PROGRAMA DE FORMACIÓN EN MARKETING INTERNACIONAL SECTOR MAR-INDUSTRIA

Transcripción

1 PROGRAMA DE FORMACIÓN EN MARKETING INTERNACIONAL SECTOR MAR-INDUSTRIA Organiza: Imparte: Subvencionado por:

2 Presentación No contorno económico actual, o crecemento baseado na expansión comercial nos mercados internacionais constitúe unha estratexia de negocio con un gran potencial de impacto nos resultados empresariais. Para poder aproveitar as oportunidades que ofrecen os mercados exteriores é preciso contar cun equipo humano adecuadamente formado e capacitado. Nesta liña o Clúster Alimentario de Galicia CLUSAGA organiza un novo programa formativo deseñado en colaboración co Máster en Dirección e Xestión de Comercio Exterior MASCOMEX da Universidade de Santiago de Compostela, que conta con máis de 25 anos de experiencia e está considerado un dos mellores de España na súa especialidade segundo o ranking publicado por El Mundo. O programa está dirixido a xerentes, equipos de marketing e comerciais das empresas e asociacións do sector mar-industria e divídese en dúas partes. A primeira consta dun programa formativo presencial co fin de dotar aos participantes dos coñecementos necesarios para afrontar con éxito a súa saída ou expansión no mercado internacional. A segunda parte concrétase na elaboración dun Plan de Internacionalización individualizado para sete das empresas participantes, unha ferramenta que lle permitirá acadar os seguintes obxectivos: A identificación dos mercados internacionais con maior atractivo e potencial de vendas A selección do segmento do mercado obxectivo idóneo para os produtos da empresa O deseño das accións de comunicación que permitan posicionar solidamente a súa marca nos mercados exteriores seleccionados A identificación e a selección das canles de comercialización máis axeitadas O establecemento dunha política de prezos óptima A elaboración dunha previsión económico-financeira do proceso de internacionalización

3 Fase 1. Programa formativo O curso comezará o 19 de xaneiro e rematará o 22 de xuño do ano Para facilitar a asistencia dos profesionais ás clases presenciais, estas impartiranse os venres de 9.30 a horas e a horas, en semanas alternas. Asemade organizarase unha xornada e acto institucional de clausura o 22 de xuño de O lugar de impartición será a Facultade de Ciencias Económicas e Empresariais da USC. Sesión 1: A internacionalización unha decisión estratéxica. 19 de xaneiro Por que internacionalizarse? Vantaxes da internacionalización. Onde e como internacionalizarse? Modelos de desenvolvemento internacional. Adaptación aos mercados e ás novas tendencias de consumo Sesión 2: A selección dos mercados internacionais. 2 de febreiro Criterios chave para a identificación dos mercados obxectivo. Modelos de selección de mercados. Estratexias de expansión xeográfica: Concentración fronte a diversificación Sesión 3: Desenvolvemento dunha rede comercial no exterior. 16 de febreiro Organización do departamento internacional. Estratexias de acceso aos mercados internacionais. Procura e selección de intermediarios comerciais Sesión 4: Canles de comercialización de produtos de alimentación. 2 de marzo Estrutura da canle e funcións dos intermediarios comerciais. As relacións e negociacións produtor-distribuidor. Novas formas de comercialización: E-commerce

4 Fase 1. Programa formativo Sesión 5: Plan de internacionalización. 16 de marzo Presentación da Fase I. Selección de mercados obxectivo: identificación de criterios e filtrado de países; ranking de países máis atractivos; análise preliminar dos mercados obxectivo. Sesión 6: O estudo dos mercados internacionais. 6 de abril Fontes de información sobre mercados exteriores en internet. Tipoloxía dos estudos de mercado. A problemática internacional. Estrutura e metodoloxía dun estudo de mercado internacional Sesión 7: Imaxe e posicionamento da marca. 13 de abril Como construír e desenvolver unha marca internacional: Estratexias de marca. O papel das Denominacións de Orixe e do Made in na comercialización internacional. A comunicación da imaxe da marca. Instrumentos da comunicación comercial Sesión 8: O Plan de marketing internacional. 11 de maio Principios para a elaboración dun plan de marketing internacional. Elementos e etapas na elaboración dun plan de marketing. Implementación e desenvolvemento das accións comerciais Sesión 9: A fixación de prezos en mercados internacionais. 25 de maio Factores condicionantes da política de prezos nos mercados internacionais. Decisións sobre prezos. Sistemas de fixación de prezos. A elaboración de ofertas e cotizacións Sesión 10: Plan de internacionalización. 22 de xuño Presentación do estudo do mercado internacional e do plan de marketing do mercado obxectivo. Análise da demanda, da competencia e das canles de comercialización. Perfil do cliente obxectivo, proposta de accións comerciais, obxectivos de venda e orzamento comercial

5 Profesorado Enrique Aygües Morosoli Licenciado en Xestión Comercial e Marketing (ESIC). Master en E-business (Instituto de Desenvolvemento de Empresas) e Diplomado no Programa de Desenvolvemento Directivo (IESE). Conta con máis de 20 anos de experiencia en marketing e dirección internacional. Actualmente é Director Xeral de unha compañía especializada en marketing e comunicación no sector agro alimentario, Agr Food Marketing, da que foi fundador e é socio principal. Tamén destaca a súa traxectoria anterior no Grupo Campofrío, onde ocupou postos como Director de Marca, Director de Marketing, Director de Desenvolvemento de Negocios, Director Internacional e, na súa última etapa, Global Export Marketing Manager. Julio Cerviño Fernández Doutor en Ciencias Económicas e Empresariais e Master en Dirección Internacional de Empresas-MBA (Universidade Autónoma de Madrid). Master in International Affairs (Wáshington University). Na actualidade compaxina a súa actividade como consultor de marketing en Positioning Systems e como asesor técnico do Foro de Marcas Renombradas Españolas, coa docencia universitaria como profesor de Marketing Internacional e a dirección do Master en Dirección Internacional de Empresas na Universidade Carlos III. Tamén dirixe o Master en Xestión de Empresas Internacionais de (CECO-Universidade Menéndez Pelayo) e colabora como docente en diferentes institucións. Ignacio Cruz Roche Doutor en Económicas (Universidade Autónoma de Madrid). Licenciado en Dereito (Universidade Complutense de Madrid). Licenciado en Ciencias Empresariais (ICADE). Actualmente é Catedrático de Comercialización e Investigación de mercados na Universidade Autónoma de Madrid e Vicepresidente do Observatorio da Distribución Comercial do Ministerio de Industria, Comercio e Turismo, e do Observatorio dos Prezos dos Alimentos do Ministerio de Agricultura. Foi Presidente Executivo de MERCASA ( ). Tamén, foi Director Xeneral de Política Comercial no Ministerio de Industria, Turismo e Comercio. Julio López Castaño Enxeñeiro Superior Aeronáutico e M.B.A. (Instituto de Empresa). Conta cunha experiencia de máis de 24 anos na dirección e xestión de negocios internacionais, vivindo en China durante 2 anos e medio como CEO de OSBORNE Greater China e Director Xeral de OSBORNE Asia. Anteriormente fora Director Xeral de Unidade de Negocio Internacional en esta mesma empresa, destacando, entre os múltiples postos que ocupou, os de Presidente de TOTAL ENERGY BUSINESS, Vicepresidente do Consello-Conselleiro Delegado do Grupo AVANZIT-EZENTIS, Director Xeral Internacional de ALDEASA-WDF, Subdirector Xeral de ENDESA Marketplace e Director de España e Portugal de SHELL.

6 Profesorado Fernando Maudo Arranz Master en Dirección de Empresas e Master en Comercio Exterior (CECO, ICEX). Licenciado en Dereito e Diplomado en Ciencias Empresariais (Universidade Pontificia de Comillas). Actualmente é Director Xeral de VENTA-PRIVÉE España, e Conselleiro e Consultor de varias empresas téxtiles. Foi Director Xeral e Conselleiro Delegado de CARAMELO e de CORONEL TAPIOCA e Director Comercial do Grupo INDUYCO (El Corte Inglés) e Director de Área do Grupo INDITEX. Foi Asesor de Comercio Exterior e Xefe da Sección de Relacións Internacionais na Cámara de Comercio e Industria de Madrid. Miguel Ángel Otero Simón Master en Comercio Exterior e Licenciado en Ciencias Empresariais (Universidade de Santiago de Compostela). Posgrao Development in International Business Studies (Universidade de Carolina do Sur). Actualmente é Director do Master de Dirección e Xestión de Comercio Exterior (MASCOMEX) e Profesor de Comercialización e Investigación de Mercados na Universidade de Santiago de Compostela. A súa experiencia profesional desenvolveuse en empresas de diferentes sectores produtivos como as telecomunicacións (Televés), a alimentación (Donuts-Panrico), a banca (Banco Urquijo) e o turismo (Globalia). Foi Fundador e Socio Director de ECOGESTION Consultores e GALEXPORT Consultores Internacionais, onde implantou proxectos de expansión internacional para medio centenar de empresas. Ángel Roselló Conde Licenciado en Ciencias Económicas e Empresariais (Universidade Complutense de Madrid). Diplomado en Dirección de Empresas de Transporte Internacional e Diplomado en Estudos das Comunidades Europeas (Centro de Estudios Comerciais-CECO). Desenvolveu a súa longa traxectoria profesional na Cámara de Comercio de Madrid onde ocupou numerosos postos sempre vinculados á internacionalización e á promoción do comercio exterior: Director de Turismo e Servizos, Subdirector de Comercio Exterior, Secretario da Comisión de Comercio Exterior, Xefe do Servizo de Documentación. Foi coordinador do Plan Cameral. Jaime Sánchez Fraga Master en Dirección e Xestión de Comercio Exterior e Licenciado en Políticas (Universidade de Santiago de Compostela). Master en Negocios Internacionais (Fundación CECO, ICEX). É Director Internacional de Ventas en DEÓLEO, empresa na que anteriormente foi director de exportación, subdirector de exportación, International Sales Manager, Export Sales Representative Latin América, Export Sales Intern. Tamén desempeñou o posto de Foreign Trade Intern na embaixada Española en Estocolmo e de International Sales Intern en Financiera Maderera (FINSA).

7 Fase 2. Plan de internacionalización Na segunda fase, de entre as empresas participantes no programa formativo seleccionaranse, en función do grao de cumprimento e avaliación da primeira fase, un máximo de sete empresas, ás que se lle asignará un profesor-titor que as orientará e guiará na realización da súa Folla de Ruta Internacional. Un equipo de estudantes do Mascomex elaborarán un plan de internacionalización para a compañía a partir dos datos proporcionados pola empresa e sempre contando coa implicación e participación da empresa, seleccionando os mercados obxectivo e elaborando unha estratexia comercial individualizada para cada unha delas. A elaboración deste Plan levarase a cabo en tres etapas: Selección de mercados obxectivo Nesta primeira fase do Plan de Internacionalización trátase de comparar os distintos países ou mercados do mundo, co obxectivo de identificar aqueles que presentan maiores oportunidades de negocio para a empresa, establecéndose un ranking de mercados prioritarios cara os que orientar a súa actividade internacional, de xeito que a empresa poida concentrar os recursos dos que dispón e os seus esforzos neles. Estudo de mercados obxectivo Nesta etapa realízase un detallado estudo do mercado prioritario que a empresa previamente seleccionou na fase anterior, incluídos os competidores, os factores determinantes da demanda, as distintas canles de comercialización do produto da empresa, e outros factores que poden incidir na súa comercialización. Plan de acción comercial Finalmente, comprendido o funcionamento do mercado, elaborarase un Plan de Acción Comercial, no que se proporán as estratexias máis axeitadas para abordar o mercado, así como os obxectivos comerciais e barreiras ou dificultades de acceso ao mesmo, e tamén as accións comerciais nun horizonte de 3 anos.

8 O curso terá un custo de reserva de matrícula de 250 *, que unha vez completada a formación se reintegrará descontando os gastos de xestión e taxas. Os alumnos poderán obter, previo o pago das taxas da Universidade, un título oficial tras finalizar o período formativo de curso de perfeccionamento en marketing internacional expedido pola Universidade de Santiago de Compostela por un total de 90 horas. O cumprimento do curso para o reintegro e a expedición do título está suxeito a asistencia mínima do 80% das horas formativas presenciais. Número de prazas limitado. Prazo de matrícula 19 de xaneiro *Equivalente ao 75% do custo total do curso por persoa (1.000 ), subvencionado pola Consellería do Mar (Fondo Europeo Marítimo e da Pesca) Pode consultar máis información: Cluster Alimentario de Galicia Tel: / Correo electrónico: international@clusaga.org