CURSO DE INGLÉS BÁSICO E CURSO DE INGLÉS INTERMEDIO PET (B1)

Transcripción

1 CURSO DE INGLÉS BÁSICO E CURSO DE INGLÉS INTERMEDIO PET (B1) Dende a Concellería de Mocidade ofertouse durante varios anos un curso formativo de inglés nivel PET. Debido ao interese do alumnado de iniciar esta formación dende o primeiro nivel, queremos ofrecer dende o concello un novo programa neste curso 2017/18 máis estruturado, para que o aprendizaxe da lingua inglesa lle permita ao alumnado alcanzar todo o seu potencial. É por iso que nesta edición ofertaranse dous cursos formativos de distinto nivel: un curso básico (correspondente cos niveis A1/A2) e un curso intermedio PET (equivalente co nivel B1 do Marco Europeo Común de Referencia de Linguas Europeas). Con esta medida preténdese respectar o ritmo e o nivel de desenvolvemento do alumnado, xa que por unha banda os/as usuarios/as demandaban unha formación de repaso do inglés, e por outra, unha formación encamiñada a examinarse nas probas de Cambridge para a obtención do título PET. ESTRUTURA DO CURSO Os cursos de inglés desenvolveranse de novembro 2017 a xuño 2018, cunha duración de 90 minutos diarios durante dous días á semana. O número máximo de alumnos é de 15 por curso, para obter o máximo aproveitamento das clases, facendo un seguimento regular da evolución da cada un, con avaliacións trimestrais. O horario das clases é o seguinte: CURSO LUGAR DE NOVEMBRO A MAIO Inglés Básico Casa da Cultura Milladoiro Luns e mércores de 20.00h-21.30h Inglés Intermedio (PET) Casa da Cultura Bertamiráns Martes e xoves de 20.00h-21.30h O curso de inglés básico (adaptado á formación correspondente co nivel A1/A2), é un curso no que se traballarán as catro destrezas principais dun idioma: comprensión e expresión escrita, e comprensión e expresión oral. Ademais ampliaranse coñecementos de gramática e vocabulario, así como a capacidade do alumnado para comunicarse en inglés. O curso de inglés intermedio (PET) de Cambridge, equivale ao nivel B1 do MCERL, e o seu certificado está recoñecido a nivel mundial tanto no sector académico como profesional. Neste nivel, o alumnado debe desenvolver correctamente as destrezas lingüísticas necesarias para defenderse en diversas situacións sociais e laborais nun entorno de fala inglesa. A formación PET

2 cubre as catro destrezas principais: lectura, expresión escrita, comprensión auditiva e expresión oral, e facilita o camiño a títulos máis esixentes como o First Certificate in English (FCE). Os requisitos para matricularse nos cursos son: REQUISITOS DO ALUMNADO Estar empadroado/a no Concello de Ames. Ter 16 anos cumpridos en adiante. Para o curso intermedio (PET) esíxense uns coñecementos mínimos de inglés (nivel ESO/BUP ou equivalente). Terán PREFERENCIA DE ADMISIÓN, sempre que cumpran os requisitos do apartado anterior: 1. As persoas que se atopen recoñecidas dentro dos grupo de familias de especial consideración (Lei 3/2011, de 30 de xuño, de apoio á familia e a convivencia de Galicia, BOE 30/07/2011). 2. As persoas que acrediten estar cursando uns estudos oficiais para os que precisen o certificado de inglés nivel PET (só preciso para o nivel intermedio). Para desenvolver os cursos será preciso contar cun mínimo de 10 alumnos/as en cada curso. En caso de non cumprirse este requisito, o Concello de Ames, poderá anular dita actividade, polo que se procederá á devolución íntegra da matrícula efectuada polo alumno/a. INSCRICIÓN O curso de inglés intermedio desenvolverase na Casa da Cultura de Bertamiráns dende o 28 de novembro; e curso de inglés básico dará comezo o día 29 na Casa da Cultura de Milladoiro, ámbolos dous, previa fase de inscrición do 13 ao 20 de novembro. O número de prazas é limitado, e adxudicaranse por orde de chegada ao rexistro municipal, tendo preferencia os casos citados no apartado anterior. A solicitude realizarase cubrindo a ficha de inscrición dispoñible en e na OMIX de Ames, e entregándoa nos rexistros municipais axuntado: Copia do DNI Copia do título de ESO, BUP,... ou equivalente (só preciso para o nivel intermedio).

3 Documentación acreditativa da condición de familia de especial consideración para a bonificación de taxas, de situación de emerxencia social para a exención de taxas e/ou de necesidade do certificado para estudos oficiais, de selo caso. PAGAMENTO (AUTOLIQUIDACIÓN) Unha vez remate o prazo de inscrición (do 13 ao 20 de novembro), se obtivo praza, recibirá por correo electrónico a folla de autoliquidación para aboar o pagamento do curso. Tamén pode recoller dita documentación presencialmente en horario de mañá: Na OMIX de Ames (luns, mércores e xoves na Casa do Concello en Bertamiráns, e martes e venres na Casa da Cultura de Milladoiro). Na Oficina de Recadación de Milladoiro, (R/ Viorneira, nº6), ou na Oficina de Recadación de Bertamiráns (Praza Horta de Abaixo, nº6). Esta última oficina tamén en horario de tarde os luns e mércores (de 16:15h a 18:30h). As autoliquidacións poderán facerse efectivas en calquera entidade bancaria de ABANCA, BBVA, CaixaBank, Banco Sabadell e Banco Pastor. O custe total do curso é de 158,00 por alumno/a, podendo se o desexa o/a alumno/a facer o pago íntegro nunha única cota ou fraccionalo en dous prazos, do seguinte xeito: Pago íntegro: 158,00 (do 21 ao 24 de novembro). Primeiro prazo cota fraccionada: 100,00 (do 21 ao 24 de novembro). Segundo prazo cota fraccionada: 58,00 (do 1 ao 9 de decembro). En caso de xustificar bonificación de taxas, o custe do curso ascende a 126,00 por alumno/a, debendo efecturar o pago íntegro nunha única cota do 21 ao 24 de novembro. De non aboar o custe da actividade nos prazos establecidos considerarase baixa inmediata sen posibilidade de recuperar o importe aboado ata o momento, agás causa xustificada. En caso de producirse baixas e existir lista de agarda para o curso, chamarase por orde de entrada aos inscritos nesa lista con data límite o 22 de decembro.

4 Ao remate do curso intermedio, se o/a alumno/a o require, facilitarase a tramitación da matrícula para as probas de Cambridge. O custe das taxas de exame, é un gasto alleo ao Concello de Ames, polo que correrá a cargo de cada alumno interesado en matricularse nas probas. EXENCIÓN E BONIFICACIÓNS EN TAXAS E PREZOS A solicitude de bonificación de taxas deberá facerse por escrito no momento de presentar a solicitude do servizo. Darán dereito á exención de taxas un 10% dos casos, (3 dos casos): Persoas en situación de emerxencia social declarados polo Concello de Ames, ao abeiro do disposto no Regulamento de emerxencia social. Darán dereito a unha bonificación do 20% das taxas: Familias de especial consideración, dacordo coa definición e requisitos establecidos na Lei 3/2011, de 30 de xuño, de apoio á familia e á convivencia de Galicia (BOE 30 xullo 2011). RENUNCIA Á PRAZA No caso de que, por algún motivo, houbese que renunciar á praza, comunicaráselle por escrito á Concellería de Mocidade. DEVOLUCIÓN DE COTA Se unha vez obtida a praza e aboado parte do total do prezo correspondente, o interesado non puidese asistir á actividade por causa de forza maior, so terá dereito á devolución da cota no caso de que se comunique e xustifique a renuncia por escrito e solicite a devolución da cantidade aboada. Para máis información pode poñerse en contacto coa OMIX de Ames a través do teléfono ou o correo electrónico omix@concellodeames.gal.

5 FICHA DE INSCRICIÓN CURSOS DE INGLÉS. CONCELLERÍA DE MOCIDADE INGLÉS BÁSICO (CASA DA CULTURA MILLADOIRO) INGLÉS INTERMEDIO (PET/B1) (CASA DA CULTURA BERTAMIRÁNS) Nome e apelidos:... Telf:...Correo-e:... Enderezo:... ACHEGO: Copia DNI. Copia da acreditación dos estudos mínimos cursados ESO, BUP ou equivalente (só para a inscrición ao curso intermedio PET). Acreditación de cursar estudos oficiais para os que precisa o certificado PET (de ser o caso e só para as inscrición ao curso intermedio PET ). Acreditación de familia de especial consideración (de ser o caso). Informe de emerxencia social do Departamento de Servizos Sociais (de ser o caso). FORMA DE PAGAMENTO: AUTOLIQUIDACIÓN (unha vez remate a inscrición e se lle confirme a praza) Pago íntegro: 158 (do 21 ao 24 de novembro). Pago fraccionado: 1º prazo: 100 (do 21 ao 24 de novembro). 2º prazo: 58 (do 1 ao 9 de decembro). Sempre que por parte do/a usuario/a se acredite tal condición: Pago bonificado: 126,00 (do 21 ao 24 de novembro), para familias de especial consideración, dacordo coa definición e requisitos establecidos na Lei 3/2011, de 30 de xuño, de apoio á familia e á convivencia de Galicia (BOE 30 de xullo 2011). Exención de taxas: resérvanse tres prazas de exención total para casos de emerxencia social (acreditado mediante informe de Servizos Sociais). Eu con DNI,autorizo ao Concello de Ames a captación de fotografías e a gravación de imaxe desta actividade. Acepto as bases e requisitos da mesma, polo que asino a miña conformidade e formalizo a presente inscrición. A recollida de datos axústase ás esixencias contidas na Lei Orgánica 15/1999 de 13 de decembro de Protección de datos de carácter persoal. Asdo.:... SR. ALCALDE-PRESIDENTE DO CONCELLO DE AMES