ESCOLA OFICIAL DE IDIOMAS DE PONTEVEDRA BIBILIOTECA FREI MARTÍN SARMIENTO EOI de Pontevedra R/ Celso Emilio Ferreiro, s/n. 36005 Pontevedra Tel.: 986 833 018 GUÍA DO/A USUARIO/A A biblioteca: un lugar de encontro. Achégate e goza aprendendo idiomas.
CANDO ESTÁ ABERTA A BIBLIOTECA A biblioteca permanecerá aberta todos os días lectivos de 9:00 a 21:30 h O horario de empréstito, devolución e formalización de carnés pódese consultar no taboleiro da biblioteca ou a través da páxina web da escola. ZONAS DA NOSA BIBLIOTECA A biblioteca está formada polas zonas de: recepción e información; multiteca ou zona de consulta de documentos audiovisuais e Internet; sala de estudo e a zona de materiais bibliográficos por idiomas. Hai documentos que son de libre acceso (dicionarios, enciclopedias...) que poden collerse directamente dos andeis. Os que están depositados nas vitrinas estarán accesibles cando haxa profesorado de garda. ATENCIÓN! Os documentos de libre acceso deben ser devolvidos ao andel de que foron retirados unha vez se deixan de usar. COMO ESTÁN ORGANIZADOS OS FONDOS O arquivo contén fondos bibliográficos en soporte papel (libros de texto e de lectura, dicionarios, gramáticas, cómics ), material audiovisual (VHS, DVD, CD-Rom ), material audio (casetes, CD ), publicacións periódicas e revistas en todas as linguas que se imparten. Así mesmo, hai material de Inglés a distancia (That s English!) e un fondo de películas en V.O.S. Os fondos están organizados por idiomas. Cada estantería posúe un rótulo que identifica os libros (por exemplo, libros de lectura graduados, gramáticas, audiovisuais ) COMO PODO LEVAR UN LIBRO PARA CASA O servizo de empréstito da biblioteca ofrécese de xeito gratuíto a todo o alumnado matriculado na EOI de Pontevedra, calquera que sexa a modalidade de ensino. Para seres usuario/a da biblioteca só tes que ter o carné da escola (coa sinatura de Secretaría) e seguir estes pasos: Vén á biblioteca e enche a folla de solicitude cos teus datos; Recolle o carné de usuario/a; Presenta o carné cando queiras levar materiais para a túa casa. O profesorado de garda quedará co teu carné e ti, cos materiais escollidos. Recuperarás o carné cando os materiais sexan devolvidos.
DOCUMENTOS OBXECTO DO SERVIZO DE EMPRÉSTITO 1. Son susceptibles de seren prestados a maioría dos materiais bibliográficos. 2. De forma xeral, quedarán excluídos: enciclopedias, tomos soltos... DURACIÓN E CONDICIÓNS DO EMPRÉSTITO 1. Poderán retirarse un máximo de tres exemplares durante un período de 10 días, renovables por un período de igual duración. 2. Para renovar os exemplares cómpre ir á biblioteca dentro do prazo do empréstito. 3. O alumnado é responsable do material que pediu en empréstito até ese material ser efectivamente devolvido polos profesores no programa de xestión da biblioteca. Isto inclúe o material que se deposita no armario de devolucións. 4. Existe unha caixa de devolucións no interior da biblioteca. Nela pode depositarse o material que se quer devolver SÓ CANDO NON HAXA NINGUNHA PERSOA DE GARDA. Se houber profesorado de garda, serán este o que recolla o material e efectúe a devolución. 5. Penalizaranse as persoas que non devolvan os exemplares no prazo, retirándolles o carné da biblioteca até regularizar a situación. 3. As gardas da biblioteca acaban cinco minutos antes do cambio de hora. OUTROS SERVIZOS - Espazo de novidades e exposicións temporais - Puntos de lectura exteriores nos corredores da escola (Recuncho da lectura) - Consulta do catálogo da biblioteca en opacmeiga desde calquera ordenador: http://www.opacmeiga.rbgalicia.org - Espazo wifi para usuarios/as rexistrados/as - Biblioteca dixital e mediateca - Actividades culturais e de dinamización
Para rematar, queremos lembrarvos que esperamos as vosas propostas a través da caixa de suxestións ou do correo-e: plambe.eoipontevedra@gmail.com (dinamización da biblioteca) biblioteca.eoipontevedra@gmail.com (xestión da biblioteca) E se queredes estar a par de todas as actividades da biblioteca, visitade o noso blog: http://www.bibliotecaeoipontevedra.blogspot.com.es/
Agardámos a vosa visita e saudámosvos desde todos os departamentos da Escola Oficial de Idiomas de Pontevedra: willkommen bienvenue benvido welcome benvenuto bem-vindo