SOLICITUDE DE ORZAMENTO PARA A CONTRATACIÓN DA CREATIVIDADE E PRODUCIÓN DUN VÍDEO PROMOCIONAL DA CIDADE DA CORUÑA 1.- OBXECTO DO CONTRATO O obxecto da presente convocatoria é a contratación da creatividade e produción dun vídeo promocional da cidade da Coruña para o Consorcio de Turismo e Congresos (en diante o Consorcio). 2.- DESCRICIÓN DOS TRABALLOS A REALIZAR Os traballos a realizar incluirán aspectos tales como a creatividade, deseño, guión, dirección, produción, edición, música ou locución. As empresas deberán achegar propostas centradas na produción de : 1 audiovisual cunha duración de entre 3-5 minutos. 1 audiovisual cunha duración de entre 1-2 minutos, como resumen máis axil e dinámico. O traballo deberá exporse sempre desde un punto de vista turístico, buscando a atemporalidade na medida do posible. Unha proposta audiovisual que amose a cidade de A Coruña a través dun plantexamento innovador que realce ou seu carácter multiexperiencial (cultura, congresos, náutica, gastronomía, ambiente, comercio, mar..) poñendo en valor a súa idiosincrasia marítima e atlántica. Todas as gravacións serán orixinais. No caso de incluír a proposta algún tipo de narración que acompañe ás imaxes esta será elaborada pola adxudicataria, así como as súas correspondentes traducións. Os idiomas serán castelán, galego e inglés. A empresa adxudicataria deberá garantir que as versións en idiomas serán realizadas por tradutores e locutores nativos. Deberá incluír tamén a opción de subtítulos para facilitar a súa comprensión por persoas con capacidade auditiva limitada. 1
A posible banda sonora que se empregue deberá ser orixinal e/ou contar cos dereitos de autor correspondentes. Deberanse incluír a marca A Coruña e os seguintes logotipos: Concello da Coruña, Deputación da Coruña e Turismo da Coruña. Unha vez adxudicada a contratación, calquera modificación nas características do proxecto aceptado deberá ser aprobada previamente polo Consorcio. 3. SOPORTES A ENTREGAR Serán entregados os videos por duplicado en alta calidade, en formato profesional, así como todos os brutos editables grabados con motivo da produción. Entregarase tamén por duplicado copia en formato compatible con medios online. Os licitadores deberán indicar en qué formatos comerciais e técnicos entregarán o traballo para o seu posterior uso. O Consorcio resérvase o dereito de pedir ao adxudicatario as conversións de formato que sexan oportunas para a súa correcta distribución. 4.- DEREITOS DE PUBLICACIÓN, IMAXE E DIFUSIÓN O Consorcio será propietario da creatividade, unha vez adxudicada, así como de todos os conceptos, imaxes e ideas que integren a mesma, reservándose o formato orixinal de produción e a facultade de levar a cabo cantas reproducións, modificacións ou adaptacións considere convenientes para a súa difusión, exhibición ou calquera forma de divulgación, cedendo a empresa adxudicataria todos os dereitos de propiedade sobre a creatividade de referencia, con carácter exclusivo e sen limitación temporal ou especial algunha. O adxudicatario non poderá empregar para si mesmo, nin para terceiros, dato algún sobre o traballo contratado, nin publicar total ou parcialmente o seu contido sen autorización expresa do Consorcio. 2
5. - OBRIGACIÓNS DO ADXUDICATARIO a) Responsabilidade: A empresa adxudicataria será responsable da calidade técnica dos traballos para desenvolver e das prestacións e servizos realizados, así como das consecuencias que se deduzan para o Consorcio, ou para terceiras persoas, das omisións, erros, métodos inadecuados ou conclusións incorrectas na execución do contrato. A empresa adxudicataria asumirá calquera responsabilidade civil subsidiaria que poida derivarse da prestación do servizo. b) Organización: A empresa adxudicataria deberá dispoñer dos elementos materiais e humanos suficientes para a debida execución do contrato, así como do material necesario, levando a cabo en tempo e forma os servizos para prestar. c) Imaxes: As imaxes han de posuír calidade visual e técnica. Han de ser de carácter promocional e pensadas para un uso turístico. As imaxes realizadas pola empresa adxudicataria para a execución do presente contrato pasarán a ser propiedade do Consorcio para a súa libre disposición. En ningún caso poderanse empregar imaxes que impliquen unha responsabilidade legal polo seu uso. A empresa adxudicataria deberá entregar o correspondente documento que certifique o seu uso libre de dereitos sen prexuízo por dereitos de imaxe. A empresa adxudicataria deberá garantir que o material entregado non infrinxe os dereitos de terceiros, en particular os de propiedade intelectual e industrial e os dereitos á propia imaxe, asumindo os danos e prexuízos que o incumprimento desta obrigación poida comportar ao Consorcio. d) Dereitos de propiedade intelectual: Todos os dereitos de propiedade intelectual e de copyright que se poidan derivar dos traballos obxecto deste contrato pasarán a ser propiedade do Consorcio. e) Confidencialidade e datos de carácter persoal: Todos aqueles datos que puidese coñecer a empresa adxudicataria en relación cos servizos contratados, enténdense confidenciais, debendo gardar a identidade e o segredo dos mesmos. 3
f) Sancións: Cando a empresa adxudicataria incorrese no incumprimento dalgún dos requisitos esixidos, o Consorcio resérvase o dereito de adoptar as sancións que procedan ou rescindir o presente contrato, non recoñecendo indemnización algunha. 6.- CONTIDO DAS OFERTAS - Oferta económica. O orzamento presentado deberá contemplar todos os aspectos correspondentes para a execución final do traballo.. - Proposta técnica. As empresas deberán describir na súa proposta o desenvolvemento da metodoloxía da produción. As empresas deberán presentar un anteproxecto do servizo ofertado, mediante unha memoria explicativa detallada: presentación da liña creativa que se propón e xustificación. As propostas poderán ser presentadas con guión, ficha técnica, story board ou calquera outro procedemento que se considere para a mellor comprensión da proposta presentada. - Plan de rodaxe e calendario de traballo. Equipo tecnolóxico e infraestruturas técnicas postas ao servizo do proxecto. Cada licitador non poderá presentar máis dunha proposta. 7. REQUISITOS MÍNIMOS DE PARTICIPACIÓN As empresas deberán achegar a descrición do seu equipo técnico e instalacións, así como equipo humano que intervirá na realización do audiovisual, con expresión da súa experiencia na execución de traballos similares ao da presente contratación, incluíndo exemplos dos mesmos. 8.- PRAZO DE EXECUCIÓN DO CONTRATO O adxudicatario deberá entregar o traballo finalizado na primeira quincena de abril do ano en curso, salvo indicación contraria por parte do Consorcio. 4
9. IMPORTE DA CONTRATACIÓN Para a adxudicación deste contrato disponse de crédito por importe de QUINCE MIL EUROS (15.000 ), ive incluído, non podendo superar ningunha das ofertas que se presente esta cantidade. 10. CRITERIOS DE ADXUDICACIÓN Para a súa adxudicación teranse en conta os seguintes criterios: 1.- Mellor oferta económica... Máximo 55 puntos 2.- Mellor proposta técnica... Máximo 45 puntos Descrición dos criterios 1.- A oferta económica valorarase a través da seguinte fórmula: Aplicarase un criterio de proporcionalidade respecto da oferta máis reducida, á que se lle atribuirá a puntuación máxima, 55 puntos, calculando a puntuación (P) das demais tendo en conta a seguinte fórmula: P= 55 x (oferta máis económica / oferta a valorar) 2.- Mellor proposta técnica: Para a valoración da mellor proposta técnica terase en conta a oferta que no seu conxunto mellor adáptese ás características técnicas expostas: metodoloxía, liña creativa, orixinalidade e impacto, guión/story board, cronograma... 10.- PRAZO, FORMA E LUGAR DE PRESENTACIÓN DAS OFERTAS A proposta irá dirixida ao Consorcio de Turismo e Congresos. A oferta económica deberá contemplar: 5
IVE desagregado. En caso de estar exento, deberá indicar o precepto legal que establece dita exención. CIF da empresa que realiza a proposta, así como a firma do representante legal, con indicación do seu nome, apelidos e DNI. Na oferta figurará o selo da empresa. A proposta deberá ser entregada en sobre pechado na sede do Consorcio sita na Rúa Sol Edificio Sol s/n 15003 (A Coruña), en horario de 8 a 13 horas. O prazo para a recepción das ofertas finalizará o vindeiro 3 de marzo ás 12:00 horas. A Coruña, 22 de febreiro de 2017 6