ORDENANZA REGULADORA DA TAXA SOBRE RECOLLIDA DOMICILIARIA DE LIXOS OU RESIDUOS SÓLIDOS URBANOS

Transcripción

1 ORDENANZA REGULADORA DA TAXA SOBRE RECOLLIDA DOMICILIARIA DE LIXOS OU RESIDUOS SÓLIDOS URBANOS Artigo 1. Fundamento e réxime O Concello de Cerceda establece, por medio desta ordenanza reguladora, a taxa sobre recollida domiciliaria de lixos e residuos sólidos urbanos, segundo as seguintes disposicións legais: a) o artigo 106 da Lei 7/85 do 2 de abril, reguladora das bases do réxime local, b) o artigo 20.4.s) do Real decreto lexislativo 2/2004, do 5 de marzo, polo que se aproba o Texto refundido da Lei de facendas locais. Na redacción da presente ordenanza reguladora seguiuse o disposto no artigo 16 do Real decreto lexislativo 2/2002. Artigo 2. Feito impoñible 1. O feito impoñible desta ordenanza vén determinado pola prestación do servizo de recolla dos lixos domiciliarios e dos residuos sólidos urbanos de vivendas, de aloxamentos e de locais ou establecementos onde se exerzan actividades industriais, comerciais, profesionais, artísticas e de servizos. 2. O servizo de recolla de lixos domiciliarios será de recepción obrigatoria para aquelas zonas ou rúas onde se preste; a súa organización e mais o seu funcionamento subordinarase ás normas que dite o concello para a súa regulamentación. Artigo 3. Suxeitos pasivos 1. Son suxeitos pasivos desta taxa en concepto de contribuíntes as persoas físicas e xurídicas, así como as herdanzas xacentes, as comunidades de bens e demais entidades que, carentes de personalidade xurídica, constitúan unha unidade económica o un patrimonio separado, susceptible de imposición, que resulten beneficiadas pola prestación do servizo. 2. Terán a consideración de substitutos do contribuínte os propietarios dos inmobles ou locais, os cales poderán repercutir, no seu caso, as cotas sobre os respectivos beneficiarios. Artigo 4. Responsables 1. Será responsable solidaria das obrigas tributarias establecidas nesta ordenanza toda persoa causante ou colaboradora na realización dunha infracción tributaria. Nos supostos de declaración consolidada, todas as sociedades integrantes do grupo serán responsables solidarias das infraccións cometidas neste réxime de tributación. 2. Os copartícipes ou cotitulares das herdanzas xacentes, das comunidades de bens e demais entidades que, carentes de personalidade xurídica, constitúan unha unidade económica ou un patrimonio separado, susceptible de imposición, responderán solidariamente e en proporción ás súas respectivas participacións das obrigas tributarias das devanditas entidades. 3. Serán responsables subsidiarios das infraccións simples e da totalidade da débeda tributaria no caso de infraccións graves cometidas polas persoas xurídicas, os administradores daquelas que non realicen os actos necesarios da súa incumbencia, para o cumprimento das obrigas tributarias infrinxidas, consentisen no incumprimento por aqueles que dependan deles

2 ou adopten acordos que fixeran posible as infraccións. Ao mesmo tempo, estes administradores responderán subsidiariamente das obrigas tributarias que estean pendentes de cubrir polas persoas xurídicas que cesasen nas súas actividades. Serán responsables subsidiarios os síndicos, os interventores ou liquidadores de crebas, concursos, sociedades e entidades en xeral, cando por neglixencia ou mala fe non realicen as xestións necesarias para o total cumprimento das obrigas tributarias devengadas con anterioridade ás ditas situacións e que sexan imputables aos respectivos suxeitos pasivos. Artigo 5. Devengadas A obriga de contribuír nacerá dende que teña lugar a prestación dos servizos. Con todo, e dada a natureza da recepción obrigatoria da recollida do lixo, enténdese que a prestación ten lugar cando estea establecido e en funcionamento o servizo nas zonas ou rúas onde figuren domiciliados as persoas contribuíntes suxeitas á taxa. O período impositivo comprenderá o ano natural e devengarase o 1 de xaneiro de cada ano, agás nos supostos de inicio ou de cesamento no servizo. Nestes casos, prorratearase a cota por trimestres naturais. Artigo 6. Base impoñible e liquidable A base impoñible estará constituída pola clase e mais pola natureza de cada centro produtor do lixo, isto é, segundo sexa unha vivenda, un restaurante, un bar, unha cafetería ou un local comercial ou industrial. Para estes efectos, considerarase como lixo todo residuo ou detrito, embalaxes, recipientes ou envoltorios de alimentos, de vestidos, de calzados etc., así como o produto da limpeza dos pisos ou das vivendas e as das mesmas clases dos comercios e das industrias. Fican excluídos, por tanto, os residuos de tipo industrial, os escombros das obras, os detritos humanos ou calquera outra materia cuxa recolla ou vertedura esixa unhas especiais medidas hixiénicas, profilácticas ou de seguranza. Artigo 7. Cota tributaria As cotas anuais que se aplicarán serán as seguintes: 7.1. Vivendas Recolla 37,60 53, Cafeterías, pubs

3 Recolla 77,50 109, Bares, tabernas, mesóns e análogos Recolla 77,50 109, Restaurantes Ata 150 m 2 77,50 109, De 151 m 2 a 300 m 2 91,30 120, De máis de 301 m 2 109,50 139, Supermercados e asimilados Ata 150 m 2 128,90 181, De 151 m 2 a 300 m 2 162,00 241, De máis de 301 m 2 193,90 258, Tendas, ultramarinos, comercio en xeral e outros servizos non expresamente tarifados Recollida 73,00 102, Whiskerías e clubs Recollida 77,50 109,45

4 7.8. Discotecas, salóns de baile, cines e similares Recolla 182,50 243, Hoteis, hostais, moteis, casas de hospedaxe e establecementos análogos Hoteis, hostais e moteis 182,50 243, Casas de hospedaxe e establecementos análogos 151,80 212, Despachos profesionais e entidades aseguradoras Recolla 73,00 102, Entidades financeiras Recolla 303,45 367, Farmacias, parafarmacias e similares Recolla 73,00 102, Almacéns

5 Ata os 200 m 2 102,70 151, De 201 m 2 a 400 m 2 120,90 169, De 401 m 2 a 1000 m 2 139,15 188, De 1001 m 2 a 5000 m 2 182,50 243, Máis de 5000 m 2 212,20 303, Almacéns localizados en zonas industriais, por cada contedor 120,90 182, Industrias, fábricas e talleres Ata 200 m 2 102,70 151, De 201 m 2 a 400 m 2 120,90 169, De 401 m 2 a 1000 m 2 139,15 188, De 1001 m 2 a 5000 m 2 182,50 243, Máis de 5000 m 2 212,20 303, Empresas ubicadas en zonas industriais, por cada contedor 120,90 182, Centros de ensino privados Recollida 73,00 102, Outros non clasificados 16.1 Gasolineiras 73,00 102, Tanatorio 77,50 109, Matadoiros

6 Ata 300 m 2 102,70 151, Máis de 300 m 2 120,90 182, Outros non clasificados 73,00 102,70 Artigo 8 As cotas pola prestación de servizos de carácter xeral e obrigatorio. devengaranse dende que naza a obrigación de contribuír e esixiranse anualmente nos prazos sinalados no Regulamento xeral de recadación para os ingresos por recibo, con excepción da liquidación da alta inicial no padrón que se recadará por ingreso directo. Artigo 9. Exencións, reducións e demais beneficios legalmente aplicables De conformidade co artigo 9 do Real decreto lexislativo 2/2004, do 5 de marzo, polo que se aproba o Texto refundido da Lei de facendas locais, non se recoñece ningún beneficio tributario, agás os que sexan consecuencia do establecido nos tratados ou nos acordos Internacionais ou veñan previstos en normas con rango de lei. Con todo, as persoas que se atopen en situación de exclusión social e logo do informe dos Servizos Sociais, terán unha bonificación do 100%. Artigo 10. Prazos e forma de declaración e ingresos Todas as persoas obrigadas ao pagamento deste tributo deberán presentar na Administración municipal e no prazo de trinta días unha declaración das vivendas ou dos establecementos que ocupen; esta declaración realizarse por un escrito dirixido ao alcalde-presidente da Corporación. Despois de rematar o prazo, o concello efectuaralles de oficio a alta na correspondente matrícula do tributo a aquelas persoas que non presentasen a declaración, sen prexuízo das sancións que, por este feito, puideren corresponder. Artigo 11 O tributo recadarase anualmente nos prazos sinalados no Regulamento xeral de recadación para os tributos de notificación colectiva e periódica, agás para aqueles que o Pleno do concello dispoña unha outra cousa para un exercicio en concreto. Por excepción, a liquidación correspondente á alta inicial na matrícula ingresarase nos prazos indicados no citado regulamento para os ingresos directos. Artigo 12. Infraccións e sancións tributarias En todo o relativo á cualificación de infraccións tributarias e sancións, ademais do previsto nesta ordenanza, seguiranse os artigos 181 e seguintes da Lei xeral tributaria e demais normativa aplicable.