Escola no río Os ollos do Loña

Transcripción

1 Escola no río Os ollos do Loña O noso río como recurso didáctico, potenciador do patrimonio cultural e natural. DEPARTAMENTO DE SERVIZOS SOCIOCULTURAIS E Á COMUNIDADE CIFP PORTOVELLO. CURSO de

2 INTRODUCIÓN Desde o CIFP Portovello, neste curso , pretendemos participar con alumnado de distintos ciclos formativos da familia profesional de Servizos socioculturais e á comunidade no Proxecto Ríos. Marcámonos como principal obxectivo achegar ás futuras educadoras e educadores infantís, en primeira instancia e a toda a comunidade educativa, a unha nova dimensión da educación ambiental a través dos espazos fluviais. Propoñémonos promover actividades que propicien a investigación-acción, coñecendo e actuando sobre o patrimonio natural e difundindo os seus valores. Promovemos unha liña de traballo transversal ao establecer unha canle de colaboración co CPI Mosteiro-Meis e coa Escola Infantil CRA de Meis, cos que pretendemos testar as propostas didácticas e de materiais educativos que xordan do noso traballo co alumnado do Ciclo superior de educación infantil. OBXECTIVOS Comúns aos do Proxecto Ríos: Concienciar da importancia de adoptar actitudes encamiñadas a protexer e mellorar o medio ambiente. Colaborar na mellora da calidade dos ecosistemas fluviais. Estimular e potenciar a participación da comunidade educativa no achegamento á contorna natural e na conservación do patrimonio natural e cultural. Participar nunha rede cidadá activa na protección dos ríos, que permita coñecer o seu estado de saúde e previr e solucionar os problemas. Específicos para o noso centro: Enriquecérmonos coa colaboración de outr@s profesinais relacionad@s coa conservación dos ecosistemas fluviais. Desenvolver propostas educativas transversais, que permitan á comunidade educativa unha visión máis integral das condicións ambientais, sociais, e culturais dos nosos ríos, e do medio ambiente en xeral. Coñecer e achegármonos á contorna natural máis cercana, utilizándoa activamente como fonte de recursos educativos. Realizar accións que melloren o estado de conservación do río Lonia e dar a coñecer os seus valores de

3 Afondar na transversalidade entre os diferentes módulos profesionais, promovendo unha metodoloxía que poña en valor a interdisciplinariedade. Preparar propostas didácticas e materiais adaptadas a nenas e nenos de educación infantil. Investigar sobre as actividades económicas e culturais do pasado relacionadas co río. Promover a difusión do proxecto entre outros centros educativos da cidade. ORGANIZACIÓN O río elixido é o Lonia, tanto pola súa proximidade ao centro como polo feito de que na súa contorna se veñen desenvolvendo accións de educación medioambiental co alumnado da familia profesional de servizos socioculturais e á comunidade, explorando as súas particularescondicións para ser aproveitado como bosque escola. Pretendemos colaborar con responsables do Concello, informándoos das nosas accións e implicándoos na conservación da contorna do río. Os cursos que participarán son os seguintes: Os dous cursos de 1º do ciclo superior de educación infantil, xunto coa súa equipa docente. O alumnado do primeiro curso do ciclo de atención a persoas en situación de dependencia, xunto co seu titor. O alumnado do primeiro curso do ciclo superior de animación sociocultural e turística, xunto coa súa titora. Inspeccións no río Lonia Mediante as inspeccións preténdese estudar en detalle os diferentes parámetros presentados na metodoloxía do Proxecto Ríos ( Unha vez feita a avaliación, cumplimentaranse as follas resumo da inspección que serán enviadas aos responsables do Proxecto para a elaboración dos informes e a incorporación dos datos á web. Actividades na aula O profesorado traballará nas aulas, cos diferentes grupos, sobre as experiencias das saídas, avaliando os resultados e relacionando o traballado coa educación medioambiental e a conservación do patrimonio natural e cultural de

4 Nos cursos do ciclo superior de Educación infantil, traballarase desde os contidos relacionados cos diferentes módulos. Ademais de participar dun xeito activo nas accións do proxecto, pretendemos iniciar a elaboración de propostas didácticas e materiais axeitadas para traballar con alumnado de educación infantil sobre os ecosistemas fluviais. Co alumnado de Atención a persoas en situación de dependencia, ciclo de grao medio, promoveremos a participación nas acción previstas xunto co estudo das actividades económicas e culturais do pasado relacionadas co río. Pola súa banda, o alumnado do ciclo de Animación sociocultural e turística participará nas accións previstas e centrarase na elaboración de roteiros, guías e propostas de actividades dirixidas á comunidade (tanto do propio centro como a outros centros da cidade), partindo das potencialidades do río e da súa ribeira e poñendo en valor o seu patrimonio cultural e natural. Con todo o alumnado participante traballaranse aspectos complementarios: mapas emocionais asociados aos espazos naturais fluviais; proxectos artísticos (fotografía, vídeo, producións plásticas, arte efémero ), etc. Actividades formativas O profesorado (na medida das súas posibilidades) participará nas actividades formativas do Proxecto Ríos e na presentación e intercambio de experiencias. Na medida do posíbel organizarase algunha experiencia de formación interna no centro. Outras actividades. Propomos unha colaboración intercentros con profesorado do CPI Mosteiro-Meis, situado na vila do Mosteiro, concello de Meis, e da Escola Infantil CRA de Meis, co obxecto de probar na práctica, con nen@s de educación infantil, os materiais que se vaian deseñando e desenvolver algunha das dinámicas que se elaboren para ter unha valoración das mesmas. Con esta colaboración, dun centro alonxado físicamente do noso, mais conectado a través do proxecto ríos, buscamos a retroalimentación precisa para a adecuación final das propostas. Organizaranse roteiros dirixidos a alumnado do noso CIFP e doutros centros da cidade, que coa coordinación do alumnado participante no proxecto se achegue a coñecer o río Lonia e o noso traballo. En colaboración co Concello promoveranse actividades de sensibilización para a veciñanza e deseñarase un plan de acción para mellorar o estado de conservación 4 444de

5 do río Lonia (eliminación de especies invasoras, retirada de residuos, acondicionamento dun roteiro interpretativo ). AVALIACIÓN Inicial: Nun primeiro momento o profesorado participante analizará cal é a situación de partida: Coñecemento do río elixido para o estudo e inspeccións estado do mesmo. Coñecemento dos elementos relacionados cos ecosistemas fluviais: patrimonio natural e cultural, actividades humanas e impactos socioambientais relacionados, etc. ). Valoración das actividades desenvolvidas no centro en relación á educación medioambiental. Calquera outro aspecto de interese que xorda. Do proceso. En distintos momentos do proceso e máis concretamente despois de cada actividade (inspeccións de outono e primavera e saídas para traballo de campo) farase unha avaliación conxunta (profesorado e alumnado) con cada grupo. O equipo de profesorado fará tamén unha xuntanza avaliativa ao remate de cada unha das inspeccións, analizando todos os aspectos de interese (preparación da actividade, desenvolvemento da mesma, novas necesidades e cambios a introducir en posteriores experiencias...). Final. No mes de xuño realizaremos unha avaliación final analizando todos os detalles do traballo desenvolvido, recollendo propostas de continuidade e novas ideas para intervencións futuras. de