Remítese nota informativa correspondente aos asuntos tratados na reunión da Comisión Paritaria de seguimento do acordo de PRL e da reunión do Comité Intercentros de Seguridade e Saúde Laboral, celebrados ambos, o 18 de xullo de 2012: COMISIÓN PARITARIA DE SEGUIMENTO DO ACORDO DE PRL Reunión ordinaria do 18 de xullo de 2012 1.- LECTURA E APROBACIÓN, SE PROCEDE, DA ACTA DA SESIÓN ANTERIOR. Apróbase por unanimidade a acta da sesión anterior. 2.- PRESENTACIÓN DOS NOVOS MEMBROS DA COMISIÓN. Debido a adhesión da CIG ao acordo sobre dereitos de participación do persoal ao servizo da Administración da Xunta de Galicia en materia de prevención de riscos laborais xunto coas organizacións sindicais presentes CSI-F, CCOO e UXT, procede a presentación do nomeamento nesta comisión paritaria aos membros que designou a CIG. Dado que non acode ningunha representación por parte da CIG, non procede a súa presentación e pásase ao seguinte punto da orde do día. 3.- ADAPTACIÓN DOS COMITÉS DE A ACTUAL ESTRUTURA DA XUNTA DE GALICIA. Tal e como establece o artigo 10 do acordo sobre dereitos de participación do persoal ao servizo da Administración da Xunta de Galicia en materia de PRL, correspóndelle á comisión paritaria de seguimento e interpretación do acordo, á adaptación e modificación dos comités relacionados no seu anexo cando existan cambios na estrutura orgánica da Administración da Xunta de Galicia. Dado o cambio existente consecuencia da fusión das Consellerías de Educación e Cultura, así como as 1
de Medio Rural e Mar, acórdase modificar o anexo do acordo en canto aos comités de seguridade e saúde laboral, do seguinte xeito: 1. Créase un único Comité de Seguridade e Saúde Laboral da Consellería de Cultura, Educación e Ordenación Universitaria en substitución dos antigos Comités existentes para cada consellería, quedando conformado do seguinte xeito: Censo Delegados de Prevención Funcionarios Laborais Funcionarios Laborais 596 398 4 3 Composición Comité Delegados de Prevención Representantes da empresa 7 7 7 2. En canto ás Consellerías de Medio Rural e Mar, mantéñense os mesmos comités e distribución, e só se procederá a un cambio na súa denominación, debido as especialidades e funcións específicas que realizan cada un deles. 4.- DESGLOSE DO ANEXO DOS COMITÉS DE EDUCACIÓN Proponse para a súa modificación no anexo do acordo de PRL o desglose dos comités de Educación tal e como se recolle no recadro da seguinte folla. CSI-F solicita que esta proposta se valore, estude e se formalice por parte do Comité Intercentros de Seguridade e Saúde Laboral de ensino, e unha vez debatida e analizada por parte dese órgano, se remita á Comisión Paritaria para a súa proposta definitiva de aprobación ou desaprobación. Así, a Comisión Paritaria acepta a solicitude de CSIF, polo que a aprobación ou desaprobación desta proposta queda supeditada a formalización definitiva que propoña o Comité Intercentros de Seguridade e Saúde Laboral de ensino. 2
3
5.- DEBATE SOBRE A REDUCIÓN DO NÚMERO DE MEMBROS DESTA COMISIÓN Coa finalidade de facer mais organizativa, racional, operativa e funcional a Comisión Paritaria de Seguimento do Acordo en materia de PRL, proponse reducir o número de membros desta comisión, pasando a designar cada organización sindical un único membro en vez dos tres que existían na actualidade, e en consecuencia, reducindo proporcionalmente tamén o número de representantes por parte da Administración. CSIF maniféstase a favor desta proposta ao igual que o resto dos membros da Comisión Paritaria, polo que se aproba esta proposta, quedando conformada a referida Comisión Paritaria de Seguimento do Acordo en materia de PRL do seguinte xeito: - 4 representantes por parte da parte sindical (1 por cada OO.SS) - 4 representantes por parte da Administración COMITÉ INTERCENTROS DE Reunión ordinaria do 18 de xullo de 2012 1.- LECTURA E APROBACIÓN, SE PROCEDE, DA ACTAS Nº31 E Nº32 DO 2012. Procédese á aprobación por unanimidade as actas 31 e 32 do 2012, logo de ser incluídas as alegacións remitidas pola CSI-F. 2.- PRESENTACIÓN E DEBATE SOBRE DOS DATOS DE SINIESTRABILIDADE DO PRIMEIRO SEMESTRE DESTE ANO Remítese como anexo a esta nota informativa os datos de siniestrabilidade do primeiro semestre do ano. CSIF, tendo en conta o referido informe, expón as seguintes apreciacións e consideracións: 1. Que os diferentes índices de siniestrabilidade mostran un incremento dos accidentes con respecto ao mesmo período do ano 2011, e incluso do 2010, entendendo que a consecuencia deste incremento pode ser debido a falta de cumprimento e seguimento das diferentes medidas correctoras que se inclúen nos distintos plans preventivos. 4
Por tal motivo, CSIF PROPÓN QUE SE INCLÚAN NOS PLANS DE PREVENCIÓN ELABORADOS POLO SPR DA XUNTA A OBRIGATORIEDADE POR PARTE DOS RESPONSABLES DOS CENTROS XESTORES DE EMITIR UN INFORME AOS RESPECTIVOS COMITÉS DE SEGURIDADE E SAÚDE LABORAL SOBRE O GRAO DE CUMPRIMENTO DAS MEDIDAS CORRECTORAS QUE SE RECOLLAN NOS RESPECTIVOS PLANS PREVENTIVOS. Acéptase por unanimidade esta proposta, polo que o Servizo de Prevención da Xunta de Galicia, incluirá na documentación referente aos plans preventivos esta obrigatoriedade así como a proposta dun modelo de informe para a súa entrega aos diferentes comités de seguridade e saúde laboral. 2. CSIF solicita información sobre o motivo polo que a investigación de accidentes nos Servizos Centrais e nas provincias da Coruña e Pontevedra ronda o 80%, mentres nas provincias de Lugo e Ourense é practicamente a metade. A representante do SPR da Xunta infórmanos de que indagará sobre as posibles causas e nos informará nunha vindeira xuntanza. 3. Agradecemos ao SPR da Xunta que presentase un desglose dos accidentes por Consellería e posto de traballo tal e como ten solicitado CSIF nunha anterior xuntanza, pois permite unha análise moito mais exhaustiva e detallada da siniestrabilidade. Así, pódese observar como existen determinados postos na Consellería de Traballo e Benestar (aux.enfermería, coidador/a, camareiro/a limpador/a) e na Consellería de Medio Rural e do Mar (Peón SPDCIF) no que o número de accidentes é altamente superior ao do resto de postos, polo que solicitamos que se teñan en conta estes datos para incidir nas medidas preventivas e correctoras que afectan a este tivo de actividades. 3.- DEBATE SOBRE A AFECTACIÓN NA SAÚDE LABORAL DO ARTIGO 2 DA LEI 1/2012, DE MEDIDAS TEMPORAIS EN DETERMINADAS MATERIAS DO EMPREGO PÚBLICO, DA COMUNIDADE AUTÓNOMA DE GALICIA. O artigo 2 da Lei 1/2012 estableceu unhas novas regras para proceder ao aboamento do complemento por incapacidade temporal para o persoal incluído dentro das Administracións e entidades incluídas no seu ámbito de aplicación. CSI-F, no seu momento, xa rexeitou negociar as medidas contempladas en todo o articulado desta lei por consideralas abusivas, discriminatorias e contrarias aos dereitos e condicións laborais adquiridos polos empregados públicos. Así, CSI-F xunto co resto de OO.SS presentes no ámbito da Función Pública Galega, presentou conflito colectivo contra a referida lei, e en concreto e no que atinxe ao artigo 2, por entender que esta regulación legal entra en contradición material co disposto no artigo 30 do V Convenio Colectivo. Dito o anterior e ao marxe da aprobación da referida lei e da pendencia xurídica referida, CSI-F entende que baseándose na Lei de prevención de riscos laborais e o resto da normativa que a 5
desenvolve, a aplicación da Lei 1/2012 pode xerar determinados riscos e afectacións na saúde laboral para aqueles casos nos que se produzan alteracións ou continxencias na saúde non imposibilitantes de asistencia ao traballo. Así, o artigo 128 da LXSS considera unicamente situacións determinantes de IT as seguintes: - As debidas a enfermidade común, profesional, accidente laboral e non laboral, MENTRES O TRABALLADOR REQUIRA ASISTENCIA SANITARIA e ESTEA IMPEDIDO PARA O TRABALLO. - Os períodos de observación de enfermidade profesional nos que se prescribe a baixa para o estudo e diagnóstico da enfermidade. Nestes casos, cabe a posibilidade de que o traballador se beneficie dunha prestación aínda cando non estea imposibilitado nin física nin psiquicamente para traballar. En consecuencia, só son situacións de IT aquelas situacións de enfermidade ou alteración da saúde que requiran asistencia sanitaria e imposibiliten o desenvolvemento do seu traballo. Nembargante, existen determinadas enfermidades ou continxencias na saúde que non imposibiliten a asistencia ao traballo que provocan riscos para a saúde dos propios traballadores, así como de outros traballadores ou usuarios dos centros e/ou unidades administrativas onde presten servizos estes, polo que SOLICITAMOS DO SERVIZO DE PREVENCIÓN DA XUNTA DE GALICIA UN ESTUDO/INFORME QUE ABRANGA: 1. A identificación e determinación dos casos e ámbitos, nos que os empregados públicos con enfermidades ou continxencias na saúde non imposibilitantes de asistencia ao traballo, pero que por razón da súa actividade poidan xerar riscos na seguridade e saúde dos propios usurios, doutros traballadores ou en si mesmos. 2. Un informe xurídico sobre as posibles responsabilidades administrativas, civís ou penais que se poidan derivar para a Administración no caso de producirse algunha situación de grave risco para a saúde dos traballadores e usuarios como consecuencia desta posible afectación 3. A elaboración, se procede, dun plan preventivo para a redución ou eliminación destes riscos nos que se recollan aquelas situacións que requiran a paralización temporal da actividade profesional, todo elo, sen prexuízo das retribucións íntegras que lles correspondan percibir aos traballadores A Administración entende e argumenta que esta proposta non corresponde ao ámbito da Seguridade e Saúde Laboral senón que é competencia de SAÚDE PÚBLICA, polo que se rexeita a proposta formulada. 6
4.- PRESENTACIÓN DOS NOVOS CARNÉS PARA OS DELEGADOS E DELEGADAS DE PREVENCIÓN. A Lei 31/1995, de 8 de novembro, de Prevención de Riscos Laborais establece que os delegados de prevención están facultados para acompañar aos técnicos de prevención nas tarefas de carácter preventivo, así como acompañar aos inspectores de traballo e seguridade social nas visitas que estes realicen aos diferentes centros de traballo. Do mesmo xeito, recolle a facultade para realizar visitas aos lugares de traballo e exercer a labor de vixilancia e control das condicións de traballo en representación dos traballadores e traballadoras. Así mesmo, O Artigo 3 da Resolución do 29 de decembro de 2010,da Dirección Xeral de Relacións Laborais,pola que se dispón a inscrición no rexistro e a publicación, no Diario Oficial de Galicia,do acordo sobre dereitos de participación do persoal ao servizo da Administración da Xunta de Galicia en materia de prevención de riscos laborais establece que os delegados de prevención e os representantes da empresa poderán dispor dun documento que os identifique como tal. O deseño deste documento, a súa confección, entrega, mantemento, seguimento e arquivo, coas variacións naturais por eleccións, baixas, altas, etc., será competencia e responsabilidade do Servizo de Prevención de Riscos Laborais a través do procedemento correspondente. Por tal motivo, dende CSIF, valoramos positivamente a expedición duns carnés acreditativos coa finalidade de garantir a identificación dos delegados de prevención naqueles centros e lugares de traballo precisos para o exercicio das súas funcións e/ou competencias. En consecuencia, apróbase a proposta do modelo de carné de delegado/a de prevención, que quedará configurado do seguinte xeito e cunha validez ata setembro de 2015: CSI-F, 20 de xullo de 2012. 7