SOLICITUDE DE ORZAMENTO PARA A CONTRATACIÓN DO DESEÑO, CREATIVIDADES E ADAPTACIÓNS DO EVENTO THE TALL SHIPS RACES A CORUÑA 2016 PARA O CONSORCIO DE TURISMO E CONGRESOS DE A CORUÑA 1. OBXECTO DO CONTRATO A presente solicitude de orzamento ten por obxecto a contratación do deseño, creatividades e adaptacións de The Tall Ships Races A Coruña 2016 para o Consorcio de Turismo e Congresos de A Coruña (en adiante, o Consorcio), de acordo coas prescricións sinaladas no presente documento. 2. OBXECTIVO Informar sobre a celebración da regata e motivar a visita á mesma do maior número de persoas posible. 3. PÚBLICO OBXECTIVO Turistas, visitantes e residentes en A Coruña e a súa área metropolitana. 4. PRESCRICIÓNS TÉCNICAS A Coruña será porto e cidade anfitrioa do evento The Tall Ships Races do 11 ao 14 de agosto de 2016. Todos os elementos recollidos na presente solicitude de orzamento deberán ser homoxéneos segundo a línea creativa proposta. O Concello da Coruña aportará a través do Consorcio o banco fotográfico do que dispón da edición anterior. Con todo, a adxudicataria deberá facilitalo se non se axusta á proposta presentada. A empresa adxudicataria deberá facilitar as traducións necesarias en galego, español, inglés, segundo corresponda en cada caso. A impresión queda excluída da presente licitación. A empresa adxudicataria do presente contrato deberá desenvolver os traballos que se detallan a continuación: 1
Marca e identidade Adaptación de marca e identidade para a cidade de A Coruña, de acordo coas as liñas indicadas por Sail Trainig International e recollidas no ANEXO 1 A empresa adxudicataria será a responsable de establecer os contactos e recadar a información precisa para a correcta adaptación. A empresa adxudicataria deberá entregar ao Consorcio arquivos con diferentes aplicacións e formatos (.ai,.eps,.jpg;.pdf; etc.) Carteis Deseño de cartel The Tall Ships Races A Coruña 2016 Incluirán información básica tal como nome, datas, web, logos oficiais e posibles patrocinadores. Os carteis terán un formato A3. Idioma bilingüe galego/castelán. Folleto da regata Deseño do folleto da regata, incluíndo información básica, plano e programa de actividades. O programa de actividades será aportado polo Concello da Coruña. A modo de información para o deseño, terase en conta un formato despregable de 31,5 x 33,5 cms. aberto, pregado a metade e logo en tríptico. Maquetaranse 2 modelos, un nos idiomas galego/castelán e outro nos idiomas castelán/inglés. Folleto tripulación Deseño do folleto para a tripulación, incluíndo información básica, mapa, programa e datos útiles. O Concello da Coruña aportará a información a incluír. A modo de información para o deseño, terase en conta un formato díptico de tamaño A5 pechado. Idioma: Inglés. Pasaporte xuvenil de visita a barcos Deseño dun folleto despregable dirixido ao público infantil/xuvenil, que invite ao percorrido polos barcos visitables mediante o cuño en cada un deles. Tamaña máximo permitido despregado A3. Idiomas: Trilingüe galego/castelán/inglés. 2
Creatividades para soportes publicitarios Línea de creatividade fresca e actual, que xenere impacto e convide a vivir a experiencia Así mesmo deberá respetar os aspectos recollidos no ANEXO 1 Adaptacións e formatos: De acordo coas necesidades do Consorcio, a empresa adxudicataria comprométese á realización de: Off line: ata 15 adaptacións das creatividades independentemente do soporte ao que vaian dirixidas e do formato necesario (ex: vallas, vinilado de autobuses, banderolas, anuncios, rollers, carteis...). On line: ata 8 adaptacións das creatividades, independentemente do tipo (estáticos ou dinámicos) e do formato (ex.: banners). Esta distribución das adaptacións poderá sufrir modificacións atendendo ás necesidades do Consorcio. Durante a realización dos traballos poderase efectuar por parte do Consorcio cantas suxestións considérense oportunas para o bo desenvolvemento do mesmo. As empresas poderán solicitar ao Consorcio como referencia imaxe do folleto da regata e do folleto da tripulación da edición anterior, a través do e-mail sf.varela@coruna.es. 5.- OBRIGAS DO ADXUDICATARIO a) Responsabilidade: A empresa adxudicataria será responsable da calidade técnica dos traballos para desenvolver e das prestacións e servizos realizados, así como das consecuencias que se produzan para o Consorcio, ou para terceiras persoas das omisións, erros, métodos inadecuados ou conclusións incorrectas na execución do contrato. b) Organización: A empresa adxudicataria deberá dispoñer dos elementos materiais suficientes para a debida execución do contrato, levando a cabo en tempo e forma os servizos para prestar. Así mesmo, establécese como requisito contar con persoal cualificado para as traducións, que deberá xustificar a súa acreditación como profesionais nestas materias. c) Artes finais: Unha vez finalizado o traballo, a empresa adxudicataria deberá facer entrega ao Consorcio das artes finais de todas as creatividades, en baixa resolución en formato adaptado para a súa descarga en web sempre que sexa preciso, e en alta resolución, en formato editable e con textos sen trazar. Devandito traballo pasará a ser propiedade do Consorcio sen prexuízo de que poida cedelo libremente. 3
d) Fotografías e imaxes: As fotografías empregadas ou realizadas para a execución do presente contrato serán propiedade do Consorcio para a súa libre disposición. En ningún caso poderanse empregar imaxes, fotografías ou deseños que impliquen unha responsabilidade legal polo seu uso. e) Dereitos de propiedade intelectual: Todos os dereitos de propiedade intelectual e de copyright que se poidan derivar dos traballos obxecto deste contrato pasarán a ser propiedade do Consorcio sen prexuízo de que este poida cedelos libremente. f) Confidencialidade e datos de carácter persoal: Todos aqueles datos que puidese coñecer a empresa adxudicataria en relación cos servizos contratados, enténdense confidenciais, debendo gardar a identidade e o segredo dos mesmos. g) Sancións: Cando a empresa adxudicataria incurrise no incumplimento dalgún dos requisitos esixidos, o Consorcio resérvase o dereito de adoptar as sancións que procedan ou rescindir o presente contrato, non recoñecendo indemnización algunha. 6.- CONTIDO E REQUISITOS DAS PROPOSTAS: As propostas presentadas incluirán, como mínimo, o seguinte: Oferta económica. Proposta técnica e gráfica de: marca, valla, traseira e lateral de autobús, anuncio A4, faldón, banderola, banner, folleto da regata, folleto da tripulación e pasaporte xuvenil. Cronograma de execución dos traballos. Cada licitador non poderá presentar máis dunha proposta. Deberá entregarse en versión papel e copia en dixital. As propostas gráficas e demais documentación presentada en formato físico non superará, en ningún caso, o formato A4. 7.- CRITERIOS DE ADXUDICACIÓN Os criterios para a adxudicación da presente licitación, son os seguintes: A) Mellor oferta económica: Ata un máximo de 55 puntos. Aplicarase un criterio de proporcionalidade respecto da oferta máis económica, á que se atribuirá a máxima puntuación, calculando a puntuación das restantes de acordo coa seguinte fórmula: P = 55 x (oferta máis económica/oferta a valorar) 4
B) Mellor proposta técnica: Ata un máximo de 45 puntos, distribuídos da seguinte forma: Mellor proposta técnica e gráfica: máximo 40 puntos. Cronograma: máximo 5 puntos Para a valoración das propostas técnicas teranse en conta aspectos tales como: imaxe e creatividades propostas, aplicación nos diferentes soportes e cronograma áxil e efectivo para a campaña. 8. IMPORTE DA SOLICITUDE DE ORZAMENTO O importe da presente solicitude de orzamento ascende á 11.000 (IVE incluído) 9.- PRAZO, FORMA E LUGAR DE PRESENTACIÓN DE OFERTAS O prazo de presentación das propostas para optar a este contrato finalizará o día 4 de abril do ano en curso ás 13 horas. As propostas técnicas e económicas deberán incluír a data de emisión e ir dirixidas ao Consorcio de Turismo e Congresos da Coruña, co CIF, dirección e selo da empresa que emite a proposta, así como o período de validez da mesma e a firma do representante da empresa con indicación do seu nome, apelidos e DNI. A proposta económica presentarase en documento independente; co IVE desagregado e o importe total. As propostas técnicas e económicas deberán presentarse, en sobre pechado, no prazo establecido, na sede do Consorcio sita na Rúa Sol - Edificio Sol s/n 15003 (A Coruña). 10.- ACEPTACIÓN DAS BASES A presentación a este concurso supón o coñecemento e a aceptación de todas e cada unha das presentes bases. A Coruña, 22 de marzo de 2016 5