NORMATIVA POLA QUE SE REGULA A SELECCIÓN DO PERSOAL DOCENTE E INVESTIGADOR CONTRATADO E INTERINO DA UNIVERSIDADE DE SANTIAGO DE COMPOSTELA

Transcripción

1 NORMATIVA POLA QUE SE REGULA A SELECCIÓN DO PERSOAL DOCENTE E INVESTIGADOR CONTRATADO E INTERINO DA UNIVERSIDADE DE SANTIAGO DE COMPOSTELA (Aprobada polo Consello de Goberno o 17 de febreiro de 2005 e modificada polo Consello de Goberno do 10 de maio de 2007, polo Consello de Goberno do 22 de xullo do 2009 e polo C.G. do 2 de maio de 2013) TÍTULO PRELIMINAR DISPOSICIÓNS XERAIS Artigo 1. Ámbito de aplicación Artigo 2. Principios xerais Artigo 3. Cómputo de prazos TÍTULO I CONCURSOS PARA A SELECCIÓN DE PERSOAL DOCENTE E INVESTIGADOR CONTRATADO CAPÍTULO I. CONVOCATORIA DE CONCURSOS CAPÍTULO II. ÓRGANOS DE SELECCIÓN Sección Primeira: Composición das Comisións Sección Segunda: Constitución das Comisións Sección Terceira: Actuación das Comisións CAPÍTULO III. PROCEDEMENTOS DE SELECCIÓN Sección Preliminar: Disposicións xerais Sección Primeira: Procedemento para a selección de profesores contratados doutores Sección Segunda: Procedemento para a selección de profesores colaboradores Sección Terceira: Procedemento para a selección de profesores axudantes doutores, profesores asociados, profesores interinos de substitución e axudantes CAPÍTULO IV. PROPOSTAS DE PROVISIÓN CAPÍTULO V. RECLAMACIÓNS CAPÍTULO VI. RESOLUCIÓN DOS CONCURSOS E FORMALIZACIÓN DOS CONTRATOS CAPÍTULO VII. LISTAS DE AGARDA E PROCEDEMENTO DE URXENCIA TÍTULO II CONCURSOS PARA A SELECCIÓN DE PROFESORADO FUNCIONARIO INTERINO DISPOSICIÓN ADICIONAL PRIMEIRA. PROCEDEMENTO PARA A PROVISIÓN DE PRAZAS CREADAS Ó ABEIRO DAS DISPOSICIÓNS TRANSITORIAS PRIMEIRA E SEGUNDA DOS ESTATUTOS DA USC DISPOSICIÓN ADICIONAL SEGUNDA. PROFESORADO ASOCIADO DE PRÁCTICAS TUTELADAS DE FARMACIA DISPOSICIÓN ADICIONAL TERCEIRA DISPOSICIÓN TRANSITORIA PRIMEIRA DISPOSICIÓN TRANSITORIA SEGUNDA DISPOSICIÓN DERROGATORIA DISPOSICIÓN FINAL PRIMEIRA DISPOSICIÓN FINAL SEGUNDA

2 ANEXOS ANEXO I. BAREMOS PARA A VALORACIÓN DE MÉRITOS E PROBAS NOS CONCURSOS DE SELECCIÓN DO PERSOAL DOCENTE E INVESTIGADOR CONTRATADO ANEXO II. NORMAS DE APLICACIÓN DOS BAREMOS E DE ACREDITACIÓN DE MÉRITOS ANEXO III. TÁBOA DE AFINIDADES ENTRE ÁREAS DE COÑECEMENTO E TITULACIÓNS ANEXO IV. TÁBOA DE AFINIDADES ENTRE ÁREAS DE COÑECEMENTO Consonte ó establecido no artigo 21 dos estatutos da Universidade de Santiago de Compostela (USC) correspóndelle ó Consello de Goberno aprobar un regulamento de persoal docente e investigador no marco das bases que estableza o Claustro. O Claustro na súa sesión do día 2 de decembro de 2004 acordou, ó abeiro da Disposición transitoria décima dos estatutos, que en tanto no se produzan as modificacións normativas anunciadas polo Goberno, o Consello de Goberno aprobe unha normativa provisoria para aqueles aspectos que precisan dunha regulación inmediata axustada ó actual marco normativo. Tendo en conta que é necesario prover prazas de persoal docente e investigador contratado e interino, cómpre establecer a regulación que permita resolver os correspondentes concursos. En consecuencia, o Consello de Goberno, na súa reunión do 17 de febreiro de 2005, ACORDOU a presente Normativa pola que se regula a selección do persoal docente e investigador contratado e interino da Universidade de Santiago de Compostela. TÍTULO PRELIMINAR DISPOSICIÓNS XERAIS Artigo 1. Ámbito de aplicación 1. Esta normativa ten por obxecto regular os concursos para a selección de profesores contratados doutores, profesores colaboradores, profesores axudantes doutores, profesores asociados e axudantes ós que alude a Sección Primeira do Capítulo I do Título IX da Lei orgánica 6/2001, do 21 de decembro, de Universidades (LOU), modificada pola Lei 4/2007, de 12 de abril, así como de lectores de linguas modernas ou estranxeiras e de profesores interinos de substitución. Inclúese tamén na presente normativa a regulación do procedemento para a selección de funcionarios interinos dos corpos docentes universitarios. 2. A selección de profesores visitantes e de profesores eméritos rexerase pola normativa específica que para tal efecto aprobe o Consello de Goberno. 3. Queda igualmente excluída do ámbito de aplicación desta normativa a selección de persoal docente, investigador, técnico e outro persoal para o

3 desenvolvemento de proxectos concretos de investigación científica ou técnica, que se rexerá polas súas disposicións específicas. Artigo 2. Principios xerais 1. As convocatorias e os procedementos de selección do persoal docente e investigador garantirán o acceso en condicións de igualdade respectando en todo momento os principios constitucionais de mérito e capacidade. 2. A contratación de profesorado universitario non estará suxeita a condicións ou requisitos baseados na nacionalidade, de acordo co previsto no artigo 89 e na Disposición adicional undécima da LOU. Esta posibilidade entenderase sempre condicionada a que os aspirantes de nacionalidade estranxeira se encontren en España en situación de legalidade, sendo titulares dun documento que os habilite a residir e a acceder ó mercado laboral. 3. A selección do persoal docente e investigador contratado levarase a cabo segundo o procedemento establecido neste regulamento. 4. A selección polo procedemento de urxencia realizarase, cando se dean as circunstancias para a súa utilización, consonte ó regulado no Capítulo VII do Título I desta normativa. 5. Excepcionalmente poderanse cubrir con carácter interino os postos de traballo reservados a funcionarios dos corpos docentes universitarios ou ó persoal contratado en tanto non se produza a súa provisión definitiva. 6. A selección do profesorado funcionario interino realizarase mediante concursos públicos, segundo a regulación establecida na presente normativa. 7. As referencias que para cada posto de traballo poidan conter as convocatorias en relación coas obrigas docentes e de investigación a asumir polos adxudicatarios non suporán en ningún caso para quen obteña estes postos un dereito de vinculación exclusiva a esas actividades, nin limitarán a competencia da Universidade para asignarlle distintas obrigas docentes e investigadoras. Do mesmo xeito, a referencia ó centro no que deberá desenvolverse a actividade docente non suporá o dereito a non exercer actividade docente ou investigadora noutro centro dependente da propia Universidade, aínda no caso de que radique en localidade distinta. 8. A presente normativa establece os correspondentes procedementos de reclamación contra as propostas elaboradas polas respectivas comisións de selección. Artigo 3. Cómputo de prazos 1. Cando os prazos ós que fai referencia esta normativa se expresen en días entenderase que estes son hábiles, excluíndose do cómputo os domingos e os declarados festivos, consonte ó disposto no artigo 48.1º da Lei 30/1992, do 26 de novembro, de Réxime xurídico das administracións públicas e do procedemento

4 administrativo común. Consideraranse festivos para este efectos os festivos locais tanto de Santiago coma de Lugo, ampliándose en calquera caso en ámbolos campus o prazo establecido por un numero de dias igual ó dos festivos existentes. 2. No desenvolvemento dos procesos selectivos regulados na presente normativa, o cómputo dos prazos iniciarase o día seguinte ó da publicación dos actos nos taboleiros correspondentes e, no caso da proposta de provisión, o día seguinte ó da inserción no taboleiro de anuncios do centro onde se desenvolveron as probas. 3. Cando os prazos rematen nun día no que os rexistros da USC estean pechados prorrogaranse ata o seguinte día hábil. 4. Para o cómputo de prazos, o mes de agosto será inhábil a todos os efectos, incluído o cómputo dos prazos nos procedementos de reclamacións contra as propostas de provisión das prazas. TÍTULO I CONCURSOS PARA A SELECCIÓN DE PERSOAL DOCENTE E INVESTIGADOR CONTRATADO CAPITULO I CONVOCATORIA DE CONCURSOS Artigo 4. Concursos A selección do persoal docente e investigador contratado realizarase mediante concurso público, con respecto aos principios de igualdade, mérito e capacidade. Artigo 5. Convocatorias A convocatoria de concursos públicos para a selección de persoal docente e investigador contratado realizarase mediante resolución reitoral, logo de ser acordada polo Consello de Goberno consonte á relación de postos de traballo e trala solicitude do Consello de Departamento correspondente. Non obstante, cando se trate de contratar profesores interinos de substitución para suplir provisoriamente necesidades de docencia sobrevidas, a convocatoria poderá ser acordada polo reitor de acordo cos criterios que aprobe o Consello de Goberno, trala proposta do Consello de Departamento respectivo e tendo en conta as dispoñibilidades orzamentarias. Artigo 6. Contido das convocatorias As convocatorias conterán necesariamente: a. O tipo de praza convocada.

5 b. O tipo de contrato. c. O departamento e área de coñecemento ós que pertence. d. A localidade onde se realizará con caracter preferente a actividade. e. O centro ou centros onde se vai impartir a docencia. f. Potestativamente, a determinación das actividades docentes referidas a unha materia, troncal ou obrigatoria, da área de coñecemento á que corresponda a praza obxecto de concurso das que se cursen para a obtención de títulos de carácter oficial de primeiro e segundo ciclo na USC e/ou das actividades investigadoras, que servirán de referencia para a valoración das probas correspondentes e dos méritos docentes e de investigación. En ausencia das anteditas especificacións as valoracións realizaranse por referencia á área de coñecemento á que corresponda a praza convocada. No caso de prazas de profesor asociado e de profesor asociado de ciencias da saúde as actividades docentes poderanse determinar con outro tipo de especificación. A efectos de determinar a materia ou materias que servirán de referencia para a valoración das probas correspondentes e dos méritos docentes e de investigación, toda a referencia que se facía na normativa de selección de PDI contratado a materias troncais e obrigatorias das que se cursen para a obtención de títulos de carácter oficial de primeiro e segundo ciclo, entenderase realizada tamén a materias de formación básica ou obrigatorias dos novos títulos oficiais de grao aprobados. g. A duración inicial do contrato e o réxime de dedicación. h. Os requisitos xerais e, de ser o caso, específicos que terán que reunir os candidatos. i. A documentación que deberán achegar. j. O modelo normalizado de instancia e currículo que deberán cumprimentar ou, de ser o caso, o lugar ou ligazón electrónica onde pode obterse. k. O prazo para a presentación de instancias e da documentación para a admisión ó concurso, así como dos documentos acreditativos dos méritos, que deberán estar estruturados consonte ó establecido no artigo 23. l. O prazo para a presentación da guía docente, proxecto investigador, traballo de investigación orixinal e proxecto de actividades docentes. Este prazo será como mínimo de dous meses a partir do día seguinte ó da publicación da convocatoria. m. O lugar ou lugares de presentación de instancias e de documentación acreditativa.

6 n. A orde de actuación dos candidatos cando haxa proba oral, que seguirá a ordenación alfabética por apelidos a partir da letra que corresponda segundo o resultado do sorteo que cada ano realiza a Comunidade Autónoma. o. O lugar de celebración das probas. p. O prazo máximo de resolución do proceso selectivo. Artigo 7. Publicidade e difusión das convocatorias 1. As convocatorias de concursos comunicaranse ao Consello de Universidades e ao Consello Galego de Universidades con suficiente antelación para a súa difusión. 2. A publicación das convocatorias farase nos taboleiros de anuncios da Reitoría e da Vicerreitoría de Coordinación do Campus de Lugo. A data de inserción no taboleiro de anuncios da Reitoría farase constar mediante dilixencia do Xefe do Servizo de Planificación de Persoal Docente e Investigador ou do funcionario que o substitúa, e no taboleiro da Vicerreitoría de Coordinación do Campus de Lugo mediante dilixencia do Vicexerente ou do funcionario que o substitúa. 3. Así mesmo, as convocatorias difundiranse a través da páxina web da Universidade e mediante a inserción de anuncios en diarios de ampla difusión en Galicia. 4. Xunto coas convocatorias farase pública a composición das comisións de selección. Artigo 8. Instancias 1. Os interesados en participar nos concursos formalizarán a súa solicitude no prazo de quince días hábiles a contar desde o día seguinte ó de publicación da convocatoria, segundo o modelo de instancia ó que se alude no artigo 6, dirixida ó reitor, debendo acreditar o pagamento das taxas correspondentes. En ningún caso o pagamento na entidade bancaria suporá a substitución do trámite de presentación, en tempo e forma, da solicitude. 2. Deberá presentarse unha instancia para cada praza á que se concurse acompañada da documentación correspondente. No caso de que se solicite concorrer a varias prazas da mesma área e categoría con idénticas características será suficiente con aportar un só exemplar da documentación. Artigo 9. Lista provisoria de admitidos e excluídos 1. No prazo máximo de quince días desde o remate do prazo de presentación de solicitudes, a Vicerreitoría competente en materia de profesorado publicará unha resolución aprobando a lista provisoria de admitidos e excluídos, con indicación das causas de exclusión.

7 2. Esta resolución xunto coa lista de admitidos e excluídos publicarase nos taboleiros de anuncios da Reitoría e da Vicerreitoría de Coordinación do Campus de Lugo, debendo constar nela a data da súa inserción nos taboleiros. Así mesmo, difundirase a través de páxina web da Universidade. 3. Contra esta resolución os interesados poderán presentar reclamación ante o reitor no prazo de dez días hábiles, contados a partir do seguinte ó da publicación no taboleiro de anuncios da Reitoría. Neste prazo os aspirantes excluídos ou que non figuren na relación de admitidos e excluídos poderán reparar os defectos que motivaran a súa exclusión ou omisión de dita relación. No caso de non facelo serán excluídos definitivamente da realización das probas. Artigo 10 Lista definitiva de admitidos e excluídos 1. Unha vez rematado o prazo para emendar os defectos causantes das exclusións, a antedita Vicerreitoría ditará no prazo máximo de quince días unha nova resolución aprobando a lista definitiva de admitidos e excluídos, con indicación das causas de exclusión. 2. Esta resolución, que será obxecto de publicación polo mesmo procedemento cá lista provisoria, esgota a vía administrativa e contra ela poderanse interpoñer os recursos oportunos. CAPÍTULO II ÓRGANOS DE SELECCIÓN SECCIÓN PRIMEIRA COMPOSICIÓN DAS COMISIÓNS Artigo 11 Comisións de selección 1. Segundo o que dispón o apartado 23.3 dos Estatutos da USC, as comisións de selección estarán formadas por cinco profesores con titulación, categoría e dedicación igual ou superior á establecida para ocupar a praza convocada. A composición das comisións de selección de PDI contratado procurarase unha composición equilibrada entre mulleres e homes, salvo que non sexa posible por razóns fundadas e obxectivas debidamente motivadas. A estes efectos, os departamentos poderán propoñer con idéntica preferencia membros da área da praza ou de áreas afíns da propia USC. 2. O Consello de Goberno designará os membros titulares e suplentes das comisións, trala proposta do correspondente Consello de Departamento. Formarán parte da proposta, sempre que cumpran os requisitos enumerados no punto anterior, o decano ou director do centro onde vaia impartir maioritariamente docencia quen resulte seleccionado e o director do departamento, os cales unha vez designados actuarán como presidente e secretario respectivamente.

8 Figurarán como presidente e secretario suplentes un vicedecano ou subdirector e o profesor máis antiguo de superior categoría da área de coñecemento á que pertenza a praza obxecto de concurso sempre que non figure como titular. A proposta dos restantes membros recaerá preferentemente en profesores da USC adscritos á área de coñecemento á que corresponda a praza e, no caso de que non houbera un número suficiente destes profesores, poderase propoñer profesorado da mesma área doutras universidades ou de áreas afíns da USC segundo a táboa de afinidades entre áreas que se recolle no Anexo IV desta normativa. En calquera caso, todos os membros da comisión deberán estar en activo e a maioría deles pertencer á área de coñecemento á que corresponda a praza. Na actuación das comisións de selección participará, con voz e sen voto, un profesor designado polo órgano de representación do persoal docente e investigador contratado. Este profesor deberá cumprir os requisitos enumerados no punto 1 deste artigo. No caso das comisións de selección encargadas de resolver os concursos de selección de prazas de profesor contratado doutor con praza asistencial vinculada, dous dos seus membros serán elixidos por sorteo público pola institución sanitaria correspondente, entre quen posúa a especialidade que se esixa como requisito para concursar á praza e teña o título de doutor. Os membros do Consello de Dirección non formarán parte das comisións de selección. 3. As prazas que, en cada convocatoria, correspondan á mesma categoría e área de coñecemento serán xulgadas pola mesma comisión. 4. A participación nas comisións de selección dará dereito á percepción das compensacións económicas que se determinen. Artigo 12. Irrenunciabilidade dos nomeamentos 1. O nomeamento como membro dunha comisión de selección, que será realizado polo reitor, é irrenunciable. 2. Cando un membro dunha comisión considere que existe unha causa xustificada que lle impida actuar, poñerao xustificadamente en coñecemento da Vicerreitoría competente en materia de profesorado, que deberá resolver no prazo de tres días desde a súa recepción, o que se comunicará ó presidente da comisión. O silencio na resolución deste trámite incidental terá sentido estimatorio da existencia da causa alegada e xustificada. O presidente da comisión procederá a convocar ó membro suplente que corresponda. Artigo 13. Abstención e recusación 1. De concorrer algún dos motivos de abstención e recusación ós que se refiren os artigos 28 e 29 da Lei 30/1992, aplicarase o procedemento establecido nesta.

9 2. No caso de apreciarse, por resolución reitoral, causas de abstención ou recusación dos membros das comisións, estes serán substituidos polos seus respectivos suplentes, de acordo co sinalado no artigo seguinte. A resolución adoptada comunicaráselle ós interesados e ó presidente da comisión de selección. Artigo 14. Substitución dos membros das comisións Unha vez realizado o nomeamento dos membros titulares e suplentes da comisión e antes do acto da constitución, se algún deles se vise afectado por causas de abstención ou de recusación e lle fora aceptada a renuncia ou non concorrera ó acto de constitución da comisión, será substituído conforme ás seguintes regras e sen necesidade de realizar novos nomeamentos: O presidente titular será substituído polo suplente. No suposto de que o presidente suplente se vexa afectado tamén polas causas citadas no artigo anterior, procederase ó nomeamento dun novo presidente. A mesma regra será de aplicación para o secretario da comisión. O procedemento para esta nova designación será o mesmo que o seguido para a designación inicial. Os vocais serán substituídos polos seus respectivos suplentes. Se os suplentes se visen afectados por algún impedimento, serán substituídos por orde correlativa. No suposto de que non se puidera constituír a comisión procederase a un novo nomeamento dos vocais da quenda correspondente. SECCIÓN SEGUNDA CONSTITUCIÓN DAS COMISIÓNS Artigo 15. Constitución 1. O presidente da comisión de selección será o responsable da súa válida constitución e actuación conforme ó establecido no presente regulamento e demais normativa de aplicación xeral. 2. Co obxecto de asegurar a constitución da comisión, o presidente poderá convocar para o acto de constitución tanto ós membros titulares como ós membros suplentes. 3. As comisións de selección necesitarán para a súa válida constitución a presencia de tódolos seus membros titulares e, de ser o caso, os respectivos suplentes. Unha vez constituída a comisión non se poderán incorporar a ela membros que, na súa condición de titulares ou suplentes, non estivesen presentes no acto de constitución. 4. Trala constitución, as comisións poderán proseguir a actuación coa presencia, como mínimo, de tres membros, sempre que entre estes estean presentes o presidente e o secretario.

10 5. A comisión actuará no centro ó que pertenza o seu presidente. Este será responsable de prover os espazos necesarios para a actuación da comisión. 6. Estas comisións, en canto órganos de selección de persoal, gozarán de autonomía funcional e estarán facultadas para resolver as cuestións non previstas nas respectivas bases da convocatoria. En todo o que non estea expresamente deteminado nesta normativa será de aplicación á actuación destas comisións a regulación da Comunidade Autónoma de Galicia en relación cos órganos colexiados, a Lei 30/1992 e as disposicións que poida dictar a USC no exercicio da súa autonomía. Para o efecto de impugnación das súas decisións considéranse dependentes do reitor, órgano que efectúa o nomeamento dos seus membros. SECCIÓN TERCEIRA ACTUACIÓN DAS COMISIÓNS Artigo 16. Establecemento dos criterios de valoración No mesmo acto de constitución a comisión de selección, antes de coñecer a documentación, establecerá e fará públicos: a. Os criterios para a valoración dos apartados que en cada caso proceda de entre os que se indican a continuación e consonte ó establecido no Anexo I para cada tipo de praza: _ Experiencia investigadora. Estableceranse os criterios para a valoración dos méritos de investigación de acordo cos apartados recollidos nos baremos do Anexo I, así como aqueles nos que se baseará a determinación do grao de afinidade para cada mérito. _ Experiencia profesional. Estableceranse os criterios para a valoración dos méritos, así como aqueles nos que se baseará a determinación do grao de afinidade. _ Experiencia asistencial. Estableceranse os criterios nos que se baseará a determinación do grao de afinidade. _ Outros méritos relevantes para a praza. De acordo cos apartados recollidos nos baremos do Anexo I. _ Proxecto de actividades docentes. Contido e programación das actividades docentes que o concursante levaría a cabo de serlle adxudicada a praza a concurso Adecuación do proxecto ás características da praza Metodoloxía docente proposta

11 _ Guía docente. Contido e adecuación da guía docente á materia Claridade expositiva Capacidade de resposta ás cuestións formuladas no debate _ Proxecto investigador. Contido do proxecto Claridade expositiva Capacidade de resposta ás cuestións formuladas no debate _ Tema. Contido do tema Claridade expositiva Capacidade de resposta ás cuestións formuladas no debate _ Traballo de investigación orixinal. Contido do traballo Claridade expositiva Capacidade de resposta ás cuestións formuladas no debate b. A puntuación mínima que deberá acadarse para poder ser proposto no caso de que haxa unha única fase. c. A puntuación mínima que deberá obterse para superar cada proba da segunda fase. Esta puntuación establecerase en términos porcentuais respecto da puntuación máxima que para cada proba determina o baremo. Artigo 17. Valoración dos currículos 1. A comisión de selección valorará os currículos dos concursantes aplicando os criterios que determine consonte ó baremo que corresponda dos que figuran no Anexo I da presente normativa. 2. A valoración dos currículos realizarase trala adopción dos acordos ós que se refire o artigo anterior.

12 3. A puntuación final de cada concursante será a suma das puntuacións obtidas na valoración do currículo e, de ser o caso, nas probas orais, conforme ó disposto no Anexo II. Artigo 18. Actuación das comisións na valoración das candidaturas 1. O Servizo de Planificación de Persoal Docente e Investigador facilitaralles ás comisións as valoración para cada candidato dos apartados de rendemento académico, experiencia docente, habilitación para participar en concursos de acceso a corpos docentes universitarios e, de ser o caso, período de actividade docente, investigadora e de xestión desenvolvida na USC. 2. A determinación do grao de afinidade destes méritos realizarase en todo caso consonte ás táboas que para o efecto figuran nos Anexos III e IV desta normativa. 3. Os demais méritos alegados polos candidatos e as distintas probas de que conste, no seu caso, o proceso selectivo serán obxecto de valoración singularizada, que se traducirá na emisión pola comisión dun informe razoado da puntuación outorgada a cada un dos candidatos en todos os apartados, motivando debidamente no correspondente formulario a devandita puntuación. Este informe acompañarase á acta xunto cos votos particulares que, de ser o caso, se formulen. Esta valoración respetará en cada caso as puntuacións máximas establecidas no Anexo I. 4. Se houbera discrepancias entre os membros da comisión sobre a valoración de calquera dos méritos, a puntuación que corresponderá a ese mérito será a media aritmética das puntuacións outorgadas por cada un dos membros unha vez descartadas as dúas puntuacións extremas (máxima e mínima), ou unha de cada unha delas se houbera máis dunha. Artigo 19. Réxime de adopción de acordos As comisións adoptarán os seus acordos por maioría, sen que ningún membro poida absterse na votación. De producirse un empate decidirá o voto de calidade do presidente. CAPÍTULO III PROCEDEMENTOS DE SELECCIÓN SECCIÓN PRELIMINAR DISPOSICIÓNS XERAIS Artígo 20. Requisitos xerais 1. Serán requisitos necesarios para a admisión ós concursos: a. Ser maior de idade e non superar a idade de xubilación normativamente establecida.

13 b. Non ter sido separado mediante expediente disciplinario do servizo de calquera administración pública española, da Unión Europea ou do Estado do que teña nacionalidade a persoa concursante. c. Non padecer enfermidade ou limitación física ou psíquica que impida o desempeño das correspondentes funcións. d. Estar en posesión do título requirido, da certificación supletoria correspondente ou en condicións de obtelo na data en que remate o prazo de presentación de instancias. Para as prazas de profesor titular interino de escolas universitarias e profesor colaborador, no caso daquelas áreas de coñecemento para as que abonda o título de diplomado, arquitecto técnico ou enxeñeiro técnico poderá requirirse algún destes títulos, segundo corresponda, cando as prazas se convoquen para materias específicas que se impartan exclusivamente en escolas universitarias. e. No caso de aspirantes de nacionalidade estranxeira será requisito para poder concursar o coñecemento, debidamente acreditado, de calquera das linguas oficiais da USC. 2. Os títulos expedidos por Universidades ou autoridades estranxeiras deberán ser acreditados por algún dos seguintes procedementos: _ Mediante unha resolución de homologación ditada polo Ministerio de Educación e Ciencia. _ Mediante o recoñecemento do Ministerio de Educación e Ciencia para títulos expedidos por Universidades ou autoridades dos países membros da Unión Europea ou do espazo económico europeo. _ Calquera outro procedemento de acreditación que regulamentariamente se determine. Artigo 21. Requisitos específicos Ademais dos requisitos xerais anteriormente sinalados, será preciso reunir os seguintes requisitos específicos segundo o tipo de praza á que se concurse: 1. Prazas de profesor contratado doutor _ Posuír o título de doutor _ Ter recibido a avaliación positiva desta actividade por parte da Axencia para a Calidade do Sistema Universitario de Galicia, da Axencia Nacional de Avaliación da Calidade e Acreditación ou de calquera outro órgano de avaliación que determinen as leis doutras Comunidades Autónomas, sempre que exista un convenio ou concerto previo coa Comunidade Autónoma de Galicia (en diante, o órgano de avaliación externa correspondente)

14 _ No caso de prazas asistenciais vinculadas, estar en posesión do título de especialista requirido na convocatoria. 2. Prazas de profesor colaborador _ Posuír o título de licenciado, arquitecto, enxeñeiro ou, nas áreas determinadas polo Goberno, arquitecto técnico, enxeñeiro técnico ou diplomado universitario. _ Contar co informe favorable do órgano de avaliación externa correspondente. 3. Prazas de profesor axudante doutor _ Posuír o título de doutor _Ter acreditada a avaliación positiva da súa actividade docente e investigadora por parte do órgano de avaliación externa correspondente. Será mérito preferente a estadía do candidato en universidades ou centros de investigación de recoñecido prestixio, españois ou estranxeiros, distintos da USC. 4. Prazas de profesor asociado _ Estar en posesión da titulación concreta que, de ser o caso, esixa a convocatoria para cada praza. _ Acreditar a condición de especialista de recoñecida competencia con exercicio de actividade profesional fóra do ámbito académico universitario. Esta actividade profesional deberá estar directamente relacionada cos contidos da actividade docente a desenvolver que figurarán especificados na convocatoria e terse desenvolvido por un período mínimo de tres anos ó longo dos cinco últimos por referencia á data de finalización do prazo de presentación de solicitudes. Excepcionalmente poderase esixir o requisito de desenvolver unha actividade profesional concreta, sempre que esta esixencia se xustifique en función das características da praza. A acreditación da actividade profesional externa realizarase por un ou varios dos seguintes medios: Sector público Certificación dos servizos prestados na función pública. Sector privado Segundo proceda, contrato de traballo legalizado ou documento xustificativo da realización de actividades profesionais como traballador autónomo ou profesional liberal, debendo xustificar neste último caso a alta como exercente no colexio profesional correspondente.

15 Xustificación do período de permanencia en situación de alta na Seguridade Social. Excepcionalmente poderá admitirse outro tipo de acreditación da actividade profesional en función da natureza da praza convocada. A actividade profesional requirida para poder concursar deberá manterse durante o tempo de vixencia do contrato. 5. Prazas de profesor interino de substitución Os aspirantes deben reunir os requisitos específicos que se sinalen nas respectivas convocatorias en función do tipo de necesidade que motive a contratación. 6. Prazas de axudante _ Ter obtido o título de licenciado, enxeñeiro ou arquitecto dentro dos cinco anos anteriores ao remate do prazo de presentación de solicitudes. _ Estar admitido ou en condicións de ser admitido nos estudos de doutoramento. _ Non ter sido axudante ao abeiro da Lei Orgánica 11/1983, de 25 de agosto, de Reforma Universitaria, extremo que deberá acreditarse mediante declaración. 7. Prazas de lector de linguas modernas ou estranxeiras Os aspirantes teñen que estar en posesión dunha titulación equivalente ó título de licenciado. Artigo 22. Documentación e momentos de presentación Documentación para a admisión ó concurso 1. As persoas interesadas en tomar parte nun procedemento selectivo deberán achegar dentro do prazo de presentación de instancias que se estableza na convocatoria a seguinte documentación: a. Solicitude conforme ó modelo establecido pola USC. b. Título esixido en función do tipo de praza á que se concurse. c. Acreditación dos requisitos específicos esixidos segundo o tipo de praza, na forma que se determine na convocatoria. d. Xustificante do pagamento da taxa que corresponda en concepto de dereitos de exame. e. Documentos acreditativos do rendemento académico, experiencia docente, habilitación para participar en concursos de acceso a corpos docentes

16 universitarios, experiencia investigadora, experiencia profesional, experiencia asistencial e outros méritos relevantes para a praza, consonte ó establecido no Anexo II. Non será preciso aportar acreditación documental do rendemento académico e da experiencia docente cando estes méritos correspondan a actividades desenvolvidas na USC, sen prexuízo da necesidade de relacionalos no formulario correspondente. 2. Non acreditar os requisitos dos apartados a, b, c e d será causa de exclusión, a cal poderá repararse no prazo que se establece no artigo Os aspirantes de nacionalidade estranxeira deberán acreditar o coñecemento de calquera das linguas oficiais da USC. No caso de que non se acredite documentalmente dito coñecemento, este verificarase pola comisión encargada de resolver o concurso, podendo recabar o asesoramento de expertos en caso necesario, ou pola administración por medio dunha proba específica Presentación da guía docente, proxecto investigador, traballo de investigación orixinal e proxecto de actividades docentes A guía docente, proxecto investigador, traballo de investigación orixinal e proxecto de actividades docentes, segundo o tipo de praza, deberán presentarse na Reitoría ou na Vicerreitoría de Coordinación do Campus de Lugo no prazo que se estableza na convocatoria e na forma que se indica no artigo seguinte. Artigo 23. Currículo, guía docente, proxecto investigador, traballo de investigación orixinal e proxecto de actividades docentes Os documentos acreditativos do rendemento académico, experiencia docente, habilitación para participar en concursos de acceso a corpos docentes universitarios, experiencia investigadora, profesional e asistencial e outros méritos relevantes para a praza, así como a guía docente, o proxecto investigador, o traballo de investigación orixinal e o proxecto de actividades docentes que, de ser o caso, presenten os concursantes deberán estar indexados, estruturados consonte ó que se indica a continuación, numerados en cada unha das páxinas das que consten e encadernados de tal xeito que se impida a posterior inclusión ou perda de documentación. No suposto de que os concursantes presenten libros ou outro material non encadernable, deberán facer constar a súa presentación no currículo, que deberá remitir a carpetas anexas a el, identificándoas cun número de carpeta e unha indicación sobre o seu contido. A. Os documentos acreditativos do currículo estruturaranse consonte ó seguinte: I. RENDEMENTO ACADÉMICO 1. Expediente académico

17 2. Grao de licenciatura 3. Diploma de estudos avanzados ou suficiencia investigadora 4. Título de doutor 5. Título de especialista II. EXPERIENCIA DOCENTE 1. Docencia universitaria 2. Docencia non universitaria 3. Colaboración na actividade docente-asistencial en Hospitais Clínicos Universitarios (só para prazas de PACS) III. HABILITACIÓN III.BIS. ESTADIA EN UNIVERSIDADES OU CENTROS DE RECOÑECIDO PRESTIXIO (Apartado de aplicación só para a provisión das prazas de profesores axudantes doutores) IV. EXPERIENCIA INVESTIGADORA 1. Publicacións: Libros Artigos científicos Capítulos de libros Outras publicacións Patentes 2. Relatorios e comunicacións en congresos 3. Participación en proxectos de investigación e actividades desenvolvidas ó abeiro do artigo 83 da LOU 4. Estadías noutros centros de investigación 5. Bolsas ou contratos de investigación 6. Outros méritos de investigación V. EXPERIENCIA PROFESIONAL

18 VI. EXPERIENCIA ASISTENCIAL VII. OUTROS MÉRITOS RELEVANTES PARA A PRAZA 1. Experiencia de xestión universitaria 2. Coñecemento da lingua propia da USC 3. Participación en actividades de formación e innovación docente 4. Colaboración na actividade docente-asistencial en Hospitais Clínicos Universitarios (excepto en prazas de PACS) 5. Outros VIII. PERÍODO DE ACTIVIDADE DOCENTE, INVESTIGADORA E DE XESTIÓN DESENVOLVIDA NA USC (Apartado de aplicación só para a provisión das prazas a que fai referencia a Disposición adicional primeira) Para que proceda a valoración dos méritos do currículo, estes deberán posuírse na data de finalización do prazo de presentación que se indique na convocatoria. B. Guía docente para prazas de profesor contratado doutor, profesor colaborador, profesor axudante doutor e profesor interino de substitución Os concursantes a prazas de profesor contratado doutor, profesor colaborador, profesor axudante doutor e profesor interino de substitución deberán presentar unha guía docente referida á materia que se estableza na convocatoria. En caso de non indicarse nada na convocatoria, esta guía referirase a unha materia, troncal ou obrigatoria, adscrita á área de coñecemento á que corresponda a praza obxecto de concurso das que se cursen para a obtención dunha titulación oficial de primeiro ou segundo ciclo na USC. A guía docente terá como máximo unha extensión de vinte e cinco páxinas por unha cara en tamaño DIN A4 a dobre espacio e deberá facer referencia, como mínimo, ós seguintes aspectos: Datos descritivos da materia Sentido da materia no plan de estudos Obxectivos: Competencias, destrezas e habilidades que debe acadar o estudante Desenvolvemento do temario teórico e práctico Bibliografía recomendada Metodoloxía e recursos necesarios

19 Sistema de avaliación da aprendizaxe Outras informacións de interese Os programas oficiais das materias estarán a disposición dos candidatos na Secretaría do Decanato ou Dirección de Centro no que aquelas se impartan. C. Proxecto investigador para prazas de profesor contratado doutor Os concursantes a prazas de profesor contratado doutor deberán presentar un proxecto investigador no que se recollerá un resumo das liñas de investigación a desenvolver polo candidato no caso de lle ser outorgada a praza. Este proxecto terá unha extensión máxima de cinco páxinas en tamaño DIN A4 a dobre espacio. D. Traballo de investigación orixinal para prazas de profesor contratado doutor preferentemente investigador Os concursantes a prazas de profesor contratado doutor preferentemente investigador deberán presentar un traballo de investigación orixinal. E. Proxecto de actividades docentes para prazas de profesor asociado e de profesor asociado de ciencias da saúde (PACS) Os concursantes a prazas de profesor asociado e PACS deberán presentar un proxecto de actividades docentes. Cando a praza se convoque para impartir unha materia concreta o proxecto de actividades docentes deberá axustarse ó especificado para a guía docente no apartado B. Nos demais casos axustarase ó establecido na convocatoria. Os programas oficiais das materias estarán a disposición dos candidatos na Secretaría do Decanato ou Dirección de Centro no que aquelas se impartan. Artigo 24. Remisión de expedientes ás comisións de selección Os expedientes dos candidatos admitidos, debidamente precintados, serán remitidos polo Servizo de Planificación de Persoal Docente e Investigador ó presidente da comisión de selección. A apertura dos expedientes unicamente poderá realizarse trala adopción dos acordos ós que se refire o artigo 16 desta normativa. SECCIÓN PRIMEIRA PROCEDEMENTO PARA A SELECCIÓN DE PROFESORES CONTRATADOS DOUTORES Artigo 25. Desenvolvemento do procedemento selectivo O procedemento selectivo constará de dúas fases.

20 I. Primeira Fase A primeira fase consistirá na valoración dos méritos e historial académico, docente, investigador, de xestión e, de ser o caso, sanitario-asistencial alegados polo candidato. A comisión de selección valorará os currículos dos aspirantes consonte ó establecido nos baremos que figuran no Anexo I desta normativa para este tipo de prazas. Concluída a valoración dos currículos faranse públicos os resultados e convocarase ós candidatos para a realización da primeira proba da segunda fase, indicando a data, hora e lugar de realización desta. II. Segunda Fase A segunda fase constará de dúas probas, cada unha delas de carácter eliminatorio. 1. Primeira Proba A primeira proba consistirá na exposición oral en sesión pública da guía docente e do proxecto investigador, durante un tempo máximo dunha hora. Seguidamente a comisión debaterá co candidato sobre os contidos da súa exposición durante un tempo máximo de noventa minutos. Finalizada a realización da proba por todos os candidatos a comisión procederá á valoración da guía docente, do proxecto investigador e da exposición realizada polo concursante consonte ós criterios establecidos de acordo co artigo 16. Pasarán á segunda proba aqueles concursantes que superen a puntuación mínima establecida pola comisión para a primeira proba. 2. Segunda Proba A segunda proba consistirá, segundo o caso: _ Para as prazas con perfil docente e investigador: Exposición oral en sesión pública, durante un tempo máximo dunha hora, dun tema do programa contido na guía docente presentada polo candidato, elixido por el de entre tres sacados a sorteo. Os candidatos disporán dun tempo máximo dunha hora para a preparación desta exposición. _ Para as prazas con perfil preferentemente investigador: Exposición oral en sesión pública, durante un tempo máximo dunha hora, do traballo de investigación orixinal.

21 Logo da exposición oral a comisión debaterá co candidato sobre os contidos expostos, a metodoloxía a utilizar e cantos aspectos estime relevantes en relación co tema ou traballo de investigación, segundo o caso, durante un tempo máximo de dúas horas. Finalizada a realización da proba por todos os candidatos, cada membro da comisión valorará de xeito razoado e de acordo cos criterios a que fai referencia o artigo 16 a actuación de cada un dos concursantes A puntuación final de cada candidato será o resultado da suma das puntuacións obtidas na primeira fase e en cada unha das probas da segunda fase. SECCIÓN SEGUNDA PROCEDEMENTO PARA A SELECCIÓN DE PROFESORES COLABORADORES Artigo 26. Desenvolvemento do procedemento selectivo O procedemento selectivo constará de dúas fases. I. Primeira Fase A primeira fase consistirá na valoración dos méritos e historial académico, docente, investigador, de xestión e, de ser o caso, sanitario-asistencial alegados polo candidato. A comisión de selección valorará os currículos dos aspirantes consonte ó establecido no baremo que figura no Anexo I desta normativa para este tipo de prazas. Concluída a valoración dos currículos faranse públicos os resultados e convocarase ós candidatos para a realización da primeira proba da segunda fase, indicando a data, hora e lugar de realización desta. II. Segunda Fase A segunda fase constará de dúas probas, cada unha delas de carácter eliminatorio. 1 Primeira Proba A primeira proba consistirá na exposición oral en sesión pública da guía docente, durante un tempo máximo de corenta e cinco minutos. Seguidamente a comisión debaterá co candidato sobre os contidos da súa exposición durante un tempo máximo de sesenta minutos.

22 Finalizada a realización da proba por todos os candidatos a comisión procederá á valoración da guía docente e da exposición realizada polo concursante consonte ós criterios establecidos de acordo co artigo 16. Pasarán á segunda proba aqueles concursantes que superen a puntuación mínima establecida pola comisión para superar a primeira proba. 2. Segunda Proba A segunda proba consistirá na exposición oral en sesión pública, durante un tempo máximo dunha hora, dun tema do programa contido na guía docente presentada polo candidato, elixido por el de entre tres sacados a sorteo. Os candidatos disporán dun tempo máximo dunha hora para a preparación desta exposición. Logo da exposición oral a comisión debaterá co candidato sobre os contidos expostos, a metodoloxía a utilizar e cantos aspectos estime relevantes en relación co tema, durante un tempo máximo de dúas horas. Finalizada a realización da proba por todos os candidatos, cada membro da comisión valorará de xeito razoado e de acordo cos criterios a que fai referencia o artigo 16 a actuación de cada un dos concursantes A puntuación final de cada candidato será o resultado da suma das puntuacións obtidas na primeira fase e en cada unha das probas da segunda fase. SECCIÓN TERCEIRA PROCEDEMENTO PARA A SELECCIÓN DE PROFESORES AXUDANTES DOUTORES, PROFESORES ASOCIADOS, PROFESORES INTERINOS DE SUBSTITUCIÓN E AXUDANTES Artigo 27. Desenvolvemento do procedemento selectivo Profesores axudantes doutores e profesores interinos de substitución A selección de profesores axudantes doutores e profesores interinos de substitución levarase a cabo en dúas fases. I. Primeira fase A primeira fase consistirá na valoración dos méritos e historial académico, docente, investigador, de xestión e, de ser o caso, sanitario-asistencial alegados polo candidato. A comisión de selección valorará os currículos dos aspirantes consonte ó establecido nos baremos que figuran no Anexo I desta normativa para cada tipo de praza.

23 Concluída a valoración dos currículos faranse públicos os resultados e convocarase ós candidatos para a realización da segunda fase, indicando a data, hora e lugar de realización desta. II. Segunda fase A segunda fase constará dunha única proba, de carácter eliminatorio, que consistirá na exposición oral en sesión pública da guía docente durante un tempo máximo de corenta e cinco minutos. Seguidamente a comisión debaterá co candidato sobre os contidos da súa exposición durante un tempo máximo dunha hora. A puntuación final de cada concursante virá dada pola suma das puntuacións obtidas en ámbalas dúas fases Profesores asociados A selección de profesores asociados levarase a cabo nunha única fase, de carácter eliminatorio, que consistirá na valoración dos méritos e historial académico, docente, investigador, de xestión e, de ser o caso, sanitarioasistencial alegados polo candidato, así como do proxecto de actividades docentes. A comisión de selección valorará os currículos e os proxectos de actividades docentes dos aspirantes consonte ó establecido nos baremos que figuran no Anexo I desta normativa para as prazas de profesor asociado e profesor asociado de ciencias da saúde, segundo o caso. A puntuación final de cada concursante virá dada pola suma das puntuacións do currículo e do proxecto de actividades docentes Axudantes A selección de axudantes levarase a cabo nunha única fase, de carácter eliminatorio, que consistirá na valoración dos méritos e historial académico, docente, investigador, de xestión e, de ser o caso, sanitario-asistencial alegados polo candidato. A comisión de selección valorará os currículos dos aspirantes consonte ó establecido no baremo que figura no Anexo I desta normativa para este tipo de prazas. A puntuación final de cada concursante virá dada pola suma das puntuacións dos distintos apartados do currículo. CAPÍTULO IV PROPOSTAS DE PROVISIÓN

24 Artigo 28. Proposta de provisión 1. Nun prazo máximo de cinco días desde o seguinte ó da finalización das probas e, en todo caso, dentro do prazo de tres meses desde a publicación da convocatoria, farase pública no taboleiro de anuncios do centro no que actúe a comisión de selección a proposta motivada sobre a provisión da praza, con expresión de todos os candidatos propostos por orde de preferencia. 2. A motivación da proposta consistirá nas valoracións realizadas polos membros da comisión de selección que, xunto coa acta de valoración final, conterán as razóns que avalen a orde de preferencia reflectida na proposta de provisión. 3. As propostas serán asinadas por todos os membros da comisión asistentes e formalizaranse nun modelo normalizado de acta que proverá a Vicerreitoría competente en materia de profesorado, no que se indicarán os mecanismos de impugnación que poidan utilizar os interesados. Esta proposta permanecerá exposta, alomenos, ata a expiración do prazo para interpor os correspondentes recursos. Artigo 29. Remisión e custodia da documentación 1 Rematada a actuación da comisión de selección e publicada a proposta, o presidente da comisión ou, de ser o caso, o secretario entregará de inmediato a documentación de todos os concursantes, xunto coas actas orixinais, nas seguintes dependencias: Na Secretaría Xeral, no caso das prazas de profesor contratado doutor e de profesor colaborador. No Servizo de Planificación de Persoal Docente e Investigador, nos demais casos. 2. Unha vez rematado o procedemento, a documentación dos concursantes quedará ó seu dispor, segundo corresponda, na Secretaría Xeral ou no Servizo de Planificación de Persoal Docente e Investigador, de onde deberán retirala. Non obstante, no caso de interposición de recurso non poderá retirarse ata que a resolución impugnada sexa firme, sen prexuízo de que os interesados poidan realizar copia da documentación para outros efectos. Transcorridos seis meses desde a finalización do procedemento ou, no caso de haber recurso, desde que a resolución impugnada adquira firmeza, a documentación será destruída. CAPÍTULO V RECLAMACIÓNS Artigo 30. Reclamacións

25 1. Contra as propostas de provisión de prazas de profesor colaborador e de profesor contratado doutor, os interesados poderán presentar unha reclamación ante o reitor que será valorada pola Comisión de Reclamacións prevista no artigo 22.5 dos estatutos da USC, nos termos e consonte ó procedemento establecido na Normativa pola que se regulan os concursos de acceso a corpos de funcionarios docentes universitarios. 2. Contra as propostas de provisión nos restantes tipos de prazas os interesados poderán interpoñer reclamación ante o reitor nun prazo de dez días a contar desde o seguinte á publicación da devandita proposta. A admisión a trámite da reclamación non suspenderá a contratación do candidato proposto, salvo resolución motivada en contrario. Artigo 31. Comisión de Revisión 1. As reclamacións a que se refire o apartado 2 do artigo anterior serán instruídas por unha Comisión de Revisión, que estará presidida polo reitor ou vicerreitor en quen delegue. 2. A Comisión de Revisión estará composta polo presidente, cinco membros con voz e voto elixidos polo Consello de Goberno, un por cada unha das grandes áreas de coñecemento e un representante designado polo órgano de representación do persoal docente e investigador contratado, con voz pero sen voto. O presidente terá voto de calidade, dirimindo os empates co seu exercicio. 3. Os membros da Comisión de Revisión elixidos polo Consello de Goberno serán renovados por partes (dous e tres de xeito alternativo) cada dous anos. Artigo 32. Competencias da Comisión de Revisión 1. A Comisión de Revisión garantirá a igualdade de oportunidades dos aspirantes en relación co procedemento seguido e o respecto ós principios de mérito e capacidade daqueles, sen que en ningún caso a súa actuación poida substituír as valoracións de fondo realizadas polas comisións de selección sobre a idoneidade dos aspirantes. 2. A Comisión de Revisión, para instruír o procedemento de reclamación terá as seguintes competencias: a. Á vista das reclamacións poderá remitilas xunto co expediente á comisión de selección co obxecto de que emende os defectos de tramitación observados, responda a todas e cada unha das alegacións presentadas e, de ser o caso, formule unha nova proposta motivada. Este acto de instrución poderá ser realizado polo presidente da Comisión de Revisión. b. Ordenar a retroacción do procedemento ó momento no que se apreciase algunha infracción procedemental.