RUTA DE QUEIXO E MEL. 2 DÍAS (2 días - 1 noite) 62 KM 4 CONCELLOS O Pino, Arzúa, Vila de Cruces, Santiso. a c

Transcripción

1 RUTA DE QUEIXO E MEL Gozar e aprender fusiónanse nesta experiencia de turismo industrial. Propoñémosche que percorras este fermoso territorio gozando das súas paisaxes agrícolas e gandeiras, que visites centros de divulgación e museos, que contemples paisaxes, praderías, ríos, modernas industrias agroalimentarias, e tradicionais queserías artesanais. Vivir o proceso de elaboración de queixo e mel será unha doce experiencia que che deixará o mellor sabor de boca! O Pino a c d b g e Arzúa f Santiso a. Alimentos Ruta Xacobea b. Centro de Divulgación do Queixo e o Mel c. Queixería Barral d. Museo Vivente do Mel e. Encoro de Portodemouros f. Queixería Artesanal Varela g. Sendeiro de Visantoña Vila de Cruces 2 DÍAS (2 días - 1 noite) 62 KM 4 CONCELLOS O Pino, Arzúa, Vila de Cruces, Santiso.

2 DÍA 1 a ALIMENTOS RUTA XACOBEA Alimentos Ruta Xacobea é unha empresa dedicada á elaboración do queixo Denominación de Orixe Arzúa-Ulloa e Tetilla. A visita guiada á súa liña de produción, máis grande e industrializada que outras queixerías do territorio, ofrecerache a oportunidade de contemplar o proceso desde o momento da descarga do leite dos camións directamente aos tanques, e aprender sobre o moderno proceso de elaboración destes produtos. Ademais, se o desexas, poderás visitar o prado, vendo o ciclo completo de produción. Datos de interese: Brea, s/n, O Pino, A Coruña. Teléfono Información máis detallada en: Duración aproximada da visita: 45 min Distancia ao seguinte punto de visita: 16 km

3 b CENTRO DE DIVULGACIÓN DO QUEIXO E O MEL A través desta visita coñecerás de onde proceden o queixo e o mel, cales son as súas características, a súa importancia para o medioambiente, e os usos e costumes deste territorio. Ademáis, se o desexas poderás realizar algún dos seus prácticos obradoiros, e acabar a túa visita gozando dunha doce degustación. Datos de interese: Feira Nova s/n Santa María, 15810, Arzúa, A Coruña. Teléfono Información máis detallada en: Distancia ao seguinte punto de visita: 6 km c QUEIXERÍA BARRAL Nesta empresa coñecerás o proceso artesanal da elaboración do queixo. A contorna no que está situada esta queixería, unha pequena aldea rural, rodeada de verdes prados onde pastan as vacas, axudarache a apreciar a forma de vida local e de que maneira incide na calidade da materia prima e o mantemento da súa elaboración artesanal. Datos de interese: La Riba nº6 Pantiñobre 15819, Arzúa, A Coruña. Teléfono: Información máis detallada en: Duración aproximada da visita: 45 min. Distancia ao seguinte punto de visita: 8 km d MUSEO VIVENTE DO MEL Coa visita a este museo coñecerás un pouco máis acerca da actividade da apicultura en Galicia, tanto da súa historia como dos procesos de extracción, decantación e envasado do mel. Datos de interese: Calle Portodemouros, s/n, Arzúa, A Coruña. Teléfono Información máis detallada en: Distancia ao seguinte punto de visita: 13 km.

4 DÍA 2 e ENCORO DE PORTODEMOUROS Comeza un novo día coa visita a este encoro formado polos ríos Arnego e Ulla, utilizado para a produción de enerxía eléctrica. Nel veñen desenvolvendo desde fai un tempo actividades recreativas ligadas á auga e á contorna, como competicións de remo e piragüismo. Ademais, poderás cruzar os catrocentos metros que separan Loño e Beigondo no único ferry que atravesa un encoro galego, e que está en funcionamento de maneira gratuíta as vinte e catro horas do día, os 365 días do ano. Unha curiosa experiencia! Datos de interese: Encoro de Portodemouros, 15810, Arzúa, A Coruña. Información máis detallada en: Distancia ao seguinte punto de visita: 11 km f. QUEIXERÍA ARTESANAL VARELA Nesta queixería aprenderás moitas curiosidades sobre a elaboración do queixo Denominación de Orixe Protexida Arzúa-Ulloa, así como doutros moitos tipos de queixos curados, frescos e picantes. Todos eles elaborados a partir do leite da súa propia explotación gandeira. A visita ás súas instalacións conclúe cunha degustación final de queixos. Aprovéitaa! Datos de interese: Balada s/n, Visantoña, 15808, Santiso, A Coruña. Teléfonos // Información máis detallada en: Duración aproximada da visita: 30 min Distancia ao seguinte punto de visita: 8 km

5 g. SENDEIRO DE VISANTOÑA Por último, non podes marcharche sen facer unha ruta a pé por este territorio. Recomendámosche, pola súa beleza e a comodidade do seu percorrido, o sendeiro de Visantoña, unha ruta circular de 14,5 kilómetros, na que gozarás tanto da paisaxe agraria e gandeira, como da serenidade da paisaxe enmarcada polo río Ulla. Datos de interese: Lg. Seoane. Visantoña (San Xoán), 15808, Santiso, A Coruña. Teléfono Información máis detallada en: Percorrido orientativo: A ruta parte do Centro Social de Visantoña, e no seu percorrido pasarás polo conxunto de Muíños do Tajo, restos das sepulturas megalíticas do Ribeiro, mámoas, para acabar no encoro de Portodemouros.