CONCELLOS BECERREÁ. Anuncio

VIERNES, 7 DE NOVIEMBRE DE 2014 Nº 256 INFORMACIÓN PÚBLICA CONCELLOS BECERREÁ Anuncio Dacordo co disposto no art. 169.3 do Real Decreto Lexislativo 2/2004 de 5 de marzo polo que se aproba o Texto Refundido da Lei Reguladora das Facendas Locais ó que se remite o art. 177 do mesmo, e no art. 20.3 en relación co art. 38.2 do Real Decreto 500/90, de 20 de abril, faise público para xeral coñecemento, que esta Corporación Municipal en sesión plenaria celebrada o día 18 de setembro, adoptou o acordo de aprobación definitiva ó non presentarense reclamacións contra o expediente número 11/2014, de modificación de créditos; suplemento de créditos sexta que se financia con cargo ao remanente de Tesourería para gastos xerais con modificacion das 4 e 7/2014. Coas modificacións acordadas, o resumen por Capítulos do Orzamento de Gastos do 2014, queda fixado segundo se detalla. Capítulos Consignación antes deste expediente euros (partiendo de previsión inicial). Aumento suplemento de crédito euros. Total consignación resultante euros. 1.-Gtos. Personal 916.622,57 916.622,57 2.-Gtos. Bens 771.143,34 771.143,34 4.-Transf. Ctes. 111.506,00 111.506,00 6.-Inversións reais 92.559,49 11.405,74 103.965,53 Suma Totais 1.891.831,40 11.405,74 1.903.237,14 Becerreá, 29 de outubro de 2014.- O Alcalde, Manuel Martínez Núñez. R. 4223 LUGO Anuncio INFORMACIÓN PÚBLICA O Bispado de Lugo solicitou desta Alcaldía licenza municipal para a instalación dun centro de lavado de vehículos, como ampliación da actividade de garaxe-aparcadoiro público con licenza de apertura 129/2007, na rúa Salvador de Madariaga núm. 5 Cumprindo o disposto no apartado 3 do artigo 8 do Decreto 133/2008, de 12 de xuño, polo que se regula a avaliación da incidencia ambiental, sométese a información pública por período de vinte días, a fin de que durante o mesmo -que empezará a contarse dende o día seguinte ó da publicación do presente edicto-, poida examinarse o expediente no Servizo de Licenzas, polas persoas que dalgún xeito se consideren afectadas pola

2 Núm. 256 Viernes, 7 de Noviembre de 2014 B.O.P de Lugo actividade que se pretende instalar e formular por escrito as reclamacións ou observacións que se estimen oportunas. Lugo, 16 de xaneiro de 2014.- O TENENTE DE ALCALDE DELEGADO DA ÁREA DE URBANISMO E MEDIO AMBIENTE, Luis Manuel Álvarez Martínez R. 4202 Anuncio A Xunta de Goberno Local do Concello de Lugo, en sesión ordinaria celebrada o día quince de outubro de dous mil catorce, adoptou, entre outros, o acordo 12/742, de MODIFICACIÓN DA BASE DUODÉCIMA DAS BASES XERAIS PARA O ACCESO EN PROPIEDADE A PRAZAS DE FUNCIONARIOS E PERSOAL LABORAL DO EXCMO. CONCELLO DE LUGO, EN QUENDA DE PROMOCIÓN INTERNA, quedando ditas bases redactadas do seguinte xeito: BASES XERAIS PARA O ACCESO EN PROPIEDADE A PRAZAS PERTENCENTES Ó CADRO DE FUNCIONARIOS E DE PERSOAL LABORAL DO EXCMO. CONCELLO DE LUGO EN QUENDA DE PROMOCIÓN INTERNA PRIMEIRA.- OBXECTO O Excmo. Concello de Lugo facilitará a promoción interna do seu persoal mediante a reserva para a quenda de promoción interna das prazas que se establezan con ocasión da aprobación da oferta de emprego público. É obxecto destas bases xerais a regulación do procedemento xeral para o acceso en propiedade, na quenda de promoción interna, ás prazas vacantes de funcionarios de carreira e persoal laboral que estean incluídas nas ofertas de emprego público do Excmo. Concello de Lugo. A regulación contida nestas bases completarase co previsto nas correspondentes bases específicas e convocatorias. Respecto das prazas vacantes pertencentes ó cadro de funcionarios, poderán optar nesta quenda de reserva os funcionarios do Excmo. Concello de Lugo, en servizo activo, que reúnan as condicións de titulación, antigüidade como funcionario de carreira ó servizo da Corporación, pertenza ós corpos, escalas ou grupos de titulación que se determinen e demais requisitos esixidos nas bases específicas, na convocatoria e na lexislación de aplicación. De igual modo, de acordo coa disposición transitoria segunda da Lei 7/2007, do 12 de abril, do Estatuto básico do empregado público, o persoal laboral fixo poderá participar nos procesos selectivos de promoción interna convocados polo sistema de concurso oposición, de forma independente ou conxunta cos procesos selectivos de libre concorrencia, naqueles corpos e escalas a que figuren adscritos as funcións ou os postos que desempeñe, sempre que posúa a titulación necesaria e reúna os restantes requisitos esixidos, valorándose, para estes efectos, como mérito os servizos efectivos prestados como persoal laboral fixo e as probas selectivas superadas para acceder a esta condición. As prazas reservadas para a promoción interna que non se cubran por este sistema acumularanse ás convocadas polo sistema de acceso libre. SEGUNDA.- CONTIDO MÍNIMO DAS BASES ESPECÍFICAS As bases específicas haberán de regular os aspectos particulares do proceso de selección atendendo ás peculiaridades das prazas a que se refiran, de acordo cos criterios contidos nestas bases xerais, que só poderán modificarse por resolución motivada fundada en concretas especialidades da praza de que se trate. As bases específicas recollerán, como mínimo, os seguintes contidos: 1º.- Denominación da praza. 2º.- Escala, subescala, clase, rama ou especialidade e demais características propias das prazas, no caso de persoal funcionario. No caso de persoal laboral, a indicación, como mínimo, da categoría profesional e especialidade. 3º.- Grupo de titulación. 4º.- Sistema selectivo elixido, que, de conformidade con estas bases xerais, será para todas as convocatorias o de concurso oposición. 5º.- Requisitos, titulacións e outras condicións específicas que han de reunir os aspirantes, en concreto as relativas á antigüidade mínima ó servizo do Concello e a pertenza ós corpos, escalas ou grupos de titulación esixidos para poder optar á quenda de promoción interna. 6º.- Determinación das probas que deben superar os aspirantes, con indicación do seu carácter obrigatorio ou voluntario, eliminatorio ou non eliminatorio, que se axustarán ó seguinte esquema: A) Probas preselectivas, con descrición do tipo, denominación, modo de realización e causas de exclusión. B) Probas selectivas, que poderán ser: - probas físicas, con indicación da denominación, modo de execución e táboas de puntuación.

3 Núm. 256 Viernes, 7 de Noviembre de 2014 B.O.P de Lugo - probas teóricas, que versarán sobre o temario de materias relacionadas coa praza obxecto da convocatoria. As bases haberán de determinar a modalidade de exercicio elixida, as normas específicas da súa realización e demais cuestións relacionadas co seu desenvolvemento, así como a posibilidade de lectura ou exposición pública. - probas prácticas, con indicación do tipo de proba, modo e tempo de realización, sistema de puntuación, así como calquera outra peculiaridade relativa á súa execución. Nos casos en que a realización das probas así o requira, as bases poderán determinar os medios materiais dos que deberán acudir provistos os aspirantes para a realización das probas. 7º.- Programa temario de materias específicas. 8º.- Determinación das características, contidos xerais e criterios de avaliación dos cursos de formación e período de prácticas, no caso de que se establezan. TERCEIRA.- CONTIDO MÍNIMO DAS CONVOCATORIAS O Excmo. Sr. Alcalde, unha vez publicada a oferta de emprego público, nos diarios oficiais que proceda, convocará os correspondentes procesos selectivos. As convocatorias conterán, como mínimo, as seguintes especificacións: 1º.- Corporación convocante. 2º.- Denominación da praza. 3º.- Número de prazas convocadas. 4º.- Escala, subescala, clase, rama ou especialidade e demais características propias das prazas, no caso de persoal funcionario. No caso de persoal laboral, a indicación, como mínimo, da categoría profesional e da especialidade. 5º.- Grupo de titulación. 6º.- Sistema selectivo elixido, de acordo coas bases xerais e específicas aprobadas para cada praza. 7º.- Indicación do carácter restrinxido do proceso. 8º.- Titulación e demais requisitos que han de reunir os aspirantes. CUARTA.- NORMATIVA DE APLICACIÓN Os correspondentes procesos selectivos regularanse polo disposto nestas bases xerais e polas específicas de cada praza e a convocatoria. No que non estea previsto nelas, pola Lei 7/2007, do 12 de abril, do Estatuto básico do empregado público, pola Lei 30/1984, do 2 de agosto, modificada pola Lei 23/1988, do 28 de xuño; polo Decreto lexislativo 1/2008, do 13 de marzo, polo que se aproba o Texto refundido da Lei da función pública de Galicia; polo Real decreto lexislativo 781/86, do 18 de abril; polo Real decreto 896/1991, do 7 de xuño, de regras básicas e programas mínimos do procedemento de selección dos funcionarios da Administración local, e supletoriamente polo Real decreto 364/95, do 10 de marzo, polo que se aprobou o Regulamento xeral de ingreso do persoal ó servizo da Administración xeral do Estado. QUINTA.- PUBLICIDADE Estas bases xerais, así como as específicas e as convocatorias, publicaranse no BOP (Boletín Oficial da Provincia) de Lugo e no DOG (Diario Oficial de Galicia). Os anuncios das convocatorias publicaranse no BOE (Boletín Oficial del Estado) cos requisitos recollidos no art. 6. 2. do Real decreto 896/1991, do 7 de xuño, excepto as referidas á promoción interna do persoal laboral. SEXTA.- SISTEMA SELECTIVO O procedemento selectivo realizarase, en todas as convocatorias, a través do sistema de concurso oposición. SÉTIMA.- REQUISITOS DOS ASPIRANTES Para tomar parte nas probas selectivas, os aspirantes deberán reunir os seguintes requisitos, referidos á data en que remate o prazo de presentación de solicitudes. a).-ser funcionario de carreira ou persoal laboral fixo do Excmo. Concello de Lugo en activo e cunha antigüidade mínima de dous anos no corpo, escala ou grupo que se determine nas bases específicas e nas convocatorias. b).- Posuír a titulación esixida. c).- Posuír a capacidade funcional para o desempeño das tarefas atribuídas ó corpo, escala e praza ós que se aspire. As persoas con minusvalías compatibles coas tarefas e funcións correspondentes á praza convocada poderán concorrer en igualdade de condicións co resto dos/as aspirantes, e aplicarase o establecido na Orde PRE/1822/2006, do 9 de xuño, publicada no BOE do 13 de xuño de 2006, pola que se establecen os criterios para adaptación de tempos adicionais nos procesos selectivos para o acceso ó emprego público de persoas con discapacidade. Para estes efectos, os tribunais poderán requirir informe ou colaboración doutros órganos administrativos ou da Administración sanitaria. d).- Non estar separado mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para emprego ou cargo público por resolución xudicial, para o acceso

4 Núm. 256 Viernes, 7 de Noviembre de 2014 B.O.P de Lugo ó corpo ou escala de funcionarios, ou para exercer funcións similares ás que desenvolvían no caso de persoal laboral, no que fora separado ou inhabilitado. e).- Os requisitos concretos que se establezan nas convocatorias específicas. OITAVA.- PRESENTACIÓN DE INSTANCIAS Os interesados en participar nos correspondentes procesos selectivos deberán presentar instancia dirixida ó Excmo. Sr. Alcalde no Rexistro Xeral do Concello de Lugo; así mesmo, poderán remitirse na forma determinada na Lei 30/1992, do 26 de novembro, de réxime xurídico das administracións públicas e do procedemento administrativo común. Ás solicitudes de participación deberá xuntarse a fotocopia do DNI, pasaporte ou documento que o substitúa noutros estados membros da Unión Europea, así como fotocopia compulsada dos méritos alegados e acreditados para a súa valoración na fase de concurso. O prazo de presentación de instancias será de vinte días naturais contados dende o seguinte á publicación do anuncio da convocatoria no Boletín Oficial do Estado, cando se trate de prazas de persoal funcionario. Para prazas pertencentes ó cadro de persoal laboral, o prazo de presentación de instancias será de vinte días naturais contados dende o seguinte á publicación do anuncio da convocatoria no Boletín Oficial da Provincia de Lugo. NOVENA.- DEREITOS DE EXAME Os aspirantes que participen nos procesos selectivos na quenda de promoción interna estarán exentos de aboar os dereitos de exame. DÉCIMA.- ADMISIÓN DE ASPIRANTES Para ser admitido e, de ser o caso, tomar parte nas probas selectivas, será necesario que os aspirantes manifesten nas súas instancias que reúnen todos e cada un dos requisitos xerais esixidos na base sétima, así como os específicos que se esixan nas bases específicas e en cada convocatoria individualizada, requisitos que se entenderán referidos sempre ó día en que remate o prazo de presentación de instancias, e que se comprometan, no caso de ser propostos para o correspondente nomeamento, a prestar xuramento ou promesa de acordo co que determina o R. d. 707/1979, do 5 de abril. Se en calquera momento do proceso selectivo chegase a coñecemento do tribunal que algún dos aspirantes non posúe a totalidade dos requisitos esixidos na respectiva convocatoria, logo de audiencia previa ó interesado, o tribunal deberá darlle coñecemento ó Excmo. Sr. Alcalde das anomalías observadas, para os efectos de adoptar, no prazo de vinte e catro horas, a resolución que proceda en relación coa continuación do aspirante no procedemento selectivo. UNDÉCIMA.- LISTA DE ADMITIDOS. DATA E LUGAR DE CELEBRACIÓN DAS PROBAS Rematado o prazo de presentación de instancias, e logo de informe previo do Servizo de Persoal acerca da antigüidade do aspirante ó servizo do Concello, da súa condición de funcionario ou persoal laboral, da súa pertenza ós corpos, escalas ou grupos de titulación esixidos para optar á quenda de promoción interna e demais circunstancias que constan no seu expediente persoal, se é o caso, verbo da xustificación dos requisitos específicos esixidos para o acceso, así como para a valoración da antigüidade na fase de concurso; a Alcaldía ou Concelleiro Delegado, se é o caso, ditará resolución pola que se declarará aprobada a lista de admitidos e excluídos, con indicación do motivo de exclusión, e sinalarase un prazo de dez días hábiles para emendas, de acordo co artigo 71 da Lei 30/1992, do 26 de novembro. A data, hora e lugar de celebración dos exercicios, poderá publicarse conxunta ou separadamente coa lista provisional de admitidos e excluídos. Estas resolucións deberán ser publicadas no BOP de Lugo. Os sucesivos anuncios publicaranse no Taboleiro de Anuncios do Concello e nos locais onde se celebrou a proba anterior. DUODÉCIMA.- TRIBUNAIS CUALIFICADORES 1) Composición e nomeamento dos tribunais. De conformidade co establecido no artigo 60 da Lei 7/2007, do 12 de abril, do Estatuto básico do empregado público, a composición dos tribunais cualificadores será a seguinte: Presidente: Xefa do Servizo de Persoal do Concello de Lugo Vogais: - Tres técnicos ou especialistas de igual ou superior titulación á da praza convocada e da mesma área de coñecemento, nomeados pola Xunta de Goberno Local, se é o caso, ben entre persoal de calquera das administracións públicas (local, autonómica ou estatal) ou ben entre profesionais ou persoal docente. Secretario: o do Pleno ou funcionario/a en quen delegue. Os vogais deberán posuír titulación ou especialización iguais ou superiores ás esixidas para o acceso ás prazas convocadas.

5 Núm. 256 Viernes, 7 de Noviembre de 2014 B.O.P de Lugo Para cada un dos membros do tribunal será designado un suplente. Este actuará nos supostos de que o titular non poida asistir á correspondente sesión do órgano de selección. O nomeamento dos tribunais farase por resolución da Alcaldía, que se publicará no BOP de Lugo e que poderá ser conxunta ou independente da de aprobación de aspirantes admitidos e excluídos. 2) Abstención e recusación: Os membros dos tribunais deberán absterse de formar parte destes cando concorran as circunstancias previstas na Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, circunstancia que se lle notificará á autoridade convocante, e tamén deberán absterse cando realizasen tarefas de preparación a probas selectivas nos cinco anos anteriores á publicación das respectivas convocatorias. Os/as aspirantes poderán recusar os membros dos tribunais nos termos previstos na mencionada Lei 30/1992, do 26 de novembro. 3) Actuación dos tribunais: Ningún tribunal poderá constituírse nin actuar sen a asistencia, como mínimo, do presidente e do secretario ou de quen legalmente os substitúa e da metade, cando menos, do resto dos seus membros, titulares ou suplentes. Os tribunais poderán dispoñer a incorporación de asesores especialistas para as probas que estimen necesario. Estes asesores limitarán a súa actuación á colaboración cos tribunais exclusivamente no exercicio das súas especialidades técnicas. O tribunal resolverá todas as dúbidas que puidesen xurdir no desenvolvemento do proceso selectivo. As resolucións dos tribunais serán inmediatamente executivas e vincularán á Administración convocante, sen prexuízo de que esta poida proceder á súa revisión de acordo co previsto na Lei 30/1992, do 26 de novembro. Contra as resolucións e actos dos tribunais e os seus actos de trámite que impidan continuar o procedemento ou produzan indefensión poderá interpoñerse recurso de alzada ante o Excmo. Sr. Alcalde. O tribunal poderá valerse de persoal auxiliar durante o desenvolvemento material dos exercicios. DÉCIMO TERCEIRA.- FASE DE CONCURSO Consistirá na valoración dos méritos alegados e acreditados polos aspirantes no momento da presentación de instancias. Os méritos serán valorados de acordo co seguinte baremo: 1.- Antigüidade no Concello: - por cada ano ou fracción superior a 6 meses: 0,15 puntos. 2.- Cursos de especialización (referidos á praza á que se opte e impartidos pola Administración pública ou homologados): - De 10 a 50 horas: 0,01 puntos. - De 50 a 100 horas: 0,02 puntos. - De 100 a 249 horas: 0,03 puntos. - De 250 horas ou máis: 0,04 puntos 3.- Cursos de galego: - Iniciación ou Celga 3: 0,02 puntos. - Perfeccionamento ou Celga 4: 0,03 puntos. Se se puntúa o curso de perfeccionamento, non se puntuará o de iniciación. En todo caso, a fase de concurso terá unha puntuación máxima de 2 puntos. 4.- Para aqueles empregados que nos últimos cinco anos utilizaran ou estén a utilizar unha licencia por maternidade, un permiso de paternidade, unha reducción de xornada ou unha excedencia para o coidado de familiares: 0,01 puntos por cada mes. En todo caso, a fase de concurso terá unha puntuación máxima de 2 puntos DÉCIMO CUARTA.- MODALIDADES DAS PROBAS DOS PROCEDEMENTOS SELECTIVOS As bases específicas da convocatoria haberán de contemplar as probas selectivas que deberán superar os aspirantes, as cales poderán ser de carácter obrigatorio e eliminatorio, obrigatorio e non eliminatorio ou voluntario e non eliminatorio.con base na normativa vixente, establécese a exención para esta quenda da realización do exercicio teórico sobre materias comúns. Así mesmo, existirá un exercicio obrigatorio e eliminatorio, que deberá ter carácter práctico.

6 Núm. 256 Viernes, 7 de Noviembre de 2014 B.O.P de Lugo As probas irán dirixidas a determinar a aptitude e coñecementos do aspirante para o concreto desempeño da praza que se convoque. Neste sentido, as convocatorias poderán incluír os tipos de probas contempladas na base décimo cuarta das bases xerais para o acceso en propiedade a prazas do Excmo. Concello en quenda libre. DÉCIMO QUINTA.- PROGRAMAS Todos os exercicios versarán sobre as materias específicas contidas nos programas ós que se axustarán as convocatorias, relacionadas co contido das funcións e tarefas atribuídas á praza convocada, e que serán aprobadas nas correspondentes bases específicas. O número mínimo de temas de materias específicas, atendendo ós grupos de titulación, será o seguinte: Específicas: GRUPO A (Subgrupo A1): 72 temas GRUPO A (Subgrupo A2): 48 temas GRUPO C (Subgrupo C1): 32 temas GRUPO C (Subgrupo C2): 16 temas Agrupacións profesionais a que fai referencia a disposición adicional sétima da Lei 7/2007, do Estatuto básico (antigo grupo E): 6 temas. Nas probas selectivas para o acceso á escala de Administración xeral, a metade dos temas do programa desenvolverán, en profundidade, algunha ou algunhas das seguintes materias comúns: - Constitución española - Organización do Estado - Estatuto de autonomía - Réxime local - Dereito administrativo xeral - Facenda pública e Administración tributaria DÉCIMO SEXTA.- DESENVOLVEMENTO DAS PROBAS Unha vez feita a publicación sinalada na base undécima, os sucesivos anuncios publicaranse no Taboleiro de Anuncios do Concello e nos locais onde se celebrou a proba anterior. Os aspirantes convocaranse para cada exercicio nun único chamamento, e quedarán decaídos no seu dereito os opositores que non comparezan ó ser chamados. Os aspirantes terán que presentarse para a realización de cada exercicio provistos do orixinal do DNI, pasaporte ou documento que o substitúa noutros estados membros da Unión Europea, así como dos medios materiais esixidos para a práctica dos exercicios na convocatoria ou polos tribunais. En calquera momento, o tribunal poderá requirirlles ós opositores que acrediten a súa identidade. A orde de actuación dos aspirantes virá determinada polo sorteo ó que fai referencia a base décimo sétima das bases xerais para o acceso en propiedade en quenda libre. Os exercicios terán lugar a porta pechada, sen outra asistencia que a dos membros do tribunal, os colaboradores designados por este e os aspirantes. Serán públicos os exercicios de exposición oral e aqueles que, pola súa natureza, se desenvolvan en lugares abertos, e o tribunal poderá acordar a lectura pública dos exercicios celebrados por escrito. Dende a total conclusión dun exercicio ata o comezo do seguinte non poderán transcorrer máis de corenta días e deberá transcorrer un prazo mínimo de 48 horas. DÉCIMO SÉTIMA.- CUALIFICACIÓN DOS EXERCICIOS Cada un dos exercicios obrigatorios e eliminatorios será cualificado de acordo coa puntuación que figure nas bases específicas correspondentes, segundo as seguintes regras: A) Probas preselectivas: serán cualificadas de apto ou non apto, de acordo co previsto nos cadros de exclusión ou cos resultados das probas que, de ser o caso, se realicen de acordo coas características das prazas convocadas. B) Probas selectivas: serán cualificadas de acordo co seguinte: a) probas físicas: puntuaranse segundo o disposto nas táboas que se determinen nas bases específicas. b) probas teóricas e prácticas: os exercicios realizados cualificaranse de apto ou non apto. Os exercicios que obteñan a cualificación de apto serán puntuados de 5 a 10 puntos. Nos exercicios realizados polo sistema de cuestionario con resposta alternativa, os tribunais, con anterioridade á celebración do exercicio, deberán determinar, en función do número total de preguntas, a

7 Núm. 256 Viernes, 7 de Noviembre de 2014 B.O.P de Lugo puntuación por resposta acertada e a penalización por resposta errónea, que será a metade da puntuación obtida polas acertadas. A resposta en branco terá puntuación cero. C) Coñecemento da lingua galega. A proba de coñecemento do idioma galego non terá que realizarse por aqueles aspirantes que acrediten os cursos de iniciación e perfeccionamento, a validación correspondente, ou estar en posesión do Celga 4, así como polos que xa se examinaron do idioma galego para o acceso á praza dende a que aspiran á promoción. O exercicio de galego para os/as aspirantes que deban realizar a proba de coñecemento do idioma, cualificarase como apto ou non apto. Os que non o superen terán dous anos para facer os cursos de galego ou o Celga 4. De non facelos, non poderán participar en ningún proceso de promoción ou provisión de postos que se convoquen. As cualificacións de cada un dos exercicios dos aspirantes serán as resultantes da media aritmética da suma das puntuacións outorgadas por cada un dos membros do tribunal con dereito a voto. Excluiranse desta suma aquelas puntuacións superiores ou inferiores en dous ou máis puntos á inmediatamente posterior ou anterior, respectivamente. Os resultados das cualificacións dos exercicios faranse públicas no Taboleiro de Anuncios do Concello e nos locais onde se celebrou a proba anterior. Os aspirantes que non acaden a cualificación de aptos nas probas de carácter obrigatorio e eliminatorio non poderán realizar os exercicios seguintes, e quedarán eliminados do proceso selectivo. A cualificación final de cada aspirante será a resultante da suma das cualificacións de cada un dos exercicios superados e, de ser o caso, das probas voluntarias, e quedarán eliminados os aspirantes de menor cualificación final que excedan do número das prazas convocadas en cada proceso selectivo. No suposto de empate nas puntuacións totais finais de dous ou máis aspirantes, este resolverase tendo en conta a maior puntuación obtida no primeiro exercicio e, se isto non fose suficiente, pola puntuación obtida nos sucesivos exercicios ata que o empate se resolva. De persistir o empate, terase en conta a antigüidade no grupo de orixe. DÉCIMO OITAVA.- RELACIÓN DE APROBADOS Rematada a cualificación final dos exercicios eliminatorios, será incrementada coa puntuación obtida polos aspirantes na fase de concurso de méritos. O tribunal fará pública a relación de aprobados, por orde de puntuación, no Taboleiro de Anuncios de Concello e, simultaneamente, elevaraa á Alcaldía, para os efectos de publicación no BOP. O tribunal non poderá propoñer o acceso á praza dun número de aprobados superior ó de prazas convocadas, excepto cando así se prevexa na propia convocatoria. DÉCIMO NOVENA.- PRESENTACIÓN DE DOCUMENTOS No prazo de vinte días naturais contados dende o seguinte a aquel no que se publicou a relación de aprobados no BOP de Lugo, os aspirantes propostos deberán presentar no rexistro xeral do Concello de Lugo, ou en calquera das formas previstas no art. 38.4 da Lei 30/1992, do 26 de novembro, os seguintes documentos acreditativos das condicións de capacidade e demais requisitos esixidos na convocatoria: a) Fotocopia compulsada do documento que acredite posuír a titulación esixida. b) Declaración xurada de non estar separado do servizo das administracións públicas e non estar incurso nalgún punto das causas de incapacidade ou incompatibilidade determinadas na lexislación vixente. c) Certificado que acredite non padecer enfermidade ou defecto físico que impida o normal exercicio da función. d) Dúas fotografías tamaño carné. Os/as aspirantes aprobados que, dentro do prazo indicado, agás casos de forza maior, non presentaran a documentación esixida ou dela se deducise que carecen dos requisitos esixidos nas correspondentes convocatorias, non poderán ser nomeados, e quedarán anuladas todas as súas actuacións, sen prexuízo da responsabilidade en que puidesen incorrer por falsidade na súa instancia. Neste suposto, o tribunal, nunha sesión celebrada para estes efectos, proporá, de ser o caso, o nomeamento ou a contratación do seguinte aspirante por orde de puntuación que, tendo superadas todas as probas do proceso, non resultara proposto. VIXÉSIMA.- NOMEAMENTO, TOMA DE POSESIÓN OU CONTRATACIÓN Cumpridos os requisitos precedentes, no caso de que se trate de persoal funcionario, a Xunta de Goberno Local nomeará ós/ás aspirantes propostos, que deberán tomar posesión no prazo dun mes a partir da publicación do nomeamento. No caso de persoal laboral, a Xunta de Goberno Local acordará a contratación dos/das aspirantes propostos, que deberán formalizar o contrato, no prazo dun mes a partir da publicación do acordo de contratación. No caso de que o aspirante non tomase posesión ou non formalizase o contrato no período sinalado, salvo causa de forza maior, perderá todos os dereitos derivados de participación no procedemento selectivo e do nomeamento outorgado á súa persoa.

8 Núm. 256 Viernes, 7 de Noviembre de 2014 B.O.P de Lugo VIXÉSIMO PRIMEIRA.- INCOMPATIBILIDADES Os aspirantes que resulten nomeados para cubrir as prazas convocadas quedarán suxeitos dende o momento da súa toma de posesión ou contratación ó réxime de incompatibilidades vixente, e non poderán simultanear o exercicio desta co de calquera outra praza, posto, emprego ou actividade remuneradas, nos termos previstos na lexislación sobre incompatibilidades do persoal ó servizo das administracións públicas. VIXÉSIMO SEGUNDA.- RÉXIME DE RECURSOS As bases xerais, as específicas, as convocatorias e cantos actos administrativos deriven delas e das actuacións dos tribunais poderán ser impugnados nos casos e na forma establecidos pola Lei 30/92, do 26 de novembro, de réxime xurídico das administracións públicas e do procedemento administrativo común, modificado pola Lei 4/99. DISPOSICIÓN FINAL.- Estas bases entrarán en vigor o día seguinte ó da súa publicación no Diario Oficial de Galicia, e rexerán para todos os procesos selectivos para o acceso en propiedade, en quenda de promoción interna, a prazas do cadro de funcionarios e persoal laboral do Excmo. Concello de Lugo convocados con posterioridade á data da súa publicación. Estas bases xerais derrogan cantas disposicións do mesmo carácter foran aprobadas polo Concello de Lugo con anterioridade á súa entrada en vigor.

9 Núm. 256 Viernes, 7 de Noviembre de 2014 B.O.P de Lugo ANEXO.- Modelo de solicitude EXCMO. CONCELLO DE LUGO SOLICITUDE PARA ACCESO A PRAZAS DE FUNCIONARIOS/LABORAIS (QUENDA DE PROMOCIÓN INTERNA) Don/Dona..., maior de idade, con DNI (ou pasaporte) número.., con domicilio para notificacións en, código postal.., teléfono/s número/s...., ante V.E. comparece e expón: Que, coñecida a convocatoria de concurso oposición, quenda de promoción interna, efectuada polo Concello de Lugo para a provisión de. praza/s de..., e desexando tomar parte nela, fai constar que reúne todos e cada un dos requisitos esixidos nas bases xerais, así como nas bases específicas e na convocatoria individualizada, e comprométese, no caso de ser proposto/a para o correspondente nomeamento, a prestar xuramento ou promesa de acordo co que determina o R.d. 707/1979, do 5 de abril, manifestando: a) Ser funcionario/a de carreira/traballador/a fixo/a do Concello de Lugo, pertencente ó grupo. (A (subgrupo A2), C (subgrupo C1/subgrupo C2), agrupacións profesionais a que fai referencia a disposición adicional sétima da Lei 7/2007, do Estatuto básico (antigo grupo E)), cunha antigüidade mínima de DOUS ANOS na data de finalización do prazo de presentación de solicitudes. b) Estar en posesión da titulación e cumprir os demais requisitos esixidos nas bases específicas que regulan o concurso oposición, ou en condicións de obtelos na data en que remata o prazo de presentación de instancias. c) Posuír a capacidade funcional necesaria para o desempeño das tarefas atribuídas á praza á que aspira. d) Non estar separado/a mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para emprego ou cargo público por resolución xudicial, para o acceso ó corpo ou escala de funcionarios, ou para exercer funcións similares ás que desenvolvían no caso de persoal laboral, no que fora separado ou inhabilitado. Así mesmo, para os efectos da fase de concurso, alega os méritos que se detallan nesta solicitude e xunta os documentos acreditativos dos cursos que se indican:

10 Núm. 256 Viernes, 7 de Noviembre de 2014 B.O.P de Lugo 1.- Antigüidade no Concello: 2.- Cursos de especialización (referidos á praza á que se opte e impartidos pola Administración pública ou homologados): Denominación do curso Nº horas 3.- Cursos de galego: (sinálese cun X) Iniciación / Celga 3. Perfeccionamento / Celga 4. Se se puntúa o curso de perfeccionamento, non se puntuará o de iniciación. 4.- Pola utilización dunha licencia por maternidade, un permiso de paternidade, unha reducción de xornada ou unha excedencia para o coidado de familiares: (sinálese a circunstancia de que se trate e o tempo correspondente). NOTA.- As persoas con discapacidade que requiran adaptacións precisas para a realización das probas en condicións de igualdade deberán facelo constar (1) (1) Solicito as adaptacións reflectidas a continuación, para acceder ó proceso selectivo en igualdade de condicións, axuntando a suficiente xustificación:............ Polo exposto, SOLICÍTALLE a V.E. ser admitido/a á convocatoria pública para a provisión, mediante concurso oposición, da/s praza/s indicadas, así como ó proceso selectivo correspondente, de acordo coa convocatoria anteriormente citada...,., do, de 201. Asdo.: Ilmo. SR. ALCALDE PRESIDENTE DO CONCELLO DE LUGO. Centro de Servizos Municipais.- Ronda da Muralla, 197-27002 (LUGO). teléfono: 010.

11 Núm. 256 Viernes, 7 de Noviembre de 2014 B.O.P de Lugo Lugo, 21 de outubro de 2014.- O Alcalde, José Clemente López Orozco R. 4203 Anuncio A Xunta de Goberno Local do Concello de Lugo, en sesión ordinaria celebrada o día quince de outubro de dous mil catorce, adoptou, entre outros, o acordo 11/741, de MODIFICACIÓN DA BASE DUODÉCIMA DAS BASES XERAIS PARA O ACCESO EN PROPIEDADE A PRAZAS DE FUNCIONARIOS E PERSOAL LABORAL DO EXCMO. CONCELLO DE LUGO, EN QUENDA DE CONSOLIDACIÓN DE EMPREGO TEMPORAL, quedando ditas bases redactadas do seguinte xeito: BASES XERAIS PARA O ACCESO EN PROPIEDADE A PRAZAS DE FUNCIONARIOS E PERSOAL LABORAL DO EXCMO. CONCELLO DE LUGO EN QUENDA DE CONSOLIDACIÓN DE EMPREGO TEMPORAL PRIMEIRA.- OBXECTO O obxecto destas bases xerais é a regulación do procedemento xeral para o acceso en propiedade ás prazas vacantes de funcionarios de carreira e persoal laboral, en quenda de consolidación de emprego temporal, de acordo co disposto na disposición transitoria cuarta da Lei 7/2007, do 12 de abril, do Estatuto básico do empregado público, para prazas de carácter estrutural dos distintos corpos, escalas ou categorías, que estean dotados presupostariamente no Concello de Lugo, e se atopen desempeñados interina ou temporalmente con anterioridade ó 1 de xaneiro de 2005. A regulación contida nestas bases completarase co previsto nas correspondentes bases específicas e convocatorias. SEGUNDA.- CONTIDO MÍNIMO DAS BASES ESPECÍFICAS As bases específicas haberán de regular os aspectos particulares do proceso de selección atendendo ás peculiaridades das prazas a que se refiran, de acordo cos criterios contidos nestas bases xerais, que só poderán modificarse por resolución motivada fundada en concretas especialidades da praza de que se trate. As bases específicas recollerán, como mínimo, os seguintes contidos: 1º.- Denominación da praza. 2º.- Escala, subescala, clase, rama ou especialidade e demais características propias das prazas, no caso de persoal funcionario. No caso de persoal laboral, a indicación, como mínimo, da categoría profesional e da especialidade. 3º.- Grupo de titulación. 4º.- Sistema selectivo elixido. 5º.- Requisitos, titulacións e outras condicións específicas que han de reunir os aspirantes. 6º.- Modelo de solicitude de participación no proceso selectivo. 7º.-Determinación das probas que deben superar os aspirantes, con indicación do seu carácter obrigatorio ou voluntario, eliminatorio ou non eliminatorio, que se axustarán ó seguinte esquema: A) Probas preselectivas, con descrición do tipo, denominación, modo de realización e causas de exclusión. B) Probas selectivas, que poderán ser: - Probas físicas, con indicación da denominación, modo de execución e táboas de puntuación. - Probas teóricas, que versarán sobre o temario de materias comúns a cada grupo de titulación e sobre as materias de carácter específico relacionadas coa praza obxecto da convocatoria. Poderán consistir nun único exercicio relativo a ambos grupos de materias ou nun ou máis para cada parte do programa. As bases haberán de determinar a modalidade de exercicio elixida, as normas específicas da súa realización e demais cuestións relacionadas co seu desenvolvemento, así como a posibilidade de lectura ou exposición pública. Probas prácticas, con indicación do tipo de proba, modo e tempo de realización, sistema de puntuación, así como calquera outra peculiaridade relativa á súa execución. Nos casos en que a realización das probas así o requira, as bases poderán determinar os medios materiais dos que deberán acudir provistos os aspirantes para a realización das probas. 8º.- Programa temario de materias específicas, de acordo co número de temas e coa distribución destes entre materias comúns e materias específicas contidas nestas bases xerais. 9º.- Determinación das características, contidos xerais e criterios de avaliación dos cursos de formación e período de prácticas, no caso de que se establezan.

12 Núm. 256 Viernes, 7 de Noviembre de 2014 B.O.P de Lugo TERCEIRA.- CONTIDO MÍNIMO DAS CONVOCATORIAS O Excmo. Sr. Alcalde ou Concelleiro Delegado, se é o caso, unha vez publicada a oferta de emprego público nos diarios oficiais que proceda, convocará os correspondentes procesos selectivos. As convocatorias conterán, como mínimo, as seguintes especificacións: 1º.- Corporación convocante. 2º.- Denominación da praza. 3º.- Número de prazas convocadas. 4º.- Escala, subescala, clase, rama ou especialidade e demais características propias das prazas, no caso de persoal funcionario. No caso de persoal laboral, a indicación, como mínimo, da categoría profesional e especialidade. 5º.- Grupo de titulación. 6º.- Sistema selectivo elixido, de acordo coas bases xerais e específicas aprobadas para cada praza. 7º.- Indicación do carácter da convocatoria de consolidación de emprego temporal. 8º.- Titulación e demais requisitos que han de reunir os aspirantes. CUARTA.- NORMATIVA DE APLICACIÓN Os correspondentes procesos selectivos regularanse polo disposto nestas bases xerais e polas específicas de cada praza e a convocatoria. No que non estea previsto nelas, pola Lei 7/2007, do 12 de abril, do Estatuto básico do empregado público, pola Lei 30/1984, do 2 de agosto, modificada pola Lei 23/1988, do 28 de xuño; pola Lei 4/1988, do 26 de maio, da función pública de Galicia, na redacción dada pola Lei 3/1995, do 10 de abril; polo Real decreto lexislativo 781/1986, do 18 de abril; polo Real decreto 896/1991, do 7 de xuño, de regras básicas e programas mínimos do procedemento de selección dos funcionarios da Administración local, e supletoriamente polo Real decreto 364/1995, do 10 de marzo, polo que se aprobou o Regulamento xeral de ingreso do persoal ó servizo da administración xeral do Estado, e polo Decreto 95/1991, do 23 de marzo, da Consellería da Presidencia e Administración Pública da Xunta de Galicia, polo que se aprobou o Regulamento de selección de persoal. QUINTA.- PUBLICIDADE As bases xerais e as específicas, así como as convocatorias, publicaranse no BOP (Boletín Oficial da Provincia) de Lugo e no DOG (Diario Oficial de Galicia). Os anuncios das convocatorias publicaranse no BOE (Boletín Oficial do Estado) cos requisitos recollidos no art. 6. 2. do Real decreto 896/1991, do 7 de xuño. SEXTA.- SISTEMA SELECTIVO O procedemento selectivo será o de concurso oposición. Á fase de concurso aplicaráselle o correspondente baremo que figura como anexo destas bases. A fase de concurso non terá carácter eliminatorio e non poderá terse en conta para superar as probas da fase de oposición. A valoración dos méritos ou nivel de experiencia non suporá, con relación ás probas selectivas, máis dun 40% da puntuación máxima alcanzable na fase de oposición. É así que, no caso de superarse esta porcentaxe, os puntos que excedan non serán tidos en conta. As prazas que quedasen vacantes no proceso de consolidación de emprego, acumularanse ás convocadas por quenda libre. Co fin de asegurar a debida idoneidade das persoas aspirantes, estas deberán superar, na fase de oposición, a puntuación mínima establecida para as respectivas probas selectivas. SÉTIMA.- REQUISITOS DO PERSOAL ASPIRANTE Para tomar parte nas probas selectivas, os aspirantes deberán reunir os seguintes requisitos, referidos á data en que remate o prazo de presentación de solicitudes. a).- Ter a nacionalidade española. Os nacionais dos estados membros da Unión Europea poderán acceder como persoal funcionario, en igualdade de condicións que os españois ós empregos públicos, con excepción daqueles que directa ou indirectamente impliquen unha participación no exercicio do poder público ou nas funcións que teñan por obxecto a salvagarda dos intereses do Estado ou das administracións públicas. É así que, nas convocatorias específicas, se determinará o acceso ou non ás prazas por parte dos nacionais dos estados membros da Unión Europea. Isto mesmo aplicarase, calquera que sexa a súa nacionalidade, ó cónxuxe dos españois e dos nacionais doutros estados membros da Unión Europea, sempre que non estean separados de dereito e ós seus descendentes e ós do seu cónxuse sempre que non estean separados de dereito, sexan menores de vinte e un anos ou maiores da devandita idade dependentes. Estenderase igualmente ás persoas incluídas no ámbito de aplicación dos tratados internacionais celebrados pola Unión Europea e ratificados por España nos que sexa de aplicación a libre circulación de traballadores nos termos establecidos nos parágrafos precedentes, e tal e como se dispón no artigo 57 da Lei 7/2007, do 12 de abril, do Estatuto básico do empregado público. b).- Posuír a capacidade funcional para o desenvolvemento das tarefas. As persoas con minusvalías compatibles coas tarefas e funcións correspondentes á praza convocada poderán concorrer en igualdade de condicións que o resto dos/as aspirantes, e aplicarase o establecido na Orde PRE/1822/2006, do 9 de xuño, publicada no BOE do 13 de xuño de 2006, polo que se establecen os

13 Núm. 256 Viernes, 7 de Noviembre de 2014 B.O.P de Lugo criterios para adaptación de tempos adicionais nos procesos selectivos para o acceso ó emprego público de persoas con discapacidade. Para estes efectos, os tribunais poderán requirir informe ou colaboración doutros órganos administrativos ou da Administración sanitaria. c).- Ter cumpridos dezaseis anos de idade e non exceder, se é o caso, da idade máxima de xubilación forzosa, excepto naqueles casos en que por Lei veña establecida outra idade para a cobertura de determinadas prazas. d).- Posuír a titulación esixida. e).- Non estar separado mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para emprego ou cargo público por resolución xudicial, para o acceso ó corpo ou escala de funcionarios, ou para exercer funcións similares ás que desenvolvían no caso de persoal laboral, no que fora separado ou inhabilitado. No caso de ser nacional doutro estado, non atoparse inhabilitado ou en situación equivalente nin ter sido sometido a sanción disciplinaria ou equivalente que impida, no seu Estado, nos mesmos termos o acceso ó emprego público. f).- Os requisitos concretos que se establezan nas convocatorias específicas. OITAVA.- PRESENTACIÓN DE INSTANCIAS Os interesados e interesadas en participar nos correspondentes procesos selectivos deberán presentar instancia dirixida ó Excmo. Sr. Alcalde no Rexistro Xeral do Concello de Lugo; así mesmo, poderán remitirse na forma determinada polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común. Ás solicitudes de participación deberá xuntárselle a seguinte documentación: a) Fotocopia do DNI, pasaporte ou documento que o substitúa noutros estados membros da Unión Europea. b) Xustificante do ingreso dos dereitos de exame. Os interesados e/ou interesadas deberán unirlle á solicitude o xustificante de ter ingresados os dereitos de exame, cuxo importe será fixado na Ordenanza fiscal número 119 vixente no momento da convocatoria das prazas. O aboamento da citada taxa farase en modelo normalizado de autoliquidación de Taxas e Prezos Públicos que se atopa a disposición dos interesados nas oficinas administrativas do Excmo. Concello de Lugo e na súa páxina web. Deberase indicar no impreso o nome e apelidos da persoa aspirante e a categoría á que opta. c) Fotocopia compulsada da titulación esixida. d) Fotocopia compulsada da acreditación dos méritos que o/a aspirante desexe achegar para ser tidos en conta na fase de concurso. O prazo de presentación de instancias será de vinte días naturais contados dende o seguinte á publicación do anuncio da convocatoria no Boletín Oficial do Estado. NOVENA.- DEREITOS DE EXAME As taxas por dereito de exame serán as fixadas na Ordenanza fiscal número 119 vixente no momento da convocatoria das prazas. O aboamento da citada taxa farase en modelo normalizado de autoliquidación de Taxas e Prezos Públicos que se atopa a disposición dos interesados nas oficinas administrativas do Excmo. Concello de Lugo e na súa páxina web.. DÉCIMA.- ADMISIÓN DE ASPIRANTES Para ser admitido e, de ser o caso, tomar parte nas probas selectivas, será necesario que os/as aspirantes presenten unha instancia tal e como figura na base oitava, xunto coa documentación que nela se sinala, e manifesten nas súas instancias que reúnen todos e cada un dos requisitos xerais esixidos na base sétima, así como os específicos que se esixan nas bases específicas e en cada convocatoria individualizada, requisitos que se entenderán referidos sempre ó día en que remate o prazo de presentación de instancias, e que se comprometan, no caso de ser propostos para o correspondente nomeamento, a prestar xuramento ou promesa de acordo co que determina o R. d. 707/1979, do 5 de abril. Se en calquera momento do proceso selectivo chegase a coñecemento do tribunal que algún dos aspirantes non posúe a totalidade dos requisitos esixidos na respectiva convocatoria, logo de audiencia previa ó interesado, o tribunal deberá darlle coñecemento ó Excmo. Sr. Alcalde ou Concelleiro Delegado, se é o caso, das anomalías observadas, para os efectos de adoptar, no prazo de vinte e catro horas, a resolución que proceda en relación coa continuación do aspirante no procedemento selectivo. UNDÉCIMA.- LISTA DE ADMITIDOS. DATA E LUGAR DE CELEBRACIÓN DAS PROBAS Rematado o prazo de presentación de instancias, a Alcaldía ou Concelleiro Delegado, se é o caso, ditará resolución pola que se declarará aprobada a lista de admitidos e excluídos, con indicación do motivo de exclusión, e sinalarase un prazo de dez días hábiles para emendas, de acordo co artigo 71 da Lei 30/1992, do 26 de novembro. No prazo de emendas, unicamente poderán corrixir os requisitos indispensables para participar no proceso selectivo, pero non os que voluntariamente achegue o/a aspirante, e que queira presentar para ser tidos en conta na fase de concurso. A presentación da documentación acreditativa dos méritos que se aleguen para a fase de concurso, deberá facerse dentro do prazo de presentación de instancias, sen que sexa admisible a súa presentación dentro do prazo de emendas, sen prexuízo das aclaracións que puidese solicitar o

14 Núm. 256 Viernes, 7 de Noviembre de 2014 B.O.P de Lugo tribunal cualificador. A data, hora e lugar de celebración dos exercicios poderán publicarse conxunta ou separadamente coa lista provisional de admitidos e excluídos. Estas resolucións deberán ser publicadas no BOP de Lugo. Os sucesivos anuncios publicaranse no Taboleiro de Anuncios do Concello e nos locais onde se celebrou a proba anterior. DUODÉCIMA.- TRIBUNAIS CUALIFICADORES 1) Composición e nomeamento dos tribunais. De conformidade co establecido no artigo 60 da Lei 7/2007, do 12 de abril, do Estatuto básico do empregado público, a composición dos tribunais cualificadores será a seguinte: Presidente: Xefa do Servizo de Persoal do Concello de Lugo Vogais: - Tres técnicos ou especialistas de igual ou superior titulación á da praza convocada e da mesma área de coñecemento, nomeados pola Xunta de Goberno Local, se é o caso, ben entre persoal de calquera das administracións públicas (local, autonómica ou estatal) ou ben entre profesionais ou persoal docente. Secretario: o do Pleno ou funcionario/a en quen delegue. Os vogais deberán posuír titulación ou especialización iguais ou superiores ás esixidas para o acceso ás prazas convocadas. Para cada un dos membros do tribunal será designado un suplente. Este actuará nos supostos de que o titular non poida asistir á correspondente sesión do órgano de selección. O nomeamento dos tribunais farase por resolución da Alcaldía, que se publicará no BOP de Lugo e que poderá ser conxunta ou independente da de aprobación de aspirantes admitidos e excluídos. 2) Abstención e recusación Os membros dos tribunais deberán absterse de formar parte destes cando concorran as circunstancias previstas na Lei 4/1999, do 13 de xaneiro, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, circunstancia que se lle notificará á autoridade convocante, e tamén deberán absterse cando realizasen tarefas de preparación a probas selectivas nos cinco anos anteriores á publicación das respectivas convocatorias. Os/as aspirantes poderán recusar os membros dos tribunais nos termos previstos na mencionada Lei 30/1992, do 26 de novembro. 3) Actuación dos tribunais Ningún tribunal poderá constituírse nin actuar sen a asistencia, como mínimo, do presidente e do secretario ou de quen legalmente os substitúa, e da metade, cando menos, do resto dos seus membros, titulares ou suplentes. Os tribunais poderán dispoñer a incorporación de asesores especialistas para as probas que estimen necesario. Estes asesores limitarán a súa actuación á colaboración cos tribunais exclusivamente no exercicio das súas especialidades técnicas. O tribunal resolverá todas as dúbidas que puidesen xurdir no desenvolvemento do proceso selectivo. As resolucións dos tribunais serán inmediatamente executivas e vincularán a Administración convocante, sen prexuízo de que esta poida proceder á súa revisión de acordo co previsto na Lei 30/1992, do 26 de novembro. Contra as resolucións e actos dos tribunais e os seus actos de trámite que impidan continuar o procedemento ou produzan indefensión, poderá interpoñerse recurso de alzada ante o Excmo. Sr. Alcalde. O tribunal poderá valerse de persoal auxiliar durante o desenvolvemento material dos exercicios. DÉCIMO TERCEIRA.- MODALIDADES DAS PROBAS DOS PROCEDEMENTOS SELECTIVOS As bases específicas de convocatoria haberán de contemplar as probas selectivas que deberá superar o persoal aspirante, as cales poderán ser de carácter obrigatorio e eliminatorio, obrigatorio e non eliminatorio ou voluntario e non eliminatorio. En todo caso, existirá un exercicio teórico de carácter obrigatorio e eliminatorio sobre materias comúns, e un tamén obrigatorio e eliminatorio que deberá ter carácter práctico. As probas irán dirixidas a determinar a aptitude e coñecementos do aspirante para o concreto desempeño da praza que se convoque. Neste sentido, as convocatorias poderán incluír os seguintes tipos de probas: