CONSELLO DE BIOÉTICA DE GALICIA. Regulamento de funcionamento interno do Consello de Bioética de Galicia

Transcripción

1 Regulamento de funcionamento interno do Consello de Bioética de Galicia

2 O presente documento foi aprobado polo Consello de Bioética de Galicia, na sesión realizada o 16 de marzo de 2016, e formaban parte del as seguintes persoas Presidente : José Antonio Seoane Rodríguez Vicepresidenta : Ana Concheiro Guisán Secretaria : Teresa Conde Cid Vogais : Rosendo Bugarín González Natalia Cal Purriños Olivia Díez Lindín Irene Esperón Rodríguez Mariana García García Ana Guillén Vilanova Xurxo Hervada Vidal Victoria Lojo Vicente Manuel Macía Cortiñas María Ponte García Carmen Ramil Fraga Antonio Rodríguez Núñez Alberto Ruano Raviña Silvia Sánchez Radío Carmen Solloso Blanco Mónica Suárez Berea Alfredo Valdés Paredes Isabel Vila Iglesias

3 INDICE CAPÍTULO I Artigo 1. Artigo 2. Artigo 3. NATUREZA, FUNCIÓNS E RÉXIME XURÍDICO O Consello de Bioética de Galicia Funcións Réxime xurídico CAPÍTULO II Sección 1.ª Artigo 4. Artigo 5. Sección 2.ª Artigo 6. Artigo 7. Artigo 8. Artigo 9. Artigo 10. Sección 3.ª Artigo 11. Artigo 12. Artigo 13. COMPOSICIÓN, ORGANIZACIÓN, DEREITOS E DEBERES Composición e estatuto xurídico dos membros Composición e condición de membro Nomeamento e cesamento Organización Estrutura orgánica Presidencia Vicepresidencia Vogalías Secretaría Dereitos e deberes Dereitos Deberes Incumprimento dos deberes CAPÍTULO III Artigo 14. Sección 1.ª Artigo 15. Artigo 16. Artigo 17. Sección 2.º Artigo 18. Artigo 19. Artigo 20. Sección 3.ª Artigo 21. Artigo 22. Artigo 23. Artigo 24. Sección 4ª Artigo 25. FUNCIONAMENTO Funcionamento Pleno Composición Constitución Funcións Comisión Permanente Composición Constitución Funcións Grupos de traballo Creación Composición Funcións Supresión Convocatorias e sesións Réxime de sesións

4 Artigo 26. Artigo 27. Artigo 28. Artigo 29. Artigo 30. Convocatoria e orde do día Deliberacións Votacións Acordos Actas CAPÍTULO IV Artigo 31. Artigo 32. Artigo 33. Artigo 34. ACTUACIÓN Elaboración Solicitude Aprobación Difusión CAPÍTULO V Artigo 35. Artigo 36. RENOVACIÓN Renovación Provisión de vacantes CAPÍTULO VI Artigo 37. REFORMA DO REGULAMENTO Reforma DISPOSICIÓN ADICIONAL ÚNICA. INDEMNIZACIÓNS

5 CAPÍTULO I NATUREZA, FUNCIÓNS E RÉXIME XURÍDICO Artigo 1. O Consello de Bioética de Galicia 1. O Consello de Bioética de Galicia é un órgano colexiado de carácter permanente, consultivo, interdisciplinar e independente que ten como finalidade asesorar, nos aspectos éticos da práctica sanitaria do sistema de saúde de Galicia, as entidades, organizacións e institucións de carácter sanitario, tanto públicas coma privadas, afondar no debate social sobre a bioética e constituírse como referente en materia de bioética para os profesionais e as institucións públicas e privadas do ámbito da saúde e para a cidadanía. 2. O Consello de Bioética de Galicia adscríbese organicamente á Secretaría Xeral Técnica da consellería con competencias en materia de Sanidade. A este órgano correspóndelle a dotación do soporte técnico e administrativo para asegurar o seu funcionamento. 3. A sede do Consello de Bioética de Galicia radica en Santiago de Compostela, edificio administrativo de San Lázaro, sede da Consellería de Sanidade e do Servizo Galego de Saúde. Artigo 2. Funcións O Consello de Bioética de Galicia terá como funcións: a. Asesorar en materia de bioética a Administración sanitaria, os profesionais da saúde, as institucións públicas e privadas do ámbito da saúde e a cidadanía. b. Elaborar os informes sobre cuestións de bioética que lle solicite a persoa titular da Consellería de Sanidade. c. Presentar as propostas ou as recomendacións en materia de bioética que considere procedentes. d. Ser o órgano de referencia en materia de bioética dos comités de ética asistencial e promover a súa coordinación. e. Elaborar informes sobre os proxectos normativos relacionados coa bioética. f. Colaborar na elaboración e harmonización de procedementos e protocolos referidos a cuestións bioéticas. g. Promover no ámbito sanitario a formación bioética e a consideración da bioética como criterio de calidade e boa práctica profesional. h. Participar en foros sobre cuestións bioéticas. i. Colaborar en materia de bioética con outras comisións autonómicas, nacionais e internacionais.

6 j. Contribuír á información e favorecer o debate da cidadanía sobre as dimensións éticas e sociosanitarias da práctica asistencial. k. Calquera outra que lle encomende a persoa titular da consellería con competencias en materia de Sanidade. Artigo 3. Réxime xurídico O Consello de Bioética de Galicia rexerase polas seguintes normas: a. Lei 8/2008, do 10 de xullo, de saúde de Galicia. b. Decreto 177/2000, do 22 de xuño, polo que se regula a creación e a autorización dos comités de ética asistencial. c. Orde do 16 de outubro de 2015 pola que se regulan as funcións, a composición e o funcionamento do Consello de Bioética de Galicia. d. As disposicións contidas neste regulamento. e. As directrices e as instrucións que elaboren o propio Consello ou o órgano ao que estea adscrito para o desenvolvemento e a aplicación deste regulamento. f. Os acordos do Pleno do Consello. No non previsto nas normas citadas aplicarase o disposto para os órganos colexiados na Lei 30/1992, do 26 de novembro, de réxime xurídico das administracións públicas e do procedemento administrativo común e na Lei 16/2010, do 17 de decembro, de administración e funcionamento da Administración xeral e do sector público de Galicia.

7 CAPÍTULO II COMPOSICIÓN, ORGANIZACIÓN, DEREITOS E DEBERES Sección 1.ª Composición e estatuto xurídico dos membros Artigo 4. Composición e condición de membro 1. O Consello de Bioética de Galicia estará integrado por un máximo de vinte membros, que deberán cumprir os requisitos establecidos na Orde da Consellería de Sanidade do 16 de outubro de Os membros do Consello actuarán a título persoal, e non en representación de ningunha institución, asociación ou organismo público ou privado. Artigo 5. Nomeamento e cesamento 1. Os membros do Consello de Bioética de Galicia serán nomeados e cesados pola persoa titular da consellería con competencias en materia de Sanidade. 2. O nomeamento e cesamento dos membros do Consello serán publicados no Diario Oficial de Galicia. 3. Os membros do Consello serán nomeados por un período de tres anos, prorrogable por outro período de igual duración. 4. Unha vez transcorrido o período para o que foron nomeados, os membros do Consello permanecerán no seu cargo ata o nomeamento dos que os vaian substituír. 5. Son causas de cesamento dos membros do Consello: a. O incumprimento reiterado dos seus deberes. b. O transcurso do tempo para o cal foron nomeados. c. A renuncia expresa presentada por escrito ante a persoa titular da Presidencia do Consello. Sección 2.ª Organización Artigo 6. Estrutura orgánica O Consello de Bioética de Galicia contará cunha presidencia, unha vicepresidencia, unha secretaría e vogalías.

8 Artigo 7. Presidencia 1. A persoa que preside o Consello de Bioética de Galicia será elixida entre os seus membros, polo seu Pleno, por unha maioría de dous terzos. 2. Son funcións do titular da Presidencia: a. Desempeñar a representación institucional do Consello. b. Acordar a convocatoria das sesións ordinarias e extraordinarias e a fixación da orde do día, tendo en conta as peticións dos demais membros formuladas coa suficiente antelación. c. Ordenar a convocatoria das reunións do Pleno e da Comisión Permanente. d. Presidir e coordinar as sesións, moderar o desenvolvemento dos debates e suspendelos por causas xustificadas. e. Dirimir co seu voto os empates, para os efectos de adoptar acordos. f. Propoñer o calendario de reunións. g. Velar polo cumprimento das leis e deste regulamento, resolvendo as dúbidas de interpretación e aplicación que poidan xurdir. h. Dispoñer o necesario para a execución e o cumprimento dos acordos do Consello. i. Cursar as peticións de información dos membros do Consello ou dos seus órganos á Administración sanitaria, cando sexa necesaria para a elaboración dos informes, propostas, recomendacións ou estudos obxecto da actividade daqueles. j. Cursar as invitacións a asesores alleos que colaboren na súa condición de persoas expertas, cando a súa presenza sexa solicitada polo Pleno, a Comisión Permanente ou os grupos de traballo. k. Expedir, coa súa sinatura, os informes, propostas, recomendacións e estudos do Consello, así como aqueles escritos oficiais que poida xerar a remisión destes. l. Presentar un informe anual de actividade ao Pleno do Consello, para a súa aprobación. m. Adoptar as resolucións que esixa o correcto funcionamento do Consello ou dos seus órganos. n. Visar as actas e certificacións dos acordos do Consello. o. Exercer cantas outras funcións sexan inherentes á súa condición de titular da Presidencia do Consello. Artigo 8. Vicepresidencia 1. A persoa titular da Vicepresidencia do Consello de Bioética de Galicia será elixida entre os seus membros, polo seu Pleno, por unha maioría de dous terzos. 2. A persoa titular da Vicepresidencia substituirá a persoa titular da Presidencia nos casos de vacante, ausencia, enfermidade ou calquera outra causa legal.

9 Artigo 9. Vogalías Unha vez elixidas as persoas que ocupen a Presidencia e a Vicepresidencia do Consello, o resto dos membros do Consello terán a condición de vogais. Artigo 10. Secretaría 1. A Secretaría do Consello de Bioética de Galicia corresponderalle a un empregado ou empregada pública da consellería con competencias en materia de Sanidade ou do Servizo Galego de Saúde, que será nomeado/a pola persoa titular desa consellería. 2. Son funcións da persoa titular da Secretaría: a. Tramitar as convocatorias das sesións do Consello, por orde da persoa titular da Presidencia. b. Redactar as actas das sesións. c. Recibir os actos de comunicación dos membros co Consello e, polo tanto, as notificacións, peticións de datos, rectificacións ou calquera outra clase de escritos dos que deba ter coñecemento. d. Trasladar os informes solicitados. e. Comunicar os acordos, resolucións e demais notificacións que sexan precisos. f. Responsabilizarse do arquivo e do rexistro da documentación do Consello. g. Elaborar unha memoria anual na que se recollan as actividades desenvolvidas polo Consello de Bioética de Galicia. h. Outras que lle sexan encomendadas ou delegadas pola persoa titular da Presidencia ou polo Pleno do Consello. 3. No caso de ausencia do secretario ou secretaria, a función de redacción da acta da sesión será exercida pola persoa titular da Vicepresidencia e, na súa ausencia, por outro membro do Consello. Sección 3.ª Dereitos e deberes Artigo 11. Dereitos Os membros do Consello terán os seguintes dereitos: a. Emitir o seu voto e formular votos particulares manifestando o seu sentido e fundamento. b. Recibir cunha antelación mínima de corenta e oito horas a convocatoria que conteña a orde do día das reunións. c. Obter a información e a documentación precisas para o cumprimento das súas funcións e o desenvolvemento das tarefas encomendadas. d. Suxerir temas para a elaboración de propostas e recomendacións. e. Formular rogos e preguntas.

10 Artigo 12. Deberes Os membros do Consello terán os seguintes deberes: a. Asistir ás sesións do Pleno e, se é o caso, da Comisión Permanente e dos grupos de traballo dos que formen parte. b. Participar nos traballos do Pleno e, se é o caso, da Comisión Permanente e dos grupos de traballo dos que formen parte. c. Cumprir o estipulado neste regulamento e nas directrices e instrucións ditadas no seu desenvolvemento. d. Actuar con lealdade e responsabilidade respecto do interese xeral e da representación que desempeñan. e. Gardar o debido sixilo respecto dos asuntos tratados no Consello e dos datos e informacións aos que teñan acceso por mor da súa condición de membros. f. Deixar constancia das actividades e circunstancias que poidan interferir indebidamente no exercicio das súas funcións ou que poidan xerar conflito de intereses. g. Xustificar debidamente a falta de asistencia ás sesións do Pleno e, se é o caso, da Comisión Permanente e dos grupos de traballo dos que formen parte. Artigo 13. Incumprimento dos deberes 1. O Pleno do Consello poderá acordar por maioría de dous terzos a proposta de cesamento dos seus membros no caso de incumprimento reiterado dos seus deberes. 2. Entenderase por incumprimento reiterado dos deberes do cargo de membro do Consello: a. A falta de concorrencia non xustificada a tres sesións do Pleno ou, se é o caso, da Comisión Permanente ou dos grupos de traballo dos que forme parte. b. A vulneración reiterada das normas de funcionamento do Consello de Bioética de Galicia. 3. Para os efectos de xustificar a falta de asistencia, aceptarase a comunicación verbal previa, sempre que sexa confirmada por escrito con posterioridade.

11 CAPÍTULO III FUNCIONAMENTO Artigo 14. Funcionamento O Consello de Bioética de Galicia poderá funcionar en: a. Pleno. b. Comisión Permanente. c. Grupos de traballo. Sección 1.ª Pleno Artigo 15. Composición O Pleno do Consello de Bioética de Galicia está formado pola totalidade dos seus membros, baixo a dirección da persoa titular da Presidencia, que estará asistida polo secretario ou secretaria. Artigo 16. Constitución 1. O Pleno do Consello constituirase en primeira convocatoria cando estean presentes a persoa titular da Presidencia, ou a que exerza as súas funcións, e o secretario ou secretaria, e comparezan dous terzos dos seus membros. 2. De non se acadar o quórum indicado, o Pleno poderase constituír en segunda convocatoria, e será necesaria a presenza da metade dos seus membros, contada a persoa titular da Presidencia ou a que exerza as súas funcións. 3. En situacións excepcionais e xustificadas, o Pleno do Consello poderá quedar constituído sen que se remita previamente a convocatoria e a orde do día, sempre que se atopen presentes todos os seus membros e así o acorden por unanimidade. Artigo 17. Funcións Son funcións do Pleno do Consello de Bioética de Galicia: a) Elixir as persoas titulares da Presidencia e da Vicepresidencia do Consello. b) Aprobar a memoria anual de actividades presentada pola persoa titular da Presidencia. c) Coñecer e, se é o caso, ratificar os acordos adoptados pola Comisión Permanente. d) Propoñer a creación de grupos de traballo. e) Coñecer e, se é o caso, aprobar os resultados dos grupos de traballo. f) Interpretar este regulamento e, se é o caso, integrar as súas lagoas. g) Propoñer e, se é o caso, aprobar a reforma do regulamento. h) Propoñer o nomeamento de novos membros do Consello. i) Propoñer o cesamento dos membros do Consello.

12 Sección 2.ª Comisión Permanente Artigo 18. Composición 1. A Comisión Permanente do Consello de Bioética de Galicia estará integrada pola persoa titular da Presidencia, por tres vogais e pola persoa que ocupe a Secretaría. 2. A elección dos vogais integrantes da Comisión Permanente deberá ser aprobada polo voto favorable da maioría simple do Pleno. 3. Os vogais da Comisión Permanente serán elixidos polo período dun ano, prorrogable por períodos de igual duración e mentres dure o seu mandato como membros do Consello. 4. A persoa que exerza a Presidencia poderá solicitar a participación doutros membros do Consello. Artigo 19. Constitución 1. A Comisión Permanente do Consello constituirase en primeira convocatoria cando estean presentes a persoa titular da Presidencia, ou a que exerza as súas funcións, e o secretario ou secretaria, e comparezan todos os seus membros. 2. De non se acadar o quórum indicado, a Comisión Permanente poderase constituír en segunda convocatoria coa presenza da metade dos seus membros, incluída a persoa que ocupe a Presidencia, ou a que exerza as súas funcións. Artigo 20. Funcións Son funcións da Comisión Permanente do Consello de Bioética de Galicia: a. Coñecer e, se é o caso, resolver as cuestións de carácter urxente. b. Coordinar a colaboración en materia de bioética con outras comisión autonómicas, nacionais e internacionais. c. Expor ante o Pleno do Consello os asuntos coñecidos e/ou resoltos pola Comisión Permanente. Sección 3.ª Grupos de traballo Artigo 21. Creación 1. O Pleno do Consello de Bioética de Galicia poderá acordar a creación de grupos de traballo para o estudo de temas concretos.

13 2. A creación dos grupos de traballo farase a proposta da persoa que exerza a Presidencia ou dun terzo dos membros do Pleno, sempre que a proposta conte co voto favorable da maioría dos membros do Pleno. 3. No acordo de creación constarán a composición, as funcións e os prazos para cumprir as finalidades do grupo de traballo. Artigo 22. Composición 1. Os grupos de traballo estarán compostos por un mínimo de tres membros. 2. A participación nos grupos de traballo será voluntaria. 3. A composición dos grupos de traballo será aprobada por acordo favorable da maioría simple do Pleno. 4. Cada grupo de traballo designará entre os seus membros unha persoa responsable que coordinará os traballos, moderará as sesións, trasladará as solicitudes de información á persoa que exerza a Presidencia do Consello e actuará como portavoz ante o Pleno. Artigo 23. Funcións Son funcións dos grupos de traballo do Consello de Bioética de Galicia: a. Elaborar os informes que o titular da Consellería de Sanidade lle solicite ao Consello. b. Elaborar propostas ou recomendacións en materia de bioética que o Consello considere procedentes. c. Presentar os traballos e os resultados ante o Pleno do Consello no prazo establecido. Artigo 24. Supresión Son causas de supresión dos grupos de traballo: a. O cumprimento da tarefa encomendada. b. A expiración do prazo conferido para realizar a tarefa encomendada. c. O acordo favorable da maioría simple do Pleno. d. A consideración de duplicación de tarefas. Sección 4.ª Convocatorias e sesións Artigo 25. Réxime de sesións 1. O Pleno do Consello reunirase en sesións ordinarias e extraordinarias.

14 As sesións ordinarias terán lugar, cando menos, unha vez por trimestre. As sesións extraordinarias serán convocadas por iniciativa da persoa titular da Presidencia ou dun terzo dos membros do Pleno. 2. As sesións do Consello terán lugar, con carácter xeral, na súa sede. O Consello tamén poderá realizar sesións en calquera lugar da Comunidade Autónoma de Galicia, cando as circunstancias concorrentes así o aconsellen e a persoa que exerza a Presidencia do Consello o dispoña motivadamente. Artigo 26. Convocatoria e orde do día 1. A convocatoria subscribiraa a persoa que exerza a Presidencia e o secretario ou secretaria remitirállela aos membros con polo menos sete días de antelación, agás por razóns de urxencia, en cuxo caso se remitirá cunha antelación mínima de corenta e oito horas. Coa convocatoria remitirase a orde do día e a documentación necesaria para preparar os asuntos que figuren nela. 2. A convocatoria e a documentación poderán remitirse aos membros por vía telemática, con notificación de recibo. 3. Non poderá ser obxecto de deliberación no Pleno ningún asunto que non fose previamente incluído na orde do día correspondente, agás que estean presentes todos os membros do Consello e sexa declarada a urxencia do asunto polo voto favorable da maioría. 4. Poderase solicitar por maioría simple do Pleno a retirada de asuntos incluídos na orde do día, co obxecto de que se incorpore a documentación sen a cal non sexa posible adoptar un acordo. Artigo 27. Deliberacións 1. Correspóndelle á persoa titular da Presidencia a ordenación das deliberacións e dos debates, que poderá establecer o tempo máximo correspondente a cada cuestión e a cada intervención. 2. Nas deliberacións poderán participar, con voz pero sen voto, asesores alleos na condición de persoas expertas.

15 Artigo 28. Votacións 1. Os membros do Consello de Bioética de Galicia emitirán o seu voto persoalmente e de xeito presencial. Porén, poderán delegar o seu voto para unha cuestión concreta previamente estudada noutro membro do Consello, para que este o emita no seu lugar. A delegación do voto deberá ser acreditada mediante un escrito asinado polas dúas partes implicadas, escrito que ha de remitirse á Secretaría do Consello cunha antelación mínima de 24 horas. 2. Os votos emitiranse: a. Por asentimento, a proposta da persoa que exerza a Presidencia. b. Por votación a man alzada. c. Por votación nominal, logo do chamamento da persoa que ocupe a Secretaría. d. Por votación secreta mediante papeleta. 3. As votacións serán secretas cando así o decida o Pleno por maioría simple. 4. Non poderá someterse a votación unha proposta que non fose obxecto de deliberación previa se algún dos membros do Pleno manifesta a súa oposición. Artigo 29. Acordos 1. O Consello adoptará os seus acordos preferentemente por consenso. No caso de non ser posible acadar o consenso, adoptará os seus acordos por maioría simple de votos validamente emitidos, agás naqueles casos en que a normativa reguladora ou este regulamento esixan outra maioría cualificada. 2. Os acordos adoptados reflectiranse na acta da sesión xunto cos votos particulares. 3. A persoa que ocupe a Secretaría poderá certificar os acordos adoptados, sen prexuízo da ulterior aprobación da acta na súa inmediata sesión posterior, e fará constar tal circunstancia. Artigo 30. Actas 1. A persoa que ocupe a Secretaría levantará unha acta de cada sesión que se realice, consonte as regras propias da linguaxe administrativa vixentes. 2. A acta incluirá, como mínimo, os seguintes datos: a. Lugar e data da sesión. b. Hora de comezo e finalización.

16 c. Relación de asistentes. d. Relación de ausentes. e. Carácter ordinario ou extraordinario da sesión. f. Asuntos incluídos na orde do día. g. Puntos principais que fosen obxecto de deliberación. h. Ditames, informes, propostas, recomendacións e estudos sometidos a consideración. i. Acordos e resultados das votacións, incluídos os votos particulares. j. Incidencias que, a xuízo da persoa que exerza a Secretaría ou dos presentes, se producisen no transcurso da sesión. Para os efectos da incorporación literal na acta das intervencións que se efectúen na correspondente sesión, o secretario ou secretaria poderá solicitarlles aos membros do Consello que acheguen por escrito á Secretaría o contido da súa intervención con anterioridade á súa aprobación na sesión correspondente. 3. A acta será sometida a aprobación na mesma sesión ou na sesión seguinte. 4. A acta será asinada polo secretario ou secretaria, co visto e prace da persoa titular da Presidencia.

17 CAPÍTULO IV ACTUACIÓN Artigo 31. Elaboración O Consello atenderá as solicitudes e expresará os seus acordos por escrito a través de informes, propostas, recomendacións e opinións. Artigo 32. Solicitude A elaboración destes documentos poderá ser solicitada pola persoa titular da Consellería de Sanidade, un profesional da saúde, unha institución pública ou privada, un cidadán ou un membro do Consello. Artigo 33. Aprobación 1. As solicitudes deberán ser aceptadas polo Pleno co voto favorable de dous terzos. 2. Os documentos deberán ser aprobados polo Pleno co voto favorable de dous terzos. Artigo 34. Difusión 1. Os documentos aprobados polo Consello faranse públicos. 2. Os membros do Consello non poderán facer públicos os documentos antes de que estes sexan aprobados, nin poderán emitir información parcial ou total dos temas tratados polo Consello antes de que este os faga públicos. 3. O regulamento de funcionamento interno e as memorias anuais de actividades do Consello serán públicos. CAPÍTULO V RENOVACIÓN Artigo 35. Renovación A proposta de renovación dos membros do Consello presentarase nunha reunión ordinaria do Pleno no trimestre anterior ao que expire o seu mandato. Artigo 36. Provisión de vacantes O Pleno do Consello poderá propoñer se procede ou non cubrir as vacantes e, se é o caso, o perfil dos novos membros. As vacantes producidas no seo do Consello cubriranse do xeito establecido para a súa designación.

18 CAPÍTULO VI REFORMA DO REGULAMENTO Artigo 37. Reforma Correspóndelle ao Pleno do Consello a facultade de reformar, parcial ou totalmente, este regulamento de funcionamento interno. A aprobación da reforma do regulamento requirirá o voto favorable da maioría de dous terzos do Pleno. DISPOSICIÓN ADICIONAL ÚNICA. Indemnizacións Os membros do Consello de Bioética de Galicia percibirán as indemnizacións polos gastos, debidamente xustificados, derivados da asistencia ás reunións e da súa participación en actos ou actividades en representación do Consello. No caso de que participen asesores externos, a persoa titular da Presidencia do Consello solicitaralle ao órgano encargado do soporte técnico e administrativo que estes perciban as indemnizacións polos gastos, debidamente xustificados, derivados da súa asistencia ás reunións do Consello en que interveñan.