LINGUA GALEGA E LITERATURA 2º BACHARELATO CURSO 2014-2015 Profesora: Valentina Formoso Gosende CONTIDOS MÍNIMOS ESIXIBLES a) Contidos comúns Lectura comprensiva, análise e comentario de textos de natureza diversa e cun nivel de dificultade adaptado ós obxectivos propios deste nivel. Resumo e esquema Produción de textos orais e escritos respectuosos coas regras de coherencia, cohesión, adecuación, presentación e corrección ortográfica. Elaboración de exposicións orais e composicións escritas realizadas de xeito documentado e cun vocabulario rigoroso. Lectura de libros literarios. b) Lingua e texto Propiedades do texto: a coherencia e a cohesión. A fonética e a fonoloxía. Descrición de fonemas. As variedades dialectais. Principais trazos fonéticos, morfolóxicos e sintácticos dos diferentes bloques e áreas dialectais. Estrutura e formación de palabras. Análise morfolóxica. Sintaxe: unidades e funcións sintácticas. Semántica: campos semánticos e relacións semánticas. Definición de palabras.
c) A sociolingüística As funcións sociais da lingua. Conflito e diglosia. Estereotipos e prexuízos lingüísticos: a súa repercusión nos usos. Historia da normativización: a construción da variedade estándar. Interferencias e desviacións da norma. Linguas minorizadas e linguas minoritarias. O galego: lingua en vías de normalización. O galego no 1º terzo do século XX: características lingüísticas e situación sociolingüística. O galego de 1936 a 1975: características lingüísticas e situación sociolingüística. O galego de finais do século XX e comezos do XXI: características lingüísticas e situación sociolingüística. d) A literatura A poesía do primeiro terzo do século XX: Irmandades e Vangardas A prosa do primeiro terzo do século XX: as Irmandades e o Grupo Nós O teatro do primeiro terzo do século XX: Irmandades, Vangardas e o Grupo Nós. A poesía entre 1936 e 1976: a Xeración de 1936, a Promoción de Enlace e a Xeración das Festas Minervais. A prosa entre 1936 e 1976: os renovadores da prosa e a Nova Narrativa Galega O teatro galego entre 1936 e 1976: a Xeración dos 50 e o Grupo de Ribadavia.
A literatura do exilio entre 1936 e 1976: poesía, prosa e teatro do exilio. Poesía de fins do século XX e comezos do XXI Prosa de fins do século XX e comezos do XXI Teatro de fins do século XX e comezos do XXI PROCEDEMENTOS E INSTRUMENTOS DE AVALIACIÓN Dado que o proceso de avaliación é continuo, terase en conta, á hora de avaliar ao alumnado, o seu rendemento diario nas clases. Valorarase positivamente a súa boa actitude, a súa capacidade de traballo e a súa participación activa no desenvolvemento das clases, así como todo tipo de iniciativas que complementen as actividades propias do curso. A avaliación por tanto non será unha simple comprobación dos contidos asimilados polo alumnado senón tamén unha constatación das súas actitudes e da súa disposición de traballo. Valorarase igualmente a capacidade expresiva á hora de transmitir os coñecementos adquiridos. Hai que ter en conta, por outra parte, que a avaliación debe referirse en grande medida aos progresos individuais realizados polo alumnado en relación consigo mesmo e non só en relación coa media do grupo. Intentarase daquela un seguimento o máis individualizado posíbel que teña en conta os avances realizados polo cada alumno/a a partir da súa situación inicial e tendo en conta sempre as súas limitacións ou condicionamentos particulares, tanto a nivel individual como do contexto familiar e social que se encontra. Para constatar a evolución do alumnado, esencialmente nos campos de adquisición de procedementos e coñecementos e de desenvolvemento da capacidade expresiva, realizarase por regra xeral unha proba escrita por avaliación.
Estas probas terán similitudes co exame de Selectividade. Para a cualificación das mesmas valorarase especialmente, sen menosprezo das cuestións teóricas que se poidan presentar, o dominio activo da lingua. En cada avaliación vai haber unha serie de actividades que o alumnado debe realizar pola súa conta fóra das aulas: comentarios, exercicios variados de fonética, semántica, sintaxe, morfoloxía e unha serie de exposicións orais, a maioría arredor de temas de sociolingüística ou das lecturas realizadas. Como norma xeral, requirirase a realización de dúas lecturas por trimestre. Os títulos indícanse no apartado do Proxecto Lector. Na avaliación destas lecturas valorarase o grao de desenvolvemento da competencia comunicativa e todos os contidos comúns que correspondan. Os instrumentos de avaliación serán diversos e adecuados cada un á obra escollida para cada trimestre (informe, proba escrita ao xeito tradicioal, cuestionario na Aula Virtual, creación literaria propia, exposición oral ) Non superarán o curso os/as alumnos/as que non alcanzasen minimamente os obxectivos propostos para cada nivel de avaliación. CRITERIOS DE CUALIFICACIÓN 1. Para facilitar a adquisición de contidos conceptuais, realizarase unha proba escrita sempre ao final de cada avaliación que suporá o 80% da nota global do trimestre, é dicir, 8 puntos sobre 10. De realizarse máis dunha proba nunha mesma avaliación, indicarase que porcentaxe de nota representa cada unha delas no seu momento, pero o resultado final sempre vai supoñer o 80% da nota da avaliación. Repetirase un exame só cando exista xustificante médico ou algunha causa de forza maior debidamente xustificada. 2. Para mostrar as destrezas comunicativas o alumnado deberá realizar Exposicións orais en cada avaliación que terán na cualificación de cada trimestre un valor máximo dun 10%, é dicir, até 1 punto sobre 10.
En caso de un/unha alumno/a non realizar a exposición correspondente en cada trimestre, non poderá obter un aprobado na avaliación da materia, pois non acadaría os contidos mínimos. Cada trimestre organizarase a orde das exposicións e só se mudará o día e/ou a quenda que lle tocar a cada discente cando exista xustificante médico ou algunha causa de forza maior debidamente xustificada. 3. Para acadar unha avaliación positiva, o alumnado terá que realizar as lecturas obrigatorias que se lle encomende durante o curso. Este apartado suporá o 10% na nota global do trimestre, é dicir, até 1 punto sobre 10. En caso de que un/unha alumno/a non lese un libro no prazo esixido, terá suspensa a avaliación e deberá dar conta desta lectura no exame da seguinte avaliación (Proba escrita de contidos explicada na epígrafe 1). As obras lidas a maiores voluntariamente serán tidas en conta na nota de cada avaliación e na avaliación final. 4. A avaliación será continua e esa continuidade percibirase claramente nos procedementos que o/a alumno/a empregue no día a día: competencia comunicativa, lingüística, sociolingüística Será valorada a competencia do/a alumno/a tanto como a progresión que este poida acadar. Neste sentido, ademais das probas anteriormente descritas, vanse puntuar comentarios que a docente envíe para realizar dentro e fóra da aula, exercicios de gramática, xunto con artigos, textos ou calquera participación en actividades relacionadas coa lingua e a literatura galega que se propoñan por parte da profesora. Nas cualificacións das diferentes avaliacións e na nota final terase en conta toda esta manifestación de competencia comunicativa que pode chegar a sumar até 3 puntos sobre a nota obtida. 5. En todos os traballos entregados polo alumnado vanse aplicar os criterios de corrección vixentes para o exame de Selectividade. Poderanse descontar até 2 puntos por falta de competencia do/a alumno/a na
modalidade escrita, xa sexan os erros a nivel de ortografía coma de redacción, puntuación ou por composición. A superación destes erros durante o curso terase en conta polo/a profesor/a como positivo. 6. Unha actitude inadecuada na aula (por acción ou por omisión), a ausencia inxustificada máis de 1 vez nun trimestre así como o non emprego do galego na aula, tanto na relación co/a profesor/a coma cos/as compañeiros/as, será valorado negativamente. Por cada vez que algo disto suceda serán descontados 0,5 puntos, aínda que o máximo que se lle poida descontar das cualificacións será de 2 puntos. Desde o momento en que o/a alumno/a pase a empregar a lingua galega para se comunicar na aula con continuidade, asista regularmente e manteña unha actitude adecuada de cara ao seu proceso de ensino-aprendizaxe seranlle restituídos os puntos eliminados. Calquera exame poderá ter lugar fóra do horario lectivo ou ben poderá realizarse en dúas partes durante dous días lectivos. I. PROGRAMAS DE AULA PROGRAMACIÓN DE AULA - 2ºBACH. (1ª AVALIACIÓN) TRABALLO E ACTITUDE NA AULA (Suporá a suma de até 3 ptos ou a perda de até 2 ptos sobre a nota da avaliación) CONTIDOS 1. BLOQUE 1: CONTIDOS COMÚNS A. Resumos, esquemas e comentarios de texto B. Exposicións orais sobre textos literarios 2. BLOUE 2: LINGUA E TEXTO Propiedades do texto expositivo e argumentativo Fonética e fonoloxía Morfoloxía (formación de palabras, substantivo e adxectivo) 3. BLOQUE 3: A SOCIOLINGÜÍSTICA e Hª da LINGUA
II. O galego no 1º terzo do século XX: características lingüísticas fundamentais. Contexto histórico e situación sociolingüística. III. As funcións sociais da lingua. Conflito e diglosia IV. Estereotipos e prexuízos lingüísticos: a súa repercusión nos usos V. Linguas minorizadas e linguas minoritarias. O galego: lingua en vías de normalización (bosquexo) 4. BLOQUE 4: LITERATURA A literatura do primeiro terzo do século XX: (poesía, narrativa e teatro) EXPOSICIÓN ORAL Exposición oral individual sobre as lecturas realizadas ou cuestións de sociolinguística previamente preparadas. ou Debate en pequenos grupos sobre un tema que se propoña previamente DATAS: Entre o 1 de outubro e o 30 de novembro LECTURAS (PL) 1ª Lectura: Retrincos, Castelao 2ª Lectura: Memoria da choiva, Pedro Feijoo // DATA: Finalizadas: 30 de setembro e 14 de novembro. Outras Lecturas: Escollidas libre e voluntariamente da listaxe que figura na programación. Dará conta delas a través de entrevistas persoais e/ou de informes de lectura (max. 2) (A Avaliación deste labor voluntario darase por rematado 4 días antes da avaliación. Suporá un incremento na nota global do trimestre, sempre que no exame o/a discente acadase un 4) EXAME (A súa Cualificación suporá o 80% da nota global do trimestre, até 8 puntos sobre 10) DATA: Realización: 3 de decembro (1ª parte) 5 de decembro (2ª parte) PROGRAMACIÓN DE AULA PARA 2ºBACH. (2ª AVALIACIÓN)
I. TRABALLO E ACTITUDE NA AULA (Suporá a suma de até 3 ptos ou a perda de até 2 ptos sobre a nota da avaliación) 1. BLOQUE 1: CONTIDOS COMÚNS o Análise de textos e comentarios crítico e literario. o Exposicións orais sobre textos literarios 2. BLOUE 2: LINGUA E TEXTO o Propiedades do texto. o Variedades dialectais o Morfoloxía. Verbos, perífrases, pronome persoal, demostrativos... o Sintaxe: colocación do pronome. o Sintaxe: Unidades e funcións. Frases. Coordinación e subordinación 3. BLOQUE 3: A SOCIOLINGÜÍSTICA e Hª da LINGUA o Historia da normativización: a construción da variedade estándar. Interferencias e desviacións da norma. o O galego entre 1936 e 1975: características lingüísticas fundamentais. Contexto histórico e situación sociolingüística 4. BLOQUE 4: LITERATURA o A literatura entre 1936 e 1976 (poesía, prosa, teatro, lit. exilio) II. EXPOSICIÓN ORAL Exposición oral individual sobre as lecturas realizadas ou cuestións de sociolinguística previamente preparadas. ou Debate en pequenos grupos sobre un tema que se propoña previamente DATAS: Entre 13 de xaneiro e 27 de febreiro. III. LECTURAS (PL) 1ª Lectura: Agosto do 36 de X. Fernández Ferreiro
2ª Lectura: Poetízate (selección de poemas referidos ao período da postguerra DATA limite: 13 e 30 de xaneiro. Outras Lecturas: Escollidas libre e voluntariamente da listaxe que figura na programación. Dará conta delas a través de entrevistas persoais e/ou de informes de lectura (max. 2) (A Avaliación deste labor voluntario darase por rematado 4 días antes da avaliación. Suporá un incremento na nota global do trimestre, sempre que no exame o/a discente acadase un 4) IV. EXAME (A súa Cualificación suporá o 80% da nota global do trimestre, até 8 puntos sobre 10) DATA de realización: 10 e 13 de marzo.
PROGRAMACIÓN DE AULA PARA 2ºBACH. (3ª AVALIACIÓN) TRABALLO E ACTITUDE NA AULA (Suporá a suma de até 3 ptos ou a perda de até 2 ptos sobre a nota obtida na Avaliación) 1. BLOQUE 1: CONTIDOS COMÚNS o Análise de textos e comentario crítico. 2. BLOUE 2: LINGUA E TEXTO o Morfoloxía: numerais, indefinidos... o Semántica o Sintaxe: análise 3. BLOQUE 3: A SOCIOLINGÜÍSTICA e Hª da LINGUA o O galego de finais do século XX e comezos do XXI: características lingüísticas fundamentais. Contexto histórico e situación sociolingüística o Linguas minorizadas e linguas minoritarias. O galego: lingua en vías de normalización 4. BLOQUE 4: LITERATURA o A literatura de fins do século XX e comezos do XXI (poesia, prosa, teatro) EXPOSICIÓN ORAL Exposición oral individual sobre as lecturas realizadas ou cuestións de sociolinguística previamente preparadas. ou Debate en pequenos grupos sobre un tema que se propoña previamente DATAS: Entre o 7 de abril e o 15 de maio LECTURAS (PL)
1ª Lectura: Poetízate (selección de textos actuais) 2ª Lectura: Unha obra de literatura actual a escoller entre a listaxe do Proxecto Lector DATA: Finalizadas: 28 de abril Outras Lecturas: Escollidas libre e voluntariamente da listaxe que figura na programación. Dará conta delas a través de entrevistas persoais e/ou de informes de lectura (max. 2) (A Avaliación deste labor voluntario darase por rematado o 6 de maio. Suporá un incremento na nota global do trimestre, sempre que no exame o/a discente acadase un 4 EXAME (A súa Cualificación suporá o 80% da nota global do trimestre, até 8 puntos sobre 10) DATA: Realización: 12 e 15 de maio