Programa educativo e d u c A N D O

Transcripción

1 Programa educativo e d u c A N D O

2

3 Presentamos a nosa proposta educativa, que abrangue desde Educación Infantil ata Bacharelato. Esta oferta vese limitada nestes momentos por mor do peche temporal dos edificios Castro Monteagudo e García Flórez. Programa educativo

4 INFORMACIÓN E NORMAS PARA A VISITA O acceso ao Museo de Pontevedra e os servizos do Gabinete Didáctico son de balde. Para concertar a visita é preciso contactar co Gabinete Didáctico, cunha marxe mínima de 24 horas, en: - gabinetedidactico.museo@depo.es ext (de luns a venres de 8:30h a 14:30h) Para facer a reserva deberán indicarse os seguintes datos: - Nome do centro. - Data e hora solicitada. - Modalidade de visita. - Número de alumnos e alumnas. - Nome e teléfono de contacto do profesor ou profesora responsable. Lugar de encontro: recepción do Sexto Edificio ((rúa Padre Sarmiento, 3) Prégase que durante o tempo da visita estéa sempre presente un profesor ou profesora por grupo. Para acceder ao Museo de Pontevedra é preciso deixar nos carros habilitados para este uso: - Mochilas. - Bolsos. - Bolsas. - Paraugas. - Alimentos e bebidas. O material didáctico preciso para a realización dalgunhas das visitas será entregado polos educadores do Museo de Pontevedra ao inicio das mesmas. Os profesores e profesoras responsables do grupo poderán realizar fotografías durante a visita pero sen flash nin trípode nin pau de selfie. O Museo de Pontevedra non se responsabiliza do uso que se faga desas imaxes. Os centro escolares da provincia de Pontevedra poden acollerse ao programa de axudas Coñece o Museo de Pontevedra. Máis información no seguinte enlace: 4

5 ONDE ESTAMOS 1 - Ruínas de San Domingos - Riestra s/n. 2 - Fernández López (área administrativa e de investigación) - Pasantería Castro Monteagudo (pechado por reformas) - Pasantería García Flórez (pechado por reformas) - Sarmiento Sarmiento - Sarmiento Sexto - Padre Amoedo 3. Av enida de Buenos Aires Malvar Ar cebispo Isab el II Sarm iento Padre Amoedo Praza de España Praza da Ferrería 2 3 Cobián Roffignac 1 Mic hele na 5

6

7 7 INFANTIL - PRIMARIA pensarte Infantil (de 4 a 5 anos) Duración 60 minutos Os nenos e nenas realizan unha serie de actividades a partir da observación directa dunha selección de obras de arte contemporánea. Algúns dos aspectos que se traballan son: a expresión das emocións a través das cores, as formas xeométricas, o espazo, o desenvolvemento da imaxinación e a exposición oral das ideas. Da paleta ao lenzo 1º e 2º de Primaria Duración 75 minutos Visita dinamizada que pretende achegar aos nenos e nenas a arte da pintura, desde o instrumental tradicional do pintor, ata o recoñecemento dalgúns xéneros como a paixase, o bodegón ou o retrato, e moi especialmente a que aprendan a ollar dunha maneira detida para descubriren por si mesmos: cores, texturas, figuras...

8 8 De nómades a sedentarios 3º e 4º Primaria Percorrido polas salas dedicadas á prehistoria e historia antiga de Galicia, na que se incide no fenomeno do megalitismo, nos castros e na aparición da escritura. Unha viaxe polo retrato do século XIX 3º e 4º Primaria Duración 75 minutos Actividade con ficha didáctica onde nos achegamos ao xénero do retrato e a súa importancia na historia da arte: quen se retrataba, por que, tipos de retratos, técnicas ou autores.

9 9 Detectives da arte 3º e 4º Primaria Duración 75 minutos Xogo de busca e observación onde os nenos e nenas, a partir dunha selección de obras de artistas galegos, profundan no valor da abstracción, da expresión a través das cores e das texturas, da importancia da visión persoal e única de cada espectador e da evolución dos xéneros e as técnicas. Seguindo as pegadas dos nosos antepasados 5º e 6º Primaria Percorrido con ficha didáctica que permite que os alumnos e alumnas coñezan, a partir dos restos arqueolóxicos, algúns dos aspectos máis relevantes do noso pasado: as ferramentas líticas máis antigas de Galicia, importantes pezas de ourivería, petróglifos, obxectos de uso doméstico ou monumentos epigráficos romanos, entre outros.

10 10 O meu Castelao 5º e 6º Primaria 25 alumnos máximo Visita con material didáctico onde os nenos e nenas van descubrindo dunha forma autónoma a vida e obra do ilustre galego, así como a súa especial relación con Pontevedra e o Museo. Música na arte 5º e 6º Primaria Percorrido con material didáctico que relaciona a música coa pintura para que a partir dunha selección de obras nas que esta aparece como elemento da composición, os nenos e nenas a vivan dunha forma diferente.

11 11 Trazos da arte contemporánea 5º e 6º Primaria Actividade de busca que pretende mostrar aos nenos e nenas que hai outra maneira de crear, sentir e gozar a arte ademais da forma tradicional. Familiarízanse con algúns dos trazos da arte do século XX e XXI: a subxectividade das cores, a síntese das formas, a deformidade, a abstracción, as novas técnicas, etc. As Ruínas de San Domingos 5º e 6º Primaria Visita guiada polos restos do antigo convento dominico da cidade, o máis destacado exemplo da arquitectura mendicante galega do que perviviu a súa cabeceira de cinco ábsidas, permitindo unha achega á historia e a arte medieval.

12 ESO - BACHARELATO Do Paleolítico á Romanización Duración 75 minutos 1º ESO Percorrido polas salas dedicadas á prehistoria e historia antiga de Galicia con apoio de material didáctico. Partindo de vestixios datados no Paleolítico inferior, os rapaces e rapazas irán descubrindo os cambios que foron acontecendo ao longo da prehistoria galega ata chegar ao proceso de romanización, e por ende, ao comezo da historia coa chegada da escritura. 12 Que hai tras as imaxes? 2º e 3º ESO A partires desta pregunta os alumnos e alumnas atoparán resposta sobre o valor iconográfico das obras de arte doutras épocas. Tamén descubrirán a conexión que moitas delas seguen a manter coas iconas actuais e co seu medio de expresión: por que hai imaxes que portan atributos representativos? Poden darse varias lecturas dunha mesma obra?

13 13 Música na arte ESO Percorrido con material didáctico que relaciona a música coa pintura para que a partir dunha selección de obras nas que esta aparece como elemento da composición, os rapaces e rapazas a vivan dunha forma diferente, traballando sobre cuestións diversas da teoría e da historia musical. Castelao no Museo de Pontevedra 4º ESO - Bacharelato 25 alumnos máximo Visita con material didáctico onde os alumnos e alumnas descubrirán, dunha forma autónoma e a partir da observación directa da obra de Castelao e da reflexión persoal, algunhas das facetas máis destacadas do pensamento e da arte do xenial artista.

14 14 A romanización do mundo castrexo ESO - Bacharelato Visita na que se fai especial fincapé naqueles aspectos definidores da cultura castrexa que foron mudando no proceso de adaptación á cultura romana: hábitat, administración territorial, lingua, novos produtos, explotacións, relixión, epigrafía... As Ruínas de San Domingos ESO - Bacharelato Visita guiada polos restos do antigo convento dominico da cidade, o máis destacado exemplo da arquitectura mendicante galega do que perviviu a súa cabeceira de cinco ábsidas, permitindo unha achega á historia e a arte medieval.

15

16