SICRI-2014 nunha ollada

Transcripción

1 Sistema de información sobre condutas de risco (SICRI) SICRI-2014 nunha ollada Resumo dos principais resultados da enquisa sobre condutas de risco na poboación galega realizada en Resultados máis polo miúdo en Táboas_SICRI-2014.pdf

2 Sobre este documento Este documento é un resumo dos principais resultados obtidos no SICRI do ano Este documento presenta nunha ollada información sobre diferentes condutas de risco para a saúde. Este documento non inclúe recomendacións nin reflexións sobre os resultados. A medida que haxa información mais detallada sobre algún dos temas tratados na enquisa darase conta neste documento, engadindo o sinal Máis polo miúdo. OLLO! débese ter en conta que os resultados do SICRI, por proceder dunha mostra da poboación, están sometidos á variabilidade que depende da mostraxe. A diferenza do que ocorre cos documentos aos que se pode acceder premendo Máis polo miúdo, neste documento non se fai explícita por cuestións de espazo.

3 Sobre o SICRI O sistema de información de condutas de risco (SICRI) ten como obxectivo principal identificar a presenza que teñen na poboación galega diferentes factores de risco para a saúde. Empezou a súa andaina no ano 2005 e dende entón realizáronse 4 estudos máis, nos anos 2006, 2007, 2010, 2011 e 2014.

4 Sobre o SICRI-2014 Ámbito Xeográfico: Galicia Poboacional: Residentes de 16 anos en diante Temporal: 2014 Tamaño da mostra: individuos Mostraxe: Aleatoria estratificada a partir da base de Tarxeta Sanitaria Recollida de información: Enquisa telefónica asistida por ordenador (CATI) Período de realización do estudo: enquisas mensuais entre xaneiro-decembro de 2014 Garántese a representatividade dos datos obtidos en homes e mulleres en 4 grupos de idade: 16-24, 25-44, e 65 e máis. Máis polo miúdo

5 Temas tratados no SICRI-2014 Percepción do estado de saúde Consumo de tabaco Exposición ao fume ambiental de tabaco Gastroenterite: estimación da prevalencia Uso de servizos sanitarios Dieta Horas de sono Consumo de alcohol Coñecemento de leis sobre consumo de tabaco e alcohol Percepción do peso e talla Sedentarismo

6 Os galegos perciben que o seu estado de saúde é bo A saúde autopercibida é unha aproximación útil ao nivel de saúde de unha poboación. PERCEPCIÓN DO ESTADO DE SAÚDE O 51% dos galegos consideran ter bo estado de saúde; isto é, din que o seu estado de saúde é bo ou moi bo. A percepción de bo estado de saúde diminúe ao aumentar a idade. O sexo é condicionante da saúde percibida en Galicia. Entre a poboación de 65 en diante o 34% das mulleres perciben mala ou moi mala saúde fronte ao 20% dos homes.

7 Fuman tódolos días 2 de cada 10 galegos... O tabaco é o factor de risco evitable que máis mortalidade causa en Galicia. A idade media á que se empeza a fumar son os 20 anos. CONSUMO ACTUAL DE TABACO As prevalencias de consumo son máximas entre os anos (28%) e mínimas a partires dos 65 anos (6%). O 81% dos fumadores fuman tabaco rubio e o 17% picadura. O consumo medio de cigarros ao día (c/d) é de 13; similar entre os fumadores de negro (14 c/d) e de rubio (13 c/d). A 7 de cada 10 fumadores gustaríalles deixar de fumar e 2 de cada 10 están preparados para facelo. O 28% dos fumadores tentaron deixar de fumar no último ano. Os exfumadores levan 13 anos de media sen fumar. Nos máis novos este tempo é de 1,4 anos.

8 ... e 3 de cada 10 din estar expostos ao fume de tabaco O fume ambiental de tabaco (FAT) é o carcinóxeno ambiental mais estendido. PORCENTAXE DE EXPOSTOS AO FAT: DIARIO E OCASIONAL O 25% dos galegos din estar expostos, ben a diario ou de xeito ocasional, ao FAT. Non hai diferenzas entre a exposición en homes e en mulleres. Onde mais poboación declara estar exposta ao FAT é na casa (18%). Destaca que a exposición ao FAT diminúe coa idade.

9 2 de cada 10 fumadores fuman tabaco de lear Os fumadores galegos consumen maioritariamente cigarrillos rubios. CONSUMO EN FUMADORES A prevalencia de consumo de cigarrillos negros so é relevante a partir dos 45 anos. O consumo de picadura diminúe nos grupos de mais idade e destaca que case 3 de cada 10 fumadores de 16 a 24 anos fuman tabaco de lear. CONSUMO NA POBOACIÓN 1 de cada 150 galegos (uns ) fuman cigarrillos electrónicos. Destaca que persoas que se declaran nunca fumadoras ou exfumadoras din fumar cigarrillos electrónicos. CE: cigarrillos electrónicos

10 4 de cada 100 galegos din que tiveron gastroenterite aguda* A porcentaxe de galegos que di que tivo gastroenterite aguda (GEA) no mes anterior a participar no estudo, non debida a tratamentos farmacolóxicos ou a enfermidades crónicas, é semellante entre as mulleres (6,8%) e os homes (6,2%). PORCENTAXE DE GEA, DIARREA OU VÓMITOS * A prevalencia de GEA é mais alta, 8%, entre os consumidores de moluscos bivalvos crus. O 16% das persoas que teñen GEA acoden ao médico, sendo a proporción máis alta nas mulleres (18%) que nos homes (14%). * As porcentaxes fan referencia ao mes previo a participar no estudo

11 Os galegos prefiren a sanidade pública Nas últimas 4 semanas, un 33% dos galegos consultaron co médico de familia por un problema de saúde, e un 21% consultou cun médico especialista. ONDE CONSULTARON CANDO ENFERMARON Por debaixo dos 45 anos a porcentaxe de galegos que consultaron co médico de familia foi do 25% e por riba dos 65 anos do 48%. A porcentaxe de galegos que consultan co especialista aumenta coa idade e pasa do 15% entre os 16 e 24 anos ao 26% nos de 65 en diante. 95 de cada 100 persoas que consultaron ao médico de familia fixérono na sanidade pública. Esta porcentaxe aumenta a 98 de cada 100 na poboación de 65 e mais anos. ONDE CONSULTARÍAN SE ENFERMASEN 78 de cada 100 persoas que consultaron ao especialista fixérono na sanidade pública. Esta porcentaxe aumenta a 88 de cada 100 na poboación de 65 e mais anos.

12 As mulleres galegas din tomar mais froita e verduras 8 de cada 10 galegos din consumir como mínimo 1 peza de froita ao día. Esta porcentaxe é superior nas mulleres. Neste punto compre destacar que se inclúen tamén as pezas de froita que toman en zume. PORCENTAXE DE CONSUMO DE DIFERENTES ALIMENTOS A porcentaxe de galegos que di tomar verduras ou hortalizas a diario é menor que o que di tomar froita, en global non chega ao 60%. Neste punto tamén destaca que a porcentaxe de consumo de verduras e hortalizas é mais alto entre as mulleres. O 90% dos galegos din tomar peixe polo menos unha vez á semana. Neste caso, a porcentaxe de homes e de mulleres que declara consumo é similar.

13 Por termo medio os galegos dormen 7 horas e media ao día DISTRIBUCIÓN DAS HORAS DE SONO Os galegos dormen unha media de 7,3 horas diarias de luns a venres, e de 7,7 horas na fin de semana. Os homes dormen mais que as mulleres. Por termo medio a poboación de 16 a 24 anos durme 1 hora mais ao día tanto os días de semana como os fins de semana; así declaran durmir case 8 horas ao día de luns a venres e case 9 os sábados e domingos.

14 Moitos galegos din coñecer as Leis que regulan tabaco e alcohol No ano 2010 aprobáranso duas Leis importantes no ámbito da saúde pública. A Lei 42/2010 regulou o consumo de tabaco é, entre outros aspectos, prohibiu fumar en espazos públicos. Outra foi a Lei 11/2010 que establecía diferentes medidas para previr o inicio do consumo de tabaco en menores de idade. Ambas están vixentes na actualidade PORCENTAXE QUE COÑECE AS LEIS O coñecemento da existencia destas Leis é alto entre a poboación galega. Destaca a porcentaxe de mozos que din coñecer a Lei reguladora do consumo de alcohol.

15 Menos da metade dos galegos teñen o peso axeitado A obesidade é factor de risco de moitas enfermidades, especialmente das doenzas cardiovasculares. Un xeito doado de medila é a partir do Índice de Masa Corporal (IMC): kg/m 2. DISTRIBUCIÓN DO IMC DECLARADO O 16% dos galegos son obesos (IMC 30). Este dato é posiblemente unha estimación polo baixo do valor real, xa que se obtén a partir da información que dan os enquisados sobre o seu peso e talla. A poboación con baixo peso (IMC<18,5). concéntrase entre as mulleres mozas de 16 a 24 anos (10%). Entre a poboación de 45 anos en diante o máis frecuente é ter sobrepeso (IMC 25).

16 4 de cada 10 galegos son sedentarios A calquera idade, a práctica de exercicio físico ten beneficios sobre a saúde. DISTRIBUCIÓN DO SEDENTARISMO O sedentarismo en Galicia, obtido a partir do gasto enerxético semanal declarado pola xente sen un problema de saúde limitante, é máis elevado nas mulleres (42%) que nos homes (32%). Cando se pregunta polas actividades de lecer que fai a xente de xeito habitual ao largo do ano destaca pasear. Os deportes máis practicados nos homes son correr e o fútbol, entre as mulleres destacan nadar e as actividades aeróbicas como o aerobic ou o step.