PUBLICACION DI GABINETE DI. Prome Minister Mark Rutte a bishita Aruba cu delegacion comercial. Studiantenan

April 2013 Aña 31, Volumen 3 Noticiero PUBLICACION DI GABINETE DI Aruba MINISTER PLENIPOTENCIARIO DI ARUBA R.J. SCHIMMELPENNINCKLAAN 1 2517 JN DEN HAAG TELEFOON: (070) 356 62 00 Prome Minister Mark Rutte a bishita Aruba cu delegacion comercial Prome Minister Hulandes Mark Rutte a tene un bishita di trabou na Aruba. Hunto cu Rutte a bin tambe un delegacion comercial cu a wordo encabesa pa presidente di MKB (Midden en Klein Bedrijf) Nederland sr. Hans Biesheuvel. Rutte ta bishitando pa prome bes e partinan Caribense di Reino. Gabinete Mike Eman a ofrece Premier Rutte den Europahuis un presentacion audiovisual di plan BoAruba. Minister di Finanzas Mike de Meza a duna un presentacion riba sostenibilidad y Finanza Publico. Un bunita clip a wordo presenta na Premier Rutte di e conferencia internacional exitoso cu a wordo teni na Aruba na luna di mei Europe Meets the Americas. Tambe e prome minister Hulandes a haci un tour bishitando algun empresa y tambe refineria Valero y Kustwacht na Mariniers Kazerne. Arubahuis Aruba Studiantenan Turismo Social Minister Abath a topa cu Prome Minister di Curaçao p. 2 Mudamento di waf di carga ta un mega impacto riba nos economia p. 8 Minister Abath a yama bono bini na grupo di studiante p. 13 LAN ta cuminsa cu vuelonan pa Aruba p. 18 Sarah-Quita pa di seis biaha campeon Mundial p. 19 1

Arubahuis Minister Plenipotenciario sr. Edwin Abath a topa cu Prome Minister di Curaçao Minister Plenipotenciario di Aruba sr. Edwin Abath a topa cu Prome Minister di Curaçao sr. Ivar Asjes, na un recepcion na Cas di Curaçao. E prome minister di Curaçao tabata na Hulanda ariba un bishita di trabao. Sr. Asjes durante e bishita aki ta ser acompaña pa su minister di Husticia sr. Nelson Navarro. Noticiero Aruba Publicacion Gabinete di Minister Plenipotenciario di Aruba Redaccion Sidney Kock Fotografico Nico van der Ven S. Kock e.a Direccion R.J. Schimmelpennincklaan 1 2517 JN Den Haag T: (070) 356 62 00 F: (070) 345 14 46 www.arubahuis.nl Abonado Leonie Nicolaas T: (070) 356 62 18 Horario di officina Dialuna te cu diabierna Di 08.30 tot 17.00 uur Advertencia informacion y tarifa T: (070) 356 62 15 / 3566218 Produccion GBS prepress Rijswijk Minister Plenipotenciario di Curaçao a bishita Cas di Aruba Minister Plenipotenciario di Curaçao sra. Marvelyne Wiels a haci un bishita oficial na Cas di Aruba. E mandatario a keda ricibi door di Minister Plenipotenciario Edwin Abath y director interino di Cas di Aruba sra. Shandra John. Den Sala Padu e mandatario a topa y a cera conoci cu e personal di Cas di Aruba. Na e ocacion aki sr. Abath a bisa di ta honra cu bishita di su colega nobo. Y ta cu sumo placer nos ta ricibi e aki na Cas di Aruba, ofreciendo alabes nos sosten y cooperacion den ehecucion di su tareanan nobo, tanto estatal como consular pa pais Curaçao. Den e ultimo tres aña y mei di mi gestion aki na Den Haag, mi tabata tin e placer di traha cu diferente colega Minister Plenipotenciario, tanto di pais Antia, como di pais nobo Curaçao. E cooperacion y entendimiento semper tabata positivo y constructivo, producto di e lazonan di amistad, lazonan familiar y historico entre nos paisnan y nan hendenan. Mi ta sigur cu e mesun 2 bon ambiente y colegialidad lo continua den nos trabao hunto den e periodo nos dilanti, asina sr. Abath a bisa. Mi ta reafirma nos disponibilidad pa brinda tur nos cooperacion, pa fortalece e lazonan di amistad y traha estrechamente pa saca e mihor beneficio pa nos respectivo paisnan. Minister Plenipotenciario Wiels a gradici sr. Abath y personal di Cas di Aruba pa e bunita y caluroso recepcion y tambe a expresa su deseo pa continua cu e bon cooperacion entre e dos paisnan na bienestar di e pueblo di Aruba y Curaçao.

Hefe di Mision embahada Britanico a bishita minister Abath Minister Plenipotenciario di Aruba sr. Edwin Abath a ricibi bishita di Hefe di Mision di Embahada di Reino Uni na Den Haag sr. Nicholas Alexander. Tambe presente durante e combersacion aki tabata director di ATA Europa, sr. Tirso Tromp. Sr. Abath a duna un splicacion en extenso na sr. Alexander encuanto e desaroyonan na Aruba, e relacion entre Aruba cu Hulanda y den e cuadro mas grandi, esta cu Union Europeo y a toca e vision di Aruba pa bira un gateway entre Europa y e continente Americano. E mandatario a papia ariba Aruba su vision pa cu Reino Hulandes y cu esaki awendia ta uno basa ariba partnership na unda tin un win-win pa ambos pais. Sr. Abath a bisa cu Aruba ta haya hopi importante pa estrecha e lasonan cu paisnan amigo manera Reino Uni y Francia. E ta hopi orguyoso di por a firma e acuerdo di TIEA Tax Information and Exchange Agreement, cu e dos paisnan aki den nomber di Gobierno di Aruba y cu ta negosiando e mesun acuerdo aki cu otro paisnan, manera Korea, Argentina y Italia. Aruba ta cana padilanti pa loke ta trata cumplimento cabal cu e standardnan di OECD - e organisacion mundial pa cooperacion y desaroyo economico, asina sr. Abath a bisa. Durante di e combersacion cu sr. Alexander a papia tanbe tocante Aruba su plannan pa cu turismo. Director di ATA Europa sr. Tirso Tromp a cuminsa bisa cu Aruba den e ultimo añanan, no obstante e retonan pa atrae turismo for di Merca, toch a logra establece crecemento door di atrae turismo for di e otro mercadonan na Latino America y Europa. Den cuadro di esaki Sr. Tromp a bisa cu turismo for di Inglatera tambe ta creciendo. Esaki ta debi na e charter directo for di London Gatwick pa Aruba. ATA ta den combersacion cu aereoliñeanan pa mas vuelo directo for di Inglatera pa Aruba. Sr. Alexander di su banda a aprecia e recepcion na Cas di Aruba y e informacion valioso cu ela haya encuanto e situacion na Aruba. Ela bisa di tin elogio y respet pa tur loke Aruba a logra den e ultimo añanan y cu sin duda e isla a crece y bira un ehempel pa e region di Caribe. Durante su bishita na Aruba e lo desea di por mira e desaroyonan aki di cerca. Minister Plenipotenciario Edwin Abath a felicita den nomber di Gobierno y henter pueblo di Aruba embahadora di Venezuela sra. Haifa Aissami Madah na ocacion di e di 202 celebracion di Dia di Independencia di Republica Bolivariana di Venezuela den BelAir hotel na Den Haag. Dia di Independencia Venezuela Embahadora Aissami Madah a comenta hopi positivo encuanto e bishita di Prome Minister Mike Eman hunto cu Ministro di Relacionnan Exterior di Reino, Frans Timmermans na Venezuela y e MOU cual a wordo firma na e ocacion ey. E embahadora tabata instrumental den realisacion di e acuerdo aki, debi na su contacto estrecho cu Minister Timmermans aki na Den Haag. Tambe presente na e celebracion aki tabata Minister Plenipotenciario di Curaçao sra. Marvelyne Wiels y Minister Plenipotenciario di St. Maarten sr. Mathias Voges. 3

Exposicion Bo Aruba a capta e atencion di e Arubiano E exposicion Bo Aruba cu a tuma lugar na Den Haag, Amsterdam, Rotterdam y Tilburg a capta atencion di hopi Arubiano bibando na Hulanda. Hopi bishitante di e exposicion a keda impresiona di por a mira cu nan propio wowo e desaroyonan cu ta tumando lugar na Aruba. Hopi di nan a keda impresiona cu e diferente proyectonan cu a keda realisa y e plannan di Gobierno pa futuro. Principalmente e vision di Gobierno pa haci e transicion na energia duradero a ricibi un bon acohido bou di e bishitantenan. Un sentimiento di orguyo tabata reina bou di hopi Arubiano na momento cu nan a constata e desaroyo cu ta tumando lugar na Aruba. Diferente bishitantenan a tuma nan tempo pa mira ariba e pantayanan di television e diferente topiconan y e splicacion ariba esaki. Algun bishitante a bisa cu e informacion tabata asina hopi cu nan no por a mira tur cos, pero asina mes nan ta regresa nan cas cu un sentimiento positivo di e Aruba di awe. Na Den Haag Prome Minister Eman a duna burgemeester interino di Den Haag sr. Rabin Baldewsingh un guia den e exposicion Bo Aruba den Atrium di Stadhuis di Den Haag y asina lansa e exposicion na Hulanda. Na Amsterdam e apertura tabata den man di miembro di Tweede Kamer Tanja Jadnanansing. Sra. Jadnanansing den su discurso a bisa di tin aprecio pa e atencion di Gobierno pa enseñansa, e concepto di gateway y cu Aruba ta mantene un relacion estrecho cu e comunidad Arubiano na Hulanda. Wethouder di Rotterdam pa maneho duradero, centro di cuidad y espacio publico Alexandra van Huffelen na ocacion di e apertura di Bo Aruba den WTC Rotterdam a bisa cu Rotterdam tin un comunidad Arubiano cu mester ta orguyoso di loke a keda presenta na WTC na Rotterdam. Ami como wethouder encarga cu e maneho duradero ta mira cu hopi admiracion na e esfuersonan di Aruba pa yega na un sociedad duradero. Den presencia di un publico di invitado burgemeester interino di Tilburg Marieke Moorman a haci e apertura di Bo Aruba na Tilburg. Akinan tanto sra. Moorman como Minister Plenipoten ciario sr. Edwin Abath a para keto na e relacion entre Tilburg y Aruba y Curaçao pa medio di e fraternan cu tabata envolvi den enseñansa na e islanan. Sra. Moorman a keda impresiona cu e desaroyo cu Aruba ta pasando den dje, despues di a mira e video den e paviljoen e a haya un guia den e exposicion door di Minister Abath. Na tur e aperturanan Minister Plenipotenciario sr. Edwin Abath a fungi como anfritrion. Aruba, e pais autonomo chikito den Reino Hulandes, conoci pa su amabilidad y hospitalidad pero na e mesun momento un pais tambe cu ta conoci pa su ambicion y espirito pa haci comercio. Y e ocacion aki ta den cuadro di e ambicion, e pasion y vision di mi pais, nos isla Aruba, pero tambe bo Aruba, asina e mandatario a bisa. Sr. Abath: Manera boso por a nota cu Aruba pa un temporada caba ta tumando un rumbo na laira. Den un temporada cu hopi paisnan grandi ta enfrenta un reto pa logra un crecemento economico, Aruba a logra como economia chikito pa re inventa su mes y asina posiciona su mes como 'trendsetter' pa un desaroyo duradero. Ta pesey cu Go bierno di Aruba a tuma e paso pa laga boso cera conoci na un manera bibo, interactivo y innovativo cu e manera cu e vision aki a haya contenido. 4

Sue-Ann Croes ganadora di concurso Bo Aruba Den presencia di Minister Plenipotenciario di Aruba sr. Edwin Abath, director di ATA Europa sr. Tirso Tromp a haci entrega di e premio na e ganador di e concurso di Expo Bo Aruba sra. Sue- Ann Croes. E premio cu ta un obsekio di ATA Europa - ta consisti di dos ticket pa Aruba. Tur bishitantenan na e exposicion Bo Aruba, tanto na Den Haag, Amsterdam, Rotterdam y Tilburg, por a participa na e concurso: Kico abo lo haci si bo ta Prome Minister di Aruba. Un hurado a revisa tur e contribucionnan y unanimamente a dicidi cu e contribucion di Sue-Ann Croes ta esun ganador. Sue- Anne a expresa na promer lugar su satisfaccion cu e rumbo progresivo cu Gobierno di Aruba a tuma pa adelanto di nos pais. Den su contribucion ela bin cu sugerencianan tocante seguridad na Aruba. Tambe pa inverti mas den e ciudadanonan. Pa loke ta e ultimo aki, Sue- Ann a enfatisa ariba e hecho cu mester mantene e cordialidad cual e Arubiano ta conoci pe y no laga esaki bai perdi. Segun Sue-Ann esaki no unicamente ta un tarea di Gobierno, pero tambe di sector priva y di e propio ciudadano. Sr. Abath a felicita Sue-Ann cu su premio y principalmente pa su contribucion pa un mihor Aruba. Mi ta haya un paso sumamente positivo, cu nos Arubianonan, aunke bibando den exterior, tin nan pensamentonan fiha riba e direccion cu nos kier hiba Aruba y su desaroyo. Mi por a nota tambe e envolvimento activo bou di e studiantenan cu a traha durante di e exposicion Bo Aruba; con nan a mira via di tur e proyectonan cu nan tambe por ta parti di e vision aki y principalmente cu tin un futuro pa nan na Aruba'. 5

Despedida di conocido camerografo Alex Alberto Na centro di cremacion Olandhorst na Lelystad a tuma lugar despedida di Alex Alberto, kende a fayece na edad di 67 aña. Presente tabata Minister Plenipotenciario di Aruba Edwin Abath, su esposa Dynia Abath-Muller, directora interino di Cas di Aruba Shandra John, functionarionan di Cas di Aruba y tambe un cantidad grandi di hende for di e comunidad Antiano y Arubiano. Pa añanan Alex Alberto tabata camarografo pa Robbie Schouten di e programa Leu foi Cas. Alex a traha hopi aña pa TeleCuraçao y tabata representante di Radio Caracas Television na Curaçao. Banda di su profesion como camarografo, Alex tabata comparti un pasion grandi pa aviacion y tabata traha na e museo di aviacion Aviodrome na Lelystad y tabata duna guia na e bishitantenan. Den e diferente discursonan cu a tuma lugar a resalta e persona humilde cu Alex tabata ta. Tambe cu e tabata un gran trahador, un bon amigo y un tata ehemplar pa su yuinan. Semper e tabata mantene su trankilidad den tur situacion y tabata tin un plan B. Embahador di Reina na Caracas di bishita na Cas di Aruba E embahador nobo di Reino na Caracas sr. Onno Kervers, a haci un bishita di cortesia cerca Minister Plenipotenciario di Aruba sr. Edwin Abath. Durante di e bishita e mandatario y embador Kervers a papia ampliamente tocante e actual situacion na Venezuela. Den cuadro di esaki a toca e topico di e acuerdo di cooperacion entre Reino Hulandes y Venezuela cu minister di Asuntonan Exterior Sr. Frans Timmermans a firma na Caracas na luna di juni di e aña aki, den presencia di ministerpresident di Curaçao sr. Daniel Hodge y minister-president di Aruba sr. Mike Eman. Minister Timmermans a enfatisa na dicho ocacion e importancia di e acuerdo aki y e cooperacion ariba diferente tereno entre e paisnan di Reino y Venezuela. Sr. Abath tambe a informa sr Kervers ariba e ultimo desaroyonan na Aruba, principalmente ariba e concepto di gateway cu Aruba a bin ta desaroyando e ultimo añanan, y den liñea di e concepto aki, e exitoso conferencia 'Europe Meets the Americas' cual a tuma lugar na luna di mei pasa. Alabes a mandatario a resalta den su splicacion e proyecto y plannan di exploracion pa gas y petroleo den e awanan teritorial di Aruba. Den tur esaki Aruba ta conta cu e sosten y esfuerzo diplomatico di e Embahador di Reino pa yuda na facilita e proceso di cooperacion entre ambos pais. E embahador a bisa di ta reconoce e importancia den un bon relacion cu e Republica Bolivariona di Venezuela y su empeño ta pa traha na fortifica e relacion entre Reino y Venezuela. 6

Trahador social Roy (Lints) Lynch Entrevista E ta den mi caracter pa yuda hende Roy Lints desde september di e aña aki ta traha como 'trajectbegeleider', coach y mentor na De Nieuwe Kans na Rotterdam. E ta traha cu hobennan entre 18 y 27 aña cu problema y ta guianan pa nan por haya nan draai den comunidad. Roy a bin ta haci e trabao aki pa varios aña caba desde cu ela caba su MBO jongerenwerker y a traha na diferente instancianan na Rotterdam. Banda di su trabao social Roy ta conoci den e comunidad Arubiano como Lord Cachete. Desde cu mi a bin biba na Hulanda casi tur aña mi ta participa na e festival di Calypso y Roadmarch na Aruba. Awor mi ta preparando pa mi participacion na Carnaval 60 otro aña, cu sigur lo bai bira algo grandi. Roy Lints (48) a nace y lanta na Aruba den e cuidad di San Nicolas. Despues di su LTS y servicio militar, ela traha como waiter na diferente hotel na Aruba. Tambe ela bende time-share pa Divi Divi hotel. Na 1994 Roy a dicidi pa bin Hulanda pa sigi desaroya su mes. Na prome instante Roy a traha como coach di baseball pa e ekipo di Neptunus. E ta conoci cu e deporte aki, ya cu na Aruba e tabata hunga pa e team di Pepsi Cola, di manager Juan Maduro. Pero no a dura largo cu Roy a cuminsa cu su trabao social y traha cu hobennan. Mientrastanto na 1998 Roy a caba su MBO jongerenwerker na Albeda College na Slinge. Mi a traha cinco aña na Rotterdam Noord y tambe na diferente centronan di bario na Schiedam. Dos aña mi a traha pa Stichting Welzijnsbevordering Antillianen en Arubanen (SWA). Mi tabata coach social na un wijkschool den e Afrikanerbuurt na Feijenoord. Akinan mi a traha cu hobennan di 16 te cu 23 aña. Tres aña largo mi a guia hobennan di diferente cultura y nacionalidad: Curasoleño, Turco, Marokkano y Hulandes. E hobennan aki tabata tin diferente problema, tanto social, emocional of na scol of problema familiar na cas. Mi tabata guia y coach nan pa asina logra pa nan funciona den e comunidad, asina Roy ta conta. Na SWA Roy a traha cu detenidonan Antiano y Arubiano. Na su trabao nobo na De Nieuwe Kans, e ta traha ariba e trajecto pa hobennan entre 18 y 27 aña. Roy ta splica dicon su pasion pa e tipo di trabao aki. Mi enfoke ta ariba hoben. Mi curazon ta cu e tipo di personan aki. Mi ta gusta yuda hende esaki ta den mi caracter y mi por bisa cu mi tin e abilidad pa convence hende. Esaki ta algo cu Dios a dunami'. Banda di su trabao profesional como trahador social cu hobennan Roy Lints ta conoci na Aruba y bou di e comunidad Arubiano na Hulanda como Lord Cachete. Un figura carnavalesco cu anke cu e ta biba na Hulanda casi tur aña ta participa na e Calypso y Roadmarch Contest na Aruba. Despues di e keda descubri pa Papito Rafael, Roy tabata Prins y Pancho di Carnaval pa tres biaha. Na 1982 como Prins hubenil Catchete, na 1984 como Prins Sorpresa y na 1988 como Pancho Go Cachete. Na 1986 ela cambia e jokenan pa musica Calypso y e aña ey ela participa cu e Calypsonian 'I Good'. Ela logra cu asistencia di Ramon Sharp un di tercer lugar den e Calypsonian Contest. Mi tin 32 aña ta participa na Calypsonian Contest. Anke cu nunca mi a logra di gana e prome lugar mi a trece poco Roadmarch cu a bira clasico, manera 'Aruba Dushi Tera' y 'Clock'. Cu mi musica mi a representa Aruba na diferente pais, manera Alemania, Austria y Belgica. Dos aña pasa mi tabata finalista cu mi Roadmarch Clock na e Soca Monarch na London, Inglaterra. Mi a competi cu cantantenan di Roadmarch for di Trinidad, St. Vincent, Greneda y otro islanan Caribense. Den 60 Roadmarch, mi a logra di termina na di 7 lugar. Den esaki mi mester menciona e celebracion di Arubadag na Hulanda. Un total di 14 biaha mi a canta na e evento aki. Semper pami ta un placer pa mira e publico jump ariba mi Roadmarch. Mi ta hopi contento cu loke mi a logra como Roadmarch singer. Cu ayudo y apoyo di personanan manera Claudius Philips, Hilward Croes y Ruben 'Scorpio' Garcia. Awor mi concentracion ta pa cu Carnaval 60 cu lo mester bira algo grandi. Mi ta bin bon prepara y Carnaval di Aruba ta bai haya un sorpresa, asina Roy Lints, mihor conoci como Lord Cachete a bisa cu un sonrisa ariba su cara. 7

Minister Abath presente na conmemoracion di e Abolicion di Sclavitud Na Oosterpark Amsterdam a tuma lugar e conmemoracion nacional di e Abolicion di Sclavitud door di Hulanda na 1863 den e colonianan Surnam y Antia Hulandes. Esaki den presencia di Rey Willem Alexander y Reina Maxima. E conmemoracion e aña aki tabata special pasobra ta recorda cu 150 aña pasa Abolicion di Sclavitud a tuma lugar. Tabata tin discursonan di entre otro vice prome minister Lodwijk Asscher y burgemeester di Amsterdam Eberhard van der Laan. Despues di e discursonan a sigi e parti di ponemento di krans na e 'Slavernijmonument'. Minister Plenipotenciario di Aruba sr. Edwin Abath a pone un krans den nomber di Aruba y su pueblo. Hulanda y Aruba ta compromete nan mes pa construi un relacion economico duradero Den presencia di Prome Minister Mark Rutte y Prome Minister Mike Eman a firma un MOU (Memorandum of Understanding) entre Het Nederlands Centrum voor Handelsbevordering (NCH), Koninklijke MKB Nederland, Aruba Investment Agency (ARINA) y pais Aruba. Aruba Prome Minister Eman a bisa cu pa Aruba un bes mas ta un satisfaccion grandi cu un otro paso grandi a wordo tuma den e cooperacion entre Aruba y Hulanda cu firmamento di e MoU. Un cooperacion den buskeda y duna contenido na e situacion win-win y e relacion strategico entre Aruba y Hulanda. Prome Minister Rutte como Prome Minister Eman tabata testigo di e firmamento di e documento den cual ta poni cu e paisnan ta bay haci tur esfuerso pa construi un relacion economico duradero dor di desaroya e Aruba Gateway. Hans Biesheuvel di MKB ta entusiasma. Nos di MKB Hulanda ta trahando mas y mas den desaroya oportunidadnan 8 pa empresanan cu ta miembro di nos. Exportacion ta crucial den esey. Dor di traha hunto dentro di Reino nos ta bira partnenan comercial cu hunto por logra hopi. Tambe a keda anuncia cu pronto MKB ta bin cu e desk digital yama MKB ser- vice desk. Un di e websitenan mas bishita na Hulanda. MKB ta habri un portal pa Aruba. Djis door di click riba dje por mira kico e oportunidnan na Aruba ta y cerca ken e negociante mester ta pa haya informacion adicional si e kier haci negoshi aki.

Cu proyectonan realisa den area di sede di gobierno, Gabinete Mike Eman ta dal un paso dilanti pa yega mas cerca di logra un Binnenhof pa Aruba. E prome proyecto grandi pa e meta aki ta edificio Cocolishi, cu ta bira e principal sede di Gobierno di Aruba. E edificio aki ta practicamente cla y solamente falta Plasa Padu Lampe, cu ta e parti dilanti di e edificio. Tambe a cuminsa cu renobacion di e edificio historico Zoutmanstraat1, cu tabata e prome sede di Gobierno. E proyecto di Binnenhof y tur e restauracionnan di edificionan historico den e area ta forma parti di e plan integral di renobacion di Centro di Ciudad. Poco poco Binnenhof ta hayando su forma Tanto dilanti como patras di Bestuurskantoor, cu e expansion, lo bay conecta te dilanti Cas di Gobernador y forma un Binnenhof di edificionan historico, combinando monumento- cu entidadnan di pais Aruba 'dunando un realce hopi grandi na e rikesa historico y herencia cultural di Aruba'. Na mesun momento e ta eleva e calidad di producto Aruba. Esaki ta e meta tambe cu renobacion di caya grandi, renobacion di edificionan historico manera Corte y Watertoren y tambe e edificio di Havenmeester Kantoor. Construccion di e di dos fase di Linear Park ta bai start Gobierno di Aruba a firma cu contratista Daems di Arubaanse Wegenbouw pa construccion di e siguiente fase di Linear Park. E prome fase di Linear Park ta cuminsa for di banda di rotonde dilanti di Cas di Cultura te dilanti di e cas anterior di gobernador y e di dos fase ta inicia for di e rotonde dilanti di Cas di Cultura te na aeropuerto. Na e ocacion aki Prome Minister Mike Eman a bisa cu e proyecto aki ya caba a demostra di ta hopi exitoso y cu su persona ta haci fielmente bon uzo di e Linear Park. Prome cu e Linear Park a bin y hende tabata trompica riba piedra y otro obstaculo caba mi tabata cana eynan y awor cu e ta un bunita Linear hunto cu mi señora nos ta cana te yega na unda Brandweer na aeropuerto ta. Motibo pakico mi ta contento cu e di dos fase tambe. Eman a bisa cu canando eynan regularmente e ta topa cu hopi hende y hasta e sa topa cu tres generacion canando hunto. Esaki ta muestra cu e facilidad aki ta uno exitoso. Banda di exitoso e ta tambe uno social cu ta enfoca riba movecion loke ta saludabel. 9

Esaki ta un proyecto hopi grandi cu sin duda lo tin efecto positivo pa e industria di carga, pa nos turismo y pa nos economia en general', asina Minister Mike de Meza di Finansa, Comunicacion, Utilidad y Energia a bisa na ocasion di anuncio di mudamento di waf di carga for di Oranjestad pa Barcadera. Esaki ta representa un inversion di 123 miyon florin. APA, ASTEC, American Bridge, ALBO y Arubaanse Wegenbouw lo traha hunto durante un aña y mey pa keda cla cu henter e mudamento. Minister Mike de Meza durante anuncio di mudamento di waf di carga Pa Gobierno, e parti mas importante sin duda ta e contribucion na nos economia y creacion di cuponan di trabou. Esey ta locual mas nos mester na e momentonan aki, ora cu Aruba ta para dilanti varios 'mega proyecto' den e lunanan nos dilanti cu sin duda lo sa di afecta nos economia den forma positivo. Cu e proyecto aki, Gobierno ta logra un vision di hopi aña cu a tuma hopi Esaki ta un 'Mega' proyecto cu un 'Mega' impacto riba nos economia tempo pa papia, discuti, analisa y evalua. Awor porfin Minister Ing. Mike de Meza a logra yega asina leu cu lo muda henter e container haven for di waf di Playa pa e waf na Barcadera. Esaki lo brinda mucho mas oportunidad pa nos Freezone, pa desaroya un industria di hub di carga, lo ta un bon incentivo pa nos economia y mas importante, un pais cu un bon waf sin duda ta atrae hopi negoshi y inversionnan nobo. Cu e mudamento ey lo crea hopi mas espacio pa barconan crucero por mara na e terminal na Playa sin problema. Di otro banda, APA lo entrega un bon pida tereno bek na Gobierno, unda lo construi un bunita parke publico. E proyecto di mudamento di waf di carga pa Barcadera lo contribui grandemente tambe na e cambio di infrastructura riba nos isla. Tene cuenta cu e lo ta acopla na e Green Corridor cu ta core for di Aeropuerto pa San Nicolas. Henter e container haven y industria lo pega riba e mesun caminda grandi aki, sin lubida e 'Ringweg' nobo cu lo core full rond di Oranjestad te na e Highrise Hotels. IMF ta pronostica crecemento economico e aña aki caba Den su rapport IMF ta accentua cu Aruba a sa di supera dos crisis economico durante e periodo cu ta tras di lomba. E crisis financiero mundial y ciere di Valero. Prome Minister Mike Eman: Crecemento economico di pais Aruba tanto pa loke ta crecemento den turismo como tambe e aspecto di inversionnan den renobacionnan urbano y renobacion di infrastructura a wordo treci dilanti den e rapport. Combinacion di e recuperacion economico aki hunto cu e inversionnan haci y hunto tambe cu e crecemento remarcabel y impresionante di nos industria turistico 10 a yuda grandemente cu Aruba por a supera e dos crisisnan aki Rapport final di IMF ta confirma cu e maneho pro-activo di Gabinete Mike Eman ta esun corecto. E entradanan creciente di turismo y e programa di inversion di gobierno ta stimula e economia door di cual e consecuencianan di ciere di e refineria ta wordo parcialmente compensa. IMF ta accentua cu e intencion pa spaar den gastonan manera ta wordo menciona den presupuesto 2013, ta algo bon. E rapport ta masha positivo riba e desaroyonan cu tin den Douane. IMF ta spera cu entrada for di invoerrechten y accijns dor di un aumento di eficiencia y efectividad den tramitenan di mercancia ta bay subi. Minister di Finansas de Meza ta consciente di e problemanan financiero cu pais Aruba tin, pero ta na mes momento masha optimista riba recuperacion. Poco poco pero sigur nos ta bay direccion di un balanced budget na 2016 y cu ayudo di Hulanda den refinanciamento di debenan, manera IMF tambe ta ilustra, nos ta bay tambe den direccion di un debe nacional mas abou.

Compleho di edificionan di Finansas y impuesto a haya nomber di Manchi Engelbrecht Gobierno di Aruba a dicidi di rindi honor na A.W. Engelbrecht, (Manchi) manera e tabata conoci, nombrando e compleho di edificionan caminda direccion di finansas, direccion di impuesto y servicio di impuesto (SIAD) ta ubica, na memoria di e prome minister di Finansas di pais Aruba. E desvelo a wordo pa e viuda y yiu di Manchi Engelbrecht y Prome Minister Mike Eman. Manchi Engelbrecht tabata miembro di Staten di Antia, miembro di Eilandsraad, Diputado di Gobierno insular transitorio prome cu drenta Status Aparte, miembro di Parlamento di Aruba y Minister di Finansas di pais Aruba na dos ocasion. Protocol riba tema Siguridad a keda firma Despues di varios encuentro entre gobierno y partnernan social den e plataforma Dialogo Social, e protocol riba Siguridad a keda firma. Binti un punto importante y esencial a keda acorda den e protocol aki. Tanto Prome Minister di Aruba Mike Eman, Minister di Husticia Arthur Dowers como e partnernan gremial y social a expresa nan gran satisfaccion pa e resultado aki. E rapport Naar een veiliger Aruba traha dor di un comision cu a wordo instala pa explora y studia tur aspecto di siguridad a forma e base di discusionnan y e conclusionnan final. E caminda cu nos a cana pa yega na un acuerdo di cooperacion nacional con atende cu un tema nacional, tabata uno serio y largo, Eman a bisa despues di a pone su firma bou di e protocol. Prome Minister Eman a splica cu despues di un periodo intensivo entre e partnernan di Dialogo Social riba e tema Siguridad y despues tambe di un cantidad di reunion y estudionan cientifico y analitico cu a wordo haci riba e tema aki, e momento a yega pa firma e protocol. Siguridad di nos pais ta un responsabilidad importante di gobernacion, pero na mes momento nos ta di acuerdo cu riba hopi tereno siguridad di nos pais por wordo fortifica na momento cu tin un coopersacion intensivo entre e ciudadano, organisacion- nan den nos comunidad, bario, scol y institutonan pa crea un sociedad mas sigur y mas sano. Un sociedad caminda e norma y balornan ta profundamente hancra den e ciudadano y ta e meta primordial den formacion di nos yiunan. Cuerpo policial y instancianan cu tin e tarea importante pa combati criminalidad mester tin tur herment na nan disposicion pa haci nan trabou. Tambe mester tin un maneho cu ta dirigi riba coordina entre tur instancia cu ta responsabel pa mantene siguridad den nos pais. Asina Aruba ta hopi mas exitoso den crea un sociedad sano riba e tereno aki. 11

E fasenan di e proyecto cu lo renoba e edificio conoci como John F. Kennedy School a cuminsa. Vision di e gobierno ta, no solamente pa rescata e monumento social y historico, pero tambe pa crea un compleho di dje caminda ta ubica tur departamento relaciona cu enseñansa den un solo luga. Pa medio di esaki no solamente ta mehora eficiencia y servicio, pero tambe spaar gobierno miyones den huur di otro edificio. John F. Kennedy School lo bira un compleho pa enseñanza y cultura E plan y diseño ta pa preserva e caracteristicanan di e arkitectura original di e edificio existente, combinando cu un edificio nobo y moderno. Den total, e compleho ta conta cu mas di 6.100 meter cuadra di espacio pa oficina y auditorio, entre otro. Ademas di e departamentonan di enseñansa, tambe elo ta cas pa esnan di cultura. Den liñanan grandi, e compleho ta reparti den tres edificio. Esnan existente ta edificio A refiriendo na e parti mas grandi di e ex scol, mientras cu B ta e parti conoci como cantina y gymzaal. Edificio A su prome piso ta destina pa personal di Directie Onderwijs, Dienst Publieke Scholen, Bureau Traimerdia, Directie Cultuur. Na e di dos piso ta bay haya Examen Bureau, Inspectie Onderwijs y Meldpunt Leerplicht. Edificio B ta bay tin un funcion mas complementario den e sentido cu aki ta ubica e cantina pa tur empleado, como tambe e espacio dedica na archivo y deposito. Tambe tin un luga grandi reserva pa uso multifuncional. Finalmente ta haya e edificio C cu ta un construccion adicional cu ta planea riba e tereno di ex-john F. Kennedy na Camacuri. E edficio nobo ta consisti di cuater piso cu un diseño mas moderno, mientras cu e structura existente ta bay preserva su arkitectura original. Henter e edificio aki ta dedica na oficinanan pa uso den sector di enseñanza cu ainda no a keda determina specificamente. Adicionalmente ta inclui tambe loke ta bay ta e John F. Kennedy Auditorium cu ta un sala cu capacidad pa 250 te 300 persona cu intencion di sirbi como espacio pa duna lectura, exposicion y otro uzonan. Prome fase di Paradera Corridor a keda inaugura E prome fase di Paradera Corridor a keda cla y entrega recientemente. Un 12 proyecto cu Minister Otmar Oduber a hinca masha energia den dje, igual cu su colega Minister di Infrastructura Benny Sevinger. E prome fase ta cla y a wordo inaugura cu hobennan plantando un cantidad di mata di fruta na e sitio pa haci e berde y dune un toke special. Na mes momento gobierno a firma cu Thiel Corporation pa sigui cu e siguiente fase. Na e ocasion aki Prome Minister Mike Eman a hiba un discurso cortico. Orguyoso mi ta para aki nan awe dilanti un proyecto cu a wordo carga dor di dos minister di nos ekipo cu a duna tur di nan parti. Cu tur a trabounan cu e tin den Infrastructura, colega Sevinger cumpliendo cu tur loke mester pa fisicamente por desaroya un proyecto asina ta para aki na un banda di mi y na mi otro banda Minister Otmar Oduber cu un compromiso special cu e bario di Paradera.

E aña aki tanto Amsterdam como Rotterdam a tene un recepcion pa e studiantenan di Curaçao, St. Maarten, Boneiro y Aruba. Den e sala di reunion di e municipio di Amsterdam wethouder Andrée van Es a yama tur e studiantenan bon bini. Na Rotterdam e recepcion a tuma lugar den Burgerzaal di Stadhuis di Rotterdam. E recepcion den ambos ciudad a conta cu presencia di Minister Plenipotenciario di Aruba sr. Edwin Abath. Den su discurso na e studiantenan sra. Van Es a mustranan ariba e caracter unico di Amsterdam cu ta conta cu mas di 177 nacionalidad y asina Amsterdam conoce un diversidad enorme. Akinan bo por ta bo mes. No ta importa ken bo ta of con bo ta pensa. Esaki ta e caracter unico di Amsterdam. asina e wethouder a bisa. Despues e programa a sigi cu entrevistanan cu diferente studiantenan ariba nan prome experencia cu Hulanda y en especial cu Amsterdam; ariba nan estudio y nan expectativa den esaki. Tambe a entrevista algun studiantenan cu a bin aña pasa pa nan por a conta nan experencia cu por sirbi como ehempel pa e grupo di studiantenan nobo. E organisacion di e encuentro na Rotterdam ta den man di 'het Platform studerende Antillianen en Arubanen in Rotterdam' (PAAR), cu ta consisti di municipio di Rotterdam y diferente institutonan di enseñansa di Rotterdam. Na e ocacion aki burgemeester suplente di Rotterdam Korrie Louwes a splica e studiantenan kico nan por spera y encontra na e ciudad di Rotterdam. Tambe ela bisa cu sigur e studiantenan lo haya algun contratiempo, pero cu nan mester busca sosten cerca na mentor of cerca docentenan na nan scol. Minister Plenipotenciario di Aruba Edwin Abath a tene un discurso den cual ela haci un refleccion di tempo cu e mes a bin studia na Hulanda. Con esaki ta pa ta leu for di cas, for di mayornan y amistadnan na un pais cu un otro idioma y cu otro custumbernan. Pero e pais aki tambe ta brindabo e oportunidad pa desaroyo bo mes y bira un profesional. Y mas ainda cu mi Amsterdam y Rotterdam a yama bon bini na studiantenan di Aruba usa e conocemento aki pa desaroyo di mi Dushi Aruba. Y esey ta mi ferviente deseo cu hopi di boso regresa boso pais despues di boso estudio. Sr. Abath a bisa di ta haya esaki importante, pasobra Aruba ta trahando na realisa un di tercer pilar economico ariba e tereno di energia sostenibel y innovativo. E actividad economico aki ta brinda oportuinidad na e studiantenan despues di nan estudio, segun e mandatario. E mandatario a bisa e studiantenan cu nan mester keda enfoca ariba e meta pakico nan a bin Hulanda. Desde awe bo estudio ta prioridad number uno. Principalmente e prome aña ta duro: si e esaki ta berdaderamente loke mi kier come estudio y profesion. Preguntanan cu ta biba cerca bo, pero no keda cana cu nan, busca sosten cerca bo mentor. Tambe ta importante pa banda di bo estudio, bo tin un bida social. Haci amistadnan nobo y sondea loke Hulanda ta ofrece pa enrikese bo personalidad aun mas. E balansa aki por ta instrumento pa bo termina bo estudio cu exito, asina sr. Abath a bisa. Esaki ta pa prome biaha cu municipio di Rotterdam a organisa un encuentro asina, mientras cu Amsterdam ta organisa e recepcion aki pa e grupo nobo di studiantenan di Curaçao, St. Maarten, Boneiro y Aruba pa di tres aña consecutivo. Studiantenan ta scucha e discurso di wethouder di Amsterdam Van Es Studiantenan 13

Cu dos vuelo di KLM a yega na fin di juli ultimo un cantidad di 255 studiante Arubano pa sigi un estudio avansa na nivel HBO of Universidad na Hulanda. Na Schiphol un delegacion consistiendo di Minister Plenipotenciario di Aruba sr. Edwin Abath, acompaña pa su esposa sra. Dynia Abath-Muller, director interino di Cas di Aruba sra. Shandra John y hefe di departamento di Enseñansa di Cas di Aruba sr. Samuel Dumfries a ricibi e studiantenan. Minister Abath a yama studiantenan bon bini Sr. Abath a yama e studiantenan un caluroso bon bini na Hulanda. E mandatario a bisa den su discurso cu esaki ta un paso mas den un fase nobo di nan bida. Corda semper e meta pakico boso a bin Hulanda y keda enfoca ariba esaki. Pero banda di boso estudio ta importante pa tin un bida social tambe. Hulanda tin hopi pa brinda y e oportunidadnan ta multiple. Ta e balanse husto ta determina bo exito! Tambe sr. Abath a recorda e studiantenan cu nan mester tene un contacto estrecho cu nan mentor y Cas di Aruba pa cualkier pregunta of problema cu nan lo por confronta cun e. Cas di Aruba ta un cas leu for di cas. Nos ta brinda sosten na boso pa boso por ta exitoso den boso estudio. Pa cualkier pregunta yama bo mentor y no keda sinta cu e problema of pregunta. E contacto semper ta keda directamente cu boso mentor, cu si e mentor no por brinda un solucion e ta tuma contaco cu Cas di Aruba unda nos por intermedia, segun Minister Plenipotenciario Edwin Abath. Accidente E yegada di e studiante na Hulanda a haya un desaroyo diferente, na momento cu e noticia a drenta cu un bus cu e sttudiantenan pa Leeuwarden y Groningen a slip y a cai den un sloot. For di Cas di Aruba Minister Plenipotenciario sr. Edwin Abath, conhuntamente cu su staf di Cas di Aruba, a monitor e situacion y a cuminsa na informa e mayornan, un pa un, ariba e situacion di nan yui. Director interino di Cas di Aruba, sra. Shandra John a tuma e debido tempo pa splica cada mayor encuanto e situacion cu a surgi. Tur mayor a aprecia e accion aki di Cas di Aruba pa a keda informa debidamente y for di e fuente oficial. Minister Plenipotenciario sr. Edwin Abath a bisa di tin admiracion con e studiementor Sr. Oslin Ras y miembronan di e Plaatselijke Opvangcommissie, tanto di Leeuwarden como di Groningen, a trata cu e situacion. Na un manera tactico y controla nan a sabi di calma e studiantenan, cu obviamente tabata den un estado di shock. Mesora a tuma contacto cu slachtofferhulp, kendenan lo percura pa monitoria e situacion di e studiantenan individual. Minister Abath un par di dia despues di e accidente a topa cu e studiantenan na Leeuwarden y Groningen pa tende con ta bai cu nan. Mientrastanto tur e tramitenan pa cu e claim cerca e compania di aseguro a keda regla y e placa a keda translada pa asina e studianten por cumpra materialnan cu e bai perdi of cu a ricibi daño di awa of lodo. 14

Deinah Bernabela a gradua na Webster Michael Bremo a caba conservatorio Recientemente Deinah Bernabela a logra su Bachelor of Science den psicologia na Webster University na Leiden. Director interino di Cas di Aruba Shandra John a asisti na e ceremonia y a felicita Deinah cu su diploma. Tambe presente tabata mayornan di Deinah, Delbert y Nina Bernabela y su ruman homber David Bernabela. Deinah a bisa cu awor e ta bezig ta enfoca ariba su specialisacion den career counseling na Webster University mes. Cas di Aruba ta desea Deinah exito cu su specialisacion. Marylou Tromp a gradua E hoben Arubiano Michael Bremo a termina su estudio na e conservatorio CODarts na Rotterdam como drummer. Michael a haci su estudio na CODarts den cuater aña y a logra haya un cifra final di un 9 pa su examen, cual ta algo hopi impresionante. Minister Plenipotenciario Edwin Abath y directora interino di Cas di Aruba Shandra John a asisti na e graduacion di Michael Bremo y a felicita e hoben cu e logro aki. Michael Bremo a indica cu e lo sigi un estudio pa su Master na Merca. Bul pa Sarina Pichardo Cas di Aruba a ricibi bishita di Marylou Tromp, kende a termina su estudio di 'Human Resource Management' na Haagse Hogeschool. Marylou y su mayornan, ruman y amigonan a haya un recepcion caluroso di Minister Plenipotenciario sr. Edwin Abath y director interino di Cas di Aruba sra. Shandra John. Marylou a cuminsa su estudio na 2009 y a logra na termina esaki den e cuater añanan stipula pa e estudio. Durante di su estudio ela core stage na Cas di Aruba pa seis siman. Su di dos stage ela core na 'Nederlandse Organisatie voor Wetenschappelijk Onderzoek' pa un periodo di 10 luna. Su tesis ta basa ariba su stage na Yulius Geestelijk Gezondheidszorg na Dordrecht. Aki Marylou a haci un investigacion y a duna conseho na e instancia aki. E tema di su tesis tabata 'Aantrekkelijk Wetenschap'. Marylou ta pensa pa sigi pa su Master y despues di dos aña e lo regresa Aruba. Minister Plenipotenciario Edwin Abath den presencia di Prome Minister Mike Eman a ricibi na Cas di Aruba bishita di e hoben Sarina Pichardo, kende a wordo acompaña pa su mama Joselyn Maduro. Motibo di su bishita ta cu Sarina recientemente a ricibi su bul como dentista na e Universidad di Nijmegen. Sarina a cuminsa na 2002 cu su estudio di medicina na Leiden. Na 2009 ela cuminsa cu un estudio pa odontologia na Nijmegen. Sarina a splica cu aki ta trata di un estudio di un duracion mas cortico, pasobra ta trata di un estudio pa odontologia pa mediconan. Mientras cu e aña aki ela ricibi su bul como dentista, Sarina a cuminsa aña pasa cu su specialisacion pa ciruhano di cachete na e Hospital Universitario di Leiden (LUMC). Minister Abath a felicita Sarina y su famia cu e logro aki y a desea su persona tur clase di exito cu su specialisacion. 15

Jonathan Werleman a caba su estudio den H&R Yourianne Kelly a termina su estudio di Orthoptie Recientemente Jonathan Werleman a bishita Cas di Aruba na ocacion cu ela caba su estudio pa Human Resource na Haagse Hogeschool. Jonathan a ricibi felicitacion di Minister Plenipotenciario sr. Edwin Abath cu a bisa di ta contento di mira cu nos studiantenan ta caba nan estudio cu exito. Jonathan a bin Hulanda na 2007 y a cuminsa cu un estudio den accountancy. Un aña despues ela cambia pa Human Resource y awor a termina esaki cu exito. Su prome stage ela haci na Cas di Aruba. Na Omgevingsdienst West Holland cu ta un instancia cu mantene e control ariba e medio ambiente Jonathan a haci un stage di 10 luna. Akinan tambe ela traha su tesis pa su examen cu a trata e cultura den un organisacion despues cu diferente departamento keda integra cu otro: kico esaki ta nifica pa e empleadonan y cu e cultura na e sitio di trabao. Tambe si esaki tin su influencia ariba e actitud di e trahadornan. Den su investigacion Jonathan a haci un analisis di e maneho di e management pa cu e cultura na e sitio di trabao y tambe tocante e maneho pa crea teambuilding bou di e trahadornan. Cu su diploma den man Jonathan ta en busca di un trabao, primeramente na Hulanda, pero ta sondea tambe e posibilidadnan na Aruba. Cas di Aruba a ricibi bishita di Yourianne Kelly na ocacion cu ela caba su estudio di Orthoptie na Hogeschool di Utrecht. Yourianne tabata den compania di su mama Tecla Kelly-Hernandez, su ruman y demas amistadnan. Nan a keda ricibi den Sala Betico pa Minister Plenipotenciario Edwin Abath y director suplente di Cas di Aruba Shandra John. Yourianne a cuminsa na 2007 cu un estudio Optometri, pero na 2009 a cambia pa e estudio di Orthoptie. Yourianne a splica cu Orthoptie ta encera cuido profesional di wowo pa baby te cu mucha. Un orthoptist - ariba indicacion di un dokter di wowo - ta yuda personan cu tin irregularidad na nan wowo pa nan siña usa nan wowonan na un mihor manera. Yourianne durante di su estudio a corre stage na diferente hospitalnan na Hulanda. Su senior stage cu ta nesesario pa ela traha ariba su tesis ela haci na Diaconessehuis na Leiden, Rijnland ziekenhuis na Leiderdorp y na MCH Westeinde na Den Haag. Su tesis a trata e problema cu e cilinder di wowo cerca muchanan naci cu defecto di e traanbuis. Na september Yourianne a cuminsa cu un investigacion pa MCH Westeinde conhuntamente cu e departamento pa mucha di GGD di Den Haag y Rotterdam. Despues di esaki Yourianne lo regresa Aruba. Nylameë Wanga a caba cu exito su estudio di mondhygienist Nylameë Wanga a ricibi su diploma di mondhygienist durante un ceremonia di Hogeschool Utrecht cu a tuma lugar na Leeuwenbergkerk na Utrecht. Presente tabata su Mama, abuela y algun familiar. Director interino di Cas di Aruba Shandra John a atende e ceremonia den nomber di Minister Plenipotenciario di Aruba. Nylameë a cuminsa cu su estudio na 2009. Ela corre su prome stage di tres luna na Pre-Care Clinic na Aruba. Su di dos stage cu a dura un aña, ela haci na Oral Care Center na Rhoon den vecindario di Rotterdam. Mientrastanto Nylameë a regresa Aruba caminda ela cuminsa traha na Pre-Care Clinic. 16

Graduado Danielle Kole Danielle Kole a gradua pa su Bachelor of Science den biologia na e Instituto Archimedes di Hogeschool di Utrecht. Danielle a haya masha hopi elogio mes pa e hecho cu e a hasi su estudio den cuater aña so. Su tata, mama, amigo y otro famianan tabata presente na e ocacion special aki. Tambe presente tabata hefe di Departamento di Ensenansa sr. drs. Samuel Dumfries cu a felicita Danielle cu su graduacion den nomber di Minister Plenipotenciario sr. Edwin Abath. E biologo nobo lo bai sigi un estudio pa logra su 1e graad biologia na Hogeschool di Utrecht mes y tambe elo bai sigi e asina yama 'Special Educational Needs' na Universidad di Rotterdam. Cas di Aruba ta desea Danielle hopi exito den su futuro estudio. Nos studiante: Nomber: Jermin Bell Edad: 28 Estudio: Toegepaste Psychologie Dicon bo a scohe pa e estudio aki? E ta un estudio cu ta pone teoria den practica. Esaki ta pas perfectamente cu mi personalidad y tambe cu hopi filosofia nan cu ami ta kere aden. Kico tabata bo prome impression di Hulanda? Grandi. E hende nan cu ta cana bandi mi tabata mustra mas halto cu locual ami tabata custumbra cune na Aruba. E clima ta determina hopi di e actividadnan cu ta pasa riba un dia. E caminda nan tabata grandi, e edificionan tabata mustra hopi grandi. Kico bo ta gusta mas di Hulanda? Mi ta gusta e connecion cu Hulanda tin cu paisnan vecindario. Door di esaki mi a conoce ciudadnan manera Vienna, Antwerpen, London, Manchester, Birmingham, Paris, Nice, Madrid, Barcelona, Salou y diferente otro mas. Kico bo ta haya falta mas dje di Aruba? Mi ta haya falta di e manera cu cual e Arubiano nan ta bay om cu otro. Na Aruba bo ta yega cualkier bancomatico of parada di bus y e Arubiano ta cumindabo y hera ta haci ful un combersacion cu bo. Esaki no ta e caso den mi experiencia na Hulanda. Bo a yega di haya heimwee pa Aruba? Sigur cu si, tabata un aña y mei cu mi no a bay Aruba y mi a sinti hopi falta di mi ser keri nan. Con bo ta pasa bo tempo liber? Mi ta hunga y wak hopi tennis, mi ta skirbi, check mi buki riba www.jerminbell.com y tambe sali cu mi friends. Por cierto e buki cu mi a skirbi 'Nameless' ta un instrumento/guia cu cada ken por usa pa yega aun mas cerca di nan inspiracion. Ken bo ta admira den bida y pakico? Mi ta admira mi tata paso e ta kere masha hopi den mi capacidadnan y e ta transforma nada den cosnan cu mi imaginacion tin biaha ta limita mi di mira. Cua pelicula of concierto bo a bishita recientemente y con bo a haye? Mi ta bay e concierto di Levi Silvanie, mi ta haya cu e ta skirbi cos nan fuera di e mundo aki. Su letra nan ta toca mi curason y hopi biaha ta laga mi cu awa den mi wowo nan. Mi spera un anochi cu hopi inspiracion y hopi enjoyment. Ki programa di television bo ta keda cas pe? Ki ora cu tin un grandslam di Tennis mi ta cancela tur mi cita nan y mi ta zorg pa mi no traha cita riba e ora cu mi idolo nan ta hunga. Ki ta bo plannan pa futuro despues cu bo caba cu bo estudio? Mi tin idea di sigui studia y saca mi Master den Psicología. Pero mi ta wordo guía door di mi inspiracion, esaki mi pone mi den accion. 17

E enfoke primordial di Aruba Tourism Authority (ATA) ta pa mantene, y unda por, subi e cantidad di bishitante den lunanan di temporada halto como tambe subi e cantidad di bishitantenan den lunanan di temporada abou, unda tin capacidad pa mas, asina Ronella Tjin Asjoe-Croes, CEO di ATA a duna di conoce na momento di anuncia e cifranan di e prome 6 lunanan di aña 2013. E obhetivo ta pa durante henter aña enfoca riba calidad y stimula bishitantenan pa gasta mas y asina contribui na e economia di Aruba, pa medio di un crecemento den entrada pa nos isla door di subi cantidad, unda por y calidad'. Basa riba e carchinan di inmigracion cu e bishitantenan ta yena y entrega na final di nan estadia, ATA ta compila resultadonan y por comparti e cifranan pa e prome 6 lunanan di aña 2013. Aruba a ricibi un total di 465.375 turista, compara cu e mesun periodo den 2012 unda a ricibi un cantidad di 441.341 pa nos isla, por mira cu nos turismo a crece cu 5.44% cual ta ekivalente na Turismo a crece cu 5.44% Aruba Tourism Authority hopi satisfecho cu e prome 6 lunanan di 2013 24.034 bishitante mas. Ta di remarca cu durante tur luna tabatin un crecemento cu excepcion di luna di April cu a nota un caida debi na e temporada di 'Semana Santa' cu a cay den april na 2012 y e aña aki a cay den luna di Maart. Aruba a conoce un crecemento di 3% den nos mercado principal, esta e continente di Norte America. E segundo continente mas grandi pa cu turismo di Aruba, Latino America, nos a conoce un aumento di 20%. E mercado di Europa su crecemento tabata flat pa cu e prome 6 lunanan di 2013. Pa loke ta trata luna di Juli, e cantidad di bishitante a crece cu 8.71% compara cu e mesun luna na aña 2012, e miho luna di Juli cu Aruba a yega di conoce! Cu e resultado di Juli, por nota un crecemento di 5.95% ora compara e prome 7 lunanan di e aña aki cu e mesun periodo di aña pasa. Crecemento di e region di Norte America (8.2%) y e region di Latino America (17.35%) a compensa caida for di Europa (-11.81%), un region cu lo continua cu retonan mara na e situacion financiero/economico. Den e segmento di turismo crucero, un total di 408.480 pasahero a bishita nos isla durante e prome 6 lunanan di e aña aki, cual ta un aumento di 13.4% (48.279 turista mas) compara cu e mesun periodo di aña pasa. Pa nos analisa e calidad di turista cu a bishita nos isla den e prome 6 lunanan di e aña aki, nos por revisa e 'Average Daily Rate' (ADR) di Aruba. Esey ta e prijs cu e turista ta paga pa cada camber/pa persona. Esaki sin duda ta duna un bon indicacion di e calidad di e turista cu Aruba ta atrae. E 'ADR' di Aruba a crece cu 2.5%, ekivalente na prijs averahe di US$ 223.20 pa cu e prome 6 lunanan di 2013. Mientras e averahe di e 'occupancy' pa camber tabata na 76.9%, un rebaho di 0.3% compara cu e mesun temporada den aña 2012 na unda e tabata 77.2%. Ronella Tjin Asjoe-Croes a enfatisa cu ATA ta hopi orguyoso cu e resultadonan aki, cu ta resultadonan di, entre otro, tur e esfuersonan cu ta wordo haci localmente y den cada mercado. Turismo 18 Aruba ta bai haya un Hard Rock Hotel Cu e traspaso di e derecho di erfpacht di e tereno di Bushiri Hotel pa Southwest Horeca, e caminda ta liber pa construccion di un Hard Rock Hotel & Casino y tambe un hotelvakschool. E proyecto aki lo mester ta cla aki dos aña. E acto di traspaso a keda firma den sala di Conseho di Minister pa minister pa Infrastructura Benny Sevinger y director Michael Baiz, na nomber di e desaroyador. Na e firmamento tabata tambe presente entre otro Prome Minister Mike Eman y minister di Turismo Otmar Oduber. E intencion ta cu banda di e Hard Rock Hotel bin un hotelvakschool y cu e desaroyador lo ta responsabel pa e construccion di e parti di e Linear Park cu mester bin eynan y tambe su mantencion. E proyecto ta representa un inversion di mas cu 100 miyon florin Arubiano.

LAN cu vuelonan pa Aruba Despues di algun aña manteniendo contacto y desaroyando un relacion cu e aerolinea LAN, kende tin su oficina principal na Chile, nos a logra atrae nan pa realisa dos vuelo semanal pa y for di Bogota pa Aruba, asina CEO di Aruba Airport Authority N.V. (AAA) Sr. Peter Steinmetz a bisa durante e conferencia di prensa pa anuncia e tremendo noticia aki. For di aña 2007 ta trahando riba e relacion aki, pero ta den 2012 un delegacion di Aruba, despues di cinco aña, a biaha pa Chile atrobe pa presenta e beneficionan di haci negoshi cu Aruba den nos mercado cu ta conociendo crecemento continuo. Orguyosamente e partnernan AAA, Aruba Tourism Authority (ATA) y Gobierno di Aruba a realisa e prome paso, anunciando e vuelonan aki cu sin duda lo trece beneficionan mutuo. LAN ta e aerolinea lider den Latino America, cu mas di 40% di e mercado y subsidia rionan na Argentina, Colombia, Ecuador y Peru, como tambe tin e companianan LAN Express y LAN Cargo. E potencial pa expande y aumenta tur- ismo pa Aruba ta grandi. LAN, cual a wordo estableci na aña 1929, ta miembro di 'One world Alliance' y ta bula pa 150 destinacion den 23 pais. Cu e 'merger' di LAN y TAM na aña 2010, LAN a bira e 'airline holding' mas grandi den Latino America y a transporta mas di 64 miyon pasahero aña pasa. AAA ta mira oportunidadnan significante pa crecemento di nos turismo pa medio di e contacto- y hubnan cu LAN ta ofrece den henter Latino America. Exposicion 'Rondom Oranje' na Cas di Aruba Na Cas di Aruba a tuma lugar apertura di un exposicion bou di e nomber 'Rondom Oranje'. E exposicion aki cu tin como tema Reino y Cas Real, ta consisti di obranan di ocho artistanan for di tur paisnan di Reino Hulandes. E programa a cuminsa cu palabranan di bon bini dor di sr. Angelo Tromp, cultureel attaché di Cas di Aruba. Sr. Tromp a bisa cu 'Rondom Oranje' ta un exposicion cu ya caba a haci su recorido na diferente ciudadnan na Hulanda. Tambe sr. Tromp a remarca cu e exposicion ta consisti di obranan di diferente disciplina. Finalmente sr. Tromp a bisa cu Cas di Aruba ta contento di por a brinda e localidad pa e exposicion aki y cu semper Cas di Aruba ta na disposicion di artistanan Arubiano cu lo ta desea di tene un exposicion di nan obranan. E exposicion 'Rondom Oranje' ta un initiativa di Art Promotion International (API). Sr. Gustave Nouel un di e artistanan cu ta parti di 'Rondom Oranje' cu su cuadranan a lesa e discurso di presidente di API sr. Toin Wieringa, cu ta sufriendo un kebrante di salud. Den su discurso sr. Wieringa ta bisa cu 'Rondom Oranje' a escohe pa un tema mas amplio cu Famia Real y asina visualisa e aspectonan di e comunidad multi cultural. Tambe sr. Wieringa a bisa cu ta e aspiracion di API pa e exposicion por wordo mira dor di habitantenan di otro paisnan den Reino; cu Marina Real a ofrece pa transporta e obranan gratuitamente. Ela bisa di ta spera cu API por ricibi cooperacion di e paisnan pa localidadnan pa tene e exposicion. Social 19

Ariba un diaranson mainta Minister Plenipotenciario sr. Edwin Abath a worde sorprende cu e grato bishita di sra. Mem Maduro. E mandatario a ricibi sra. Mem Maduro y su ruman muher sra. Ina Maduro den Sala Betico. Sra. Mem Maduro tin 50 aña bibando na Hulanda y ta un persona hopi conoci bou di e comunidad Arubiano y Antiyano na Rotterdam. E tabata un di e prome personan cu tabata guia studiantenan for di Antia y Aruba cu tabata bin Rotterdam pa studia. Tambe sra. Mem ta conoci como un bon trahador di bolo. Un persona hopi activo, cu tabata para na cuna di e organisacion Arubiano na Rotterdam CAR. Sarah-Quita di seis biaha campeon Mundial Sra. Mem Maduro a bishita Minister Abath E windsurfer Arubiano Sarah-Quita Offringa a logra pa di seis biaha consecutivo di conquista e titulo di campeon Mundial 'freestyle' windsurfing na final di e competencia na Brouwersdam na Hulanda. Esaki tabata despues di 15 aña cu e campeonato mundial freestyle windsurfing a tuma lugar atrobe na Hulanda. E publico di mas cu 50 mil hende por a disfruta banda di windsurfing, di musica, boardsports y otro actividadnan relaciona cu e mundo di windsurfing. Aruba henter ta orguyoso ariba Sarah- Quita cu su exito y tambe cu di e manare aki ta un embahador grandi pa nos pais den mundo. Sr. Abath a hiba un combersacion hopi espontaneo y ameno cu sra. Mem en especial cu ambos a lanta den e mesun bario di Rancho na Playa. Bunita tabata cu sra. Mem ta corda hopi di e tempo ey y masha hopi persona cu ta of tabata biba den e bario. Tur esaki a tuma lugar bou di bon kop i koffie y un pida bolo di cashupete, traha pa Ina. Como aprecio pa e bishita sr. Abath a regala sra. Mem Maduro un buki di portret tocante monumentonan di Aruba. Notable ta cu aunke 50 aña leu for di cas, ainda Mem ta reconose e diferente edificio y lugarnan pintoresco di nos dushi Aruba. 20

013 Carnival Village ta engrandece nos fiesta cultural y sirbi comunidad henter aña Pueblo di Aruba y en special di San Nicolas a recupera un espacio grandi di tereno, pero mas importante ainda ta e hecho cu esaki ta destina pa Aruba su prome y tan anhela Carnival Village. E plannan ta pa Aruba celebra su di 60 edicion di su Carnaval den e Carnival Village. Den presencia di Minister di Infrastructura Benny Sevinger, minister Mike de Meza, Prome Minister Mike Eman a mustra con pida muraya di Valero a bin abou pa duna acceso na e tereno caminda Carnival Village ta bin. Tambe a conta cu presencia di President di Stichting Arubaanse Carnaval, Sra. Tecla Kelly-Hernandez y President di Stichting Musica, Sr. Bobby Gibbs ademas di un grupo grandi di habitante di San Nicolas sumamente contento cu e anuncio. Minister President Eman den nomber di su coleganan, a felicita pueblo di Aruba y San Nicolas en particular, cu otro bunita proyecto. Gobierno di Aruba ta reconoce San Nicolas como e cuna di nos Carnaval y p esey a scoge e districto aki pa bira sede di dos luga sumamente importante den su futuro, esta e Carnival Village y Carnival Museum. E ultimo aki ta bay wordo construi na ex edificio di Green Hill Supermarket como un atraccion turistico ademas di un facilidad pa trabou di gruponan activo den Carnaval. Glenelize Maldonado y su soño pa Rey Willem Alexander a bishita Cas di Aruba Cas di Aruba a ricibi bishita di e hobencita Glenelize Maldonado, kende tabata un di e tantisimo invitadonan di honor kendenan a presencia e entrega oficial di e buki Mijn Droom voor ons Land na Su Mahestad Rey Willem Alexander na Palacio Het Loo na Apeldoorn. Glenelize a ricibi un invitacion special, pasobra ela entrega un soño pa e buki y su soño a keda escohi entre e 6500 soñonan pa sali publica den e buki. Glenelize su soño ta contene un peticion pa tene un gekkebekkenwedstrijd, esta un competencia di esnan cu por trek e cara mas pret. Sr. Abath a felicita Glenelize cu e logro aki y cu e por a biba e momento unico ayera na Apeldoorn. Tambe e mandatario a encurasha Glenelize pa haci tur posibel pa su soño bira realidad y cuminsa acerca personanan pa pone e cara mas pret y lo ta leuk si por pone tur e resultadonan ariba un website special. Pa duna accion na su palabranan sr. Abath a invita Glenelize pa traha un cara chistoso y a saca un potret di esaki hunto cun e. Banda di e soño di Glenelize, e buki ta conta tambe cu un contribucion di dos Arubiano mas, esta Sr. Greg Peterson y Sra. Ingrid Werleman. 21

Exitoso presentacion linguistico pa Ramon Todd Danderé Na Cas di Aruba a tuma lugar un exitoso presentacion linguistico di sr. Ramon Todd Dandaré, tituta 'Den kibra di marduga. Aurora di un lenga crioyo: Papiamento'. Den cuadro di e aña actual proclama pa Gobierno di Aruba como 'Aña di Papiamento', a organiza e encuentro special aki den 'Sala Padu' na Cas di Aruba, unda cu e tantisimo invitadonan por a scucha e charla interesante aki, relaciona cu e prome re-ferencianan na e idioma di Papiamento. Minister Plenipotencario sr. Edwin Abath a yama tur invitado bon bini y tabata tin palabra di gratitud pa sr. Dandaré pa e inmenso trabao cu ta desplega den haci investigacionan y promociona nos idioma Papiamento, tanto na Aruba como den exterior. Durante su presentation sr. Dandaré a trece dilanti na e publico presente cu tin documentonan na Papiamento cu ta data di Siglo 18. E presentación tabata uno hopi interactivo, unda cu esnan presenta por a haci diferente pregunta y intercambia di idea relaciona cu e tema aki. Sr. Dandaré a obtene su grado di Magister den Linguistica (mag.ling.) y ta traha incansablemente pa e reconocimiento di nos Papiamento. Monumento pa piscadornan perdi riba lama Pa recorda esnan cu a bay riba lama y no a bolbe bek lagando nan famia y amigonan den agonia y tristesa atras, gobierno di Aruba a laga traha un monumento cu riba dje un compas y un anzue. E compas ta e guia di e piscador riba un lama grandi y e anzue ta simbolisa e herment mas importante ora e ta sali pisca. Un 22 monumento cu ta un reconocimento postumo pa e piscado balente cu ya no tey mas. E monumento ta tambe un lugar di reflexion pa tur hende cu a pasa den e sufrimento duro ey. Hopi famia na Aruba a pasa den e dolor inmenso ora un familiar of amigo a sali mainta tempran bay pisca y no a regresa. Prome Minister Mike Eman a hiba palabra na e momento di develo di e monumento pa recorda e piscadornan perdi riba lama. Ora un famia sufri e perdida di un ser keri den un forma inespera asina esaki ta laga un bashi profundo atras. Nos tur como famia y como ciudadano ta brasa otro y ta purba di duna consuelo y sosten pa surpasa e momentonan dificil. Nos ta hiba despues esun cu a bay laga nos na su ultimo lugar di sosiego. Eman a bisa cu e proceso di bishita na cas, sinta den misa cu famia y amigonan, cana tras di e caha y bay santana ta duna esnan cu ta keda atras un sosten extra. Nan ta tambe momentonan pa recorda y poco poco pa conforma. Dificil ta ora cu e oportunidad ey no tey. E oportunidad di e ultimo abraso y pa pasa man riba cabez di esun cu a bay y sinti pa ultimo bes kico e persona aki a nifica pa tur cu el a laga atras. Momentonan cu nos como sociedad ta para hunto y den famia nos ta comparti e dolor di e perdida grandi. E ta un tristesa comparti y un solidaridad cu ta unico den nos comunidad.