Guía de propostas didácticas para docentes SECUNDARIA, BACHARELATO, FP DE GRADO MEDIO E ENSINAS ESPECIAIS

Transcripción

1 Guía de propostas didácticas para docentes SECUNDARIA, BACHARELATO, FP DE GRADO MEDIO E ENSINAS ESPECIAIS Esta pequena guía inclúe unha serie de actividades para traballar a temática do consumo responsable nas aulas, coa finalidade de que o alumnado adquira, dun xeito lúdico e participativo, os coñecementos básicos que lle permitan elaborar o cartel sobre o Día Mundial dos Dereitos das Persoas Consumidoras. I. INTRODUCCIÓN XERAL DA TEMÁTICA NA AULA Para introducir a temática recoméndase que o alumnado analice e reflexione sobre o que significa ser persoa consumidora. Pódese comezar realizándolle ao alumnado as seguintes preguntas: - Que é unha persoa consumidora? - Como sería facer un consumo responsable? - En que consiste e que elementos ten unha relación de consumo? 1 O obxectivo é fomentar a reflexión sobre estes conceptos básicos e comezar un pequeno debate entre todos/a sobre este tema. A continuación, para continuar traballando, expóñense algunhas propostas concretas de actividades xunto a unhas sinxelas dinámicas de traballo. II. COÑECER A PROPIA EXPERIENCIA PERSOAL DO ALUMNADO COMO PERSOA CONSUMIDORA Para conseguir a implicación do alumnado nas actividades propostas, e preciso coñecer a experiencia persoal do alumnado, pois na sociedade actual segue máis vixente ca nunca a máxima segundo a cal todos/as somos consumidores/as. Proponse a realización dunha charla participativa co alumnado, na que cada alumno/a expoñerá a súa experiencia persoal como persoa consumidora e explicará se algunha vez tivo algún problema ao mercar algún produto (por exemplo, roupa, videoxogos, etc) ou ao contratar algún servizo (por exemplo, unha tarifa de telefonía móbil, unha viaxe, a entrada para un concerto, etc) e contaralle ao resto como o resolveu.

2 III. ACTIVIDADES PARA TRABALLAR O CONSUMO RESPONSABLE OBXECTIVOS: - Adquirir hábitos de consumo responsable. - Coñecer os dereitos da persoas consumidoras e os servizos do Instituto Galego de Consumo (IGC) - Aprender a resolver un conflito de consumo. CONTIDOS : Ficha pedagóxica Educación secundaria e ciclos formativos. - Persoa consumidora. - Consumo responsable. - Dereitos e deberes das persoas consumidoras. - Servizos do Instituto Galego de Consumo. 2 IMPORTANTE: Para a realización das actividades propostas sería conveniente dispor dun equipo informático con conexión a internet. Recoméndase visitar, entre outras, as seguintes páxinas web: - Instituto Galego de Consumo: igc.xunta.es - Axencia Europea de Consumo: ec.europa.eu - Axencia Española de Consumo, Seguridade Alimentaria e Nutrición: aecosan.msssi.gob.es

3 ACTIVIDADES: - Actividade 1: Cando son persoa consumidora? - Actividade 2: Dereitos e deberes das persoas consumidoras ACTIVIDADE 1: CANDO SON PERSOA CONSUMIDORA? Duración recomendada: 45 minutos Metodoloxía de traballo proposta: 1) Co apoio da ficha pedagóxica para Educación secundaria e Ciclos formativos realizarase unha breve explicación do significado de ser unha persoa consumidora e da importancia de coñecer os nosos dereitos como tales. 3 2) A continuación, entregaráselle ao alumnado a enquisa (situada debaixo destas liñas) para que cada alumno/a a cubra de xeito individual. 3) Unha vez cuberta a enquisa por cada alumno/a, corrixirase de xeito conxunto entre todo o grupo, compararanse as distintas respostas de cada un e reflexionarase sobre os motivos que ocasionan esas diferenzas.

4 ENQUISA: 1. En que momento te convertes en persoa consumidora? Crees que es unha persoa consumidora responsable? Porque? Que tipo de produtos adoitas escoller e mercar con maior frecuencia? Cales crees que son as razóns que polas que mercas uns produtos e outros non? Existe algún factor que condicione a túa toma de decisións? Cres que existe algunha diferenza no significado das seguintes expresións: - Vou á compra - Vou de compras 4 Xustifica a túa resposta Algunha vez tiveches algún problema de consumo ou coñeces alguén que o tivera? Describe brevemente o caso No caso de ter algún problema de consumo, saberías como resolvelo? Describe como o resolverías...

5 ACTIVIDADE 2: DEREITOS E DEBERES DAS PERSOAS CONSUMIDORAS Duración recomendada: 5 días Metodoloxía de traballo proposta: Apoiados na ficha pedagóxica para Educación secundaria e Ciclos formativos: 1) Dividirase ao alumnado en 6 equipos. 2) A cada un dos equipos entregaráselle unha tarxeta con 4 tarefas que debe realizar durante os 5 días que dura a actividade. 3) A cada un dos equipos asignaráselle un dos dereitos sinalados na Guía dos dereitos e deberes das persoas consumidoras, sobre o que terá que realizar as tarefas indicadas na tarxeta. 5 TARXETA DE TAREFAS: 1. Describir un problema real, que estea acontecendo nas relacións de consumo cotiás, relativo ao dereito asignado. 2. Identificar unha obriga que a persoa consumidora debería ter asociada ao dereito asignado. 3. Identificar, buscando a través da internet, os posibles servizos das distintas administracións públicas (local, autonómica e/ou estatal) a quen se poderían dirixir para solucionar a problemática exposta. 4. Por último, cada equipo explicará ao resto as súas conclusións e compararás coas dos outros equipos.