Política de Responsabilidade Corporativa

Transcripción

1 Política de Responsabilidade Corporativa

2

3 Índice 1. Introdución Ámbito de aplicación Compromisos e principios de actuación Excelencia no servizo Compromiso cos resultados Xestión responsable do ambiente Interese polas persoas Seguridade e saúde Cadea de subministración responsable Compromiso social Integridade e transparencia Responsabilidades Sistemas de seguimento e supervisión Aprobación...12

4 4 1. Introdución Gas Natural Fenosa entende a Responsabilidade Corporativa (RC) como o conxunto de accións desenvolvidas para establecer relacións de confianza, estables, sólidas e de beneficio mutuo cos seus grupos de interese. Estes son as persoas que integran Gas Natural Fenosa, os clientes, os provedores e colaboradores externos, os accionistas, investidores e financiadores, reguladores e outros axentes do mercado e grupos sociais. A Política de RC de Gas Natural Fenosa establece o marco común de actuación que guía o comportamento socialmente responsable da compañía. Polo tanto, o obxectivo principal desta Política é establecer os principios de actuación e compromisos cos seus grupos de interese, en coherencia coa estratexia corporativa da compañía, así como determinar as responsabilidades e os instrumentos de seguimento específicos para asegurar o seu cumprimento. 2. Ámbito de aplicación A Política de RC é de aplicación a todas as empresas que conforman o grupo Gas Natural Fenosa, independentemente da actividade ou país onde estean establecidas. Polo tanto, será de aplicación a todas aquelas empresas nas que Gas Natural Fenosa teña participación maioritaria e, naquelas nas que se teña responsabilidade da súa operación e/ou xestión. Así mesmo, fomentarase o coñecemento e a aplicación da mesma por aquelas persoas ou compañías que traballan coa compañía e que inflúen na reputación da mesma. 3. Compromisos e principios de actuación A adecuada relación coa contorna constitúe un aspecto estratéxico de primeira orde para Gas Natural Fenosa. Por este motivo, no marco da estratexia xeral do grupo, definíronse unhas liñas de actuación e uns compromisos específicos cara aos grupos de interese enfocados á xeración de valor mediante o establecemento e desenvolvemento duns sólidos principios de actuación que faciliten o crecemento sostible no longo prazo. Para a consecución destes compromisos, a Política de RC desenvólvese e compleméntase a través dunha serie de políticas e normas que fan tanxibles os compromisos de Gas Natural Fenosa, fundamentalmente: Código Ético. Política Anticorrupción. Política de Dereitos Humanos.

5 Política de Responsabilidade Corporativa de Gas Natural Fenosa Excelencia no servizo O cliente é o centro das operacións de Gas Natural Fenosa. A través dun diálogo activo, a compañía quere ser capaz de darlle unha resposta rápida e eficiente, proporcionando un servizo e unha experiencia de cliente excelentes que, ademais de cumprir cos requisitos legais, estea acorde coas súas necesidades e cumpra os compromisos voluntariamente asumidos polo grupo. Traballar para a mellora continua da seguridade, fiabilidade e competitividade de todos os produtos e servizos, ofrecendo o maior nivel de calidade posible en función das mellores técnicas dispoñibles. Promover unha comunicación activa e bidireccional que permita entender as expectativas e opinións dos clientes e adaptar as respostas de Gas Natural Fenosa ás súas necesidades. Facilitar as xestións dos clientes a través dunha operativa simple e eficiente. Ofertar produtos e servizos innovadores que promovan a eficiencia enerxética e contribúan á sustentabilidade da sociedade. Diversificar e ampliar a oferta comercial incluíndo produtos e servizos de alto valor engadido que respondan á evolución das necesidades dos clientes. Aplicar a innovación tecnolóxica e as mellores técnicas dispoñibles como medio para manter unha subministración eficiente, segura e sostible Compromiso cos resultados Os accionistas e investidores de Gas Natural Fenosa constitúen un dos principais grupos de interese da compañía. Por iso, xestionar adecuadamente os riscos, e desenvolver un modelo de negocio sólido con potencial de crecemento internacional, que garanta a sustentabilidade a longo prazo, son dous dos aspectos clave do negocio. Traballar para obter unha rendibilidade sostida axeitada aos recursos investidos. Promover unha asignación e xestión eficiente dos recursos dentro do marco da mellora continua dos procesos. Garantir que a toma de decisións considera os niveis e limiares de risco aprobados. Continuar incorporando aspectos de sustentabilidade na relación con investidores.

6 Xestión responsable do ambiente Gas Natural Fenosa é consciente dos impactos ambientais das súas actividades na contorna onde se desenvolven, polo que a compañía presta unha especial atención á protección do ambiente e ao uso eficiente dos recursos naturais para satisfacer a demanda enerxética. No respecto ao ambiente Gas Natural Fenosa actúa máis aló do cumprimento dos requisitos legais e outros requisitos ambientais que voluntariamente adopta, involucrando os provedores, traballando cos distintos grupos de interese e fomentando o uso responsable da enerxía. Contribuír ao desenvolvemento sostible mediante a eco-eficiencia, o uso racional dos recursos naturais e enerxéticos, a minimización do impacto ambiental, o fomento da innovación e o uso das mellores tecnoloxías e procesos dispoñibles. Contribuír á mitigación e adaptación do cambio climático a través de enerxías baixas en carbono e renovables, a promoción do aforro e a eficiencia enerxética, a aplicación de novas tecnoloxías. Integrar criterios ambientais nos procesos de negocio, nos novos proxectos, actividades, produtos e servizos, así como na selección e avaliación de provedores. Minimizar os efectos adversos sobre os ecosistemas e fomentar a conservación da biodiversidade. Promover o uso eficiente e responsable da auga, establecendo actividades encamiñadas ao maior coñecemento deste recurso e á mellora na súa xestión. Garantir a prevención da contaminación mediante a mellora continua, o emprego das mellores técnicas dispoñibles e á análise, control e minimización dos riscos ambientais.

7 Política de Responsabilidade Corporativa de Gas Natural Fenosa Interese polas persoas Para Gas Natural Fenosa é fundamental promover unha contorna de traballo de calidade, baseada no respecto, a diversidade e o desenvolvemento persoal e profesional. Así mesmo, Gas Natural Fenosa ten un Código Ético onde se establecen as pautas que han de presidir o comportamento ético de todos os seus empregados no seu desempeño diario e, especificamente, no que respecta ás relacións e interaccións que mantén con todos os seus grupos de interese. Aplicar as mellores prácticas na identificación, captación e fidelización do talento necesario para o desenvolvemento dos negocios, asegurando os principios de equidade e non discriminación por ningún tipo de causa (discapacidade, idade, xénero, traxectoria profesional previa, etc). Favorecer o desenvolvemento profesional das persoas dentro do modelo de xestión do talento, asegurando a posta a disposición, para todos os profesionais, dos medios, programas e ferramentas necesarias para potenciar as súas habilidades e competencias. Promover unha contorna de traballo motivadora que asegure o recoñecemento interno da cultura do esforzo, a autonomía necesaria para poder crear, desenvolver e innovar, e un marco de compensación total en concordancia. Asegurar a implantación efectiva de mecanismos de flexibilidade que faciliten o equilibrio entre vida profesional e persoal e favorezan o desenvolvemento humano e social das persoas. Fomentar a diversidade e a igualdade de oportunidades nunha contorna de respecto, escoita e diálogo permanente, prestando especial atención á inclusión da discapacidade e facendo extensible este compromiso aos provedores e empresas colaboradoras. Promover unha interlocución constante entre a compañía e os representantes sociais que permita a retroalimentación para a toma de decisións.

8 Seguridade e saúde Gas Natural Fenosa planifica e desenvolve as súas actividades asumindo que nada é máis importante que a seguridade, a saúde e o benestar das persoas. Neste sentido, a actuación da compañía vai máis aló do cumprimento das obrigas legais e outros requisitos que voluntariamente adopta, impulsando a mellora continua nas condicións de traballo e na xestión da seguridade, a saúde e o benestar, involucrando non só ás persoas que forman Gas Natural Fenosa, senón tamén aos provedores, empresas colaboradoras, clientes e outros grupos de interese, co obxectivo de evitar e previr os accidentes e os danos á saúde, proporcionando un ambiente seguro e saudable así como promocionando a súa saúde e benestar. Garantir que a seguridade e a saúde son unha responsabilidade individual non delegable, que a través dun compromiso colectivo visible é liderada pola alta dirección e asumida de forma proactiva e integrada por toda a organización, así como polos provedores e empresas colaboradoras. Establecer a seguridade e a saúde como unha responsabilidade individual que condiciona o emprego dos traballadores de Gas Natural Fenosa, así como a actividade das súas empresas colaboradoras. Velar por que calquera situación potencial de risco que puidese afectar aos traballadores, provedores, clientes, público e á seguridade das instalacións sexa notificada, avaliada e xestionada dun modo apropiado. Traballar para manter unha contorna laboral exenta de riscos integrando na xestión empresarial a prevención de riscos laborais e as actuacións de protección e promoción da saúde e o benestar. Establecer a aprendizaxe como motor da cultura da seguridade, mediante a formación continua, a análise de accidentes e incidentes, a difusión das leccións aprendidas e a educación e a promoción da saúde. Integrar criterios de seguridade e saúde esixentes nos procesos de negocio, nos novos proxectos, actividades, instalacións, produtos e servizos, así como na selección e avaliación de provedores e empresas colaboradoras, cuxo incumprimento condicione o inicio ou a continuidade da actividade. Investir en novas estratexias de educación sanitaria e promoción da saúde, que permitan que o lugar de traballo se convirta no vector de transmisión de condutas saudables para o traballador e a súa contorna. Implantar actuacións orientadas a mellorar a calidade de vida, o benestar e a saúde das persoas que integran as comunidades onde a compañía opera. Proporcionar os recursos e medios necesarios que posibiliten o cumprimento dos estándares de seguridade establecidos en cada momento.

9 Política de Responsabilidade Corporativa de Gas Natural Fenosa Cadea de subministración responsable Os provedores e as empresas colaboradoras son actores fundamentais no óptimo funcionamento da cadea de valor de Gas Natural Fenosa cos que a compañía promove o mantemento de relacións de confianza a longo prazo, estables, sólidas e de beneficio mutuo, baixo os principios de eficacia e xestión do risco. Estender a cultura de Gas Natural Fenosa á cadea de subministración, transmitindo o obxectivo de excelencia no servizo e os principios de actuación responsable da compañía, e fomentando a incorporación de criterios de sustentabilidade na súa xestión diaria. Promover o cumprimento dos códigos e políticas de Gas Natural Fenosa na cadea de subministración, especialmente no ámbito de dereitos humanos, a ética e a seguridade e saúde. Fomentar a contratación de provedores do país ou rexión onde a compañía desenvolve as súas actividades, apoiando a xeración de impacto social positivo. Impulsar prácticas que favorezan a trazabilidade e o comercio xusto das materias primas dende a orixe Compromiso social Gas Natural Fenosa está comprometida co desenvolvemento económico e social das rexións nas que desenvolve as súas actividades, achegando coñecementos, capacidade de xestión e creatividade, así como a dedicar parte dos beneficios ao investimento social. O diálogo fluído e permanente coa sociedade permítelle á compañía coñecer as expectativas e intereses das comunidades onde opera e poder así implicarse no seu desenvolvemento procurando dar a resposta máis axeitada ás súas necesidades. Garantir un diálogo fluído e bidireccional, e promover a involucración nas comunidades locais respectando a cultura, as normas e a contorna, de modo que as súas preocupacións sexan respondidas adecuadamente e con prontitude. Realizar avaliacións do impacto social que produce a actividade da compañía para evitar ou mitigar os efectos adversos que se poidan xerar e potenciar os efectos positivos. Desenvolver iniciativas no marco da venture philanthropy para a creación de valor compartido e de impacto social positivo en proxectos enerxéticos. Promover a educación, a riqueza cultural, a saúde, a investigación e a inclusión dos colectivos máis desfavorecidos a través do investimento social. Transferir coñecemento e valores á sociedade a través de acordos de colaboración coa comunidade académica e utilizar os mecanismos necesarios e/ou existentes como vehículo de transmisión dos niveis de calidade de servizo ás empresas colaboradoras e provedores.

10 Integridade e transparencia Gas Natural Fenosa considera que a confianza dos seus clientes, os seus profesionais, provedores e colaboradores externos, accionistas, investidores e financiadores, reguladores e outros axentes do mercado e grupos sociais, fundaméntase na integridade, entendida como a actuación ética, honesta, responsable e de boa fe de cada unha das persoas que traballan en e para o grupo. Rexeitar a corrupción, a fraude e o suborno no desenvolvemento da actividade da compañía e establecer medidas para evitalos e combatelos, desenvolvendo canles internas que permitan a comunicación de irregularidades, respectando e protexendo o anonimato do comunicante. Cumprir as leis e normas nacionais e internacionais vixentes nos países nos que opera a compañía, respectando especialmente os principios expresados na Declaración Universal dos Dereitos Humanos de Nacións Unidas e na Declaración da Organización Internacional do Traballo (OIT), os principios do Pacto Mundial de Nacións Unidas, os Principios Reitores de Dereitos Humanos e Empresas de Nacións Unidas, así como os principios da OCDE para o Goberno das Sociedades. Actuar con responsabilidade na xestión dos negocios e cumprir coas obrigas fiscais en todas as xurisdicións nas que opera a compañía, asumindo o compromiso de transparencia e colaboración coas administracións tributarias correspondentes. Competir no mercado de xeito leal, non admitindo condutas enganosas, fraudulentas ou maliciosas que leven á compañía á obtención de vantaxes indebidas. Promover a transparencia informativa e a comunicación responsable, veraz, eficaz, íntegra e puntual, publicando periodicamente información financeira e non financeira que poña en valor as actuacións da empresa e ofreza unha resposta específica ás necesidades de información dos grupos de interese da compañía. Manter, en todo momento, o diálogo cos grupos de interese a través das canles de comunicación que sexan máis axeitadas e accesibles.

11 Política de Responsabilidade Corporativa de Gas Natural Fenosa Responsabilidades A aprobación da Política de Responsabilidade Corporativa de Gas Natural Fenosa corresponde, de acordo co seu Regulamento, ao Consello de Administración, quen ademais recibe, polo menos anualmente, información sobre a implantación e seguimento xeral da devandita política. Polo tanto, a supervisión do cumprimento da Política de RC recae, en último termo, no Consello de Administración, quen delegará a devandita función nunha das súas Comisións Delegadas ou constituirá unha específica para ese efecto. En concreto, a devandita Comisión terá, polo menos, atribuídas as seguintes funcións: a) A supervisión do cumprimento dos códigos internos de conduta e das regras de goberno corporativo da sociedade. b) A supervisión da estratexia de comunicación e relación con accionistas e investidores, incluíndo os pequenos e medianos accionistas. c) A avaliación periódica da adecuación do sistema de goberno corporativo da sociedade, co fin de que cumpra a súa misión de promover o interese social e teña en conta, segundo corresponda, os lexítimos intereses dos restantes grupos de interese. d) A revisión da política de responsabilidade corporativa da sociedade, velando por que estea orientada á creación de valor. e) O seguimento da estratexia e prácticas de responsabilidade social corporativa e a avaliación do seu grao de cumprimento. f) A supervisión e avaliación dos procesos de relación cos distintos grupos de interese. g) A avaliación de todo o relativo aos riscos non financeiros da empresa incluíndo os operativos, tecnolóxicos, legais, sociais, ambientais, políticos e reputacionais. h) A coordinación do proceso de reporte da información non financeira e sobre diversidade, conforme á normativa aplicable e aos estándares internacionais de referencia. Así mesmo, o Consello de Administración é o encargado de liderar a integración efectiva da Responsabilidade Corporativa na estratexia da compañía e na súa xestión diaria, logrando así afianzar unha cultura da Responsabilidade Corporativa sólida. O Comité de Dirección é o responsable de velar pola axeitada implementación e seguimento dos compromisos asumidos na Política, así como de impulsar a difusión, o coñecemento e o cumprimento da Política de RC a través dos plans que aprobe en cada momento para tales fins. As Direccións Xerais e as Unidades de Negocio son responsables de definir as actuacións que desenvolvan os plans formulados polo Comité de Dirección, así como de propor os obxectivos cuantitativos e cualitativos de cada unha das devanditas actuacións e os indicadores de seguimento asociados. Os administradores, os directivos e o resto de persoas que integran a compañía teñen a obriga de coñecer, comprender e cumprir coas directrices e compromisos contidos nesta Política. Así mesmo, o grupo promoverá e incentivará entre os seus provedores e empresas colaboradoras a adopción dos principios de comportamento definidos na presente Política.

12 12 5. Sistemas de seguimento e supervisión O cumprimento da Política asegúrase a través da aprobación de plans específicos polo Comité de Dirección. Polo menos semestralmente, as Direccións Xerais e as Unidades de Negocio reportaranlle ao Comité de Dirección sobre o grao de avance do cumprimento dos devanditos plans, quen informará a Comisión designada polo Consello. Anualmente, a través do Informe de Responsabilidade Corporativa e o Informe Anual comunicaranse externamente os avances na implantación desta política. Os riscos tanto financeiros como non financeiros que son susceptibles de afectar ao desenvolvemento da compañía recóllense no Mapa de Riscos de Gas Natural Fenosa. A través deste mapa a Comisión de Auditoría leva a cabo a supervisión dos riscos da compañía. Así mesmo, nun nivel máis operativo, a Dirección de Riscos e outras áreas específicas realizan medicións periódicas da evolución dos riscos principais, sinalando as indicacións oportunas no caso de observar niveis de exposición ou tendencias na súa evolución que puidesen exceder a tolerancia establecida. A Dirección de Auditoría, Compliance e Control Interno é responsable da revisión continua e a mellora do Sistema de Control Interno do grupo, así como de asegurar o cumprimento da normativa externa e interna e dos modelos de control establecidos, co obxecto de salvagardar a eficacia e eficiencia das operacións e de mitigar os principais riscos en cada un dos ámbitos do grupo; especialmente os riscos operacionais, de corrupción, fraude e legais. Así mesmo, responsabilízase da xestión do modelo do Código Ético de Gas Natural Fenosa e do informe da actividade de auditoría interna á Comisión de Auditoría. De forma complementaria aos sistemas de seguimento e supervisión desta Política descritos previamente, Gas Natural Fenosa considera fundamental a implicación dos grupos de interese para lograr unha xestión axeitada da sustentabilidade na compañía e, polo tanto, a consecución dos obxectivos en RC propostos, polo que mantén un diálogo activo e bidireccional cos grupos de interese, que lle permite tamén facer seguimento do cumprimento desta Política. 6. Aprobación A Política de Responsabilidade Corporativa de Gas Natural Fenosa foi aprobada polo Consello de Administración de Gas Natural Fenosa, con data de 18 de decembro de 2015.

13

14