Convocatoria de cursos de formación en linguaxe xurídica galega

Transcripción

1 Convocatoria de cursos de formación en linguaxe xurídica galega Co obxecto de impulsar a normalización lingüística na Administración de xustiza a Secretaría Xeral de Política Lingüística e a Dirección Xeral de Xustiza da Consellería de Presidencia, Administracións Públicas e Xustiza proceden a convocar os seguintes cursos: a) Cursos de linguaxe xurídica galega, nivel medio b) Cursos de linguaxe xurídica galega, nivel superior Para acceder a estes cursos son requisitos imprescindibles: - Curso de nivel medio de linguaxe xurídica galega: ter aprobados ou validados os cursos de iniciación e perfeccionamento de lingua galega ou o denominado curso básico de linguaxe xurídica galega. - Curso de nivel superior de linguaxe xurídica galega: ter aprobado ou validado o curso de nivel medio de linguaxe xurídica galega. Os cursos celebraranse, se é o caso, nas localidades que determine a Dirección Xeral de Xustiza, segundo a preferencia indicada nas solicitudes presentadas e entre as seguintes: A Coruña, Ferrol, Santiago de Compostela, Lugo, Ourense, Pontevedra, e Vigo. Destinatarios: - Xuíces, maxistrados, fiscais, secretarios xudiciais, médicos forenses, funcionarios dos corpos xerais ao servizo da Administración de xustiza e persoal laboral con destino nos órganos xudiciais da Comunidade Autónoma de Galicia. - Letrados da Xunta de Galicia. - Notarios, rexistradores da propiedade, avogados, procuradores e alumnos das Escolas de Práctica Xurídica de Galicia. - Profesores de linguaxe de signos. 1

2 - Persoas incluídas nas bolsas de traballo para o nomeamento de funcionarios interinos da Administración de Xustiza. - Aquelas persoas que acrediten ter superado o proceso selectivo para o ingreso nos corpos xerais ao servizo da Administración de Xustiza. Número de asistentes: mínimo de 15 e máximo de 25 por curso. Solicitudes: Utilizando o modelo que figura como anexo, presentaranse no rexistro xeral da Consellería de Presidencia, Administracións Públicas e Xustiza, nas súas delegacións provinciais, ou por calquera dos procedementos establecidos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificado pola Lei 4/1999, do 13 de xaneiro. Sen prexuízo do disposto no artigo 35 f) da Lei 30/1992, do 26 de novembro, de réxime xurídico das administracións públicas e do procedemento administrativo común, xunto co formulario de solicitude acompañarase fotocopia compulsada do certificado que acredite ter superado o curso esixido para acceder ao nivel que se solicita. E, de ser o caso, certificado de estar colexiado como avogado ou procurador ou de estar matriculado nunha Escola de Práctica Xurídica. Para os intérpretes de linguaxe de signos esixirase certificación da federación de xordos acreditativa de intervención habitual do solicitante como intérprete ante os xulgados ou tribunais, notarios ou rexistradores da propiedade. Respecto das persoas incluídas nas bolsas de traballo para postos de xestión procesual, tramitación procesual e auxilio xudicial da Administración de xustiza que non estean actualmente a traballar como interinos, corresponderá ao xefe do Servizo de Xestión Técnico-Administrativa das Delegacións Provinciais da Consellería de Presidencia, Administracións Públicas e Xustiza certificar que se atopan incluídas na bolsa correspondente. A relación de admitidos publicaranse na páxina web da Consellería de Presidencia, Administracións Públicas e Xustiza ( e na intranet ( Contra esta relación poderán presentar reclamación ante a Dirección Xeral de Xustiza nun prazo de dez días. Transcorrido este prazo, faranse públicas as listas definitivas na devandita páxina web con indicación do lugar, día e hora de comezo do curso. 2

3 Prazo de presentación de solicitudes: Rematará o día 15 de xuño de Criterios de selección: No caso de que o número de solicitudes exceda ao de prazas, respecto aos cursos de linguaxe xurídica galega, terán preferencia na selección os funcionarios sobre o resto dos destinatarios, os funcionarios titulares sobre os interinos e dentro dos funcionarios os de maior tempo de prestación de servizos respecto a os de menor antigüidade. As listaxes de admitidos aprobáranse por resolución da Dirección Xeral de Xustiza. Duración e desenvolvemento dos cursos: O contido dos cursos tanto nivel medio como superior desenvolveranse segundo o previsto na Orde da Consellería de Educación e Ordenación e Universitaria do 1 de abril de 2005, e de acordo cos programas que figuran na mesma. 1.- Cada curso terá unha duración de 75 horas, distribuídas da seguinte forma: - 60 horas lectivas, coa obrigada presenza de todo o alumnado horas de tratamento individualizado, nas que o alumnado poderá realizar actividades presenciais específicas de reforzo e/ou actividades prácticas complementarias. Corresponderalle ao profesor a programación destas horas, de acordo coas necesidades e o desenvolvemento dos cursos. 2.- A ausencia as clases, sempre xustificada, de cada un dos asistentes non poderá ser superior ao 10% da duración total do curso. 3.- Para ser declarado apto ao finalizar o curso, deberá quedar acreditado: - Que o alumno asistiu ás clases e non superou o mínimo de ausencias permitido. - Que realizou satisfactoriamente os traballos prácticos encomendados. - Que superou as probas que durante o curso e ao finalizar este o profesor ou profesores foran establecendo, de xeito que o seu remate demostre que 3

4 posúe un dominio teórico e práctico do idioma galego propio do nivel o que asistiu. 4.- A avaliación será un proceso progresivo e continuo, e terá en conta, entre outros elementos, o dominio da materia, o traballo diario na aula, os traballos teóricos e prácticos encomendados, e a asistencia. Santiago de Compostela, 15 de maio de 2009 O director xeral de Xustiza Juan José Martín Álvarez 4

5 CONVOCATORIA DE CURSOS DE INGUAXE XURÍDICA GALEGA (NIVEIS MEDIO E SUPERIOR) PARA PERSOAL AO SERVIZO DA ADMINISTRACIÓN DE XUSTIZA DESTINADO DENTRO DA COMUNIDADE AUTÓNOMA DE GALICIA. (Celebración condicionada ó mantemento dun mínimo de 15 participantes) 1.- DATOS DO SOLICITANTE APELIDOS : Nome: DNI: CORPO: Situación: ORGANO de destino actual: LOCALIDADE : Rúa, Praza, nº: Tfno. Destino: Fax : C.P.: Outro domicilio, fax e/ou tfno. para notificacións: 2.- CURSO SOLICITADO MEDIO (A Coruña, Ferrol, Santiago de Compostela, Lugo, Ourense, Pontevedra e Vigo) SUPERIOR (A Coruña, Ferrol, Santiago de Compostela, Lugo, Ourense Pontevedra e Vigo) 3.- LUGAR DE CELEBRACIÓN (Numerando por orde de prioridade) VIGO A CORUÑA FERROL SANTIAGO LUGO OURENSE PONTEVEDRA 4.- CERTIFICACIÓN do/a SECRETARIO/A ou XEFE da UNIDADE D./Dª. CERTIFICA que o solicitante está destinado no órgano xurisdicional/unidade e pertence ao corpo que figura no apartado I deste impreso. O/A SECRETARIO/A/XEFE DA UNIDADE (firma e selo) Asdo.: O solicitante recoñécese informado de que a participación no curso indicado supón incompatibilidade coa participación en calquera outro curso de linguaxe xurídica galega convocado no presente ano En... a... de Sinatura do solicitante (*) Xuntarase copia do diploma, certificación ou validación do nivel inmediato inferior SR. DIRECTOR XERAL DE XUSTIZA Fax: /01. Santiago de Compostela. 5