ANUNCIO. O cometido funcional do posto versará sobre as tarefas propias da praza, consistentes na realización de funcións auxiliares administrativas.

Transcripción

1 ANUNCIO De conformidade co acordo adoptado pola Xunta de Goberno Local, en sesión ordinaria celebrada o día 4 de febreiro de 2016, fanse públicas as bases para a selección dunha persoa auxiliar administrativo. 1º. OBXECTO DA CONVOCATORIA. Esta convocatoria ten por obxecto a aprobación da convocatoria e da regulación do proceso para a contratación laboral de duración determinada, a tempo completo dunha persoa auxiliar administrativo na modalidade de contrato de interinidade durante o proceso de incapacidade temporal do titular da praza. O cometido funcional do posto versará sobre as tarefas propias da praza, consistentes na realización de funcións auxiliares administrativas. Tamén deberá realizar aquelas outras tarefas que lle poidan ser encomendadas polos órganos municipais competentes ou polo seu superior xerárquico para a satisfacción das necesidades propias do Concello. 2º. SISTEMA DE SELECCIÓN. O sistema de selección será de concurso-oposición, que se valorará de acordo co baremo establecido no punto 6 destas bases. 3º. REQUISITOS DAS PERSOAS ASPIRANTES. 3.1 Para poder formar parte do proceso, será necesario que os/as aspirantes reúnan, na data de finalización do prazo de presentación de instancias, os seguintes requisitos:

2 a) Ter a nacionalidade española, sen prexuízo do disposto no artigo 57 da Lei 7/2007 do 13 de abril do estatuto básico do empregado público. b) Ter cumpridos os 16 anos de idade e non superar a idade máxima de xubilación. c) Non padecer enfermidade nin estar afectado por limitación física ou psíquica que sexa incompatible co desempeño das correspondentes funcións. d) Non ter sido separado do servizo de ningunha Administración Pública en virtude de expediente disciplinario nin atoparse inhabilitado, por sentenza firme, para o exercicio de funcións públicas. f) Estar en posesión do título de graduado en educación secundaria obrigatoria, formación profesional de primeiro grao, equivalente ou superior Todos os requisitos esixidos no apartado anterior deberán posuílos os/as aspirantes no día de remate do prazo para a presentación de solicitudes e conservalos, polo menos, ata a data do seu nomeamento como persoal laboral temporal, no seu caso. 4º. ADMISIÓN DE PERSOAS ASPIRANTES. Os/as aspirantes deberán presentar a solicitude para participar no proceso selectivo no rexistro do Concello de Muros declarando cumprir todos os requisitos establecidos no punto anterior, ademais da seguinte documentación: -DNI -Documentación xustificativa da titulación esixida no punto anterior -Se é o caso, documentación acreditativa dos méritos. A experiencia laboral acreditarase mediante copia do contrato de traballo ou equivalente e vida laboral. Non se admitirá máis documentación que a presentada con anterioridade á data límite de presentación de solicitudes.

3 A solicitude tamén se poderá presentar por calquera outro medio establecido no artigo 38.4 da Lei 30/1992 de procedemento administrativo, neste caso é preciso remitir o mesmo día ao Fax: copia da solicitude. O prazo para a presentación de solicitude rematará o vindeiro día 18 de febreiro de A presentación da solicitude supón o coñecemento e aceptación expresa do contido destas bases. 5º. ADMISIÓN DE PERSOAS ASPIRANTES. Rematado o prazo de presentación de instancias, a Alcaldía ditará resolución aprobando a listaxe provisional de persoas admitidas e excluídas, que se publicará no taboleiro de edictos do Concello e na páxina web do Concello de Muros. As persoas aspirantes excluídas provisionalmente disporán dun prazo de tres días hábiles para emendar os erros que motivaron a súa exclusión. Transcorrido dito prazo, farase pública, polos medios antes indicados, a listaxe definitiva de persoas aspirantes admitidas, que será aprobada por resolución da Alcaldía. No caso de non haber reclamacións esta lista provisional entenderase definitiva. 6.-PROCEDEMENTO SELECTIVO. 6.1 As persoas aspirantes serán convocadas para cada exercicio en chamamento único, mediante anuncio na páxina web e no taboleiro de anuncios do Concello, quedando decaídos/as no seu dereito os/as opositores/as que non compareceran a realizalo, salvo os casos debidamente xustificados e apreciados discrecionalmente polo Tribunal. 6.2 Os/as aspirantes deberán presentarse para a realización de cada exercicio provistos do DNI, ou documento fidedigno acreditativo da súa personalidade a xuízo do Tribunal, así como dos medios materiais adecuados e necesarios para

4 a práctica dos mesmos. En calquera momento o Tribunal poderá requirir aos/ás opositores/as para que acrediten a súa identidade. 6.3 O procedemento selectivo será o de concurso-oposición, podendo os/as aspirantes acadar ata un máximo de 23 puntos, e que se desenvolvera como se detalla a continuación: A. Fase de oposición: a) Primeiro exercicio: Consistirá na contestación por escrito, nun tempo máximo dunha hora, dun cuestionario tipo test de 20 preguntas relacionadas co programa anexo ás bases. Este exercicio ten carácter obrigatorio e eliminatorio e a súa puntuación máxima será de 10 puntos, debendo os/as aspirantes obter un mínimo de 5 puntos para superalo. As preguntas contestadas correctamente puntuarán 0,5 puntos, mentres que as erradas restarán a puntuación en 0,1 punto. b) Segundo exercicio: Consistirá na tradución dun texto do castelán ao galego e outro do galego ao castelán nun tempo máximo de trinta minutos Este exercicio ten carácter obrigatorio e non eliminatorio e a puntuación máxima será de tres puntos. De conformidade co establecido no art da Lei 2/2015, do 29 de abril, do emprego público de Galicia, estarán exentos da realización deste exame os/as aspirantes que acrediten a posesión do certificado Celga 3, ou documento equivalente, aos que se lle outorgarán 3 puntos. O Tribunal poderá dispor a lectura dos exercicios polas persoas aspirantes e formular, unha vez rematada esta, preguntas sobre o contido dos exercicios ou solicitar aclaracións.

5 6.4 Unicamente se publicarán as cualificacións dos/as aspirantes que superaron cada proba, o que se fará mediante anuncio no taboleiro e na páxina web do Concello de Muros, dispoñendo a persoa candidata un prazo de dous días hábiles para presentar as reclamacións que consideren oportunas. B.- Fase de concurso de méritos: Rematada a fase de oposición realizarase a fase do concurso. Esta permitirá acadar ata un máximo de 10 puntos e serán obxecto de avaliación os seguintes méritos: a) Experiencia profesional: a.1.- Por servizos prestados en postos de auxiliar administrativo ou similar categoría na Administración Local: 0,3 puntos por mes de servizo; a.2.- Por servizos prestados en postos de auxiliar administrativo ou similar categoría noutras Administracións Públicas ou no sector privado: 0,1 puntos por mes de servizo; A puntuación máxima outorgable polo concepto Experiencia profesional será de 7,5 puntos. b) Formación: Cursos relacionados coa actividade a desenvolver no posto de traballo, impartidos pola Administración Pública, entidades dependentes dela ou homologadas. 2.a) Graos universitarios: 0, 70 puntos. 2.b) Bacharelato ou FP segundo grao: 0,60 puntos. 2.c) Máster: 0,50 puntos. 2.d) Cursos de máis de 200 horas: 0,40 puntos. 2.e) Cursos de 100 a 200 horas: 0,30 puntos. 2.f) Cursos de 50 a 99 horas: 0,20 puntos.

6 2.g) Cursos, de 10 a 49 horas: 0,10 puntos 2.h) Xornadas, etc. nos que non figure o número de horas: 0,05 puntos. A puntuación máxima outorgable polo concepto Formación será de 2,5 puntos. 6.5 No caso de existir empate na puntuación final dos/as aspirantes, establécese, con carácter supletorio, e como criterio de prioridade a obtención da nota máis alta no primeiro exercicio de oposición e, de ser preciso, nos sucesivos segundo a orde establecida nestas bases. Se continúa o empate, optarase pola persoa aspirante de maior idade. 6.6 O Tribunal publicarán todos os acordos na páxina web e no taboleiro de edictos do Concello de Muros 7º. COMPOSICIÓN DO TRIBUNAL. O Tribunal das probas selectivas será designado consonte ao que dispoñen os artigos 60 do RD Lexislativo 5/2015, do 30 e outubro da Lei do Estatuto básico do empregado público e do artigo 59 da Lei 2/2015, do 29 de abril, do emprego público de Galicia O Tribunal estará composto por: PRESIDENTE: José Manuel Mayo Priegue; suplente: Francisco Cernadas Lado SECRETARIA: Eva Tajes Pérez; suplente: Remedios Lamela Lema VOGAL: Rosa Monteagudo Rey; suplente: Inés Tajes Grille O Tribunal resultante non poderá constituírse e actuar sen a presenza, cando menos, da maioría simple dos seus membros, debendo estar sempre presente o/a secretario/a. Así mesmo, estes membros deberán absterse cando concorra algunha das causas previstas no artigo 29 da Lei 30/92, podendo os/as aspirantes, recusar aos membros do mesmo cando se dea algunha das circunstancias previstas no artigo 28 da citada lei.

7 8º. RESOLUCIÓN. Concluído o proceso selectivo, o Tribunal publicará as puntuacións acadadas por cada un das persoas aspirantes no taboleiro de anuncios do Concello. Esta virá dada pola suma das puntuacións obtidas no conxunto dos exercicios, e se é o caso, dos méritos do concurso. Así mesmo, elevará a indicada listaxe ao órgano competente xunto cunha proposta de contratación do/a aspirante que acadase a maior puntuación. Non obstante, aos efectos de garantir a provisión das prazas convocadas, cando se produzan renuncias antes do nomeamento ou da formalización do contrato laboral, o Tribunal confeccionará unha relación complementaria por orde de puntuación coas restantes persoas aspirantes que superaron o proceso selectivo. Coa relación complementaria de persoas aspirantes aprobadas constituirase unha bolsa de traballo que poderá empregarse para a cobertura de prazas de auxiliar administrativo. Esta bolsa manterá a súa vixencia ata que se aprobe outra bolsa de traballo das mesmas características. A comunicación da selección do/a candidato/a realizarase telefonicamente, deixando constancia do resultado do chamamento polo/a traballador/a que a realiza. Se o/a candidato/a rexeita a contratación cederá 5 postos na lista, agás que este rexeite sexa por estar de baixa médica, en tal caso deberá acreditalo por escrito e manterase no posto da lista ata o remate da baixa. Cada candidato/a que remate o seu contrato volverán ao posto que tiñan na lista. O chamamento farase sempre empezado pola primeira persoa candidata dispoñible na lista.

8 9º. INCIDENCIAS. O Tribunal queda facultado para resolver cantas dúbidas e incidencias poidan xurdir no desenvolvemento deste proceso selectivo e en todo o non previsto nas bases, así como para a interpretación destas. 10. NORMATIVA APLICABLE O proceso selectivo rexerase polo establecido nas presentes bases. Para o non previsto nelas, será de aplicación a Lexislación vixente. 11. RECURSOS. Contra esta resolución, que pon fin á vía administrativa, poderase interpor, con carácter potestativo, recurso de reposición no prazo dun mes perante o propio órgano que a ditou, ou ben recurso contencioso-administrativo no prazo de dous meses perante o Xulgado do Contencioso-Administrativo da Coruña. Os anteditos prazos contaranse desde o día seguinte á publicación da resolución. Se se interpón o recurso de reposición, non se poderá acudir ao contencioso administrativo ata que o Concello resolva expresamente o primeiro ou se produza a súa desestimación presunta. O prazo de que dispón o Concello para ditar e notificar a resolución do recurso de reposición será o de un mes contado desde a presentación do recurso. Unha vez transcorrido ese tempo sen que se ditase e notificase a resolución, vostede pode entender desestimado o recurso de reposición para os efectos de interpoñer o contencioso administrativo. Todo iso sen prexuízo de calquera outro recurso ou acción que xulgue oportuno.

9 ANEXO I. TEMARIO 1. A Constitución española de Estrutura e principios xerais. O tribunal constitucional. A reforma da Constitución. 2. Dereitos e deberes fundamentais dos españois, a súa garantía e suspensión. 3. O Estatuto de autonomía de Galicia. Estrutura. O título preliminar. 4. O municipio: conceptos e elementos. O termo municipal. A poboación. Especial referencia ao empadroamento. A organización municipal. Competencias dos concellos. Réxime xeral das eleccións locais. 5. O procedemento administrativo. Concepto, clases. As fases do procedemento. O silencio administrativo. 6. O acto administrativo. Concepto, clases e elementos. Motivación e notificación. 7. Eficacia dos actos administrativos. Execución forzosa. Suspensión. Validez e invalidez do acto administrativo. 8. Revisión dos actos administrativos. Revisión de oficio. Os recursos administrativos: principios xerais. O recurso de alzada. O recurso potestativo de reposición. O recurso extraordinario de revisión. 9. O Concello de Muros. Xeografía. Organización territorial e toponimia.