ACTA PLENO ORDINARIO 21 de Xaneiro de Lugar SALÓN DE PLENOS DO CONCELLO. Hora de Inicio 11:00

Transcripción

1 ACTA PLENO ORDINARIO 21 de Xaneiro de 2015 PRIMEIRA CONVOCATORIA Lugar SALÓN DE PLENOS DO CONCELLO Hora de Inicio 11:00 Hora de Finalización 11:10 Presidente: DE FRANCISCO MARTINEZ AVELINO LUIS Secretario: CACABELOS OTERO PAULA MEMBROS ASISTENTES ALONSO TELLE MARIA DEL MAR ESTEVEZ FERNANDEZ BEGOÑA FERNANDEZ SUAREZ SECUNDINO MIGUEZ ROSENDO MANUEL MONTERO RIVERA MARIA DE LOS ANGELES SEOANE MONTERO JESÚS ANGEL ÁLVAREZ FERNÁNDEZ DIEGO MEMBROS AUSENTES GONZÁLEZ VÁZQUEZ JOSÉ VICTOR (Escusa) Pola Presidencia declárase aberta a sesión e, en relación cos asuntos previstos na orde do día da mesma, adóptanse os seguintes A C O R D O S : 1.- APROBACIÓN DA ACTA DA SESIÓN ANTERIOR DE DATA 5 DE DECEMBRO DE 2014 Prescindindo da lectura da acta de data 5 de decembro de 2014, por estar en posesión dos Señores Concelleiros coa debida antelación, de acordo co establecido no artigo 91 do Regulamento de Organización Funcionamento e Réxime Xurídico das Entidades Locais, aprobado por R.D. 2568/86, de 28 de novembro. O Sr. Alcalde pregunta a continuación aos voceiros municipais se teñen algunha observación á Acta. A continuación, ao non haber observacións á Acta, apróbase o borrador da acta anterior por unanimidade dos asistentes. 2. DAR CONTA DOS S ADOPTADOS DENDE A ÚLTIMA SESIÓN CELEBRADA. O Alcalde-Presidente, procede a dar conta ao Pleno das resolucións que non foron coñecidas en sesión e que se puxeron a disposición dos Sr.es. Concelleiros, que son as seguintes: - Acordos da Xunta de Goberno Local: sesións de datas 20/11/2014, 27/11/2014, 05/12/2014, 17/12/2014 e 29/12/2014.

2 - Decreto de Alcaldía de data 29/12/2014 de asignación de complemento de productividade a persoal funcionario. - Decreto de Alcaldía de data 29/12/2014 de contratación de persoal laboral temporal. O Pleno dáse por informado. 3. TOMA DE COÑECEMENTO DA RENUNCIA AO SEU CARGO DA CONCELLEIRA Dª. MARÍA DEL MAR ALONSO TELLE. EXPT. 11/2015 Toma a palabra a concelleira do BNG preguntado a María del Mar Alonso Telle por qué toma esta decisión a catro meses das eleccións municipais. Contesta Dona María del Mar Alonso Telle que era unha decisión que xa levaba tempo pensando e que se debe a motivos laborais. Responde a concelleira do BNG que, no seu punto de vista, tal e como está a situación política no Concello e a catro meses para as eleccións debería de intentar permanecer eses meses que quedan. María del Mar Alonso Telle reitera que se debe a motivos laborais. A continuación, sométese ao Pleno a toma de coñecemento da renuncia, resultando aprobado por unanimidade o acordo recollido na parte resolutiva da proposta, do tenor literal seguinte: Visto que neste Concello tivo entrada o escrito de Dª. MARÍA DEL MAR ALONSO TELLE, con DNI n.º C, concelleira deste Concello de Cortegada, o día 7 de xaneiro de Neste formalizábase a renuncia voluntaria ao cargo que ocupa neste Concello dende que tomou posesión do cargo de Concelleiro o día 11 de xuño de 2011, tras as eleccións de 22 de maio de 2011, ás que ela acudía formando parte da Lista do Partido PSdeG- PSOE. A renuncia ao cargo non será efectiva ata o seu sometemento ao Pleno do Concello, é dicir, ata a data de hoxe. Considerando que o seguinte na lista dos que concorreron ás últimas eleccións municipais é D. ANTONIO GÓMEZ BARREIRO, con DNI nº F, pertencendo ao Grupo Político do PSdeG- PSOE, e sendo o número sete na devandita lista. En cumprimento dos artigos 9.4 do Real Decreto 2568/1986, de 26 de novembro, polo que se aproba o Regulamento de Organización, Funcionamento e Réxime Xurídico das Entidades Locais, e 182 da Lei Orgánica 5/1985, do 19 de xuño, do Réxime Electoral Xeral, o Pleno por unanimidade adopta o seguinte PRIMEIRO. Tomar coñecemento da renuncia ao cargo de concelleira deste Concello de Cortegada que ostenta Dª. MARÍA DEL MAR ALONSO TELLE, con DNI n.º C, do cal tomou posesión o día 11 de xuño de 2011, tras as eleccións de 22 de maio de 2011, ás que ela acudía formando parte da Lista do Partido PSdeG- PSOE. SEGUNDO. Comunicar este Acordo á Xunta Electoral Central para que remita as credenciais de D. ANTONIO GÓMEZ BARREIRO, con DNI nº F, seguinte na lista, dos que concorreron ás últimas eleccións

3 municipais, pertencendo ao Grupo Político do PSdeG- PSOE, e sendo o número sete na devandita lista, para que poida tomar posesión do seu cargo." Unha vez que se fai efectiva a renuncia de Dona María del Mar Alonso Telle, pola toma de coñecemento polo Pleno, abandona o seu posto na sesión do Pleno, quedando na mesma 6 concelleiros e o Sr. Alcalde- Presidente. 4. TOMA DE COÑECEMENTO DO ABANDONO DE VARIOS MEMBROS DO GRUPO MUNICIPAL SOCIALISTA. EXPT. 280/2014 Toma a palabra a concelleira do BNG preguntado por qué non está dando a cara o Tenente de Alcalde nun día tan importante. Contesta o Sr. Alcalde que non puido asistir á sesión por motivos laborais. A continuación, sométese ao Pleno a toma de coñecemento das solicitudes de baixa do Grupo Municipal Socialista, resultando aprobado por unanimidade o acordo recollido na parte resolutiva da proposta, do tenor literal seguinte: "Vistas as solicitudes de baixa como integrantes do Grupo Municipal Socialista, presentadas todas elas o 22 de decembro de 2014, polos concelleiros: D. José Víctor González Vázquez, con DNI C; Dª. Mª del Mar Alonso Telle, con DNI C; Dª. Begoña Estévez Fernández, con DNI W; D. Secundino Fernández Suárez, con DNI L; e D. Avelino Luis de Francisco Martínez, con DNI D. Visto o Informe de Secretaría-Intervención de data 15 de xaneiro de En cumprimento do artigo 73 da Lei 7/1985, do 2 de abril, Reguladora das Bases de Réxime Local, o Pleno adopta o seguinte PRIMEIRO. Tomar coñecemento do abandono do Grupo Muncipal Socialista do Alcalde, D. Avelino Luis de Francisco Martínez e os concelleiros D. José Víctor González Vázquez, Dª. Begoña Estévez Fernández e D. Secundino Fernández Suárez, pasan a condición de membros non adscritos SEGUNDO. Comunicar este acordo ao grupo político de procedencia dos novos membros non adscritos." 5. DE APROBACIÓN DA AGRUPACIÓN DE VOLUNTARIOS DE PROTECCIÓN CIVIL DE CORTEGADA E OS SEUS ESTATUTOS. EXPT. 269/2014

4 A continuación, ao non haber intervencións, sométese a votación o acordo proposto co seguinte resultado: 7 votos a favor, de todos os concelleiros presentes na sesión. 0 voto en contra, 0 abstencións Visto ou resultado, o Presidente declara aprobado por unanimidade o acordo recollido na parte resolutiva da proposta, do tenor literal seguinte: "Os artigos 25.2 f) e 26.1 c) da lei 7/1985, do 2 de abril, reguladora das Bases de Réxime Local e os artigos 80, 81 e 82 da Lei 5/1997, do 22 de xullo, da Administración Local de Galicia establecen as competencias dos concelleiros e alcaldes en materia de protección civil para a realización de actividades diversas en situación de emerxencias. Así mesmo, nos números 3 e 4 do artigo 30 da Constitución Española determínase que se poderá crear un servizo civil par ao cumprimento de fins de interese xeral e que mediante lei regularanse os deberes dos cidadáns nos casos de grave risco, catástrofe ou calamidade pública. Para o cumprimento do establecido constitucionalmente parece necesario que, sen prexuízo do establecido na lexislación reguladora do servizo e da protección civil, se contemple o aumento dos recursos locais coa incorporación dos cidadáns ás actividades que desenvolva a protección civil municipal, ofrecéndolles así oportunidades para asumir e realizar, voluntariamente, o cumprimento dos deberes nas circunstancias aludidas anteriormente. Por outra banda, a Lei 2/1985, do 21 de xaneiro, sobre protección civil e o Real decreto 407/1992, do 24 de abril, que desenvolve a Norma Básica, e a lei 5/2007, do 7 de maio, de emerxencias de Galicia, en distintas partes do seu articulado recolle a participación, responsabilidade e competencias das distintas administración públicas na protección civil, tendo un papel importante os concellos que, como administración máis próxima aos cidadáns, convértese na célula básica de protección civil sendo a primeira en intervir en cantas emerxencias ocorran. Así mesmo no Decreto 56/2000, de 3 de marzo, e no Plan territorial de protección civil da Comunidade Autónoma de Galicia (PLATERGA), publicado por Resolución de 2 de agosto de 2010 (DOG 153 de 11 de agosto), establécese, entre outras, as directrices para a planificación do ámbito local, así como os contidos que poden desenvolver as agrupacións de voluntarios no estudio e desenvolvemento dos distintos plans de emerxencia. Para articular as oportunidades de colaboración dos cidadáns, individualmente considerados, coa protección civil municipal, parece conveniente regulamentar a organización e funcionamento da agrupación de voluntarios de protección civil municipal, que se vinculará no seu caso aos servizos básicos de intervención en emerxencias dependentes do concello para realizar as tarefas que procedan, sen prexuízo do que se poida establecer nas leis sobre prestación persoal e de sevizos con carácter obrigatorio. En aplicacións das normas citadas,o Pleno, por unanimidade, adopta o seguinte PRIMEIRO. Aprobar a creación da Agrupación de Voluntarios de Protección Civil de Cortegada. SEGUNDO. Aprobar os Estatutos da Agrupación de Voluntarios de Protección Civil de Cortegada, que deberán expoñerse ao público a través da súa publicación no BOP." 6. MOCIÓNS DE URXENCIA O Sr. Alcalde pregunta se algún grupo ten algunha Moción para o Pleno, contestando os voceiros que non.

5 7. ROGOS E PREGUNTAS A/ ROGOS E PREGUNTAS DO PARTIDO POPULAR: D. Jesús Ángel Seoane Montero expón que non van presentar rogos ou preguntas nesta sesión. Soamente fai constar que, aínda que o novo panorama político que se presenta no Concello pode parecer un pecado fora de contexto, debe ser visto confiando en que o fixeron pensando no mellor para Cortegada. B/ ROGOS E PREGUNTAS DA CONCELLEIRA DO BNG. Dona Ángeles Montero Rivera manifesta o seu total desacordo coas formas con que se levou a cabo o paso do Sr. Alcalde ao PP e o abandono da maioría dos membros do grupo socialista. Considera todo o que está a pasar unha vergoña. Afirma que non representaroron ao grupo socialista, que escaparon en desbandada. Sorpréndelle que o tenente de alcalde non estea na sesión dando a cara. Considera que terían que seguir no grupo socialista e non decir que se van ao PP polos cartos. Cree que o descontento do pobo tense que ver nas urnas. Felicita a Diego por ser o único "íntegro". Afirma que para ela quedaron do peor, aínda que gañen con maioría nas eleccións. Considera que os cartos deberían de vir igual sexa o partido que sexa o que goberne. Contesta o Sr. Alaclde que esa é a opinión dela e que cando sexan as eleccións o pobo decidirá, xa que é o que ten a palabra. E ao non haber máis asuntos que tratar, na data e hora que constan ó principio, levántase a sesión da que se estende esta acta que recolle o que se tratou e acordou, e que, o Presidente asina comigo, a Secretaria- Interventora, que dou fe. O Presidente A Secretaria-Interventora Asdo.: Avelino Luis De Francisco Martínez. Asdo: Paula Cacabelos Otero. ESTE DOCUMENTO ASÍNASE ELECTRONICAMENTE