CSI F U.A de Galicia Concurso Traslados Lei 17/1989

Transcripción

1 Proposta de orde pola que se convoca concurso de traslados para a cobertura de postos de traballo de persoal sanitario funcionario incluído baixo o ámbito de aplicación da Lei 17/1989, do 23 de outubro, pertencentes á escala de saúde pública e administración sanitaria. Documento de consideracións e alegacións 24 de outubro de 2014 En primeiro lugar, requirimos aos responsables da Administración Sanitaria que remitan este proxecto á Mesa de Negociación de Empregados Públicos da Xunta de Galicia por tratarse do único foro válido e legal de negociación para o persoal incluído neste ámbito de actuación. O contrario, pode supor unha vulneración dos dereitos á negociación colectiva real e efectiva coas consecuencias xurídicas que carrexa (nulidade do proxecto, retraso na súa convocatoria, etc). Do mesmo xeito, e en aras dunha verdadeira negociación, solicitamos que se nos remita a identificación de todas as prazas que se incluirán no referido concurso (falla a entrega do anexo III) a efectos de poder dispor de toda a documentación precisa e necesaria para proceder a súa valoración e exame de forma íntegra e completa. Do mesmo xeito, solicitamos aclaración xustificativa e motivada da razón pola que non se inclúe neste concurso a todo o persoal funcionario baixo o ámbito de aplicación da Lei 17/89. Dito o anterior e á vista desta proposta, sen prexuízo daquelas outras achegas que poidamos realizar ao longo deste proceso negociador, (entendendo que as achegas que poidamos realizar ao longo da negociación do referido proxecto deben desenvolverse no ámbito de negociación referido con anterioridade), facemos as seguintes consideracións:

2 Respecto do baremo (anexo II): A proposta da Administración recolle (expresada de forma gráfica) as seguintes puntuacións e porcentaxes nas diferentes bases do baremo: Total Formación Titulación % Exp. Profesional e permanencia 6 21,83 Formación e titulación ,45 Antigüidade 6 21,83 Idioma galego 3 10,9 Conciliación 0,5 1,82 Plan ordenación laboratorios 2 7,27 Así, e a vista desta puntuación, formulamos os seguintes criterios xerais que entendemos deberían rexer este proceso de baremación: 1.- O Decreto 93/1991, de 20 de marzo, polo que se aproba o Regulamento de provisión de postos de traballo, promoción profesional e promoción interna da Administración Autonómica de Galicia, no seu artigo 10.2, establece que a puntuación dos diferentes conceptos que se recollan nun concurso de traslados non poderán exceder en ningún caso do 40% da puntuación máxima total nin ser inferior ao 10% desta. Así, tanto o concepto referido á conciliación como o referido ao plan de laboratorios parecen incumprir esta norma, e en consecuencia, estar propoñendo un concurso de traslados fora da legalidade. Por estes motivos, se comparamos este concurso con outros podemos observar como por exemplo a conciliación forma parte da base da experiencia e permanencia e non conforma unha base independente. É dicir, para que a configuración do baremo respecte a normativa vixente, deberían recollerse ambos conceptos noutras bases e non conformar bases independentes. Por tales motivo, dende CSI F solicitamos informe xurídico que abale esta clasificación das bases ou no seu defecto se proceda a súa reclasificación conforme aos criterios estipulados en dito decreto (que as puntuacións das distintas bases establecidas no baremo estean comprendidas entre o 40%-10% da puntuación total do concurso).

3 2.- Solicitamos que, coa finalidade de proceder a unha puntuación máis obxectiva, xusta e concreta, a puntuación sexa establecida por mensualidades en vez de anos ou fraccións semestrais. É dicir, que a puntuación se estableza por mes e non por cada 6 meses. 3.- Tendo en conta o peso porcentual das distintas bases establecidas neste concurso, dende CSI F entendemos que: - A formación e titulación conforman unha puntuación excesiva en detrimento da experiencia profesional, polo que solicitamos mudar o peso porcentual entre as puntuacións referidas. - Propoñemos mudar a base de idioma galego por idiomas para dar cabida xunto co idioma galego ao resto de capacitación e competencia lingüística dos traballadores nos idiomas oficiais da UE. Así, esta base quedaría conformada do seguinte xeito: V) Idiomas, conformada a súa vez por dous apartados: V.1) Idioma galego e V.2) Idiomas oficias da Unión Europea. Así, os traballadores poderán acadar unha puntuación nesta base acreditando só o galego, ben acreditando o coñecemento de calquera idioma da UE (por exemplo inglés ou alemán) ou ben acreditando a conxunción de distintos idiomas (Posibilita, en definitiva, unha valoración máis obxectiva e xusta da competencia lingüística dos traballadores). - Con respecto da base referida á titulación académica, tendo en conta que as diferentes titulacións que se recollen puideron sufrir modificacións na súa denominación e/ou a existencia de novas titulacións homólogas debidas á súa configuración no novo marco europeo educativo, solicitamos que se recolla en todas e cada unha delas a expresión ou equivalente (Por exemplo: Diplomado sanitario ou equivalente, Licenciado sanitario ou equivalente, etc.) - Respecto do apartado no baremo referido ao grao persoal consolidado (IV) establécese para aqueles supostos nos que os funcionarios/as non teñan consolidado grao persoal ningún ou sexa inferior ao 18 que se lle computará o nivel mínimo correspondente ao intervalo de niveis

4 do grupo de cada corpo ou escala a que pertenza este. Non obstante e a pesares de establecer esta nova condición de puntuación deste baremo non se especifica ou establece a puntuación que lle correspondería neste caso. Solicitamos aclaración ao respecto, e en todo caso, propoñemos incluír a seguinte condición de puntuación moito máis obxectiva e xusta (pois recollle a progresión alcanzada conforme ao grupo de pertenza): Un punto polo nivel básico de cada grupo e/ou escala de titulación e 0,15 por cada grao de avance no grupo e/ou escala. - No referido á experiencia profesional recóllese que para os efectos desta, os servizos prestados en comisión de servizos ou adscrición provisional puntuaranse como prestados no posto efectivamente ocupado. Dado que se muda o senso desta puntuación pois nos anteriores concursos recollíase a referida puntuación como prestados no posto de orixe solicítase aclaración ao respecto xunto coa norma e/ou xurisprudencia que acredite tal valoración. En definitiva, e como consecuencia dos criterios e propostas realizadas nos parágrafos anteriores propoñemos unha reconfiguración do baremo do seguinte xeito (a modo de exemplo): SITUACIÓN ACTUAL RECOLLIDA NO PROXECTO: Total Formación Titulación % Exp. Profesional e permanencia 6 21,83 Formación e titulación ,45 Antigüidade 6 21,83 Idioma galego 3 10,9 Conciliación 0,5 1,82 Plan ordenación laboratorios 2 7,27

5 NOVA PROPOSTA: Total Formc. Titulac P.O Laborat. % Exp. Profesional, permanencia e conciliación 8,5 30,9 Formación -titulación e P.ordeación laborat ,46 Antigüidade 6 21,84 Idiomas 3 10,9 Evidentemente, e froito desta nova configuración, requírese axustar as puntuacións de cada base (por mes) ao novo baremo establecido. Respecto da disposición Décimo cuarta. Solicitamos que en virtude dunha igualdade de trato e non discriminación entre o diverso persoal afectado se inclúa no apartado 1 desta disposición (adxudicación dun posto de traballo dos que queden vacantes tras o proceso) ao persoal interino que ocupase un posto de traballo en virtude da Resolución do 25 de abril de 2000, da División de Recursos Humanos do Servicio Galego de Saúde, pola que se formaliza a convocatoria para selección de aspirantes a vinculacións temporais de diversos postos de traballo de persoal funcionario da escala de saúde pública e administración sanitaria con destino na Consellería de Sanidade e Servicios Sociais e no Servicio Galego de Saúde. CSI F, 24 de outubro de 2014.