MANUAL DO BIBLIOTECARIO

Transcripción

1 MANUAL DO BIBLIOTECARIO [versión 2, act. 17/11/2014] REXISTRO DE USARIOS GaliciaLe REXISTRARSE EN GaliciaLe Como se identifica un usuario para entrar en GaliciaLe

2 0.Introdución O presente manual constitúe unha guía que inclúe os pasos precisados para o rexistro dun usuario en GaliciaLe,e as incidencias que se puideran producir. Como punto de partida, ademais de estar en posesión do carné dunha das bibliotecas públicas da Rede, para entrar en calquera dos dous catálogos de GaliciaLe o usuario precisa: - Un número de usuario de GaliciaLe que se forma a partir dos díxitos do NIF ou NIE. Por exemplo: NIF: R O sistema toma: Se o usuario non ten NIF ou NIE, o sistema xera un número aleatorio. - Un contrasinal. Este manual amosa os pasos que debe seguir o bibliotecario nos seguintes casos: 1. O usuario non ten carné de biblioteca e quere obter as claves de GaliciaLe. 2. O usuario xa ten carné de biblioteca e quere obter as claves de GaliciaLe. 3. O usuario xa ten a súas claves pero quere cambiar o seu contrasinal de GaliciaLe. 4. O usuario xa ten a súas claves pero esqueceu o seu número de usuario de GaliciaLe. 5. O usuario xa ten a súas claves pero esqueceu o seu contrasinal de GaliciaLe. 6. O usuario é un adulto que non ten NIF nin NIE. 7. Posibles incidencias relativas ao rexistro e autenticación de usuarios en GaliciaLe. 2

3 Para os casos 1 e 2, o bibliotecario deberá ter en conta o seguinte: Os novos usuarios de biblioteca desde o mesmo día 14/10/2014 en adiante (provincias de Coruña, Lugo e Ourense) e desde o mesmo día 16/10/2014 en adiante (provincia de Pontevedra) deberán ser rexistrados polos propios bibliotecarios en Os usuarios anteriores ás datas enriba indicadas deberán rexistrarse eles mesmos en: coa excepción das entidades, que deberán ser rexistradas polo bibliotecario en 1. O usuario non ten carné de biblioteca e quere obter as claves para GaliciaLe Un dos requisitos indispensables para poder acceder a GaliciaLe é ter o carné dunha das bibliotecas públicas da Rede. No caso de novos usuarios da biblioteca será o bibliotecario quen tramite o rexistro en GaliciaLe. Para proceder ao mesmo tes que ir ao seguinte enderezo do panel de rexistro: Aquí debes introducir o teu usuario e contrasinal de administración do panel de rexistro, que son os mesmos cos que accedes a Ler Conta Moito. Se non te lembras destas claves ou en caso de non dispor delas, ponte en contacto co CAU e facilitaranche unhas. Novos datos de contacto do CAU: cau-periferico@xunta.es ;

4 Unha vez dentro do panel de rexistro, é necesario que comprobes que o usuario non está dado de alta previamente en GaliciaLe (pode que xa se rexistrase en GaliciaLe anteriormente a través doutra biblioteca). Se cubres os datos e o usuario xa foi dado de alta a través doutro centro, o sistema non che permitirá continuar. Para evitar facer este traballo innecesariamente, recomendámosche que realices a busca por apelidos no cadro que aparece na parte superior da pantalla. Se o usuario non está na base da datos, terás que crealo premendo sobre Usuarios. En Novo usuario elixe a categoría Entidade, Adulto ou Infantil segundo corresponda (para GaliciaLe imos considerar adulto ao usuario que teña os catorce anos cumpridos). 4

5 Aquí abrirase unha ficha de usuario que debes cubrir. Os campos marcados en vermello son obrigatorios. 5

6 No campo Biblioteca hai un combo no que aparecerá seleccionado o nome da túa biblioteca (o programa relaciona univocamente as túas claves de administrador do panel para que no combo apareza o teu centro por defecto). É moi importante que sempre que o usuario teña NIF ou NIE enchas este campo. Se o usuario non ten NIF ou NIE o campo debe quedar en branco. O correo electrónico debe ser único para cada usuario (non debe ser compartido con outros lectores). Os campos Número de usuario son auto. É dicir, non se poden cubrir xa que o sistema crea este número automaticamente a partir do NIF ou NIE. No caso dos usuarios sen algún destes documentos, ao quedar o campo correspondente baleiro, o programa xerará un número de usuario aleatorio para GaliciaLe. Recomendámosche que non cubras o campo contrasinal xa que o sistema crea un e o envía ao usuario por correo electrónico (a propia mensaxe dálle a opción de cambialo). Cando teñas todos os datos cubertos, lembra premer no botón Gardar que aparece na parte inferior da pantalla. Terás creado un novo usuario para a plataforma do préstamo do libro electrónico GaliciaLe. O sistema enviaralle ao lector un correo electrónico co seu usuario e contrasinal e coa posibilidade de modificar este último. 6

7 Para os usuarios infantís, abrirase unha ficha igual que a anterior. Introduce o NIF ou NIE no caso de que o neno teña un destes documentos. Se non, deixa o campo en branco e o sistema xerará un número de usuario aleatorio. Lembra que o correo electrónico debe ser único para cada lector, xa sexa adulto ou infantil, polo que os nenos deben ter un enderezo de correo propio asociado a eles. A ficha para dar de alta aos usuarios infantís incorpora un recadro máis para relacionar o lector infantil cun adulto. Todos os usuarios infantís deben ter asociado un usuario adulto. Premendo en procura dun usuario a relacionar na parte inferior da pantalla anterior, abrirase unha nova ventá. Nela podes buscar ao adulto titor por apelidos ou número de carné da biblioteca. 7

8 O sistema darache unha listaxe de usuarios atopados segundo os termos de procura. Só terás que premer en seleccionar na persoa que corresponda. O programa levará os seus datos automaticamente á ficha do usuario infantil. Se o adulto responsable non está na base de datos, é necesario que introduzas os datos correspondentes ao NIF/NIE, nome e apelidos e relación co menor. Segue cubrindo os datos da ficha e preme o botón Gardar. Terás creado un novo usuario para a plataforma do libro electrónico Galiciale. Cando este usuario pase, ao cumprir os 14 anos, á categoría de adulto, o programa fará o cambio automaticamente. Para rexistrar a un usuario Entidade, os campos Apelidos, Data de nacemento etc. desaparecen e mantense unicamente o campo Nome para que introduzas o nome da entidade. Na parte inferior da ficha, atoparás un recadro para facer constar os datos identificativos do representante da entidade que consideres oportunos (nome, apelidos, NIF ou NIE, información de contacto ). 8

9 É moi importante ter en conta que deberás dar de alta aos usuarios Entidade no panel de rexistro, aínda que o seu carné sexa anterior á data da carga indicada no inicio deste manual. 2. O usuario xa ten carné de biblioteca e quere obter as claves de GaliciaLe Os usuarios que teñas actualmente na túa biblioteca (con carné de usuario anterior ás datas da carga indicadas ao inicio deste manual) terán que rexistrarse eles mesmos a través de páxina Aquí cubrirán os datos que se lles solicita (precisan o seu número de carné da biblioteca). No primeiro campo tan só teñen que introducir a súa localidade e abrirase un despregable coas bibliotecas existentes: 9

10 Unha vez o usuario escolle a súa biblioteca, ten que introducir os datos correspondentes aos seguintes campos: Cando o usuario é recoñecido pola aplicación, desprégase unha pantalla cos datos restantes xa cubertos: 10

11 Aparecerán baleiros o campo NIF/NIE, o destinado ao correo electrónico e os de contrasinal e código de verificación. Os campos nos que non aparece o termo Obrigatorio en vermello son opcionais. Deste xeito, cando o usuario se rexistra, é necesario que cumprimente o seu NIF ou NIE se é un adulto ou un neno con este documento. No caso dos 11

12 adultos, o sistema recoñece que se trata dun maior de idade e se a persoa non enche este campo o sistema avísao. Se se trata dun adulto sen NIF ou CIF (por exemplo, só con pasaporte), incluíuse unha mensaxe na páxina advertindo de que debe acudir á biblioteca. No caso de usuarios infantís sen NIF ou NIE, o sistema xerará un número aleatorio. O campo para o correo electrónico aparece baleiro para que o usuario introduza un enderezo que empregue habitualmente. Aparece repetido para evitar erros ao transcribilo. Se o enderezo non coincidise, o sistema avisa ao usuario. No campo contrasinal, o usuario pode introducir un mínimo de cinco caracteres. Finalmente, o campo Verificación solicita ao usuario que introduza o código que aparece na parte inferior. Cando o usuario cumprimenta todos os campos (se deixa algún obrigatorio sen cubrir o sistema non lle permitirá continuar), recibirá un correo no que se inclúen os seus datos de número de usuario e contrasinal e unha ligazón para confirmar. Unha vez prema en Confirmar estará activado para poder entrar en GaliciaLe. Se non realiza este paso final non poderá facelo. Para os usuarios infantís (os que non cumpriran os catorce anos) que se rexistren por esta vía, aparecerán uns campos novos para que os cubra o adulto responsable dese menor. Lembra que os usuarios Entidade non poden rexistrase na páxina de rexistro de usuarios aínda que o seu carné sexa anterior á data da carga indicada ao inicio deste manual, polo que deberás dalos de alta no panel de rexistro 12

13 3. O usuario xa ten a súas claves pero quere cambiar o seu contrasinal de GaliciaLe Se é un novo usuario pode cambiar o contrasinal desde o propio correo de benvida. Todos os usuarios (tanto os que ti rexistras como os que se rexistran eles mesmos) teñen a opción de modificar o seu contrasinal en: Esta ligazón está dispoñible en galiciale.es. 4. O usuario xa ten a súas claves pero esqueceu o seu número de usuario de GaliciaLe Lembra que o número de usuario de Galiciale correspóndese cos díxitos do DNI (sen a letra). Se o usuario non ten NIF nin NIE, debe consultar o número de usuario que lle xerou o sistema e que recibiu no correo de benvida cando realizou a alta en GaliciaLe. Se non conserva ese correo dirixirase a ti para que consultes na base de datos de usuarios do panel de rexistro de bibliotecario e lle facilites o seu número. Lembra que podes buscar por apelidos ou por número de carné da biblioteca. Atoparás o número de usuario de GaliciaLe na ficha deste: 13

14 Toda esta información está dispoñible para o usuario nas páxinas de galicia.ebiblio.es e catalogo.galiciale.es nas seccións Manuais de usuario e preguntas frecuentes. 5. O usuario xa ten a súas claves pero esqueceu o seu contrasinal de GaliciaLe O usuario que esqueceu o seu contrasinal pode recuperalo introducindo o seu número de usuario de GaliciaLe en: Esta ligazón está dispoñible en galiciale.es. Lembra que se o usuario está en posesión dun NIF ou dun NIE, o seu número de usuario de GaliciaLe correspóndese cos díxitos destes pero sen a letra final. Se non ten NIF ou NIE, é preciso que escriba o número de usuario que recibiu no correo de benvida a GaliciaLe. Se o usuario non lembra o seu número de usuario nin conserva o correo de benvida, dirixirase a ti. Neste caso deberás entrar na ficha do usuario na base de datos do panel de rexistro de bibliotecario e facilitarlle o seu número de usuario seguindo os pasos do apartado anterior. Con ese dato, o usuario poderá entrar en e obter un novo contrasinal. 6. O usuario é un adulto que non ten NIF nin NIE Se é un novo usuario sen carné de biblioteca e sen NIF nin NIE, debes introducir os seus datos do panel de rexistro de bibliotecario deixando en branco o campo NIF/NIE para que o sistema xere un número de usuario aleatorio. 14

15 Recomendámosche que non cubras o campo contrasinal xa que o sistema crea un e o envía ao usuario por correo electrónico (a propia mensaxe dálle a opción de cambialo) Se se trata dun usuario que xa ten carné e non está en posesión dun NIF ou NIE, unha mensaxe na páxina de rexistro diríxeo á biblioteca para que lle tramites ti a alta xa que non pode proseguir co rexistro. É necesario que busques ao usuario na base de datos do panel de rexistro do bibliotecario Unha vez localizado, debes premer en Editar. Despregarase a pantalla para que a cubras cos datos do usuario. Deixa o campo NIF/NIE en branco para que os sistema asigne un número de usuario aleatorio. Unicamente neste caso no que o usuario adulto non ten NIF nin NIE debes encher o campo contrasinal. Do contrario, o sistema crearía unha clave aleatoria que non poderás saber ti (porque aparece cifrada) nin o usuario (porque non se xera un correo informativo)*. Recomendámosche que asignes unha clave doada para transmitirlla ao usuario e que sempre lle aconselles que a modifique en: Esta ligazón está dispoñible en galiciale.es. Ao final da pantalla atoparás un apartado chamado Identificadores adicionais para que introduzas o número de pasaporte e a procedencia do usuario que 15

16 non ten NIF nin NIE. Deste xeito, e no caso extremo dalgunha coincidencia nos nomes e apelidos de varios usuarios, estes quedarán identificados univocamente. * O envío automático deste correo non é tecnicamente posible actualmente. Tentaremos que o sexa nun futuro. 7. Posibles incidencias relativas ao rexistro e autenticación de usuarios en GaliciaLe Se un usuario afirma que non se pode rexistrar na páxina o bibliotecario deberá facer as seguintes comprobacións: a) A data na que o lector se fixo o carné da biblioteca. Se é posterior ás datas de carga, ten que rexistralo o propio bibliotecario na páxina b) A coincidencia entre o nome e apelidos introducidos polo usuario para rexistrase e o nome e apelidos que constan na base de datos de lectores do Sistema Integrado de Xestión Bibliotecaria da biblioteca. Por exemplo, se o usuario introduce no campo Nome María Luisa e no programa de xestión da biblioteca o bibliotecario introduciu Mª Luisa, o lector non poderá darse de alta porque os datos non son coincidentes. Será o bibliotecario quen indique ao lector como ten que introducir o seu nome para poder rexistrarse. c) Se o usuario é anterior ás datas de carga e está introducindo o seu nome e apelidos tal e como constan no programa de xestión bibliotecaria da biblioteca, o bibliotecario remitirá a incidencia ao CAU Se un usuario se rexistrou e non pode entrar coas súas claves, o bibliotecario deberá facer as seguintes comprobacións: a) No caso de que o usuario se rexistrara a través de debe validar os seus datos confirmando a mensaxe que recibiu no seu enderezo de correo electrónico despois de 16

17 cumprimentar todos os campos do rexistro. É necesario que o faga para que o sistema o recoñeza. b) O bibliotecario confirmará co usuario que este introduce correctamente as súas claves. c) Se un usuario, ao querer iniciar a súa sesión en calquera dos dous catálogos, visualiza unha mensaxe do tipo non ten permiso para realizar esta acción, significa que o sistema bloqueouno. Aínda que xa se solucionou a anomalía que provocaba este erro, no caso de que se volvera producir o bibliotecario ten que entrar no panel de rexistro e na ficha do usuario, dentro do apartado Restricións do usuario e premer en Limpar data. d) Se non se da algunha das anteriores circunstancias, o bibliotecario remitirá a incidencia ao CAU Se un usuario introduciu incorrectamente o seu enderezo de correo electrónico ao rexistrarse en o procedemento será o seguinte: a) O sistema de rexistro xerará un ficheiro cos datos daqueles lectores aos que non se puido facer entrega da mensaxe de correo electrónico. b) O bibliotecario recibirá un aviso para que contacte co usuario, quen lle terá que facilitar un enderezo de correo electrónico válido. c) O bibliotecario editará a ficha do usuario no panel del rexistro corrixindo o enderezo de correo electrónico erróneo. 17

18 18