DILIXENCIA para facer constar que o presente PPT que consta de 5 páxinas foi aprobado pola Xunta de Goberno Local en sesión ordinaria desenvolvida en data 13.11.2017. A Secretaria Xeral, Dona Berta Alonso Soto. (Documento asinado electronicamente). Expediente núm.: C-17/09 2789/2017 Contrato: Servizo de asesoría xurídica, asistencia letrada e defensa en xuízo Procedemento: Negociado sen publicidade Asunto: Prego de Prescricións Técnicas (PPT) CLÁUSULA 1ª.- OBXECTO DO CONTRATO É obxecto do presente contrato a realización dos servizos de asesoría xurídica, asistencia letrada e defensa en xuízo do Concello de Cangas, os seus organismos autónomos e demais entidades e organismos dependentes do Concello no ámbito das xurisdicións Civil, Penal, Laboral e Contencioso-Administrativa, de conformidade con este prego (PPT) e o prego de cláusulas administrativas particulares (PCAP) que aprobou este Concello. CLÁUSULA 2ª.- ASESORAMENTO XURÍDICO O contratista deberá asesorar á Corporación en todos aqueles asuntos que esta estime conveniente, sempre e cando se axusten estritamente ó ámbito xurídico. Para levar a cabo este asesoramento entregarase ó contratista toda a información que obre no arquivo municipal respecto ó asunto sobre o que teña que levarse a cabo o citado asesoramento. O asesoramento concretarase na elaboración dun informe que constará das seguintes partes: Antecedentes de feito Lexislación aplicable Fundamentos de dereito e No seu caso, si procede, proposta de resolución. Os informes deberán emitirse nun prazo de 10 días desde o momento en que se entregue toda a documentación necesaria. Naqueles supostos nos que a urxencia o requira, sempre e cando esta urxencia quede acreditada suficientemente mediante escrito do órgano municipal que solicite o informe, este deberá emitirse nun prazo de entre 3 e 5 días, segundo se estime oportuno en cada caso. En todo caso, a labor de asesoramento xurídico incluirá: Páxina 1 de 5
1) Elaboración de ditames e informes en calquera outras materias nas que estea interesado o Concello, tales como organización, competencia, e funcionamento de Corporacións Locais, procedemento administrativo xeral, expropiación forzosa, responsabilidade patrimonial, Facenda Local, persoal funcionario e laboral, procedementos sancionadores, etc. 2) Elaboración de ditames e informes xurídicos en materia de Dereito urbanístico, planeamento e execución do planeamento, actos de uso e edificación, disciplina urbanística, etc. 3) Asesoramento xeral á Corporación e Técnicos da Corporación, incluso de forma verbal. 4) Defensa do Concello ante outros órganos administrativos, tales como Tribunal de Contas, Tribunais Económico-Administrativos, Xurado Territorial de Expropiación, Servizo de Mediación, Arbitraxe e Conciliación, Tribunal de Defensa da Competencia, e calquera outros análogos. 5) Asistencia a reunións con membros de outros organismos e institucións, públicas e privadas, colectivos veciñais, asociacións, empresarios, etc, a solicitude do Concello. 6) Presenza física dun asesor xurídico en dependencias municipais, cando sexa requirida por necesidades do Concello, e atención telefónica cando se trate de consultas puntuais. CLÁUSULA 3ª.- DESEMPEÑO DAS TAREFAS DE ASESORAMENTO XURÍDICO Salvo que a natureza do asesoramento así o requira, para o desempeño das tarefas de asesoramento xurídico non será necesario que se realicen sempre nas dependencias municipais. Non obstante, esixirase a presenza do asesor xurídico externo durante o tempo que se considere necesario, e como mínimo unha xornada á semana (7,5 horas), salvo que na súa proposición económica ofertase un maior número de horas de presenza efectiva no Concello. Por conseguinte e sen prexuízo do establecido anteriormente e cando as circunstancias o requiran, poderá pedirse por parte do órgano de contratación a presenza física do contratista con obxecto de desempeñar a súa función de asesoramento xurídico fora dos prazos indicados no PPT. CLÁUSULA 4ª.- ASISTENCIA LETRADA E DEFENSA EN XUÍZO En todos aqueles procesos nos que sexa parte o Concello, en calquera das ordes xurisdicionais existentes: Contencioso-Administrativo, Civil, Penal, e Social. Esta defensa estendese igualmente ó/a Alcalde/sa, concelleiros/as e persoal (tanto funcionario como laboral) ó servizo do Concello sempre que as accións xudiciais en contra dos citados deriven da súa actuación Páxina 2 de 5
municipal. Esta defensa inclúe ós membros da Policía Local ante a Xurisdición Penal, asistindo ós xuízos nos que poidan estar acusados. A defensa levarase a cabo en todas as fases do proceso e non só na primeira instancia senón tamén en vía de recurso, ata que a resolución adquira firmeza. Será por tanto por conta do adxudicatario a elaboración de todos aqueles recursos que poidan interpoñerse fronte ás resolucións xudiciais que non adquiriran firmeza, así como a interposición de denuncias, querelas, demandas ou calquera outro tipo de reclamación ou incidente que deba promoverse en defensa do Concello e o seu persoal incluíndo tanto cargos electos como funcionarios persoal laboral. Incluirá por tanto a redacción de todos os documentos que resulten procedentes en función do tipo de procedemento. Entenderanse incluídas como obrigas do contratista a representación do Concello ante xulgados e tribunais cando legalmente non fora preceptiva a intervención de procurador. Cando fose legalmente preceptiva a intervención profesional deste último en calquera litixio actuarán en cada caso aqueles procuradores a cuxo favor estivera conferido o oportuno apoderamento municipal. Para a execución do obxecto do contrato o Concello comunicará ó contratista cunha antelación de polo menos 15 días hábiles, sempre e cando as circunstancias o permitan, os asuntos respecto ós cales deba levarse a cabo a defensa do Concello. Entregarase ó/á letrado/a copia de todo o expediente e de todos os antecedentes existentes sobre o asunto respecto ó cal deba executarse o obxecto do contrato. En ningún caso os documentos orixinais poderán saír das dependencias municipais, salvo requirimento xudicial. CLÁUSULA 5ª.- DIAGRAMA DOS PROCEDEMENTOS E COMETIDOS A DESENVOLVER 1. A Administración recibe a notificación da apertura dun expediente xudicial ou acorda a Iniciación de dito expediente. 2. O Concello comunicará a apertura dos procedementos. 3. A partir do dito momento o letrado manterá comunicación con aquel técnico municipal que o Concello designe para a representación do mesmo ante a empresa. Non obstante cando o Páxina 3 de 5
Concello de Cangas desexe examinar un asunto, o despacho de avogados trasladará copia dos autos dirixida á Alcaldía-Presidencia da Corporación. 4. O letrado informará á Alcaldía-Presidencia da Corporación, as implicacións, posibles conflitos de intereses -en caso de defensa do persoal-, e defensa do patrimonio municipal que poida exercitarse. En todo caso en materia penal, exercitarase a acción civil para a restitución da cousa, a reparación do dano e a indemnización de prexuízos causados polo feito punible, no seu caso. 5. Todos os aspectos importantes, autos de interese e sentenzas, serán notificados polo letrado á Alcaldía-Presidencia da Corporación, á Secretaría Xeral ou ó Departamento de Apoio Xurídico. 6. A posición da defensa será sinalada polo Concello, sempre co obxectivo da defensa dos intereses da institución e a recuperación do seu patrimonio e o respecto ó traballo do profesional que exercerá a acción. 7. Informarase á Alcaldía-Presidencia da Corporación, á Secretaría Xeral do Concello e ó Departamento de Apoio Xurídico de todas as vistas e testificais que vaian a realizarse a fin de, si se estima de interese, acompañar ó letrado. 8. A interposición de recursos deberá autorizarse polo órgano municipal competente. CLÁUSULA 6ª.- PROTECCIÓN DE DATOS DE CARÁCTER PERSOAL No caso de que o Concello, para a execución do contrato entregue ó contratista ficheiros que conteñan datos de carácter persoal, o contratista terá a consideración de encargado do tratamento debendo cumprir as obrigas que a lexislación en materia de protección de datos de carácter persoal impón ó encargado do tratamento. En todo caso, unicamente tratará os datos de carácter persoal con arranxo ás instrucións que lle indique o Concello non pudendo utilizalo con finalidades distintas ás precisas para o cumprimento do contrato, nin poderá comunicar os ditos datos a terceiras persoas nin sequera para a súa conservación. Antes da finalización do contrato, o contratista está obrigado a entregar ó Concello os datos de carácter persoal que o Concello lle houbera proporcionado, e os ficheiros elaborados polo contratista relacionados coa execución do contrato, ó igual que calquera soporte ou documento que conteña algún dato de carácter persoal. Páxina 4 de 5
O contratista deberá adoptar como encargado do tratamento as medidas técnicas e organizativas necesarias para a seguridade de datos de carácter persoal evitando a alteración, perda, tratamento ou acceso non autorizado. Si como consecuencia do indebido tratamento dos datos de carácter persoal que realice o contratista ó executar o contrato o Concello viñera obrigado a indemnizar a terceiros ou se lle impuxera sanción ou de calquera outro modo se lle causara prexuízo, o contratista virá obrigado a indemnizar ó Concello do custe total do prexuízo sufrido por este. Páxina 5 de 5