CONDICIÓNS DO SERVIZO INTERNET MÓVIL As presentes condicións de uso regulan o servizo de datos Internet y Conectividad Móvil (en diante o Servizo ) en calquera das súas modalidades, incluíndo as modalidades abertas comercialmente, todas as modalidades pechadas comercialmente pero que os clientes teñen aínda contratadas e o servizo BlackBerry en calquera das súas modalidades, que Telefónica Móviles España, S.A.U. (en diante MOVISTAR), con domicilio social en Ronda de la Comunicación s/n, edificio Sur 3, 28050 de Madrid, España, ofrece aos seus clientes Movistar (en diante os Usuarios ). A utilización do Servizo por parte do Usuario supón a aceptación das seguintes Condicións de Uso. OBXECTO A través deste Servizo, MOVISTAR pon á súa disposición a posibilidade de conectarse a Internet/Intranet a través da rede móbil Movistar cunhas condicións tarifarias especiais. A velocidade máxima esperada do Servizo está suxeita a dispoñibilidade de cobertura da rede Movistar e ás características soportadas polo dispositivo de acceso á rede móbil, segundo se indica a continuación: 1) A cobertura móbil dispoñible pode ser 2G, 3G ou 4G, segundo sexa a tecnoloxía do acceso radio utilizada pola rede Movistar nos seus diferentes emprazamentos. Dependendo da intensidade de sinal recibido e da actividade doutros usuarios próximos, a velocidade real da conexión fluctuará por debaixo da máxima velocidade alcanzable. 2) A tecnoloxía soportada polo terminal de acceso á rede móbil determina o tipo de cobertura á que cada dispositivo pode conectarse. Os dispositivos utilizados poden ser compatibles coas tecnoloxías 2G, 3G e 4G. Ademais, poden limitar a máxima velocidade alcanzada polo Usuario en función das súas especificacións técnicas. Movistar comprométese a tentar dar a máxima velocidade posible en cada momento. Actualmente, pódese esperar unha velocidade máxima en 3G+ de 21 Mbps en baixada e de 5,7 Mbps en subida1. A velocidade da navegación indicada é sempre a velocidade máxima do servizo en condicións ideais, e esta depende de varios factores: do terminal de acceso, da zona de cobertura, da aplicación e da situación de carga da rede. A tecnoloxía 2G constitúena os equipos de rede e dispositivos compatibles co estándar GSM/GPRS e a súa evolución EDGE. Á súa vez, a tecnoloxía 3G está baseada nas especificacións do sistema UMTS e as melloras incorporadas por HSPA. Por último, a cuarta xeración da telefonía móbil ou 4G está baseada na tecnoloxía LTE e a súa evolución. 1 En Tarifas pechadas comercialmente con velocidades superiores non se modifican as condicións. 1
Todas elas son tecnoloxías especificadas polos organismos competentes de estandarización internacional. En 4G espérase dispor da máxima velocidade teórica dispoñible en cada momento segundo a situación de rede nese emprazamento. A velocidade máxima esperada é de 20 Mbps de subida e de 40 Mbps de baixada. A dispoñibilidade do servizo 4G está suxeita aos mecanismos de activación automática do servizo 4G baseados na identificación dos móbiles compatibles coa tecnoloxía 4G e, en última instancia, á activación dese servizo por parte do usuario nas canles dispoñibles. MOVISTAR aplica a seguinte política de xestión da velocidade da conexión a internet tanto para o envío como a recepción de datos móbiles: Máxima velocidade desde o comezo do período de facturación até alcanzar a franquía de datos contratada. Máxima velocidade para os casos de ampliación de franquía mediante a contratación de produtos específicos. Consumida a franquía de datos contratada e, no seu caso, a ampliación de franquía, máxima velocidade en modalidade de pago por uso até un límite adicional de datos. Unha vez consumidos, e nesta orde segundo os servizos contratados, os datos da franquía, os correspondentes á ampliación de franquía e os datos adicionais en modalidade de pago por uso, a velocidade da conexión de datos redúcese significativamente, permitindo finalizar as conexións en curso e proporcionado un uso básico do Servizo. Nestas condicións, o acceso a internet desde o móbil queda limitado ao uso de aplicacións que requiren pouco ancho de banda, como por exemplo as aplicacións de mensaxería de texto. No caso particular do servizo Datos Compartidos, a redución de velocidade prodúcese cando se consumen as franquías de todas as liñas dadas de alta no servizo. A velocidade restablecerase á calidade orixinal o día de comezo do novo período de facturación da modalidade contratada2. A velocidade reducida non depende da cobertura, é a mesma para 2G, 3G e 4G. 2 O período de Xestión de Velocidade coincide co ciclo de facturación do cliente (entre os días 18 e 17 do mes anterior á factura) para todas as tarifas, salvo para as Tarifas Planas iphone, iphone Plus e iphone Premium, para as cales o período de Xestión de Velocidade está comprendido entre os días 1 e 31 do mes anterior á factura. 2
Nalgunhas tarifas3, manterase a velocidade máxima orixinal salvo nos casos puntuais en que se produza conxestión de rede4. Nese caso a redución de velocidade será só temporal, polo período de tempo que dure a conxestión. A política de Xestión de Velocidade non aplica a conexións por Wifi en Zonas ADSL Wifi de Telefónica. As presentes condicións só son válidas en territorio nacional. USO CORRECTO DO SERVIZO O Usuario comprométese a utilizar o Servizo de conformidade coa Lei, as presentes Condicións de Uso, a moral, os bos costumes xeralmente aceptados, a orde pública e, en xeral, a facer un uso axeitado do Servizo de conformidade coa finalidade para a que foi posto á súa disposición. O usuario comprométese a non utilizar o Servizo para fins ilícitos ou que poidan lesionar dereitos de terceiros ou que de calquera forma, poidan danar, prexudicar ou deteriorar o Servizo, os equipos informáticos, a propiedade así como a imaxe de MOVISTAR ou de terceiras persoas. O Usuario non poderá revender o Servizo. Por tanto, o Usuario non poderá explotar comercialmente o Servizo e obter un rendemento económico, directo ou indirecto pola revenda do Servizo ou dalgunha das súas capacidades ou funcionalidades. Permítese o intercambio de tráfico de voz sobre IP (VoIP) nas tarifas: Internet 45, Internet Multidispositivo 35 e 45, Internet Multidispositivo Corp 22, 25, 35 e Vip, Internet Smartphone Corp 19 e Vip, Plana Internet Maxi e Plana Internet 40 e 45. En caso de conxestión de rede, ao tráfico correspondente a P2P e portais de descargas directas poderíaselle dar menor prioridade que aos restantes tipos de tráfico. As políticas de priorización dos diferentes tráficos de usuario dependen do tipo de tarifa contratada, tendo as seguintes tarifas maior nivel de prioridade: Internet 45, Internet Multidispositivo 35 e 45, Internet Multidispositivo Corp 22, 25, 35 e Vip, Internet Smartphone Corp 19 e Vip, Plana Internet Maxi e Plana Internet 40 e 45. En caso de uso abusivo do Servizo, MOVISTAR resérvase o dereito de reposicionar ao Usuario na modalidade tarifaria máis axeitada ao seu patrón de uso do servizo, previo o seu consentimento e sen prexuízo de calquera outra que este poida considerar máis conveniente de entre as dispoñibles comercialmente. 3 Empresa Datos 6GB, Internet 45, Internet Multidispositivo 35 e 45, Internet Multidispositivo Corp 35 e Vip, MIT 45, Plana I nternet 45, Plana Internet Maxi, Tarifa Plana 1GB e Tarifa Plana 3,5G. 4 MOVISTAR considera que hai conxestión de rede cando consumen tráfico de datos de forma simultánea un número elevado de usuarios nunha mesma zona de cobertura reducida. 3
MOVISTAR, en ocasións de conxestión e/ou baixada de velocidade nas tarifas, pode modificar o código das páxinas servidas aos clientes co único obxectivo de mellorar a súa experiencia de usuario (por exemplo, optimización de imaxes e etiquetas http, para diminuír o tempo de carga das páxinas). O Usuario comprométese a non utilizar o Servizo coa finalidade de almacenar, distribuír ou difundir imaxes ou contidos que: atenten ou poidan atentar contra os dereitos fundamentais e liberdades públicas das persoas; incite á violencia ou a actuacións delituosas, realicen apoloxía do terrorismo, sexan infames ou difamatorios; sexan discriminatorios por razón do sexo, raza, idade, crenzas ou condición; sexan pornográficos, degradantes, atenten contra a mocidade ou a infancia ou, en xeral, contrarios á Lei, á moral e aos bos costumes ou á orde pública; infrinxa dereitos de propiedade intelectual ou industrial de terceiras persoas; sexa contrario á intimidade persoal e familiar ou á propia imaxe das persoas. MOVISTAR resérvase o dereito de suspender ou interromper definitivamente o servizo que presta ao cliente nos casos anteriores de uso indebido, así como en calquera outros que impliquen un uso distinto do contemplado nestas Condicións ou á finalidade para a que o Servizo foi posto a disposición dos Usuarios. DESCONTO POR SER CLIENTE DE MOVISTAR ADSL OU MOVISTAR FIBRA ÓPTICA A promoción consiste nun desconto de 5 /mes (6,05 IVE incl.) sobre a cota mensual da Tarifa Plana de Internet contratada (Tarifa Plana Internet 15, Tarifa Plana Internet 20, Tarifa Plana Internet 25, Tarifa Plana Internet 35, Tarifa Plana Internet 40, Tarifa Plana Internet 45). Ese desconto aplicarase a clientes que teñan xa contratados, ou contraten, os servizos Movistar ADSL (bajo tecnología ADSL, ADSL2plus ou VDSL) ou Movistar Fibra Óptica prestados por Telefónica de España, S.A.U. O desconto de 5 /mes (6,05 IVE incl.) sobre a cota da Tarifa Plana Internet móbil seralle aplicado a condición de que manteña dado de alta o Servizo Movistar ADSL ou Movistar Fibra Óptica. En calquera caso, se a data de alta non coincide co comezo do período de facturación do usuario, o desconto a aplicar prorratearase até axustala a ese período. O número máximo de liñas móbiles que o cliente pode asociar ao seu Servizo Movistar ADSL ou Movistar Fibra Óptica, é de 10 liñas móbiles de contrato. Esas liñas móbiles deberán ter o mesmo titular e/ou mesmo enderezo de facturación que o enderezo de instalación do Servizo Movistar ADSL ou Movistar Fibra Óptica. PROTECCIÓN DE DATOS TELEFÓNICA DE ESPAÑA E TELEFONICA MOVILES ESPAÑA (en diante MOVISTAR) infórmanlle que a aplicación do Servizo esixe que os seus datos persoais sexan comunicados entre as dúas empresas coa única finalidade de poder verificar que cumpre as condicións da promoción de DESCONTO POR SER CLIENTE DE MOVISTAR ADSL OU MOVISTAR FIBRA ÓPTICA. Por todo iso, a contratación do Servizo implica o seu consentimento á cesión dos seus 4
datos entre esas empresas, todo iso de conformidade co establecido na Lei Orgánica 15/1999, de Protección de Datos de Carácter Persoal, e normativa de desenvolvemento. Así mesmo, MOVISTAR garante a adopción das medidas necesarias para asegurar o tratamento confidencial deses datos e infórmalle da posibilidade de exercitar, conforme a esa normativa, os dereitos de protección de datos, dirixindo un escrito, ben a Telefónica de España. Ref. Datos. Apartado de Correos 46.155-28080 Madrid, ou a Telefónica Móviles. Ref. Datos. Apartado de Correos 56-48080 Bilbao. 5