Oficina de Medio Ambiente Vicerreitoría de Infraestruturas e Xestión Ambiental

Transcripción

1

2 Oficina de Medio Ambiente Vicerreitoría de Infraestruturas e Xestión Ambiental A PEGADA ECOLÓXICA NA UDC En novembro de 2010, o persoal bolseiro da OMA participamos nas actividades propostas pola Sociedade Galega de Educación Ambiental (SGEA) e Feitoría Verde, en colaboración coa UDC, consistentes en: Xornada formativa, o día 18 de novembro I Feira da Sustentabilidade na UDC, o día 2 de decembro Tales actividades complétanse coa elaboración deste informe, no cal hai que sinalar tamén que con anterioridade á I Feira de Sustentabilidade, os bolseiros quedamos encargados do deseño e colocación de cartaces e pegadas, a divulgación a través de webs e blogues, e o fomento á participación de voluntariado na comunidade universitaria (boca a boca). XORNADA DE FORMACIÓN DA PEGADA ECOLÓXICA Co fin de recibir unha formación previa ao evento, convocóusenos a unha reunión na Facultade de Ciencias o día 18 de novembro con Miguel Pardellas Santiago (SGEA) e Noa Estévez Pérez (Feitoría Verde). Nela tratáronse os seguintes temas: Introdución sobre a pegada e a débeda ecolóxicas Obradoiro de reflexión sobre a pegada ecolóxica e a crise ambiental organizado en catro grupos de traballo: transporte, enerxía, educación/cultura e alimentación. Debate final desde dous puntos de vista: situación actual e situación ideal. Distribución das tarefas previas á Feira EXPOSICIÓN A reunión finalizou coa lectura individual dos paneis da exposición elaborada pola SGEA e a Federación Ecoloxista Galega. Estas organizacións elaboraron unha exposición centrada na pegada ecolóxica e na débeda ecolóxica que permite coñecer o concepto da pegada ecolóxica e reflexionar verbo do impacto das actividades cotiás sobre un ecosistema con límites como é a terra. 1

3 Ao longo dos 11 paneis de que consta a exposición, descóbrese o que é a pegada ecolóxica, o cálculo rápido da pegada dun mesmo, a concienciación da débeda ecolóxica existente no planeta e o coñecemento dos principais impactos ambientais das actividades. I FEIRA DA SUSTENTABILIDADE O evento tivo lugar o xoves, 2 de decembro, de 11:30 a 14:00 horas na Facultade de Ciencias. Os bolseiros da OMA colaboramos en montar os diferentes postos da feira. Concretamente, cada grupo encargouse dunha sección e fixemos rotación. A Feira constou dos seguintes espazos: Mercado do troco: foi un espazo en que as persoas achegaron obxectos que non precisaban, mais que estaban en bo estado e trocáronos por outros que si lles facían falta. Comezou ás 11:30 e rematou, cun sorteo, ás 13:30. Este espazo foi xestionado exclusivamente polos bolseiros. O número de participantes foi dunhas unhas 25 persoas, e intercambiáronse obxectos como películas, libros, roupa, bixutería e outros obxectos. Imaxe 1. Mercado do troco. Momento do sorteo. Obradoiros: estes espazos creativos fomentaban a participación e a reflexión sobre a situación ambiental actual. Miradoiro da insustentabilidade: mural de creación con materiais insustentables. Miradoiro da sustentabilidade: mural de creación con materiais sustentables. Crebacabezas de xénero 2

4 Ruleta de colleita Xogo de contrapostos Imaxe 2. Obradoiros. Á esquerda: Miradoiro da sustentabilidade. Á dereita: Miradoiro da Insustentabilidade. Ao fondo: Mercado do troco Para fomentar a participación nos obradoiros, as diferentes asociacións convidaban a un té con pastas ás persoas participantes. Ademais, houbo distintos postos que mostraron as diferentes caras de proxectos sustentables (produtos ecolóxicos e locais, Zocamiñoca, a Cooperativa de Consumo Responsable da Coruña, a Masa Crítica da Coruña etc.). Imaxes 3 e 4. Á esquerda: Postos de produtos ecolóxicos. Á dereita: Masa Crítica da Coruña. 3

5 Contacontos: historia do lucecú. Exposición Imaxe 5. Momento do contacontos. CONCLUSIÓN A acollida foi boa e a xente participou nas actividades, aínda que cremos que sería necesario facelo a outro nivel co fin de englobar máis facultades e mellorar a promoción do evento mediante as redes sociais. En definitiva, coidamos que é unha grande iniciativa que debería ter continuación, xa que ten unha influencia considerable na toma de conciencia por parte das persoas participantes nas relacións que se establecen, tanto no comercio como no medio e na vida real. 4