ORGANISMO AUTÓNOMO MUNICIPAL DE CULTURA

Transcripción

1 REGULAMENTO DE UTILIZACIÓN DE INSTALACIÓNS DEPORTIVAS MUNICIPAIS. I. NORMATIVA XERAL DOS PAVILLÓNS POLIDEPORTIVOS CUBERTOS. Artigo 1. O presente regulamento ten por obxecto a formulación dun conxunto de normas encamiñadas á planificación e control das actividades que se realizan nos pavillóns polideportivos municipais cubertos. Artigo 2. Nos pabillóns polideportivos cubertos, poderanse realizar todo tipo de actividades físico-deportivas sempre que a sua práctica non provoque, a xuizo do servicio municipal de deportes, un deterioro evidente do pavimento ou demais elementos da instalación. Artigo 3. Poderanse realizar manifestacións culturais, ainda non sendo estrictamente deportivas, sempre que os responsables municipais autoricen a sua celebración. Artigo 4. Tamén poderán ter lugar actos públicos considerados de interés xeral e que conten coa autorización do Concello de Oleiros. Artigo 5. Os pavillóns polideportivos cubertos poderán ser utilizados por tódolos veciños de Oleiros tanto individualmente como en grupo, nas condicións e cos requisitos que se especifican no presente regulamento. Artigo 6. Os horarios serán elaborados polo Servicio Municipal de Deportes do Concello e aprobados polo concelleiro responsable deste servicio, e estarán expostos ó público nas mesmas instalacións. Artigo 7. Durante o horario escolar, e de luns a venres ata as 18:00 horas, os pabillóns polideportivos poderán ser utilizados preferentemente polo alumnado dos centros de ensino público nas suas actividades lectivas de educación física, así como na actividade das escolas deportivas municipais ou actividades extraescolares. O horario restante, que será ata as 23:00 horas, adicarase en lugar preferencial ás actividades programadas polo Servicio Municipal de Deportes, e en segundo lugar ás entidades e grupos de veciños. Artigo 8. Durante as fins de semana os horarios poderán variar en función das solicitudes realizadas polos veciños, entidades e as actividades municipais programadas. En todo caso o horario de apertura non será antes das 9:00 h., e o de peche non superará as 24:00 h., agás casos excepcionais a decisión do Concello de Oleiros.. Artigo 9. Correspóndelle ó Servicio Municipal de Deportes: a) Dirixir e coordenar a utilización das instalacións. b) Tramitar e informar sobre as solicitudes de utilización. c) Inspeccionar as actividades.

2 II. DEREITOS E OBRIGAS DOS USUARIOS. Artigo 10. Tódolos veciños do Concello de Oleiros teñen dereito á utilización e acceso ós pavillóns polideportivos municipais en condicións de igualdade e segundo a normativa municipal de utilización dos mesmos. Neste senso, para utilizar os polideportivos cubertos por parte dos grupos de veciños, deberán estar ao corrente nos pagos da correspondente tasa municipal en concepto de aluguer da instalación. Artigo 11. A petición do conserxe da instalación ou responsables municipais, os usuarios deberán identificarse como membros do grupo ó que corresponde a hora de utilización, amosando para elo o seu D.N.I. Artigo 12. A práctica deportiva deberá finalizar como máximo na hora de remate que se comunique ós usuarios, axustándose estrictamente ao concertado no aluguer. Artigo 13. Se na utilización das instalacións, se ocasionasen desperfectos por un uso incorrecto das mesmas, serán responsables solidarios todos aqueles usuarios pertencentes ó grupo que esté a utilizar a instalación, ou no seu caso a entidade deportiva á que pertenzan. É dicir, indemnizará ó Concello de Oleiros en igual cuantía que o valor dos bens destruidos ou o importe da reparación dos danos, despois do correspondente expediente de responsabilidade, e sen prexuizo das sancións que poideran corresponder Artigo 14. É obrigatorio o uso de calzado deportivo para acceder ás pistas de xogo, que polas características do seu chan, así o recomende o Servicio Municipal de Deportes. Artigo 15. Calquer usuario ten dereito a realizar as reclamacións ou suxerencias que considere necesarias. Artigo 16. Os usuarios deberán en todo momento respectar e cumprir as recomendacións ou instruccións do conserxe ou responsables municipais. Artigo 17. O Concello de Oleiros reservase o dereito de anular calquer permiso concedido no caso de precisar a instalación para realizar algunha actividade ou proba deportiva municipal. Neste caso, e se os afectados son un grupo de veciños que realiza un aluguer, éstes poderán optar por utilizar outra hora ou instalación, ou que se lle reintegre o importe do aluguer, para o cal deberá presentar sempre o correspondente recibo. Artigo 18. No caso de xurdir, por parte do usuario ou entidade, causas xustificadas que impidan utilizar a instalación, estarán na obriga de avisar por escrito da non utilización da mesma no horario correspondente, e cunha anticipación mínima de 24 horas. No caso de que unha entidade ou grupo de veciños, non utilice en máis de cinco ocasións as horas que ten concedidas, poderá perder os dereitos adquiridos á utilización da instalación.

3 III. PROHIBICIÓNS. Artigo 19. Está totalmente prohíbido fumar e posuir ou consumir bebidas alcohólicas dentro do recinto da instalación. Artigo 20. Está prohibido a cesión da hora adxudicada a terceiros grupos ou entidades. Artigo 21. En xeral, non se permite a colocación de publicidade agás permiso expreso do Concello de Oleiros. Artigo 22. Non está permitida a entrada de animais dentro do recinto dos pavillóns, agás os cans lazariños debidamente identificados. IV. NORMATIVA DE ACCESO PARA A UTILIZACIÓN DE PAVILLÓNS DEPORTIVOS CUBERTOS POR ENTIDADES DEPORTIVAS OU VECIÑAIS Artigo 23. As entidades deportivas ou veciñais poderán solicitar o uso periódico dos pavillóns. Os horarios de utilización acordados, renovaranse e actualizaranse anualmente a data de 15 de Setembro, segundo as solicitudes realizadas previamente polas entidades e a programación deportiva municipal correspondente, permanecendo en vigor ata o 30 de Xuño do ano seguinte. Artigo 24. As entidades deportivas que pretendan solicitar a utilización dos pavillóns polideportivos, deberán reunir os seguintes requisitos: a) Estar rexistrada oficialmente no Concello de Oleiros. b) Ter domicilio social dentro do termino municipal do Concello de Oleiros. c) Ser unha entidade sen animo de lucro. Artigo 25. A documentación que deben presentar as entidades é a seguinte: a) Breve memoría explicativa da actividade que se pretende realizar na instalación, así como da actividade que realiza a entidade e a xustificación das horas solicitadas. b) Documentos que certifiquen os requisitos sinalados no artigo 24. c) Listado certificado de deportistas ou socios pertencentes á entidade que vaian utilizar a instalación (co seu respectivo D.N.I.). Calquer troco, deberá ser comunicado por escrito, dirixido ó Servicio Municipal de Deportes, segundo a presente normativa. e) Nome, Apelidos, D.N.I. e teléfono de contacto da persoa responsable do grupo, así como o seu cargo dentro do organigrama da entidade solicitante. Artigo 26. As entidades deberán realizar a solicitude do seguinte xeito: a) As solicitudes realizaranse mediante instancia tipo que se recolle no Anexo I deste regulamento, acompañando ó resto de documentación. b) As datas para presentar as solicitudes serán entre o 15 de xuño e o 31 de xullo (ambos inclusive). c) As solicitudes deberanse presentar no rexistro do Organismo Autónomo Municipal de Cultura. d) De luns a venres, os horarios solicitados serán posteriores ás 18:30 horas.

4 Artigo 27. O Organismo Autónomo Municipal de Cultura terá en conta, entre outros, os seguintes aspectos para adxudicar o número de horas semanais de utilización: a) As posibilidades de utilización doutras instalacións segundo a disciplina deportiva, como poderían ser as polideportivas exteriores cubertas. b) O nivel ou categoría federativa, así como a esixencia segundo as modalidades deportivas. c) O número de usuarios en cada hora solicitada, valorando segundo este aspecto a posibilidade de compartir instalación. d) Un reparto das horas o máis equitativo posible en función do número de solicitudes e da necesidade real de utilización, intentando, sempre que sexa posible, satisfacer as necesidades das entidades. Artigo 28. O Organismo Autónomo Municipal de Cultura resolverá a adxudicación definitiva das horas de utilización, antes do 15 de Setembro data na que entrará en vigor o compromiso con cada entidade, rematando éste o día 30 de Xuño do ano seguinte. Non obstante, tal e como se menciona no artigo 17, o Concello de Oleiros reservase o dereito de deixar sen efecto algunha das autorizacións por algunhos dos seguintes motivos: a) Por necesidades de programación municipal. b) Por incumprimento das obrigas establecidas na presente normativa e nos requisitos de solicitude. c) Por causa de comportamento pouco cívico ou antideportivo, por parte de algún membro da entidade autorizada, sendo este comportamento reiterado e evidente, a xuizo dos responsables municipais, d) Por baixa asistencia dos membros da entidade, de xeito que reiteradamente, non cumprar cos mínimos de asistencia obrigatoria na autorización de uso. Artigo 29. As autorizacións son unicamente para actividades de adestramento, non incluindo nelas as competicións oficiais, que non seu caso deberán solicitarse expresamente acompañando o correspondente calendario de competición federativa. Artigo 30. Os deportistas da entidade autorizada, poderán entrar nos vestiarios da instalación, quince minutos ante da sua hora de uso, e deberán abandonalos ao máis tardar 20 minutos despois de ter rematada a actividade. V. NORMATIVA DE ALUGUER DE PISTA DE XOGO NOS PAVILLÓNS DEPORTIVOS CUBERTOS. Artigo 31. Os veciños que soliciten o aluguer dos pavillóns cubertos deberán reunir os seguintes requisitos: a) Os integrantes do grupo de veciños que solicite a instalación para unha temporada completa, deberá estar formado como mínimo, un 60%, por veciños empadroados no concello de Oleiros. b) Un dos integrantes do grupo, debe constar na solicitude como responsable do mesmo, ante posibles desperfectos que deterioren as instalacións por un incorrecto uso das mesmas.

5 c) A finalidade do aluguer da pista, será unica e exclusivamente para uso recreativo ou de adestramento, non puidendo organizarse competicións regladas de carácter privado, nas que exixan tasas ou cuotas económicas aos seus participantes. Artigo 32. A documentación que deben presentar os veciños será a seguinte: a) Breve descripción explicativa da actividade que se pretende realizar na instalación. b) Listado de usuarios que van utilizar a instalación, co seu respectivo D.N.I. e no seu caso certificado de empadroamento. c) Nome, Apelidos, D.N.I. e teléfono de contacto da persoa responsable do grupo. Artigo 33. Os veciños deberán presentar as súas solicitudes do seguinte xeito: a) As solicitudes realizaranse mediante instacia tipo recollida no Anexo II deste Regulamento b) No caso das solicitudes de horas ailladas, presentaranse como mínimo con 2 días de antelación á data que se solicita para utilizar a instalación. Neste caso non sería necesario entregar a solicitude no rexistro municipal. c) As solicitudes para a temporada completa (15 de setembro a 30 de xuño) deberanse presentar no rexistro da Organismo Autónomo Municipal de Cultura. Neste caso só poderá solicitarse como máximo duas horas semanais. d) De luns a venres, os horarios solicitados serán posteriores ás 18:30 horas. e) Durante a fin de semana poderá solicitarse calquera dos horarios de apertura da instalación e expostos nas mesmas f) Poderá solicitarse a utilización de calquer pavillón municipal. g) No caso de que o número de solicitudes de aluguer de pista, fose superior ás posibilidades de distribución horaria que para este fin diseñe o servicio municipal de deportes, seguirase o criterio de prioridade segundo a orde de entreda das correspondentes solicitudes polo rexistro municipal. Artigo 34. Unha vez confirmada a adxudicación do horario de utilización da pista, o grupo deberá efectua-lo pagamento do aluguer, co impreso que se lle facilitará no Servicio Municipal de Deportes. Unha vez realizado o pago na entidade bancaria correspondente, unha das copias deberá entregarse ó servicio municipal de deportes, e outra deberase mostrar ó conserxe da instalación, para poder acceder á mesma. VI. NORMATIVA DE UTILIZACIÓN DOS ROCODROMOS MUNICIPAIS. Artigo 35. Poderán acceder a estas instalacións tanto os usuarios empadroados no Concello de Oleiros como de fora del. Artigo 36. Para utilizar os rocodromos municipais, e por motivos de seguridade, será obrigatorio ter vixente a licencia da Federación Española de Deportes de Montaña y Escalada, agás nos seguintes casos: a) Alumnado dos Centros de Ensino en clases de Educación Física, e polo tanto sempre baixo a responsabilidade do profesor da asignatura.

6 b) Alumnado participante en cursos de iniciación ou perfeccionamento, baixo a supervisión dun monitor coa correspondente titulación e baixo responsabilidade da entidade organizadora. Se esta entidade non é o Concello de Oleiros deberá solicitar o permiso ó mesmo para realizar o curso. Artigo 37. Ca solicitude, que será o modelo tipo recollido no Anexo II deste regulamento, deberase adxuntar tanto a fotocopia do D.N.I., como a da licencia federativa, operación que deberase repetir cada ano co obxecto de comprobar a vixencia de dita licencia. Artigo 38. Os usuarios deberán cubrir un impreso de pagamento da tasa correspondente, que se lles facilitará no Servicio Municipal de Deportes, e realizar o ingreso na entidade bancaria correspondente. Unha das copias deberá facela chegar ó Servicio de Deportes, mentres que a outra deberán levala sempre que acudan ó rocódromo e mostrala en caso de que se lles requira por parte dos responsables municipais. Os pagos poderán ser mensuais, trimestrais, semestrais ou anuais. Artigo 39. Os horarios nos cales poderán utilizar os rocódromos será os especificados anualmente polo servicio de deportes e expostos nas mesmas instalacións. VII. NORMATIVA DE UTILIZACIÓN DO LOCAL NAUTICO DE BASTIAGUEIRO. Artigo 40. Esta instalación está destinada en xeral a: a) Instalación de apoio nas actividades nauticas que o Concello de Oleiros considere oportuno divulgar coas suas propias iniciativas. b) Prestar servicios xerais relacionadas coa disciplina deportiva do Surf, en concreto prestar o servicio para gardar material de surf, así como a utilización de vestiarios, previa tramitación do correspondente sistema de abono. c) Prestar servicios xerais relacionadas con outras disciplinas deportivas, e que o Servicio Municipal considere oportuno incluir. Artigo 41. Poderán acceder a estas instalacións a xeito individual, tanto os usuarios empadroados no Concello de Oleiros como de fora del, sempre que cumplan as condicións específicadas no correspondente sistema de abono. Artigo 42. O horario de apertura do local nautico de Bastiagueiro será o especificados anualmente polo servicio de deportes e exposto na mesma instalación.

7 VIII.. INFRACCIÓNS E SANCIÓNS Artigo 43. Consideraranse faltas leves as seguintes conductas: a) A desobediencia das instruccións e advertencias que o persoal da instalación determine co fin de cumprir o presente regulamento. b) As accións que causen desperfectos nas instalacións ou equipamento. c) Calquera infracción deste regulamento non calificada como falta grave ou moi grave. Artigo 44. Consideraranse faltas graves as seguintes conductas: a) A falta de respeto cara os traballadores das instalacións ou demais usuarios. b) As accións que impliquen deterioro grave das instalacións ou equipamento. c) A reiteración de faltas leves. Artigo 45. Consideraranse faltas moi graves: a) As accións que perxudiquen gravemente ou supoñan riscos para a saúde dos usuarios ou traballadores da instalación. b) As accións que impliquen un deterioro moi grave ou irreversible nos equipamentos da instalación. c) A reiteración de faltas graves. Artigo 46. As sancións que se imporán pola comisión das faltas sinaladas nos artigos anteriores serán as seguintes: a) As faltas leves serán sancionadas con multa de ata 500. Estas sancións serán impostas por acordo da Alcaldía. b) As faltas graves serán sancionadas con multa de ata Estas sancións serán impostas pola Alcaldía, despois da audiencia ó usuario. c) As faltas moi graves serán sancionadas cunha multa de ata e coa expulsión das instalacións por un período máximo de un ano. Estas sancións serán impostas pola Alcaldía.

8 ANEXO I INSTANCIA D..., con D.N.I..., teléfono..., e con enderezo a efectos de notificacións en..., actuando en representación da entidade..., con C.I.F...., na súa calidade de Presidente da mesma, EXPÓN: 1º.- Que para a realización da súa actividade, a entidade... precisa facer uso da instalación municipal de... 2º.- Que o Clube... é unha entidade sen ánimo de lucro. Polo cal SOLICITA a concesión das horas de utilización coa seguinte distribución: NOME DA INSTALACIÓN SOLICITADA DÍA DA SEMANA E MESES DO ANO HORARIO Data e sinatura...

9 ANEXO II INSTANCIA D...., con D.N.I..., teléfono..., con enderezo a efectos de notificacións en......, SOLICITA en representación dun grupo de veciños, a utilización en rexime de aluguer para temporada completa, da seguinte instalación: NOME DA INSTALACIÓN SOLICITADA DÍA DA SEMANA E MESES DO ANO HORARIO A relación de usuarios e os seu respectivos DNI, son os seguintes: Data e sinatura...