REFERENCIAS NORMATIVAS AVALIACIÓNS: PROMOCIÓN, TITULACIÓN 1.- Referencias lexislativas para as avaliacións: 2º e 4º ESO. a. Decreto 133/2007, do 5 de xullo, polo que se regulan as ensinanzas da educación secundaria obrigatoria na Comunidade Autónoma de Galicia. Artigo 12: 2. O alumnado promocionará ao curso seguinte cando teña superados os obxectivos das materias cursadas ou teña avaliación negativa en dúas materias como máximo. 3. O alumnado repetirá curso cando sexa avaliado negativamente en tres ou máis materias. 4. Excepcionalmente, o equipo docente poderá autorizar a promoción con avaliación negativa en tres materias, se considera que a natureza destas non lle impide ao alumnado seguir con éxito o curso seguinte, que ten expectativas favorables de recuperación e que a dita promoción beneficiará a súa evolución académica. 5. Para os efectos de promoción de curso computarase como unha única materia as de diferentes cursos que teñan a mesma denominación. [derrogado; v. Orde do 23 de xuño de 2008]. b. Orde do 21 de decembro de 2007 pola que se regula a avaliación na educación secundaria obrigatoria na Comunidade Autónoma de Galicia. Artigos 6º e 7º. Artigo 6º.-Promoción 1. Ao remate de cada un dos cursos e como resultado do proceso de avaliación, o equipo de profesoras e profesores que imparten docencia en cada grupo, na sesión final de avaliación, decidirá sobre a promoción do alumnado. 2. O alumnado promocionará ao curso seguinte cando superase os obxectivos de todas as materias cursadas ou teña avaliación negativa en dúas como máximo, e repetirá curso cando teña avaliación negativa en tres ou máis materias. 3. Excepcionalmente, unha vez realizadas as probas extraordinarias, o equipo docente poderá decidir a promoción dunha alumna ou un alumno con avaliación negativa en tres materias, se considera que a natureza das dificultades non lle impedirá seguir con éxito o curso seguinte, que ten expectativas favorables de recuperación e que a dita promoción beneficiará a súa evolución académica. 4. No cómputo das materias para efectos de promoción, consideraranse tanto as materias non superadas do propio curso como as de cursos anteriores. Para estes efectos computarase como unha única materia as de diferentes cursos que teñan a mesma denominación [derrogado; v. Orde do 23 de xuño de 2008]. O proxecto interdisciplinar, cuxas características quedan expresadas no artigo 4º parágrafo 8, non computará á hora de considerar o número de materias para os efectos de promoción ao seguinte curso académico. 5. A materia de ciencias da natureza do 3º curso, desdobrada en bioloxía e xeoloxía por un lado e física e Avaliacións, promoción, titulación,matrícula de honra, reclamacións 1
química por outro, manterá o seu carácter unitario para efectos de promoción, de acordo co establecido no Decreto 133/2007. [...] 11. As decisións de promoción ao curso seguinte, do alumnado con tres materias non superadas, requirirá o acordo favorable da maioría simple do equipo docente. Artigo 7º.-Titulación 1. O alumnado que ao terminar a educación secundaria obrigatoria superase todas as materias e alcanzadas as competencias básicas e os obxectivos da etapa obterá o título de graduado en educación secundaria obrigatoria. Así mesmo, poderá obter o dito título aquel alumnado que, unha vez realizadas as probas extraordinarias, finalice a etapa con avaliación negativa nunha ou en dúas materias, e excepcionalmente en tres, sempre que o equipo docente que imparte no grupo considere que a natureza e o peso destas no conxunto da etapa non lle impediu alcanzar as competencias básicas e os obxectivos da etapa. 3. O alumnado que curse programas de diversificación curricular obterá o título de graduado en educación secundaria obrigatoria se supera todos os ámbitos e materias que integran o programa. Así mesmo, poderá obter o mencionado título aquel alumnado que, tendo superado os dous ámbitos, teña avaliación negativa nunha ou dúas materias e, excepcionalmente, en tres se o equipo docente considera alcanzadas, ao final do programa de diversificación curricular, as competencias básicas e os obxectivos xerais para a etapa. [...] 8. As decisións de titulación do alumnado con materias non superadas requirirán o acordo favorable da maioría simple do equipo docente. c. Orde do 23 de xuño de 2008 pola que se modifica a do 21 de decembro de 2007 pola que se regula a avaliación na educación secundaria obrigatoria na Comunidade Autónoma de Galicia. Artigo único.-modificación da Orde do 21 de decembro de 2007 pola que se regula a avaliación na educación secundaria obrigatoria na Comunidade Autónoma de Galicia. Os artigos 6 e 7 da orde de referencia quedan modificados segundo se recolle a continuación: Un.-O punto 4 de artigo 6 queda redactado como segue: «No cómputo das materias para efectos de promoción, consideraranse tanto as materias non superadas do propio curso como as de cursos anteriores. O proxecto interdisciplinar, cuxas características quedan expresadas no artigo 4, punto 8, non computará á hora de considerar o número de materias para os efectos de promoción ao seguinte curso académico». Dous.-O punto 6 do artigo 7 queda redactado como segue: «Para os efectos de titulación, computaranse como materias con avaliación negativa tanto as suspensas do propio curso como as de cursos anteriores». Avaliacións, promoción, titulación,matrícula de honra, reclamacións 2
2.- Referencias lexislativas para as avaliacións: 1º e 3º ESO e 1º Bach. DECRETO 86/2015, do 25 de xuño, polo que se establece o currículo de educación secundaria obrigatoria e do bacharelato na Comunidade Autónoma de Galicia. ESO: CAPÍTULO IV. Avaliacións, promoción e titulación. Artigo 23. Promoción 2. Os alumnos e as alumnas terán promoción de curso no caso de superaren todas as materias cursadas ou teren avaliación negativa en dúas materias como máximo, e repetirán curso cando teñan avaliación negativa en tres ou máis materias, ou en dúas materias que sexan simultaneamente Lingua Galega e Literatura e Matemáticas, ou Lingua Castelá e Literatura e Matemáticas. De forma excepcional, poderá autorizarse a promoción dun alumno ou unha alumna con avaliación negativa en tres materias cando se dean conxuntamente as seguintes condicións: a) Que dúas das materias con avaliación negativa non sexan simultaneamente Lingua Galega e Literatura e Matemáticas, ou Lingua Castelá e Literatura e Matemáticas. b) Que o equipo docente considere que a natureza das materias con avaliación negativa non lle impide ao alumno ou á alumna seguir con éxito o curso seguinte, que ten expectativas favorables de recuperación e que a promoción beneficiará a súa evolución educativa. c) Que se lle apliquen ao alumno ou á alumna as medidas de atención educativa propostas no consello orientador ao que se refire o apartado 7 deste artigo. Poderá tamén autorizarse de xeito excepcional a promoción dun alumno ou unha alumna con avaliación negativa en dúas materias que sexan simultaneamente Lingua Galega e Literatura e Matemáticas, ou Lingua Castelá e Literatura e Matemáticas, cando o equipo docente considere que o alumno ou a alumna poden seguir con éxito o curso seguinte, que teñen expectativas favorables de recuperación e que a promoción beneficiará a súa evolución educativa, e sempre que se lle apliquen ao alumno ou á alumna as medidas de atención educativa propostas no consello orientador ao que se refire o apartado 7 deste artigo. Para os efectos deste apartado, só se computarán as materias que como mínimo o alumno ou a alumna deben cursar en cada un dos bloques. No bloque de materias de libre configuración autonómica só se computará Lingua Galega e Literatura, con independencia de que os alumnos e as alumnas poidan cursar máis materias do devandito bloque. As materias coa mesma denominación en diferentes cursos da educación secundaria obrigatoria consideraranse como materias distintas..4. O alumno ou a alumna que non teñan promoción deberán permanecer un ano máis no mesmo curso. Esta medida poderáselle aplicar no mesmo curso unha soa vez, e dúas veces como máximo dentro da etapa. Cando esta segunda repetición deba producirse en terceiro ou cuarto curso, terá dereito a permanecer no réxime ordinario cursando educación secundaria obrigatoria ata os dezanove anos de idade, feitos no ano no que finalice o curso. Excepcionalmente, poderá repetir unha segunda vez en cuarto curso se non repetiu nos cursos anteriores da etapa. BACHARELATO: CAPÍTULO III. Avaliacións, promoción e titulación Artigo 35. Promoción 1. Os alumnos e as alumnas terán promoción de primeiro a segundo de bacharelato cando teñan superadas as materias cursadas ou teñan avaliación negativa en dúas materias, como máximo. En todo caso, deberán matricularse en segundo curso das materias pendentes de primeiro. Os centros docentes deberán organizar as consecuentes actividades de recuperación e a avaliación das materias pendentes. Para os efectos deste apartado, só se computarán as materias que como mínimo o alumno ou a alumna deben cursar en cada un dos bloques. No bloque de materias de libre configuración autonómica só se computará Lingua Galega e Literatura, con independencia de que os alumnos e as alumnas poidan cursar máis materias do devandito bloque. Sen superar o prazo máximo para cursar o bacharelato indicado no artigo 28.3, os alumnos e as alumnas Avaliacións, promoción, titulación,matrícula de honra, reclamacións 3
poderán repetir cada un dos cursos de bacharelato unha soa vez como máximo, aínda que excepcionalmente poderán repetir un dos cursos unha segunda vez, logo dun informe favorable do equipo docente. 3.- TITULACIÓN ESO Orde do 21 de decembro de 2007 pola que se regula a avaliación na educación secundaria obrigatoria na Comunidade Autónoma de Galicia. Artigo 7º.-Titulación 4º ESO: o o 4º ESO PDC: Alumnado que aproba todas as materias: obtén o título de graduado en ESO. Alumnado con 1 ou 2 materias suspensas, e excepcionalmente en 3: obtén o título de graduado en ESO sempre que o equipo docente que imparte no grupo considere que a natureza e o peso destas no conxunto da etapa non lle impediu alcanzar as competencias básicas e os obxectivos da etapa. o Se aproba todos os ámbitos e materias: obtén o título de graduado en ESO. o Se suspende 1 ou 2 materias e, excepcionalmente, en 3 (sempre tendo superado os dous ámbitos): obtén o título de graduado en ESO se o equipo docente considera alcanzadas, ao final do programa de diversificación curricular, as competencias básicas e os obxectivos xerais para a etapa. Para os efectos de titulación, computaranse como materias con avaliación negativa tanto as suspensas do propio curso como as de cursos anteriores. (Orde do 23 de xuño de 2008 pola que se modifica a do 21 de decembro de 2007) As decisións de titulación do alumnado con materias non superadas requirirán o acordo favorable da maioría simple do equipo docente. O alumnado con 18 anos cumpridos que teña avaliación negativa ata nun máximo de cinco materias disporá, durante os dous anos inmediatamente seguintes ao remate da súa escolarización, dunha convocatoria anual de probas para superar as materias con avaliación negativa. Esta convocatoria terá lugar no mes de xuño e será incompatible con estar cursando as ensinanzas de adultos ou coa presentación ás probas libres. Avaliacións, promoción, titulación,matrícula de honra, reclamacións 4
4. TITULACIÓN BACHARELATO TITULACIÓN Para obter o título de bacharel será necesario ter avaliación positiva en todas as materias dos dous cursos de Bacharelato., en caso de equidistancia, á superior. MATRÍCULAS DE HONRA Non poden superar o 5% de alumnos do curso. Imprescindible ter media de 9 en 2º Bacharelato. PROTOCOLO PARA A OTORGACIÓN DAS MATRÍCULAS DE HONRA EN 2º DE BACHARELATO: Antes de comenzar a avaliación ordinaria de cada curso todos os profesores da xunta levarán recollidas nun documento as notas con decimales, sen os redondeos necesarios para metelas no xade. Estas serán entregadas ao titor/a. Posteriormente completarase a avaliación sen adxudicar ningunha matrícula. Ao rematar todas as xuntas ordinarias, haberá unha reunión extraordinaria dos profesores de 2º de bacharelato co único fin de otorgar as matrículas de honra. Os criterios para tal, dentro do cupo que permite a lexislación, serán: Adxudicación de matrículas por media das notas finais introducidas en Xade. En caso de empate, farase a media das notas sen o redondeo entregadas previamente as avaliacións ordinarias. En caso de empate expediente en 1º de bacharelato. Avaliacións, promoción, titulación,matrícula de honra, reclamacións 5
5.- CICLOS FORMATIVOS. Nos Ciclos Formativos as cualificacións finais para cada módulo expresaranse en cifras, utilizando a escala numérica de 1 a 10 sen decimais. O módulo de formación en centros de traballo (FCT) expresarase en termos de apto ou non apto. A cualificación do ciclo obterase como media aritmética das cualificacións de tódolos módulos agás o da FCT, e expresarase numericamente cun só decimal. Non se terán en conta a efectos desta cualifcación os módulos validados ou exentos. Nos Ciclos Formativos, o alumnado matriculado por réxime ordinario poderá repetir unha soa vez no ciclo formativo, cursando unicamente os módulos pendentes de superación. Esto sucederá unha vez celebradas as sesións de avaliación ordinaria (na cal o profesor responsable elaborará o informe individualizado de avaliación para cada alumno suspenso de acordo co previsto na Orde do 23 de abril de 2007 DOG do 7 de maio-) e extraordinaria (tras rematar as actividades de recuperación establecidas na devandita orde). Ou na sesión de avaliación previa á FCT ou na final, o equipo docente deberá elaborar un consello de orientación dirixido a cada alumno/a. Nos Ciclos Formativos: para a obtención do título cumprirá ter superados todos e cada un dos módulos que o compoñen, incluída a FCT. 6.- RECLAMACIÓNS Durante os días previstos no calendario, todos os profesores deben estar no centro, incluso aqueles que saben positivamente que non van recibir reclamacións, xa que a reclamación contra unha cualificación final debe ser sometida, en primeira instancia, ao departamento que lle competa. O departamento emitirá un informe (do que existe un modelo en xefatura de estudos) que deberá ser entregado en Dirección antes do día 29 de xuño. No caso de 2º Bacharelato, o prazo de reclamacións será os días 24 e 25 de maio; resolución reclamacións día 26 maio. Na ESO, CF e BAC, os días 27 e 28 de xuño; resolución reclamacións 29 xuño. Avaliacións, promoción, titulación,matrícula de honra, reclamacións 6