PREGO DE CLÁUSULAS ADMINISTRATIVAS PARTICULARES CONTRATACIÓN DO SERVIZO DE DE PREVENCIÓN ALLEO DO CONCELLO DE MUROS

Transcripción

1 PREGO DE CLÁUSULAS ADMINISTRATIVAS PARTICULARES CONTRATACIÓN DO SERVIZO DE DE PREVENCIÓN ALLEO DO CONCELLO DE MUROS PRIMEIRA. OBXECTO E CUALIFICACIÓN. O presente prego de cláusulas administrativas ten por obxecto a realización do contrato de servizos para seleccionar unha empresa que se encargue do servizo de prevención alleo no nas especialidades técnicas (seguridade no traballo, hixiene industrial, ergonomía e psicosocioloxía aplicada) e vixilancia médica da saúde. Os traballos deberán realizarse de conformidade co establecido no prego de prescricións técnicas e abranguerá todos os centros de traballo municipais e todo o seu persoal, incluíndo persoal funcionario de carreira, interino ou eventual, cargos públicos da corporación con dedicación exclusiva ou parcial que coticen á Seguridade Social, así como o persoal laboral fixo, indefinido ou temporal. O contrato definido ten a cualificación de contrato administrativo de servizos, tal e como establece o artigo 10 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro. O servizo atópase incluído na categoría 25 do anexo II do TRLCSP, CPV e A contratación regularase polo establecido nos presentes pregos, polo RDLex 3/2011, de 14 de novembro, polo que se aproba o Texto Refundido da Lei de contratos do sector público (en diante TRLCSP), polo Real Decreto 1098/2001, de 12 de outubro polo que se aproba o Regulamento xeral da Lei de contratos das administracións públicas e demais normativa de aplicación. Terán carácter contractual e por este orde de prelación: - Os pregos de cláusulas administrativas - Os pregos de prescricións técnicas - A oferta do adxudicatario - O documento no que se formalice o contrato e calquera outro documento polo que se modifique ou complemente. SEGUNDA. PROCEDEMENTO DE SELECCIÓN E ADXUDICACIÓN. A forma de adxudicación do contrato de servizos será o procedemento negociado sen publicidade, no que a adxudicación recaerá no licitador xustificadamente elixido polo órgano de contratación, tras efectuar consultas con diversos candidatos e negociar as condicións do contrato con un ou varios deles, de acordo co artigo do texto refundido da Lei de contratos do sector público, aprobado polo Real decreto lexislativo 3/2011, do 14 de novembro. Non será necesario dar publicidade ao procedemento para asegurar a concorrencia; é dicir, será necesario solicitarlles ofertas, polo menos, a tres empresarios capacitados para a realización do obxecto do contrato, sempre que iso sexa posible. TERCEIRA. PERFIL DO CONTRATANTE.

2 Co fin de asegurar a transparencia e o acceso público á información relativa á súa actividade contractual, e sen prexuízo da utilización doutros medios de publicidade, este concello conta co perfil do contratante, ao que se terá acceso segundo as especificacións que se regulan na seguinte páxina web: alcaldía@muros.es. CUARTA. IMPORTE DO CONTRATO. O prezo anual do contrato para unha media de 110 traballadores é o seguinte: , ,93 IVE polas actividades técnicas (seguridade no traballo, hixiene industrial, ergonomía e psicosocioloxía aplicada) , ,08 IVE pola vixilancia médica da saúde colectiva , IVE polos recoñecementos médicos da totalidade dos traballadores (vixilancia da saúde individual). O contrato financiarase con cargo ao orzamento municipal, aplicación orzamentaria QUINTA. DURACIÓN DO CONTRATO. A duración do contrato é de 2 anos, prorrogables anualmente ata 4 anos. A prórroga será acordada polo órgano de contratación e será obrigatoria para o empresario, sen que se poida producir por consentimento tácito das partes. SEXTA. ACREDITACIÓN DA APTITUDE PARA CONTRATAR. Poderán presentar proposicións as persoas naturais ou xurídicas, españolas ou estranxeiras, que teñan plena capacidade de obrar, que non estean incursas en prohibicións para contratar e que acrediten a súa solvencia económica, financeira e técnica ou profesional. 1. A capacidade de obrar dos empresarios acreditarase: a) Dos empresarios que sexan persoas xurídicas, mediante a escritura ou documento de constitución, os estatutos ou o acto fundacional, en que consten as normas polas que se regula a súa actividade, debidamente inscritos, se é o caso, no rexistro público que corresponda, segundo o tipo de persoa xurídica de que se trate. a ) Dos empresarios que fosen persoas xurídicas mediente fotocopia do Documento Nacional de Identidade e acreditación de estar dado de alta no epígrafe correspondente de actividades económicas. b) Dos empresarios non españois que sexan nacionais de Estados membros da Unión Europea, pola súa inscrición no rexistro procedente de acordo coa lexislación do Estado onde están establecidos, ou mediante a presentación dunha declaración xurada ou un certificado, nos termos que se establezan regulamentariamente, de acordo coas disposicións comunitarias de aplicación.

3 c) Dos demais empresarios estranxeiros, co informe da misión diplomática permanente de España no Estado correspondente ou da oficina consular en cuxo ámbito territorial radique o domicilio da empresa. 2. A proba, por parte dos empresarios, da non concorrencia nalgunha das prohibicións para contratar reguladas no artigo 60 do Texto Refundido da Lei de Contratos do Sector Público aprobado polo Real Decreto Lexislativo 3/2011, do 14 de novembro, e de estar ao corrente coas obrigas tributarias poderá realizarse conforme ao seguinte MODELO: «D., con domicilio para os efectos de notificacións en, r/, núm., con DNI núm., en representación da entidade, con CIF núm., informado do expediente para a contratación do servizo de prevención alleo do, DECLARO que eu e a empresa que represento: - Non estamos incursos nalgunha das prohibicións para contratar reguladas no artigo 60 do Texto Refundido da Lei de Contratos do Sector Público aprobado polo Real Decreto Lexislativo 3/2011, do 14 de novembro. - Estamos ao corrente no cumprimento das obrigas tributarias coa facenda estatal, autonómica e local, e coa Seguridade Social impostas polas disposicións vixentes., de de 20 Sinatura do licitador, 3. A solvencia do empresario: Asdo.:» 3.1. A solvencia económica e financeira do empresario deberá acreditarse polo seguinte medio: -Xustificante da existencia dun seguro de indemnización por riscos profesionais por importe superior a euros. Tamén será válido un compromiso vinculante de subscrición do seguro no caso de resultar adxudicatario do contrato, nos termos do artigo 11.4 a) do Regulamento da Lei de Contratos A solvencia técnica dos empresarios acreditarase polos seguintes medios: - As empresas licitadoras deberán estar acreditadas, ante a autoridade laboral competente, para desenrolar tódalas funcións das especialidades ou disciplinas preventivas de Seguridade no Traballo, Hixiene Industrial, Ergonomía e Psicosocioloxía Aplicada e Medicina do Traballo, debendo aportar o documento expedido pola autoridade laboral que acredite a empresa como Servizo de Prevención Alleo con capacidade para prestar o servizo. - Relación dos principais servizos ou traballos realizados nos tres últimos anos, con

4 indicación do importe, datas e destinatario, público ou privado dos mesmos. Estes servizos deberán ser acreditados mediante certificados expedidos ou visados polo órgano competente, cando o destinatario sexa unha entidade do sector público ou, cando o destinatario sexa un suxeito privado, mediante un certificado expedido por este ou, a falta deste certificado, mediante unha declaración do empresario. Estes certificados poderán ser comunicados directamente ao órgano de contratación pola autoridade competente ou ben polo propio interesado. - Indicación do persoal técnico ou unidades técnicas integradas no contrato, con referencia ás titulacións académicas e profesionais dos encargados da execución do contrato. - Declaración de maquinaria, material e equipo técnico do que se disporá para a execución dos traballos ou prestacións. SÉTIMA. PRESENTACIÓN DE OFERTAS E DOCUMENTACIÓN ADMINISTRATIVA. As ofertas presentaranse no, no Curro da Praza, núm. 1, en horario de atención ao público, no prazo que se indique na invitación a participar. As ofertas poderán presentarse por correo, ou por medios electrónicos, informáticos ou telemáticos, en calquera dos lugares establecidos no artigo en 16.4 da Lei 39/2015, do 1 de outubro, de procedemento administrativo común das administracións públicas. Cando se envíen as proposicións por correo, o empresario deberá xustificar a data de imposición do envío na oficina de correos e anunciarlle ao órgano de contratación a remisión da oferta o mesmo día mediante un télex, fax ou telegrama que consigne o número de expediente, o título completo do obxecto do contrato e o nome do candidato. A acreditación da recepción do referido télex, fax ou telegrama realizarase mediante unha dilixencia redactada o mesmo día polo secretario municipal. Sen a concorrencia de ambos os dous requisitos, non será admitida a proposición se o órgano de contratación a recibe despois da data de terminación do prazo sinalado no anuncio de licitación. En todo caso, unha vez transcorridos os dez días seguintes a esa data sen que se recibise a documentación, esta non será admitida. Os medios electrónicos, informáticos e telemáticos utilizables deberán cumprir, ademais, os requisitos establecidos na disposición adicional décimo sexta do texto refundido da Lei de contratos do sector público, aprobado polo Real decreto lexislativo 3/2011, do 14 de novembro. Cada candidato non poderá presentar máis dunha oferta [sen prexuízo do establecido nos artigos 147 e 148 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro]. Tampouco poderá subscribir ningunha oferta en unión temporal con outros se o fixo individualmente ou figurase en máis dunha unión temporal. A infracción destas normas dará lugar á non admisión de todas as propostas subscritas por el. A presentación dunha oferta supón a aceptación incondicional polo empresario das cláusulas deste prego.

5 As proposicións para participar na licitación presentaranse en dous sobres pechados, asinados polos candidatos e con indicación do domicilio para os efectos de notificacións, nos que se fará constar a denominación do sobre e a lenda «contratación do servizo de prevención alleo do». A denominación dos sobres é a seguinte: Sobre «A»: Documentación administrativa. Sobre «B»: Oferta económica e técnica. Os documentos que se deben incluír en cada sobre deberán ser orixinais ou copias autenticadas, conforme a lexislación en vigor. Dentro de cada sobre, o licitador poderá optar por unha das seguintes opcións, incluindo os seguintes documentos, así como unha relación numerada deles: SOBRE «A» DOCUMENTACIÓN ADMINISTRATIVA (OPCIÓN A) ACHEGA INICIAL DE DOCUMENTACIÓN MEDIANTE DECLARACIÓN RESPONSABLE a) Declaración Responsable do licitador indicativa do cumprimento das condicións establecidas legalmente para contratar coa Administración. Presentarase conforme ao seguinte modelo: «MODELO DE DECLARACIÓN RESPONSABLE D., con domicilio a efectos de notificacións en, r/, n.º, con DNI n.º, en representación da Entidade, con CIF n.º, a efectos da súa participación na contratación do servizo de prevención alleo do, DECLARA BAIXO A SÚA RESPONSABILIDADE: PRIMEIRO. Que se dispón a participar na contratación do servizo de prevención alleo do Concello de MUROS. SEGUNDO. Que cumpre con todos os requisitos previos esixidos polo apartado primeiro do artigo 146 do Texto Refundido da Lei de Contratos do Sector Público para ser adxudicatario do contrato de servizo de prevención alleo do Concello de MUROS, en concreto: Que posúe personalidade xurídica e, se é o caso, representación. Que está debidamente clasificada a empresa ou, se é o caso, que conta cos requisitos de solvencia económica, financeira e técnica ou profesional. Que non está incurso en ningunha prohibición para contratar das recollidas no artigo 60 do Texto Refundido da Lei de Contratos do Sector Público e encóntrase ao corrente do cumprimento das súas obrigacións tributarias e coa Seguridade Social impostas polas disposicións vixentes. Que se somete á Xurisdición dos Xulgados e Tribunais españois de calquera orde, para todas as incidencias que de modo directo ou indirecto puidesen xurdir do contrato, con renuncia, no seu caso, ao foro xurisdicional estranxeiro que puidese

6 corresponder ao licitador. (No caso de empresas estranxeiras) Que o enderezo de correo electrónico en que efectuar notificacións é. TERCEIRO. Que se compromete a acreditar a posesión e validez dos documentos a que se fai referencia no apartado segundo desta declaración, no caso de que sexa proposto como adxudicatario do contrato ou en calquera momento en que sexa requirido para iso. E para que conste, asino a presente declaración. En, a de de 20. Sinatura do declarante, Asdo.:» [OPCIÓN B) ACHEGA INICIAL DE DOCUMENTACIÓN CONFORME AO ARTIGO DO TRLCSP] a) Documentos que acrediten a personalidade xurídica do empresario. b) Documentos que acrediten a representación. Os que comparezan ou asinen proposicións en nome doutro, presentarán unha copia notarial do poder de representación, verificado polo secretario da corporación. Se o licitador fose unha persoa xurídica, este poder deberá estar inscrito no Rexistro Mercantil, cando sexa esixible legalmente. Do mesmo xeito, a persoa co poder verificado para os efectos de representación, deberá achegar unha fotocopia compulsada administrativamente ou un testemuño notarial do seu documento nacional de identidade. c) Declaración responsable de non estar incurso nunha prohibición para contratar das recollidas no artigo 60 do Texto Refundido da Lei de Contratos do Sector Público aprobado polo Real Decreto Lexislativo 3/2011, do 14 de novembro. Esta declaración incluirá a manifestación de estar ao corrente no cumprimento das obrigas tributarias e coa Seguridade Social impostas polas disposicións vixentes, sen prexuízo de que a xustificación acreditativa de tal requisito deba presentarse, antes da adxudicación, polo empresario a cuxo favor se vaia efectuar esta. d) Documentos que xustifiquen os requisitos da súa solvencia económica, financeira e técnica ou profesional. e) Un enderezo de correo electrónico en que efectuar as notificacións. f) As empresas estranxeiras presentarán unha declaración de someterse á xurisdición dos xulgados e tribunais españois de calquera orde, para todas as incidencias que, de modo directo ou indirecto, puidesen xurdir do contrato, con renuncia, se é o caso, ao foro xurisdicional estranxeiro que puidese corresponder ao licitante.

7 a) Oferta económica. SOBRE «B» PROPOSICIÓN ECONÓMICA E TÉCNICA A proposición económica presentarase de acordo co seguinte modelo: D/DONA..., con DNI núm...e domicilio na rúa..., núm..., de..., Código Postal..., Provincia..., País..., Teléfono..., Fax..., maior de idade, en nome propio ou actuando en representación da empresa..., con Código de Identificación Fiscal..., e domicilio social na rúa..., núm..., de..., Código Postal..., Provincia..., País..., Teléfono..., Fax..., enterado dos Pregos de Cláusulas Administrativas Particulares e prescricións técnicas que rexen o contrato de servizo de prevención alleo do Concello de MUROS que se adxudicará mediante procedemento negociado sen publicidade, aceptando as súas cláusulas en toda a súa totalidade, comprométese a asumir o cumprimento do citado contrato baixo a seguinte oferta económica: euros e euros de IVE, polas actividades técnicas (seguridade no traballo, hixiene industrial, ergonomía e psicosocioloxía aplicada) e da vixilancia médica da saúde colectiva (excluídos os recoñecementos médicos). euros e 0 euros de IVE, pola vixilancia médica da saúde colectiva, con recoñecemento médico anual de ata 110 traballadores Lugar, data e sinatura do propoñente b) Oferta técnica: Asdo.:» A proposición técnica deberá engadir os distintos documentos que permitan valorar os subcriterios e indicadores da cláusula 9.2 do presente prego: -Memoria descritiva da programación e execución das distintas prestacións do servizo. -Memoria descritiva das instalacións e dos recursos humanos e técnicos -Melloras sen custe no desenvolvemento das prestacións do servizo. OITAVA. GARANTÍA PROVISIONAL. Non será necesaria a constitución de garantía provisional. NOVENA. CRITERIOS DE NEGOCIACIÓN E ADXUDICACIÓN. Para a valoración das ofertas e a determinación da que sexa máis vantaxosa atenderase aos seguintes criterios de negociación e adxudicación:

8 9.1.CRITERIOS ECONÓMICOS. Puntuación de 0 a 10 puntos conforme aos seguintes subcriterios: Baixa do prezo anual das actividades técnicas (seguridade no traballo, hixiene industrial, ergonomía e psicosocioloxía aplicada). Tipo de licitación: 2.133,02 euros. Puntuación: de 0 a 6 puntos. A valoración deste subcriterio se realizará adxudicando 0 puntos as ofertas realizadas polo tipo de licitación, e a maior puntuación á que ofreza a maior baixa. A partir desta última se irán puntuando as demais mediante o criterio de desconto proporcional lineal (regra de tres). Baixas temerarias. De acordo co artigo 152 do TRLCSP, no subcriterios 1.1 establecese o seguinte parámetro obxectivo para apreciar que a oferta económica non pode ser cumprida por valores anormais ou desproporcionados: una baixa superior ao 20% do tipo de licitación. Se unha proposición é considerada desproporcionada ou anormal por ofrecer unha baixa superior ao 20% do tipo de licitación, deberá darse audiencia ao licitador para que xustifique a valoración da oferta e precise as condicións da mesma conforme ao establecido no citado artigo 152, e solicitarase asesoramento técnico do servizo correspondente e asesoramento xurídico. Se o órgano de contratación, considerando a xustificación efectuada polo licitador e os informes mencionados, estimase que a oferta non pode ser cumprida, a excluirá da clasificación e acordará a adxudicación a favor da proposición economicamente máis vantaxosa, de acordo co orden de clasificación Baixa do prezo pola vixilancia médica de saúde colectiva con recoñecemento médico anual de ata 110 traballadores. Tipo de licitación: 5.767,05 e 0 de IVE. Puntuación: de 0 a 4 puntos. A valoración deste subcriterio se realizará adxudicando 0 puntos as ofertas realizadas polo tipo de licitación, e a maior puntuación á que ofreza a maior baixa. A partir desta última se irán puntuando as demais mediante o criterio de desconto proporcional lineal (regra de tres). Neste subcriterio non se establece un parámetro obxectivo para apreciar que a oferta económica non pode ser cumprida por valores anormais ou desproporcionados CRITERIOS TÉCNICOS. Puntuación de 0 a 9,5 puntos conforme aos seguintes subcriterios: Memoria descritiva da programación e execución das distintas prestacións do servizo conforme ao establecido no prego de prescricións técnicas. Puntuación de 0 a 3,5 puntos, conforme aos seguintes indicadores ponderados: - Programación e execución das distintas especialidades técnicas do servizo: Plan de prevención de riscos laborais: de 0 a 0,5 puntos. Plans de actuación e protocolos de actuación: de 0 a 0,5 puntos. Plan de formación: de 0 a 0,5 puntos. Planificación da acción preventiva: de 0 a 0,5 puntos.

9 - Programación e execución da vixilancia médica da saúde: Inicial, Adicional e Periódica: de 0 a 0,5 puntos. Individual: de 0 a 0,5 puntos. Colectiva: de 0 a 0,5 puntos. A memoria establecerá un cronograma de desevolvemento do servizo determinando con claridade as etapas de implementación do servizo e o contido prestacional de cada etapa. A forma de presentar o contido prestacional deberá reflectir claramente a metodoloxía de traballo coa que se pretende prestar o servizo en base tanto ás prestacións que se inclúen como mínimas nos pregos de prescricións técnicas como as posibles melloras que se incorporen Memoria descritiva das instalacións e dos recursos humanos e técnicos para a prestación do servizo. Puntuación: de 0 a 3 puntos, conforme aos seguintes indicadores ponderados: - Instalacións que o licitador pon a disposición do concello, indicando ubicación(s) xeográfica(s), con especial referencia aos centros na provincia de A Coruña: de 0 a 1 punto. - Cantidade e cualificación dos recursos humanos adscritos ao servizo: de 0 a 1 punto. - Recursos técnicos e unidade móbil adscritos ao servizo: de 0 a 1 punto. No caso de que se oferte unha unidade móbil para a realización dos recoñecementos deberá describirse as características e instalacións da unidade (indicando a antigüidade do vehículo) e o persoal que se pon ao servizo do Concello na mesma. Se a unidade se pon a disposición do concello para un nº mínimo de recoñecementos médicos, deberá indicarse o nº expresamente; de non indicar nº entenderase que a oferta non inclúe un nº mínimo Melloras sen custe no desenvolvemento das prestacións do servizo: de 0 a 3 puntos conforme aos seguintes indicadores ponderados: - Realización dun número de recoñecementos anuais sen custe para o Concello: de 0 a 1 punto. - Horas de formación. A maiores do tempo que necesite para cumprir co obxecto do contrato nas distintas especialidades preventivas, poderán ofertarse horas presenciais de formación ao ano para outras actividades preventivas que se lle requiran por parte do persoal (formación ao persoal de nova incorporación, contratos temporais, impartir formación de reforzó ao resto do persoal, formación en primeiros auxilios, realización de simulacros, etc ): de 0 a 1 punto. - Realización doutras prestacións adicionais non engadidas nos prego de prescricións técnicas sen custe para o Concello, sempre que estean directamente relacionadas co obxecto do contrato: de 0 a 1 punto. A valoración dos distintos indicadores dos 3 subcriterios técnicos realizarase mediante informe técnico motivado comparando as distintas ofertas e asignando as correspondentes puntuacións de forma proporcional entre 3 ou 5 intervalos posibles, segundo os casos: 0 puntos, 0,25 puntos, 0,50 puntos; 0.75 puntos e 1 punto. O órgano de de contratación poderá solicitar ao técnico redactor do informe as

10 aclaracións oportunas se a/as puntuación/s dalgunha oferta non está suficientemente motivada/s nalgún dos indicadores. DÉCIMA. REGRAS ESPECIAIS RESPECTO DO PERSOAL LABORAL DA EMPRESA CONTRATISTA. 1. Corresponde exclusivamente á empresa contratista a selección do persoal que, reunindo os requisitos de titulación e experiencia esixidos nestes pregos, formará parte do equipo de traballo adscrito á execución do contrato, sen prexuízo da verificación por parte da entidade contratante do cumprimento daqueles requisitos. A empresa contratista procurará que exista estabilidade no equipo de traballo, e que as variacións na súa composición sexan puntuais e obedezan a razóns xustificadas, en orde a non alterar o bo funcionamento do servizo, informando en todo momento á entidade contratante. 2. A empresa contratista asume a obrigación de exercer de modo real, efectivo e continuo, sobre o persoal integrante do equipo de traballo encargado da execución do contrato, o poder de dirección inherente a todo empresario. En particular, asumirá a negociación e pago dos salarios, a concesión de permisos, licenzas e vacacións, as substitucións dos traballadores en casos de baixa ou ausencia, as obrigacións legais en materia de Seguridade Social, incluído o abono de cotizacións e o pago de prestacións, cando cumpra, as obrigacións legais en materia de prevención de riscos laborais, o exercicio da potestade disciplinaria, así como cantos dereitos e obrigacións se deriven da relación contractual entre empregado e empregador. 3. A empresa contratista velará especialmente porque os traballadores adscritos á execución do contrato desenvolvan a súa actividade sen extralimitarse nas funcións desempeñadas respecto da actividade delimitada nestes pregos como obxecto do contrato. 4. A empresa contratista estará obrigada a executar o contrato nas súas propias dependencias ou instalacións salvo que excepcionalmente, sexa autorizada a prestar os seus servizos nas dependencias dos entes, organismos e entidades que forman parte do sector público. Neste caso, o persoal da empresa contratista ocupará espazos de traballo diferenciados do que ocupan os empregados públicos. Corresponde tamén á empresa contratista velar polo cumprimento desta obrigación. No cadro de características do prego deberá facerse constar motivadamente a necesidade de que, para a execución do contrato os servizos sexan prestados nas dependencias administrativas. 5. A empresa contratista deberá designar polo menos a un coordinador técnico ou responsable integrado no seu propio cadro de persoal, que terá entre as súas obrigacións as seguintes: a). Recibir e Transmitir calquera comunicación que o persoal da empresa contratista deba realizar á Administración en relación coa execución do contrato. b). Distribuír o traballo entre o persoal encargado da execución do contrato, e impartir aos devanditos traballadores as ordes e instrucións de traballo que sexan necesarias en relación coa prestación do servizo contratado.

11 c). Supervisar o correcto desempeño por parte do persoal integrante do equipo de traballo das funcións que teñen encomendadas, así como controlar a asistencia do devandito persoal ao posto de traballo. d). Organizar o réxime de vacacións do persoal adscrito á execución do contrato, debendo para ese efecto coordinarse adecuadamente á empresa contratista con esta entidade contratante, a efectos de non alterar o bo funcionamento do servizo. e). Informar á entidade contratante acerca das variacións, ocasionais ou permanentes, na composición do equipo de traballo adscrito á execución do contrato. DÉCIMO PRIMEIRA. ÓRGANO DE CONTRATACIÓN E ÓRGANO ENCARGADO DA NEGOCIACIÓN. O órgano de contratación é a Xunta de Goberno Local. O órgano encargado da negociación estará formado por: alcaldesa, secretario e interventora ou persoas nas que deleguen. DÉCIMO SEGUNDA. PRERROGATIVAS DA ADMINISTRACIÓN. O órgano de contratación, de acordo co artigo 210 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro, ten as seguintes prerrogativas: a) Interpretación do contrato. b) Resolución das dúbidas que ofreza o seu cumprimento. c) Modificación do contrato por razóns de interese público. d) Acordar a resolución do contrato e determinar os efectos desta. DÉCIMO TERCEIRA. APERTURA E VALORACIÓN DE OFERTAS. FASE DE NEGOCIACIÓN Apertura e valoración de ofertas. Polo órgano encargado da negociación se levarán a cabo as actuacións de cualificación da documentación e aplicación dos criterios de selección, conforme ao disposto nos artigos 145 e 146 do TRLCSP, apertura de ofertas e negociación acerca dos aspectos indicados na cláusula novena. Se fose necesario, o órgano de negociación concederá un prazo non superior a tres días para que o licitador corrixa os defectos ou omisións emendables observados na documentación achegada. Se a documentación tivese defectos substanciais ou deficiencias materiais non emendables, o órgano de contratación a proposta do órgano encargado da negociación excluíra do procedemento ó licitador e rexeitará motivadamente a súa proposición. Despois procederase á apertura dos sobres «B» (oferta económica e técnica) e o órgano encargado da negociación analizará se as ofertas presentadas se axustan aos requisitos esixidos no prego, tanto mínimos como máximos. As ofertas que non cumpran con algún dos requisitos ou aspectos obxecto de

12 negociación (por exceder do prezo do contrato) serán excluídas mediante resolución motivada polo órgano de contratación Fase de Negociación. A continuación, se as ofertas propostas polos licitadores fosen susceptible de mellora por non acadar ningunha delas como mínimo 17,5 puntos dos 19,5 puntos posibles, iniciarase a fase de negociación por escrito cos licitadores nos seguintes termos: -Os únicos criterios susceptibles de negociación neste contrato son os subcriterios técnicos da cláusula 9.2 do presente prego: Memoria descritiva da programación e execución das distintas prestacións do servizo conforme ao establecido no prego de prescricións técnicas: - Programación e execución das distintas especialidades técncas do servizo: - Programación e execución da vixilancia médica da saúde: Memoria descritiva das instalacións e dos recursos humanos e técnicos para a prestación do servizo: - Instalacións que o licitador pon a disposición do concello, indicando ubicación(s) xeográfica(s), con especial referencia aos centros na provincia de A Coruña. - Cantidade e cualificación dos recursos humanos adscritos ao servizo. - Recursos técnicos e unidade móvil adscritos ao servizo Melloras sen custe no desenvolvemento das prestacións do servizo: - Realización dun número de recoñecementos anuais sen custe para o Concello. - Horas de formación. A maiores do tempo que necesite para cumprir co obxecto do contrato nas distintas especialidades preventivas, poderán ofertarse horas presenciais de formación ao ano para outras actividades preventivas que se lle requiran por parte do persoal (formación ao persoal de nova incorporación, contratos temporais, impartir formación de reforzo ao resto do persoal, formación en primeiros auxilios, realización de simulacros, etc ). - Realización de prestacións adicionais non engadidas nos prego de prescricións técnicas sen custe para o Concello, sempre que estean directamente relacionadas co obxecto do contrato - So haberá unha única ronda de negociación. -A participación na fase de negociación é voluntaria para os licitadores, polo que se non participan nela non será prexudicados e manterase a súa oferta inicial. - O órgano encargado da negociación remitirá aos licitadores un cadro resumen do ofertado por cada licitador (sen identificar ao mesmo) coa indicación dos aspectos que serían negociables e susceptibles de ser mellorados. -Os licitadores disporán dun prazo de tres días para, no seu caso, mellorar a súa oferta nos apartados susceptibles de mellora. Transcorrido dito prazo sen presentar nova oferta entenderase que manteñen a inicialmente proposta.

13 -Os licitadores que participen na negociación deberán presentar unha segunda oferta (que substitúe á primeira) en sobre pechado conforme ao seguinte modelo: D., con domicilio para os efectos de notificacións en, r/, núm., con DNI, en representación da entidade, con CIF, recibín unha invitación para negociar a miña oferta no contrato de servizo de prevención alleo do Concello de MUROS, e fago constar que participo na fase de negociación e reformulo a miña oferta técnica nos subcriterios técnicos da cláusula 9.2 do pliego, presentando na documentación que se adxunta: -Unha nova Memoria descritiva da programación e execución das distintas prestacións do servizo. -Unha nova memoria descritiva das instalación e dos recursos humanos e técnicos para a prestación do servizo. -Novas melloras sen custe no desenvolvemento das prestacións do servizo (no seu caso): -As novas ofertas técnicas serán valoradas e puntuadas de forma motivada mediante informe técnico conforme á cláusula novena do prego. -O órgano encargado da negociación propoñerá ó licitador que presentase a oferta máis vantaxosa e ao resto de licitadores por orde de puntuación. DÉCIMO CUARTA. REQUIRIMENTO DE DOCUMENTACIÓN Á OFERTA MÁIS VANTAXOSA. O órgano de negociación realizará a proposta de adxudicación ao órgano de contratación do licitador que presentase a oferta máis vantaxosa no seu conxunto, segundo a orde de puntuación. O órgano de contratación requiriralle ao licitador que presentase a oferta máis vantaxosa que, dentro do prazo de dez días hábiles contados desde o seguinte a aquel en que recibise o requirimento, presente a documentación xustificativa do cumprimento dos requisitos previos a que fai referencia o artigo do Texto Refundido da Lei de Contratos do Sector Público (se a achega inicial da documentación foi substituída por unha declaración responsable do licitador), así como de estar ao día no cumprimento das súas obrigas tributarias e coa Seguridade Social, ou que autorice ao órgano de contratación para obter de forma directa a acreditación diso, de dispor efectivamente dos medios que se comprometese a dedicar ou adscribir á execución do contrato, conforme o artigo 64.2 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro, e de ter constituído a garantía definitiva que sexa procedente. O momento decisivo para apreciar a concorrencia dos requisitos de capacidade e solvencia esixidos para contratar coa Administración será o da finalización do prazo de presentación das proposicións. DÉCIMO QUINTA. GARANTÍA DEFINITIVA.

14 O adxudicatario do contrato deberá constituír unha garantía do 5% do importe de adxudicación, excluído o imposto sobre o valor engadido, por calquera dos medios a que se refire o art. 96 TRLCSP. A administración poderá rexeitar a admisión de avais e seguros de caución provenientes de entidades, que estean en situación de mora fronte á administración contratante como consecuencia da falta de pagamento de obrigacións derivadas da incautación de anteriores avais ou seguros de caución, e que mantiveren impagados os importes correspondentes a avais ou seguros de caución xa executados 30 días naturais despois de recibirse na entidade o primeiro requirimento de pago. Para estes efectos o contratista antes de constituír o aval ou o seguro de caución deberá informar á entidade avalista ou aseguradora do disposto nesta cláusula, sen que poida alegar, en consecuencia, descoñecemento no caso de que o aval ou seguro for rexeitado pola administración A garantía non será devolta ou cancelada ata que se produza o vencemento do prazo de garantía e se cumpra satisfactoriamente o contrato. Esta garantía responderá aos conceptos incluídos no artigo 100 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro. DÉCIMO SEXTA. ADXUDICACIÓN DO CONTRATO. Unha vez recibida a documentación solicitada, o órgano de contratación deberá adxudicar o contrato dentro dos cinco días hábiles seguintes á recepción da documentación. En ningún caso poderá ser declarada deserta unha licitación se existe algunha oferta ou proposición que sexa admisible de acordo cos criterios que recolle este prego. A adxudicación, que deberá ser motivada, notificaráselles aos candidatos ou licitadores e, simultaneamente, publicarase no perfil do contratante. A notificación deberá conter, en todo caso, a información necesaria que lle permita ao licitador excluído ou candidato descartado interpor un recurso suficientemente fundado contra a decisión de adxudicación. En particular, expresará os seguintes aspectos: En relación cos candidatos descartados, a exposición resumida das razóns polas que se desestimou a súa candidatura. Respecto dos licitadores excluídos do procedemento de adxudicación, tamén de forma resumida, as razóns polas cales non se admitiu a súa oferta. En todo caso, o nome do adxudicatario, as características e vantaxes da proposición do adxudicatario determinantes de que fose seleccionada a oferta deste con preferencia ás que presentasen os restantes licitadores cuxas ofertas fosen admitidas. Na notificación e no perfil do contratante indicarase o prazo en que debe procederse á formalización. DÉCIMO SÉTIMA. FORMALIZACIÓN DO CONTRATO.

15 A formalización do contrato en documento administrativo farase dentro dos quince días hábiles seguintes á data da notificación da adxudicación; o dito documento constituirá título suficiente para acceder a calquera rexistro público. O contratista poderá solicitar que o contrato se eleve a escritura pública e os correspondentes gastos correrán pola súa conta. DÉCIMO OITAVA. DEREITOS E OBRIGAS DO ADXUDICATARIO. O contrato executarase con suxeición ao establecido nas súas cláusulas e nos pregos, e de acordo coas instrucións que o órgano de contratación lle dea ao contratista para a súa interpretación. O contratista será responsable da calidade técnica dos traballos que desenvolva e das prestacións e servizos realizados, así como das consecuencias que se deduzan para a Administración ou para terceiros das omisións, erros, métodos inadecuados ou conclusións incorrectas na execución do contrato. Ademais, son obrigas específicas do contratista as seguintes: O contratista está obrigado a dedicar ou adscribir á execución do contrato os medios persoais ou materiais suficientes para iso (artigo 64.2 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro). Gastos esixibles ao contratista. Son pola conta do contratista os gastos da formalización do contrato, así como calquera outros que resulten de aplicación, segundo as disposicións vixentes, na forma e contía que estas sinalen. O contratista está obrigado ao cumprimento dos requisitos previstos no artigo 227 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro, para os supostos de subcontratación. DÉCIMO NOVENA. REVISIÓN DE PREZOS. Non cabe revisión de prezos no presente contrato. VIXÉSIMA. PRAZO DE GARANTÍA. O obxecto do contrato quedará suxeito a un prazo de garantía de 3 meses, contados desde a data de finalización do contrato. Durante este prazo a Administración poderá comprobar que o traballo realizado se axusta ás prescricións establecidas para a súa execución e cumprimento e ao estipulado neste prego e no de prescricións técnicas. Unha vez transcorrido o prazo de garantía sen que se formulasen reparos aos traballos executados, quedará extinguida a responsabilidade do contratista. Se durante o prazo de garantía se acredita a existencia de vicios ou defectos nos traballos efectuados, o órgano de contratación terá dereito a reclamar do contratista a súa emenda. VIXÉSIMO PRIMEIRA. EXECUCIÓN DO CONTRATO.

16 O contrato executarase con suxeición ao establecido neste prego de condicións e no prego de prescricións técnicas, e de acordo coas instrucións que lle dea ao contratista para a súa interpretación o órgano de contratación. Con fundamento no establecido no artigo 52 do TLCSP designase responsable do contrato e da súa correcta execución ao Técnico de Emprego D. José Manuel Mayo Priegue. VIXÉSIMO SEGUNDA. MODIFICACIÓN DO CONTRATO. Deberase ter en conta que, de conformidade co artigo 105 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro, sen prexuízo dos supostos previstos na dita normativa para os casos de sucesión na persoa do contratista, cesión do contrato, revisión de prezos e prórroga do prazo de execución, os contratos do sector público só se poderán modificar cando esté previsto nos pregos de condicións ou no anuncio de licitación ou nos casos e cos límites establecidos no artigo 107 do mesmo texto legal. Nos demais supostos, se fora necesario que a prestación se executase de forma distinta á pactada, inicialmente deberase proceder á resolución do contrato en vigor e á subscrición doutro baixo as condicións pertinentes. Así, a normativa de contratación permite modificar os contratos do sector público:.sempre que nos pregos ou no anuncio de licitación se advertise expresamente desta posibilidade e se detallasen de forma clara, precisa e inequívoca as condicións en que se poderá facer uso dela, así como o alcance e os límites das modificacións que se poden acordar con expresa indicación da porcentaxe do prezo do contrato a que, como máximo, poidan afectar, e o procedemento que se debe seguir para isto..as modificacións non previstas nos pregos ou no anuncio de licitación só se poderán efectuar cando se xustifique suficientemente a concorrencia dalgunha das seguintes circunstancias: Inadecuación da prestación contratada para satisfacer as necesidades que se pretenden cubrir mediante o contrato debido a erros ou omisións padecidos na redacción do proxecto ou das especificacións técnicas. Inadecuación do proxecto ou das especificacións da prestación por causas obxectivas que determinen a súa falta de idoneidade, consistentes en circunstancias de tipo xeolóxico, hídrico, arqueolóxico, ambiental ou similares, postas de manifesto con posterioridade á adxudicación do contrato e que non fosen previsibles con anterioridade aplicando toda a dilixencia requirida de acordo cunha boa práctica profesional na elaboración do proxecto ou na redacción das especificacións técnicas. Forza maior ou caso fortuíto que fixesen imposible a realización da prestación nos termos inicialmente definidos. Conveniencia de incorporar á prestación avances técnicos que a melloren notoriamente, sempre que a súa dispoñibilidade no mercado, de acordo co estado da técnica, se producise con posterioridade á adxudicación do contrato.

17 Necesidade de axustar a prestación a especificacións técnicas, ambientais, urbanísticas, de seguridade ou de accesibilidade aprobadas con posterioridade á adxudicación do contrato. VIXÉSIMO TERCEIRA. FACTURAS. Conforme o establecido na disposición adicional trixésimo terceira do texto refundido da Lei de contratos do sector público, o contratista terá a obriga de presentar a factura que expedise polos servizos prestados ante o correspondente rexistro administrativo para os efectos da súa remisión ao órgano administrativo ou unidade a que lle corresponda a súa tramitación. Na factura incluiranse os datos e requisitos establecidos no artigo 72 do Real decreto 1098/2001, do 12 de outubro, polo que se aproba o Regulamento xeral da Lei de contratos das Administracións públicas. Deberase ter en conta que, de acordo co punto cuarto do artigo 216 do texto refundido da Lei de contratos do sector público, para que proceda o inicio do cómputo do prazo para a obriga de aboamento de xuros, o contratista deberá cumprir a obriga de presentar factura ante o rexistro administrativo correspondente, dentro do termo establecido e na forma pertinente, no prazo de trinta días desde a data da prestación do servizo. VIXÉSIMO CUARTA. PENALIDADES POR INCUMPRIMENTO. Cando o contratista, por causas imputables a el, incorra en demora respecto ao cumprimento do prazo total, a Administración poderá optar indistintamente pola resolución do contrato ou pola imposición das penalidades diarias na proporción de 0,20 euros por cada euros do prezo do contrato. Cada vez que as penalidades por demora alcancen un múltiplo do 5% do prezo do contrato, o órgano de contratación estará facultado para proceder á súa resolución ou acordar a continuidade da súa execución con imposición de novas penalidades. Cando o contratista, por causas imputables a el, incumpra a execución parcial das prestacións definidas no contrato, a Administración poderá optar, indistintamente, pola súa resolución ou pola imposición das penalidades establecidas anteriormente. As penalidades imporanse por acordo do órgano de contratación, adoptado por proposta do responsable do contrato, se houbera un designado, que será inmediatamente executivo, e faranse efectivas mediante a dedución das cantidades que, en concepto de pagamento total ou parcial, se lle deban aboar ao contratista ou sobre a garantía que, de ser o caso, se constituíse, cando non poidan ser deducidas das mencionadas certificacións. VIXÉSIMO QUINTA. RESOLUCIÓN DO CONTRATO. A resolución do contrato producirase nos supostos que se sinalan neste prego e nos fixados nos artigos 223 e 308 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro, e será acordada polo órgano de contratación, de oficio ou por instancia do contratista.

18 Cando o contrato sexa resolto por culpa do contratista, incautarase a garantía definitiva, sen prexuízo da indemnización polos danos e perdas orixinados á Administración no que excedan do importe da garantía. VIXÉSIMO SEXTA. RÉXIME XURÍDICO DO CONTRATO. Este contrato ten carácter administrativo e a súa preparación, adxudicación, efectos e extinción rexeranse polo establecido neste prego; para o non previsto nel, serán de aplicación o texto refundido da Lei de contratos do sector público, aprobado polo Real decreto lexislativo 3/2011, do 14 de novembro; o Real decreto 817/2009, do 8 de maio, e o Real decreto 1098/2001, do 12 de outubro, polo que se aproba o Regulamento xeral da Lei de contratos das administracións públicas, en todo o que non se opoña ao texto refundido da Lei de contratos do sector público, aprobado polo Real decreto lexislativo 3/2011, do 14 de novembro, e estea vixente tras a entrada en vigor do Real decreto 817/2009. De maneira supletoria, aplicaranse as restantes normas de dereito administrativo e, na falta delas, as normas de dereito privado. A orde xurisdicional contencioso-administrativa será a competente para resolver as controversias que xurdan entre as partes deste contrato, de conformidade co disposto no artigo 21.1 do texto refundido da Lei de contratos do sector público, aprobado polo Real decreto lexislativo 3/2011, do 14 de novembro.