BIGARREN HIZKUNTZA ESKAKIZUNA

Transcripción

1 BIGARREN HIZKUNTZA ESKAKIZUNA Hizkuntzen Europako Erreferentzia Marko Bateratuaren B2 maila AHOZKO AZTERKETA Saio bakoitzean bi azterketarik parte hartuko duzue. Probak aurkezpena eta bi ariketa izango ditu. Atal guztiak egin behar dira. Lehenengo ariketa aldez aurretik prestatu behar duzu. Egin beharreko probaren alderdiren bat ulertzen ez baduzu, azterketa hasi baino lehen, epaimahaiari eskatu beharko diozu zalantzak argitzeko. Saioa grabatu egingo da. MINTZAMENA Probaren ezaugarriak Aurreikusitako denbora Puntuazioa gehienez Puntuazioa gutxienez Aurkezpena Ez da ebaluatuko. Labur-labur bakoitzak bere burua aurkeztuko du. (Nor/ NANa/nongoa/lana). 1. Ariketa: Bakarka. Aldez aurretik prestatuko duzun gai bat azaldu behar duzu. Gero, beste azterketariari entzundako azalpenari buruz galderaren bat egingo dizute aztertzaileek. Gaia, hari buruzko argazkiak, informazio laburra eta galderak edukiko dituzu azalpena bideratzeko. Denbora: 3 min. azalpena egiteko eta 2 min. aztertzailearen galderei erantzuteko. Batak bukatzen duenean, besteak ekingo dio. 15 puntu. 2. Ariketa: Azterketarien arteko elkarrizketa. Gai baten inguruko fitxa banatuko zaizue. Adostasun batera iristeko egoera bat aurkeztuko zaizue. Helburua argumentatzea, negoziatzea eta iritzia trukatzea da. Denbora: 1 min. fitxa begiratzeko, eta 6 min. elkarrizketan aritzeko. 15 puntu. 30 min. (10 min. gaia prestatzeko dira) 30 15

2 2. HE (A fitxa) MINTZAMENA 1. Ariketa: Eman zure iritzia gai honi buruz. 10 min. dituzu gaiari buruz duzun iritzia antolatzeko eta azterketan esango duzuna prestatzeko. Horretarako, laguntza gisa ematen dizkizugu gaiaren inguruko argazkiak, informazioa eta gidoitxo bat. Gero, 3 min.dituzu azalpena egiteko. Amaieran, beste azterketariari entzundako azalpenari buruz galderaren bat egingo dizute aztertzaileek gaiari heldu diozun, esaten duzuna ulergarria den, euskara nola erabiltzen duzun: jarioa, zuzentasuna eta aberastasuna. INON ERRETZERIK BAI? Gaur egun, ia ezin da leku publikoetan erre. Zenbait tabernatan eta jatetxetan erre zitekeen, baina hori ere debekatzekotan daude. Dena dela, frontoietan, adibidez, jendeak erretzen jarraitzen du. Ados al zaude erretzearen aurkako legediarekin? Zergatik? Erretzailea al zara? Zer dela eta? Tabernetan eta jatetxeetan erretzea debekatzea egokia al da zure ustez?

3 2. HE (B fitxa) MINTZAMENA 1. Ariketa: Eman zure iritzia gai honi buruz. 10 min. dituzu gaiari buruz duzun iritzia antolatzeko eta azterketan esango duzuna prestatzeko. Horretarako, laguntza gisa ematen dizkizugu gaiaren inguruko argazkiak, informazioa eta gidoitxo bat. Gero, 3 min.dituzu azalpena egiteko. Amaieran, beste azterketariari entzundako azalpenari buruz galderaren bat egingo dizute aztertzaileek gaiari heldu diozun, esaten duzuna ulergarria den, euskara nola erabiltzen duzun: jarioa, zuzentasuna eta aberastasuna. TRAFIKOKO ISUN GEHIEGI? Trafiko arduradunek legeak gure babeserako egiten dituztela esaten dute. Jende askok, ordea, trafikoko isunak (gehiegizko abiaduragatik jarritakoak, segurtasun uhala ez ipintzegatik jarritakoak...) dirua lortzeko bidea direla uste du. Ados al zaude gaur eguneko trafikoko legediarekin? Zergatik? Jarri al dizute inoiz trafikoko isunik? Zer dela eta? Puntu bidezko gidabaimena egokia iruditzen al zaizu?

4 2. HE MINTZAMENA 2. Ariketa: (aztertzaileak) Gaiaren inguruko bat-bateko elkarrizketa Adostasun batera iristeko egoera bat aurkeztuko zaizue. Helburua: argumentatzea, negoziatzea eta iritzia trukatzea. 1 min. duzue fitxa begiratzeko, eta 6 min. inguru elkarren artean elkarrizketa egiteko. elkarrizketan zenbat/nola parte hartzen duzuen, esaten duzuena ulergarria den eta zelan arrazoitzen duzuen, euskara nola erabiltzen duzuen: jarioa, zuzentasuna eta aberastasuna. ARGALTZEKO MIRARIRIK? Gure gizartean itxura fisikoak garrantzi handia dauka. Argalek ez dute loditu nahi; gizenek, ordea, salbuespenak salbuespen, argal egon nahi dute. Horretarako denetarik egiten dugu: dieta arriskutsuak, gimnasioko saio amaiezinak... Fitxan ikusiko dituzun argazkietan argaltzeko zenbait modu agertzen da. Zein iruditzen zaizu zentzuzkoena? Zein aukeratuko zenuke? Zergatik? Zuen iritzia eman, bakoitzak berea. Horren ondoren, zuen artean eztabaidatu eta saiatu aukeren artean adostasun batera iristen. Galdera osagarriak Jendeak itxura fisikoari garrantzia ematen al dio? Zer dela eta? Jendeak normalean zer egiten du argaltzeko? Eta zuk zer egiten duzu itxura fisikoari eusteko? Argaltzeko hainbat produktu miragarri iragartzen dituzte gaur egun. Eman zure iritzia.

5 ARGALTZEKO MIRARIRIK?