MANUAL DO USUARIO INSTRUCIÓNS DE ACCESO E FUNCIONAMENTO DO EXPEDIENT-E. (Versión 1.0)

Transcripción

1 MANUAL DO USUARIO INSTRUCIÓNS DE ACCESO E FUNCIONAMENTO DO EXPEDIENT-E (Versión 1.0)

2 ÍNDICE páx Primeiro.- Obxecto... 3 Segundo.- Conceptos...3 Terceiro.- Acceso ao expediente electrónico (Expedient-e)...5 Acceso desde Internet...6 Acceso desde Internet con certificado dixital...6 Acceso desde Internet sen certificado dixital...7 Acceso desde a Intranet do Servizo Galego de Saúde...10 Cuarto.- Estados da Información contida no expediente profesional...10 Quinto.- Introdución de datos...15 Sexto.- Acreditación e presentación da documentación...19 Sétimo.- Validación da documentación...21 Oitavo.- Efectos Noveno.- A inscrición nos procesos...22 Décimo.- Outras funcionalidades...22 O curriculum vitae...23 Solicitude de recoñecemento de trienios...23 Undécimo.- Información e consulta...25 Anexo I. Unidades de Validación

3 Primeiro.- Obxecto 1. Establecer o procedemento de acceso ao expediente, carga e actualización de datos e méritos. 2. Indicar o procedemento de validación dos novos datos e méritos que se acheguen polos/polas solicitantes para ser validados no expediente electrónico. Segundo.- Conceptos 1. Expedient-e: O expediente profesional electrónico defínese como o sistema de información corporativo que integra todos os datos persoais e curriculares dos profesionais do sistema público de saúde de Galicia nun soporte electrónico interoperativo e multidisciplinar, que posibilita a xestión integral do seu currículo nun contorno propio, flexible, áxil e actualizable no tempo. 2. Tratamento de datos: Os datos que figuran no expediente serán tratados pola Administración como empregadora, e terán o tratamento requirido no ámbito das relacións xurídicas de prestación de servizos entre a Administración e o seu persoal, ou aos efectos de selección, con eses únicos efectos. Pola súa condición de datos de carácter persoal resultaralles de aplicación a Lei Orgánica 15/1999 de 13 de decembro de protección de datos de carácter persoal. O persoal do sistema público de saúde de Galicia que, por razón das súas competencias e das funcións dos seus postos, precise utilizar o Expedient-e como ferramenta de traballo, figurará como usuario/a rexistrado/a no dito aplicativo e estará facultado para consultar a información rexistrada e utilizada por eles, así como aqueloutra información recollida no sistema que se determine para cada procedemento. 3

4 Tanto os citados profesionais como o persoal dos servizos centrais e periféricos do Servizo Galego de Saúde e da Consellería de Sanidade que sexan dados de alta como usuarios do sistema Expedient-e, terán a condición de profesionais con participación no procedemento e deberán gardar a debida confidencialidade e sixilo, nos termos establecidos na lexislación vixente, sobre a información a que tivesen acceso na dita condición. 3. Accesibilidade: A accesibilidade á información será posible para o persoal que teña unha relación xurídica de servizos como persoal das institucións sanitarias do Servizo Galego de Saúde ou entidades públicas adscritas á Consellería de Sanidade, así como tamén para aqueles que desexen tela no futuro, de acordo co seguinte: Persoal vinculado co Servizo Galego de Saúde e entidades públicas adscritas á Consellería de Sanidade Os datos e información que figuran no expediente electrónico do persoal serán visibles por pantalla para todo o persoal estatutario do Servizo Galego de Saúde e vinculado con entidades públicas adscritas á Consellería de Sanidade, tanto para o persoal fixo como aqueles/aquelas profesionais que actualmente veñan mantendo un vínculo temporal cos mesmos. O persoal fixo poderá ademais acceder e actualizar os seus datos para participar nos procesos de promoción interna temporal. O persoal temporal poderá acceder e actualizar os seus datos para participar nas futuras listaxes que se elaboren para selección temporal no Servizo Galego de Saúde e entidades públicas adscritas. Aspirantes non vinculados na actualidade mediante un nomeamento. 4

5 Todos os/as aspirantes, tiveran ou non vinculación co Servizo Galego de Saúde, van a ter acceso baixo as condicións de autorización de usuarios previsto no apartado terceiro deste manual. 4. Unidades de Validación e PAEs (Puntos de Acreditación Electrónica): Os/as usuarios/as poderán solicitar información e obter asesoramento sobre a acreditación electrónica nas Unidades de Validación e nos PAEs (punto de acreditación electrónica) dedicados a resolución de incidencias de acceso no sistema. Figuran habilitados polo Servizo Galego de Saúde nas estruturas organizativas de xestión integrada (ver Anexo I). Terceiro.- Acceso ao expediente electrónico (Expedient-e) Todos/as os/as usuarios/as que accedan ao Expedient-e deberán manifestar que coñecen e aceptan expresamente as normas de funcionamento no espazo habilitado aos efectos. A Oficina Virtual do Profesional (FIDES) constitúe o punto de encontro telemático entre o Servizo Galego de Saúde e os/as profesionais cos que mantén unha vinculación, así como coas persoas aspirantes aos procesos de selección temporal do organismo, configurándose como a plataforma de acceso ao expediente electrónico do/da profesional ou aspirante. O acceso a FIDES, poderase realizar dende: 5

6 1. Acceso desde Internet Acceso desde Internet con certificado dixital. Tanto os/as profesionais como os/as aspirantes poderán acceder desta forma a FIDES a través do enderezo É requisito indispensable dispoñer dun certificado dixital para acceder a través desta vía. Os certificados aceptados son os expedidos pola FNMT (Fábrica Nacional de Moeda e Timbre) e o DNI electrónico (DNIe). Para obter o certificado dixital expedido pola FNMT será preciso solicitalo a través de Internet (no enderezo ou ben en calquera oficina da Axencia Tributaria (Ministerio de Economía e Facenda). Pola súa parte, o DNI electrónico (DNIe) poderase solicitar nas oficinas da Dirección Xeral da Policía. Se o usuario xa dispón dunha tarxeta sanitaria do Servizo Galego de Saúde con chip electrónico, esta xa contén un certificado da FNMT, polo que non será necesario solicitar un 6

7 novo. De feito, a solicitude dun novo certificado inhabilitará o que existe na tarxeta sanitaria. Para a identificación do usuario mediante tarxeta sanitaria do Servizo Galego de Saúde con chip electrónico ou a través do DNI electrónico, será preciso, con carácter xeral, dispoñer dunha lectora de tarxetas. Non se requirirá lectora de tarxetas unicamente no caso de dispoñer dun certificado dixital da FNMT instalado no propio equipo. Os/as usuarios/as poderán solicitar información e obter asesoramento sobre a acreditación electrónica nos PAE (Punto de Acreditación Electrónica) habilitados polo Servizo Galego de Saúde nos diferentes centros do organismo. Os servizos que, a través desta forma de acceso, terán dispoñibles os/as profesionais actualmente vinculados ao Servizo Galego de Saúde, así como aqueles aspirantes que nalgún momento do pasado tiveran algún tipo de vinculación co citado organismo, serán, tanto o acceso á xestión do expediente electrónico e á inscrición electrónica que no futuro se habilite para os procesos de selección temporal, como ao resto de funcionalidades xa existentes na Oficina Virtual do Profesional (FIDES). Os servizos que, a través desta forma de acceso, terán dispoñibles os aspirantes que nunca tiveron un vínculo co Servizo Galego de Saúde, serán, tanto o acceso á xestión do expediente electrónico como á inscrición electrónica que no futuro se habilite para os procesos de selección temporal. A primeira vez que un aspirante acceda con certificado dixital a FIDES, solicitaráselle que cumprimente un formulario de alta con datos básicos Acceso desde Internet sen certificado dixital. 7

8 Os aspirantes poderán acceder a FIDES, desde Internet e sen certificado dixital, a través do enderezo Esta forma de acceso non estará habilitada para aqueles/aquelas profesionais actualmente vinculados ao Servizo Galego de Saúde. Unicamente os profesionais que tiveron no pasado algún vínculo ou as persoas aspirantes que nunca tiveron ningunha vinculación co organismo, poderán elixir esta forma de acceso ao sistema. Por motivos de seguridade e de protección de datos, este tipo de acceso ten limitadas as funcionalidades do servizo ás que se pode acceder. Así, aínda sendo posible acceder a determinados servizos, resulta recomendable optar polo acceso mediante certificado dixital, por resultar o método que ofrece as debidas garantías en canto á seguridade dos datos e permite o acceso a todas as funcionalidades de FIDES. Para acceder sen certificado dixital é necesario solicitar unha conta de usuario, formada por un identificador único e un contrasinal secreto. Os pasos para conseguir unha conta de usuario son os seguintes: 8

9 Paso 1: Desde a pantalla principal de FIDES, no apartado de acceso sen certificado, premer no enlace de acceso ó proceso de rexistro. Paso 2: Cumprimentar debidamente o formulario e aceptar as condicións de uso. Neste formulario realizaranse unha serie de preguntas en función de si se tivo ou non algunha vez algún tipo de vinculación co Servizo Galego de Saúde, que haberá que responder correctamente para consolidar con éxito o proceso de alta. No caso de non responder correctamente ás preguntas, o sistema enviará ao correo electrónico do usuario indicado no formulario, un código que o interesado terá que presentar persoalmente nun dos PAE (Punto de Acreditación Electrónica) habilitados polo Servizo Galego de Saúde nos seus centros, xunto cun documento de identificación válido. No caso de finalizar o proceso de alta correctamente, enviarase unha mensaxe de confirmación ao interesado, ao enderezo de correo electrónico indicado no formulario, e trala confirmación por parte do usuario, unha segunda mensaxe vía cos datos de acceso a FIDES. Paso 3: Cubrir os recadros de usuario e contrasinal de FIDES, no apartado de acceso sen certificado. A primeira vez que accedamos a FIDES tralo proceso de alta, o sistema pediranos que cambiemos o contrasinal por motivos de seguridade. Os servizos que, a través desta forma de acceso, terán dispoñibles os/as aspirantes que nalgún momento do pasado tiveran algún vínculo co Servizo Galego de Saúde, serán tanto o acceso á xestión do expediente electrónico como no seu momento, á inscrición electrónica nos procesos de selección temporal. A través deste tipo de acceso, non se poderá acceder ao resto de funcionalidades de FIDES que, pola contra, si están dispoñibles no acceso con certificado dixital. 9

10 Os servizos que, a través desta forma de acceso, terán dispoñibles os/as aspirantes que nunca tiveron un vínculo co Servizo Galego de Saúde, serán tanto o acceso á xestión do expediente electrónico como no seu momento, á inscrición electrónica nos procesos de selección temporal, ou nos que se habiliten posteriormente. 2. Acceso desde a Intranet do Servizo Galego de Saúde. Esta vía só estará dispoñible para profesionais en activo do Servizo Galego de Saúde e desde equipos informáticos situados fisicamente na rede corporativa do citado organismo. Os/as profesionais cun vínculo activo terán, mediante este sistema, acceso á totalidade de servizos e funcionalidades de FIDES, incluído o acceso á xestión do expediente electrónico e á inscrición electrónica nos procesos que se habiliten. O acceso a FIDES realizarase mediante o código de usuario e contrasinal que os/as profesionais en activo xa teñen asignado e utilizan habitualmente para acceder ao resto de funcionalidades do sistema. Cuarto.- Estados da Información contida no expediente profesional 10

11 A información relativa ao currículo e méritos do/da profesional ou aspirante resultarán visibles para os profesionais nalgún dos estados seguintes: a) Validada V Validado.- Indica que a información rexistrada no expediente electrónico foi sometida ao proceso de validación, co resultado de comprobada e correcta, ou ben que procede dos propios sistemas de información do organismo. Implica que a información rexistrada figura acreditada documentalmente e, polo tanto, existe unha coincidencia entre a información electrónica e a documental, logo da súa verificación e procesado polo persoal validador. En consecuencia, esta información non poderá ser modificada polos/as usuarios/as (profesionais ou aspirantes) en ningún caso. De non estar de acordo cos datos que figuran como validados, deberán facelo constar mediante escrito motivado, presentado en rexistro administrativo, ou a través de calquera dos procedementos indicados no artigo 38 da Lei 11

12 30/1992, do 26 de novembro, de réxime xurídico das administracións públicas e do procedemento administrativo común, dirixido a unidade de validación correspondente, xunto coa documentación xustificativa que motive a rectificación solicitada. Os servizos prestados no Servizo Galego de Saúde e entidades públicas adscritas á Consellería de Sanidade, figuran como validados. Os cursos da programación da FEGAS tamén figuran como validados. A documentación validada formará parte do expediente do/a profesional, e terá efectos para os procesos que se formalicen no organismo a través do Expedient-e, nos termos que se establezan nas normas reguladoras de cada procedemento. b) Pendente de validar P - Pendente de validar.- Información introducida no expediente electrónico polo/pola usuario/a. Este estado informa que: Os datos introducidos deben ser debidamente acreditados mediante a achega da documentación xustificativa oportuna (documentos orixinais ou copias compulsadas), a través do correspondente rexistro de entrada, para a súa validación. Unha vez rexistrado o formulario de solicitude xunto cos documentos na unidade de validación destinataria dos mesmos, aparecerá una mensaxe no apartado informe coa data de entrada na unidade de validación correspondente. Mentres non estea xustificada dita información coa documentación correspondente, os datos rexistrados figurarán neste estado P. c) En trámite 12

13 ET - En trámite.- Información incluída no expediente electrónico polo/pola usuario/a e acreditada documentalmente por este, que por non estar previamente clasificada en ningún dos catálogos existentes no Expedient-e, atópase nalgunha das fases do proceso de catalogación. d) Descartada DE Descartado.- Información rexistrada no expediente electrónico que non pode ser validada ao non cumprir, en un ou varios elementos, cos criterios requiridos para a súa consideración como mérito baremable. A información que se atope neste estado non resultará computable para ningún dos procesos formalizados polo organismo. Non obstante, este estado non resulta definitivo, polo que o/a interesado/a poderá corrixir os defectos do mérito en cuestión no caso de que acredite a modificación das características que motivaron o rexeitamento da validación. O motivo do rexeitamento figurará indicado nas observacións do mérito en cuestión premendo no botón de +info. e) Non catalogable NC - Non catalogable.- Información rexistrada no expediente electrónico que, despois de ser sometida ao correspondente proceso de catalogación, non resulta posible clasificala dentro do expediente profesional, por non constar como atributo definido dentro do currículo profesional. 13

14 A información que se atope neste estado non resultará computable para ningún dos procesos formalizados polo organismo. f) Acreditación documental incompleta DI - Acreditación documental incompleta. Información rexistrada no expediente do/da profesional que non pode ser validada por non resultar suficiente a documentación achegada polo/pola interesado/a para acreditar a totalidade dos elementos do mérito rexistrado. A información manterase neste estado en tanto o/a interesado/a non achegue a totalidade da documentación necesaria para unha acreditación veraz e completa do mérito rexistrado, e aquela sexa revisada e procesada polo persoal validador. O motivo polo cal non é posible a validación inicial figurará indicado nas observacións do mérito en cuestión premendo no botón de +info. g) Duplicada DPL - Duplicado. Estado que indica que a información ou mérito rexistrado polo/pola usuario/a coincide con outro elemento idéntico xa incluído previamente no expediente electrónico, calquera que sexa o estado no cal se atope este último. A información que se atope neste estado non resultará computable para ningún dos procesos formalizados polo organismo. h) Outros 14

15 A medida que avance o proceso de implantación do Expedient-e poderán existir máis estados da información, que se irán incorporando ao sistema na medida na que sexa preciso. Quinto.- Introdución de datos Tódolos aspirantes deberán introducir no expediente profesional os seus datos persoais e todos aqueles méritos relativos á experiencia profesional, expediente académico, formación continuada, coñecemento da lingua galega e outras actividades relacionadas coa súa categoría profesional, que desexen que consten no mesmo. Para facer cambios nos contidos ou introducir nova información é preciso premer no botón Editar de cada un dos apartados. Para almacenar os datos no sistema unha vez feitos os cambios, deberá premerse no botón Gardar. A información contida no Expedient-e clasifícase nos seguintes apartados: 15

16 a) Datos persoais. Información de identificación e contacto co/coa usuario. Como datos persoais aparecen os datos solicitados na fase de rexistro de alta. Ademais de consultalos, poderanse modificar ou engadir nova información. Os únicos datos de identificación do profesional ou aspirante que non resultarán modificables son o nome, apelidos e o NIF. A información restante poderá ser editada e actualizada polos/polas usuarios/as en calquera momento. Para o cambio no número de conta bancaria, compre ter en conta que a modificación farase efectiva coa xeración da nómina do mes seguinte a aquel no que se realizase o cambio. b) Formación. Información relativa á formación académica e continuada da/do profesional. No apartado de formación académica debe introducirse a titulación, e dentro desta, de ser o caso, os resultados académicos, a especialidade, o diploma de estudios avanzados (DEA) ou o título de Doutorado entre outros. Os Másteres, aínda que forman parte deste tipo de formación, e mesmo se valoran como tal nos baremos, deben introducirse no apartado da formación continuada recibida/máster. Para a introdución dun novo curso de formación continuada deberanse cubrir primeiro os campos obrigatorios da entidade acreditadora, as horas ou os créditos do mesmo e as datas de inicio e finalización. Unha vez feito isto, procederase a buscar o curso para comprobar se xa existe na base de datos do sistema. 16

17 De non ser así, premerase en Non catalogado - Propoñer novo, introduciranse manualmente as entidades que o convocaron/impartiron e o título do curso e premerase en gardar para rematar a introdución. c) Experiencia profesional. Servizos prestados polo/pola interesado/a, tanto na administración pública como no ámbito privado. Por defecto a experiencia no Sergas 17

18 xa aparece cargada no sistema. A experiencia allea a este debe darse de alta na pestana de Outra Experiencia. d) Actividade docente. Docencia impartida polo/pola profesional ou aspirante, relativa á cursos formación continuada impartidos, formación especializada, e docencia universitaria e non universitaria. Para dar de alta a formación continuada impartida seguirase o mesmo procedemento que para a introdución dos cursos de formación continua recibidos. e) Idiomas. Información relativa ao grao de coñecemento da lingua galega, así como de outros idiomas, de acordo cos niveis de competencia lingüística en base ao marco común europeo de referencia para as linguas: aprendizaxe, ensinanza e avaliación. f) Actividade investigadora. Información relativa á participación do/da usuario/a na publicación de libros e revistas, proxectos de investigación, estadías formativas noutros centros, obtención de patentes, premios de investigación ou teses de doutoramento dirixidas. Tamén se poderá introducir un breve resumo co perfil como investigador. g) Outros méritos. Información relativa á méritos non clasificables noutros apartados como a posesión do permiso de conducir, o curso de operador/a de instalación radioactivas ou a participación no programa de formación en investigación Río Hortega, entre outros. h) Informe. Situación do expediente do/da profesional ou aspirante en canto a méritos en estado distinto ó de validado, dispostos para a xeración dunha solicitude de validación. 18

19 Unha vez seleccionados aqueles méritos que se van a presentar e a unidade de validación destinataria dos mesmos, poderá xerar automaticamente o informe ó gardar a solicitude. Sexto: Acreditación e presentación da documentación 1. A nova información relativa a datos, méritos e requisitos que sexa incorporada no Expedient-e de forma manual e que non apareza como validada na aplicación, deberá ser acreditada polos/polas usuarios/as mediante a achega dos documentos orixinais ou copias debidamente compulsadas dos mesmos. 2. Os méritos, previamente rexistrados no Expedient-e, acreditaranse tal e como se especifique na convocatoria do proceso correspondente, para posteriormente ser validados mediante a oportuna comprobación polo persoal do Servizo Galego de Saúde 19

20 3. A documentación acreditativa ten que figurar nalgún dos idiomas oficiais do Estado Español. De non ser así, acompañaranse da correspondente tradución xurada. 4. O/a usuario/a deberá imprimir, dende o apartado Informe do Expedient-e, a solicitude de validación, onde se relacionan os méritos introducidos previamente e que aínda non se atopan validados. Este informe, xunto coa documentación acreditativa dos méritos, deberá presentarse a través do correspondente rexistro administrativo ou por calquera dos procedementos previstos no artigo 38 da Lei 30/1992, do 26 de novembro, de réxime xurídico das Administracións Públicas e do procedemento administrativo común, remitíndoo a calquera das unidades de validación recollidas no anexo I. 5. Os/as aspirantes ou profesionais que así o demanden, recibirán, nos centros sanitarios do Servizo Galego de Saúde e entidades públicas adscritas á Consellería de Sanidade a axuda e asesoramento que precisen para a consulta e incorporación de novos méritos no seu expediente profesional. 20

21 Sétimo.- Validación da documentación 1. A información incorporada ao Expedient-e atoparase nun primeiro momento nos estados de pendente de validar ou sen catalogar previstos no apartado cuarto deste manual, ata que non sexa acreditada e posteriormente procesada polo persoal das unidades de validación do Servizo Galego de Saúde. A validación poderá realizarse en calquera dos centro relacionados no anexo I. 2. A información rexistrada e validada será a que se terá en conta nos procesos que se formalicen no organismo de acordo coas normas, prazos e baremos de cada un deles. 3. A Dirección Xeral de Recursos Humanos do Servizo Galego de Saúde, previa designación polos centros de xestión, acreditará ao persoal da Administración que realizará as tarefas de validación de datos e méritos no sistema informático. A dito persoal facilitaráselle o procedemento de validación e a formación necesaria para realizar as tarefas correspondentes, estando sometidos aos principios de abstención e recusación previstos nas normas. Oitavo.- Efectos 1. A documentación validada neste sistema formará parte do expediente profesional e terá efectos para todos os procesos de xestión que teñan lugar a través do expediente electrónico, nos termos que se indiquen nas normas reguladoras de cada procedemento. 2. A baremación dos distintos procesos que se formalicen no organismo realízase de xeito automatizado. 21

22 Noveno.- A inscrición nos procesos Dentro do Expediente-e, na pestana de Procesos, formalizaranse e imprimiranse as solicitudes de participación en cada un dos procesos convocados polo Servizo Galego de Saúde, de acordo coas súas normas, prazos e baremos. Unha vez cuberto o formulario xerase unha solicitude de inscrición en estado Borrador, que é un estado no que o/a usuario/a pode modificala ou eliminala do sistema. Unha vez revisada e conforme, o/a profesional deberá confirmar a solicitude. para poder presentala nun rexistro, nos prazos que se diten pola norma reguladora de cada procedemento. Décimo.- Outras funcionalidades Dentro da Oficina Virtual, o profesional poderá atopar outras funcionalidades que lle ofrecen a posibilidade de obter mais información sobre o seu expediente persoal (currículo, nóminas, borrador da renda...) e a de formalizar solicitudes para diferentes modelos de certificacións (IRPF, servizos prestados, recoñecemento de trienios...) 22

23 1. O Curriculum Vitae Unha das funcionalidades mais destacadas do Expediente-e e a posibilidade de exportar a información relativa aos méritos dos/das profesionais ou aspirantes rexistrados no sistema a un formato de texto editable que permite a impresión e o intercambio da información curricular contida no expediente persoal. Pódese acceder dende o apartado de informe facendo clic na pestana exportar documento. No documento que se crea relacionaranse tódolos méritos do usuario/a en Fides independentemente do seu estado de validación. 2. Solicitude de recoñecemento de trienios Outra das novas funcionalidades podémola atopar na pestana Solicitudes, para a formalización da solicitude de recoñecemento dos trienios. Unha vez dentro da solicitude de trienios, móstrase un formulario onde se pode ver a experiencia do profesional, tanto Sergas como Outra Experiencia: 23

24 A experiencia Sergas será incluída automaticamente na solicitude. O/a profesional soamente debe seleccionar os rexistros de outra experiencia que queira incluír no recoñecemento. Unha vez marcados os períodos desexados, prémese no botón Gardar e xa estaría creada a primeira solicitude de trienios. A solicitude crearase en estado Borrador, que é un estado no que o/a usuario/a pode modificala ou eliminala do sistema. Unha vez revisada e conforme, o/a profesional debe confirmar a solicitude para que posteriormente sexa tramitada. Para confirmala, premerase no +info da solicitude realizada, e logo no botón de Confirmar Solicitude. Unha vez confirmada, xa non se poderá modificar nin eliminar. Aparecerá a icona para imprimila fisicamente e poder entregala nun rexistro. 24

25 Cada acción ou cambio de estado por parte de RRHH nunha solicitude, será reflectido tamén dende FIDES no mesmo momento. Os posibles estados polos que pode pasar unha solicitude confirmada, son: Tratada: Indica que a solicitude rexistrada xa está en proceso de recoñecemento. Favorable: Recoñecemento favorable de tódolos períodos da solicitude. Desfavorable: Recoñecemento desfavorable de tódolos períodos da solicitude. Parcialmente Favorable: Recoñecemento favorable de algúns períodos da solicitude, pero non todos. Undécimo.- Información e consulta Para a remisión de calquera dúbida en relación cos procedementos descritos habilítanse puntos de información, en cada un dos centros de traballo dos relacionados no anexo I. Estarán sinalizados para axudar e facilitar o acceso ao persoal e especialmente darán facilidades ás persoas con dificultades no acceso derivadas dalgún tipo de discapacidade. Dispoñen de terminais para aqueles/aquelas profesionais que o precisen. As consultas remitidas a estes centros non terán a condición de reclamación. Na paxina web do Servizo Galego de Saúde, na Oficina Virtual do Profesional, están dispoñibles axudas on line en formato vídeo, con audio e letra visible, co fin de facer accesible o sistema de xestión electrónico, empregado neste intre para tódolos procesos que se convoquen. Tamén poderá atopar na mesma sección a resposta as dubidas puntuais nas preguntas frecuentes. 25

26 ANEXO I. UNIDADES DE VALIDACIÓN EOXI A CORUÑA Unidades Dirección As Xubias, nº 84 Complexo Hospitalario Universitario da Coruña A Coruña Expedient-e.coruna@sergas.es Paseo Alcalde Pepe Sánchez, nº Cee (A Coruña) rrhh.xun@sergas.es Hospital Virxe da Xunqueira EOXI SANTIAGO Unidades Dirección Complexo Hospitalario Universitario de Santiago Travesía da Choupana, s/n Santiago de Compostela (A Coruña) expe.rrhh.chus@sergas.es EOXI FERROL Unidades Dirección Avda. Da Residencia, s/n Ferrol (A Coruña) Tfno: Hospital Arquitecto Marcide EOXI LUGO - CERVO - MONFORTE Unidades Dirección Hospital Universitario Lucus Augusti San Cibrao, s/n Lugo Tfno: Hospital da Costa Rúa Rafael Vior, s/n Burela (Lugo) Tfno: Hospital Comarcal de Monforte Rúa Corredoira, s/n Monforte de Lemos (Lugo) Tfno:

27 EOXI OURENSE - VERÍN - O BARCO DE VALDEORRAS Unidades Dirección Avda. de Zamora, nº 13 Edificio Administrativo de Sanidade de Ourense Ourense Tfno: Hospital de Verín Estrada de Laza, s/n Verín (Ourense) Tfno: Hospital do Barco de Valdeorras Avda. Conde de Fenosa, nº O Barco de Valdeorras (Ourense) Tfno: EOXI VIGO Unidades Dirección Estrutura de Xestión Integrada de Vigo Rúa García Barbón, 51, planta 4ª Vigo (Pontevedra) Tfno: / Tfno: EOXI PONTEVEDRA - O SALNÉS Unidades Edificio Administrativo de Sanidade Dirección Avda de Vigo, nº16, 2ª planta Pontevedra PONExpedient_e@sergas.es GALARIA GALARIA, Empresa Pública de Servizos Sanitarios Hospital Meixoeiro, s/n Vigo (Pontevedra) Galaria.expediente.e@sergas.es F.P. URXENCIAS SANITARIAS DE GALICIA 061 Hospital Psiquiátrico de Conxo Fundación Pública Urxencias Sanitarias de Praza Martín Herrera, nº 2, 2ª planta Galicia Santiago de Compostela (A Coruña) Tfno: