CIPRÉS DE CALIFORNIA DA MISERICORDIA

Transcripción

1

2 CIPRÉS DE CALIFORNIA DA MISERICORDIA Os cipreses son coníferas sempre verdes, con follas escamosas aplicadas sobre as ramiñas e piñas redondeadas con escamas peltadas, que se empregan adoito como árbores ornamentais en parques e xardíns de Galicia. Os máis utilizados son o ciprés común, da Rexión Mediterránea, o ciprés de California e o ciprés de Arizona, os dous últimos de orixe americana. No Ciprés da Misericordia a base do tronco, de 10,67 m de perímetro, está provista de grosos contrafortes para suxeitar o que no pasado debeu ser unha grandiosa copa. Permanece o tronco indiviso ata unha altura de 6 m, onde se forma a cruz e comeza a ramificarse en grosos brazos que medran en todas as direccións, mágoa que por causa das obras de construcción dun edificio ao seu carón a copa está minguada, coa metade amputada e amosando un aspecto lamentable. Aínda que acada 31,10 m de altura, a copa deste interesante exemplar atópase totalmente desequilibrada, polas amputacións xa comentadas. O seu estado fitosanitario é bo, pero a descompensación da copa, as feridas consecuencia das amputacións e a mingua do sistema radical polas obras na rúa afectarán, sen dúbida negativamente nun futuro próximo á integridade do que foi un dos mellores representantes da especie en Galicia. Nome común: Ciprés de California da Misericordia Nome científico: Cupressus macrocarpa Hartweg. Provincia: A Coruña Concello: Viveiro Parroquia: Viveiro Lugar: Barrio da Misericordia Altura: 31,10 m Perímetro normal: 9,62 m Diámetro de copa: 20,75 m Idade estimada: anos GALICIA

3 CIPRÉS DE CALIFORNIA DO PAZO DE QUINTÁS Árbore cun porte maxestuoso, este ciprés acada unha altura de 33 m, pero, aínda así, quizais sexa o tronco o máis destacado desta notable conífera. Dotado de grandes contrafortes e con numerosos tocos de forma redondeada, o fuste, de 11,36 m de perímetro basal, ten numerosas fisuras verticais que acadan a altura da cruz, a 5,20 m do chan, e algunhas delas ascenden incluso polas ramas principias e secundarias ata alcanzar as zonas máis altas da copa. Recentemente foi sometido a unha actuación restauradora da copa pero varias ramas principias amosan feridas producidas pola caída de pólas. O paso do ciclón Hortensia en 1980 e a idade do exemplar son os principais respon-

4 sables dos danos na copa, que a pesar de todo presenta un aspecto bastante vigoroso que non fai temer pola súa integridade nun futuro próximo. Nome común: Ciprés de California do Pazo de Quintás Nome científico: Cupressus macrocarpa Hartweg. Provincia: Pontevedra Concello: Meis Parroquia: Quintás Lugar: Pazo de Quintás GALICIA Altura: 33 m Perímetro normal: 9,19 m Diámetro de copa: 23,90 m Idade estimada: anos

5

6 CIPRÉS MEDITERRÁNEO DA CAPELA DO SALVADOR O tronco, cun perímetro basal de 4 m, continúa cilíndrico e case sen diminuir o seu diámetro ata a altura normal, na que aínda conserva 3,30 m de perímetro. É a partir desa altura cando amosa as maiores deficiencias, pois presenta un gran oco no fuste consecuencia dun lume provocado para intentar queimar un enxame de abellas en Esta ferida foi tratada convenientemente e na actualidade está cuberta cunha malla. Pouco máis arriba, o tronco comeza a empurrar as tellas da capela que está ao seu carón, polo que sería conveniente retirar algunhas antes de que se vaian incorporando ao xa mancado tronco. O fuste prosegue ou seu camiño ascendendo limpo verticalmente ata unha altura de 8,10 m, cando comeza a ramificarse e a crear a súa copa piramidal. Tampouco esta se libra de danos, xa que unha das súas guías tamén se queimou, aínda que tampouco esta agresión parece ter afectado ao estado de saúde do exemplar, que segue medrando con vigor, sendo a súa altura de 26,40 m. Pena desa ferida no tronco e da mingua volumétrica na copa, que lle restan parte do seu esplendor e grandiosidade. Nome común: Ciprés Mediterráneo da Capela do Salvador Nome científico: Cupressus sempervirens L. Fastigiata Provincia: Lugo Concello: Samos Parroquia: Samos Lugar: Capela do Divino Salvador GALICIA Altura: 26,40 m Perímetro normal: 3,29 m Diámetro de copa: 4,58 m Idade estimada: anos

7

8 EUCALIPTOS DO PAZO DE MARIÑÁN Os eucaliptos son árbores australianas e perennifolias na súa maior parte, con follas aromáticas, e algunhas especies espalláronse polo mundo como plantas forestais ou ornamentais. As flores son bisexuais e o froito capsular. En Galicia o máis abundante é o eucalipto branco, Eucalyptus globulus, moi común en repoboacións forestais nas comarcas costeiras, pois é sensible ás xeadas, pero tamén podemos atopar outras especies resistentes ao frio, como Eucalyptus nitens, Eucalyptus viminalis, Eucalyptus dalrympleana, Eucalyptus delegatensis, etc. No Pazo de Mariñán probablemente medran os eucaliptos máis antigos de Galicia, xa que segundo algunhas fontes documentais naceron das primeiras sementes traídas por Frei Rosendo Salvado na segunda metade do século XIX. Aínda que non podemos confirmar este dato, trátase sen dúbida de exemplares dos máis atractivos de Galicia. De grosos troncos, apoiados na súa base en grandes contrafortes que lles dan forma de patas de elefantes, os fustes érguense ata alturas superiores aos 45 m, aínda que en Galicia hai eucaliptos que superan os 70 m de altura. O seu estado sanitario é bo e non se atopan neles defectos estruturais graves, aínda que presentan ramas tronzadas, defoliación e algunhas pólas secas nas copas, o que podemos considerar normal se temos en conta a súa idade. Nome común: Eucaliptos do Pazo de Mariñán Nome científico: Eucalyptus globulus Labill. Provincia: A Coruña Concello: Bergondo Parroquia: Mariñán Lugar: Pazo de Mariñán GALICIA Altura: 46,10 e 46,70 m Perímetro normal: 7,65 e 5,70 m Diámetro de copa: 32,95 e 22,75 m Idade estimada: anos