Concello de Redondela GAC-7: Ría de Vigo-A Guarda

Transcripción

1 Concello de Redondela GAC-7: Ría de Vigo-A Guarda

2 Convocatoria Axudas convocadas pola Consellería do Mar no marco do eixe 4 do Fondo Europeo de Pesca (FEP) Orde do 27 de agosto de 2009, pola que se establecen as bases reguladoras para a concesión de axudas para proxectos no marco dos plans estratéxicos zonais aprobados pola Consellería do Mar aos grupos de acción costeira, e se procede á convocatoria para o ano 2009 (DOG n.º 175, luns, 7 setembro de 2009). Orde do 16 de marzo de 2011 pola que se establecen as bases reguladoras para a concesión de axudas para proxectos ao abeiro dos plans estratéxicos zonais aprobados pola Consellería do Mar aos grupos de acción costeira (financiadas polo Fondo Europeos de Pesca), Diario Oficial de Galicia nº 57, de 22 de marzo de 2011.

3 Visita de inspección do sistema dunar da praia de Cesantes con veciños e responsables de Medio Ambiente do Concello de Redondela.

4 Obxectivos xerais do proxecto: Fomentar a limpeza e coidado das praias e dos ecosistemas dunares. Mellorar o estado da duna de Cesantes. Coidar a fauna e flora propias da duna. Dar a entender o significado da conservación dos ecosistemas costeiros. Aumentar o grao de conciencia por parte da cidadanía a favor das dunas e dos seus ecosistemas. Fomentar a participación e a cooperación dos cidadáns na xestión dos recursos da área litoral. Promover a sostibilidade das actividades recreativas e turísticas da zona. Favorecer a igualdade de oportunidades.

5 A praia de Cesantes obtivo en 2014 e por vez primeira na súa historia o galardón da Bandeira Azul outorgado por FEE-ADEAC.

6 Puntos destacados do proxecto: Posta en funcionamento de CINCO obradoiros dirixidos a asociacións e centros educativos. Eliminación de plantas alóctonas. Creación dun novo peche dunar. Edición dunha guía onde se represente a flora dunar máis característica das costas galegas. Instalación de mesa e balizas interpretativas para favorecer a protección, conservación e consolidación da duna por parte dos usuarios da praia de Cesantes.

7 O gramón (Stenotaphrum secundatum), habitual en Cesantes, é unha das especies exóticas que máis abundan nas praias galegas e que máis prexudican as plantas autóctonas.

8 Diagnose de partida: Que significa a praia de Cesantes para Redondela? Interese pola conservación da fauna e flora que habitan na duna, e que permiten a rexeneración do propio areal. Gran praia urbana de Redondela (Galardoada coa Bandeira Azul por 1ª vez na súa historia). Escasas intervencións por parte das administracións públicas dende hai dez anos na duna e no areal.

9 Principais problemas do sistema dunar de Cesantes: A. Presenza de lixo (plásticos, papeis, vidros, etc.). B. Especies alóctonas. C. Deterioro dos peches de madeira tratada. D. Falta de sinalización adecuada, especialmente a prohibición de acceso ao seu interior. E. Escasa información interpretativa sobre os valores que nos ofrece o sistema dunar e a súa importancia para o conxunto da praia.

10 Xustificación do proxecto: Promoción económica: Co mantemento do sistema dunar e da praia asegúrase o mantemento das actividades económicas propias deste espazo, especialmente do sector terciario: -Actividades de hostalaría. -Cámping e hospedaxe. -Alquiler de embarcacións. -Visitas guiadas. -Actividades ao aire libre.

11 A praia de Cesantes, protexida polo seu sistema dunar, é o punto de encontro de moitas actividades ao aire libre (imaxe correspondente a un obradoiro intermareal celebrado no verán de 2014).

12 Xustificación do proxecto (II): Mellora do contorna natural e a calidade ambiental: Recuperación do sistema dunar eliminando o lixo e os entullos que o poidan prexudicar do interior e das marxes da duna, tendo especial coidado de non maltratar as especies de fauna e flora que nela habitan.

13 A principios de verán organizáronse os primeiros obradoiros no sistema dunar de Cesantes de cara a concienciar á cidadanía da importancia do seu coidado e conservación.

14 Xustificación do proxecto (III): Promoción da cohesión social: Participación no proxecto de todos os sectores da sociedade redondelá. O Concello de Redondela contactará con: -Entidades e asociacións. - Centros educativos. -Sindicatos e organizacións empresariais. -Etc.

15 As nenas e nenos son os auténticos protagonistas das actividades que se realizan na praia de Cesantes e na área de lecer próxima ao sistema dunar.

16 Xustificación do proxecto: Fomento da igualdade de oportunidades: Promoción da participación en todos os obradoiros e actividades de colectivos conformados por persoas en risco de exclusión social e con menos oportunidades. Fomento da cooperación e da participación!!

17 Praia de Cesantes e sistema dunar asociado: Plano da zona de actuación en 2014.

18 Investimentos a realizar co proxecto: Conceptos Presentación do programa diante dos medios de comunicación. Deseño e edición de exemplares dun mapa-guía ilustrado que inclúa a fauna e flora máis representativa do sistema dunar de Cesantes. Deseño e fabricación de 4 balizas interpretativas para limitación de acceso á duna. Deseño e fabricación de 1 mesa interpretativa onde se represente a fauna e flora máis singular do sistema dunar. Realización de 5 obradoiros para a recuperación do sistema dunar de Cesantes. Achega do GAC (Fondos europeos) 86%: 6.063,00 Achega Concello de Redondela 14% + IVE: 2.467,50 Orzamento total do proxecto: 8.530,00 (IVE incluído).

19 Concello de Redondela