REUNIÓN DO 28 DE MARZO DE 2017

Transcripción

1 REUNIÓN DO 28 DE MARZO DE 2017 A 20ª reunión do Consello Económico do MMO tivo lugar o 28 de marzo de 2017, coa participación de especialistas das distintas etapas da cadea de subministración de leite: CEJA (Agricultores mozos), COPA- COGECA (Produtores e cooperativas), ECVC (Vía Campesiña), EMB (Consello Europeo de Produtos Lácteos), EDA (Industria de produtos lácteos), Eucolait (Comercio de produtos lácteos) e Eurocommerce (Venda polo miúdo). As presentacións da Dirección Xeral de Agricultura e a información compartida durante a reunión mostraron o seguinte: A recollida de leite na UE aumentou 0,4 % en 2016 (0,5 millóns de toneladas, en comparación con 3,7 millóns de toneladas en 2015 e 6,5 millóns de toneladas en 2014). A diminución nas entregas de leite iniciada en xuño de 2016 continuou en xaneiro de 2017 cun 2,4 %. Os datos provisionais referentes a febreiro confirman a tendencia á baixa, con grandes reducións nos principais Estados membros produtores. Os prezos medios do leite ao produtor na UE chegaron a 33,4 C/ kg en xaneiro de As estimacións para febreiro apuntan a un aumento adicional acumulando un aumento do 31 % desde xullo, ata un nivel equivalente á media de 5 anos. Os prezos dos produtos lácteos na UE teñen, en xeral, unha tendencia descendente desde o inicio do ano, pero aínda manteñen niveis ben por riba do de hai un ano (+ 76 % para o soro en po, + 57 % para a manteiga, + 41 % para o LEP, + 11% para LDP e + 30/40 % para os queixos). Os prezos en Oceanía teñen converxido cos da UE e EUA, tras varias semanas sendo sobrevalorados especialmente para leite en po e queixo. A UE é moi competitiva para manteiga e queixo, pero para LDP EUA é 11% máis barato. Este ano non se rexistraron nin vendas de intervención pública, nin ofertas de compra, ata agora, para o LDP. Sen réxime de almacenamento privado aberto, os volumes de LDP, manteiga e queixo acollidos ao almacenamento privado seguen a diminuír A avaliación dos niveis de stock da UE con base nunha visión residual (produción + importacións - consumo - exportacións) revela un lixeiro aumento do stock privado para LDP. Tendo en conta o inicio do incremento estacional da produción, espéranse ofertas á intervención pública nas vindeiras semanas. As existencias de manteiga permanecen en niveis historicamente baixos, cunha escaseza agravada na segunda metade do ano. Espérase que os prezos da manteiga se manteñan firmes. Os baixos niveis de stock para o queixo, xunto cun forte consumo interno e as exportacións, deberían tirar dos prezos cara arriba, especialmente despois da primavera. A produción de leite no mundo pecha 2016 cunha lixeira diminución (-0,05 %). Tras unha caída significativa no carto trimestre de 2016 impulsada principalmente pola UE, os acontecementos nos últimos meses levan a un novo equilibrio (a pesar da produción estadounidense en expansión continua e NZ recuperándose). O crecemento conxunto en xaneiro de 2017 alcanzou o -1,17%. En EUA o rabaño e o rendemento por vaca seguen crecendo; e a produción podería aumentar un 2,4 % en En NZ prevese rematar a campaña cun crecemento negativo, pero cunha porcentaxe do - 1 % ou -2 % (en comparación co anteriormente previsto do -7 %). Se informou de fortes descensos de produción en Australia, Arxentina e China.

2 As importacións mundiais foron moi lentas nos últimos meses. A pesar da demanda máis débil para LDP en Oriente Medio e Asia, as exportacións de NZ e EUA en xeral teñen aumentado, en detrimento da UE. O comercio de manteiga diminuíu nos últimos meses debido aos altos prezos pero a demanda aínda é forte, co consumo nos EUA acadando o máximo nivel en 50 anos. A demanda global para o queixo tamén é aceptable coa UE mellorando a súa posición nos principais mercados (EUA, Xapón, Corea do Sur) e con boa perspectiva coa entrada en vigor do acordo CETA. As exportacións de soro en po da UE aumentaron en 2016 un 3 % e a tendencia continúa ao inicio de 2017; Estados Unidos, non obstante, foi o principal exportador mundial o ano pasado. As exportacións de leite e nata da UE aumentaron un 26% o ano pasado, con maior competencia de Oceanía, especialmente en China, onde NZ está gañando cota de mercado. Despois dun comezo bastante débil en xaneiro de 2017, as importacións de China melloraron en febreiro para todas as categorías de produtos, agás para graxa láctea. Os analistas prevén un incremento global de importacións de produtos lácteos en China este ano. A demanda en EUA segue forte, aínda que o consumo de queixo diminuíu lixeiramente nas últimas semanas e os stocks aumentaron. Tras un aumento constante das importacións de queixo, Xapón tornouse o segundo mercado de exportación para a UE en Un novo factor é que un 20 % das importacións xaponesas de LDP e soro en po son orixinarias de Turquía. México segue aumentando as importacións de LDP, en beneficio dos EUA; as exportacións da UE de queixo, caseinatos e fórmulas infantís están aumentando. En relación ás vendas polo miúdo na UE, o consumo de leite líquido, en xeral, está diminuíndo en volume (aínda que os prezos máis elevados están incrementando o valor). A demanda de manteiga, queixo e outros produtos de valor engadido (batidos, sobremesas) é cada vez maior, tanto en volume como en valor. As vendas de produtos lácteos orgánicos aumentan a un ritmo de dous díxitos en Francia, acadando unha cota de mercado do 7,3% para o leite líquido. Se rexistra un aumento da competencia no Reino Unido de produtos substitutivos do leite a base de proteína vexetal. O sacrificio da vacas na UE aumentou un 7% en 2016, pero o número de vacas leiteiras aínda era alto en decembro (só -0,4% respecto a 2015), con moitos agricultores substituíndo vacas por xovencas máis produtivas. Tendo en conta a situación do rabaño e outros factores de mercado, pode agardarse un aumento do 0,6% na recollida de leite da UE en 2017, coa maior parte deste incremento tendo lugar no segundo semestre do ano. O funcionamento dos mercados de futuros foi analizado como unha das ferramentas que poden axudar ao sector dos lácteos a xestionar a volatilidade dos prezos. Citáronse a complexidade e falta de coñecemento entre os obstáculos ao seu desenvolvemento na UE, aínda que se observou un crecente interese nos últimos meses sobre todo para os contratos de LDP. Os detalles están dispoñibles no informe do mercado publicado en marzo pola Comisión O mercado está caracterizado por unha diferenza de prezo sen precedentes entre a graxa e proteína. A sensación no mercado está impactada negativamente pola evolución dos prezos do LDP, a pesar do que o seu peso é limitado na produción da UE (menos do 10 %). O equilibrio do mercado global parece incerta coa produción remontando en Estados Unidos e NZ, e unha mais ben modesta expansión da demanda. A Coruña, 30 de marzo de 2017

3

4

5

6