PACTO DE CONTRATACIÓN TEMPORAL DE PERSOAL NA FUNDACION PUBLICA HOSPITAL VIRXE DA XUNQUEIRA.

Transcripción

1 PACTO DE CONTRATACIÓN TEMPORAL DE PERSOAL NA FUNDACION PUBLICA HOSPITAL VIRXE DA XUNQUEIRA. En Cee, a 15 de outubro do 2005, para establecer un sistema de vinculacións temporais, reuníronse as organizacións sindicais representadas no Comité de Empresa coa Dirección da Fundación Pública Hospital Virxe da Xunqueira. Rematado o dito proceso negociador resultou o pacto anexo, subscrito entre a Fundación Pública Hospital Virxe da Xunqueira e o Comité de Empresa. RESOLVEN Acordar a publicación do pacto sobre vinculacións temporais para o persoal sanitario non facultativo e persoal non sanitario da Fundación Pública Hospital Virxe da Xunqueira. CONTIDO DO PACTO NORMAS XERAIS 1. Ámbito de aplicación do pacto: Institucional: Só será de exclusiva aplicación no ámbito organizacional da Fundación Pública Hospital Virxe da Xunqueira. Persoal: O presente pacto, unha vez entre en vigor, afectará a todas as contratacións temporais do persoal sanitario non facultativo e persoal non sanitario que se formalicen ó longo do ano 2006 e seguintes, e derrogará calquera outra lista elaborada con anterioridade. 2. Vixencia do pacto. O presente pacto terá unha vixencia de DOUS anos con prórroga automática e por idéntico ou idénticos períodos, de non mediar denuncia expresa por ningunha das partes asinantes, ao menos con catro meses de antelación ao seu remate. 1

2 3. Réxime transitorio. En tanto non se publiquen as listas definitivas das categorías que se convoquen, para efectuar os chamamentos que resulten precisos seguirán aplicándose as listas confeccionadas en desenvolvemento do pacto anterior. 4. Sistemas de contratacións: Para o persoal sanitario non facultativo e persoal non sanitario, seguiranse as listas publicadas a tal efecto. 5. Formalización de solicitudes Convocatoria. Publicado o presente pacto nos taboleiros de anuncios da Fundación Pública Hospital Virxe da Xunqueira, Delegacións Provinciais da Consellería de Sanidade, Direccións Provinciais do Sergas, Secretaría Xeral do Sergas e na páxina web do SERGAS ( convocaranse aos aspirantes mediante a inserción dun anuncio na prensa escrita Prazo e lugar de presentación das solicitudes. Formalizada a convocatoria e, nos termos que nela se indiquen, os aspirantes disporán dun prazo máximo de 15 días naturais a partir do seguinte á data de publicación desta no DOG, para a presentación da súa solicitude no modelo normalizado, xunto coa documentación que sexa pertinente. As solicitudes poderán presentarse na Fundación e nas Delegacións Provinciais da Consellería de Sanidade, Direccións Provinciais do Sergas, e Secretaría Xeral do Sergas. Aqueles aspirantes que presentasen unha solicitude diferente da normalizada, serán excluídos automaticamente Requisitos dos aspirantes. Na data en que expire o prazo para a presentación das instancias, os aspirantes deberán reunir os seguintes requisitos: Ter cumpridos os 18 años e non exceder da idade de xubilación. Acreditar a nacionalidade española ou dun país da Unión Europea ou, de ser o caso, dispor de autorización administrativa para poder residir e traballar legalmente en España. 2

3 Posuír a titulación que, segundo se fai constar no modelo da instancia, habilita para o exercicio da profesión correspondente ou estar en condicións de obtela dentro do prazo de presentación da solicitude. Posuír capacidade necesaria para o desempeño das funcións que se deriven do correspondente nomeamento Acreditación de méritos avaliables. Os méritos admisibles e avaliables serán unicamente os causados ata o día inmediato anterior inclusive á data de publicación da convocatoria, sempre que se acrediten no prazo de presentación das solicitudes. A acreditación dos méritos alegados requirirá a incorporación de documentos auténticos, sen prexuízo da posible compulsa que, sobre as copias fotoestáticas deles, sexa realizada polo persoal competente Formulación das solicitudes. Cada aspirante aos nomeamentos ao que se refire o presente pacto, solicitará a súa inclusión nos ámbitos e categorías sinalados nos modelos de solicitude. No suposto de que un aspirante incumprise as regras previstas no citado modelo e, se así se detectase a través dos mecanismos de control, excluirase inmediatamente de calquera listado dos solicitados. No modelo normalizado de solicitude advertirase, de modo claro e inequívoco, a aplicación desta medida. A citada exclusión acordarase baixo os seguinte criterio: De detectarse duplicidade en categorías incompatibles entre si, optarase por manter ó interesado no listado da categoría en que figurase na anterior convocatoria, deixando sen efectividade a solicitude respecto da outra. 6. Elaboración das listas Regra xeral Os listados de aspirantes ós nomeamentos temporais elaboraranse pola estrita orde de puntuación que resultará da aplicación do baremo establecido para as categorías Unha vez se tivesen realizadas as valoracións, publicaranse as listas provisionais desglosadas por categorías nos taboleiros de anuncios da Fundación e nas Delegacións Provinciais da Consellería de 3

4 Sanidade, Direccións Provinciais do SERGAS, e Secretaría Xeral do SERGAS, incluíndo a relación dos aspirantes admitidos coa súa puntuación e orde de prelación, así como dos excluídos, indicando a causas da súa exclusión. Contra os listados provisionais, os interesados poderán formular reclamación perante a secretaría da FPHVX, no prazo máximo de 10 días hábiles, a partir do seguinte o da data de publicación Resoltas as reclamacións, publicaranse as listas definitivas do xeito establecido para as provisionais. Contra as listas definitivas, os aspirantes poderán presentar recurso de alzada perante a xerencia da F.P.H.V.X., no prazo dun mes contado desde a data seguinte ó da súa publicación Prórroga do pacto. De prorrogase a vixencia do presente pacto, vehicularase unha nova oferta para a selección dos aspirantes ás vinculacións temporais durante o último trimestre de cada ano natural que corresponda. A primeira oferta que se produza por esta causa efectuarase a partir do último trimestre do ano 2007 e sucesivos anos Supostos especiais: Incorporación automática de novos aspirantes. Co obxecto de garantir a dispoñibilidade de profesionais nas categorías de matronas, enfermeiros e doutros profesionais, mediante a incorporación dos novos titulados que aspiren ós chamamentos para vinculacións temporais, poderán presentar a súa solicitude, sen necesidade dunha previa convocatoria, durante os quince primeiros días de outubro e deberán dirixilas á Dirección da FPHVX. Os ditos listados manteranse vixentes ata a resolución da seguinte convocatoria xeral ordinaria da correspondente categoría. Para estes efectos a Dirección da FPHVX divulgará na segunda quincena do mes anterior, un recordatorio da apertura do citado prazo entre os sindicatos, colexios profesionais, escolas de enfermería, servizos e unidades de atención primaria, e nos taboleiros de anuncios das direccións provinciais do SERGAS. Así mesmo publicarán o oportuno anuncio nun ou varios medios de difusión do ámbito territorial respectivo. Terase a disposición dos interesados os modelos normalizados de solicitude. 4

5 Coas solicitudes presentadas, realizarase a valoración dos expedientes presentados conforme ó baremo que se publica co presente pacto e procederase a publicación dos listados provisionais de puntuacións que poderán ser obxecto de reclamación no prazo de cinco días. O listado que resulte pasará a integrar os listados xerais da derradeira convocatoria ó cabo da lista, con indicación do período de solicitude (outubro) e ano e pola orde derivada do citado prazo e da prelación que resultase da avaliación. Idéntico tratamento outorgarase ó listado que resulte dos aspirantes que optasen acceder pola lista de promoción interna Novas categorías e readaptación de categorías. No caso de creación dunha categoría de persoal ou de non ter convocada algunha das existentes no prazo previsto para a convocatoria xeral, realizarase unha convocatoria cos baremos que corresponda trala negociación co comité de empresa Baixa automática do persoal fixo. O persoal fixo de novo ingreso en virtude do remate dun proceso selectivo será dado de baixa automaticamente como aspirante ás vinculacións temporais no intre en que se abra o prazo de incorporación das prazas adxudicadas. 7.. Xestión das listas O control e execución dos chamamentos serán realizados por unha persoa designada pola empresa e semanalmente pasará ao comité de empresa un listado das contratacións realizadas Para efectuar os chamamentos seguirase rigorosamente a orde de puntuación acreditada polos aspirantes en cada ámbito. Para a formalización de nomeamentos de duración igual ou superior ó ano chamarase, en todo caso ó aspirante que acredite a maior puntuación na lista, sempre que no estea xa vinculado por outro nomeamento de duración igual ou superior ó citado período. De acordo co anterior, cando un aspirante figura con dereito preferente, pola puntuación que acredite, para ocupar praza vacante con carácter interino ou para formalizar outro vínculo de duración prevista igual ou superior ó ano, e se atope vinculado por un nomeamento de duración inferior, será requirido para 5

6 ocupar a citada praza vacante ou para formalizar outra vinculación de duración igual ou superior ao ano. Ofertaranse as melloras de contrato, cando o contrato previsto corresponda por orde de prelación e supere ó que o traballador xa ten. Considerando a mellora de contrato os de duración igual ou superior aos 4 meses. Na oferta dun contrato con redución de xornada os aspirantes da lista xeral poderán negarse a primeira vez que se lles ofreza. Se renuncian a totalidade dos inscritos na lista iniciarase unha segunda volta na que a aceptación será obrigatoria para o aspirante ao que lle corresponda por puntuación. De xurdir posteriormente un contrato a tempo completo superior a 2 meses de duración deberá ser ofrecido a mesma persoa se por puntuación lle corresponde 7.3. Para as vinculacións programadas, e sempre que exista un prazo suficiente de 48 horas, os aspirantes serán avisados mediante carta, telegrama ou burofax. No resto dos supostos nos que exista urxencia na vinculación avisarase telefonicamente. En todo caso quedará constancia da data e hora na que cada aspirante sexa requirido, mediante dilixencia estendida para o efecto, levándose un libro de rexistro das chamadas efectuadas De constatarse un erro material ou de feito no chamamento e posterior vinculación a prol dun aspirante, que pola súa orde de puntuación no lle corresponde, procederase, no prazo dos 15 días seguintes, á revogación do nomeamento expedido por tal circunstancia. A determinación das necesidades de vinculación será competencia do Director da Fundación Pública Hospital Virxe da Xunqueira, de acordo coas súas competencias de xestión normativamente recoñecidas, sen prexuízo da preceptiva información sobre os contratos eventuais, que periodicamente debe facilitarse ao comité de empresa da fundación Pública Hospital Virxe da Xunqueira. 8. Promoción profesional temporal Convocaranse listas específicas con obxecto de reservar o 50% das necesidades a cubrir na Fundación Pública Hospital Virxe da Xunqueira, para a formalización de vínculos de interinidade en praza vacante e demais que se estimen inicialmente, de duración igual ou superior a un mes, para o persoal fixo con praza en propiedade en igual ou inferior grupo ao da categoría obxecto de vinculación, que leva polo menos dous anos en servizo activo como persoal fixo, coa limitación do art. 14 do Convenio Colectivo. 6

7 8.2. Para estes efectos, confeccionaranse unhas listas coa mesma vixencia das anteriores e coa aplicación dos criterios de selección e restantes prescricións establecidas neste pacto Poderá, solicitar a inclusión nas devanditas listas de promoción temporal, o persoal fixo, en servizo activo durante polo menos dous anos na categoría de procedencia que ostente a titulación requirida para prestar servizos na categoría á que opta. 9. Seguimento do pacto Para o seguimento do Pacto, constituirase unha comisión paritaria, integrada por tres representantes pertencentes ás organizacións sindicais asinantes do pacto e en número igual polos representantes designados pola dirección do centro A comisión terá a seguintes competencias: a) Coñecerán, en única instancia, todas as incidencias e reclamacións que se produzan, formulando as propostas de resolución con carácter vinculante que procedan para o seu traslado aos interesados. b) Exercerán o control de execución dos chamamentos dos aspirantes en todo o seu ámbito Réxime de funcionamento: Os acordos adoptaranse por maioría dos presentes, requiríndose un quórum de 2 membros por cada unha das partes e sendo decisorio, no caso de empate, o voto do presidente A presidencia da comisión corresponderalle a un membro da dirección, actuando como secretario un dos outros representantes da dirección A Comisión reunirase, ben con carácter ordinario, unha vez ó trimestre ou ben con carácter extraordinario nas ocasións en que concorran as circunstancias que o fagan preciso. A solicitude da convocatoria extraordinaria, na que 7

8 10. Penalizacións. necesariamente se fixará a orde do día, farase a instancia, cando menos de un dos membros da comisión, e cunha antelación mínima de 24 horas Renuncias aos nomeamentos Será penalizado pasando ó cabo da lista da súa categoría o aspirante que renuncia por primeira vez a unha oferta de vinculación. No caso de concorrer unha segunda renuncia o aspirante será penalizado coa exclusión da citada lista. A penalización acordada por un ou outro motivo terá unha duración dun ano, contando desde que a medida se fai efectiva e será notificada ao aspirante afecto e á comisión paritaria de seguimento do pacto, con carácter inmediato Procederase a suspensión dos chamamentos, sen penalización ningunha á petición do interesado e sempre que o xustifique suficientemente, nos seguintes casos: a) Maternidade ou adopción legal. b) Exercicio de representación sindical. c) Matrimonio. d) Falecemento de familiar ata o segundo grao de consanguinidade ou afinidade. e) Coidado de fillos menores de 3 anos ou dun familiar que se encontre ó seu cargo, ata o segundo grao de consanguinidade ou afinidade, que por razóns de idade, accidente ou enfermidade non poida valerse por si mesmo e non desempeñe actividades retribuídas. f) Participación en programas de cooperación internacional debidamente autorizados ao servizo de organizacións de cooperación internacional. g) Calquera outra de entidade suficiente que se considere oportuno a criterio da comisión paritaria de seguimento. h) Encontrarse traballando no momento do chamamento. O aspirante deberá alegar as citadas causas, dentro dun prazo de quince días perante a dirección do centro, e acreditalas con anterioridade á data en que o chamamento se produza ou, de non ser posible, no intre en que atenda o chamamento ou se formalice o nomeamento. A suspensión do chamamentos deberá ser informada á comisión de seguimento na seguinte reunión que se celebre desde que se presenta a renuncia. 8

9 De concorrer supostos de controversia ou dúbida sobre a causa alegada, a Dirección da Fundación trala audiencia do interesado no prazo de 10 días hábiles e logo do tratamento e acordo adoptado pola comisión de seguimento resolverá sobre a súa estimación ou desestimación No caso de desestimación, e, de persistir o rexeitamento a oferta por parte do interesado adoptarase cautelarmente a medida penalizadora que corresponda, sen menoscabo da súa revogación ulterior, se cabe, co restablecemento da situación do aspirante. A suspensión dos chamamentos manteranse ata que o interesado notifique a súa dispoñibilidade alegando o remate da causa de suspensión e sexa aceptada a súa reposición pola comisión do seguimento do pacto. 11. Incumprimentos graves dos aspirantes Serán excluídos definitivamente da lista os aspirantes que concorresen en incumprimentos graves, tanto derivados da súa calidade de aspirante inscrito na lista da categoría correspondente, como do concreto desempeño do posto de traballo Para facer efectivas as exclusións derivadas dos citados incumprimentos seguirase un procedemento perante a Dirección da Fundación, no que se garante, en todo caso, a audiencia do interesado e coa participación preceptiva da comisión. 12. Disposicións especiais Período de proba. Nos nomeamentos expedidos estipularase un período de proba para os aspirantes. Cando un aspirante sexa cesado por no superar o período de proba que no nomeamento se estipule, quedará automaticamente excluído da lista. A Dirección da Fundación deberá comunicar á comisión de seguimento do pacto, coa maior brevidade, os cesamentos que se produzan por tal motivo e de existir, as circunstancias que razoablemente obsten a aplicación da medida de exclusión. 9

10 12.2. Áreas especiais Cando sexa preciso cubrir necesidades de vinculación de ATS/DUE que se produzan nas áreas de reanimación, quirófanos, hemodiálise e HADO, e no caso de Auxiliares de Enfermería nas áreas de quirófanos, hemodiálise e no caso de técnicos de anatomía patolóxica na área de screening citolóxico, os aspirantes que acrediten 3 meses de experiencia profesional nas citadas áreas ou seis meses de prácticas postgraduación ou posúan a especialidade ou titulación específica que fose preceptiva farano constar no espazo reservado para o efecto nas solicitudes que formulen, achegando, en todo caso, certificación acreditativa da experiencia expedida polo centro sanitario correspondente ou a titulación da especialidade O chamamento para tales áreas farase seguindo a orde de prelación da lista e a prol das persoas que acrediten a experiencia ou as especialidades aludidas. En todo caso, excluiranse de tal sistema a cobertura das prazas vacantes e as substitucións dunha duración previsible superior a 60 días, que se proverán sempre na forma ordinaria Vinculacións de curta duración. Creación de listaxes especiais para vinculacións temporais de curta duración. Os listaxes de curta duración poderán ser utilizadas para chamamentos que non excedan de cinco días de duración, por algunha das causas, que a continuación se enumeran: 1. Traslados de enfermos en ambulancias. 2. Absentismo. 3. Incapacidade temporal pendente de xustificación non superior a tres días, deste a data da súa efectividade. 4. Permisos. 5. Licenzas. Os aspirantes poderán figurar como titulares ou reservas, no número que se determine coa publicación das listaxes provisionais. Os aspirantes que figuren coma titulares serán chamados de xeito rotatorio, segundo a súa orde de prelación nas listaxes. A inclusión dos aspirantes nas listaxes de curta duración implica a súa exclusión de chamamentos pola listaxe xeral para formalización de vinculacións inferiores a catro meses, agás en caso de indispoñibilidade de aspirantes na 10

11 listaxe xeral para a cobertura de vacacións estivais, nas que serán chamados con prioridade sobre os aspirantes inscritos por mor de convocatorias automáticas previstas, convocatorias por indispoñibilidade de aspirantes nas listaxes dunha determinada categoría e sobre a utilización de listaxes das áreas próximas. As vinculacións que se subscribirán con cada aspirante chamado pola listaxe de curta duración non poderán exceder do cómputo de 10 días cada mes, e consecuentemente, 120 días ao ano. No caso excepcional de que se exceda de 120 días con anterioridade ao remate do ano, o aspirante será suspendido para chamamentos pola listaxe de curta duración e será chamado cando lle corresponda polo seu número de orde pola listaxe xeral. A data de referencia para o cómputo do ano será a de entrada en vigor das listaxes, coa publicación das relacións definitivas de aspirantes admitidos e excluídos de cada categoría. Unha vez cumprido o ano, o aspirante suspendido será reposto na listaxe de curta duración, no número de orde que lle corresponda pola súa puntuación. O suposto de suspensión por exceso de tempo dun titular non suporá a inclusión dun aspirante de reserva no seu lugar. Así mesmo, seralles de aplicación aos aspirantes inscritos nas listaxes de vinculacións temporais de curta duración a suspensión de chamamentos cando o tempo traballado exceda de 360 días nun prazo de tres anos, coa salvidade de indispoñibilidade conxuntural de aspirantes prevista no pacto, e non sería aplicable esta medida de suspensión nos chamamentos polo período de indispoñibilidade. A suspensión de chamamentos non poderá exceder de tres meses, nun período de doce desde a aplicación da suspensión. Estarán suspendidos de chamamentos nas listaxes de curta duración os aspirantes que figuren como titulares e que no momento da súa publicación teñan vínculos de longa duración vixentes. No intre en que perdan o vínculo de longa duración serán repostos nas listaxes de curta duración correspondente. As persoas que permanezan durante toda a convocatoria nesta lista pool formalizándose con elas ao menos un contrato, asignaránselle 3 puntos e de ser chamados e non acudir sen causa xustificada non terán dereito aos puntos. 11

12 13. Cobertura de vacantes polo persoal fixo da mesma categoría. Periodicamente abrirase un prazo de concurso de traslados interunidades para persoal fixo. Existe un circuíto aberto de forma permanente para a solicitude de acoplamentos. CRITERIOS DE SELECCIÓN Para deseñar o proceso de selección de aspirantes e confeccionar as diferentes listas por categoría configúranse os criterios de selección do presente pacto: 1. Outórgase unha valoración á superación da fase de oposición dos procesos selectivos da Fundación inmediatamente anteriores ás convocatorias que se celebren ó abeiro deste pacto. A valoración da fase de oposición dos citados procesos adquire especial relevancia xa que resulta un expoñente claro dos principios de publicidade, igualdade, mérito e capacidade. 2. No relativo á persoal non sanitario, tendo en conta a especificidade ou complexidade dalgunhas das funcións que van a desempeñar determinados profesionais, resulta preciso, respecto de concretas categorías que o integran, realizar unha proba de coñecementos que garanta a idoneidade do profesional para o desempeño da praza ou posto de traballo. Os aspirantes ó grupo técnico superior ou medio, técnico de xestión, e do persoal informático, que ademais de ser puntuados con carácter previo conforme o baremo de méritos, realizarán unha proba de carácter teóricopráctico, que determinará, segundo o perfil ou características da praza obxecto da cobertura o director do centro sanitario. Tal proba será executada soamente cando as características e circunstancias da praza obxecto de cobertura o requiran. Tamén poderán se obxecto dunha proba de aptitude de carácter informático os aspirantes á categoría de persoal de servizos xerais, agás aqueles que tiveran acreditado o coñecemento suficiente na área informática, a través de cursos formativos de carácter selectivo debidamente avalados. Da realización das devanditas probas excluiranse os aspirantes que aprobasen a fase de oposición do proceso selectivo da FPHVX. Sen embargo, poderán excepcionalmente acordarse para as categorías dos grupos TÉCNICOS SUPERIORES, PERSOAL INFORMATICO, respecto ás prazas que polas súas características e deseño non pertenzan á rama xurídica nin económica. 12

13 Da execución das devanditas probas exceptuarase tamén aquel persoal técnico, e de servizos xerais que prestasen servizos nalgunha institución sanitaria dependente do SERGAS, por un período superior a dous meses. As características, contido e mailo modo de execución das probas será determinado pola comisión, coa excepción das correspondentes ós grupos técnicos, de xestión, de grao medio e persoal de informática que é competencia da xerencia do hospital xunto co comité de empresa. As probas de aptitude para o persoal técnico e de servizos xerais, de carácter eliminatorio, terán unicamente a cualificación de apto ou non apto. Para os aspirantes declarados aptos na proba, así coma para o resto dos grupos profesionais e categorías, tanto de persoal sanitario coma non sanitario, aplicaranse os baremos de méritos contados neste pacto, resultantes da suma das puntuacións que por cada apartado de méritos se estableza. 3. A puntuación por méritos que acaden os aspirantes determinará a súa orde na lista. Os empates dirimiranse a prol do aspirante que acredite maior tempo como desempregado total e non subsidiado. De persistir o empate ou ben de tratarse de persoal de promoción profesional, resolverase a favor do aspirante de maior idade. Entre os aspirantes que superasen a fase de oposición do proceso selectivo, os empates resolveranse a prol do que acredite maior puntuación final nesa fase (excepto a valoración da proba da lingua galega). 13

14 BAREMO PARA CONTRATACIÓN TEMPORAL DE PERSOAL SANITARIO NON FACULTATIVO E PERSOAL NON SANITARIO Persoal sanitario non facultativo e non sanitario A.- FORMACIÓN CONTINUADA: A puntuación máxima neste apartado será de 10 PUNTOS. Pola asistencia debidamente xustificada a cursos convocados e impartidos pola Administración Estatal, Autonómica, Universidades, INEM e Cruz Vermella ou avalados en debida forma polo SERGAS, FEGAS ou cursos impartidos dentro dos programas de Formación Continuada do propio Hospital Virxe da Xunqueira, sempre que teña un contido relacionado coas funcións propias da categoría á que se opta, a razón de: De 0,003 puntos por cada hora de formación. Acreditación dos cursos: deberán conter a sinatura do responsable do órgano convocante, e/ou do responsable da súa impartición. Así mesmo deberá constar claramente o número de horas do curso, as datas de comezo e finalización, o seu contido, e a localidade onde foi impartido. No caso de títulos onde figuren número de créditos e non de horas, considerarase 1 crédito equivalente a 10 horas. Só se admitirá como formación os cursos e non seminarios, charlas, xornadas e talleres. A formación puntuada será a posterior a obtención do título da categoría á que se presenta, e polo tanto tomarase como referencia a data de expedición do título, de non coincidir dita data coa obtención do mesmo deberá acreditarse mediante expediente académico. B.- EXPERIENCIA PROFESIONAL: A puntuación máxima posible por cada aspirante polo conxunto dos méritos previsto neste epígrafe será de 24 puntos. 1. Por cada mes completo de servizos prestados en institucións acollidas ó Convenio de Fundacións Públicas Sanitarias de Galicia, institucións sanitarias da Seguridade Social dependentes do SERGAS ou noutras institucións sanitarias da Seguridade Social integrantes do Sistema Nacional de Saúde, na categoría á que se opta: 0,25 puntos 14

15 2. Por cada mes completo de servizos prestados noutras institucións sanitarias ou de servizos sociais públicas españolas ou dun pais da U.E: 0,10 puntos. 3. Por cada mes completo de servizos prestados en institucións sanitarias privadas españolas: 0,05 puntos. A acreditación dos servizos prestados en institución sanitarias públicas españolas farase a través de certificación expedida polo responsable de persoal ou servizo equiparable do centro público que corresponda. A acreditación de servizos en institucións privadas deberá acreditarse coa certificación da empresa na que se faga constar categoría, duración e xornada, e igualmente, informe do órgano correspondente da Seguridade Social de cotizacións. Só se avaliará a experiencia en institucións sanitarias ou de servizos sociais públicos de países da U.E, que deberán acreditarse coa certificación da empresa na que se faga constar categoría, duración e xornada. Neste caso o aspirante deberá de acompañar xunto á certificación orixinal, no caso de que esta veña expedida nun idioma distinto ao Castelán o Galego, tradución literal autentificada a un dos devanditos idiomas. Non se valorarán os servizos en institucións privadas estranxeiras. C.- PUBLICACIÓNS, PONENCIAS E INVESTIGACIÓN: Ata un máximo de 5 PUNTOS. Posteriores a obtención do título, e relacionadas coa categoría profesional á que opta. Polas publicacións de carácter científico en revistas especializadas a nivel nacional ou internacional: 0,25 puntos. Pola presentación de comunicacións orais ou posters e ponencias a congresos, seminarios ou xornadas: 0,10 puntos. Pola docencia activa por hora: 0,02 puntos D.- COÑECEMENTOS DE LINGUA GALEGA: Pola realización do curso de INICIACIÓN Á LINGUA GALEGA: 0,5 puntos. Pola realización do curso de PERFECCIONAMENTO DA LINGUA GALEGA: 1 punto. A puntuación máxima deste apartado é de 1 punto. E.- Por ter superado sen praza o proceso selectivo convocado pola Fundación Pública Hospital Virxe da Xunqueira no DOG do 5 de Setembro de 2001 : 7 puntos 15

16 F.- PROGRAMAS DE FORMACIÓN ESPECÍFICA Dada a peculiar situación xeográfica do centro e, ante a necesidade de coñecer determinados procedementos e facer máis doado o proceso de incorporación, poderanse impartir cursos pola Fundación sobre estas materias, que se valorarán coa puntuación que no seu momento se estableza pola Comisión Paritaria de seguimento do Pacto. A puntuación máxima a alcanzar neste apartado será de 2 puntos. Antes de cada acción formativa publicitarase a realización da mesma, o número de horas e a súa valoración. G.- EMPATE No caso de empate primará o tempo traballado na empresa; de persistir o empate, sería a experiencia profesional, é dicir, o tempo traballado na categoría á que se opta. E no caso de seguir persistindo o empate inclinariámonos pola persoa de maior idade. Disposición Final: O contido do presente pacto entrará en vigor na data de publicación no DOG da correspondente convocatoria. Antonio V. Martínez Calvo Director da fundación Francisco Boullosa Marcote Presidente do Comité de Empresa 16