"OBRADOIROS DE INGLÉS PARA O TURISMO RURAL, TERMAL E HOSTALEIRO

Transcripción

1 "OBRADOIROS DE INGLÉS PARA O TURISMO RURAL, TERMAL E HOSTALEIRO A Deputación de Pontevedra, a través do Servizo de Cohesión Social e Xuventude, promove e organiza actividades destinadas á xuventude. A liña de acción que se presenta, "Obradoiros de inglés para o turismo rural, termal e hostaleiro", céntrase na formación en linguas estranxeiras. Diríxese, en xeral, a todas as persoas maiores de 16 anos que desexen complementar a súa formación no sector do turismo, do termalismo e da hostalería, e, en particular, a todas aquelas persoas vinculadas ou con orientación profesional nese ámbito que pretendan desenvolver no futuro ou estean a desempeñar actualmente o seu labor profesional e teñan interese en mellorar as súas destrezas lingüísticas no sector. O obxectivo desta formación especializada é capacitar o alumnado para o emprego de termos, expresións e funcións comunicativas concretas relacionadas coas actividades laborais diarias propias nun establecemento rural, hostaleiro ou termal situado nos municipios da Estrada, Tui e Mondariz-Balneario. 1. Características dos obradoiros O obxecto desta convocatoria é poñer en marcha tres obradoiros especializados en lingua inglesa, de 10 horas presenciais cada un, en horario de mañá ou de tarde, que se desenvolverán nas seguintes localidades: 1. A Estrada, obradoiro para o turismo rural 19 e 20 de setembro, de 9:30 a 15:00 h Museo do Moble e da Madeira. Avenida Benito Vigo, 92, baixo. A Estrada

2 2. Mondariz-Balneario, obradoiro para o termalismo 21 e 22 de setembro, de 15:30 a 21:00 h Salón Palacios do Balneario de Mondariz. Avda. Enrique Peinador Vela, s/n, Mondariz- Balneario 3. Tui, obradoiro para a restauración 26 e 27 de setembro, de 9:30 a 15:00 h Centro de formación do Concello de Tui. Alvelos, 1, Guillarei, estrada Tui-Vigo, km 4 1. Requisitos das persoas participantes 1. Ter entre 16 e 35 anos, ambos os dous incluídos 2. Estar empadroadas nalgún concello da provincia de Pontevedra 3. Ter coñecementos mínimos de inglés nivel A2 do Marco Común Europeo de Referencia para as Linguas. Deberá ser acreditado achegando un certificado obtido nos últimos tres anos (certificado do Centro de Linguas universitario nivel A2, nivel básico 2 da Escola Oficial de Idiomas, KET Cambridge ou equivalente). No caso de non dispor desta acreditación (nivel A2) poderán ser beneficiarias dos obradoiros, sempre e cando superen a proba de nivel que o Centro de Linguas da Fundación Universidade de Vigo realizará antes do inicio do obradoiro. Lugar e data de realización da proba: 4. Salón de actos do Edificio Administrativo da Deputación de Pontevedra (avenida Montero Ríos, s/n) 7 de setembro, ás 12:00 h 1. Presentación de solicitudes As solicitudes presentaranse mediante formulario impreso, que estará a disposición das persoas interesadas na Oficina de Información ao Cidadán da Deputación en Pontevedra, na súa oficina de Vigo e na páxina web da institución provincial. Coa solicitude achegarase a seguinte documentación:

3 1. Fotocopia do DNI 2. Volante de empadroamento 3. Certificado acreditativo do nivel A2 obtido nos últimos tres anos A non presentación deste certificado suporá a realización da proba de nivel, e non presentarse a esta proba será motivo de exclusión directa. No caso de superar a proba de nivel sen opción a praza por aforo completo no obradoiro elixido, e querer optar a algunha praza dos restantes obradoiros, non será preciso repetila. No impreso poderanse solicitar varias localidades para realizar a acción formativa e marcaranse por orde de prioridade. De saír seleccionado ou seleccionada só se poderá realizar un obradoiro. A persoa solicitante declarará que son certos os datos achegados. No caso de detectarse algunha falsidade a solicitude causará baixa automaticamente. 1. Lugar de presentación As solicitudes e a documentación requirida poderán presentarse no Rexistro xeral do organismo provincial ou en calquera das oficinas de rexistro da Deputación. As solicitudes poderanse presentar tamén por calquera dos procedementos establecidos no artigo 38.4 da Lei 3/92, de 26 de novembro, de réxime xurídico das administracións públicas e do procedemento administrativo común, excepto por correo electrónico. As solicitudes presentadas fóra dos rexistros da Deputación de Pontevedra deberán comunicárselle ao Servizo de Cohesión Social e Xuventude, remitindo copia do documento coa dilixencia ou selo de presentación ao enderezo de correo

4 electrónico por fax (número ) ou telegrama, sempre no mesmo día e antes de que remate o prazo sinalado. As instancias que non cumpran estes requisitos non serán admitidas se teñen entrada no Rexistro xeral da Deputación fóra do prazo de presentación de solicitudes. 2. Prazo de presentación O prazo para a presentación de solicitudes é do 6 ao 30 de agosto, ambos os dous incluídos. 3. Relación de persoas admitidas A través dunha resolución da presidenta da Deputación aprobarase a relación de persoas admitidas en cada obradoiro, unha vez rematado o prazo de solicitude e concluída a proba de nivel para aquelas persoas que non acreditasen o nivel A2, que se publicará en Así mesmo, publicarase na web a lista das persoas non admitidas, xunto coas causas da súa exclusión. 4. Número de prazas O número máximo de prazas é de 12 por obradoiro. Para a súa realización, cada obradoiro deberá contar, como mínimo, con 10 alumnos ou alumnas. 5. Adxudicación das prazas As prazas adxudicaranse por rigorosa orde de inscrición.teranse en conta tanto a data de rexistro coma o concello seleccionado para a realización do obradoiro

5 (sempre e cando se cumpran todos os requisitos esixidos, incluída a acreditación do nivel A2 ou, no seu defecto, a superación da proba de nivel correspondente). A lista final de admitidas e admitidos publicarase en e notificaráselles ás persoas participantes seleccionadas por correo electrónico ou chamada telefónica. A praza adxudicada será intransferible. 6. Condicións do programa Os cursos serán integramente subvencionados pola Deputación de Pontevedra. O certificado de asistencia só se lle entregará a aquel alumnado que asista, como mínimo, ao 80 % da carga horaria do obradoiro.