Pérez 2. Unidade didáctica. Unha lección de cine. Festival de cinema en galego 2010

Transcripción

1 Pérez 2 Unidade didáctica Festival de cinema en galego 2010 Unha lección de cine

2 Pérez 2 Páx. Presentación 3 Antes de ver a película 4 O alumnado debe coñecer 4 Argumento 5 Personaxes 6 Temas para o debate 12 Festival de cinema en galego Unha lección de cine 2

3 Presentación Esta é a unidade didáctica sobre a película Pérez 2. Está realizada co obxectivo de que o profesorado despois de ver a película poida traballar algo dela na clase. O profesorado, en función da diversidade do alumnado, poderá crer necesaria a reformulación dalgunhas das preguntas, así como a eliminación ou o engadido doutras que pensen que poidan ser de utilidade para o seu alumnado. Gustaríanos coñecer as modificacións que se fagan, xa que isto pode sernos de utilidade para a elaboración de próximas unidades. Podedes enviar ditas modificacións a ofi.normalizacion@vigo.org Grazas. 3

4 Antes de ver a película Sería interesante explicarlle o argumento ao alumnado e indicarlles que estean moi atentos no momento de vela para que lembren os personaxes e as situacións que aparecen para poder facer despois as actividades. Na clase tamén se poden traballar os seguintes temas de debate: - Os pais absorbidos polo seu traballo que non teñen tempo para os fillos. O reparto das tarefas domésticas. - Os irmáns que sempre estan a discutir. A importancia do respecto na casa. Pérez é tamén unha película que reivindica con simpatía a ilusión, a maxia e a inocencia infantil, nun mundo marcado pola cobiza e a corrupción. O alumnado debe coñecer Quen é o rato Pérez? O rato Pérez é un personaxe da cultura iberoamericana que xa existía cando fixo a súa aparición literaria en 1894, nun conto do pai Luis Coloma, escritor e xornalista español. Nesta data, pedíronlle ao pai Coloma que escribise un conto cando a Afonso XIII, que entón tiña oito anos, lle caeu un dente. A este xesuíta ocorréuselle a historia do ratiño Pérez protagonizada polo rei Bubi, que era como a raíña María Cristina chamaba ao seu fillo, o futuro rei Afonso XIII. 4

5 Argumento da película Lucas é un neno de oito anos que non cre na maxia e quere saber como fai o Rato Pérez para cambiar dentes por moedas sen que ningún neno poida velo. No intento por satisfacer a súa curiosidade, sen querer axudará a que Pérez caia en mans de Gil Penkoff, un empresario nada escrupuloso que buscará facerse millonario vendendo ao mundo os segredos do mítico rato. Lucas, xunto á súa familia, deberá facer o imposible para reparar o dano e permitir que Pérez poida continuar coa súa exemplar tarefa... aínda que quizais a axuda chegue da man doutros personaxes moito máis pequenos! 5

6 Personaxes Lucas Lucas é un rapaz de bo corazón, esperto e curioso, quen está preocupado coa caída do seu último dente de leite pois hai unha pregunta que ninguén lle puido responder aínda: como fai o Rato Pérez para cambiarlles dentes por moedas a tantos rapaces todos os días? E un problema aínda maior... está facendo as maletas para irse ao outro extremo do mundo coa súa familia. Se o dente lle cae alí, como se decatará o rato Pérez? E o que é peor, como fará para atopalo e cambiar o seu último dente por unha moeda? 6

7 Muriel Lebecque e Ana A nai de Lucas non é outra que Muriel Lebecque, concertista de piano coñecida por todo o mundo, pero que nunca pasou unhas vacacións coa súa familia. Contratada por Gil Penkoff para dar un concerto nun país afastado, intenta facerlles crer a todos que esta viaxe serán as primeiras vacacións, aínda que íntimamente agarda que Leo, o seu marido, se encargue como sempre do coidado dos nenos. Ana é a divertida e creativa irmá de Lucas, quen como boa adolescente parece vivir no seu propio mundo de teléfonos móbiles e música de guitarra eléctrica. Mantén unha conflitiva relación coa súa nai, a quen no fondo admira, e a quen lle reclama ser tratada como artista de igual a igual! 7

8 Gil Penkoff Cos seus pais sempre ocupados e a súa irmá pelexando todo o tempo, a Lucas non lle queda outra que confiar na única persoa que inesperadamente lle presta algo de atención: Gil Penkoff, o nada escrupuloso produtor da súa nai, quen non pode crer a historia do neno de que dentro das paredes da casa se atope nin máis nin menos que o mítico rato dos dentes. Aproveitándose da inocencia de Lucas, Penkoff atrapará ó rato Pérez para presentalo ao mundo nunha gran conferencia de prensa para que conte o que todos queren saber: como o fai. E logo intentará facer o gran negocio da súa vida: vendelo ao magnate que máis diñeiro estea disposto a pagar por el. Dimitri e Adelaida Ademais dunha aparencia refinada e elegante, Penkoff conta con Dimitri e Adelaida, os seus dous secuaces. 8

9 O rato Pérez É o lendario ratiño dos dentes. Todas as noites percorre o mundo en busca dos dentes caídos que os nenos esconden debaixo das súas almofadas, deixándolles a cambio unha moeda. A pesares de estar afeito a tan duro traballo, o exceso de responsabilidade ás veces non lle permite descansar como é debido... María Laucha Fiel secretaria e compañeira de Pérez, estrita e perfeccionista, é quen nota que algo non marcha de todo ben co seu xefe adorado, veo demasiado canso, e se ben ela pode asistilo nas súas tarefas dentro do barco, sabe moi ben que é fóra deste onde as misións poden converterse nunha dor de cabeza. Por isto insistirá na necesidade dun axudante oficial para o rato dos dentes. 9

10 O Rata Namorado de María Laucha en segredo, o home espectáculo do Barco morre de ciumes ao sabela sempre tan pendente de Pérez. Por iso quédanos moi claro que ao ofrecerse como voluntario para rescatar o noso heroe ante a súa repentina ausencia, non é tanto por salvar o seu amigo, senón por gañar puntos ante os ollos da súa pretendida. Lola Lola é unha áxil e extravertida ratiña de acento caribeño que vive na torre da casa da nova misión de Pérez, e como coñece todos os seus segredos o noso heroe vese obrigado a confiar nela se quere rematar a súa misión. Decátase que a Pérez lle falta diversión e mentres se lanza á aventura con el, obrígalle a mover as súas cadeiras en improvisadas clases de baile. 10

11 Ratiño "O bo vén en frascos pequenos" di un refrán, mentres que outro conta que "En boca pechada non entran moscas". Da unión de ambos os dous, podemos atopar unha forma perfecta de describir a Ratiño. El será a clave á hora de rescatar os seus amigos nos momentos máis difíciles, ensinándolles ademais que "Máis vale maña que forza". Ratovika Ratovika é o encargado da seguridade dos espectáculos musicais do seu amigo o Rata. Aleda os ratiños obreiros da fábrica de perlas dende a barra do bar do barco do rato Pérez. E será precisamente ao Ratovika a quen María Laucha ordenará alistar a todos os ratos do barco para ir ao rescate de Pérez e os seus amigos, na loita final contra Gil Penkoff. 11

12 Temas para o debate 1. As discusións e as pelexas na casa: Nun momento de Pérez 2, Lucas e Ana estan pelexando. A nai dille a Ana que a partir dese momento vai ser castigada polo que faga Lucas, e a Lucas dille que vai ser castigado polo que faga a súa irmá. Non tardan nin cinco segundos en recibir cada un o seu castigo. Paréceche xusta esta situación? Por que cres que a nai impón un castigo tan estraño ós seus fillos? 2. Escribe o parentesco que tes coas persoas da túa familia que viven na túa casa. 3. Fai unha lista escrita das tarefas domésticas máis necesarias. 4. Escribe ao lado destas tarefas quen ten que realizalas. Debate: Que tarefas desenvolve na casa cada membro da túa familia? 12

13 5. En Pérez, os pais de Lucas e Ana estan tan ocupados cos seus traballos, que apenas teñen tempo para atendelos. Aínda así cada membro da familia colabora coas súas tarefas. De que tarefas te encargas ti na casa? Cantos anos tiñas cando empezaches a facelas? Es capaz de asumir outras? 6. Recorda a última ocasión en que vos reunistes cos vosos curmáns, tíos e avós. Cando foi? Que celebrabades? Onde estivestes? Que fixestes? 7. Sabes cando será o próximo aniversario dun familiar? De quen se trata? Pensa nunha idea para celebralo. 8. Fuches algunha vez de vacacións coa túa familia? onde? que faciades? como o pasaches? 9. Escribe un desexo para a túa familia. 13

14 Unha lección de cine 14