REGULAMENTO PARA A DEFENSA DO TRABALLO FIN DE MÁSTER EN XESTIÓN DO PATRIMONIO ARTÍSTICO E ARQUITECTÓNICO, MUSEOS E MERCADO DA ARTE

Transcripción

1 REGULAMENTO PARA A DEFENSA DO TRABALLO FIN DE MÁSTER EN XESTIÓN DO PATRIMONIO ARTÍSTICO E ARQUITECTÓNICO, MUSEOS E MERCADO DA ARTE (aprobado pola Xunta de Facultade do 18 de outubro de 2013) Consideracións legais (Normativa da USC aplicable) Normativa de matrícula, elaboración e defensa dos Traballos Fin de Máster na Universidade de Santiago de Compostela, aprobada polo Consello de Goberno de 2 de maio de Instrución da Secretaría Xeral nº 4, do 18 de noviembre de 2011 sobre revisión de traballos de Fin de Grao o Máster. Normativa do Repositorio da USC, aprobada no Conselo de Goberno da USC do día 22 de dicembre de No Plan de Estudios do Máster en Xestión do Patrimonio Artístico e Arquitectónico, Museos e Mercado da Arte da Universidade de Santiago de Compostela (USC) establécese que o Traballo Fin de Máster (TFM) terá 6 créditos. De acordo coa normativa citada anteriormente, a Xunta da Facultade de Xeografía e Historia, na súa reunión do 18 de outubro 2013 acordou aprobar o Regulamento do TFM da titulación de Máster en Xestión do Patrimonio Artístico e Arquitectónico, Museos e Mercado da Arte. 1.- Obxectivos: O obxectivo do traballo fin de máster é desenvolver competencias a través da integración dos coñecementos e as habilidades adquiridas durante o máster, que serán os mesmos que nun futuro se empregarán nos traballos de investigación relacionados coa tese de doutoramento. En concreto: Primeiro.- Adaptación a novas situacións. Segundo.- Definición de prioridades na consecución de obxectivos. Terceiro.- Interpretación e avaliación con espírito crítico dos resultados obtidos. Cuarto.- Manexo de técnicas de comunicación. 2.- Prazos de realización. De acordo co recollido no Calendario Académico do curso , o traballo fin de máster deberá contar cun/ha titor/a que deberá supervisar o seu desenvolvemento e realizar as correccions e indicacións que considere oportunas. 1

2 3.- Dos/as Titores/as. A Comisión Académica do Máster (CAM) procurará que cada alumno/a designe o titor/a persoal e titor/a do traballo fin de máster o máis axiña posible trala súa presentación oficial. Este vínculo manterase ata o momento en que sexa defendido o traballo de fin de máster. As tarefas dos/as titores/as son as seguintes: Primeiro.- Orientar e guiar os estudos. Ao comezo do curso, o/a titor/a manterá unha entrevista persoal co alumno/a para presentarse mutuamente e suscitar o ano de traballo. Segundo.- Acordar co estudante un calendario de encontros que, sen prexuízo de que se poida modificar cantas veces sexa necesario, ten como obxecto que o/a alumno/a poida avanzar na planificación do seu traballo persoal. Terceiro.- Facer un seguimento permanente do rendemento dos seus pupilos. Aconséllase manter polo menos unha entrevista ao mes durante o tempo que dure a preparación do traballo. Cuarto.- Dar as pautas para o traballo fin de máster. Quinto.- Facer un seguimento continuo da elaboración do traballo fin de máster, fixando prazos para a presentación de borradores parciais, a fin de asegurar coa corrección e orientacións precisas un correcto desenvolvemento do traballo. O depósito do traballo fin de máster poderá contar có V.B. do/a titor/a que, de ser o caso, pode esixir do/a alumno/a a previa presentación de dous borradores completos do traballo. No prazo establecido, o estudante entregará o orixinal e tres copias máis na Secretaría dos Departamentos de Historia da Arte da USC. 4.- Defensa do proxecto. A CCM será a encargada de velar polo cumprimento da normativa e autorizar os tribunais e a lectura dos proxectos. O tribunal estará integrado por: Dous ou tres profesores do máster. En ningún caso poderá formar parte do tribunal o/a titor/a do traballo fin de máster. Tamén poderá incorporarse, si se dexesa, unha persoa de recoñecido prestixio no ámbito da historia, historia da arte, o patrimonio, arquitectura o cine ou a música, no lugar dun dos outros membros dos tribunais. Cumpridos os requisitos mencionados, o proxecto fin de máster será defendido polos/as alumnos/as por orde alfabética de acordo coas datas fixadas póla CCM. O acto de defensa será en sesión pública. Convocarase aos/as alumnos/as para a súa defensa. A defensa consistirá nunha explicación oral do proxecto por parte dos/as alumnos/as, durante un tempo máximo de 20 minutos, coa axuda dos medios informáticos e audiovisuis que estime pertinentes. Concluída a exposición, o tribunal formulará as preguntas e solicitarán as aclaracións que consideren oportunas para xulgar a calidade técnica e científica do traballo, por un tempo máximo 2

3 de 30 minutos. Si o tribunal considérao oportuno abrirá unha rolda de intervencións de calquera profesor do Máster que o solicite. Finalizada a resposta do/a alumno/a ás preguntas e observacións formuladas polo Tribunal, este procederá á valoración do traballo fin de máster. Dita valoración, no caso de que sexan defendidos varios traballos, poderá realizarse ao final da sesión si así o estima oportuno o tribunal. 5.- Avaliación. A cualificación será numérica, entre 0 e 10. En casos xustificados o tribunal poderá solicitar, en escrito razoado, a retirada do proxecto. 6.- Normativa da edición do traballo fin de máster. A memoria do traballo fin de máster será entregada por triplicado; o seu contido será en papel e en soporte informático. Contará cun resumo executivo. A súa extensión non deberá superar as 50 páxinas ( caracteres). Tipo de fonte: Times New Roman. Tamaño de letra: 12, menos nos títulos e subtítulos. Capítulos: Times New Roman 13, negrita. Subcapítulos: Times New Roman 12, negrita. Interlineado: 1 5 li. Separación entre paragrafos: 4 pt. Sangrado primeira liña: Alineación de paragrafos: xustificada. Marxes: Superior e inferior 3 5 cm., dereita e esquerda: 3 cm. Pés de gráficos e imaxes: Times New Roman 9. Notación: Calquera das fórmulas recollidas en Norma ISO (para documentos impresos e audiovisuales) e Norma ISO (para documentos electrónicos): a). 7.- Resume ejecutivo: O resumo executivo é un documento dun máximo de cinco follas (8.000 caracteres) que inclúe a formulación básica do proxecto, os correspondentes plans de actuación e os resultados previstos. Entregaranse tantas copias do resumo executivo como do traballo fin de máster. Estrutura orientativa: Obxectivos do proxecto. Metodoloxía de traballo. Resultados previstos. Conclusións. 3

4 8.- Criterios de Avaliación O Tribunal poderá invitar ás deliberacións ao/á titor/a. Os membros do Tribunal realizarán un informe, segundo o modelo que se elaborará para estes efectos, no que avaliarán os seguintes aspectos: a) Calidade do Proxecto; b) Presentación escrita do TFM; c) Presentación Oral; d) Observacións; 9.- Cualificacións A cualificación farase pública nos taboleiros de anuncios nun prazo non superior a sete días dende a súa defensa. A cualificación final do TFM obterase como media aritmética (aproximada cunha cifra decimal) das cualificacións outorgadas polos membros da Comisión. Os traballos terán as seguintes cualificacións: 0-4,9: Suspenso 5,0-6,9: Aprobado 7,0-8,9: Notábel 9,0-10: Sobresaliente. Unha vez celebrada a última convocatoria para a presentación dos traballos de fin de máster do curso académico, e tendo en conta os traballos presentados, poderá outorgarse matrícula de honra a aqueles traballos que obtiveran unha cualificación superior a 9, sen que o número de matrículas de honra poida exceder do 5% do alumnado matriculado no correspondente curso académico. Se o número de estudantes é inferior a 20, poderase outorgar unha matrícula de honra. Cando se constitúan distintos tribunais para avaliar os traballos de fin de máster, será a CAM, unha vez celebrada a última convocatoria, a que decida e outorgue as cualificacións de matrícula de honra que correspondan. 10. Revisión O alumnado ten dereito á revisión das cualificacións nas datas e horarios que para tal efecto deberán fixarse no momento de facer públicos os resultados provisorios. As datas de revisión deberán estar comprendidas dentro dos dez dias seguintes á publicación dos resultados e contemplarán como mínimo dúas datas opcionais. A estes efectos o mes de agosto será inhábil e non computará neste prazo. A revisión será persoal e poderá realizala un ou varios membros do Tribunal. En todo caso deberá quedar constancia da celebración da revisión e da data en que se realizou mediante calquera sistema que acredite a súa realización. 11. Actas Elaborarase unha acta individual por cada estudante e TFM, no que constará os/as titor/as académico ou cotitores/as, tribunal cualificador e o título do traballo, así como a súa cualificación e data de defensa. 4

5 A acta estará asinada por cada membro do tribunal. As actas estarán abertas e deben ser cubertas nos tres períodos (xullo, setembro e febreiro) establecidos para tal finalidade. Os períodos de cobertura das actas serán os que se fixen no calendario académico oficial. Só nas titulacións interuniversitarias ou conxuntas, poderán establecerse períodos diferentes de avaliación, en función dos acordos debidamente acreditados entre universidades ou do establecido nos correspondentes planos de estudos. Nestes casos deberase solicitar anualmente a correspondente autorización para a apertura das actas á Secretaría Xeral. O alumnado matriculado que non se presentase a ningunha das oportunidades, figurarán na última convocatoria do curso nunha acta conxunta coa mención non presentado, que deberá ser asinada no caso dos TFM polo decano ou decana do centro. Nesta acta conxunta tamén se incorporan as mencións de matrícula de honra. 12. TFM desenvolvidos no marco de convenios de intercambio de estudantes. Os/as estudiantes de intercambio poderán matricularse nesta materia. O seu réxime será o establecido no Regulamento de Intercambios de Estudantes da USC. 13. Copias do TFM. Publicación Cando a defensa do TFM sexa superada, a copia electrónica en PDF do traballo quedará depositada para o seu arquivo e consulta na Biblioteca da Facultade de Xeografía e Historia. As comisións competentes poderán propoñer a publicación dos TFM que destaquen pola súa calidade, e en especial propoñeranse os dos alumnos/as que acaden a mención de matrícula de honra nesta materia. Os autores dos traballos propostos, co visto e prace do/a titor/a, deberán asinar o correspondente documento para autorizar a súa difusión no repositorio institucional da USC (Minerva), e no que declaren que se trata dun traballo orixinal e que non está, en todo ou en parte, suxeito a restricións, tales como co-titularidade, dereitos de propiedade industrial ou intelectual ou cláusulas de confidencialidade. 14. Dereitos do alumnado A propiedade intelectual dos traballos correspóndelle ao/a alumno/a que o realizou. No caso de realizarse os traballos no marco dun contrato ou convenio con algunha entidade ou de ser o caso, dun proxecto ou liña de investigación, os dereitos serán os recollidos no dito contrato ou convenio ou os que pacten previamente, respectando en todo caso a lexislación vixente en materia de propiedade intelectual ou industrial. Unha copia electrónica dos traballos superados quedará no Centro para o seu arquivo e consulta, e poderán ser utilizados na Universidade de Santiago de Compostela para usos académicos e de investigación, sempre coa mención específica aos seus autores. Para estes efectos o alumnado asinará a correspondente autorización de difusión e a declaración de que se trata dun traballo orixinal. 15. Uso dos TFM. O traballo e os desenvolvementos do TFM poderán ser utilizados na Universidade de Santiago de Compostela, sempre con mención expresa aos seus autores. 5

6 16. Formularios e normas relativas ao TFM. A CAM proporcionará modelos oficiais para todos os aspectos relacionados co TFM. A utilización de ditos modelos oficiais é obrigatório. 6