INFORME ESTUDIO DE EGRESADOS MÁSTER PLAN DE ACCIÓN TITORIAL MÁSTER PSICOLOXÍA DO TRABALLO E AS ORGANIZACIÓNS, XURÍDICA-FORENSE E INTERVENCIÓN SOCIAL

Transcripción

1 INFORME ESTUDIO DE EGRESADOS MÁSTER PLAN DE ACCIÓN TITORIAL MÁSTER PSICOLOXÍA DO TRABALLO E AS ORGANIZACIÓNS, XURÍDICA-FORENSE E INTERVENCIÓN SOCIAL REALIZADO POR: PLAN DE ACCIÓN TITORIAL. GRUPO DE INNOVACIÓN DOCENTE (INDOPSIFORENSE) (ACCIÓN DE MELLORA DO MASTER (AM-5)

2 1. Implementación do seguimento a estudantes egresados 1.1. Destinatarios Foron elexidos para participar neste seguimento 90 estudantes, a todalidade das primeras catro promocións 10/11, 11/12, 12/13, e 13/14 que cursaron o Máster en Psicoloxía do Traballo e as Organizacións, Xurídica-Forense e Intervención Social da Universidade de Santiago, titulación de 60 créditos, conformada por tres itinerarios de especialización, tal e como se describe a continuación: Fonte: Procedemento Nesta experiencia de seguimento e de titorización ao finalizar os estudos, pretendeuse analizar o nivel de empregabilidade dos estudantes agresados, así como coñecer a importancia da titulación cursada en relación a súa inserción laboral e á aplicabilidade da formación cursada. De xeito concreto, o noso propósito era coñecer a realidade 2

3 acerca da desigualdade e/ou discriminación de xénero na inserción laboral das estudantes egresadas do Máster en Psicoloxía do Traballo e as Organizacións, Xurídica- Forense e Intervención Social. O cuestionario de inserción laboral foi enviado por e- mail a tódolos estudantes egresados no segundo semestre do curso Cada estudante recibeu un enlace a unha aplicación, na que se respondía de xeito anónimo: Mr24/viewform Aqueles estudantes que non respostaron foron contactados nunha segunda ocasión telefónicamente, solicitando de novo a colaboración no estudo dende o enlace habilitado para responder Instrumento de medida Con este obxectivo en mente, deseñamos un cuestionario ad hoc, baseándonos nas recomendacións da Axencia de Calidade para o Sistema Universitario de Galicia (ACSUG, 2014), avaliando o actual estado laboral e a satisfacción coa titulación, entre outras cuestións. Ademáis, tamén se tivo en conta o carácter mixto desta titulación, que consta de vía profesionalizante e investigadora, para o mellor axuste da medida de inserción laboral e de empregabilidade. Este cuestionario de inserción laboral quedou conformado por un total de 117 items, con formato de resposta categórica ou continua en escala tipo Likert, agrupados en distintos bloques de contidos (datos sociodemográficos, necesidades de formación como alumnado egresado da titulación, barreiras no acceso ao mercado laboral, primeiro emprego, entre outros). Tamén se incluiron preguntas abertas para suxerencias, ampliacións ou propostas de mellora). 3

4 AM5-5.1AElaboración do informe de resultados da enquisa Trala aplicación da enquisa procedeuse a elaboración dun primeiro informe de resultados. Sinalar que nesta experiencia, na que se incorporou a perspectiva de xénero, preséntanse os datos desagregados por xénero. De seguido, dase conta dalgúns aspectos de interese, toda vez que se ten previsto continuar nos próximos cursos coa ampliación da mostra. Se ben foron destinatarios desta experiencia 90 titulados, responderon a este seguimento da inserción laboral un total de 44 estudantes (taxa de resposta: 48,8% do alumnado egresado). Deste total de participantes, un 88,6% foron mulleres (N=39), fronte ao 11,4% (N=5) de homes. XÉNERO 11,4 88,6 Homes Mulleres En relación aos 44 egresados que responderon á enquisa, 8 (18,2%) proviñan da primeira promoción, 11 (25%) da segunda, 10 (22,7 %) da terceira, e 15 (34,1%) da cuarta. Se atendemos ao itinerario de especialización, o 82% son de Xurídica-Forense, fronte ao 18% de Traballo e Organizacións. 4

5 AM-5.1.A.1. Caracterización da inserción laboral e do primeiro emprego despois de finalizar o máster Dende a finalización do Máster, traballaron nalgún momento o 80% dos egresados. Se diferenciamos por xénero, o 100% dos homes incorporáronse ao mercado laboral, fronte a un 77% das mulleres. Polo tanto, a taxa de emprego acada un nivel moi satisfactorio, se ben con diferenzas por xénero. De seguido, amósanse as principais características do primeiro emprego. Por sector, é o público cun 51%, a primeira orixe, seguido dun 43% polo privado e cun 6% no concertado. Ao efectuarse esta distinción por xénero, obsérvase que a muller emprégase maioritariamente no sector público. Por outra banda, tanto homes como mulleres acadan un posto de traballo relacionado co máster cursado, nun 60% dos casos. En canto á xornada laboral encontramos unha distribución no caso das mulleres do 50% en xornada media ou partida, sendo ista a tendencia maioritaria, seguida dun 37% en completa e un 13 % por horas ou traballo puntual. No caso dos homes a tendencia maioritaria é en xornada completa cun 60%, atopándose un 20% en xornada media ou partida e un 20% por horas ou de manera puntual. 5

6 Se atendemos a duración deste primeiro contrato, un 33% das mulleres presentan traballos de curta duración. Respecto aos contratos de media duración, esta é a tendencia maioritaria para os homes, cun 60% fronte a un 24% nas mulleres. Os contratos de longa duración supoñen aproximadamente un 40% para ambolos dous, concretamente un 40% para os homes e un 42% das mulleres. En relación ao salario percibido, as mulleres que traballan reciben unha remuneración menor que no caso dos homes. O 33% das mulleres sitúanse por debaixo dos 500 euros, mentres o 100% dos homes superan esta retribución. 6

7 Tamén cabe sinalar que as mulleres tardan como promedio mais tempo en acceder ao mercado laboral. O 77% dos estudantes, empregaron menos de 6 meses para atopar un traballo despois de finalizar o máster. Por xénero, o 80% dos homes obtivo o seu primeiro emprego en menos de 6 meses, fronte a un 76% das mulleres. AM-5.1.A 2. Análise das barreiras no acceso ao mercado O 78% da mostra percibe a presenza dalgunha barreira no acceso ao mercado laboral, fronte ao 22%. Concretamente, o 78,4% das mulleres, e o 75% dos homes. A principal barreira percibida é a falta de experiencia laboral, que é sinalada polo 43,2% dos estudantes enquisados. Outros impedimentos informados, como o número reducido 7

8 de postos convocados ou ben que non se requira especialización para o acceso, concretamente foi sinalado polo 34%. Outras categorías presentan porcentaxes residuais. En canto á conciliación do traballo con cargas familiares, un 43% do alumnado egresado informa desta barreira, que ademais é valorada como gravosa ou moi gravosa para o 35% do total. En canto ao xénero, informan de cargas familiares o 44% das mulleres, fronte ao 40% dos homes. Por outra banda, a conciliación de cargas domésticas co traballo, é referenciada polo 65,9%. Por xénero, informan de cargas domésticas o 80% dos homes e o 64,1% das egresadas do máster. AM-5.1.A.3. Análise da percepción de igualdade de oportunidades entre homes e Mulleres Un 77,4% informan que homes e mulleres presentan diferenzas no acceso ao mercado laboral, dos cales un 53% perciben unha clara desigualdade na incorporación ao traballo. Na análise por xénero, un 44% das mulleres informan que non perciben igualdade real entre homes e mulleres, fronte ao 20% de homes que non perciben esta igualdade efectiva. No mesmo senso, un 2,56% das mulleres afirman que sí se atopan cunha situación de igualdade, fronte ao 20% dos homes que conformaron a mostra, que afirman que sí perciben igualdade entre homes e mulleres á hora da incorporación ao mercado laboral. 8

9 AM-5.1.A.4. Análise da satisfacción coa titulación Como parte do deseño do estudo de inserción laboral de estudantes egresados, solicitouse a avaliación da satisfacción coa titulación nos seus distintos compoñentes, como vía de mellora da calidade da docencia. Para iso, avaliouse a satisfacción do alumnado nas distintas áreas, (ver gráfico para unha escala tipo Likert de 1 a 5), acadándose un nivel moi alto de satisfacción coa formación teórica, así como coa titulación e coa formación en xeral. En relación á formación práctica, as competencias adquiridas e a empregabilidade na vía investigadora, tamén nos atopamos cuns resultados que indican un elevado grao de satisfacción, sendo un total do 91% dos egresados recomendarían a realización do mesmo máster a outras persoas. 9