Praza de Europa, 5 A 4º Polígono de Fontiñas SANTIAGO DE COMPOSTELA

Transcripción

1 Resolución do 10 de setembro de 2012, da Dirección Xeral de Xustiza, pola que se fai pública a relación de prazas correspondentes ao ámbito de Galicia que se lles ofrecen aos aspirantes aprobados nas probas selectivas para o ingreso no corpo de xestión procesual e administrativa da Administración de xustiza, quenda de promoción interna, convocadas pola Orde XUS/2370/2011, do 21 de xullo, do Ministerio de Xustiza. De conformidade co establecido na base décimo sexta da Orde XUS/1294/2010, do Ministerio de Xustiza, do 5 de maio, pola que se establecen as bases comúns que rexerán os procesos selectivos para ingreso ou acceso nos corpos de funcionarios ao servizo da Administración de xustiza (Boletín Oficial del Estado do 19 de maio de 2010), esta Dirección Xeral de Xustiza resolve: Primeiro.- Facer pública a relación de prazas desertas, agás a praza do Xulgado de Paz de Camariñas, no ámbito territorial de Galicia (anexo I) que se lles ofrecen aos aspirantes que superaron o proceso selectivo para ingreso polo sistema xeral de promoción interna no corpo de xestión procesual e administrativa convocado pola Orde XUS/2370/2011, do 21 de xullo. Segundo.- As solicitudes de destino dos aspirantes deste ámbito presentaranse por rexistro e dirixiranse á Dirección Xeral de Xustiza, Consellería de Presidencia, Administracións Públicas e Xustiza, Praza de Europa 5 A, 4º andar, Polígono das Fontiñas, Santiago de Compostela. O prazo para presentalas abrirase o día en que se inicie o curso selectivo e finalizará o último día do dito curso. Terceiro.- As solicitudes formalizaranse segundo o modelo que aparece como anexo II desta resolución, relacionando todas as prazas segundo a preferencia e indicando o órgano xudicial, a localidade e mais a provincia.

2 En caso de non lle corresponder ningún dos destinos especificados desta forma, seguirase a orde de preferencia por provincias que os interesados indiquen no modelo de solicitude. Dentro de cada provincia, os destinos serán adxudicados pola seguinte orde: 1. Tribunal Superior de Xustiza. 2. Audiencias provinciais. 3. Fiscalías. 4. Institutos de medicina legal. 5. Decanatos e servizos comúns. 6. Xulgados de instrución. 7. Xulgados do penal. 8. Xulgados de vixilancia penitenciaria. 9. Xulgados de violencia sobre a muller. 10. Xulgados de primeira instancia. 11. Xulgados do mercantil. 12. Xulgados do contencioso-administrativo. 13. Xulgados do social. 14. Xulgados de primeira instancia e instrución. 15. Xulgados de menores. 16. Xulgados de paz. Cuarto.- Unha vez finalizado o curso selectivo e o período de prácticas, e sumadas estas puntuacións á da fase de concurso-oposición, procederase á adxudicación segundo a orde obtida en todo o proceso selectivo. Quinto.- Ningún aspirante poderá anular nin modificar a súa solicitude unha vez rematado o prazo de presentación destas. Sexto.- De non formular solicitude de prazas ou non lle corresponder ningunha das solicitadas, procederase a destinalo, con carácter forzoso, a calquera das prazas non adxudicadas.

3 Sétimo.- A adxudicación dos destinos farase con carácter forzoso de acordo coa orde de puntuación obtida nas probas selectivas no ámbito de Galicia. Oitavo.- Os destinos adxudicados terán carácter definitivo, equivalente para todos os efectos aos obtidos por concurso, sen que poidan participar neste ata que non transcorran dous anos desde a data da resolución en que se lles adxudique destino definitivo; exceptúase da adxudicación definitiva o Xulgado de Paz de Camariñas, no que por ser praza vacante, se atenderá ao establecido no artigo 28.2 do RD 1451/2005, do 7 de decembro, polo que se aproba o Regulamento de ingreso, provisión de postos de traballo e promoción profesional do persoal funcionario ao servizo da Administración de xustiza. Para o cómputo dos dous anos observarase o establecido no parágrafo segundo do artigo da Lei orgánica 6/1985, do 1 de xullo, do poder xudicial. Contra a presente resolución poderase interpoñer recurso potestativo de reposición no prazo dun mes ante a Dirección Xeral de Xustiza, ou ben recurso contencioso-administrativo ante os xulgados competentes no prazo de dous meses, contados ambos a partir do día seguinte ao da súa publicación no Boletín Oficial del Estado. Santiago de Compostela, 10 de setembro de 2012 O director xeral de Xustiza, Juan José Martín Álvarez

4 ANEXO I RELACIÓN DE PRAZAS XESTIÓN PROCESUAL E ADMINISTRATIVA. QUENDA DE PROMOCIÓN INTERNA POSTO DE TRABALLO LOCALIDADE PROVINCIA COMUNIDADE Nº DE PRAZAS XDO. 1ª INST. E INSTR. Nº 1 RIBEIRA A CORUÑA GALICIA 1 XDO. 1ª INST. E INSTR. Nº 3 (VSM) RIBEIRA A CORUÑA GALICIA 1 XDO. 1ª INST. E INSTR. Nº 3 (VSM) CAMBADOS PONTEVEDRA GALICIA 1 XDO. 1ª INST. E INSTR. Nº 4 CAMBADOS PONTEVEDRA GALICIA 1 XDO. 1ª INST. E INSTR. Nº 1 CANGAS PONTEVEDRA GALICIA 1 XDO. 1ª INST. E INSTR. Nº 3 CANGAS PONTEVEDRA GALICIA 1 XDO. 1ª INST. E INSTR. Nº 2 (VSM) MARÍN PONTEVEDRA GALICIA 2 XDO. 1ª INST. E INSTR. Nº 1 REDONDELA PONTEVEDRA GALICIA 2 XDO. 1ª INST. E INSTR. Nº 1(VSM) TUI PONTEVEDRA GALICIA 1 XDO. 1ª INST. E INSTR. Nº 3 TUI PONTEVEDRA GALICIA 2 XDO. DE PAZ DE CAMARIÑAS* CAMARIÑAS A CORUÑA GALICIA 1 14 * Véxase o disposto no punto oitavo desta resolución.

5 ANEXO II SOLICITUDE DE DESTINO PARA OS ASPIRANTES APROBADOS NAS PROBAS SELECTIVAS CONVOCADAS POLA ORDE XUS/2370/2011, DO 21 DE XULLO, PARA O INGRESO NO CORPO DE XESTIÓN PROCESUAL E ADMINISTRATIVA DA ADMINISTRACIÓN DE XUSTIZA QUENDA DE PROMOCIÓN INTERNA NIF:... PRIMEIRO APELIDO:... SEGUNDO APELIDO:... NOME:... Número de orde no proceso selectivo Teléfono de contacto: Ámbito territorial no que realizou as probas selectivas: Destino por orde de preferencia (ver a convocatoria de prazas) CENTRO DE TRABALLO Nº de Órgano Localidade Provincia orde

6

7 Provincias por orde de preferencia (ver a convocatoria de prazas) ,... de... de 2012 DIRECCIÓN XERAL DE XUSTIZA Consellería de Presidencia, Administracións Públicas e Xustiza Praza de Europa 5º A, 4º andar Polígono das Fontiñas