Como buscar no catálogo?

Transcripción

1 GUÍA DO CATÁLOGO Como buscar no catálogo? Os resultados Imprimir / Gravar / Exportar Outras opcións dende o catálogo Perseo é o catálogo da Biblioteca Universitaria de Vigo e describe todos os documentos que forman parte da súa colección coma libros, revistas, audiovisuais etc. Pódese consultar dende calquera ordenador conectado a Internet, pero para acceder aos recursos electrónicos subscritos pola Biblioteca só se pode facer dende ordenadores conectados á rede da Universidade. Como buscar no catálogo? Na pantalla inicial hai dúas opcións de busca: Busca directa (sobre Toda a colección, Revistas ou Teses da UVI ) Busca asistida na que dispós dunha breve axuda sobre como buscar en cada opción (Palabra clave / Autor / Título...). Se buscas un documento concreto, escolle unha das seguintes opcións: AUTOR: cando coñezas o nome do autor/a do documento; introduce primeiro os apelidos e logo o nome. TÍTULO: introduce as primeiras palabras do título; se non as sabes con exactitude busca por Palabra clave. AUTOR E TÍTULO: cando coñezas poucos datos do autor e do título, podes combinar estes datos buscando por esta opción.

2 TÍTULO REVISTA: cando coñezas o título da revista que queres localizar. Se buscas documentos sobre un tema, podes buscar por Materia ou Palabra clave: MATERIA: están en castelán e son asignadas polo persoal bibliotecario para describir o contido do que trata o documento. Por exemplo, se buscas "Recursos humanos", atoparás a relación de materias que conteñen este termo, e onde poderás escoller a entrada que máis se axeita ao que queres: Así, se prememos na Materia "Recursos humanos" aparece a lista de documentos que tratan sobre esa Materia en concreto E se prememos no título dun dos documentos vemos que ten asignada como materia

3 "Recursos humanos" PALABRA CLAVE: localiza as palabras en calquera lugar da descrición do documento; se buscamos "Recursos humanos" pero por Palabra clave vemos que, neste caso, busca esta dúas palabras en toda a descrición do documento, aínda que non teña estes termos como materia. Se buscas por Palabra Clave a través da Busca asistida tes a posibilidade de realizar a busca en campos concretos (Autor, Título, Materia..), combinar varias palabras usando operadores boleanos (E / OU, E NON) e de limitala por outros criterios como data, lingua, tipo de material etc. Os resultados

4 Se na túa busca obtés máis dun resultado verás un listado no que se indica para cada documento: UBICACIÓN: biblioteca/s onde se ubica SIGNATURA: código que sinala onde se atopa o documento dentro da biblioteca ESTADO: informa se está dispoñible ou prestado (neste caso da a data na que ten que ser devolto) CONDICIÓNS DE PRÉSTAMO: préstamo normal, fin de semana ou consulta en sala Preme no título que che interesa para ver máis datos e/ou exemplares do documento. A descrición das revistas é diferente á dos libros

5 Os principais datos que aparecen na descrición dunha revista son: Título/s: título principal da revista e outros títulos polos que poda ser coñecida. Datos de publicación: editor, ano en que empezou a editarse, etc. Premer para acceder a: enlace á revista electrónica; nalgúns casos pódese acceder ao texto completo, noutros só aos sumarios e/ou resumos. Ubicación: biblioteca/s na que se atopa a revista en papel. Signatura: localización da revista dentro da biblioteca. Na biblio: indica os anos que hai da revista en papel na biblioteca. Último recibido: para ver cal é o último número recibido Imprimir / Gravar / Exportar Cando queiras gardar algún rexistro dunha listaxe de documentos terás que marcalos para seleccionalos, e despois premer no botón "Gardar os rexistros marcados para exportarlos". A continuación preme na icona e entrarás nunha pantalla onde aparecen os rexistros previamente gardados, e dende onde poderás imprimilos, envialos por correo-e ou gravalos. Outras opcións dende o catálogo Na pantalla principal do catálogo hai enlaces a outra serie de opcións como: Ver rexistro de usuario/a: permite acceder ao teu rexistro de usuario/a da biblioteca. Para poder entrar tes que te identificar co teu nome, código de barras e contrasinal. Se entras por

6 primeira vez e non tes contrasinal, preme en Non teño pin e segue as instrucións para crealo. Unha vez que accedas ao teu rexistro de usuario/a poderás: Consultar os libros que tes en préstamo e as datas de devolución correspondentes Renovar eses préstamos Cancelar reservas Consultar o teu historial de préstamos Crear alertas do teu interése: dende a pantalla do teu rexistro de usuario preme na opción "Buscar no catálogo" e executa unha busca. Dende a pantalla de resultados garda a busca premendo no botón "Gardar busca". Cando voltes ó teu rexistro de usuario verás creada unha nova opción "Buscas preferidas". Se a premes, desprégase a táboa coas buscas gardadas. Para recibir a alerta por correo-e marca a casilla "Marcar para enviar por mail" e despois pulsa "Actualizar listado". Bibliografía recomendada: permite buscar as obras que recomendan os profesores/as para preparar as súas asignaturas. A busca pode facerse polo nome da asignatura en galego ou polos apelidos do docente:

7 Recursos electrónicos: da acceso ás bases de datos, revistas e libros electrónicos. Novas adquisicións: para ver as últimas obras adquiridas polas bibliotecas. Buzón de suxestións: para facer chegar á biblioteca as túas ideas, suxestións e mesmo queixas. Tamén podes propor a compra de obras. Catálogos doutras bibliotecas: permite consultar á vez varios catálogos doutras bibliotecas, españolas e estranxeiras. Blog da Biblioteca: para estar ao día das últimas novas sobre a biblioteca