REXISTRO DE CLUBS E EQUIPOS DE FÚTBOL SALA COMPETICIÓNS AUTONÓMICAS E PROVINCIAIS TEMPORADA 2017/18 Tendo en conta a RESOLUCIÓN do 30 de xuño de 2017 da Xunta de Galicia relativa ao procedemento de revogación de recoñecemento da Federación Galega de Fútbol Sala como federación deportiva galega e de cancelación da inscrición da Federación Galega de Fútbol Sala no Rexistro de Entidades Deportivas, e atendendo ó punto nº 5 de dita resolución que di o seguinte: QUINTO. Os clubs asociados á Federación Galega de Fútbol Sala pasarán a integrase na Federación Galega de Fútbol a partir da publicación da resolución, cos mesmos dereitos e deberes que tiñan recoñecidos, poñemos a disposición dos clubs de Galicia de Fútbol Sala de categorías autonómica e provincial o presente documento que contén a descrición do procedemento de rexistro de clubs de Fútbol Sala que rexerá, para as competicións autonómicas e provinciais (Fútbol Sala) da Federación Galega de Fútbol, durante a temporada 2017/2018. Ademais, aproveitamos o mesmo para trasladarlles distintas cuestións informativas relacionadas cos mecanismos de funcionamento do Fútbol Sala dentro do ámbito da Federación Galega de Fútbol. INFORMACIÓN 1. Os clubs de Fútbol Sala de categoría autonómica ou provincial (xunto cos seus equipos) deberán rexistrar os seus datos na Federación Galega de Fútbol con data límite o 31 de xullo de 2017. De non levar a cabo este rexistro no prazo fixado entenderase que renuncian á súa participación nas mencionadas categorías. 2. Unha vez concluído o prazo para remitir esta información, procederase á configuración dos distintos grupos e calendarios das distintas competicións (plan competicional). 3. O rexistro de datos que se realice na Federación Galega de Fútbol non supón en ningún caso que se consideren saldadas as débedas contraídas nas temporadas pasadas coa recén desinscrita Federación Galega de Fútbol Sala. 4. O rexistro de todos aqueles clubs que participen en competicións organizadas pola Federación Galega de Fútbol acompañarase da copia ou certificado do Rexistro de Entidades Deportivas da Xunta de Galicia, así como da composición da Xunta Directiva. 5. Calquera cambio de denominación oficial (artigo 100 do Regulamento Xeral da FGF), fusión entre clubs, convenio de filialidade, etc., deberá estar suficientemente documentado, acreditado e presentado no Rexistro da Federación Galega de Fútbol, quen atenderá ó disposto na normativa vixente. Páxina 1 de 6
6. Os clubs deberán acompañar unha certificación dos propietarios das instalacións deportivas onde se disputarán os partidos oficiais das competicións organizadas pola Federación Galega de Fútbol, conforme cede dita instalación ó club para disputar as competicións oficiais. 7. O club debe aportar unha póliza de Responsabilidade Civil (seguro), acreditando en todo caso estar ó corrente de pago da mesma, ou no seu defecto solicitar subscribirse á póliza de RC colectiva da Federación Galega de Fútbol (descritas en www.futgal.es Federación Seguro RC). A lexislación actual obriga ás entidades deportivas a subscribir unha póliza de Responsabilidade Civil que cubra as continxencias que poidan acontecer como consecuencia do desenvolvemento da actividade propia do club. 8. As cotas que se aplicarán por club e equipo de Fútbol Sala para a temporada 2017/18 para as categorías autonómica e provincial quedan establecidas segundo as táboas seguintes: ÁMBITO AUTONÓMICO (GALICIA) CATEGORÍAS COTA COTA CLUB EQUIPO DEPÓSITO Preferente MASCULINA 225 100 1ª Autonómica FEMININA 100 100 Liga Galega XUVENIL MASCULINO 60 100 Liga Galega CADETE MASCULINO Liga Galega INFANTIL MASCULINO 30 Liga Galega ALEVÍN MASCULINO Liga Galega CADETE FEMININA Liga Galega INFANTIL FEMININA ÁMBITO PROVINCIAL CATEGORÍAS COTA COTA CLUB EQUIPO DEPÓSITO 1ª Galicia MASCULINO 150 100 1ª Galicia FEMININA 25 100 1ª Galicia XUVENIL MASCULINO 25 100 1ª Galicia CADETE MASCULINO 1ª Galicia INFANTIL MASCULINO 1ª Galicia CADETE FEMININA 1ª Galicia INFANTIL FEMININA 30 Páxina 2 de 6
Cota club: refírese a un único pago anual de 30, que ten que realizar un club (NON por equipo) da especialidade de Fútbol Sala de Galicia para darse de alta no rexistro de clubs da FGF, independentemente do número de equipos cos que conte na súa estrutura. Cota equipo: refírese ó pago que ten que realizar un club por cada equipo para participar en cada unha das competicións nas que figure. De cadetes cara abaixo non existe a cota de equipo. Depósito: este apartado corresponde a unha cantidade económica que ingresará o club na conta da Federación Galega de Fútbol, de onde se lle detraerán diferentes cantidades económicas, tales como licenzas deportivas, sancións deportivas,... 9. O número de conta bancario por defecto da Federación Galega de Fútbol é o seguinte: Caixabank: ES05 2100 2323 9902 0017 5465 10. As cantidades correspondentes á cota de club, cota de equipo, constitución do depósito, ou calquera outro requisito establecido pola Federación Galega de Fútbol deberán abonarse, no mesmo momento que se proceda a realizar o rexistro do club na FGF, utilizando o número de conta indicado anteriormente (punto 9). 11. No tocante ós dereitos de tramitación de licenzas, os prezos dos mesmos para as categorías masculina e feminina para a temporada 2017/18, serán os seguintes: TIPO DE LICENZA Categoría afeccionado Xuvenil Desde categoría Cadete ata Biberón Adestrador Adestrador de porteiros Preparador Físico Monitor de Base Profesional Médico ATS / FST / ATSS / FTPS ATD Iniciador deportivo Encargado de material Delegado Axudante Sanitario CUSTE 2,00 euros 1,00 euros 6,00 euros A cantidade correspondente ás licenzas de cada equipo detraerase directamente do depósito realizado polos clubs. Páxina 3 de 6
12. En canto ós adestradores de cada equipo, todos eles deberán estar colexiados no Comité Técnico de Adestradores da Federación Galega de Fútbol, abonando 30,00 euros por este concepto (cota de colexiación). No tocante ós dereitos de contrato, abonarase o 3% sobre a percepción económica que figure no mesmo. Nos casos en que non figure cantidade algunha nos contratos, ou que o 3 % dos dereitos sexa inferior ás cantidades seguintes, establécese un mínimo, do seguinte xeito: CATEGORÍA DO EQUIPO Terceira división Fútbol Sala Preferente Galicia Fútbol Sala Categorías Autonómicas Categorías de base (Xuvenil e inferiores) DEREITOS DE CONTRATO BASE 120,00 euros 100,00 euros 50,00 euros 20,00 euros O pago destas cotas deberase facer no momento que se tramite a licenza do adestrador (colexiación por parte do adestrador e dereitos de contrato por parte do club). 13. En canto ós recibos arbitrais, estes domiciliaranse cada semana contra o número de conta indicado na orden de domiciliación bancaria correspondente. Páxina 4 de 6
PROCEDEMENTO DE REXISTRO O procedemento de rexistro de clubs de Fútbol Sala que rexerá, para as competicións autonómicas e provinciais (Fútbol Sala) da Federación Galega de Fútbol, durante a temporada 2017/2018 é o seguinte: 1. Cubrir o documento que se anexa co nome: Boletín de Rexistro de clubs de Fútbol Sala 2017_18.pdf, onde se indicarán os datos do club, polideportivo no que se disputarán os partidos, así como as distintas categorías dos equipos que participarán na competición oficial. 2. Cubrir a orde de domiciliación bancaria que se anexa co nome: Orde de domiciliación bancaria Clubs Fútbol Sala.pdf, e que permite realizar a domiciliación dos recibos arbitrais semanais dos diferentes equipos do club. 3. Realizar o pago da cota de club, das cotas de equipo correspondentes e do depósito (un único pago coa suma das tres cantidades) tendo en conta ás táboas indicadas no punto 8 do apartado de INFORMACIÓN. O pago destas cotas realizarase a favor da conta por defecto da FGF indicada no punto 9 do apartado de INFORMACIÓN. No comprobante de pago debe figurar o seguinte concepto: REXISTRO DO CLUB DE FÚTBOL SALA nome do club. 4. Solicitar un certificado do Rexistro de Entidades Deportivas da Xunta de Galicia, así como da composición da Xunta Directiva do club. 5. Solicitar unha certificación dos propietarios das instalacións deportivas onde se disputarán os partidos oficiais das competicións organizadas pola Federación Galega de Fútbol, conforme cede dita instalación ó club para disputar as competicións oficiais. 6. No caso de non contar co Seguro de Responsabilidade Civil, solicitar subscribirse á póliza de RC colectiva da Federación Galega de Fútbol seguindo as instrucións descritas en www.futgal.es Federación Seguro RC. 7. Unha vez rematados estes pasos deberase enviar un correo electrónico ó enderezo futbolsala@futgal.es cos seguintes campos: - Para: futbolsala@futgal.es - Asunto: REXISTRO NA FGF DO CLUB DE FÚTBOL SALA nome do equipo - Documentos adxuntos: o Boletín de Rexistro de clubs de Fútbol Sala 2017_18.pdf, cuberto cos datos do club, equipos, polideportivo, etc. o Orde de domiciliación bancaria Clubs Fútbol Sala.pdf, cuberto cos datos bancarios do club. o Recibo comprobante do pago das cotas especificadas (club, equipos e depósitos). o Documento coa póliza de Responsabilidade Civil do club e o recibo en conforme se realizou o seu pago, ou solicitude do RC colectivo da FGF co recibo do pago do mesmo. o Copia ou certificado do Rexistro de Entidades Deportivas da Xunta de Galicia, así como da composición da Xunta Directiva. Páxina 5 de 6
o Certificación dos propietarios das instalacións deportivas onde se disputarán os partidos oficiais das competicións organizadas pola Federación Galega de Fútbol, conforme cede dita instalación ó club para disputar as competicións oficiais. 8. A Federación dará conformidade á recepción do correo, contestando con outro correo en conforme se recibiu o mesmo. No caso de que non se reciba no prazo de 2 días laborais o ok por parte da FGF, recoméndase que se poña en contacto coa FGF a través do teléfono 981 12 17 86 para verificar que non existen problemas de comunicación por correo electrónico entre o club e a FGF. Páxina 6 de 6