REGULAMENTO DO CONSELLO DAS MAREAS

Transcripción

1 REGULAMENTO DO CONSELLO DAS MAREAS O Consello das Mareas adoptará un propio regulamento de funcionamento interno que detalle os aspectos que non están contidos nos estatutos de En Marea. DISPOSICIÓNS XERAIS DA DEFINICIÓN DOS ÓRGANOS 1. Definición 1.1 O Consello das Mareas é o máximo órgano de dirección política e executiva entre Plenarios. O Consello terá a competencia de executar as decisións do Plenario de En Marea, así como as decisións políticas urxentes que non poidan agardar a unha reunión do Plenario. Calquera decisión que supere o ámbito da execución de acordos doutros órganos deberá ser ratificada na seguinte reunión do Plenario. Os membros do Consello das Mareas terán dereito a compensacións establecidas por desprazamentos, dietas ou pernoctacións relacionadas coa súa actividade orgánica establecidas na Carta Financeira de En Marea. As relacións deste órgano cos demais serán de coordinación e dirección política, mais en ningún caso terán carácter xerárquico. 1.2 A Coordinadora do Consello das Mareas é o órgano permanente de coordinación do proceso. O seu traballo consiste en axudar a manter canles de comunicación fluídos entre os Grupos de Traballo entre si e cos Grupos institucionais, e velar pola integridade do proceso de confluencia tanto dentro como fora das institucións nos períodos entre plenarios. As relacións deste órgano cos demais serán de coordinación e dirección política, mais en ningún caso terán carácter xerárquico. 1

2 As persoas que conforman a Coordinadora terán dereito as compensacións establecidas por desprazamentos, dietas ou pernoctacións relacionadas coa súa actividade orgánica establecidas na Carta Financeira de En Marea. A Coordinadora terá a competencia para executar as decisións do Consello da Marea e do Plenario, así como para as cuestións operativas que non poidan agardar a unha reunión do Consello. Calquera decisión que supere o ámbito da execución de acordos de outros órganos deberá xustificar suficientemente a súa urxencia e necesidade, e posteriormente ser sometida a ratificación na seguinte reunión do Consello ou, no seu caso, do Plenario. 1.3 O idioma oficial do Consello e da Coordinadora en todos os ámbitos e actividades, individuais ou colectivas, é o galego. Así mesmo, na súa documentación. Cada unha das persoas da Coordinadora será responsable dalgunha das áreas que se integran dentro desas grandes áreas ou das áreas transversais: - Acción Estratéxica: Comunicación Relato Formación Relacións Políticas - Coordinación e Extensión: Administración e Finanzas Coordinación Interna e Extensión Territorial Ferramentas Metodoloxía e Coidadados. - Áreas transversais: 9. Feminización. 10. Municipalismo. 11. Relación cos movementos sociais. A interlocución cos grupos institucionais nos parlamentos correspondentes (ben co Consello en conxunto, ben coa Coordinadora), será asumida dentro das competencias da área de Relacións Políticas. A proposta de persoas responsables de cada unha das áreas deberá contar coa ratificación do Consello das Mareas. 2

3 DA COMPOSICIÓN DOS ÓRGANOS 2. Composición 2.1 O Consello das Mareas estará composto por 35 persoas elixidas polo procedemento establecido regulamentariamente tal e como establecen os Documentos de Vigo, das cales 18 coma mínimo, serán mulleres. 2.2 A Coordinadora do Consello das Mareas está composta por once persoas elixidas polo propio Consello das Mareas de entre as persoas que o conforman que exercerán cada unha, tanto a nivel externo como interno, unha responsabilidade nacional específica da que renderán contas ante o Consello das Mareas e ao Plenario de En Marea Todas as persoas que conforman a Coordinadora estarán integradas (ao igual que o resto de persoas que conforman o Consello das Mareas) nas áreas de Acción Estratéxica ou Coordinación e Extensión Voceirías: As voceirías serán colexiadas, paritarias e rotatorias (producíndose a rotación cada seis sexista.meses) e quedarán conformadas por dúas mulleres e un home. As voceirías non terán un sentido xerárquico ou de dirección. ntación e medios de expresión de calquera clase empregará unha linguaxe inclusiva e non sexista. 3

4 DAS COMPETENCIAS DOS ÓRGANOS 3. Funcións 3.1 O Consello das Mareas exercerá as seguintes competencias: Convocar formalmente o Plenario de acordo ca periodicidade e formulación establecidas nos documentos constituintes. Coordinar os Grupos de Traballo e Comisións que se creen e exercer aquelas competencias que lle sexan delegadas por mandato do Plenario. Aprobar o orzamento ordinario e, se é o caso, extraordinario, e facer seguimento da súa execución, rendendo contas da súa xestión ante o Plenario. Dirixir a política de administración e distribución dos recursos materiais, económicofinanceiros e o persoal dos grupos institucionais segundo os acordos de constitución de En Marea de xeito transparente, incluíndo un balance de ingresos e gastos detallado nos informes que esta comisión presente no plenario Elaborar propostas políticas e organizativas para a súa consideración no Plenario. Ratificar os plans de traballo da Coordinadora de En Marea. Analizar cando menos unha vez ao ano a situación socioeconómica e política, e propor as orientacións xerais para a acción política no seguinte período, acollendo as opinións e propostas daquelas institucións internas que coordina. O Consello asume a responsabilidade de crear as condicións para que todas as persoas que conforman o espazo teñan un lugar de encontro onde traballar, territorial e sectorialmente, xa sexa físico ou virtual, sen que elo implique unha inxerencia na autoxestión doutros organismos de En Marea. Promover xornadas ou editar documentos sobre as conclusións das comisións de traballo para que sexan difundidas en todo o espazo de confluencia. Exercer a representación pública da confluencia, diferenciada polo tanto das voceiras dos grupos institucionais, e representativa do conxunto do espazo. Facilitar a creación de redes que permitan o intercambio de propostas e axuda mutua entre as distintas mareas municipalistas, a petición destas. Constituír grupos de traballo, avaliando periodicamente as súas actividades. Estas comisións contarán con total autonomía para acometer e realizar calquera traballo dentro da súa competencia. Os acordos de ditos grupos de traballo deberán ser ratificados polo Consello das Mareas. Decidir sobre as cuestións políticas urxentes que se presenten entre reunións do Plenario das Mareas, dando conta destas na primeira sesión do mesmo. Presentar un informe de xestión anual ante o Plenario de En Marea. Orientar a actividade política dos grupos institucionais de acordo aos principios e programa da candidatura resolvendo canta controversia poida xurdir na acción política e institucional de En Marea. 4

5 Garantir a cohesión e funcionamento integral das diferentes partes que compoñen En Marea. As que expresamente se lle atribúan polos Estatutos ou regulamentos en vigor, así como as que lle sexan delegadas polo Plenario das Mareas. 3.2 A Coordinadora do Consello das Mareas exercerá as seguintes competencias: a) Representación orgánica de En Marea entre sesións do Consello das Mareas a través das súas voceirías. b) Relacións institucionais de En Marea delegadas polo Plenario ou o Consello. c) Elaborar propostas de carácter político e organizativo para a súa consideración polo Consello das Mareas ou o Plenario. d) Velar pola integridade do Proceso de Confluencia. e) Dirixir un gabinete técnico de apoio ás tarefas da Coordinadora e do Consello das Mareas. f) Elaborar e xestionar os orzamentos e as finanzas nacionais, así como a apertura e peche de contas bancarias. g) Presentar ao Consello das Mareas a proposta do seu Plan de Traballo entre plenarios e dar conta da xestión desenvolvida para a súa aprobación. h) Decidir sobre as cuestións urxentes que se presenten entre reunións do Consello das Mareas, dando conta destas na primeira sesión do mesmo, xustificando a necesidade e a urxencia das mesmas. i) Presentar un informe de xestión ante a Asemblea Nacional de En Marea. j) As que expresamente se lle atribúan polos Estatutos ou regulamentos en vigor, así como as que lle sexan delegadas polo Consello das Mareas dentro das súas competencias. 5

6 DA CONVOCATORIA E AS REUNIÓNS DOS ÓRGANOS 4. Convocatorias 4.1 Consello das Mareas a) O Consello das Mareas poderá ser convocado en calquera momento: a) A proposta de 3 ou máis persoas integrantes da Coordinadora b) A petición de 7 membros ou máis do Consello das Mareas b) En ningún caso poderán transcorrer máis de 2 meses entre reunións plenarias do Consello das Mareas. A Coordinadora terá a obriga de convocar ao Consello das Mareas antes de que transcorra ese prazo. A Comisión de Garantías velará polo cumprimento desta esixencia. 4.2 Coordinadora do Consello das Mareas a) A Coordinadora do Consello das Mareas poderá ser convocado en calquera momento: a) A proposta de 2 ou máis persoas integrantes da Coordinadora b) A petición de 9 membros ou máis do Consello das Mareas b) A Coordinadora do Consello das Mareas reunirase ordinariamente con carácter quincenal. A Comisión de Garantías velará polo cumprimento desta esixencia. 5. SESIÓNS a) Orde do día A orde do día provisional será proposta polos convocantes e calquera membro poderá solicitar a inclusión de puntos na orde do día ata 48 horas antes do comezo da xuntanza. A inclusión será obrigatoria cando a solicitude estea asinada por 8 conselleiras ou máis. A orde do día explicitará cales dos seus puntos son meramente informativos, cales están sometidos a discusión ou debate, e cales son puntos de toma de decisións. b) Quorum b.a O quórum necesario para a celebración dunha sesión do Consello das Mareas e para que este órgano teña capacidade decisoria é da metade máis unha das persoas que conforman o Consello. Para a constitución do quórum, consideraranse os asistentes tanto de xeito presencial como de xeito telemático. 6

7 b.b As reunións da Coordinadora considerarase validamente constituídas cando asistan a metade máis un das persoas que a integran en primeira convocatoria ou un terzo en segunda, sempre que fose convocada cun mínimo de 48 horas. c) Dinámica As sesións comezarán coa lectura dos puntos da orde do día, coa asignación dunha duración axeitada a cada punto, e co nomeamento por consenso (ou, no seu defecto, por maioría absoluta) das funcións das persoas asistentes: unha persoa moderadora, unha persoa tomadora de quenda de palabras e ata dúas persoas tomadoras de actas. Así mesmo, reservarase como último punto da orde do día de cada sesión un breve espazo de tempo para o apartado Varios. d) Toma de decisións Os acordos adoptaranse sempre que sexa posible por consenso e, de non acadar o mesmo, por maioría do 75%, de 2/3 ou por maioría simple das persoas asistentes por ese orde. Aplicarase o mesmo procedemento no caso de que as persoas ausentes, ben presencial ou telematicamente, delegasen o seu voto noutra persoa integrante que asista. Nas delegacións de voto constarán o nome, apelidos e sinatura da persoa delegante, a data da reunión para a cal se delega o voto, e o nome e apelidos da persoa na que se delega. As delegacións de voto serán expostas antes do comezo da sesión. Cando, como mínimo, un 10% das persoas o soliciten, as votacións serán secretas e por escrito. A persoa encargada de moderar a reunión será responsable do reconto dos votos e da comunicación dos resultados da votación. A petición da maioría simple, non se especificarán na acta da sesión os nomes dos/as conselleiros/as que votaron nun ou noutro sentido. As decisións serán de obrigada execución a partir do día seguinte á súa adopción, salvo que expresamente se indique o contrario. e) Actas Nas actas recolleranse: a) O número e nome de integrantes da reunión, así como o lugar, data e hora de comezo e fin da reunión. b) Os acordos acadados en cada punto, así como os resultados das votacións. En caso de producirse votacións telemáticas, os resultados desta serán engadidos coma anexo ao final da acta. c) As intervencións que se solicite constarán en acta. O texto final someterase á súa aprobación na seguinte reunión. e.a As actas do Consello serán remitidas aos membros deste nas 48 horas seguintes á celebración da sesión, puidendo ser emendadas noutro prazo de 48 horas. En caso de disenso 7

8 sobre o contido da acta, farase constar expresamente. As actas serán publicadas polo procedemento que se estableza. e.b As actas da Coordinadora serán remitidas aos membros desta logo de ser aprobadas, se procede, na seguinte reunión e a continuación trasladadas ao Consello das Mareas nun prazo non superior a catro días naturais dende a celebración da xuntanza. DAS DIMISIÓNS E BAIXAS DOS ÓRGANOS 6. DIMISIONS E BAIXAS 6.1 No Consello das Mareas, en caso de dimisión, renuncia voluntaria ou calquera outra circunstancia que determina a baixa dunha persoa membro do Consello será substituída atendendo aos criterios cos que foi electo no seu momento e atendendo á proporcionalidade dos resultados das candidaturas presentadas. 6.2 En caso de baixa, renuncia voluntaria e motivada dun membro da Coordinadora, será substituído por decisión do Consello das Mareas, atendendo aos mesmos criterios cos que foi electo no seu momento. A renuncia deberá presentarse mediante escrito razoado das causas ante a persoa responsable de organización para o seu traslado ao Consello. O Consello deberá resolver e comunicar a decisión á/ás persoa/s interesada/s no prazo máximo dun mes. 8