I. DISPOSICIÓNS XERAIS

Transcripción

1 N o 8 L Xoves, 13 de xaneiro de 2005 DIARIO OFICIAL DE GALICIA 629 I. DISPOSICIÓNS XERAIS CONSELLERÍA DE POLÍTICA TERRITORIAL, OBRAS PÚBLICAS E VIVENDA Corrección de erros.-decreto 257/2004, do 29 de outubro, sobre réxime xurídico das vivendas de promoción pública, locais de negocio e solo de promoción pública. Advertidos erros no Decreto 257/2004, do 29 de outubro, sobre réxime xurídico das vivendas de promoción pública, locais de negocio e solo de promoción pública, publicado no Diario Oficial de Galicia número 221, do 12 de novembro de 2004, procédese a efectuar as oportunas rectificacións: Na páxina , no artigo 4º, punto 1, na segunda liña, onde di: «ser de titularidade ou uso de persoas físicas», debe dicir: «ser de titularidade e uso de persoas físicas». Na páxina , no artigo 4º, punto 2, primeira liña, onde di: «Destinaranse, en todo caso, o domicilio habitual», debe dicir: «Destinaranse, en todo caso, a domicilio habitual». Na páxina , no artigo 13º, punto 2, no parágrafo quinto, terceira liña, onde di: «Consellería de Servizos Sociais», debe dicir: «Consellería de Asuntos Sociais, Emprego e Relacións Laborais». Na páxina , no artigo 14º.I.3, no apartado onde di: «4», debe dicir: «c)» e na terceira liña do mesmo, onde di: «no prazo dun ano», debe dicir: «no prazo de seis meses». No apartado onde di: «5», debe dicir: «4». Na páxina , no artigo 19º, segundo parágrafo, onde di: «módulo: 1,25% do prezo básico», debe dicir: «módulo: 125% do prezo básico» e, onde di: «modulo: 1,125% do prezo básico», debe dicir: «módulo: 112,5% do prezo básico». Na páxina , no artigo 20º, punto 1, liña duodécima, onde di: «non poderá exceder o 60%», debe dicir: «non poderá exceder do 60%» e, no punto 2, quinta liña, onde di: «ata un 1,2%», debe dicir: «ata un 120%». Na páxina , no artigo 28º, parágrafo terceiro, liña primeira, onde di: «núcleo histórico», debe dicir: «casco histórico». No artigo 30º, punto 2, ao referirse á «Zona 1ª», onde di: «Núcleos históricos: 1,56 veces o prezo básico», debe dicir: «Cascos históricos: 156% do prezo básico» e onde di: «Núcleos rurais: 1,25 veces o prezo básico», debe dicir: «Núcleos rurais: 125% do prezo básico». Ao referirse á «Zona 2ª», onde di: «Núcleos históricos: 1,40 veces o prezo básico», debe dicir: «Cascos históricos: 140% do prezo básico» e onde di: «Núcleos rurais: 1,125 veces o prezo básico», debe dicir: «Núcleos rurais: 112,5% do prezo básico». No mesmo artigo 30º, punto 5, liña primeira, onde di: «núcleos históricos», debe dicir: «cascos históricos». Na páxina , no artigo 37º, punto 3, letra c), parágrafo cuarto, liña primeira, onde di: «Documentación acreditativa de non atoparse», debe dicir: «Documentación acreditativa de atoparse». Na páxina , no artigo 46º, punto 2, liña segunda, onde di: «núcleo histórico», debe dicir: «casco histórico». Na páxina , no artigo 60º, punto 2, onde di: «O prezo de venda será o que resulte», debe dicir: «O prezo de venda, que se aboará ao contado, será o que resulte». Na páxina , no artigo 68º, punto 1, d), onde di: «Cando sexan obxecto de permuta», debe dicir: «Cando sexan obxecto de permuta ou, con anterioridade a esta disposición, se cederan en aluguer». Na páxina , no artigo 96º, punto 2, liña cuarta, onde di: «lodo de depósito», debe dicir: «logo do depósito». Na páxina , na disposición adicional segunda, punto 1, liña sétima, onde di: «ao 90% do módulo», debe dicir: «ao 100% do módulo» e, na disposición adicional terceira, no punto 2, liña segunda, onde di: «núcleo histórico» debe dicir: «casco histórico». Na páxina , no anexo titulado Baremo de adxudicación de vivendas de promoción pública, punto 1, letra a.2, liña terceira, onde di: «superior ao 35%», debe dicir: «superior ao 33%» e na letra b.2, parágrafo segundo, onde di: «Unidades con ingresos de máis de dous perceptores: 0,95», debe dicir: «Unidades con ingresos de dous perceptores: 0,95». Na páxina , no anexo titulado Baremo de adxudicación de vivendas de promoción pública, punto 1, letra b.2, parágrafo terceiro, onde di: «Unidades con ingresos de máis de tres: 0,90», debe dicir: «Unidades con ingresos de tres ou máis perceptores: 0,90». Na mesma páxina, na letra d.5, liña segunda, onde di: «sempre que a súa vivenda sexa igual ou superior ao 30%», debe dicir: «sempre que a súa renda sexa igual ou superior ao 30%» e, na letra d.6 na liña quinta, onde se pon un punto e á parte deben porse dous puntos e á parte. Na mesma páxina, no punto 1 de Notas, na liña segunda, onde di: «letras d) e e)», debe dicir: «letras c) e d)». Advertidos erros correspondentes aos modelos de solicitude OT450A, OT409A e 0T409B, que se inclúen como anexo do decreto indicado, cómpre a súa publicación de novo coas correccións efectuadas.

2 630 DIARIO OFICIAL DE GALICIA N o 8 L Xoves, 13 de xaneiro de 2005

3 N o 8 L Xoves, 13 de xaneiro de 2005 DIARIO OFICIAL DE GALICIA 631

8 636 DIARIO OFICIAL DE GALICIA N o 8 L Xoves, 13 de xaneiro de 2005 III. OUTRAS DISPOSICIÓNS CONSELLERÍA DE CULTURA, COMUNICACIÓN SOCIAL E TURISMO Resolución do 21 de decembro de 2004 pola que se lle dá publicidade ao convenio de colaboración entre a Xunta de Galicia e o Concello da Estrada, para a realización do proxecto A Estrada Dixital. Subscrito o convenio de colaboración entre a Xunta de Galicia e o Concello da Estrada para a realización do proxecto A Estrada Dixital, procede a publicación no Diario Oficial de Galicia do dito convenio, que figura como anexo a esta resolución. O que se fai público para os efectos oportunos. Santiago de Compostela, 21 de decembro de P.D. (Orde ) Andrés González Murga Secretario xeral da Consellería de Cultura, Comunicación Social e Turismo ANEXO Convenio de colaboración entre a Xunta de Galicia e o Concello da Estrada para a realización do proxecto A Estrada Dixital En Santiago de Compostela, sete de setembro de dous mil catro. Reunidos. Jesús Pérez Varela, conselleiro de Cultura, Comunicación Social e Turismo, en nome e representación da Xunta de Galicia, en virtude das facultades outorgadas no artigo 34 da Lei 1/1983, do 22 de febreiro, reguladora da Xunta e do seu presidente. Juan Rodríguez Yuste, conselleiro de Innovación, Industria e Comercio, en nome e representación da Xunta de Galicia, en virtude das facultades outorgadas no artigo 34 da Lei 1/1983, do 22 de febreiro, reguladora da Xunta e do seu presidente. Jesús Carlos Palmou Lorenzo, conselleiro de Xustiza, Interior e Administración Local, en nome e representación da Xunta de Galicia, en virtude das facultades outorgadas no artigo 34 da Lei 1/1983, do 22 de febreiro, reguladora da Xunta e do seu presidente. Ramón Campos Durán, alcalde do Concello da Estrada, actuando no seu nome, en virtude do disposto no artigo 21 da Lei 7/1985, do 2 de abril, reguladora das bases do réxime local, artigo 61 da Lei 5/1997, do 22 de xullo, de Administración local de Galicia, e o artigo 24 do Real decreto lexislativo 781/1986, do 18 de abril, polo que se aproba o texto refundido das disposicións legais vixentes en materia de réxime local. Actuando todas as partes na respectiva representación que ocupan e recoñecéndose reciprocamente a capacidade legal necesaria para o outorgamento deste documento, expoñen que: 1. A Administración xeral do Estado, no exercicio das competencias que lle atribúe o artigo da Constitución en materia de telecomunicacións e de acordo coa Lei 32/2003, do 3 de novembro, xeral de telecomunicacións, ten como función elaborar e difundir programas de utilización dos novos servizos de telecomunicacións para a sociedade da información, que contribúan á creación de mellores condicións para o desenvolvemento económico, social e cultural. 2. A iniciativa e-europe, aprobada polo Consello Extraordinario da Unión Europea, celebrado en marzo de 2000 en Lisboa, e o seu plan de acción e-europe 2005, aprobado en xuño de 2002, inclúe a difusión e achegamento da sociedade da información aos cidadáns, entre as súas liñas de acción prioritarias. 3. O Consello de Ministros aprobou na reunión do 11 de xullo de 2003 o Programa de Actuacións para o Desenvolvemento da Sociedade da Información en España-España.es (Comunicación.es), no que se fai referencia ao programa Cidades Dixitais, que puxo en marcha o Ministerio de Industria, Turismo e Comercio. 4. O programa Cidades Dixitais é un programa de telecomunicacións que ten por obxectivo a promoción e implantación da sociedade da información, nun contorno local, incluíndo temas tales como teleadministración, comercio/negocio electrónico, teletraballo, teleformación, telemedicina, xestión de servizos de uso público, aplicacións para colectivos con requirimentos especiais, cultura, turismo e lecer, contorno doméstico e móbil, etc. Todo isto baseado en redes de telecomunicacións de alta velocidade. 5. Este programa, pola súa vez, forma parte, en canto ás actuacións que se realizarán nas comunidades autónomas obxectivo 1, do Programa Operativo para a Sociedade da Información, financiado por Feder da Unión Europea, que se desenvolve durante o período , de acordo coas disposicións establecidas na xestión dos fondos estruturais europeos. Dado que a Comunidade Autónoma de Galicia é zona obxectivo 1, o retorno será o 50% da achega do Ministerio de Industria, Turismo e Comercio. 6. O Goberno da Comunidade Autónoma de Galicia é consciente do reto que supón a incorporación efectiva á sociedade da información e, neste sentido, propiciou o establecemento dun marco político de consenso para favorecer o desenvolvemento dunha iniciativa estratéxica que favoreza a consecución destes obxectivos dunha forma rápida e eficaz. 7. A Xunta de Galicia e o Concello da Estrada consideran de interese a súa colaboración para o desenvolvemento do proxecto A Estrada Dixital, dentro do programa Cidades Dixitais.