GUÍA PARA A ELABORACIÓN DO TFG (Data 19 de xuño de 2017) O Traballo Fin de Grao (TFG) é un traballo de carácter integrador que o estudantado debe desenvolver de forma individual e autónoma destinado a demostrar a adquisición de competencias vinculadas co Grao en Comercio. O TFG é unha materia do Plan de Estudos do Grado en Comercio de 6 créditos ECTS que supón unha equivalencia aproximada de 150 horas de traballo do estudantado. O TFG non é un traballo de investigación propiamente dito, aínda que a súa elaboración implique a procura e tratamento de información relevante e novedosa. O estudantado debe ser capaz de desenvolver un traballo de certa entidade no que integre os coñecementos e capacidades adquiridas. As orientacións e os enfoques do TFG poden ser múltiples entre os cales podemos identificar, sen ánimo de ser exhaustivos, algúns exemplos: estudos sectoriales, análises de viabilidade de empresas, estudos económicos de carácter xeral, estudos sobre metodoloxías aplicables á xestión da empresa e o comercio, aspectos relacionados co comercio internacional desde diferentes e diversas perspectivas ou revisión sobre o estado da cuestión de temas relacionados coa titulación. O TFG ten que ser orixinal, debendo citarse as fontes de referencia de toda aquela información que non sexa propia do autor/a. Por suposto calquera tipo de plaxio será motivo de suspenso. 2. ESTRUCTURA BÁSICA Con independencia dos contidos propios do TFG, todos deberán incluír os seguintes elementos: Título.- Nunha lingua oficial ou en inglés. Resumo.- Breve síntese do contido cunha extensión aproximada de 250 palabras redactada en galego, castelán ou inglés. Palabras clave.- Incluírase un máximo de catro términos significativos do contido do traballo.
Índice.- Situado antes do corpo principal do documento. Introdución.- Apartado de inicio destinado a contextualizar a temática do traballo. Debe servir para interesar ao lector/a sobre o tema a tratar e para facerse unha idea preliminar sobre cal é a situación de partida do tema que se analiza ou da problemática xeral na que se inscribe o traballo. Corpo.- Está constituído polos epígrafes ou apartados nos que se vai a desenvolver a temática que se estuda. En calquera caso, a información debe expoñerse de forma clara e concisa, debe ser adecuada e pertinente, non redundante ou repetitiva e por outra parte debe incluirse algunha aportación persoal. Conclusións.- É a sección final do traballo na que se remarcan as principais deducións da análise efectuada sobre a temática estudada. Bibliografía.- Recompilación das fontes bibliográficas usadas na exposición temática do traballo. A relación ordenarase alfabéticamente e debe seguir o modelo de citación A.P.A. (American Psichology Association). 3.-FORMATO O TFG debe ser conciso e concreto e neste sentido, aínda que é difícil establecer unha extensión máxima porque os enfoques e as temáticas poden ser moi variados, poderiamos considerar unha referencia razoable entre 30 e 50 páxinas na maioría dos casos aínda que sempre supeditado ás orientacións do titor. Desde un punto de vista formal requirirase certa homoxeneidade coa finalidade de que todos os traballos teñan un formato similar contribuíndo así a aclararlle o camiño ao estudantado que ten que desenvolvelo e aos tribunais avaliadores que deberán xulgalos. Con este obxectivo achégase unha GUÍA PARA A REDACCIÓN DO TFG na que se indicarán, ademais das cuestións de estilo, outras como os formatos dos ou parágrafos, o tipo de letra, o interlineado ou como deben efectuarse citas. No momento de solicitar a defensa do TFG deberase depositar na Secretaría de alumnado do Centro, unha copia impresa e outra en soporte informático.
4.- DEFENSA O Regulamento do TFG da Uvigo establece que o traballo deberá ser defendido ante un tribunal formado por tres profesores/as que exercerán as funcións de presidente/a, secretario/a e vocal. Ademais, e debido ás características dos traballos presentados así como ao número de alumnos/as matriculados/as poderanse nomear varios tribunais. O exercicio para a defensa do TFG constará de dúas partes, unha primeira na que o/a estudante fará unha exposición oral dos aspectos máis relevantes do seu traballo así como das conclusións ás que chegou. A continuación, o tribunal avaliador formulará as preguntas que considere oportunas. A duración máxima prevista para a exposición será de 15 minutos podendo empregarse soporte informático para a mesma. Unha copia da presentación deberá entregarse previamente ao presidente/a do tribunal polo menos con dous días de antelación. A cualificación outorgada polo tribunal responderá aos contidos do traballo así como a súa presentación en canto a formato, tempo, claridade, etc e suporá un 70% da nota final do alumno. O 30% restante corresponderá a cualificación outorgada polo titor/a. GUÍA PARA A REDACCIÓN DO TFG As presentes normas servirán de orientación para a redacción e edición do TFG. O traballo entregarase en formato dixital e en papel con extensión PDF. A extensión será de 30 a 50 páxinas, excluíndo bibliografía e anexos. Na portada deberá aparecer, en diferentes liñas: título do traballo, nome e apelidos do que presenta o traballo. Nome do profesor/a titor/a e data da convocatoria. No anexo I facilitarase modelo orientativo. Título do traballo, nome e apelidos do alumno ou alumna que presenta o traballo. Nome do profesor ou profesora titor/titora e data da convocatoria. No anexo I facilitarase modelo orientativo.
O título, escrito completamente en maiúsculas e en negriña, tamaño 18 puntos. Se ten un subtítulo escribirase a continuación do título, en minúscula e tamaño de 16 puntos. Despois do título deixarase un espazo en branco e colocarase o nome do autor/a e do titor/a en 14 puntos e negriña pero nunca en maiúscula (agás da primeira letra). Para a redacción do corpo do traballo suxírense as seguintes instruccións: - Interlineado: 1,5 - Márxenes: 2,5 centímetros, arriba-abaixo e esquerda-dereita. - Alineación: Xustificada. - Numeración: Todas as páxinas estarán correlativamente numeradas colocándose a numeración no extremo inferior dereito ao centro. - Citas e bibliografía: As normas que se seguirán para as citas e a bibliografía serán as de a APA( American Psichology Associatión). Epígrafes. O traballo deberase organizar en diferentes epígrafes, cuxos títulos serán numerados correlativamente a partir do 1. Cada número irá seguido dun punto, un espazo e o título tal e como se ilustra a continuación: Primeiro nivel: 12 PUNTOS NEGRIÑA MAIÚSCULAS (1. ANÁLISE DO MERCADO ) Segundo nivel: 12 puntos negriña (1.1 o entorno como ) Notas a pé de páxina: 10 puntos. Citas e bibliografía. As normas que se rexirán para as citas e a bibliografía serán as de A.P.A. Exemplos Libro completo: Dávila, T; Epstein M. J y Shelton, R (2006): La innovación que sí funciona. Cómo gestionarla, medirla y obtener beneficio real de ella. Ed. Deusto, Barcelona Capítulo do libro: Cubillo, J.M y Cerviño, J (2008): Marketing sectorial. Marketing Internacional (pp423-457). Ed. ESIC, Madrid Revista:
Bradley, R. y O`Reágain (1998): Concentración e diversificación entre PYMES con éxito en los mercados internacionales. Información Comercial Española, Nº 774, noviembre, pp. 53-63. Fontes electrónicas: O patrón básico para unha referencia electrónica é: Autor, iniciais do seu nome (ano). Título. Mes, día, ano enderezo de internet. Alexander, J., & Tate, M.A (2001). Evaluando las Fuentes Electrónicas. Consultado o 21 de agosto de 2001, Widener University, páxina web conmemorativa da biblioteca. Wolfgram: http://www2.widener.edu/wolfgram-memorial- Library/webevaluation/webeval.htm Outras informacións de interese. Se se desexa resaltar algo no texto, utilizarase sempre a letra negriña. Utilizarase a cursiva para palabras noutros idiomas. As citas literais cortas de menos de 5 líneas, van entre comillas e se son máis longas nun tipo de letra inferior, sangrado e sen comillas. Toda cita textual debe de ir acompañada do apelido do autor/a, do ano e da páxina. Sempre que resulte necesario a aclaración de calquera aspecto do texto, recomendase o uso de notas a pé de páxina. Gráficas, taboas e fotografías. Todas as táboas e gráficos estarán numerados correctamente e centraranse no corpo do texto. As táboas e os gráficos deben ter un título conciso que permita entender o seu contido. O título colocarase, despois da numeración, na parte superior da táboa ou do gráfico, e escribirase en negriña, en maiúsculas todas as letras e centrado. Debaixo de cada gráfico ou taboa citarase a fonte do mesmo. Debe incluirse en caso necesario un índice de táboas ou gráficos a continuación do índice xeral.
GRADO EN COMERCIO TRABALLO FIN DE GRAO CURSO 2013/14 TÍTULO DO TRABALLO Subtítulo do traballo Nome do autor/a Dirixido por: Nome do Titor/a Data da convocatoria