CONVENIO DE COLABORACIÓN ENTRE O PARLAMENTO DE GALICIA E O INSTITUTO ENERXÉTICO DE GALICIA (INEGA).

Transcripción

1 CONVENIO DE COLABORACIÓN ENTRE O PARLAMENTO DE GALICIA E O INSTITUTO ENERXÉTICO DE GALICIA (INEGA). Santiago de Compostela, a 3 de novembro de dous mil seis. R E U N I D O S Dunha parte, a Excma. Sra. D.ª. Dolores Villarino Santiago, na súa condición de presidenta do Parlamento de Galicia, actuando no seu nome e representación ao abeiro das facultades que lle confire o artigo 31.1 do Regulamento da Cámara do Parlamento de Galicia. Doutra parte, o Sr. D. Fernando Xabier Blanco Álvarez, Conselleiro de Innovación e Industria e Presidente do Consello de Administración do Instituto Enerxético de Galicia, actuando en nome e representación dos mesmos ao abeiro das facultades que lle atribúe o artigo 34 da Lei 1/1983, do 22 de febreiro, reguladora da Xunta e do seu Presidente. Ámbalas partes recoñécense a súa competencia e capacidade para formalizar o presente CONVENIO DE COLABORACIÓN.

2 E X P O Ñ E N Primeiro.- Que o Parlamento de Galicia é un ente público que ten coma función representar ao pobo de Galicia e é a primeira das institucións da Comunidade Autónoma da que derivan tódalas outras, estando facultada para exercer os poderes públicos de Galicia, xunto á Xunta de Galicia e ao seu presidente, segundo dispoñen o artigo 9 e 10 do Estatuto de Galicia e en conformidade coa Constitución española. Segundo.- Que o INEGA é un ente de dereito público con personalidade xurídica e patrimonio de seu para o cumprimento dos seus fins, que consisten no fomento, impulso e realización de iniciativas e programas de actuación para a investigación, o estudo e o apoio das actuacións de coñecemento, desenvolvemento e aplicación das tecnoloxías enerxéticas, incluídas as renovables, a mellora do aforro e a eficiencia enerxética, o fomento do uso racional das enerxías e, en xeral, a óptima xestión dos recursos enerxéticos dos distintos sectores económicos de Galicia, así como a participación na xestión e prestación, se é o caso, de servizos noutros campos sinérxicos, de acordo coas directrices do Goberno no ámbito das súas competencias. Para o exercicio das súas funcións, pode establecer convenios e contratos con institucións públicas ou privadas no ámbito das súas funcións, así como colaborar con outras Administracións para favorecer a adopción de medidas de aforro, de racionalización na produción, distribución e subministración de enerxías. Terceiro.- Que o Parlamento de Galicia e o INEGA queren ser partícipes da crecente preocupación da sociedade por acadar un medio ambiente saudable e poñer freo ao deterioro ambiental no que está inmerso o planeta, sendo conscientes da responsabilidade que todos temos nestes momentos de protagonizar, no día a día e nas grandes e pequenas cousas, cambios necesarios que impulsen un mellor modo de racionalizar, dun xeito máis eficiente e responsable, todos os recursos naturais, como compromiso cara e para as

3 xeracións vindeiras. Somos conscientes de que calquera esforzo realizado nunha institución como o Parlamento de Galicia, pode acadar unha destacada relevancia na difusión de valores que sensibilicen e axuden a tomar conciencia polo respecto ao medio ambiente, motivo polo que entendemos que se debe aproveitar a oportunidade de dar exemplo co uso de modelos que contribúan á mellora da eficiencia enerxética, e sabedores, ademais, de que fomentando a educación ambiental no seo desta institución estase a involucrar aos membros do Parlamento nunha toma de conciencia que pode favorecer maiores compromisos por un desenvolvemento sostible. A partir de xaneiro de 2006 é de aplicación a Directiva 2002/91/CE do Parlamento Europeo e do Consello de 16 de decembro de 2002, relativa á eficiencia enerxética dos edificios, que nace coa idea de fomentar a eficiencia enerxética, medida que constitúe unha parte importante do conxunto de políticas e medidas necesarias para cumprir o disposto no Protocolo de Kioto, e que debe estar presente en todas as medidas que se adopten co fin de dar cumprimento aos novos compromisos. O sector da vivenda e dos servizos, composto na súa maioría por edificios, absorbe máis do 40% do consumo final de enerxía na Unión Europea, atopándose, ademais, en fase de expansión, tendencia que previsiblemente fará aumentar o consumo de enerxía e, polo tanto, as emisións de dióxido de carbono. Polo tanto, hoxe iniciamos un novo e firme compromiso para a posta en marcha dun Plan de Aforro e Eficiencia Enerxética e da incorporación de propostas dirixidas fundamentalmente á difusión e uso das Enerxías Renovables como parte dunha estratexia de divulgación sobre as causas e do que podemos facer fronte ao cambio climático e a mellora ambiental do planeta. A C O R D A N Por isto, as partes deciden formalizar este convenio de colaboración, para o deseño e posta en marcha dun Plan de Optimización Enerxética con vistas a conseguir un destacado resultado na certificación de eficiencia enerxética das instalacións do Parlamento de Galicia, co propósito de reducir o consumo de enerxía, aproveitar

4 a potencialidade das enerxías renovables, e xerar unha experiencia demostrativa das posibilidades de adecuación destas novas tecnoloxías nos edificios públicos da Administración galega para fomentar medidas en orde a crear unha política enerxética máis sostible, de acordo coas seguintes. CLÁUSULAS Primeira.- Obxecto. O presente convenio ten por obxecto definir o marco de colaboración entre o Parlamento de Galicia e o INEGA, que se concretará nas seguintes medidas e actuacións: a) Dotar ao edificio do Parlamento de Galicia dun certificado de eficiencia enerxética e poder así cumprir co disposto no epígrafe 7.3, referido á certificación en edificios públicos antigos, da Directiva Europea 2002/91/CE. b) Realización dunha auditoría enerxética das instalacións do Parlamento que permita establecer con detalle a situación actual, o potencial de mellora e un estimado da inversión necesaria para lograr o máximo nivel de aforro enerxético que é posible acadar neste edificio, expresándose dun xeito claro e conciso, para poder incluír un indicador de emisións de CO2. c) Realización dun estudo de aplicabilidade de enerxías renovables no edifico do Parlamento que indique, o grao de substitución que se podería acadar para os próximos tres anos e un estimado do investimento das accións parciais e da total necesaria para chegar á consecución desa substitución. d) Desenvolvemento dun plan de optimización enerxética, que tomará como base a auditoría enerxética das instalacións e o estudo de aplicabilidade de enerxías renovables e que tamén abranguerá todos aqueles aspectos e ámbitos da actividade do Parlamento que teñan incidencia enerxética. Este plan de optimización enerxética terá vocación de experiencia práctica e demostrativa das posibilidades destes Plans de Acción para reproducir noutros edificios da Administración Pública.

5 Segunda.- Sistema de colaboración. O sistema de colaboración está fundamentado nas seguintes premisas: O INEGA será o redactor do Plan e coordinará e supervisará todos os estudos e accións que se leven a cabo no ámbito de desenvolvemento do referido Plan, prestando o asesoramento técnico necesario e realizando os informes que o Parlamento precise. O Parlamento de Galicia observará e supervisará as accións e propostas que o INEGA prevea no referido Plan de Optimización Enerxética coa finalidade de poder adecuar así o Plan ás necesidades requiridas polo Parlamento. Facilitar e intercambiar mutuamente canta información técnica e económica sexa considerada útil aos fins propostos. Promover conxuntamente cantas accións sexan necesarias para favorecer os intereses xerais, en coherencia cos principios inspiradores da política enerxética. Na publicidade de calquera presentación ou publicación relativa á actividade referida no presente documento, figurará que se realiza ao abeiro deste convenio. Terceira.- Gastos a executar no ano 2007 Para executar no ano 2007 parte das accións incluídas na cláusula primeira deste Convenio, contarase coa seguinte financiación: A) O Parlamento reservará un crédito de euros con cargo á aplicación B.632 do orzamento de 2007 B) O INEGA subvencionará ao Parlamento de Galicia con euros con cargo ao orzamento de explotación do exercicio 2007 para a mesma finalidade. De común acordo determinaranse as accións a executar no ano 2007.

6 Cuarta.- Duración. Este convenio esgotará a súa vixencia coa completa finalización das actuacións que constitúen o seu obxecto descrito na cláusula primeira e os traballos ulteriores a que dean lugar, fixándose como data límite a de xuño de Quinta.- Seguimento do convenio. Ao obxecto de verificar o correcto desenvolvemento do convenio, desígnase, de común acordo entre as partes, unha comisión de seguimento formada por dous representantes do Parlamento de Galicia e outros dous do INEGA, que terá como misións: Velar pola correcta aplicación e desenvolvemento do convenio. Estudar e propoñer as dispoñibilidades orzamentarias a todas as accións que se executen. Informar e presentar propostas sobre a marcha e necesidades dos proxectos e actuacións que se aborden. Resolver as diverxencias que xurdan da interpretación e aplicación do convenio. Propoñer as modificacións que as partes consideren necesario levar a cabo no texto do convenio, como consecuencia das necesidades que se deriven do Plan de optimización enerxética descrito na cláusula primeira. Sexta.- Resolución. Serán causas de resolución do presente convenio: O mutuo acordo entre as partes. A denuncia de calquera das partes, formulada con quince días de antelación. O incumprimento total ou parcial das cláusulas contidas neste convenio.

7 Sétima.- Discrepancias. O presente convenio ten carácter administrativo e, en consecuencia, todas as cuestións ou diferenzas que poidan xurdir entre o Parlamento de Galicia e o INEGA en relación coas cuestións controvertidas terán adecuada solución no seo da comisión de seguimento prevista na cláusula quinta. E en proba de conformidade asínase o presente convenio por triplicado exemplar na data e lugar indicados no encabezamento. A Presidenta do Parlamento de Galicia O Conselleiro de Innovación e Industria e Presidente do Consello de Administración do INEGA Asdo.: Dolores Villarino Santiago Asdo.: Fernando X. Blanco Álvarez