Servicio di Impuesto. Belastingkantoor

Transcripción

1 Servicio di Impuesto Belastingkantoor Servicio di Impuesto a compila e informacion den e aclaracion aki cu cautela. No obstante, di ningun manera bo por adkiri derecho riba e informacion aki.

2 CONTENIDO 1 Cambio di dato personal Instruccion pa yena e formulario di declaracion aki Domicilio Estado civil (Ex-) Casa Empleo actual Empleo den pasado (pension di trabou) Trabou independiente ( side job ) Ganashi di trabou Negoshi Propiedad inmobil Capital mobil (cu excepcion di accion) Demas capital mobil Entrada di pago periodico Demas entrada Entrada bruto Interes y gasto di fiansa di residencia principal Demas interes y gasto di fiansa Prima di AOV/AWW Prima di AZV Pago periodico Prima di seguro Donacion Total di gasto personal Deduccion pa yiu Gasto extraordinario Entrada netto di yiu menor di edad Tarifa special Prevencion di cobransa dobel Compensacion di perdida Cobramento hunto Impuesto y prima paga delanta Firma Calculacion di impuesto di entrada (inkomstenbelasting) Calculacion di e prima di AOV/AWW Calculacion di e prima di AZV... 24

3 Lesa e aclaracion aki Bo tin den bo man e aclaracion riba e formulario di declaracion di impuesto di entrada. Esaki ta pa yuda bo mas tanto posibel yena e formulario di declaracion di impuesto di entrada. Bo ta haya un splicacion mas amplio riba cada parti cu tin den e formulario di declaracion. Pesei ta consehabel pa bo lesa e aclaracion aki prome cu bo contesta un pregunta of yena e datonan. 1 Cambio di dato personal Control y coreccion Riba e label di nomber (mira e sticker) - tin bo datonan personal manera bo ta registra den e registro di cliente na Servicio di Impuesto. Controla si bo datonan ta corecto y completo. Solamente si bo fam, bo prome nomber, bo number di registro (persoonsnummer) y/of bo fecha di nacemento no ta corecto, bo ta yena e texto corecto (uza blokletter) den e hokinan destina pa esei. Number di registro: E number di registro (persoonsnummer) ta consisti di 7 cifra y ta wordo emiti dor di Servicio di Impuesto. Bo por haya e number aki riba tur documento di impuesto manera: declaracion di impuesto di entrada, recibo di number di auto, cobransa di impuesto etc. Fecha di nacemento: Akinan bo ta yena solamente 2 cifra pa indica e dia (dd), e luna (ll) y e aña (aa). Por ehempel: 3 di februari 27 ta bira (dd/mm/jj) Adres di corespondencia / adres di residencia Riba e label di nomber (mira e sticker) bo ta haya bo adres di corespondencia. Na e pregunta E adres aki ta bo adres di residencia tambe?, bo por marca un crus den e hoki SI : X si bo adres di corespondencia ta alabes bo adres di SI residencia (adres unda bo ta bibando). of bo por marca un crus den e hoki NO : X si bo adres di corespondencia no ta bo adres di NO residencia. Si bo adres di residencia a cambia, bo mester duna e cambio di adres aki por escrito na Servicio di Impuesto, seccion Registracion di Cliente & Obheto. Fecha di fayecimento Si e persona menciona riba e label di nomber (mira e sticker) a fayece, e ora ei un di e herederonan por fungi como representante. Mira e aclaracion na parti 33, pa mas informacion riba e representante. Akinan e representante mester yena tambe, e fecha di fayecimento di esun cu a laga herencia. 2 Instruccion pa yena e formulario di declaracion aki Suma sera y na florin di Aruba - Bo ta yena tur suma na florin Arubano (Afl.). Pa e dollar Mericano ta uza un tasa di 1,79. Pa lo demas unidad di placa internacional, eventualmente bo por uza e tasa promedio di aña. - Bo ta haci tur suma na florin sera (den bo bentaha) por ehempel: Afl ,68 ta bira Afl ,. Remarca: E ultimo dos cifra (e cennan) ta imprimi caba riba e formulario. Suma negativo Bo ta indica un suma negativo dor di pone un signo min () dilanti di e suma por ehempel: 6.455, 6f Fecha Mester yena tur fecha manera indica den e aclaracion na parti 1, den e ehempel na fecha di nacemento. Marca un crus den hoki Bo mester marca un crus den e hokinan manera indica den e aclaracion na parti 1, den e ehempel na adres di corespondencia / adres di residencia. Na e preguntanan si / no, semper mester marca un crus den e hoki na SI of esun na NO. Columna HOMBER / MUHER Bo mester yena e datonan den e columna cu ta pertenece na bo sexo: e hende homber ta yena den e columna HOMBER y e hende muher ta yena den e columna MUHER. Si na un pregunta ta para (conta e sumanan di hunto) e ora ei, si bo a yena solamente 1 columna, bo mester yena e mesun suma di e columa ei. Por ehempel na pregunta 16- i ENTRADA BRUTO DI HOMBER Y MUHER, bo mester conta e sumanan di 16h hunto. Si bo a yena solamente 1 columna na parti 16, bo mester yena e mesun suma di 16h na 16i. Informe di salario Ora ta referi na e informe di salario, esaki kiermen e resumen anual segun e modelo di Servicio di Impuesto cual por mira riba e website Herencia Si bo persona of bo casa ta heredero of tin derecho riba parti di entrada di bienes no parti, bo tin cu declara e entradanan ei na e parti corespondiente. Por ehempel: si un cuenta di spar ta pertenece na bienes no parti, e ora ei bo ta declara e parti corespondiente di e entradanan di interes na parti 12. Comprobante Di tur entrada (tambe di e yiunan menor di edad) y e gastonan corespondiente, e gastonan personal y e gastonan extraordinario cu bo declara, bo mester pone acerca e copianan di e comprobantenan como anexo. Riba peticion di Inspector bo mester entrega e comprobantenan original. Di e yiunan pa kendenan bo ta ricibi deduccion pa yiu, bo mester entrega un copia di e buki di casamento of un extracto di e registro di nacemento. Entrega e declaracion dentro di 2 luna Inspector ta otorga e formulario di declaracion cu un fecha oficial di otorgamento. E fecha aki ta para tambe riba e label di nomber (mira e sticker ariba). Despues di esaki bo ta haya 2 luna di tempo pa yena e formulario, firm e y entreg e bek. Por ehempel: e fecha di otorgamento ta 2 di juli 27 e ultimo fecha pa entrega bek ta 3 di september 27. Remarca: Tambe si bo no tawata tin entrada, bo ta obliga pa firma y entrega e declaracion. Den e caso aki bo ta entrega Inspector un declaracion por escrito, den cual bo ta splica di ki manera bo a cubri bo prome necesidadnan. But ora no entrega e declaracion of ora no entreg e na tempo Si bo no entrega e declaracion of no entreg e na tempo (pues no dentro di 2 luna), bo lo ricibi un recordatorio ( aanmaning ). Den e aanmaning aki bo ta wordo pidi, pa ainda entrega e declaracion dentro di algun dia despues di fecha di e aanmaning. Si bo no haci

4 esaki, na momento cu Inspector fiha e cobransa definitivo e lo cobra un but di minimo Afl. 250,- y maximo Afl. 10.0,-. Traha copia Ta consehabel pa bo traha copia di e declaracion y di e suplementonan cu bo ta entrega, pa bo administracion. E ora ei bo por consulta bo datonan ora bo ricibi e cobransa. Mas informacion Bo por haya mas informacion na Servicio di Impuesto of via e website 3 Domicilio Kico ta bo domicilio fiscal? E leinan di impuesto conoce un concepto propio di domicilio es decir: ta husga bo domicilio a base di e circunstancianan. Importante ta cu tin un laso duradero cu Aruba. Circunstancia real Pa fiha bo domicilio fiscal e circunstancianan personal real rond di bo bida ta decisivo, pues entre otro e siguiente factornan: - Na unda bo tin un cas? - Na unda bo famia ta biba? - Na unda bo ta participa den bida social? - Na unda e yiunan ta haya educacion? - Na unda bo ta eherce bo profesion, (servicio) empleo of haci negoshi? - Na unda bo tin bo interesnan financiero y comercial? Asina ta cu bo domicilio fiscal no necesariamente mester ta e lugar na unda bo ta inscribi (na Aruba of na un otro pais) como residente. Aki por pensa cu, pa belasting, un persona por ta biba tanto na Aruba como den exterior (dobel domicilio) durante un periodo. Pakiko bo domicilio fiscal ta importante? Bo domicilio ta importante pa e pregunta si bo ta un contribuyente local of un contribuyente di afo (den exterior), pa asina Inspector sa con mester calcula bo entrada fiscal. Ta cobra un contribuyente local pa su entrada tanto na Aruba como na otro pais, mientras cu ta cobra un contribuyente biba den exterior, solamente pa cierto entradanan na Aruba. Atencion: Si bo ta duda cu bo ta un contribuyente local of un contribuyente di afo, semper bo por puntra Inspector esei por escrito. Den bo carta bo ta splica bo circunstancianan personal mas tanto posibel. 3a A biba na Aruba henter aña 26 Marca un crus den e hoki na pregunta 3a si bo a biba henter aña 26 na Aruba. Den e siguiente situacionnan tambe ta considera bo cu bo a biba henter aña na Aruba: 1. si bo a bandona Aruba temporalmente y bo ausencia a dura menos cu un aña; 2. si bo a bandona Aruba cu e meta pa bai biba den exterior, pero toch bo a bin biba bek na Aruba dentro di 1 aña. Sinembargo si bo por proba cu durante bo ausencia bo tabatin bo domicilio fiscal na un otro pais, e ora ei no ta considera bo cu bo a biba henter aña na Aruba. Den e caso ei bo mester yena pregunta 3b. 3b A biba na Aruba durante un parti di aña 26 Marca un crus den e hoki na pregunta 3b, si bo a biba na Aruba durante un parti di aña 26. Pues, por ta cu bo a bin biba na Aruba durante aña 26 of cu bo a bandona Aruba cu e meta pa bai biba den exterior. 3c A bin biba na Aruba durante aña 26 Marca un crus den e hoki na pregunta 3c, solamente si bo a: - marca un crus na pregunta 3b y - si bo a bin biba na Aruba durante aña 26. Den e caso aki bo mester declara tambe e fecha di yegada na Aruba y no por ehempel e fecha cu bo a drenta den servicio di un doño di trabou. Sigui cu pregunta 3d si bo a bandona Aruba na aña 26. Si esaki no ta e caso, e ora ei sigui cu pregunta 3e. 3d A bandona Aruba durante aña 26 Marca un crus den e hoki na pregunta 3d, solamente si bo a: - marca un crus na pregunta 3b y - si bo a bandona Aruba durante aña 26 cu e meta pa bai biba den exterior. Den e caso aki bo mester declara tambe e fecha di salida for di Aruba. 3e Fuente di entrada na Aruba E fuentenan di entrada na Aruba ta: A. Empleo y empresa na Aruba eherce dor di bo personalmente of dor di un representante fiho of un apoderado. Mira tambe e aclaracion na parti 6 (empleo actual), parti 7 (empleo den pasado) y parti 10 (negoshi); B. Empleo actual of empleo den pasado como gerente of comisario (den exterior) di empresa estableci na Aruba; C. Empleo actual cu gobierno no eherce na Aruba: si bo ta trahando den servicio di Pais Aruba (y bo salario ta wordo paga dor di Pais Aruba), pero en realidad bo ta eherce e trabounan den exterior, bo mester paga impuesto riba e salario ei na Aruba. Ehempel: bo ta traha na Arubahuis na Hulanda; D. Ta cobra belasting na Aruba riba pension y entrada di pago periodico cu ta wordo paga pa cuenta di e presupuesto di Pais Aruba y/of Fondo General di Pension di Aruba (APFA) na e personanan cu no ta biba na Aruba. Akibou no ta cai e pago di pension di biehes (AOV) of e pension di biudo(a) (AWW) di Banco di Seguro Social (SVb). Remarca: na Aruba no ta cobra belasting riba e pensionnan priva (por ehempel di LAGO); E. Propiedad inmobil situa na Aruba y cu tin derecho y fiansa di hipoteca riba dje; F. Capital mobil cu excepcion di accion, di cual e entrada ta depende di empresa of profesion. Ehempel: derecho riba ganashi di un empresa Arubano y compensacion pa permiso riba un producto di Aruba. Mira tambe e aclaracion na parti 12 (capital mobil cu excepcion di accion); G. E accionnan cu ta pertenece na un interes considerabel, di un empresa Arubano cu no ta un Aruba vrijgestelde vennootschap (AVV). Certificado di ganashi cu ta pertenece na un interes considerabel, bono y demanda di debe tambe ta cai akibou. Mira tambe e aclaracion na parti 13 (demas capital mobil). Bo ta marca un crus den e hoki SI of NO na pregunta 3 e, solamente si bo a marca un crus na pregunta 3c y/of 3d. Si bo a marca un crus den e hoki na pregunta 3a, bo no tin mester di sigui contesta e resto di e preguntanan di parti 3. Bo ta sigui cu parti 4. Remarca: e formulario di declaracion cu bo a ricibi aworaki ta conta pa e periodo cu bo ta un contribuyente local pa Aruba. Bo ta djis sigui cu e yenamento di e formulario di declaracion cu bo a ricibi aworaki pa e periodo cu bo a biba na Aruba. Si bo tawata tin fuente di entrada na

5 Aruba den e periodo cu bo no a biba na Aruba, pa e periodo ei bo mester yena e formulario di declaracion pa contribuyente di afo. Mester pidi Servicio di Impuesto pa e formulario di declaracion aki. Sigui cu parti 4. 3f No a biba na Aruba na aña 26 Marca un crus den e hoki na pregunta 3f, si bo no a biba na Aruba henter aña 26. Sigui despues cu pregunta 3g. 3g E fuentenan di entrada na Aruba Mira e aclaracion na pregunta 3e pa un descripcion di e fuentenan di entrada na Aruba. Marca un crus den e hoki SI of NO na pregunta 3g, solamente si bo a marca un crus na pregunta 3f. Remarca: e formulario di declaracion cu bo a ricibi awor ta conta pa e periodo cu bo ta un contribuyente local. Bo mester firma y entrega e formulario aki na Servicio di Impuesto. Si bo tawata tin fuente di entrada na Aruba den e periodo cu bo no a biba na Aruba, pa e periodo ei bo mester yena e formulario di declaracion pa contribuyente di afo. Mester pidi Servicio di Impuesto pa e formulario di declaracion aki. Sigui cu parti Estado civil 4a Casa henter aña 26 Marca un crus den e hoki na pregunta 4a, si bo tawata casa henter aña 26. Den e caso ei e hende homber y e hende muher hunto, mester yena e formulario di declaracion. Si bo a marca un crus den e hoki na pregunta 4a, bo no tin mester di sigui contesta e resto di e preguntanan di parti 4. Despues bo ta sigui cu parti 5 y einan bo ta yena e datonan di bo casa. Contrato di matrimonio Pa e cobransa di impuesto di entrada y prima di AOV/AWW y AZV no ta importante si bo persona y bo pareha a casa den bienes comun total of bou di contrato. Sinembargo contrato di matrimonio si ta di importancia pa e cobramento forsa di e impuesto di entrada y e primanan di AOV/AWW y AZV. 4b Soltero henter aña 26 Marca un crus den e hoki na pregunta 4b, si durante henter e aña 26 bo no tawata casa. Despues bo ta continua cu pregunta 4g. Asina ta cu bo no tin mester di yena e preguntanan 4c, 4d, 4e y 4f. 4d A contrae matrimonio Marca un crus den e hoki na pregunta 4d, si bo a contrae matrimonio na aña 26 y yena e fecha di matrimonio. A casa na aña 26 Si bo a casa na aña 26, e ora ei bo ta wordo considera como soltero na aña 26. Esaki kiermen cu bo persona y bo casa, cada uno separa, tin cu yena un formulario di declaracion. Si bo casa no a ricibi un formulario di declaracion, e mester pidi esei na Servicio di Impuesto. Entrante aña 27 bo ta wordo considera como casa y bo persona y bo casa ta yena solamente un formulario di declaracion. 4e A disolve e matrimonio Marca un crus den e hoki na pregunta 4e, si durante aña 26 e matrimonio a worde disolvi dor di divorcio of fayecimento. Yena tambe e fecha di divorcio of fayecimento. Den caso di divorcio of fayecimento e matrimonio ta wordo disolvi segun derecho civil. Divorcio na aña 26 Si tin divorcio na aña 26, e hende homber y e hende muher ta wordo considera como soltero. Divorcio no ta mescos cu separacion di cama y mesa (mira tambe e aclaracion na pregunta 4f). Entrante aña 26 cada un di e casanan ta yena su mesun formulario di declaracion. E señora tin cu pidi su mesun formulario di declaracion na Servicio di Impuesto. Fayecimento di casa na aña 26 Ora di fayecimento di e hende homber of e hende muher na aña 26, e pareha ta worde considera como soltero. No mester yena e datonan di e fayecido den e mesun formulario di declaracion cu tin e datonan di e casa na bida. Pa cada uno tin cu yena un formulario separa. E biuda tin cu pidi su mesun formulario di declaracion na Servicio di Impuesto. 4f Separacion duradero Marca un crus den e hoki na pregunta 4f, si na aña 26 bo a bai biba separa pa un tempo largo. E ora ei yena tambe e fecha di e separacion duradero. Tin dos forma di separacion duradero: 1. separacion di cama y mesa, 2. biba separa duradero. Separacion di cama y mesa Ora di separacion di cama y mesa e hende homber y e hende muher no tin e obligacion di biba hunto. Separacion di cama y mesa ta sosode mediante un sentencia di hues. Den e caso aki e matrimonio ta keda existi segun derecho civil. Ta solamente e bida matrimonial no ta existi mas. Si e casanan haci bon cu otro nan por bai biba hunto atrobe. E ora ei tin un matrimonio normal atrobe. Separacion di cama y mesa no ta mescos cu divorcio (mira tambe pregunta 4e). Remarca: E personanan (pareha) cu ta compaña cu of sin contrato di convivencia, ta wordo trata manera persona soltero. 4c Casa durante un parti di aña 26 Marca un crus den e hoki na pregunta 4c, si bo tawata casa durante un parti di aña 26. Si bo marca un crus na pregunta 4c, bo tin cu indica tambe bo situacion na 26 na e preguntanan 4d, 4e y/of 4f. Einan bo ta marca un crus na e situacionnan cu ta aplicabel pa bo. Despues bo ta continua cu pregunta 4g. Biba separa duradero Bo ta biba separa duradero (pa un tempo largo) si bo no ta hiba un bida familiar mas cu bo casa y no ta intencion cu e situacion aki ta temporario. Si bo persona y bo casa bai for di otro riba prueba (pa un dia/siman/luna), e situacion ta temporario. Si un di bosonan definitivamente no kier bai biba hunto mas, ta papia di biba separa duradero. Separacion duradero na aña 26 Si tin separacion duradero (separacion di cama y mesa of biba separa duradero) durante aña 26, e hende homber y e hende muher ta wordo considera como soltero. Entrante aña 26 cada un di e

6 casanan ta yena su mesun formulario di declaracion. E señora tin cu pidi su mesun formulario di declaracion na Servicio di Impuesto. 4g Un bida matrimonial pa 5 aña consecutivo Si bo persona y bo excasa, bo casa di kende bo ta biba separa duradero of bo casa di kende bo a separa di cama y mesa, tawata casa pa por lo menos 5 aña y den e periodo ei tambe boso a hiba un bida familiar pa 5 aña consecutivo, bo tin cu marca un crus den e hoki SI. Si no ta asina bo mester marca un crus den e hoki NO. 5 (Ex-) Casa Si durante henter aña 26 bo ta soltero (bo a marca un crus na pregunta 4b), e ora ei bo no tin mester di yena e parti aki. Akinan mester yena e datonan di: - bo casa actual, pues bo a marca un crus tambe na pregunta 4a of na e preguntanan 4c y 4d, of - bo excasa of bo casa di kende bo ta separa duradero of bo casa di kende bo a separa di cama y mesa, pues bo a marca un crus tambe na pregunta 4c y 4e of 4f. Fam: Prome nomber: Number di registro: Fecha di nacemento: 6 Empleo actual akinan bo ta yena e fam di bo (ex-)casa. Den mayoria caso lo ta trata di e fam di e señora. Den e caso aki mester yena su fam di soltero (ta e nomber di famia di soltero). akinan bo ta yena e prome nomber di bo (ex-) casa completo. akinan bo ta yena e number di registro (persoonsnummer) di bo (ex-)casa. Mira e aclaracion tambe na parti 1. akinan bo ta yena e fecha di nacemento di bo (ex-) casa. Si na aña 26 bo tawata traha como empleado, e ora ei bo mester declara e salario ricibi na e parti aki. Aki tambe mester declara pago di salario haci cu forsa retroactivo cu bo a ricibi na aña 26 y salario ricibi for di exterior. 6a Doño di trabou y salario Na DOÑO DI TRABOU bo ta yena e nombernan di e doñonan di trabou na unda bo persona y/of bo casa a traha na aña 26. Despues bo mester yena e salario bruto manera ta para den e informe anual di salario 26, di cada doño di trabou. Si tin mas cu 2 doño di trabou, bo ta yena solamente e total di salario bruto na pregunta 6b. Den e caso aki, na e formulario di declaracion, bo mester agrega un resumen den cual ta menciona e salario bruto di cada doño di trabou. Informe di salario (loonopgaaf) Pa yena e parti aki sin problema bo tin mester di bo infome di salario 26. E informe di salario ta e resumen anual di salario cu antes tawata yama loonbelastingkaart. Akiden bo ta haya tur e datonan cu ta necesario pa yena e parti Empleo actual. Si bo no a ricibi e informe di salario 26 for di bo doño di trabou, bo mester pidie pa esaki. Salario Salario no ta solamente e salario fiho / salario di luna, pero tambe e recompensanan incidental manera gratificacion, tantième y pago pa ora extra (overtime). E pagonan haci a base di Ordenansa nacional di seguro di malesa y Ordenansa nacional di seguro di accidente, tambe ta forma parti di salario. Un pago ricibi como compensacion pa terminacion di un areglo/contrato (lumpsum), un golden handshake y cesantia tambe ta salario y mester yena nan aki. Mescos ta conta pa tur otro forma di compensacion pa daño y perhuicio. Pa cesantia, lumpsum pa terminacion di un areglo/contrato y demas pago ricibi como compensacion pa entrada cu bo no lo ricibi of cu bo a ricibi, bo por bin na remarca pa un tarifa special. Na parti 28 bo por haci un peticion pa aplicacion di e tarifa special ei. Lesa mas di esaki den e aclaracion na parti 28. Si bo a termina bo areglo di pension (afkoop) y bo a uza e lumpsum ricibi di esaki pa drenta den un otro fondo di pension of pa (cumpra) un seguro di pension (lijfrenteverzekering), bo no ta paga impuesto riba e lumpsum aki. E ora ei bo no tin mester di declara e lumpsum (afkoopsom) como entrada. Si ta asina, cu na e formulario di declaracion, bo mester agrega e comprobantenan di e terminacion (afkoop) di e areglo di pension y di e compra (inkoop) di e seguro di pension (nobo) of di e deposito haci riba dje. Salario no ta solamente locual bo ta ricibi na placa, pero e por ta tambe loke bo ta ricibi den otro forma cu no ta placa ( in natura ); por ehempel ora bo ta haya un auto di e doño di trabou na bo disposicion. Si e doño di trabou no a tene cuenta cu tur bo recompensanan (tanto na placa como den forma no efectivo), bo mester menciona e partinan di salario aki ainda den bo formulario di declaracion. 6b Total di salario bruto Bo ta conta e sumanan yena na pregunta 6a hunto. Si tin mas cu 2 doño di trabou bo ta yena akinan e suma total di salario bruto. 6c Gasto di empleo: 3% maximo 5, Gasto di empleo ta wordo yama tambe gasto di profesion. Esaki ta gasto necesario cu bo a haci pa eherce bo trabou, manera uniform di enfermera, abono riba literatura di bo profesion y gasto di representacion. Ta considera cu bo a haci 3% di bo total di salario bruto na gasto. Bo por deduci 3% di bo total di salario bruto (pregunta 6b) te na un maximo di Afl. 5,-, como gasto di empleo sin cu bo tin mester di e documentonan di prueba. Ta posibel cu e gastonan real ta mas halto cu e maximo di Afl. 5,-. Den e caso ei bo por yena e suma di e gastonan real haci, semper y ora cu bo no a ricibi un compensacion di bo doño di trabou pa e gastonan aki. Bo mester pone un specificacion di e gastonan aki hunto cu e formulario di declaracion. 6d Contribucion obligatorio na fondo di pension (PF) Esaki ta e parti cu bo ta paga como empleado en coneccion cu participacion na un fondo di pension (PF) ofreci pa e doño di trabou. E suma ta menciona riba e informe di salario 26. Den caso cu tin mas doño di trabou, bo ta conta e total di e contribucionnan obligatorio di empleado na fondo di pension (PF) hunto. 6e Contribucion obligatorio na fondo di spar / fondo di necesidad (SF/VF): 5% maximo 840, Esaki ta e parti cu bo ta paga como empleado en coneccion cu participacion na un fondo di spar / fondo di necesidad ofreci pa e doño di trabou. E suma di e contribucion na e fondo(nan) (SF/VF) aki ta menciona riba e informe di salario 26. Den caso cu tin mas doño di trabou, bo ta conta e total di e contribucionnan obligatorio SF/VF hunto. E contribucionnan aki ta deducibel te un suma di 5% di bo total di salario bruto (pregunta 6b) cu un maximo di Afl. 840.

7 Ehempel: Bo tin 2 informe di salario: Informe di salario 1: Salario bruto anual 15.0, Contribucion SF/VF 750, 5% Informe di salario 2: Salario bruto anual 13.0, Contribucion SF/VF 650, 5% Total di contribucion SF/VF segun e informenan di salario 750, + 650, = 1.4, Deducibel: 840, 6f Ganashi Bo ta desconta e sumanan yena na e preguntanan 6c, 6d y 6e for di e suma yena na pregunta 6b. 6g Compensacion Manera menciona den e aclaracion na pregunta 6a, e lumpsum (afkoopsom) ricibi pa terminacion di un areglo di pension y pago ricibi en coneccion cu terminacion di empleo, ta pertenece na salario. Si bo a ricibi e lumpsum menciona of un pago en coneccion cu terminacion di empleo, bo mester marca un crus den e hoki SI ; sino bo ta marca un crus na NO. 7 Empleo den pasado (pension di trabou) Si na aña 26 bo a haya entrada en coneccion cu un empleo eherce den pasado dor di bo persona of bo casa, e ora ei bo mester declara e entradanan (pension di trabou) ricibi na e parti aki. Aki tambe bo mester declara entrada ricibi for di exterior. 7a Instancia cu a haci pago y pension (di trabou) Na INSTANCIA CU TA HACI PAGO bo ta yena e nombernan di e instancianan di cualnan bo persona y/of bo casa a ricibi entrada na aña 26. Siguientemente bo mester yena e pension bruto di cada instancia cu ta haci pago, manera e ta para den e informe di pension (di trabou) 26. Si tin mas cu 2 instancia cu ta haci pago, bo ta yena solamente e total di pension bruto na pregunta 7b. Den e caso aki bo mester pone un resumen hunto cu e formulario di declaracion. Den e resumen aki bo ta menciona e pension bruto di cada instancia cu ta haci pago. Informe di pension (di trabou) (loonopgaaf) Pa yena e parti aki sin problema bo tin mester di bo informe di pension (di trabou) 26. E informe di pension ta e resumen anual di pension di trabou cu antes tawata yama loonbelastingkaart. Akiden bo ta haya tur e datonan cu ta necesario pa yena e parti Empleo den pasado. Si bo no a ricibi e informe di pension (di trabou) 26 di e instancia cu ta haci pago, bo mester pidie pa esaki. Pension (di trabou) Entrada di empleo den pasado ta por ehempel: pension (no e pension di biehes), entrada di VUT y pension na e famianan di un fayecido (no pension di huerfano of biudo/biuda). Tambe por ta trata di un lumpsum (afkoopsom) pa terminacion di un areglo di pension. Pesei un lumpsum di pension asina tambe mester wordo yena aki. Pa e lumpsum aki bo por bin na remarca pa un tarifa special. Na parti 28 bo por haci un peticion pa aplicacion di e tarifa special aki. Lesa mas di esaki den e aclaracion na parti 28. Si bo a termina bo areglo di pension (afkoop) y bo a uza e lumpsum ricibi di esaki pa drenta den un otro fondo di pension of pa (cumpra) un seguro di pension (lijfrenteverzekering), bo no ta paga impuesto riba e lumpsum aki. E ora ei bo no tin mester di declara e lumpsum (afkoopsom) como entrada. Si ta asina cu na e formulario di declaracion, bo mester agrega e comprobantenan di e terminacion (afkoop) di e areglo di pension y di e compra (inkoop) di e seguro di pension (nobo) of di e deposito haci riba dje. 7b Total di pension bruto Bo ta conta e sumanan yena na pregunta 7a hunto. Si tin mas cu 2 instancia cu ta haci pago, bo ta yena akinan solamente e suma total di pension bruto. 7c Gasto Bo por deduci e gastonan haci for di bo total di pension bruto (pregunta 7b), manera gasto di banco ora di cobra e pension, e contribucionnan cu falta ainda na e fondo di pension y e GL Insurance di e pensionadonan di LAGO. Na e formulario di declaracion, bo mester agrega un specificacion den cual ta menciona e gastonan di cada entrada. 7d Ganashi Bo ta deduci e suma yena na pregunta 7c for di e suma yena na pregunta 7b. 7e Compensacion Manera menciona den e aclaracion na pregunta 7a, e lumpsum (afkoopsom) ricibi pa terminacion di un areglo di pension y otro pago ricibi di empleo den pasado, tambe ta pertenece na entrada. Si bo a haya un lumpsum pa terminacion di un areglo di pension, bo mester marca un crus den e hoki SI ; sino bo ta marca un crus na NO. 8 Trabou independiente ( side job ) Por papia di trabou independiente por ehempel si banda di bo ocupacionnan diario, bo a haci trabou pa un otro instancia / persona y bo a haya entrada sin cu bo ta empleado den servicio di e instancia / persona en cuestion. Ehempel: haci side-job y duna bijles despues di ora di scol. 8a Total di entrada di trabou independiente Akinan bo ta yena e total di entrada bruto ricibi pa e hende homber y/of e hende muher. Bo tin cu pone un specificacion di e entradanan di trabou independiente na e formulario di declaracion. 8b Gasto Bo por deduci e gastonan cu ta necesario pa ehecuta bo trabou, for di bo entrada (pregunta 8a). Ehempel: - Un persona cu ta cuida mata cerca diferente persona den weekend, tin mester di varios material pa haci e trabou. E gastonan di e materialnan aki ta deducibel. - Un docente cu ta duna bijles despues di ora di scol, tin mester di diferente articulo pa duna les, por ehempel material pa scirbi y papel. E gastonan aki ta deducibel. Na e formulario di declaracion, bo mester agrega un specificacion den cual ta menciona e gastonan envolvi di cada entrada.

8 8c Ganashi Bo ta desconta e suma yena na pregunta 8b for di e suma yena na pregunta 8a. 9 Ganashi di trabou 9a Ganashi di trabou Bo ta conta e sumanan yena na e preguntanan 6f, 7d y 8c hunto. 10 Negoshi E parti aki ta relaciona cu entrada di empresa. E aclaracion aki ta bai segun e preguntanan den e version cortico di e formulario di declaracion. Pesei a laga e aclaracion riba e preguntanan na e parti aki, afo. 11 Propiedad inmobil Entrada di propiedad inmobil ta tur beneficio ricibi cu no ta di operacion di un negoshi of ehercemento di un profesion e.o. beneficio di un edificio y un tereno. No ta importante riba cua derecho esaki ta basa; tanto e propietario como por ehempel e usuario di e propiedad (vruchtgebruiker) ta ricibi entrada di propiedad inmobil. Mescos ta conta pa e subhuurdo. Ehempel di entrada di propiedad inmobil ta: - entrada di huur di un cas (no e cas unda e doño ta biba), apartamento y edificio di oficina; - entrada di erfpacht; e persona cu ta ricibi e entrada aki mester paga impuesto riba dje; - entrada en coneccion cu un otro derecho real riba e propiedad inmobil manera e derecho di uzo di propiedad (vruchtgebruik). 11a Bo a ricibi entrada di propiedad inmobil? Si bo a haya entrada di propiedad inmobil, bo mester marca un crus den e hoki SI y sigui yena e parti aki; sino bo mester marca un crus na NO y bo por sigui cu parti b Bo tin mas cu 1 propiedad na huur? Si bo tin mas cu 1 propiedad inmobil na huur, bo tin cu marca un crus den e hoki SI ; sino bo tin cu marca un crus na NO. Paga tino: e propiedadnan aki por ta situa tanto na Aruba como den exterior. 11c Propiedad inmobil na Aruba Adres: akinan bo ta yena e adres di cada propiedad. Entrada (O): akinan bo ta yena e entrada di cada propiedad. Gasto (K): akinan bo ta yena e suma di e gastonan envolvi di cada propiedad, por ehempel gasto di mantencion (verf, reparacion), canon di erfpacht, impuesto di propiedad, (grondbelasting), gasto di seguro. Ganashi (Z1 y Z2): esaki ta e saldo di e entrada (O) despues di kita gasto (K). Na e formulario di declaracion, bo mester agrega un specificacion den cual ta menciona e entrada y e gastonan corespondiente di cada propiedad. Si tin mas cu 2 propiedad, bo ta yena solamente e total di ganashi na pregunta 11d. 11d Ganashi Bo ta conta e sumanan yena na Z1 y Z2 (pregunta 11c) hunto. Si tin mas cu 2 propiedad inmobil, bo ta yena akinan solamente e suma total di e ganashi. 11e Propiedad inmobil den exterior Mira e aclaracion na pregunta 11c pa yena e partinan O, K y Z. Bo tin cu tene cuenta cu di cada propiedad inmobil den exterior, e gastonan no por ta mas halto cu e entrada. Si bo a haci mas gasto cu bo a ricibi na entrada, e aña siguiente bo por deduci e parti cu a keda for di consideracion. Na e formulario di declaracion, bo mester agrega un specificacion den cual ta menciona e entrada y e gastonan corespondiente di cada propiedad. Si tin mas cu 2 propiedad inmobil, bo ta yena solamente e total di ganashi na pregunta 11f. Ehempel: Entrada di propiedad na Venezuela (O) 45.0, Gasto di mantencion (K) 6.5, Ganashi (Z3) 38.5, Entrada di propiedad na Spaña (O) 12.0, Gasto di mantencion (K) 15.0, Ganashi (Z4) 0, Debi cu e gastonan di e propiedad na Spaña ta mas halto cu e entrada, ta te otro aña bo por bo por deduci (e resto di) Afl. 3.0,- na gasto. 11f Ganashi Bo ta conta e sumanan yena na Z3 y Z4 (pregunta 11e) hunto. Si tin mas cu 2 propiedad inmobil bo ta yena akinan solamente e suma total di ganashi. 11g Total di propiedad inmobil Bo ta conta e sumanan yena na e preguntanan 11d y 11f hunto. 12 Capital mobil (cu excepcion di accion) 12a Interes di cuenta di spar na institucion di credito Akinan bo ta declara e interes cu bo a ricibi riba e cuenta di spar, buki di banco y/of time-deposit cu bo tin na un institucion di credito reconoci, manera RBTT Bank, CMB, Aruba Bank y Banco di Caribe. Tambe si bo a ricibi interes riba un cuenta di spar, buki di banco y/of time-deposit na un institucion di credito semehante den exterior, bo tin cu declara e entrada aki na Aruba. Si bo a haci gasto manera gasto di banco relaciona cu e entrada di interes, bo por deduci esaki na pregunta 12h. 12b Dispensacion di interes Interes ricibi riba cuenta di spar cu bo tin na un institucion di credito reconoci, ta exonera te un maximo di Afl. 2.5,- pa persona soltero y te un maximo di Afl. 5.0,- pa persona casa kende no ta biba separa duradero. Debi cu e parehanan casa, hunto, nan tin derecho riba e suma di Afl. 5.0,-, nan mes por stipula con nan ta dividi e suma aki. E dispensacion di interes nunca por ta mas halto cu e entradanan di interes.

9 Ehempel pa esnan soltero: ehempel 1 ehempel 2 (12a) Interes cuenta di spar 6.5, 1.8, (12b) Kita: dispensacion 2.5, 1.8, (12c) Saldo interes cuenta di spar 4.0, 0, Ehempel pa esnan casa: Bo a ricibi interes di Afl. 6.5,- riba bo buki di banco y bo señora a ricbi interes di Afl. 3.0,- riba su buki di banco. Lo por dividi e dispensacion di interes di e siguiente manera: Homber Muher (12a) Interes cuenta di spar 6.5, 3.0, (12b) Kita: dispensacion 4.0, 1.0, (12c) Saldo interes cuenta di spar 2.5, 2.0, Bo a ricibi interes di Afl. 2.5, riba bo buki di banco y bo señora a ricibi interes di Afl. 3.0, riba su buki di banco. Lo por dividi e dispensacion di interes di e siguiente manera: Homber Muher (12a) Interes cuenta di spar 2.5, 1.0, (12b) Kita: dispensacion 2.5, 1.0, (12c) Saldo interes cuenta di spar 0, 0, 12c Saldo di interes di cuenta di spar na institucion di credito Bo ta deduci e suma yena na pregunta 12b di e suma yena na pregunta 12a. 12d Demas interes Akinan bo ta declara tur otro entrada di interes, manera interes di un otro institucion cu no ta un institucion di credito reconoci manera menciona na pregunta 12h, interes di bono y interes cu bo a ricibi di fiansa duna na tercera persona. Si bo a haci gasto manera gasto di administracion relaciona cu e entradanan di interes, bo por deduci esakinan na pregunta 12h. 12e Entrada di huur Si, como persona priva, bo ta huur mercancia cu tercera persona, bo tin cu declara e entradanan akinan. Ehempel: Como persona priva bo tin un cas na huur. Si e persona cu ta huur bo cas, ta huur e mueblenan pa un cierto suma, e ora ei bo tin cu paga impuesto riba e suma cu bo a ricibi pa e huur di e mueblenan aki. E entrada di huur aki ta entrada di capital mobil. Si bo a haci gasto en coneccion cu e entrada di huur manera gasto relaciona cu cobramento y gasto administrativo, bo por deduci esakinan na pregunta 12h. 12f Demas entrada (cu excepcion di accion) Yena akinan e total di tur otro sorto di entrada di capital mobil cu no ta cai bou di un di e categorianan ariba menciona, manera entrada di: opcion, certificado di ganashi, derecho di miembrecia y e parti di ganashi di e socio comanditario. Akinan tambe bo tin cu declara e entradanan di exterior. 12g Total di entrada di capital mobil (excl. accion) Bo ta conta e sumanan yena na e preguntanan 12c, 12d, 12e y 12f hunto. 12h Gasto Pa cada entrada bo por deduci e gastonan concerni. Na e formulario di declaracion, bo tin cu pone un specificacion den cual ta menciona e gastonan di cada entrada. Mester tene cuenta cu pa cada sorto di entrada, e gastonan no por ta mas halto cu e entrada. Si bo a haci mas gasto cu bo a ricibi na entrada, den e aña siguiente bo por deduci e parti cu a keda for di consideracion. Ehempel: Bo ta ricibi Afl. 8,- na interes di bono y bo ta paga Afl. 5,- na gasto pa cobra e entrada ei. Como persona priva, bo ta ricibi alabes Afl. 1.0,- na entrada di huur relaciona cu huurmento di mueble. E gastonan en coneccion cu reparacion di mesa y stul ta suma Afl. 1.2,-. demas interes 8, entrada di huur 1.0, gasto 5, gasto 1.2, saldo 3, Saldo -/- 2, Con bo tin cu yena parti 12? (12d) Demas interes 8, (12e) Entrada di huur 1.0, (12g) Total di entrada di capital 1.8, mobil (excl. accion) (12h) Gasto 1.5,* (12i) Ganashi 3, *Esaki ta Afl. 5, + Afl. 1.0, (en bes di Afl. 1.2, ), pasobra e aña aki no por deduci (e resto di) Afl. 2,- di e gastonan relaciona cu e entrada di huur. E proximo aña bo por deduci e Afl. 2,- cu a resta aki. 12i Ganashi Bo ta deduci e suma yena na pregunta 12h di e suma yena na pregunta 12g. 13 Demas capital mobil E parti aki ta relaciona cu demas entrada di capital mobil. E aclaracion aki ta bai segun e preguntanan den e version cortico di e formulario di declaracion. Pesei a laga e aclaracion riba e preguntanan na e parti aki, afo. 14 Entrada di pago periodico Entrada di pago periodico ta pago ricibi periodicamente por ehempel mensual of pa trimester, y cu ta termina ora esun cu tin derecho riba dje of un tercera persona, fayece. Pues ta asina cu un pago ricibi den un solo biaha no ta un entrada di pago periodico. Si e entrada di pago periodico no a wordo ricibi na placa pero na articulo, e ora ei ta papia di un suministro periodico. E ora ei bo tin cu declara e balor di loke bo a ricibi na articulo. Den e parti aki bo tin cu declara tambe e pagonan periodico ricibi for di exterior. E parti aki no ta relaciona cu e entradanan di pago periodico cu ta asocia cu un empleo actual of un empleo den pasado (mira e partinan 6 y 7), manera e pension di doño di trabou. Pago periodico den seno familiar No ta cobra impuesto riba entrada di pago periodico y entrada di suministro periodico ricibi di famia den liña recto (mayor, welo, yiu, nieto etc.) y famia den e di dos grado den liña lateral (ruman homber y muher). Esaki ta conta tambe pa famia di casa den liña recto (suegro, yerno, nuera etc.) y famia di casa den e di dos grado den liña lateral

10 (swa, cuña etc.). Sinembargo bo excasa no ta pertenece na bo famia. Esaki ta nifica cu ta cobra impuesto riba e entrada di pago di alimentacion ricibi di e excasa. No ta cobra impuesto riba e entrada di pago di alimentacion ricibi pa e yiunan, pasobra e yiunan ta pertenece na bo famia den liña recto. Sinembargo si tal entrada di pago periodico ta forma e contrabalor pa un prestacion (p.e. bo ta haya pago di un famia pa trabou cu bo ta haci), e ora ei ta cobra impuesto riba dje. 14a Bo a haya entrada di pago periodico? Si bo a ricibi entrada di pago periodico of suministro periodico na aña 26, bo mester marca un crus den e hoki SI y sigui yena e parti aki. Si no t asina, bo tin cu marca un crus den e hoki NO y bo por sigui cu parti b Pension di biudo / biuda AWW = Algemene Weduwen- en Wezenverzekering (seguro general di biudo y huerfano). Pension di biudo y pension di huerfano ta un pago cu SVb di Aruba ta haci na e biudo, biuda y huerfano. Bo mester declara e entrada di un pago similar for di exterior, na pregunta 14i. Si bo a ricibi pension di biudo / pension di biuda, bo ta yena e suma akinan. Bo tin cu pidi un resumen anual na SVb y pone esaki hunto cu e formulario di declaracion. Remarke: Pension di huerfano ta entrada di e yiu y e mayor no mester yena esaki akinan. Si e yiu tin pension di huerfano, e mayor por uza e mesun set up di e preguntanan 14b, 14c, y 14d pa determina e saldo di pension di huerfano (manera na 14d). Pa pension di huerfano di un menor di edad, mira tambe e aclaracion na parti c Dispensacion di pension di biudo / biuda No ta cobra impuesto riba e pension di biudo / biuda te cu un maximo di Afl ,-. E dispensacion di e pension aki nunca por ta mas halto cu e pension mes. ehempel 1 ehempel 2 (14b) Pension di biudo / biuda , 5.482, (14c) Kita: dispensacion di pension di 6.267, 5.482, biudo / biuda (14d) Saldo di pension di biudo / biuda 5.896, 0, 14g Onderstand Esaki ta e onderstand cu bo ta ricibi di Departamento di Asunto Social. Si bo a ricibi onderstand, bo ta yena e suma akinan. Bo tin cu pidi un resumen anual na Departamento di Asunto Social y pone esaki na e formulario di declaracion. 14h Entrada di seguro di pension Entrada di seguro di pension (pension priva) ta entrada di un pago periodico fiho y regular cu ta termina ora e persona kende e pago ta depende di su bida, fayece. Si bo a ricibi entrada di un pago di seguro di pension, bo ta yena e suma akinan. 14i Demas entrada di pago periodico Demas entrada di pago y suministro periodico ta entre otro: - entrada di pago di WAO di Hulanda, - entrada di pago cu bo a negosha ora di terminacion di bo empresa, - entrada di pago periodico cu ta directamente relaciona cu terminacion di bo empresa, - entrada di pago relaciona cu entrada di trabou cu bo a perde of lo perde, - entrada di pago pa terminacion di trabou / servicio - entrada di pago pa incumplimento di trabou / servicio. Si bo a ricibi entrada di pago periodico, bo ta yena e suma total aki. 14j en 14k Total di entrada di pago periodico Bo ta conta e sumanan yena na e preguntanan 14d, 14e, 14f, 14g, 14h y 14i hunto. Yena e suma di pregunta 14j na pregunta 14k. 14l Gasto Pa cada entrada di pago periodico bo por deduci e gastonan concerni. Na e formulario di declaracion, bo mester agrega un specificacion den cual ta menciona e gastonan corespondiente na cada pago periodico. Bo tin cu tene cuenta cu e gastonan no por ta mas halto cu e entrada. Si bo a haci mas gasto cu bo a ricibi na entrada, e aña siguiente bo por deduci e parti cu a keda for di consideracion. 14m Ganashi Bo ta deduci e suma yena na pregunta 14l for di e suma yena na pregunta 14k. 14d Saldo di pension di biudo / biuda Bo ta deduci e suma yena na pregunta 14c for di e suma yena na pregunta 14b. 14e Pension di biehes AOV = Algemene Ouderdomsverzekering (seguro general di biehes). Pension di biehes ta un pago cu SVb di Aruba ta haci na e personanan di 60 aña pariba. Bo mester declara e entrada di un pago similar for di exterior, na pregunta 14i. Si bo a ricibi pension di biehes, bo ta yena e suma akinan. Bo tin cu pidi un resumen anual na SVb y pone esaki na e formulario di declaracion. 14f Alimentacion di excasa Bo por ricibi alimentacion di bo excasa of bo casa di kende bo ta separa duradero. Alimentacion por wordo ricibi tambe den forma di un suministro. Esaki ta un pago den otro forma cu placa, pues pago cu articulo. Por ehempel dunamento di un luga di biba of e huur di cas cu bo excasa ta sigui paga pa bo. Si bo a ricibi alimentacion, bo ta yena e suma aki. Ehempel: Bo ta ricibi Afl. 5.0,- na pago di alimentacion di bo excasa y bo ta paga Afl. 6.0,- na gasto di abogado. Alabes bo ta ricibi Afl. 8.0,- na entrada di pago di seguro di pension pa cual e gastonan relaciona cu e cobramento ta suma Afl. 4,-. alimentacion ricibi 5.0, seguro di pension 8.0, gasto 6.0, gasto 4, saldo -/- 1.0, saldo 7.6, Con bo tin cu yena parti 14? (14f) Alimentacion di excasa 5.0, (14h) Entrada di seguro di pension 8.0, (14j en 14k) Total di entrada di pago periodico 13.0, (14l) Gasto 5.4,* (14m) Ganashi 7.6, *Esaki ta Afl. 5.0, (na luga di Afl. 6.0, ) + Afl. 4,, pasobra e aña aki no por deduci Afl. 1.0, di e gastonan di alimentacion ricibi. Otro aña bo por deduci (e resto di) Afl. 1.0,- na gasto.

11 15 Demas entrada E parti aki ta relaciona cu diferente otro entrada. E aclaracion aki ta bai segun e preguntanan den e version cortico di e formulario di declaracion. Pesei a laga e aclaracion riba e preguntanan na e parti aki, afo. 16 Entrada bruto 16a t/m 16g Trabou te cu Demas entrada Na pregunta 16a te cu pregunta 16g bo mester yena e mesun sumanan cu bo a yena na e preguntanan 9a, 10s of 10w, 11g, 12i, 13n, 14m y 15p. creditor bo ta yena solamente e total di interes y gasto paga na pregunta 17f. Den e caso aki, na e formulario di declaracion, bo tin cu agrega un resumen den cual ta menciona e interes y e gastonan paga na cada creditor. 17f Total di interes y gasto di residencia principal Bo ta conta e sumanan yena na pregunta 17e hunto. Si tin mas cu 4 creditor bo ta yena akinan e suma total di interes y gasto. 17g Deduccion di interes y gasto di residencia principal Bo ta conta e sumanan yena na pregunta 17f (columna di homber + muher) hunto. 16h Entrada bruto Bo ta conta e sumanan yena na e preguntanan 16a te cu 16g hunto. 16i Entrada bruto di homber y muher Bo ta conta e sumanan yena na pregunta 16h (columna di homber + muher) hunto. Gasto personal E gastonan menciona na e partinan 17 te cu 23 ta bin na remarke pa deduci como gasto personal (mira parti 24). 17 Interes y gasto di fiansa di residencia principal E parti aki ta relaciona cu interes y gasto di hipoteca of otro fiansa haci pa e cas propio cu bo ta uza como residencia principal. Residencia principal kiermen: e cas na unda bo ta biba (residencia fiho). Pa fiansa cu no a wordo haci y uza pa e propiedad menciona, bo mester declara - proporcionalmente - e interes y e gastonan concerni na parti 18 Demas interes y gasto di fiansa. 17a Hipoteca of otro fiansa pa bo mes cas Si na aña 26 bo a sera un hipoteca of a haci un otro fiansa pa bo mes cas cual bo ta uza como residencia principal, bo mester marca un crus den e hoki SI y bo ta sigui cu pregunta 17b. Sino bo ta marca un crus na NO y bo por sigui cu pregunta 17c. 17b Suma principal Akinan bo ta yena e suma total di e hipoteca of otro fiansa cu bo a haci na aña 26. Pues lagando e interes y gasto afo. 17c Aumento di hipoteca of otro fiansa existente Si na aña 26 bo a hisa un hipoteca of otro fiansa existente pa bo mes cas cual bo ta uza como residencia principal, por ehempel en coneccion cu reconstruccion di bo cas, bo mester marca un crus den e hoki SI y bo ta sigui cu pregunta 17d. Sino bo ta marca un crus na NO y bo por sigui cu pregunta 17e. 17d A aumenta e suma principal cu Akinan bo ta yena e suma cu cual bo a aumenta e suma principal. Pues lagando e interes y gasto afo. 17e Creditor y interes Na CREDITOR bo ta yena e nombernan di e creditornan unda bo tin e hipoteca of fiansa. Despues, pa cada creditor, bo mester yena e suma total di interes y gasto paga. Bou gasto ta cai por ehempel gasto di notario, voorschot, seguro di risico y gasto di hipoteca. Si tin mas cu 4 18 Demas interes y gasto di fiansa E parti aki ta relaciona cu interes y gasto di fiansa, cu no a wordo uza of no a wordo uza completamente, pa bo mes cas cu bo ta uza como residencia principal. Ehempel: fiansa pa cumpra auto of aumento di hipoteca pa bai cu vacacion of pa cumpra mueble nobo. 18a Creditor y interes Na CREDITOR bo ta yena e nombernan di e creditornan unda bo a haci fiansa. Despues, pa cada creditor, bo mester yena e suma total di interes y gasto paga. Bou gasto ta cai por ehempel gasto di financiamento ( finance charges ) di tarheta di credito (no e membership fee ). Si tin mas cu 8 creditor bo ta yena solamente e total di interes y gasto paga, na pregunta 18d. Den e caso aki, na e formulario di declaracion, bo tin cu pone un resumen den cual ta menciona e interes y e gastonan paga na cada creditor. 18b en 18c Subtotal di demas interes y gasto Bo ta conta e sumanan yena na pregunta 18a, hunto y bo ta yena e suma total na pregunta 18b. Na pregunta 18c bo ta yena e mesun suma di pregunta 18b. 18d Total di demas interes y gasto Bo ta conta e suma yena na pregunta 18c y e sumanan yena na e creditornan nr. 5 te cu nr. 8 hunto. Si tin mas cu 8 creditor bo ta yena akinan solamente e suma total di interes y gasto. 18e Deduccion di demas interes y gasto Bo ta conta e sumanan yena na pregunta 18d (columna di homber + muher) hunto. E suma maximo cu bo por yena akinan ta Afl. 5.0,-. Den caso cu e total di demas interes y gasto di fiansa suma por ehempel Afl. 5.0,-, bo por deduci solamente e suma maximo di Afl. 5.0,-. 19 Prima di AOV/AWW Na e parti aki ta haci un distincion entre e empleadonan y e personanan independiente. Empleado Bo ta wordo considera como empleado si bo ta den servicio di un doño di trabou y bo ta ricibi salario. E pago di prima di AOV/AWW cu bo doño di trabou ta haci pa bo (werkgeversbijdrage) no ta bin na remarca pa deduccion.

12 Persona independiente Bo ta wordo considera e.o. como persona independiente si bo no ta traha den servicio di un doño di trabou. Como asegurado, naturalmente bo tambe tin cu paga prima riba entrada cu no ta procedente di empleo. Den caso cu bo a paga riba un cobransa provisional of definitivo di prima, bo por deduci e prima cu bo a paga como persona independiente. Pensionado Si bo a ricibi entrada di pension (di trabou), for di cual e instancia cu ta haci pago a retene e prima di AOV/AWW (por ehempel pension di Algemeen Pensioenfonds Aruba), bo tambe por deduci e prima reteni como pensionado. E pago di prima cu e instancia cu ta haci pago, a haci pa bo, sinembargo no ta bin na remarca pa deduccion. 19a Contribucion di empleado 26 reteni Bo ta tuma bo contribucion di empleado (werknemersbijdrage) di AOV/AWW for di e informe di salario 26. Te fin di aña 24 e informe di salario tawata yama loonbelastingkaart. Si bo tin mas doño di trabou, bo ta conta e total di bo constribucionnan di AOV/AWW hunto segun bo informenan di salario 26, y bo ta yena e suma total akinan. 19b Total di contribucion di empleado 26 reteni Bo ta conta e sumanan yena na pregunta 19a (columna di homber + muher) hunto. E suma maximo cu bo por yena akinan ta Afl ,-. 19c Prima 26 paga Akinan bo ta yena e total di e sumanan paga den aña 26, riba e cobransa (provisional) di prima di AOV/AWW 26. Alabes bo ta yena akinan, e contribucion propio di prima reteni for di bo pension. E contribucion aki ta pues e prima cu bo mes a paga. E suma paga Ora ta papia di e cobransa di prima, no ta trata di e suma di e cobransa, pero di e sumanan cu realmente a wordo paga na Ontvanger riba e cobransa. Por mira esaki entre otro riba e recibonan di Ontvanger y riba e informenan ( statements ) di banco den caso cu e pago a sosode via banco. Tambe si Ontvanger a desconta un suma di e cobransa di prima for di bo restitucion, bo por deduci e sumanan desconta (verrekend) aki como pago riba e cobransa di prima. Bo ta haci e deduccion den e aña cu esaki a sosode. 19d Total di prima 26 paga Bo ta conta e sumanan yena na pregunta 19c (columna di homber + muher) hunto. E suma maximo cu bo por yena akinan ta Afl ,-. 19e Cobransa di prima di e añanan anterior paga na aña 26 Akinan bo ta yena e sumanan paga den aña 26 riba cobransa di prima di AOV/AWW di e añanan prome cu 26. Aki no ta trata di e suma di e cobransa, pero di e sumanan cu realmente a wordo paga na Ontvanger riba e cobransa di prima. Mira tambe e aclaracion na pregunta 19c na Prima 26 paga. 19f Total di cobransa di prima di e añanan anterior paga na aña 26 Bo ta conta e sumanan yena na pregunta 19e (columna di homber + muher) hunto. Ehempel: Segun e informenan di salario 26 di bo persona y bo casa, e contribucion di empleado reteni na prima di AOV/AWW ta lo siguiente: e contribucion di empleado di e homber ta Afl. 1.5,- y e contribucion di empleado di e señora ta Afl. 8,-. Na aña 26 bo a paga Afl. 1.5,- riba e cobransa di prima di AOV/AWW 23 y Afl. 1.0,- riba e cobransa di prima di AOV/AWW 24. Con bo mester yena parti 19? HOMBER MUHER (19a) Contribucion di empleado 26 reteni 1.5, 8, (19b) Total di contribucion di empleado 2.046,* 26 reteni (19c) Prima 26 paga 0, 0, (19d) Total di prima 26 paga 0, (19e) Cobransa di prima di e añanan 2.5,** 0, anterior paga na aña 26 (19f) Total di cobransa di prima di e 2.5, añanan anterior paga na aña 26 (19g) Deduccion di prima di AOV/AWW 4.546, * E total di contribucion di empleado (columna di homber + di muher) ta suma 1.5,- + 8,- = 2.3,-. E suma maximo deducibel ta 2.046,-. ** 1.5, + 1.0, = 2.5,. 20 Prima di AZV Na e parti aki ta haci un distincion entre e empleadonan y e personanan independiente. Empleado Bo ta wordo considera como empleado si bo ta den servicio di un doño di trabou y bo ta ricibi salario. E pago di prima di AZV cu bo doño di trabou ta haci pa bo (werkgeversbijdrage) no ta bin na remarca pa deduccion. Persona independiente Bo ta wordo considera e.o. como persona independiente si bo no ta traha den servicio di un doño di trabou. Como asegurado, naturalmente bo tambe tin cu paga prima riba entrada cu no ta procedente di empleo. Den caso cu bo a paga riba un cobransa provisional of definitivo di prima, bo por deduci e prima cu bo a paga como persona independiente. Pensionado Si bo a ricibi entrada di pension (di trabou), for di cual e instancia cu ta haci pago a retene e prima di AZV (por ehempel pension di Algemeen Pensioenfonds Aruba), bo tambe por deduci e prima reteni como pensionado. E pago di prima cu e instancia cu ta haci pago a haci pa bo, sinembargo no ta bin na remarca pa deduccion. Mescos ta conta pa e personanan cu ta haya pension di biehes di SVb. Pues e prima di AZV cu SVb ta paga pa bo, no ta deducibel. 20a Contribucion di empleado 26 reteni Bo ta tuma bo contribucion di empleado (werknemersbijdrage) di AZV for di e informe di salario 26. Te fin di aña 24 e informe di salario tawata yama loonbelastingkaart. Si bo tin mas doño di trabou, bo ta conta e total di bo constribucionnan di AZV hunto segun bo informenan di salario 26, y bo ta yena e suma total akinan. 19g Deduccion di prima di AOV/AWW Bo ta conta e sumanan yena na e preguntanan 19b, 19d y 19f hunto.