictáron-y una fatua por escribir Los versos satánicos ; hai un añu asesinaron al cineasta holandés Theo van Gogh por filmar y denunciar, por da-y una cara, por cariturizar, los aspectos más brutalmente misóxinos del Corán. Cuerren malos tiempos pa la lírica, el drama y la comedia. Estraño que los países occidentales que con tanto determín nieguen los derechos humanos a les sos víctimes: velehí Guantánamo, aende les tortures de toa triba n Iraq antepongan el respetu a les creencies de los otros a la llibertá d espresión y ensiguida s axuntaran pa condenar les caricatures d un periódicu danés. La pregunta ye si l teatru de les próximes décades va ser quien a caricaturizar la sociedá na que vivimos o, ente la pinza del puritanismu anglófonu y l Islám, va vese obligáu a convertise nun meru retratista de cámara. La Comedia Madrilana Xabiero Cayarga Apocayá aportara a la capital del reinu en busca de trabayu. Venía con ganes de comese l mundu. Escribiera un par d obres de teatru y naguaba por trabayar de guionista de cine o televisión. Asína que tres rodar un par de selmanes d equí p allá per oficines, estudios y medios de comunicación, onde dexaba en manes de dalgún intermediariu l currículu, acabó colocándose de camareru nuna cafetería del centru. Una mañana llamólu l xefe Xefe: Tu yes l escritor, non? Camareru: (Tatexando.) Sí. Xefe: Ayeri anduvo per equí Felipe Lícula. Yá sabes, el productor de Al otru llau de la sábana y Díes de feria. Diome l númeru de teléfonu. Llámalu, igual tien daqué pa ti. Camareru: Faló-y de min? Xefe: Sí, claro. Camareru: Y qué-y dixo? Xefe: Bono, mozu, yá sabes cómo ye esta xente del espectáculu. Camareru:? (Mirándolu con cara d aterrizar del asteroide NPI.) Xefe: Yera bien tarde, asina que taba un pocu pimpláu y, amás, ta un pocu sordu, pero paecía interesáu. Camareru: Y qué tal paisanu ye? Xefe: Mui bon paisanu (incómodu y dubitativu.) En fin, de los vuestros. Un intelectual progresista. Internacionalista, anticlerical..., pero con perres. Camareru: (Faciendo por borrar de la modulación un par de tonelaes d escepticismu.) Yá lu llamaré. Xefe: Non, non. Llámalu agora, esto hai que lo facer en caliente. Antes de que se t olvide. (Señalando pal teléfonu de la cafetería.) Utiliza esi teléfonu. Camareru: (Pensando pa elli.) Bono, ye l mio xefe y el so teléfonu y el tiempu de trabayu pol que me paga, asina que nun me queda otro que marcar los díxitos del móvil. Depués de dos tonos. Productor: Sí? Con quién falo? Camareru: Hola! Bonos díes! Llámome Gabriel, pero usté nun me conoz... Al otru llau de la llinia siéntese un intermitente golpeteu metálicu de peroles, acasu ta na cocina de casa y la muyer alredor traxinando? Productor: Cómo diz? Camareru: ( A voces.) Dicía que me llamo Gabriel, pero qu usté nun me conoz. Al otru llau, daquién guarda silenciu o mazca, anque aínda se siente l baturiciu de la batería doméstica. Camareru: (A voces.) Usté tuvo ayeri equí pela nueche. En La mar salada.. Productor: (Con un amagu de pánicu.) Fala más baxo, por favor! Camareru: (Baxando la voz.) Tuvo equí en La mar salada y faló col mio Xefe: Don Xulián. Acuérdase? Productor: Don Xulián, don Xulián... Ah, sí, un gran amigu míu! Camareru: (Alendando aliviáu.) Faló-y de min. Soi guionista. Productor: Qué? Nun lu siento! Camareru: (Otra vez a gritos.) Que soi guionista! Productor: Mui bien, fíu. Y qué tienes fecho? Camareru: Toi trabayando nun proyectu. Productor: De que se trata? Camareru: La Reconquista, la figura de Pelayu. Productor: Ah, el tema históricu! Camareru: Bono, tovía nun sé mui bien qué tratamientu da-y. Productor: Pues tutéame. Camareru: Non, quería dicir a la película: si un tratamientu tráxicu o cómicu. Productor: (Pensatible.) La comedia española, la comedia madrilana, sí, eso vende. Camareru: Bono, yo en verdá taba pensando en dalgo épico. Productor: Dalgo épico? Camareru: Sí, nel xéneru d aventures. Dalgo tipu a Brave Heart. Productor: El qué? Camareru: Brave Heart. La película de Mel Gibson. Conozla? Colos escoceses lluchando contra los ingleses, pero equí contra los moros. Productor: Ah, l amigu musulmán! Eso agora ye un tema mui delicáu. Camareru: (Con cierta decepción.) Ya, igual nun ye políticamente correcto... Productor: N efecto. Camareru: Bono, entós, quiciás ye meyor tratalo dende l puntu de vista cómicu. Productor: Sí, la comedia madrilana. Camareru: Ya tengo los personaxes más o menos perfilaos: Pelayu, la so muyer Gaudiosa, l obispu traidor don Oppas... Productor: (Con rixu, escolforiáu.) Eso del obispu gústame. Caña a la ilesia! Sobre too, caña a la ilesia! Camareru: (Dexándose llevar pol anticlericalismu.) Sí, caña a la ilesia! 27

16 28 Productor: Cómo dices? Toi un poco sordu. Camareru: (Al altu la lleva.) Caña a la ilesia! Productor: Asina me gusta. Camareru: Cuándo podemos entamar? Productor: Mira, chaval, eses coses requieren tiempu. Tu sigui trabayando nel proyectu y, cuando tea definíu, pásesme una copia. Camareru: Quier que-y lo mande per corréu electrónicu? Productor: Non, eses coses nun van conmigo. Yo quiero papel, entiendes? Camareru: Sí, sí. Munches gracies. Productor: Yá sabes, cuando lo tengas, tráesmelo, y nun lo escaezas: sobretoo caña a la ilesia! Camareru: (Sobrelleváu pol entusiasmu.) Sí. Caña a la ilesia! Productor: Bono, entós, adiós! Y da-y recuerdos míos a don... A don... Cómo yera? Camareru: A don Xulián. Sí, de la so parte. Munches gracies! (Colgando l teléfonu.) Entós, llámenlu d una mesa. Veceru 1: Eh, guionista, por favor, una de Tomates verdes fritos! Y de la d al llau. Veceru 2: (A gritu peláu.) Camareru: Una caña a la ilesia! Camareru: (Pa sigo.) Yá empezó l cachondeo! Ramon Lluís Bande Ramón Lluis Bande (Xixón, 1972). Estrenóse como autor teatral con Aurelia (1997), llevada al escenariu pola compañía independiente Zapping Teatro baxo la dirección de Lluís Antón González. Tien publicaes otres pieces dramátiques, como De la vida de les piedres (1999) y Depués, el silenciu (en Habitaciones vacies, 2000), una versión de la primera foi rodada en cine pol propiu autor esti mesmu añu. Cómo ves la situación del teatru n asturianu anguaño? Considero que l teatru asturianu, d existir y tener un espaciu na sociedá contemporánea, nun ta cumpliendo l so papel más importante que, como diz David Mamet, sería representar la vida onírica del país... Nel meyor de los casos, taríemos falando d un teatru desentendíu dafechu de la realidá más próxima, descargándose d esta manera d efectividá estética y ética... La mayoría de los montaxes asturianos (n asturianu y en castellanu) tienen al propiu teatru como espeyu, como salida y meta, envede intentar xenerar dalgún tipu de dialéctica cola sociedá de la que nacen. Dende l puntu de vista de la escritura dramática, creo que nos últimos tiempos hai xente que ta intentando desarrollar propuestes d interés nesti sentíu, como Pablo Rodríguez Medina (Orbaya, Martema) o, sobre manera, Dolfo Camilo Díaz (País). Cuál ye l so camín de futuru, qué rumbu debería caltener? Al contrario de la opinión xeneralizada, creo más nel futuru del teatru como xéneru lliterariu pa ser lleíu, qu estableza una relación íntima ente la escritura y el llector, que como espectáculu pa ser representáu. Creo que l teatru perdió l so espaciu na sociedá contemporánea. Volviendo a casa Ramon Lluís Bande Un escenariu vaciu. Escuridá. Al fondo préndese una pantalla grande. Primero namás se ve una lluz blanca poderosa, que ciega. Poco a poco, la lluz dexa pasu a la imaxe: la cuesta de llegada a un pueblu. En primer términu vense una panera y un payar. Más allá les cases. A lo llargo del camín árboles. La imaxe tien que tar grabada, nun puede ser una imaxe fixa, una fotograf ía. Tien que tener vida, tar fecha de tiempu. Nun se siente nada. Nel escenariu, pela derecha del espectador, aparez una persona. Ye un home. Tien cincuenta años, cuarenta quiciabes. Nel teatru nun hai más lluz que la de la pantalla. L home de cincuenta años, o quiciabes cuarenta, ponse nel centru del escenariu, d espaldes al públicu. L home nun fala. Les voces pertenecen a dos llectores que tán presentes na sala. El públicu nun los ve. Les voces en nengún casu van tar grabaes, el diálogu siempre se va lleer en directu. Ye indiferente que seyan d home o de muyer. O de muyer y home. Voz 1: Sigues ensin ver nada. Voz 2: Sí. Voz 1: Ye como una imaxe del pasáu. Voz 2: El mio pasáu nun tien imáxenes. Silenciu. Voz 1: Una nueche marchasti d ellí... ónde fuiste? Voz 2: Ye como un espeyu... póngome delantre d él... nun veo nada... Siéntese l soníu leve del aire acariciando la herba. El soníu nun sal pel mesmu sitiu que la voz. El vientu siéntese nel escenariu. Voz 1: Por qué marchasti? Silenciu. Voz 2: Cuando llevanté l zapatu, la güelga dexada na tierra húmedo nun tenía la midida del mio pie. El soníu del vientu contra la herba dexa de sentise. D una manera brusca. Voz 1: Vuelve. Voz 2: Nun ye posible... (pausa llarga)... Yá non. L home desplázase mui despacio pel escenariu. Desaparez pel llau esquierdu del espectador. De repente, siéntese llover. La imaxe continúa igual, pero les gotes d agua golpeen el teyáu de la panera. La imaxe va fundiendo a blanco mui despacio. Desapareciendo. El soníu de l agua va subiendo a midida que la imaxe desaparez. Namás se ve una lluz blanca poderosa, que ciega. El soníu del agua que cai ye atronador. 29

17 30 Lluis Antón González Lluis Antón González (Baiña, Mieres, 1955). Miembru del grupu teatru Telón de Fondo, col que participó como actor en numberosos montaxes. Percorrió cola compañía los principales teatros del país en ciudaes como Madrid, amás de Lisboa, Liexa y Bruxelles. Dirixó en 1987 el primer Seminariu de Teatru Asturianu organizáu pol ITAE, amás de les obres Aurelia, de Ramón Lluis Bande, y Una hora ensin televisión, de Jaime Salom. Adaptador de les obres Equí nun paga nadie, de Darío Fo; Squash, d Ernesto Caballero; L ensalmador, d Antón de Marirreguera, y Antón, el cantu l cisne, inspirada en testos de Chéjov. Cómo ves la situación del teatru n asturianu anguaño? Con cierta preocupación. La suerte del teatru n asturianu va apareyada a la situación de la propia llingua. La nuestra experiencia como grupu ye llarga, entamamos nel añu 73, aunque yo incorporéme nel 84 y dende entós vamos viendo, dende l escenariu, la pérdida de comunicación, por un menor conocimientu y, en dellos casos, un total desconocimientu del públicu del propiu idioma. Per otru llau, la independencia de la compañía, la falta d ayudes específiques al teatru n asturianu fai que la nuestra situación seya de pura resistencia. Pasamos de les más de 30 funciones al añu na década de los setenta y ochenta a poco más de media docena. Eso nun tien ná que ver cola incorporación d otros grupos al idioma, que vemos con bonos güeyos, pero suelen ser excepción, non la norma. Más del 90% del teatru que se programa n asturies ye en castellanu. Cuál ye l so camín de futuru, qué rumbu debería caltener? Nel númberu 6 de la revista de teatru La Ratonera, ya apunté una posición por onde debería dir el Teatru Nacional Asturianu. Creo que lo fudamental ye la identidá. El teatru asturianu, de nun conseguir una identidá propia, va tar siempre pensando en Madrid. Será un teatru probe, provincianu y d escasu pesu social. L ésitu o l fracasu del nuestru teatru va depender muncho del apueste que se faiga poles nuestres posibilidaes de crear un teatru con una personalidá propia. Eso va depender muncho de la voluntá de los asturianos de querer seguir siendo un país con una identidá propia o convertise nun barriu dormitoriu de Madrid. El dañu que fai l tabacu D Antón P. Chéjov Versión de Lluis Antón González Personaxe: Markel Ivánic Niuhín, maridu de la so muyer, dueña d un internau pa escolines. La escena representa l escenariu d una casa cultura d una villa. Niuhín.- (Entra maxestuosamente, inclínase pa saludar, arréglase l chalecu y maxestuosamente entama.) Mui señores míes, mui señores míos! Pidióse-y a la mio muyer que, con fines benéficos, pronuncie yo equí una conferencia divulgativa. La verdadera erudición ye modesta y nun-y presta figurar, pero dau l oxetivu que se persigue, la mio muyer accediere y equí me tienen delantre d ustedes. Non, nun soi profesor, nin toi estudiáu, nun tengo títulos académicos, pero pa nengún d ustedes ye un secretu que yo... que yo... (taramiella y echa una rápida güeyada a un papelín que saca d un bolsu del chalacu) que yo, dende fai trenta años, ensin aparar, sacrificando la salú y los bienes de la vida, trabayo en problemes de calter rigurosamente científicu y hasta delles veces publico artículos científicos na prensa local... Fai unos dies entregué a la redacción un gran artículu entitulau: Acerque de los perxuicios del teísmu y el cafeísmu sobre l organísmu. Como tema de la mio conferencia de güei, escoyí, por decilo de dalguna manera, el dañu que causa a la humanidá l usu del tabacu. Yo mesmu soi fumador, pero la mio muyer mandóme falar sobre lo dañible del tabacu y, siendo asina qué remediu! sobren les discusiones. Si tien que ser sobre l tabacu, que seya sobre l tabacu. A mi dame lo mesmo. Dende lluego, ye difícil desplicar, nuna conferencia, el tema en tola so importancia, pero esforzaréme por ser breve y acotaréme a lo más esencial. Enemigu dafechu de la vulgarización, seré rigurosamente científicu; en cuantes a ustedes, que me tán oyendo, propóngo-yos que sientan la emportancia del tema y que tomen la mio presente conferencia cola debía seriedá... El simplayu, que vaiga de graciosu, aquel que-y asuste el tonu secu d una conferéncia y científica, pue nun oyila y tranquilamente salir... (Fai un xestu solemne y axustase l chalecu.) Asina, pues, entamo... Ruégo-yos qu atiendan... Pido sobre too l atención de los señores médicos equí presentes, que podrán atopar na mio conferencia munchos datos útiles, dao que l tabacu, aparte de los efectos dañibles, tamién s emplega en medicina. Asina ye que nel añu 75, el día 13 de febreru, foi recetáu a la mio muyer en forma de llavativa. (Echa-y una güeyada al papelín.) El tabacu ye un cuerpu orgánicu. Sácase, na mio opinión, de la planta Nicotiana Tabacum, que pertenez a la familia de les solanae. Dase n América. La so parte principal tá compuesta de nicotina, velenu terrible y fatal. Químicamente, se conoz, consta de diez átomos d hidróxenu y... de dos... átomos... de nitróxenu... Cuando doi una conferencia suelo ceguñar el güeyu drechu, pero nun me faigan casu, ye por culpa la emoción: Yo soi una persona mui nerviosa, asina en xeneral, y el güeyu entamé a ceguñalu nel 79, el día trece de setiembre, el mesmu día que la mio muyer dio a lluz, en ciertu mou, a la nuestra cuarta fía Verónika. Les mios fíes nacieren toes en día trece. De toles maneres (mira l reló), teniendo en cuanta la falta tiempu, nun vamos desvianos del tema de la mio conferencia. Tienen que tener ustedes en cuenta que la mio muyer ye la dueña d una escuela de música y d un internáu particular, ye decir, nun se trata d un internáu sinón de daqué parecio. Esto que nun salga d equí: La mio muyer ye mui aficianada a quexase de que pasa necesidaes, pero tien perres guardaes, unos rublos, ó , pola contra yo nun llevo enriba nin un solu cope, nin un solu ochavu, bono pero pa qué falar del asuntu! Na pensión yo soi l encargáu. L encargáu de facer les compres, l encargáu de matar les pulgues, de sacar a mexar el perru de la mio muyer, de cazar ratos... Ayeri, por exemplu, encargáronme de la compra de la mantega y la fariña y daila a la cocinera porque había que facer frixuelos. En resumíes cuentes, güei cuando los frixuelos yá taben preparaos, la mio muyer preséntase na cocina pa dicir que cinco escolines nun comeríen frixuelos porque taben castigaes. Entós arresulta que prepararamos dalgunos frixuelos de más. Qué mandaríen facer ustedes nesti casu? De mano la mio muyer mandó guardalos nuna fresquera, pero dempués tuvo pensando y pensando y dixo: Comi tu esos frixuelos, espantayu. Cuando nun tá de buenes la mio muyer llámame asina: espantayu, esculibiertu o satanás. Satanás yo? Y nun 31

18 32 ta de buenes nunca. Los frixuelos nun los comí, traguélos, ensin masticar, porque siempre ando muertu fame. Ayeri, por exemplu, nun me dio de comer. A ti, espantayu, nun hai que date de comer. Pero ensin embargu (mira l reló), punxímosnos a charrar pelos coldos y apartámosnos un puquiñín de la cuestión. Vamos siguir. Anque, la verdá, ustedes seguro que preferiríen oyer dalguna tonada, dalguna sinfonía o aria (ponse a cantar) Nun pestañearemos nel ardor de la batalla. Nun m alcuerdo d ónde ye esto... A propósitu, pasóseme dicivos que na escuela de música de la mio muyer, aparte de les funciones d encargáu, tamién cuerre de la mio cuenta la enseñanza de les matemátiques, de la física, de la química, de la xeografía, del solféu, de la lliteratura y tolo demás. Pol cantu, el baille y el dibuxu, la mio muyer fai pagar una cuota especial, anque l cantu y el baille taimén lu doi yo. La nuestra escuela tá na caleya del Gatu Negru, númberu trece y la nuestra casa tien trece ventanuques... Bono, pero pa que falar d esto! Pa informase en tolo tocante a la escuela puen preguntar a la mio muyer. Alcontraréisla siempre en casa pa eso y, si queréis comprar el programa, viéndelu l porteru a trenta kopeks cada ún. (Saca un folletu del bolsu.) Si quieren yo puedo da-yos dalgunos a trenta kopeks! (Pausa.) A venti. Llástima. Sí, na casa númberu trece! Nada me sal bien, yá toi vieyu, atontáu... Yá ven, toi dando una conferencia, tengo aspectu allegre y, en realidá, lo que tengo son unes ganes d entamar a glayar al altu la lleva, o a esnalar a dalguna parte, al otru llau del mundu. Y nun tengo a quién quexame, danme ganes hasta de llorar... Dirán ustedes y tien les fíes.... Qué fíes? Sí cuando-yos falo nun fain más que reíse. La mio muyer tien siete fíes... Non, perdón, paezme que son seis... (Saltando.) Siete! La mayor, Anna, tien 27 años, la menor 17 Mui señores míos! (Mira enredeor suyu.) Soi un desgraciáu, convertíme nun tontu, nun fatu, nuna nulidá, pero pal casu, ustedes tán viendo delantre de sí l más feliz de los padres, pero pal casu asina tien que ser, polo menos aparentemente. Si ustedes supieren! Tengo vivío cola mio muyer 33 años, y puedo dici-yos qu estos fueron los meyores años de mio vida, non precisamente los meyores, sinon asina en xeneral. Fueron pasando como un instante feliz; falando formal, que l diañu los lleve. (Mira enredeor suyu.) De toles maneres paezme qu ella entá nun llegó, nun tá equí y ye posible dicir lo que se quier... Dame un mieu terrible... Éntrame una medrana cuando ella me mira. Pues sí, voi dicivos un cosa: Si les mios fíes tarden tanto en casase pue que seya por que son un poco paraduques y porque los mozos nun les ven nunca... Casi nun salen y la mio muyer nun quier entamar fiestes en casa, nunca convida a naide a xintar, ye una muyer mui gatuñona, mui enritable, mui quisquillosa, por eso nun nos visita naide, pero... pueo dicivos un secretu. (Avérase a les candilexes.) A les fíes de la mio muyer pué véseles los díes de fiesta gorda en casa de la so tía Natalia, ye la que carez de reumatismu y pásiase con un vistíu mariellu con unes manchines de prieto como si tuviere chiscáu de cucaraches. Ellí dante de picar y, cuando nun tá la mio muyer, incluso se pué esto... (Saca una petaca del bolsu y echa un tragu.) Voi dicivos que pa mi abasta un vasu pa enfilame y, entós, garro una sensación tan prestosa nel alma y al mesmu tiempu atópome tan murniu que nun alcuentro palabres pa espresalo; viénenme, nun sé por qué, los mios años mozos, y éntrenme, nun sé porque, unes ganes enormes d afuxir. Ah si ustedes supieren les ganes que m entren! (Animándose.) Fuxir, abandonalo too y correr ensin mirar p atrás... Pa ónde? Da lo mesmo pa ónde... mentes seya fuxir d esta vida roína, pataya, probe, que me tien convertío nun vieyu tontu y llamentable, nun vieyu llamentable tontu, fuxir de la gatuñona de la mio muyer, de toes estes pequeñures, xostroneríes... y aparame nun llugar lloñe, perlloñe, nel monte y quedame plantáu como un árbol, como un poste, como l espantayu d una llosa, embaxu l anchu cielu y pasame tola nueche mirando pa lo alto la lluna, sele, clara, olvidar, olvidar... Ai, cómo quixere nun alcordame de nada! Cómo quixera yo arrincar de mi esti royíu y vieyu frac, qu estrené fai trenta años al casame... (Quítase violentamente l frac.) Que lu tengo pa dar conferencies con fines benéficos... Toma! (Pisotea l frac.) Toma! Soi vieyu, probe, llamentable, como esti chalecu col so llombu usáu, rellumante... (Enseña l llombu.) Nun necesito nada! Toi penriba de too esto, soi más llimpiu qu esto; qué sé yo, cuantayá yo yera un mozu enfotáu nun futuru, estudiaba na universidá, considerábame un home. Agora nun necesito nada! Nun necesito más que reposu!... reposu! (Echa un tragu, mira pa un llau y ponse rápidamente l frac.) Ensin embargu, ente bastidores, ta la mio muyer... vieno a esperame... (Mira l reló.) Yá se terminó l tiempu... Si ella pregunta, dici-y qu hubo conferencia... que l espantayu, ye decir, yo, comportóse dignamente. (Mira pa un llau y carraspia.) Tá mirando p acá... (Llevantando la voz.) Partiendo de la tesis que l tabacu contién un velenu espantible, del qu acabo de falar, nun se debe fumar en dengún casu y pué esperase que, en ciertu mou, esta conferencia mía sobre los daños que fai l tabacu tendrá la so utilidá. Dixi et animan levavi! (Inclínase y saluda majestuosamente.) Telón Inaciu Galán y González Inaciu Galán y González (Xixón, 1986). Nel branu de 2004 monta un grupu de teatru amateur L Ayalga Producciones con una obra sobro l Camín de Santiago que representen per dellos llugares d Asturies. Funda xunto a Benxa Pérez l Asociación H.A XAREOS, qu en marzu de 2005 organizó l I Certame de Monólogu Modernu Rite n asturianu! con gran ésitu de públicu y d interés per parte de los medios de comunicación. Esti certame, que presentaba Galán, supunxo l asentamientu definitivu de la modernización del monólogu asturianu de cara al gran públicu y foi retresmitíu pela televisión como l primer programa de monólogos n asturianu de la historia. L asociación ta llevando esti y otros espectáculos a dellos llugares del país y del estranxeru. Como monologuista modernu, Galán tien actuao embaxo l nomatu de Naciu l de La Collá en Bélxica y otros llugares pa la emigración asturiana. Cómo ves el teatru asturianu d angüaño? Los intentos de modernización son escasos y dacuando mal plantegaos. El teatru asturianu vien tando demasiao apegáu a la tradición rural del país. Esta nun ye una vía qu haya que desaniciar, pero tenemos que tener perclaro que l teatru asturianu nun va poder siguir diendo de madreñes y montera tola vida, va tener qu adautase a los nuevos tiempos, a les nueves inquietúes, la televisión... si nun quier morrer o quedar arrequexáu a unos 33

19 34 públicos mui específicos. La salú del teatru tradicional asturianu (comedia rural, monólogos, etc.) camiento va siguir empeorando según vaiga morriendo l so públicu tradicional y mentanto nun s adaute al públicu potencial nuevu. Dalgunos monologuistes como Carlos Alba Cellero tán dando perimportantes pasos nesti camín. Cuál crees que tien de ser el so camín de futuru, qué rumbu debería caltener? Tenemos qu adautar los formatos comerciales que trunfen nes demás llingües, anque nun ñacieren nel nuesu territoriu, a lo nueso y nel nuesu idioma. Cuando entamamos los certámenes de monólogu modernu díbamos nesa llinia, modernizar lo propio ya importar direutamente lo foriato, ensin complexos nin mieos puristes. Entovía hai muncha xente que, por desconocencia o por mieu a perder la nuesa cultura, tien problemes porque se faigan coses que nun seyan puramente asturianes nesti idioma. Ensin escaecer el teatru de raigañu asturianu, tenemos qu abrinos a la sociedá asturiana con una visión munchu más comercial pa toles coses. L Esbariazu Adautación: Inaciu Galán y González Nota del adautador La pieza que vien darréu ye una adautación del cuentu d Andrés Solar L Esbariazu, espublizáu en 1984 na revista Lletres Asturianaes n u 11. Apaez dempués n otres antoloxíes de la obra del autor y foi adautada a cómic por Lluis Antón González na revista el llapiceru n u 4, nel añu La hestoria que cunta l escritor ye práuticamente igual a la d esti testu. Sicasí, consideré necesario meter un personaxe más, de forma que la obra tea un calter más dinámicu. L asturianu que remana Andrés Solar ye respetáu en tou momentu, namái cambié dalgunes coses cuando los orixinales chocaben direutamente con otres partes nueves del testu o cuando les normes académiques camudaren. Personaxes: Camareru: Mozu xoven. Trabaya nel chigre dende hai poques selmanes. Llorián: Mozu d unos trenta años y aspeutu moderno, dalgo informal nel vistir. Ramón: Paisanu d unos cuarenta años. Ta casáu y tien aspeutu y ropa dalgo más formales que Llorián. El decoráu ye l propiu d un chigre asturianu, anque pue ser el de cualesquier otru tipu de llocal. Una barra nel fondu del escenariu. Tres d ella, una estantería con botelles a esgaya, vasos, copes, taces, etc. Delantre de la mesma, dos o trés tayueles y dalguna mesa con sielles na parte del escenariu más cercana al públicu. El chigre vaciu. Namái l camareru recueye dalgunes coses y frega tres la barra. Ramón entra con seguridá pela puerta y garra sitiu nuna de les banquetes ensin que l camareru lu vea. Ramón: Bones, cómo tamos? El camareru llevanta la tiesta y queda como sorprendíu de ver a Ramón. Camareru: Mui bien, y tu? (Fai un silenciu como duldando en dicir daqué y sigue falando.) Yá ta tol mundiu enteráu... les anuncies esnalen nesti pueblu! Allégrome de vete bien... a pesar de lo que dicen. Ramón: (Amosando cierta molestia y resignación, contesta.) Pues sí qu esnalen les anuncies, sí...! (Tres d una nueva pausa.) Ponme un café con lleche, anda. Nesi momentu entra n escena Llorián. Garra sitiu xunto a Ramón y, ensin dici-y nada, écha-y una güeyada d arriba a abaxo. Darréu sonrí y da-y una palmada nes costielles. Llorián: Bono, nun ye pa tanto! Primero o dempués pásanos a toos. Amás, yo yá lo vía venir. Ramón: Bah! Toos dicís lo mesmo agora que yá lo sabéis. El camareru acércase y entra disimuladamente na conversación que venía escuchando yá. Camareru: Home, yo yá lo oyere comentar per equí... eso ye verdá. Ramón: Nun digas tochaes y ponme esi café, que voi quedar secu! Llorián: Qué sí, qué sí, tien razón, entrúga-y a la mio muyer, yá verás lo que te diz! Llevo comentándo-ylo dende cuantayá. Andabes tol día con ella y yera norma que la xente comentare lo que podía pasar... y yera normal que pasare, sí! Ramón: (Falando pensativu.) La verdá ye que les coses nunca nun sabes lo que puen dar de sí. Entamé asina, a lo tonto, y yá ves... La primer vegada que salí, nun ye que me gustare nin poco nin muncho, pero yera un día d esos que tas aburríu, tercióme y fui a dar una vuelta con ella. A lo primero diba como si nada pero, poco a pocoñín, tresmitióme daqué raro, nun yera normal, y entamé a sentime a gustu a gustu. Alcuérdome que llegué a casa xiblando esi cantar d Aute... sí home sí, el de (canturriando) Al alba, al alba!. Taba aseláu como una malva aquella nueche. Y too por ella. Llorián: Eso yera bona seña de lo que diba pasar. Camareru: (Con voz socarrona.) Sí, de lo que-y gustaba montala y de que diba a acabar cagándola por nun ser precavíu! Ramón: Mui graciosu, pero a ver si tas menos a lo que falamos y más a poneme esi café! Llorián: (Aguantando la risa.) Bono Ramón, ten una migaya paciencia col guah.e, qu entovía lleva poco equí, ho. Ramón: Ye un inútil! (Fai un pausa y sigue falando.) Lo peor foi cuando tuvi pasando unos díes en Málaga, en casa los parientes del mio cuñáu, y mira que ye guapo aquello, eh! Pues nada, nun m afayaba, echábala de menos, pruyíame andar con ella. Sí, ellí foi onde me di cuenta de lo que me tiraba... (Con entusiasmu.) En cuantes que vini p acá, de siguío, unes vueltines per ehí, y a lo cabero la selmana yá fui de monte con ella. Foi demasiao...! Dende aquel entós entamé a querela, a llevala en maxín, a necesitala... Lo sele y lo espabánico llevábalo too xunto... ye una cosa! Y esos arranques que tien... que nunca nun sabes per ú va salir, empapotáronme lo mesmo qu un críu, y garré l viciu, porque a última hora ye un viciu como otru cualquiera, garré l viciu d andar siempre con ella... hasta que cayí... Llorián: Nel fondu yes lo mesmo qu un neñu, Ramón. Tu lo que tabes ye más solu que la una, y enrollástite asina, a lo tonto, cola primera que visti... Yo esa esperiencia vivíla tamién, y nun ye pa tanto. Home!, pásase bien, pero d ehí a cegar... Ramón: Chiisss, nun toi d al-cuerdu contigo, caún ye como ye, y la mesma cosa ye diferente en cada persona. Ye mui enguedeyao, Llorián. Amás, la mesma cosa non siempre vien igual, de la mesma manera y nes mesmes circunstancies... Llorián: (Cuasi enfadáu.) Yá tas coles tos filosofíes. Fatu, que yes un fatu de remate!, Ramón. Dexa de filosofiar y pon los pies embaxo. Pensé que con esto dibes escalabaciar un poco la tiesta y ver les coses más como son. Pero polo que veo, non, sigues como siempre, na lluna, alloriando ente babayaes de críu y entrugándote si les piedres oyen o si son sordes. Esti ye un tema mui seriu y tas tomándolu a risa! Camareru: (Metiéndose otra vez na charra.) Dempués soi yo l inútil, vaya la qu armasti...! Ramón: Quies callar guah.e! (Maldiz pelo baxo y sigue falando visiblemente enfadáu.) Y qué pasa con esi café, que tán recoyendo l granu en Colombia? Llorián: (Con xestu de tar preocupáu y tonu trescen- 35

20 36 dental.) Mira, voi dicite una cosa: amás de pariente, tiénesme por collaciu...? Ramón: Sí ho!, eso yá lo sabes. Llorián: Bono, pues voi date un conseyu de collaciu: déxala. Ramón: (Indignáu.) Que qué, ho? Que la dexe! Agora... a estes altures. Tu tas llocu, Llorián! Apetezme mandate... a nun sé ónde... polo menos a la mierda. Llorián: Ye normal, tu nun lo ves! Pero Ramón, nun te das cuenta de que siempre te sollevó, que te solleva y sollevará lo mesmo qu a un moñecu? Faime casu: déxala. Ramón: Pero bono Llorián, dempués del estáu nel que la dexé... y agora que paez que voi arreglando les coses, nun fastidies, ho! Llorián: El to caráuter nun va col d ella, y si non, yá lo verás: cualquier día vas tener un disgustu gordu. Pero nun ves que ta estrao d elles! Dexa y busca otra más afayadiza pa ti, qu hailes a esgaya... too ye ponese a ello... Ramón: Habráse visto! Más que pol to collaciu debes teneme por un xuguete tuyu. Non, Llorián, yá sabes que yo soi testerón y que cuando se me mete l cocu nun hai quien me lu saque. Sigo con ella penriba too, y si tuviemos esti esbariazu foi polo que foi, y nun ye cosa de ponese agora a falar de culpes. Asina voi deprendiendo... Llorián: Pero nun ves qu agora yá nun va funcionate igual nos momentos nos que necesites potencia? Ramón: Pero bono, tas enfermu con eses coses! A min nun m importa dir despacio con ella, y menos dempués del esbariazu que tuviemos! Amás, que ye lo que faltaba, que tu vinieres agora a dicime lo que teo que faer coles mios coses y colos mios gustos! Llorián: Nun ye eso, home, nun ye eso! Yo véolo dende fuera y véolo más ñidio que tu, que toi dándote un conseyu porque t estimo, pero fai lo que te pete. Ye pol to bien. Ramón queda un cachu en silenciu, reflexonando ya interrúmpilu l camareru. Camareru: Equí tien el café. Ramón: Pero bono, sí yá voi marchar, nun pretenderás que te lu pague? Ah, non non! Llorián: Venga Ramón, nun lo pagues con elli! Reculo no dicho si quies, sigue con ella, tu sabrás! Ramón: Igual tienes razón, Llorián, va valime más que la dexe. Esta vegada namás qu escalabré un poco la cara, pero pa otra, quién sabe si sedrá la tiesta... Quiciabes siguir con ella nun seya lo más seguro, tienes razón, voi vender la moto. Mayáu, Ramón dexa l chigre en compañía de Llorián. Fin Josep Carles Laínez Josep Carles Laínez (1970). Llicenciáu en Filoloxía Catalana, Filoloxía Hispánica y Llinguaxes Audiovisuales pola Universitat de Valencia. L añu 1997 algamó l Premiu de Teatru de l Academia de la Llingua Asturiana cola obra Elsa metálico (Uviéu, ALLA, 1998) y en 2000 entamó la so collaboración nel selmanariu Les Noticies. Tiense dedicao tamién a la performance, toes realizaes col tresfondu del paganismu y con un conteníu teatral dafechu: Memorial (2001), Umbrae (2002), Lux (2003), Sacra (2003)... Al mesmu tiempu, teorizó sobre esta práctica artística nel llibru colectivu Cartograf ías del cuerpo (Murcia, Cendeac, 2004). Amás de la so dedicación pa cola llingua asturiana, dispón d abundante obra en catalán, aragonés y español. Cómo ves la situación del teatru n asturianu anguaño? Como amante d un teatru d autor, d un teatru sobre manera lliterariu, allonxáu na so dinámica de la puesta n escena y de suplir los finxos escriturísticos cola escenografía y la interpretación, veo l panorama dende la perplexidá. Cuasi dende la inesistencia. Interésame l teatru como fechu de creación individual. Quiciabes la mio postura tea en disonancia colo que siempre foi lo dramático, pero ente la caída de los xéneros y la emerxencia en determinaes producciones d elementos non teatrales, el regresu al papel ye tamién otra opción de considerar qué teatru queremos y pa quién. Una opción más radical, seguro, pero al meyor más creativa. Cuál ye l so camín de futuru, qué rumbu debería caltener? Nun teatru onde nun esisten los autores nin los actores, sinón les compañíes, prémiase sobre too la supervivencia (y nun toi a falar necesariamente del teatru asturianu). El teatru debería afirmase como una esperiencia alternativa. Les propuestes dramátiques deben esplorar la palabra. Depués vendrá la escena posible. Y será importante atender pa los cuerpos, los xestos, la palabra, agora sí, pronunciada. Pero una obra de teatru nunca nun tien de ser una creación a comuña, nin tampoco un circu d efectos prestosos. Un teatru cultu, digo, non popular. Hores finales d Hefestión en Babilonia Josep Carles Laínez Personaxes: Alexandru, emperador. Hefestión, xeneral griegu, amante d Alexandru. Coru, representáu por una neña. Escena única Alexandru ta a la esquierda del espectador; Hefestión, a la drecha. Los dos alcuéntrense de rodíes, esnudos y con un focu illuminándolos cenitalmente que dirá alternando sigún les intervenciones, anque de mou enforma suave ya imperceptible. Tol escenariu, esceuto los actores, tará a escures. Xesticularán namás que colos brazos, ensin mirase nunca. El Coru dirá pasiando d ún a otru, adoptando l papel afayadizu en cada 37