ACTIVIDADE SENDEIRISMO ESPECIAL VERÁN. PIRINEOS. BROTO. ORDESA.

Transcripción

1 ACTIVIDADE SENDEIRISMO ESPECIAL VERÁN. PIRINEOS. BROTO. ORDESA. Viaxamos nesta ocasión ao Pirineo aragonés. En anteriores viaxes visitamos o Pirineo navarro, nesta ocasión tócalle o turno ao aragonés, que é máis espectacular. Aloxarémonos nun hotel en Broto e faremos rutas de sendeirismo pola zona, de dificultade variada e dunha beleza extraordinaria. Datas: do 25 ao 30 de xullo de Hora e lugar de saída: 07:00, diante da piscina universitaria. Hora de chegada: 21:00 aprox. Aloxamento: Hotel Sorrosal, en réxime de media pensión. CONSIDERACIÓNS A TER EN CONTA: Imos facer unha actividade de sendeirismo durante varios días así que é importante estar acostumado a camiñar. As rutas en xeral son de dificultade media, e transcorren en zonas de montaña. Compre levar calzado e vestimenta axeitada para facer sendeirismo. A orde en que realizaremos as rutas dependerá das previsións meteorolóxicas, xa que algunha das rutas, baixo condicións meteorolóxicas adversas pode ser complicada. Non é obrigatorio facer tódalas rutas, podedes quedar descansando en Broto algún día, ou facer outra cousa, pero será baixo a vosa responsabilidade. A programación pode sufrir cambios ou variacións. En Broto hai piscina municipal e é probable que esté aberta nesas datas. Se queredes facer uso dela nos ratos libres, debedes levar o bañador, unha toalla, gorro, e chanclas O uso da piscina implica un gasto que non está incluído no prezo da actividade. No hotel estaremos en réxime de media pensión, así que tendes que levar a comida para as rutas. En Broto hai algunha tenda onde se poden comprar cousas. En todo momento debemos seguir as indicacións dos monitores.

2 As actividades que faremos: 1. Monasterio de Leyre O mesmo día da viaxe a Broto, faremos unha parada no monasterio de Leyre e aproveitaremos para estirar un pouco as pernas facendo un percorrido dende o mosteiro ata a fonte de San Virila. É un percorrido de algo menos de 4 quilómetros, por un sinuoso sendeiro. Unha vez rematado o itinerario, teredes un tempo para tomar algo ou visitar o mosteiro

3 2. Camiño polo val de Sorrosal. Esta é a ruta máis sinxela das que ímos facer. O val do Sorrosal nace ao pé da serra Tendeñera, unha espectacular mole caliza que acada os 2800m de altura. Para facer este percorrido temos que desprazarnos en bus ata o pobo de Linás de Broto, a 15 minutos de Broto. É un percorrido cun alto interese paisaxístico e natural. Saímos de preto de Linás por una cómoda pista que nos leva case ata o fondo do val, ao refuxio de La Faja, sinxela cabana que os días de mal tempo da refuxio a pastores e montañeiros. Dende aquí as vistas son espectaculares. O regreso o facemos por un sendeiro próximo ao río Sorrosal. É destacable tamén a biodiversidade que poderemos ver neste itinerario. Lonxitude: 13 km Dificultade: media Desnivel: medio Vista do val de Sorrosal. Ao fondo: serra Tendeñera

4 Chegando ao refuxio de La Faja.

5 Mapa Valle Sorrosal

6 3. Ruta de ascenso ao pico Pilupín. O Pilupín é un modesto cumio de 2000m de altitude que goza dunhas panorámicas extraordinarias sobre toda a comarca de Broto e Ordesa. O percorrido o iniciamos mesmo en Broto, seguindo diferentes sendeiros sinalizados. A ruta vai en ascenso permanente, pasando polo pobo de Oto e tamén a aldea abandonada de Yosa ata chegar a Tozal del Pueyo. Neste punto, situado a 1600m de altura as vistas son impresionantes. Só nos queda a última parte do ascenso, que o faremos rodeando o pico. Logo, temos que descender ata Linás de Broto, onde remata a nosa ruta, polo barranco de Buchosa. Lonxitude da ruta: Desnivel: Dificultade: 15 km. alto, tanto de subida como e baixada media - alta (nalgún tramo do descenso a pendente é forte) * Hai opción de evitar a última parte do ascenso, se alguén quere, pode esperar ao resto do grupo no Tozal de Pueyo, deste xeito a dificultade e o desnivel é menor. Vello campanario, na aldea abandonada de Yosa.

7 Vistas dende o Pilupín.

8 Mapa Ruta Pilupín

9 4. Ruta polo val de Otal e Ordiso. Nesta ocasión teremos que desprazarnos en bus ata o comezo do val de Bujaruelo, dende aquí nos trasladaremos en taxis 4x4 ata San Nicolás de Bujaruelo, onde comezaremos o noso percorrido ata o val de Otal. O percorrido non ten maiores dificultades, transcorre por pistas e camiños bos. Chegaremos subindo ata o comezo do val, dende aquí hai unhas vistas impresionantes de todo Otal. Quizais non sexa esaxerado dicir que Otal é un dos vales máis fermosos de Pirineos. Despois baixaremos e continuaremos o noso percorrido polo val de Bujaruelo, ata a ponte de Ordiso. Este traxecto tamén goza dunhas estupendas vistas. Logo regresaremos ata San Nicolás, onde nos recollerán novamente para levarnos ao comezo do val. O itinerario ten un altísimo valor natural e paisaxístico. Lonxitude: 15 km Desnivel: medio Dificultade: media. Val de Bujaruelo

10 Macizo do Vignemale, coloso do pirineo francés, dende Otal. Val de Otal.

11 Mapa Val de Otal e Ordiso

12 5. Ruta polo Val de Ordesa. Esta é, quizáis, a actividade máis interesante das que faremos. Adentrámonos no corazón do parque nacional de Ordesa e Monte Perdido. Para iso faremos a ruta máis coñecida, que vai polo val de Ordesa, ata a famosa fervenza chamada Cola de Caballo. O percorrido non ten maior dificultade que os quilómetros e o desnivel. A riqueza natural, e paisaxística desta ruta é altísima. É unha ruta relativamente sinxela, nunha paisaxe de alta montaña. Para os máis aventureiros haberá opción de achegarse ao refuxio de Góriz, unha vez teñamos chegado a Cola de Caballo. Este camiño xa non é tan doado, aínda que está dentro do sendeiro GR-11, ten algún paso no que é preciso axudarse un pouco coas mans e teñen unha caída potencial entre 1 e 3 metros. Tamén hai algún treito do camiño que pasa preto de zonas verticais con caídas potenciais de máis de 80m, polo que non é aconsellable para xente con vertixe. Ordesa

13 Cola de caballo Ordesa, dende o camiño a Góriz.

14 Mapa de Ordesa

15 INFORMACIÓN MÉTODO M.I.D.E. Qué é o M.I.D.E.? O MIDE é un método para valorar a dificultade e o compromiso das excursións, creando una escala de graduación das dificultades físicas e técnicas dos percorridos. (a escala vai de 1 a 5). Podedes atopar máis información do MIDE nesta web: