NORMAS PARA A INSCRICIÓN NAS ACTIVIDADES DO PROGRAMA

Transcripción

1 O Concello de Monforte de Lemos, un ano máis levou a cabo o Programa Deportivo de Verán, organizado de maneira conxunta polas concellerías de Deportes e Benestar Social, fixéronse unha gran variedade de actividades de carácter lúdico -deportivo durante os meses de xullo e agosto. O seu obxectivo foi coma sempre, axudar á cidadanía a conciliar a vida familiar e laboral durante a época de vacacións escolares, tempo no que os máis pequenos da casa contan con moitos tempo libre e os maiores deben seguir traballando. O Concello editou un díptico (que podes ver ao final deste documento) no que se recolleu a información referente a cada actividade. ESTE FOI O CONTIDO QUE TIVO A WEB NO SEU MOMENTO NORMAS PARA A INSCRICIÓN NAS ACTIVIDADES DO PROGRAMA 1. Tódolos interesados en inscribirse nalgunha das actividades que forman parte do Programa Deportivo de Verán Concello de Monforte deberano facer a través das Oficinas Municipais de Deportes ou de Xuventude, sitas nas Casitas da Compañía a partires do luns día 3 de xuño en horario de 09:00 a 14:00 horas. Non se aceptarán inscricións por teléfono ou correo electrónico (agás para o Descenso a nado do Río Cabe). 2. O procedemento para inscribirse nas actividades con límite de prazas é o seguinte: a. Recoller o formulario de inscrición nas Oficinas de Deportes ou Xuventude, deixando cuberto un modelo para a reserva da praza. b. Pagar a taxa ou prezo público correspondente á actividade ou curso. c. Entregar nas Oficinas Municipais de Deportes ou Xuventude: O modelo de inscrición debidamente cuberto O xustificante de ter aboado o importe da actividade. No momento de recollelo modelo de inscrición queda reservada a praza durante un prazo máximo de 3 días. Se transcorrido ese prazo non se ten presentado o modelo de inscrición cuberto e o xustificante de ter aboado as taxas, a reserva da praza quedará sen efecto. 3. O número máximo de modelos de inscrición (e polo tanto de reservas de praza) que se poderá facer por persoa e actividade é de 4. No caso de que unha familia teña máis de 4 fillos e polo tanto necesite realizar máis de 3 inscricións (reservas) deberá presentar algún documento que acredite que a unidade familiar está formada por máis de 4 fillos/as. V CAMPAMENTO DE VERÁN CONCELLO DE MONFORTE Esta actividade está dirixida a nenos e nenas con idades comprendidas entre os 5 e os 14 anos, e terá lugar no mes de xullo, distribuida en dúas quendas: 1ª quenda: do 1 ó 15 de xullo 2ª quenda: do 16 ó 31 de xullo

2 As actividades realizaranse nas Instalacións Deportivas Municipais da Pinguela, Parque dos Condes, e Pavillón do IES Río Cabe e Daviña Rei, de luns a venres entres as 10:00 e as 14:00 horas. Durante o desenvolvemento do campamento os nenos e nenas poderán disfrutar de múltiples actividades deportivas, lúdicas e culturais. Algunhas das actividades que se levarán a cabo son as seguintes: CAMPAMENTO LÚDICO INFANTIL DE VERÁN Esta actividade está dirixida a nenos e nenas con idades comprendidas entre os 2 e os 5 anos, e se celebrará durante o mes de xullo distribuida en dúas quendas: 1ª quenda: do 1 ó 15 de xullo 2ª quenda: do 16 ó 31 de xullo As actividades realizaranse nas instalación de Kanguropark, na rúa Dalmiro de la Válgoma nº 11 de Monforte de Lemos, de luns a venres entre as 10:00 e as 14:00 horas. Realizaranse unha ampla variedade de actividades deportivas, lúdicas, musicais, culinarias, etc.

3 V CAMPUS DE FÚTBOL CIDADE DE MONFORTE O V Campus de Fútbol Cidade de Monforte está dirixido a nenos e nenas con idades comprendidas entre os 7 e os 14 anos. Celebrarase no Campo Municipal Luis Bodegas entre o 5 e o 9 de agosto en horario de 10:00 a 13:00 horas. A organización das sesións de adestramento correrá a cargo do R.C. Celta de Vigo e da Fundación Celta. Para o bó funcionamento da actividade recoméndase o uso de roupa deportiva e calzado específico para a práctica do fútbol en terreo sintético. Custe da actividade: 26,00 por alumno. II CAMPUS DE BALONCESTO CIDADE DE MONFORTE O II Campus de Baloncesto está dirixido a nenos e nenas con idades comprendidas entre os 6 e os 14 anos. Celebrarase entre o 19 e o 23 de agosto no Pavillón Municipal da Pinguela entre as 10:00 e as 13:00 horas A organización das sesións de adestramento correrá a cargo do C.B. Val de Lemos. Para o bó funcionamento da actividade recoméndase o uso de roupa e calzado deportivo adecuado ó baloncesto. Custe da actividade: 18,00 por alumno. I CAMPUS DE VOLEIBOL CIDADE DE MONFORTE O I Campus de Voleibol será organizado polo Club Deportivo A Rotaria, está dirixido a nenos e nenas con idades comprendidas entre os 8 e os 16 anos. Celebrarase no Pavillón Municipal da Pinguela entre os 5 e o 9 de agosto en horario de 10:00 a 14:00 horas. Para máis información e inscricións no teléfono: CURSOS DE TENIS Durante os meses de xullo e agosto celebraranse curso de tenis dirixidos a nenos e nenas con idades comprendidas entre os 6 e os 12 anos.

4 As clases terán lugar os martes e os xoves entre as 10:00 e as 13:00 horas nas Pistas de Tenis Municipais da Pinguela. Serán de unha hora de duración e os grupos distribuiranse por idades. Para o bó funcionamento da actividade é necesario levar raqueta e recomendase o uso de roupa e calzado deportivo adecuado á práctica do tenis. Custe da actividade: 20,00 por alumno e mes. CURSO DE INICIACIÓN Á PATINAXE Durante o mes de agosto celebrarase un curso de iniciación á patinaxe dirixida a nenos e nenas con idades comprendidas entre os 6 e os 14 anos. As clases terán lugar os días 5, 7, 12, 14, 19, 21, 26 e 28 entre as 10:00 e as 13:00 horas no Pavillón do IES Río Cabe e Daviña Rei (na rúa Zapardiel). Serán de unha hora de duración e os grupos distribuiranse por idades. Para o bó funcionamento da actividade é necesario levar patíns e recomendase o uso de roupa deportiva así coma de elementos de protección adecuados para a práctica deste deporte. Custe da actividade: 13,34 por alumno. TAI CHI NA RÚA (ACTIVIDADE LIBRE E GRATUITA) Actividade dirixida a persoas maiores de 16 anos, que se levará a cabo entre as 10:30 e as 11:30 horas no Parque dos Condes de Monforte de Lemos, os días seguintes: Mes de xullo: 2, 4, 9, 11, 16, 18, 23, 25 e 30 Mes de agosto: 1, 6, 8 e 13 Para o bó funcionamento da actividade recoméndase o uso de roupa e calzado deportivo adecuado. TORNEO 3 X 3 DE BALONCESTO O Departamento de Deportes do Concello de Monforte organiza, en colaboración co C.B. Val de Lemos un torneo de Baloncesto 3 x 3 que se celebrará o sábado 10 de agosto nas Pistas de Baloncesto da Compañía. Para inscricións chamar ao teléfono TORNEO DE VOLEI PRAIA O IV Torneo de Volei Praia Concello de Monforte terá lugar entre os días 20 e 25 de agosto no Parque dos Condes. Para inscricións chamar ao teléfono XVI DESCENSO A NADO DO RÍO CABE O Departamento de Deportes do Concello de Monforte e o C.N. Monforte organizan o XVI Descenso a nado do Río Cabe que terá lugar o día 27 de xullo no traxecto do Río Cabe ó seu paso polo Malecón.

5 Para inscricións chamar ao teléfono ou enviar un a: (se no teu equipo dispós de cliente de correo electrónico podes envialo facendo clic no enderezo) ACTIVIDADES ACUÁTICAS Durante o mes de xullo organizaranse na Piscina Climatizada Municipal diferentes cursos de natación e actividades acuáticas para tódalas idades. Para máis información e inscricións chamar ao teléfono (Piscina Climatizada Municipal) AEROBIC E AEROBIKE Durante o mes de xullo organizaranse na Piscina Climatizada Municipal cursos de Aerobic e Aerobike. Para máis información e inscricións chamar ao teléfono (Piscina Climatizada Municipal)

6 DÍPTICO DE LA ACTIVIDAD

7 CARTEL ANUNCIADOR DE LA ACTIVIDAD